رواية أحفاد الشيخ علي – الفصل السابع عشر
بَعد ذاك الموادَع گَلبي بي غَصة
أريد أعرُف الليل ويَامن تخَلصة .
________________§§§______________________________________________
سمرة:: ما اريد اگعد وياك ولا اشوف خلقتك
باوعت عليه و لمحت خاتم بأصبعة وباوعت بوجهه بصدمة
سمرة:: خطبتها؟
احمد:: سمرة
سمره:: خطبتهاااا؟
احمد:: اي
باوعت عليه وضحكت و هو مستغرب من ضحكتي ورفع حاجبه واردف….
احمد:: شبيچ؟
سمرة:: هههه اني ضليت انتضرك اربع سنوات و هي بشهر خطبتها
احمد:: السالفه ما چانت بيدي
سمرة:: ولو حتى چانت بيدك ما چنت سويتها لانك مو رجال
احمد:: سمرة كافي ترى سكتت الچ هواي و اني متحمل و ساكت على تجاوزچ الي
سمره:: و الك وجه وره كل هذا تحچي؟
احمد:: شنو قصدچ؟
سمرة:: ما غزر بيك كلشي سويته علمودك ربي يحاسب على عشرة ساعه و احنه صارلنه مو ساعه وساعتين احنه صارلنه سنين باچر من تشوف ربك شنو تگلة؟
سكت و نزل راسه و ما حچه شي
سمرة:: لهنا كلشي أنتهى بعد ما اريد اشوف خلقتك الزفرة وحسبي الله ونعم الوكيل وان شاء الله حوبتي دمرك يارب
ما حچه شي و ضل ساكت ضحكت
سمرة:: هههه حقك تسكت
عفته و مشيت و اني جاي اتصنع القوة و ما چنت اريد ابين ضعفي بس عيوني نملت دموع واحس اريد اوگع جاي امشي و احس جسمي صار ثگيل على رجليه مجاي يگدرن يشيلنه و گلبي يدگ بسرعه
ضليت امشي الما وصلت مقاعد و گعدت و باوعت على اديه يرجفن و صفنت شويه
و ما احس و دموعي ينزلن و گمت ابچي
و اشهگ و لزمت گلبي يوجعني حيل
سمرة:: اوفف ربي ليش يصير وياي هيچ اوفف
ضليت ابچي ما اعرف شنو اسوي و اني احس غصه بلعومي مجاي تطلع تعبانه حيل ضليت ابجي و اشهگ و گمت بالگوة اريد اروح للمغاسل اغسل و اطلع للبيت بالگوة امشي الما وصلت المغاسل غسلت و گعدت طلعت مرايه من جنطتي و باوعت على وجهي مبين باچيه مسحت المي و المكياج و گمت ادور على عمر لحضات و شفته واگف ويه طالب يحچي وياه انتبه عليه باوعلي و مبين استأذن من الطالب و اجاني
عمر:: شبيچ؟
حچيت بالگوة و لازمه دمعتي
سمرة:: اريد ارجع للبيت
باوع عليه بصدمه من حالتي و رفع حاجبه
عمر:: احچيلي شبيچ؟
سمرة:: اريد ارجع للبيت
عمر:: ما ترجعين الما تحچيلي شبيچ
سمرة:: عم…
عمر:: اشش ولا كلمه تعالي وراي
مشه و مشيت وراه الما وصلنه مقعد
عمر:: اگعدي هنا
سمرة:: اريد ارجع للبيت
عمر:: گعدي نتفاهم ورجعچ
سمرة:: تمام
گعدت و هو راح استغربت لان راح و عافني شويه و رجع و بيده بطل مي و كيكه و عصير رفع ايده و انطاني الكيكه و العصير
عمر:: هاچ
سمرة:: ما اريد
عمر:: اكلي لا تشلعين گلبي
اخذتهن منه و بقيت ساكته گعد يمي و اخذ الكيكه مني وفتحها الي و انطانياها
عمر:: اكلي يلا
اكلت شويه و هو بقى يباوع عليه
عمر:: شبيچ سمرة منو وياچ احچيلي
باوعت عليه و دموعي گامن ينزلن
عمر:: احچيلي بويه منو وياچ؟
سمرة:: ماكو شي بس تعبانه
عمر:: اول مره اشوف واحد تعبان يبچي هلگد
سمرة:: اريد ارجع للبيت
عمر:: اذا ما تحچيلي ما ترجعين يبقى بالي يمچ و گلبي مشلوع
گمت ابچي
عمر:: كافي بويه تبچين و احچيلي منو وياچ احد حچه شي ضوجچ؟
سمرة:: لا
عمر:: احد تحرش بيچ؟
سمرة:: شحدهم
عمر:: احچيلي
بقيت ساكته و ابچي
گام من مكانه وگف گدامي و نزل على ركبه َو باوع عليه
عمر:: سمرة لا تشلعين گلبي عليچ احچيلي بويه وعد ما احچي لأحد ثقي بيه
سمرة:: والله ما تحچي لأحد؟
عمر:: والله
سمرة:: اني احب واحد وياي من ايام الاعداديه و دخلنه نفس الكيله
عمر:: يعني وياچ نفس الكلية
و نفس القسم؟
سمرة:: لا غير قسم
عمر:: اي سوالچ شي؟
سمرة:: خطب
حچيتها و گمت ابچي اكثر و اكثر
عمر:: هو لو چان يحبچ ما چان خله وحده تاخذ مكانچ
سمرة:: عمر اني احبه ليش سوه بيَّ هيچ؟؟
عمر:: ما يعرف قيمتچ
سمره:: حبيته و ثقيت بيه
عمر::واحد كلب وابن ****
سمره:: ولك لا يوم ولا يومين اربع سنوات انطيته من عمري
عمر:: لو يعرف قيمتچ ما چان خلاچ تنتضرين هلگد
سمرة:: و هسة خلاني ابچي
عمر:: لو يحبچ ما چان خله هل عيون الحلوه تبچي
سمرة:: عمر تعبانه اني
عمر:: كون التعب بيَّ ولا بيچ
بقيت احچي و ابچي و ما چنت منتبه لكلشي يگوله
سمرة:: اني احبه ليش هيچ يحرگ گلبي؟
عمر:: ما عاش الي يحرگ گلبچ
سمره:: اني مو حلوة هيَّ بشنو احسن مني؟
عمر:: بحياتي ما شفت بنيه احلى منچ
سمرة:: لعد ليش خاني و شاف وحده غيري؟
عمر:: اهدي هسه و مسحي دموعچ كافي بويه
فتحلي البطل و مديت ايدي صبلي مي و غسلت وجهي و انمسح كل المكياج
عمر:: يمه فدوه شلون وجه حلو لو عندي وجهچ ما چان حطيت مكياج
ضحكني و اني ابچي
سمرة:: هههه
عمر:: بويهة شنو هل ضحكة
سمرة:: ههههه
عمر:: يلا بويه گومي اوصلچ للبيت لو تكملين الدوام؟
سمرة:: لا ما اگدر اكمل الدوام اريد ارجع للبيت ارتاح
عمر:: تمام
……….
في مكان اخر::
حور
زهراء:: هاذي اختچ اشو ما جت؟
حور:: اني شدغاني
زهراء:: هو انتي شغلتچ مثل الاطرش بالزفهه امداچ و امدة حضي
حور:: غبي صبغك
تقربت عليه زهراء واردفت….
زهراء:: اممم رايحه لبيت نور؟
حور:: انتي صايغة مو غاحة
زهراء:: ما عندچ سالفه… اليوم باليل اجي عليچ نگعد نحچي و نسوي سهرة و نقهر نور
حور:: امدة حضي
زهراء:: انچبي يلاا
فاتت المدرسه وسكتنه وبدأ الدرس
………
في مكان آخر::
گعدت على رنه الجهاز حطيت أيدي جوه المخده و اني بالگوة احركها من النعس طلعتة و باوعت على الساعه بل 9 ونص
نور:: اوفف شعندي… وقته ياربي
گمت من مكاني و امشي على كيف من التعب
باوعت على وجهي بالمرايه
نور:: فدوة للهه توي گاعده من النوم و اخبل
نزلت جوه و فتت على المطبخ گاعده ماما جواهر وعمه مروه يتريگين
نور:: صباح الخير
جواهر ، مروة :: صباح النور
كملن اكل و گاعدات يحچن و اني رحت للسنگ غسلت وجهي و گعدت وياهن
جواهر:: ولج انتي ما تعرفيها سبحان ربي الخالقها شايله جمال
مروه:: خما راح تطلگ خطيه
كعدت الف لفات جبن و اكل و اسمع علومهن
جواهر:: ولچ ذني بنات عمه يعشگنه و خطيه تاهماتها بشرفها
نور:: منو؟
جواهر:: وحده تصير صديقتي ولچ خطيه شنو من بنيه عاقله و اخلاق و جمال و خطيه بنات عم رجلها تاهماتها
نور:: بعرضها؟
جواهر:: اي والله سوده عليه نوب عدها بنات ثنين شايلات جمال سبحان رب الخالقهن حيل حلوات بقن بيد خوات رجلها يگطعن الگلب
نور:: و رجلها شلون صدگ حچيهن؟
جواهر:: هو ماخذها عن حب و حيل يريدها و يحبها بس هنه تهمنها وراحت لأهلها و دز ناس و شيوخ عليها و اهلها ما يقبلون يرجعونها
نور:: احسن تا ما تضل گاعده بنص هل حيايه
مروة:: ولچ خطيه بناتها عماتهن لاعبات بيهن طوبه امچن نهبت امچن مشت و عافتچن امچن ما تريدچن و امچن كح** و امچن مو شريفه ويكتلن بيهن
نور:: يمه سوده عليه شهل اهل ذوله يابويه ان شاء الله ترجع و تطلع بيت وحده و تنحل سالفه
جواهر:: ان شاء الله
سمعنه الباب الخارجي ينفتح و ينسد فاتت سمره للمطبخ وجها احمر و مبين عليها باچيه گامت مروة من مكانها من شافتها
مروة:: شنو صاير وياچ؟
سمرة:: ما صاير شي بس تعاركت ويه صديقتي و انقهرت
مروة:: متاكدة؟
سمرة:: اي
جتي لسنگ و غسلت وجها اني ما اقتنعت بحچيها كملت تغسيل و طلعت لغرفتها گمت من مكاني على غرفتها فتت و شفتها گاعده على الچربايه تبچي
نور:: سمرة؟؟
ما ردت و زادت بچي فتت و سديت الباب و رحت بسرعه گعدت گدامها امسح بدموعها و احچي وياها و بس تبچي تقربت عليها و حضنتها
سمرة:: ولچ ليش يصير وياي هيچ ما سويت شي غلط ولا اذيت احد تعبت اني تعبت
نور:: يبعد عمري انتي بس اهدي
سمرة:: ولچ اخذته الي ما بچت عليه ولا صلت و دعت ولچ اخذته راح الها راححح
من حچت هيچ جمدت بمكاني و معد اعرف شنو احچي
نور:: شنو صاير يروحي انتي؟
وخرت عنها و باوعت عليه و بدت تشهگ وتبچي
سمرة:: ولچ احمد…احمد خطببب
اني انصدمت من حچيها
نور:: لا والله؟؟
حچت بصوت عالي و بحه بصوتها و بحرگه
سمرة:: اي والله الله ينعله حسبي الله ونعم الوكيل ان شاء الله الله يحرگ گلبه مثل ما حرگ گلبي ولچ نور گلبي يوجعني
نور:: يبعد عمري انتي سودة عليه كون الوجع بيه ولا بيج
تحچي بحرگه و تبچي و تشهگ اني ما تحملت حچيها حضنتها و گمت ابچي وياها
سمرة:: جاي اموت والله جاي اموت
مسحت على شعرها…
نور:: اسم الله عليچ يبعد عمري
سمرة:: نور شنو الي ناقصني حتى عافني وراح الها؟؟
نور:: ما ناقصچ شي يبعد عمري ولچ هو مو زلمه
سمره:: عشت عمري و اني افكر و اگول هو هذا الي راح اكمل حياتي وياه وهسه عافني و كمل حياته
و اني بقيت وحيده
نور:: كلنه يمچ انتي مو وحدچ
گامت تبچي اكثر و تحچي بحرگة و مبين تريد تصيح و تكسر كلشي الي حواليها بس بقت ساكته و خايفه
سمرة:: نور گلبي محترگ
نور:: اشش
خليتها تتمدد على فراشها بلكت ترتاح بس بعدها تبچي و حضنت المخده و بقت تبچي و تشهگ
و تحچي
سمرة:: بنيت احلامي كلها وياه ولچ جيته و اني جاهل عمري 16 سنه و هسه عافني و راح يزوج غيري ولچ شنو من نفس عنده بغيري و اني استحي حتى اباوع على غيره
مسحت على شعرها
نور:: والله ما يستاهل كل دمعه بچيتيها علمودة اروحلچ فدوه كافي ابوس عيونچ الحلوه
سمرة:: نور اني جاي احترگ والله جاي احترگ ليش هيچ ما سويت شي غلط تا اتحمل هيچ گلبي ما يتحمل ما اگدر بدونه والله
نور:: تگدرين والله تگدرين كافي حبيبتي انتي
سمره:: جاي اموت اوفف ياربي
نور:: اسم الله عليچ يبعد عمري انتي
بقت تبچي وتحچي و هيَّ حاضنه المخده مره تحط راسها بالمخده و تبچي و تشهگ و مره توخرها و تبچي و تحچيلي و بقت على هل حاله ساعه الما تعبت و نامت
……….
في مكان اخر::
حور
كملنه دروس و طلعت من المدرسه و شفت عمر ينتضرني رحت اله و صعدت و مبين حيل ضايج
حور:: شبيك؟
عمر:: مابيه شي سلامتچ
حور:: ما مبين هيچ ما تحچي تغى صاغ هواي انتَ ضايج و مو على بعضك ما تحچي شبيك؟
حچه بصوت عالي و هو يباوعلي بنضرات كلها عصبيه من مرايه السياره
عمر:: لاا تلحينن گتلچ مابيه شي
سكتت و ما حچيت شي الما وصلنه البيت نزلت من السياره و سديت الباب قوي
عمر:: استغفر الله
فتت للبيت و ما حچيت شي و رحت لغرفتي ركض شمرت جنطتي بالگاع و تمددت على فراشي
حور:: نعل عليكم واحد واحد هوه مو صوچك صوچ الي يسألك خلگ الله كلها صايغة مو خوش
اتصلت على زهراء
زهراء:: ها عمي ما لحگنه نشتاگ
حور:: ضايجه
زهراء:: امشي اكلي و انطمري
حور:: اگلج؟
زهراء:: گولي
حور:: انتي تغيدين تصيغين دكتوغة؟
زهراء:: لا اريد اصير ثوره
حور:: شني
ما ردت علية و سدت الاتصال بوجهي
حور::هوه كلها صايغة ضدي بقت عليچ
………
في مكان اخر::
سارة:: حمزة؟
حمزة:: عيون حمزة
سارة:: اذا ما صار عدنه جهال شلون
حمزة:: مو مهم حبيبي انتي بنتي ما اريد جهال اني
سارة:: ترى ادري بيك تحچي هل حچي تا ما انقهر ماكو واحد ما يريد جهال
گمت من مكاني وفتحت الباب و طلعت و شفت نمارق واگفه گبال الغرفه
سارة:: شتريدين واگفه هنا
نمارق:: منو وياچ انتي چنت اريد اروح للحمام
سارة:: الحمام صاير منا و اني مادري؟
نمارق:: و هسة شتريدين؟
سارة:: سلامتچ
نمارق:: هههه ها يلعقيم ما لگيتي حل لمشكتلچ؟
سكتت من حچت هيچ و حسيتها هزت گلبي و حيل انقهرت
نمارق:: سودة عليه حمزة حارمته من هل جهال مدري عليمن مبقيچ اذا انتي لا خلقه ولا اخلاق عليمن يحبچ ما ادري بس خلفله على السحورة
ساره:: ههههه ما يحتاج من الله مسحور بيه السحوره خليتها الچ و لامچ
عفتها و مشيت و كلامها يهز بگلبي حيل من وره حچيها فتت للمطبخ و شفت نجلاء و مروة و جواهر گاعدات
سارة:: صباح الخير
جواهر ، مروة:: صباح النور
نجلاء:: اجتي الي نايمه للضهاري
ساره:: الشغل كله كملته بليل بقه الغده على عمه مروه و عمه جواهر
جواهر:: نجلاء عوفيها خطيه كملت شغلها بليل
نجلاء:: ماكو خبر شي لو تبقين هيچ عقيم
بالبيت محد چان يحچي وياي بهل موضوع بس نجلاء و نمارق
نجلاء:: لو حمزة سامع كلامي و متزوج نمارق چان هسه عنده خمس جهال اربعه منها يخبلون بس عافها واخذ هاي يستاهل هسه عايش بدون ضنه
سكتت ما رديت على حچيها
مروة:: كافي نجلاء لو يسمعچ حازم اله يكتلچ عيب تحچين هل حچي
نجلاء:: هههههه
سارة:: شبيچ انتي و بنتچ ذبن بسمچن هاي لان بنتچ عانس محد اخذها لان كلهم يعرفون شرها و سمها منو يدخل بيته حيه
احترگت من حچيت هيچ و اجتي تركض تريد تكتلني و لزمتها عمه مروه
مروة:: سارة روحي لغرفتچ
سارة:: تمام
طلعت و اني اتمايل تا اضغطها بعد و هيَّ ماتت من الغيره عفتها و رحت لغرفتي فتت و لگيت حمزة متمدد
ساره::…….
________________§§§______________________________________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.