رواية أحفاد الشيخ علي – الفصل الثامن عشر
ضلي يمي انه اريدج
ضلي يمي وجهج ينسيني
همي شكلج يذكرني بأهلي
صوتج باليل من اسمعه
چن بچي عند راس امي
خلي اشوفج ماشبعت
من امي شوف روحي
يمها بيتنا ضلت تطوف
هيَ غربه وليله صعبه
وجيت المشتاگ خوف
________________§§§______________________________________________
سارة:: اوف اوف
حمزة:: وجهچ ما يبشر بالخير شكو شنو صاير؟
سارة:: رجعت عمتك و بنتها يحچون بنفس الموضوع
حمزة:: تعالي يمي
عدل گعدته و جيت گعدت يمه و گضب ايدي
حمزة:: سارة تعرفين شگد احبچ و اريد راحتچ شنو رأيچ نعزل؟
انصدمت من حچيه لأن اول مرة يحچي بهل موضوع و يعرف كلش زين محد راح يقبل و اولهم عمي حازم
سارة:: تعرف هل شي مستحيل
حمزة:: ما اريد احد يضوجچ اذا انتي ما مرتاحه اني ما مرتاح احچي ويه عمي حازم قبل ما قبل نعزل لأن اعرف عمه نجلاء راح تبقه ذبلچ سمها هيه و نمارق
سارة:: ياريت نعزل هيج يصير عدنه بيت وحدنه والله حلو
حمزة:: ههههه ولچ مو تدللين صار اول ما يقبل عمي حازم اطلع اشوف بيت و اشتريه و نأثثه على ذوقچ
سارة:: صدگگ والله؟
حمزة:: اي والله شعندي غيرچ اني؟
سارة:: الزمننيي ولكك الزمنيي
حمزة:: ههههه ليش؟
سارة:: راحح اطير من الفرحههه
گمت من مكاني و جيت عليه بسرعه بسته بوسه قويه من خده
حمزة:: اوففف هههه عسل وربي هسه ماكو بوسه بس من خدي؟
سارة:: ههه انچب شبيك
حمزة:: هيه شني مرتي و حلالي و گاعدين بغرفتنه هسه من چنه مرتبطين حارمتني و من تزوجنه هم حارمتني
سارة:: هههه يا چذاب ايمت حرمتك
حمزة:: ههههه
گام من مكانه و لبس دشداشته تا يروح لصلاة الضهر كمل و اجه باسني من خدي و طلع و اني فرحانه حيللل تمددت و گعدت على الجهاز اگلب بيه
………
في مكان آخر::
سديم
طلعت من الغرفه و اني اجر بروحي فتت للمطبخ جاي يجهزون الغده و يصبون
سديم:: صباح الخير
نجلاء:: اخر مرة اشوفچ نايمه لهسع يولي چان استحيتي كلها گاعده تتراكض و بس انتي مگضيتها نوم ما عليچ عتب تنبل مال نوم يرادلچ تربيه من جديد
جواهر:: شبيچ عيني عوفيها نايمة احنه وحدنه نگدر شبينه كلها بغرفها و حتى نمارق لحد هسع نايمه
سديم:: هيه ما عدها بس سديم اطلع قهرها بيها نمارق نبي محد يحچي وياها
اجتي عليه تريد تكتلني لو ما عمه مروه تلزمها
نجلاء:: ولچ بنت الچلـ* صاير عندچ لسان و ما تخافين طالع لسانچ عبالچ يامن بضهرچ ولچ لو مو يامن اله اشرب دمچ ياله ارتاح
عفتها و رجعت لغرفتي و اني ميته قهر لان هيه امي ما اگدر احچي وياها و ما ادري ليش تفرق بيني و بين نمارق تكرهني و تحبها اكثر مني و معاملتها تختلف ويه نمارق و دائماً و اگفه بصفها
………
في مكان اخر::
نور
نامت سمرة و گمت طلعت من الغرفه و اشوف تراث گدامي
تراث:: شبيها سمرة؟
نور:: سلامتك مابيها شي
تراث:: اريد احچي وياچ بموضوع
نور:: هسة؟
تراث:: عجل ايمت؟
نور:: هنا؟
تراث:: عجل فوگ السطح شبيچ بوية؟
نور:: شنو موضوعك؟
تراث:: دحگي هل موضوع صار من زمان اريد احچي وياچ بيَّ
نور:: اي؟
تراث:: تعالي
نور:: وين؟؟
تراث:: لغرفتي
نور:: بابا شبيك تخبلت بالله هسه احد شافنه؟
تراث:: شحده الي يفك حلگه ويجيب سيرتچ
نور:: تمام
طلع لغرفته و اني مشيت وراه الما فتت سديت الباب بقيت واگفه يم الباب و هو گعد على الچربايه
تراث:: دحگي نور
نور:: اي؟
تراث:: ابوچ يريد يرجع لـ****
انصدمت من حچيه و باوعت عليه بنضرات استغراب
نور:: هو گالك؟
تراث:: اي هو گالي و صديقه هشام يرجع وياه
نور:: ليش يرجعون؟
تراث:: كل شغلهم هناك لازم يرجعون
نور:: و المطلوب؟
تراث:: اني حچيت ويه عمي وليد و گلتله اعقد عليچ
انصدمت من حچيه و تقربت عليه و رفعت اصبعي بوجهه
نور:: تراث دير بالك ثم دير بالك ترجع تحچي بهل موضوع لو تفكر بيه تحلم اصير الك مرة اني افتهمت
گام من مكانة و باوع عليه
تراث:: نور لا چفصين و احچي عدل
نور:: شتريد تسوي اذا حچيت
گعد و استغفر وحك جبهته و اردف…..
تراث:: دحگي نور هل شغله راح تصير غصب عنچ مو برضاتچ اول شي ابوچ رايح و اني ناهي عليچ اتفقنه اعقد عليچ ونترك سالفه النهوة
نور:: تحلم
تراث:: نتفق اتفاق؟
نور:: شنو هو؟
تراث:: نعقد و اول ما تكملين سادس اذا ردتي اطلكچ اطلكچ شوفي نور ابوچ رايح و هنا ناس كلها سم اريد تصيرين مكتوبه بأسمي لحتى محد يگدر يجي يمچ ولا يجيب اسمچ بأي سالفه
نور:: افكر بالموضوع و اردلك خبر
تراث:: انتضرچ بلـ 11 بليل لان حضري نفسچ باچر لو عگبه نروح نعقد
نور:: ترى بعد ما رديتلك خبر شكو مستعجل؟
تراث:: محد مستعجل على راحتچ
نور:: لا تباوعلي هيچ
تراث:: يارب صبر ايوب يارب
نور:: اي والله كون صبر بگد الدنيا حتى اگدر اتحملك
ما سمعت ردة عفته و فتحت الباب و طلعت شفت نمارق گدام الباب مبينه چانت تتنسط علينه باوعت عليه و اردفت….
نمارق:: ههه شعندچ بغرفه تراث؟
نور:: شعليچ؟
نمارق:: حالچ حال سديم ثوله يشبعون بيچن و يشمروچن و ياخذون شريفات مو بنات شوارع
نور:: اكلي خرا وجه النعال شهل غيرة و الحقد الي شايلته ولچ اول مرة اشوف وحدة شايلة حقد و غيرة و غل على اختها ولچ المفروض تصيرين سند الها مو ضدها
نمارق:: محد يصير سند للگحـ**
انصدمت من حچت هيچ وما عرفت شنو ارد عليها
نمارق:: الي تشمر نفسها على واحد تحبه اختها هاي اكبر گحـ** ما تستاهل واحد يسندها
نور:: خليها ابالچ و ترچيه بأذنچ محد راح يدمرچ غير حقدچ و كرهچ و انانيتچ هاي
مشيت و عفتها واگفه بمكانها و اني گلبي ينبض بسرعه طلعت للمطبخ صبو الاكل شافتني ماما جواهر
جواهر:: نور السفره اخذيها ومديها بسرعة
اخذت السفره و رحت للاستقبال چانو كلهم گاعدين بيَّ و باوعت على ابويه و مديت السفره اريد احچي وياه بس مجاي الگه مكان مناسب مديتها و طلعت للمطبخ گمت اساعدهم و اجتي نمارق و سديم و ساره شالو الاكل وياي و گعدنه ناكل بس هل مرة مو مثل كل مره كلهم ساكتين محد حچه تحسهم كل واحد ضايع بأفكارة
………
في مكان اخر::
علي:: هذا شبي ابنكم صاير مستچلب ما يتحاچة؟
حور:: كلها استچلبت بقت عليَّ
علي:: ترى صارلة هواي بس اليوم فد مرة
هشام: شنو صاير؟
علي:: يتعارك من وحده تمالخ وياي اليوم راد يكتلني اله شويه
حور:: اوف لو كاتلك كون هيچ مكسغ عضامك
ايلين:: عوفو خطيه يجوز مضغوط من الجامعه
حور:: عمي كلها مضغوطه بس لا يطلع قهغة بينه هاي مو حاله
هشام:: ههههه
علي:: هاي شبيها متخبله
هشام:: اشو حورتي صايرة حليوة
حور:: هههه صدگگ
علي:: الله يعلم شنو تحط لوجها؟
حور:: من اللهه خلقه و اخلاق
علي:: صحيح صدگتچ حيل
حور:: اشش مضغوط كون نزوجكم و نخلص منكم و من همكم
علي:: خطيه گاعدين على گلبها
حور:: اي والله
هشام:: ههههه
………
في مكان اخر::
نور
اخذت من الاكل و طلعت لغرفه سمرة فتحت الباب و فتت و شفتها گاعدة و لازمه الجهاز
نور:: جبت غده للحلو
سمره:: ما اريد
حطيت الصينيه بالگاع و جيت يمها و شفتها گاعدة تگلب بصور الها و لأحمد و عيونها مغورگه بالدموع
نور:: يعني راح تبقين هيچ؟
سمرة:: نور عوفيني اريد ابقى وحدي
نور:: سمرة بس نحچي شويه؟
سمرة:: حبابه عوفيني اريد ابقى وحدي
نور:: تاكلين؟
سمرة:: اي
عفتها و طلعت لغرفتي و تمددت على الچربايه و گعدت افكر بالي گاله تراث
نور:: ما اريد شي يربطني بيه وره الي سواه و انوب نمارق هاي الحيه فد لزكت عليه وهو كل شويه ناداني على سالفه
طلعت جهازي و دزيت رساله لابوي
نور:: بابا وين انت گاعد؟
شويه و سمعت رنة رسالة باوعت و طلع ابوي راد عليه
وليد:: “بالغرفة”
نور:: “جايتك”
دزلي اوكي صمايل مدري شبي كل سالفه دازلي هذا گمت من مكاني و طلعت من الغرفه وگفت يم غرفته ودگيت الباب
وليد:: فوتي وليدي
فتحت الباب و فتت و سديته گاعد على الچربايه و يباوع عليه
وليد:: تعالي نور
جيت و گعدت يمه
نور:: گالي تراث تريد ترجع لـ****
وليد:: اي وليدي تعرفين كل شغلي هناك
نور:: و تعوفني وحدي هنا؟
وليد:: انتي مو وحدچ وياچ سمرة و جواهر و عمتچ مروه و عمامچ و اخوانچ و اهم شي تراث امنته عليچ دام هو بضهرچ ما ينخاف عليچ بويه
نور:: خما تتأخر
وليد:: حسب شغلي وليدي
شويه و ندگ الباب و فاتت ماما جواهر
جواهر:: هههه ها نويره هنا
نور:: اي ماما جواهر جيت احچي ويه ابوي علمود سالفة روحته
جواهر:: گلتله بس هو مٌصر على الروحه
وليد:: تعرفين السالفة مو بيدي شغل وليدي
نور:: تمام بابا الله يوفقك يارب و يرزقك
جواهر:: امين يارب
حط ايده وره راسي و گرب شفته على جبهتي و باسني من راسي
باوعت عليه و ضحكت گمت من مكاني و اردفت…
نور:: يلاا عيني اخذو راحتكم
جواهر:: هههه
طلعت من الغرفه و اني حايره شنو اسوي طلعت و اني ما ابالي بس سمرة ما اعرف شنو اسوي او شلون اطلعها من الحاله الي هيه بيها طلعت للاستقبال و شفت سديم گاعدة و وياها ساره جيت و گعدت وياهن
نور:: بنات سمرة ضايجة وما اعرف شلون اطلعها من هل حاله
سديم:: السبب من احمد؟
انصدمت من الي حچته واردفت
نور:: يا احمد؟
سارة:: خيه نعرف بكلشي و احنه گاعدات نشوف حل
سديم:: شنو رأيچن نطلع سوه لمكان هيچ حلو و مرتب اليوم باليل بس احنه طلعت بنات هم نغير جو هم بلكت تطلع من الي هيه بيه
سارة:: ما اعتقد لأن يحتاجلها وقت هواي ياله تگدر تنسى وتتخطى
نور:: حسبي الله عليه يمه دمرها ولچن ما شفتن دموعها و بچيها من شفتها هيچ گبل بچيت
سديم:: هاهيه معد بيها مجال بالليل نطلع و ناخذها غصب عنها و نطلع نغير جو و نتونس
سارة:: اتفقنهه عمي
نور:: بناتت اريد اگللكم شغله
سديم:: احچي شكو شبيچ انتي الثانية؟
نور:: تراث يريد يعقد عليه
عبالي ينصدمن بس وحده باوعت على الثانيه و ضحكن
نور:: هاي شبيچن
سديم:: ندري بويه هيه مبينه الشغله
سارة:: اي والله صحيح
نور:: ما اعرف شسوي؟
سارة:: وافقي حبي تراث خوش تراث
نور:: صدگ سديم شنو سالفه نمارق ويه يامن تگول انو هيه تحبه ما اعرف شنو
نزلت راسها سديم و اردفت….
سديم:: شوفي خيه السالفة انو هيَّ چانت تحب يامن و يامن يحبني و اني احبه من چنه صغار محد چان يدري و من درت گامت تحقد عليه هيَّ و امي و يكرهني حيل و كل كلمه و الثانيه يذبن سم عليه
نور:: ترى السالفة مو ذنبچ شهل اخت الحيه هاي
و امچ همات
سارة:: نمارق مثل التكسي من واحد لواحد چان يامن و هسع تحوص وره حمزه كل سالفه و تگلي انتي عقيم حارمته من الجهال و هيَّ و امها يحچن و يذبن بسمهن عليه
نور:: خلي يولن يمعودة طز بيهن من قهرهن و غيرتهن و حرتهن الحياتتت
سديم:: اي والله
نور:: هسه باعن حور تجي ويانه هيه و زهراء اعرفچن عليها حيل تونس و تضحك و عود نخلي لو سجاد لو عراق يوصلنه لفد مطعم او حديقه
سديم:: خلي نروح لحديقه و ناخذ ويانه نمنميات مكان هيچ حلو و هدوء تا نگدر نسولف و نحچي هيچ احسن والله مو مال مطعم
سارة:: هاهيه خيه الي تردي يصير
سديم:: هههه چنچ يامن كل شغله يگلي صار الي تردي يصير هههه
نور:: بويه هذا اخوي شگد طلع رومنسي لعد
سارة::اي ولچ بس يمنه لسانه وصخ و يفشر و متوحش و كلها تخاف منه بس يم سديم اليف
بين عليها الخجل و خدودها صارن حمر و الضحكة راح تشگ حلگها
سديم:: هههه انچبن لا تحچن هيچ عليَّ
نور:: اوي عيني ما تنطي بيهه
سديم:: طبعاً طبعاً
نور:: شايفه من تزوجون اصير اخت رجلچ الحيهه و اشوفچ نجوم الضهر
سديم:: هههه على گولتهم انتي متخوفين چلبي
سارة:: هههههه
رفعت اديه و غميتهن
نور:: امداچن اي والله
………
في مكان اخر::
سجاد
سجاد:: شنو شعورك و انتَ مزوج؟
حمزة:: انتَ شعليك؟
سجاد:: اريددد ازوججج زوجونييي
حمزة:: وجع الي يطگك
تراث:: انتَ وجهك مال زواج؟
سجاد:: غير اموتت اخبلل اطگ طگگ مو ولد صاروخ
حمزة:: مال الوجع الي يطگك اي والله
سجاد:: اريدد ازوججج
حمزة:: مال الصرع اي والله
تراث:: اني راح ازوج و اصير مزوج مثل حمزة و انتَ تضل وحدك
سجاد:: شنوووو تشاقهه؟
تراث:: والله راح اعقد على نور ان شاء الله
اردف حمزة بكل هدوء….
حمزة:: ان شاء الله خويه
باوعت عليه بصدمه
سجاد:: شنوووو تشاقههه مو انوب دحگ الهدوء ولكك هذا حمزة يدري بيك و اني مادري خرا بهيچ عشرة
حمزه:: مال الصرع اي والله فضحتنه كافي تصيح اذني راحت
سجاد:: شني يزوججج و يعوفنييي مااا اقبلل مستحيل
تراث:: شني طالب الزواج منك تا ما تقبل
حمزة:: هذا سجاد طالب تزاوج اكثر من البزونه
تراث:: لا طالب تزاوج اكثر من طالب العلم
حمزة:: هههه قويهه
سجادد:: شنووو هذاا والله ميصير على يا اساس تراث تزوجو و اني لا
حمزه:: يول اثول گالك عقد بس عقد مو زواج
تراث:: عوفه راح يتخبل
سجاد:: لا معد بيها مجال اليوم الا ازوج
طلعت جهازي من جيبي و اتصلت على عمي حازم و فتحت سبيكر
سجاد:: الوو
حازم:: هلا وليدي
سجاد:: تدري هذا ابن اخوك راح يعقد على نور؟
حازم:: اي وليدي ادري
سجاد:: لعد على يا اساس تقبل تزوجه و اني لا
سكت عمي حازم و شويه و اشوفه سد الاتصال بوجهي
ضحك حمزة بصوت عالي و اردف….
حمزة:: هههههه يولل مو هچچچ
سجاد:: متأكدين اني ابنكم؟
تراث:: لا لگيناك بحاويه مال زباله
………
في مكان اخر::
سمره
احس نفسي تعبانه و مخنوگه و حتى نفسي مسدوده من كلشي لا اطلع من الغرفه و حتى الجامعه معد اروح الها حابسه نفسي بالغرفه و حتى اكل ما اكل شويه و سمعت باب الغرفه ينفتح باوعت و فاتت نور و سديم و ساره من شفتهن انداريت للجهه الثانيه و اني احس نفسي ميته تعب
نور:: كافي عادد ترى زوتيها حيلل لعبت نفسي من حالتچ
ما احس اله و سديم جرت البطانيه مني و بقيت بمكاني ما تحركت گضبتني سديم و گعدتني
سديم:: كافي عاد لا هسه اطلع قهري بيچ انچبي عاد كافي
نور:: ولچچ هو معصعص وجهه يخوف و حتى فلوس ما عنده و كل هذا سويتي من وراه لعد لو حلو و عنده فلوس چان شسويتي؟
سارة::يلاااا عيني گوممييي نتحضر عدنهه طلععهه يله بسرعهه
سمرة::……..
________________§§§_______________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.