رواية أحفاد الشيخ علي – الفصل الثاني والثلاثون
روايـــه احفـاد الشــيخ علي
الكاتـبه:: تقـى اللهيبي
هواي أحلام أجن بعدك
بس لليوم حلمك واگف بعيني
النار العايشه بصدري ما تنخمد
اذا مو أنتَ بمتونك تطفيني
شگد احلام ورديه ردتها وياك
لاكن ما عرفت شلون تحويني
بنات تصويت للبارت وتعليق حلو مثلكم حتى استمر ومتابعه للحساب مضل شي وندخل الف متابع🔥.
________________§§§______________________________________________
نور::
شلت جنطتي وطلعت بره وكلها تتوسل ابقه بس نجلاء ونمارق طلعت من البيت وصعدت بالسياره ونفجرت وكمت ابجي وعلي يحجي وياحاول يفهم شبيه ويريد بس يسكت بيه واني بس ابجي
علي::نور بس كليلي شبيج منو وياج؟
واني يزيد البجي مالتي كلما يحجي كلمه وهوه خطيه تخبل وحار وياي وشويه وكف السياره ونزل اني جنت صاعده ليوره وهوه الي يسوق نزل وفتح الباب
علي::نزلي بويه نزلي
نور::ماريد
علي::احيبلج مي؟
نور::ماريد شي بس اريد اصل البيت
ابجي وصيح عليه وهوه يفرك بشاربه ويباوع عليه وحار عافني وراح على الاسواق الي وكف يمها وجابلي مي خلاني غصب عني اغسل وجهي ومسح دموعي واني ابجي ونطاني كلينس
علي::حجيلي من وياج؟
نور::محد
علي::تبجين واخوج عايش لعد تفو على هيج اخ
من سمعت حجيه ضحكت عليه وجان يكعد على الرصيف واني فاتحه السياره وكاعده وصاده عليه
علي::نور مو شلعتي كلبي ولج حجيلي
نور::تراث طردني
نصدم من حجي وباوع عليه
علي::ليش طردج؟؟
نور::ما فتهمت شي والله فات عليه يحجي ويصيح ويعاتب بيه ويكلي خنتيني واخذ مبايلي وكسره
علي:: انتي منطيه مبايلج لاحد بالبيت او احد يكرهج هناك؟
نور::لا محد يلزم مبايلي وماكو احد يكرهني بس اني ونمارق بينه حزازيات
علي::نطيتيها مبايلج؟
نور::لا
علي::ذكري بويه منطيتها مبايلج؟
نور::اي ذكرت نطيته الها جانت تريد اتخابر على صديقتها
علي::اي لعد نحلت السالفه هيه هاي الي الله يعلم شمسوي بمبايلج وترست راس تراث
نزل راسي وعيوني رجعت يدمعن لان غصه بكلبي والخنكه من الي صار مدا تروح شون طاه كلبه يسوي بيه هيج؟
نور::علي اني تعبانه
علي::بأخوج التعب ولا بيج
نور::احس نفسي مخنوكه علي جاي اموت والله
علي::نور وره الي سواه يحلم بعد بيج واريد من الله يجي يريد يرجعج اله اطرده واخليه عبره لكل واحد يريد يأذي اختي
نور:: علي اريد انرجع للبيت تعبانه وماريد ابقه هنا
علي ::تمام
تعدلت وسديت الباب مال السياره وهوه فتحها وصعد وشغلها واني رجعت ابجي تعبانه حيل الخنكه مدا تروح كلما اكول ميخالف اختنك اكثر ورد ابجي شويه وصلنه البيت فتحلي الباب علي ونزلت وفتح الصندوك وطلع جنطتي وشالها دكينه الباب وطلعت النه ماما ايلين وحور اني من شفت ماما ايلين نرميت بحضها وبقيت ابجي وهيه من شافتني كامت تمسح على راسي وتبجي وياي
ايلين::شبيج بنتي شبيج
نور::محروك كلبي يمه محروك
ايلين ::ما عاش الي يحرك كلبي يبعد روحي انتي
وتمسح على راسي واني حاضنتها وابجي وهيه فوتتني للبيت وكعدنه بلاستقبال وحور بس تباوع عليه واني بحضن ماما ايلين ابجي ورجع ليوره وهيه تمسح على راسي وتقرالي ايايت
ايلين::الله يريح كلبي الله يطفي النار البيج
نور::ناري ما تطفه لان الشعلها حبيب روحي
ايلين ::كافس يبعد امج كافي كافي من اروح فدوه لكلبج
نور::ما سويت شي والله ما سويت ليش يصير وياي هيج
ايلين::كلشي من ربج والي سوه هل شغله وخلاها تكب بينكم ان شاء الله ما يرتاح طول عمره
نور:: يمه ما شفتي رايد يكتلني يمه ما شفتي عيونه ونضرات يمه ما شفتي حجيه عني حسسني وحده رخيصه كل يوم ويه واحد عمري كله مكدر اسامحه
ايلين:: حسبي الله ونعم الوكيل عليهم كافي يبعد بيتي كومي لغرفتج ارتاحي كومي غسلي وجهج وتوضي وصلي ربج يحلها
ساعدتني حور اكوم من حضن ماما ايلين وطلعت للحمام وفتح المي وبديت اتوضه واني جسمي كله يرجف اغسل وجهي واني ابجي كلبي محروك حيل محروك كملت وطلعت لغرفتي لبست حجاب الصلاه وفرشت السجاده بديت اصلي كملت اربع ركعات وكعدت على السجاده سجدت واني ابجي بحركه
نور::يارب ساعديني يارب طفي نار الي بكلبي يارب ما سويت شي غلط يارب دخيلك نار جاي تجويني كافي يارب كافي
بقيت ادعي وابجي الما نمت واني على السجاده
_____________________
سمره::
حمزه ::انته شبيك خبل ما صاحي شون تطردها
تراث::محد اله دخل
حمزه::ولك شنو محد اله دخل شبيك بابا؟
تراث::باع حمزه كلمه ثانيه وكوم اكتلك والله ادميك
حمزه::صارت هيج؟
تراث::اي صارت هيج وشتردون سون سون
حمزه::على راحتك بس خربت بيتك بيدك
تراث::ما جان عندي بيت تا يخرب
طلع حمزه وعافه واني كعدت اباوع عليه وهوه بس صافن وشكله يبجي المطي باوعت عليه
سمره::انته مقتنع بالي سويته
تراث ::ما شفي الرسايل
سمره::انته صدك محادثه؟ ومنو الي كالك
تراث ::نمارق دزتهن الي وشفت رقمه بجهاز نور
سمره::وانته صدك نمارق؟؟ ولك هاي حيه الي رادت تهجم بيت حمزه وساره والي تذب سم على اختها صدك بيها والله ما توقعت هل شي منك
سكت ما حجه شي
سمره::وانته صدك بالمحادثات هسه اكدر اني ادزلك اي محادثه اسوي حساب وراسل نفسي من حسابي الثاني ودزلك ويه اي شخص شبيك تراث من كل عقلك صدك نور سوي هيج؟
تراث::الرقم جان بجهازها
سمره::نور فطيره الله يعلم نمارق بشنو ضحكت عليها وخذت جهاز اني احجي وياها وافهم ولك انته بهذا تصرفك خسرت نور والله اذا يدري يامن تحلم شوفها اني كلت الهم محد يحجي بس نمارق وامها ما يكدرن على نفسهن
تراث:: سمره سدي السالفه
شويه وباوع عليه وعيونه بيها دموع واردف
تراث::حسيت عيونها تكول الي انته اماني عليك الله لا تكسرني واني بدم بارد افشر وحجي عليها وهيه تبجي سمره بجت من وراي سمره اني جنت سبب دموعها
كعد تراث بالكاع ويحجي بسرعه وبالكوه ياخذ نفس واني جيت عليه اركض تخبلت من شفته بهل حاله طلعت اركض جبت اله مي وغسلت وجهه ونترسن عيونه دموع اول مره اشوف دموع تراث من احنه وصغار لحد ما كبر وهوه عمره ما بجه كدام احد اني اخته ما عمر بجه كدامي باوعت عليه
سمره::تنحل والله تنحل بس اعرف شون صارت السالفه بس اعصابك
تراث ::سمره اريد ابقه وحدي تكدرين تطلعين؟
سمره::تمام
طلعت وعتفه وصعدت الغرفتي فتت الغرفه وسديت الباب واتصلت على عمر
عمر::”هلا حبيبي شونج؟”
سمره::”زينه الحمدلله نور شونها؟”
عمر::”مو زينه كلنه نحجي وياها نريد بس تسكت مدمره نفسيتها فد مره”
سمره::”سوده عليه”
عمر ::باجر نطلع نشتري الحلقات وناخذها ويانه تغير جو”
سمره ::” اي خطيه بلكت صير زينه بس عمر تكدر تنطيها جهاز احجي وياها؟”
عمر::” نايمه اعتقد”
سمره ::”ماعرف شسوي تراث دمر كلشي”
عمر::”ما بينه واحد يقبل ترجع اله”
سمره::”ترجع واني راح اعرف منو وره هل سالفه”
___________________
سديم::
تعب نفسيتي وهوه ماعرف مين دره كام كل يوم يدزلي رسايل وبصمات ومنهم افتحهن ومنهن لا واني الخوف تارس كلبي لا يدري يامن فتحت رسايله دازلي بصمه اكثر المرات يدز شعر فتحت اول بصمه وبديت اسمع
_يكول متغير علي مو الولي وياي افك ريجيج برسايل كلها تهديد عليمن نتعب وربيك وتروح خسرتك ونتهت مرتين ما اعيد انطيتك فوك حجمك بالغت بيك فعل ماضي وبقت ذكره المواعيد الشعر مو باب رزقي لخاطرك جان ذهب جوه ايدي اصيغك شون ماريد جازفت بسمعتي بعشرتي وياك….. هلمت اسمي ودست فوك التقاليد مو نفس العمر بس جنت اداريك ما حسستك فرق المواليد ومحسب للزمن تنساني ونساك سبقتك خطوه للمستقبل تفيد اثر عايف فطر متغيره الايام حفرنه حاد متمسحه التجاعيد والبالك بعيده انساها متصير………………
سمعت صوته بالبصمه كلها خنكه وحسره وغصه جبيره شويه وشفت رساله منه
_ادري بيج شوفين رسايل ردي عليه
بقيت صافنه وحك بيدي وكلبي يرجف وكلشي بيه يرجف
_سديم جاي اموت اني والله جاي اموت
سديم::مصطفى شتريد؟
مصطفى ::رايدج انتي
سديم::كافي لخاطر الله والله تعبت كافي حباب جاي تأذيني كافي ولك كل يوم دز وترسايل وتحجي كافي شبيك
مصطفى :: عقد عليج مو؟
سديم::شدراك؟
مصطفى ::هههه عبالج اعوفكم ترتاحين
سديم::مصطفى
شويه وذز بصمه فتحها ويحجي بصوت كله عصبي وتهديد
مصطفى ::اكتله واكتلج والله والسمه الله ولج انتي الي وما صيرين الغيري
سديم::انته مريض مو صاحي مخبل والله
مصطفى ::مرضي كله منج راح يجي اليوم الي صيرين بيدي واندمج على كلشي جاي سوينه هسه
من شفت هل رساله واني كلبي كام يرجف نرعبت وكعدت بالكاع ابجي خايفه منه هوه مهوس ومريض كلشي يسوي خايفه لا اكع بيده ويرجع يسوي بيه كلشي الي سواه قبل
سديم::كافي
مصطفى ::اندمج وخليج تبجين دم لا عبالج ترتاحين واني وراج وراج
كتب هل كم كلمه وفصل ضهور مالته راح واني واني تعبت اكثر من هيج ودخلت بحاله هلع وكمت اركض الجرار اخذ مهدئات وادويه ومنومات حتى اكدر اهدي
___________________
ساره::
ما نسمع بس صوت يامن يصيح بعصبيه ومتجه لغرفه تراث وكلها تركض وراه ومن شفته هيج عرفت احد كايله رحنه كلنه نركض وراه وفتنه ولكينه كامش تراث من ياخته ويضرب بيه بوكسيات وتراث مستسلم اله ما حجه ولا حرك شي من جسمه وكل الولد لازمه يامن تريد توخره عن تراث بالكوه وخروه عنه
يامن::ولك اني صوجي اعرفك انته شنو شون اطيك ياها امانه ولك هاي جانت امانه وانته طردتها
جتي عمه مروه وجواهر يطلعن بيه وتراث ولا حرف حاله حال الميت جسد بدون روح عافه يامن وطلع واني اباوع عليه تراث مو نفسه منتهي بدون نور منتهي فد مره صار بس كم يوم ما عبر سبوع وتراث صاير جسم بدون روح وكلها تدري هاي لعبت نمارق بس تعاي الي يجيجب تراث ويقنعه كلها طلعت وعافته المشاكل جاي تجي للبيت ماعرف منين واني وحمزه محضرين غراضنه نريد نطلع لبيتنه كلت لعمه مروه وجواهر محد عترض بس كلولي ديري بالج على نفسج
انتقلنه للبيت واني جنت متحمسه ومرتاحه وبنفس الوقت بالي يم غزل ردت منها تجي وياي وما قبلت وكلت بعدين اقنعها واخذها يمي اخذت بس الاشياء الي محتاجتها ولان احنه جنه بشته البيت جان ثلج وفرشت بس غرفتنه صحيح جان الجو بارد بس جنت احس البيت دافي لان حمزه موجود وماليه عليه كعدنه بالاستقبال وحطينه صوبات ثنين تا يدفه الإستقبال وفرشنه اربع فراشات بنصه لان جان موجوده قنفات وبالوسطه ماكو شي فرشناه فراش وهوه وصه اكل صحيح البيت محتاجله هواي هواي بس جنه مرتاحين حيل حيل وصل الاكل وطلع حمزه يجيبه واني شغلت البلازمه وكربت الصوبات على الفراش وحطيت بطانيات ومخاد الغرفه جانت دافيه ومتروسه حب اجه حمزه وياه كلاصين وبطل ببسي وموصي بيتزا وطبقين ريزو كعدنه نباوع فلم وهوه يوكل بيه لكمه بحلكه ولكمه بحلكي واني اضحك عليه وعلى سوالف بهل كعده نسينه كل السنين الي تعبنه بيهم وشفنه ضيم بعيونه صحيح مو كلشي كامل بس وجودنه سوه خله بنضرنه كلشي كامل
___________________
سمره::
اتصل عليه عمر بمنعه جهزي شويه واجي اخذج تا نطلع نعقد بالمحكمه ونشتري حلقات كتله ماريد خطوبه بس حفله صغيره مال عقد وهوه ما قبل كالي نسوي خطوبه وحلفه مال عقد سويه وكتله لعد هاهيه بدلت وترتبت وحطيت عطر وحطيت مكياج خفيفه وكعدت انتضره شويه ودك هونر مالته بره طلعت وشفت نور كاعده ليوره ومبينه من وجها جايبها لهنى اجباري صعد اني ليكدام ونطلقنه للمحكه كملنه عقد وطلعنه للصايغ مال ذهب واني طريق كله احجي ويه ونور اريد منها تضحك تحجي وياها ما تقبل وشكللها تكلي مالي خلك وصلنه ونور ما قبلت تنزل ويانه عفناها بسياره ونزلنه فتنه المحل وبدينه نختار الحلقات
_هاي احله الحلقات هنا
عمر ::ختاري الي يعجبج
بديت اباوع عليهن وشويه وسمع صوت الباب ينفتح وشفت طفل دخل وياه مره وزلمه مبينين امه وابوه الطفل ضل يفتر وهوه يشوفون محابس ذهب اجه الطفل علينه ولتفتنه اني وعمر عليه نزلت لطوله وكمت اضحك وحجي وياه وهوه باوع على عمر واردف
_عمو مرتك حلوه
عمر::بابا بالكوه اخذتها هم حطيت عينك
سمره::هههه ولك عمر هاي شبيك جاهل
عمر::هههه شكو حاط عينه عليج
اجتي امه تعذرت منه واخذته واختارينه الحلقات وطلعنه ونور على كعدتها حالها حال تراث ثنينهم مو زينين بدون بعض بس تراث باله نور خاينته ونور ما فاهمه شي ومابيهم واحد يبادر صعدنه وتجنه لمطعم كلنه نتعشه ونطلع للبيت نزلنه كلنه وفتنه للمطعم وكعدنه وشوف نور بس صافنه
عمر::نور بالج شي تاكلينه
نور::لا بكيفكم شتطلبون اكل
طلبنه الأكل واني اكل وعمر ياكل وهيه بس تباوع على الاكل ما اكلت شي
سمره ::نور ما تاكلين؟
نور::لا نفسي مسدوده ايمت نرجع للبيت؟
عمر::هسه نرجع بويه اكل شي
نور::ماريد حطلع انتضركم بسياره؟
عمر::لا ابقي هنا نكمل ونطلع سوه
كملنه اكل ودفع عمر الاحساب وطلعنه وصلوني للبيت وهمه طلعو فتت واسمع صوت صياح ومتعاركين احنه بيتنه صاير ما نكعد بيه فتت اركض وشوف تراث لازم نمارق ويصيح ويحجي عليها
تراث::ولككك بنت الكل* تضحكين عليه ولج اني بعمرج سوين الي سويتيه ولج والله لندمج وخليج تتمنين الموت
نمارق::تراث فهمت غلط والله ابوس ايدك بس عوفني افهمك ابوس ايدك
تراث ::اكلخرا الكح** ولج نور غلط عليها وفشرت من وراج ولج هاي تسواج وتسوه الخلفتج
نمارق::والله اذا تريد اعتذر الها والله
تراث::ولج بعد شنو وره ما خربنه ولجج كله من وراج
لزمها موتها كتل ما خله مكان ما ضربها بيه وكلها لازمه تراث بس محد يكدرله شكد ما جان ضخم ويخوف نوب معصب محد يكدر يكف كدامه ياهو اليجي ينكتل ويه نمارق دخل ايسر وايمن وثنينهم كتلهم والله اني شبعت ضحك حتى ما رف كلبي عليها شويه ويدخل عمي حسين وابوي حازم وبالكوه كدرو يوكفون تراث ونقذون نمارق من ايده وكعد عمي حسين وبوي يحجون ويه تراث وما سمع لاحد عافهم وطلع لغرفته وركع الباب قوي هز البيت هز ونمارق كاعده بالكاع لامه رجليها وتبجي ونجلاء تهدي بيها يستاهل صارت هاي عبره الهن حتى بعد ما يعيدنها
_____________________
نور ::
فتت للغرفه واني ميته تعب رحت توضيت ورجعت للغرفه صليت وتمدد على سجاده وبدن دموعي ينزلن وشويه وسمع جهازي يرن شفت الاتصال تراث ما صدكت عيوني بس ذكرت حجيه اليه وصار كم يوم وتوه ذكرني رفضت ورد اتصل وضليت ارفض وهوه كلما ارفض يتصل ودزلي رساله مكتوب بيها
تراث:: ردي اريد احجي وياج
نور::ما بقنه شي بينه نحجي وياريت تكمل اوراق طلاك لا احط محامي
تراث::نور بس سمعيني نور
نور::انته ما سمعتني وهسه اني ما مجبوره اسمعك
تراث::نور نمارق لعبت بعقلي
نور::انته مو جاهل تا تلعب بعقلك ولو تثق بيه جان ما صدكت حجيه
بعده جاي يكتب وطلعت من المحادثه وحضرته وكلت وعفت جهاز وكعدت ابجي مكدر ارجع اله وره الي سواه صحيح احبه بس مو بمعنى ادوس على كرامتي عموده
__________________
سجاد::كتلكم لا تحطون روحكم تنكتلون ما يفيد عود فتو نتقذون الحيه
ايسر::ولك ما عبالي هيج يمه احس رجلي وايده كلها تفصخت
وايمن مدري شبي بس يضرب صفنات
سجاد ::اكلك ايمن
وهذا ولا يرد ولا يمه باوع سجاد على ايسر
سجاد::هذا شبي اخوك يضرب صفنات
ايسر::عشكان سوده عليه
سجاد :: يا ضرطان غير شفته ياكل من هذي الكافتريه الي بسد ***** وهذا يكولن لحم مالته لحم جحاش
ايسر::من هذا من رجع يضرب صفنات
سجاد::وانته مسوي روحك ذكي تكلي عشكان
ايسر ::طلع ماكل لاحم جحاش وضل يضرب صفنات
سمره ::هسه محد حجالي تراث شون دره
سجاد ::ثوله نمارق عايفه جهازها على شحن للاستقبال ومتصل عليها الولد نفسه الي سوته نور تحجي وياه ومتفقه وياه على فلوس وهوه داز رساله شايفها تراث لان سمع جهاز يرن اجه يشوف منو وعاد عرف سالفه خلاها تفتح جهاز وشاف رسايل كملهن منا هجم عليها منا وكسر جهازها
سمره ::اوف والله تستاهل
سجاد ::اي والله
ايسر::اشو هذا بعده يضرب صفنات
________________§§§______________________________________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.