رواية أحفاد الشيخ علي – الفصل الثالث والثلاثون
أنا ردتك تجيني مَا تجيني
أشوفك بالصور واتحاضن وياك
بويه لو طايح بأديني
واذا گتلك عُيوني مقصر يَجوز
حبيبي انتِ وحبيبي وعين عَيني
وأگابل عَينك الحلوه وأغني
وكل اليوجعنك يوجعني
إذا تنجرح أنا انجرح وياك
مثل ما أنا منك انتِ مني
بنات تصويت للبارت وتعليق حلو مثلكم حتى استمر ومتابعه للحساب مضل شي وندخل الف متابع🔥.
________________§§§______________________________________________
نور::
علي:: مو كلشي الي نريده يصير مرات احنه نعيش ايام حلوه لغايت نشوف حياتنه كلها راح صير حلوه ومرات نشوف ايام سوده لغايت ايامنه كلها صير جحيم
نور::علي اريد اسألك سؤال؟
علي::جواب
نور::انته هم حبيت؟
علي::ما بينه واحد ما حب
نور:: يعني تحب؟
علي::جنت
نور::ليش؟
علي ::راحت مني وزوجت
نور::عززا شون؟
علي::اهلها درو ورحت تقدمت الها وحجيت ويه اهلها واحد واحد ومحد قبل وحتى مصير مشاكل بين العائلتين زوجوها
نور::وانته بعدك تريدها؟
علي::روحي بيها مستحيل اخونها وزوج غيرها اني متانيها لاخير يوم بعمري
نور::منتضرها تطلك؟
علي::اي وزوجها
نور::شون مطلكه وتزوجها محد راح يقبل كلها تكوم تحجي عليك
علي::من ايمت اني اهتم لحجي ناس بس تطلك تزوجها
نور::عدها جهال؟
علي::عدها ولد كلش حلو نور يشبها حيل
نور::وين شفته
علي::شفتها بالمول ويه امها وشايلته سلمت عليها وشلته بيه ريحت امه وشكلها
نور::اذا طلكت طفل شون؟
علي::اخذه وربي ويصير ابني لو مو طفل واحد لو وراها عشره
نور:: يعني اذا رجعت تزوجها؟
علي:: انا متانيها ترجع لو عجوز صير لو الله خذاها لو خلاها
نور::ان شاء الله ترجع وتزوجون يارب
علي::ان شاء الله بويه هسه تردين شي اجيبلج وياي طالع اني؟
نور::لا عيني سلامتك ماريد شي
علي::تمام
طلع علي وره شويه فاتت حور بديها بوكي ورد احمر وياه جهاز مغلف
حور ::هاي دزهن تراث
اخذتهن وباوعت اكو كارت مكتوب عليه هذا جهاز مكان الي كسرته كون مكسوره ايدي مكانه
نور::امين يارب
وكاتب وهاي الورد الج لان اعرف بيج تحبيهن شلتهن وطلعت بره وشمرتهن بالحاويه مالت الزباله وخذت مبايل حور وكتبت رساله لسمره انو تكول تراث لا يدز شي بعد لان كلشي جابه الي شمرته واي شغله يدزها بعد اكول ليامن وكليله اني انتضر ورقه طلاكي
حور::نوغ ما كافي عناد؟
نور:: ما عندي كرامه ارجع اله وره الي سواه شبيج بابا؟
حور::اعصابج هسه شكلنه
___________________
ساره ::
دكتوره ::تمددي هنا
ساره ::تمام دكتوره
اجه اليوم الموعود وره ما طبيت الشهر الخامس حتى اعرف شنو هوه جنس الطفل تمددت حتى دكتوره سويلي سونار وحمزه واكف يمي وكامش ايدي اباوعله وضحك وهوه يضحكلي بدت هيه تحطلي من هاي الماده لزجه على بطني دهنت بطني كلها بيها وجابت جهاز مال سونار وكامت تمشي على بطني واني وحمزه صبرنه نفذ وميتين فرحهه ضلت تمشي جهاز على بطني وتباوع على شاشه
دكتوره::ههه مبروك حبيبي بيج ولد
حطيت ايدي على حلكي من صدمه وحمزهه كام يضحك نطتني كلينسه ومسحت الدهن وغطيت بطني وكمت وما احس اله حمزه حضني قويي وشالني وفرني واني وجهي صار احمر لان دكتوره تباوع علينه وتضحك ستحيت منها وهوه طاير منه الفرحه يضحك ويفر بيه شويه ونزلني وباسني بوسه قويه من خدي
ساره::هههه ولك كافي عيب
دكتوره::ههه اخذو راحتكم
حمزه:: العيب بجيب غير مرتيي اويلي يابههه
ساره::ههههه
كملنه من دكتوره وطلعنه للبيت وتفقنه نخلي هاي سالفه سر بينه وما نريد احد يعرف بيها لان نخاف لو حتى بيت وحدنه بس شغله تخوف شويه وذكرت خطوبه سمره بعد كم يوم وكمت اصيح بسياره الما جفل حمزه وكفها
حمزه ::شبيججج بطنج توجعج نرجع لدكتوره؟؟؟
ساره::ولكك لا بعدني كلشي ما شتريت لخطوبه عمر وسمره
حمزه::يعني اذا هسه ادجج احد يكلي ليش؟
ساره::ليش؟
حمزه :: خرب بعقلج عبالي بيج شي وصي من النت والي يعجبج واني ادفع
ساره :: طبعا انته تدفع قابل اني
حمزه ::هههه
_________________
سمره::
شفت رساله مالت نور واخذت الها سكرين ودزيتها لتراث شافها وشويه ورد عليه وكالي ادزله رقم حور كتله تمام دزيتله رقمها وخرجت من المحادثه وشفت عمر متصل عليه ورجعت اتصلت عليه شويه ورد على الاتصال واني الابتسامه شكت حلكي
عمر ::” ههه اولي هلا يروحي ولجج هلا يبعد عمري”
سمره ::”هههه كافي استحي”
عمر:::”هههه فدوه اروح للتستحي”
سمره::”هههه اريد فلوس”
عمر::”ههه بويه مو عندج؟”
سمره::”لا ماريد من فلوسي اريد من فلوسك”
عمر::”شني بويه فلوسج غاليه وفلوسي مو غاليه”
سمره::”هههه اي”
عمر::”ههه أمريني شكد تردين”
سمره::” ههه اشاقه وياك كملت كلشي ما محتاجه شي”
عمر::” ههه هسه يجيج المهر بعد ما تحتاجين شي غير ابوج شكني شك بيه ”
سمره::”ههه حطه عباله من شوف المهر جثير تبطل”
عمر::”شني ابطل خبل خوما خبل غير بنته غاليه وتستاهل الاكثر فلوس دنيا كلها قليله بحقج”
سمره ::”هههه”
عمر::” من فدوه اروح لهل ضحكه”
كل ما اسمع كلمه منه احس نفسي بالجنه ماعرف سويت بدنياتي تا ربي طاني واحد مثل عمر توي حسيت نفسي عشت ما فقد الامل بعلاقتنه ابد وضل يطلبني من ابوي وابوي وره ما وافق حط مهر 25 مليون حتى بس يبطل عمر وينسحب وهم وافق وبقه وياي وما عافني وبقه كم يوم لخطوبتنه
__________________
حور::
جتني رساله من شخص غريب فتحتها تا اعرف منو
تراث::”السلام عليكم”
حور::”وعليكم السلام اخي منو حضرتك؟”
تراث ::”اني تراث”
حور::”هلا بيك خويه”
تراث ::”اريد اطلب منج طلب وكون ما ترديني”
حور::” اطلب خويه”
تراث ::”اريد منج تقنعين نور تحجي وياي”
حور::”ما اعتقد تقبل لان اي احد يجيب سيرتك كدامها تكوم تحجي عليه وحتى كل هديه وغرض دزه انته بس تسمع بأسمك تطلع تشمرهن”
سكت شويه ما حجه شي بقه دقائق انتضره يرد على المحادثه ماكو ما يرد شويه وتصل عليه واني نصدمت جاوبت عليه
تراث::” الو”
حور::” هلا”
تراث ::”ودي لنور وكليلها تراث يريد يحجي وياج واريد منها تسمعني هل مره وبعدها كلشي تريده يصير ”
حور::” تمام ”
خليت الخط مفتوح بس سويتله كتم وصعدت لغرفتها فتت وشفتها كاعده تقره والكتب مطشره باوعت عليه
نور::ها شكو
حور::تغاث يغيد يحجي وياج
نور::سدي الاتصال بوجهج ماريد اسمع شي ما مل وهوه يوميه يتصل ويحجي ويدز شغلات؟
حور:: يكول بس هل مغه خلي تسمعني وغها الي تغيده يصيغ
نور::طينياه
اخذت جهاز مني واني كعدت وهيه بدت تحجي وياه
نور::”ها تراث”
تراث ::”اوف والله مشتاقلج ومشتاق صوتج وكلشي بيج نور اني تعبان رايدج نور اني جاي اموت من دونج والله تعبان اريدج يمي اني مكدر بدونج”
نور::”تراث نتهى الي بينه من صدكت رسايل نمارق وطردتني اني اريد ورقه طلاكي اريد طلكني”
تراث::”نور لا تعوفيني مكدر بدونج والله”
نور::” ثنينه تعبنه وهاهيه تراث”
تراث::” اني ما تعبت اني اريدج يل تستاهلين واحد يتعبلج ”
نور::” اني ماريدك كلشي بينه نتهى تراث طلكني”
تراث ::” نور لا تعوفيني اني جيتج تايه وانتي طريقي ”
نور::” طلكني”
سمعت شهكاته ومبين جاي يبجي اول مره اسمعه يبجي وهلكد مدمر صار شهر على فراكنه ومبقه شي وما سواه حتى نرجع واني ما اقبل لان الي سواه مو قليل حتى انسه ورجعله واني هسه مبالي شي غير طلاكي
تراث::”مكدر بدونج حتى اطلكج”
نور::” طلكني ”
تراث::” يعني قافله على سالفه؟”
نور::”حيل”
تراث:: اني ما اردلج طلب والي ترديه يجرالج
من سمعت حجيه سكتت واني دموعي بدن ينزلن معد يتحملن اكثر احس بغصه ودموعي جمر ينزل على خدي
تراث:: انتي طالك يطركاعه كلبي انتي طالك يبعد كل هلي انتي طالك يجمرت كلبي
سمعت هل كلمات منه وسديت الاتصال وكعدت ابجي ودموعي جمر اني اعرف بنفسي ردت هل شي وجنت منتضرته ليش ابجي هسه جتي حور تركض عليه تريد تعرف شبيه واني نتهيت بس ابجي
حور::نوغ شبيج نوغ
واني سكاته ودموعي ينزلن حسيت بروحي جاي تطلع ويه كل دمعه تنزل صرت مجرد جسد بدون روح لميت رجليه صدري وغطيت راسي بين رجليه وكعدت اشهك وبجي بحركه ماكو شي بدنيا هسه يكدر يطفي نار الي بكلبي
_____________________
سمره
سديت الاتصال من عمر من وره الاصياح الي صار بالبيت طلعت من غرفتي اركض وشوف كلها تركض لغرفه تراث فتنه ونشوفه وما مخلي شي بالغرفه ما مكسره واديه ينزفن دم وامي تبجي وصيح عليههه وهوه يصيححح
تراث::طلعوووو برهههه ماريد اشوف وجههه احد ماريددددد طلعووووو برههههه
ويضرب المرايه ضربه قويه فوك ما هيه مكسوره خلاها ثريد ويرجع للكنتور يضربه ضربه تكسر بيده تكسر ويشيل بالغراض الي بالغرفه ويهبطه بالكاع وما خله شي وما كسره الما نشوف امي تقربت منه وهيه تبجي مقهوره على حالته
مروه::يمه اروحلك فدوه كافي يمهه
ندار عليها ومن شافها تبجي وكع البكاع وهيه نزلت عليه وحضنته قوي وهيه تبجي وهوه يبجي اول مره اشوف تراث بهل حاله بدون نور مدمر جنه موضح النه كلنه انو هوه بدونها ولا شي صاير عنده لحيه طويله وشعره ثخين لان شهر وهوه ما طالع من غرفته عيونه حمر لان لا نوم ولا اكل وضعفان وامي حضانته وتبجي وهوه يبجي وياها
تراث::يمهه راحت يمههه
مروه::سوده عليه يبعد كلبي انتهه
تراث::يمه كلبي نارر نارر عليهااا جاي اموت اني
مروه::اسم الله عليك يبعد امك كون نار بيه ولا بيك
تراث::يمهه طلكتها اموتت ولا اشوفها ويه غيري
مروه ::ولك سوده عليهه خبلتك هل بنيه ومشت
تراث::ناررر يمههه كلبي ناررر شيطفي يمههه جاي اموت
مروه::اسم الله عليك كون يومي قبل يومك
وامي معد تعرف شتحجي لان كل كلامها ما يخفف من وجعه وبجيه رايد يفرغ حركته بالغراض بس ما كدر وكعد بحضن امي يبجي مثل الطفل هيه مدده رجليها وهوه تمدد عليهن ويحجيها عن نور وهيه تمسح على شعره وكلها طلعت بس اني ضليت كاعده يم الباب اباوع عليه مكدرت اطلع وعوفه وهوه بهل حاله كلبي يوجعني عليه بقت امي تحجيله مثل جاهل وهوه يحجيلها ويشكيلها الما نام وهيه حطت المخده جوه راسه وطلعت بره وعيونها منتفخه من البجي عليه وكلتلي اطلع وسد الباب
____________________
حور::
مر سبوعين على سالفه تراث ونور وعفنه سالفه وره ما تراث طلكها لـ نور وبدينه نحضر لـ خطوبه وعقد عمر وسمره كلها رادت بالقاعه بس سمره اول شي ما قبلت اله لحينه عليها حيلل ياله قبلت ونور اول شي ما قبلت تروح لو ما عمر يزعل منها وسمره ياله رضت تروح لان تراث موجود وما رادت شوفه وبدينه تحضير من ال4 الضهر تفقنه ويه البنات من كم يوم على صولون ننجمع بيه زهراء من الصبح جتي علينه واحنه قبلها بسبوع موصين على فساتين والبارحه وصلن يجنن كلش حلوات لبسناهن وطلعنه للصولون وعلي وصلنه ولكينه هناك سمره والبنات وصلنه وجانت كاعدات ينتضرنه فتنه وكلهن كاعدات ما قبلن يتمكجن اله نصل وسمره مبين عليها التوتر كاعده وترجف وشويه وتكوم تبجي
نور::ههه ولج شبيج
سمره::عفيه خايفه والله حيل خايفهه حيل
زهراء::يابه اعصابج هسه منو مزوجه ابن الوزير هوه عمر
باوعت عليها حور بنضرات كلها عصبيها بقه شويه وجط تكتلها
زهراء::يابهه اشاقهه والله ههههه
حور::غيغ اخوي يموتت يغعص
سمره:: يمهههه معد اكدر اتنفسسس اوففف
ساره ::هههه ذكرتيني بليله عرسي من زوجت فتنه للغرفه من توتر كمت ابجي اريد امي
سمره::ههههه
_يله عيني كلمن مكانها نبدي ب3 ورها نوب 3
بدن اول شي بسمره وساره وزهراء لان الصالون جان متروس فا مكدرن كلنه سويه وسمره ميتهه موت من الخوف نوبات تبجي ونور شارده بعالم ثاني جنها مو يانهه
زهراء::اشو عفيه شني هاي كاعدين بجنازه خوما جنازه
وكامت من مكانهاا وصيحت علي وحده من البناتت
زهراء:: ادري كاعدين فاتحه خوما فاتحهه شغلي ديجي لو جايبينه تستعرضون بيهه شغلونه ساجده خلي نهز شويههههه
متنه ضحك عليها وكامت البنيه شغلت الديجي وشغلت ساجده عبيد وزهراء وساره علكن الصالون علك متكابلات ويهزن كتف وحده كدام الثانيه وسمره تضحك عليهن هيه وغزل وسديم كلهن يركصن ويغني ويصفكن ونور بس صافنه وسمره طلعت تموت كلش حلوه من عيون وملامح وجسم وشكل لبست فستان ابيض مو ضيك وفتحت شعرها ورتبته الها ام الصالون بتسريحه صغيره وحطت الشال فوكاه بس شويه وما كملنه الما صارت الساعه 8 بليل واجت سيارات تاخذنه كبل للقاعه صارت القاعه مختلطه لان بس كرايب وصلنه للقاعه وفتنه والقاعه جنن بمعنه الكلمه كلش حلوه كعدت سمره على الكوشه وهيه طالعه جنن واحنه كلنه حواليها ما عفناها
سمره::عفيه احس طالعه محلوه
حور::دنجبي غيغ طالعه طكين بالكاع
وكامت زهراء طك اصبع وتتمايل وشعرها مفتوح يجنن طويل وشامره شال فوكاه شويه وحاطه علج بحلكها طالعه جنن نوب هيه عليها جسم وملامح جنن
زهراء::يمههه صاروخخ موش بنيههه اللهم صلي على رسول اللهه وسلممم كلووووووشششش
وهيه هلهلت وفاتو الزلم نزلنه من مكان الكوشه وبدت الهلاهل والصياح والديجي مشغول والولد من بدايه القاعه ركص ودك ودبجه الما وصل عمر للكوشه وكامت سمره وباسها عمر من راسها وكعدو واجه شيخ وياه عمي حازم عمود يعقدون عقد شيخ لان بس محكمه عقدو وبده الشيخ يعقد الهم وره ما كمله باوع حازم على عمر واردف
حازم::باع وليدي عمر اني ما منيطك مره اني منطيك امانه هاي صارت بركبتك دير بالك على عليها ترى اني سلمتك روحي بيدي هاي الي صارت الك عمرها ما بجت من احد بيت ابوها فا دير بالك تبجيها وراها اهل وعمام يهدون وراها
عمر::افا عمي صدك ما راح اخليك تتندم بنتك بيد امينه لا تخاف ولا تشيل هم
حازم::ههه زلمه بالف زلمه مثل ابوك
عمر::هههه
كمل حجي ويه عمر وشويه وتقرب لسمره وباسها من راسها وهيه تباوع عليه وتضحكله وكمشت ايده باستها وحجه وياهم ثنينهم ومن كمل طلع هوه والشيخ من القاعه وشغلو ديجي وكلها لتمت تركص وتهلهل وتضحك وسمره وعمر كاعدين على الكوشه واحد يمهس للثاني ويضحك
____________________
زهراء::
باوعت شويه وشوف سجاد يباوع عليه من صارت عيني بعينه نزل عينه من شفته هيج ضحكت رد باوعلي وجان اباوع له بنضارت كلها غرور ونضرات عليه من جوه ليفوك اباوع عليه واني اعلج العلج ومصدده حلكي صفحه وهوه يباوع عليه ويضحك تقرب من عندي واني متتت من الخجل اريد افلت اريد اضم روحي معرف وين
سجاد::شبيج؟
زهراء::مابيه شي
سجاد ::شهل نضرات
زهراء:: شبيهن؟
سجاد ::ونوب شني هذا العلج الي بحلكج شمري لا اكسر راسك
زهراء::ايابههههه اخاف ما تشتهي تكسر راسي
سجاد ::ها صارت هيج؟
زهراء::من زمان هيه هيج
باوع عليه سجاد وضحك وصاح للطفل واكف يم الكرسي وهوه طفل من صاحه اجه يركض وكف يمه وسجاد حط ايده على كتفه
سجاد::باع عمو هاي خمسميه
الطفل وباوع عليه ورد باوع عليه
سجاد::اتفل على هاي عمه وطيكياهن
زهراء::ياا اتبسزز باع شون يعلمه تعال وليدي تعال
وطلعت الف من جنطتي واجه عليه الولد
زهراء:: يبعد عمتك اتفل على عمو وطيك هذا الف ورجع الخمسميه لصاحبها الفكر
_ اتفل عليكم ثنينكم وحصل الف ونص؟
زهراء:: شهل السان عليك وطولك بطول نعال
سجاد:: شو بله تعال تتفل على منو بله
ولزمه سجاد وشاله من ياخته الي وره ليفوك والولد كامش ايده وشويه يريد يبجي واني تقرب على الولد
زهراء ::باع لكك ترى احنه نخطف جهال من اشوفك هنا بعد نكضك ونخطفك
سجاد::ونحطك بغرفه وحدك ونكتلك ونرجع ربيك
زهراء::ونحط بحلكك فلل اسود حار ويجي الوحش ياكلك
سجاد::هوه شنو تحطين بحلكه فلفل اسود؟
زهراء::اسكت اني محترف بتخويف الجهال تريد تعلمني
وشويه وطفل كام يبجي من الخوف واني وسجاد كمنه نلطم منعرف وين نولي بيهه
سجاد::صخام كضيهه كضيهه
زهراء::يمهه معليههه وخر عني
ونزله سجاد وطفل كلب دنيا بالصياح وعفناه ووخرنه لغير مكاننن وعفناه هوه بمكانه.
زهراء::ااخ ما كتلناه
سجاد::ههه
باوعت عليه وهوه يضحك عليه وعيوني صارت بعيونه وبقينه بل اربع دقايق عيوني بعيونه
سجاد ::عيونج ليش هلكد حلوه؟؟
يمهع من حجه هيج خدودي صارن حمر ونزلت راسي
زهراء:: عززا شنو انته ما تستحي يمههه
سجاد:: اشاقهه والله اشاقههه
مشيت وعتفه واني وجهي احمر وبالكوه اتنفس وكلبي يدك سريع مدري صارلي شعور اول مره احس بيه يمهه هل خبل خلاني خبله ورحت ادور للبنات شفتهن كاعدات على ميز وكعدت يمهن باوعن عليه وستغربن من شكلي
ساره::شبيج؟
زهراء::مابيه شي
سديم::وجهج احمر
زهراء::مابيهههه شيييي
ساره:::هههه اعصابج
وشويه وبده يحجي ابو الديجي ويكول للناس كلمن يرجع لمكانه حتى تبدي ركصه العرسان الخاصه واني متتت جنت منتضره هل لحضهه وطلب من الكل انو محد يصورهم وشويه وكام عمر وكامت سمره وهوه كمشها من ايدها والما وصلو كدام الكوشه صاير مكان جبير حيل
يركصون بيه وشغل اغاني وبدايه الاغنيه جانت موسيقى وعمر حط اديه على خصر سمره وسمره حطت اديها على كتفه وعيونها صارت بعيونه وهيه مبين عليها من الفرحه تريد طير وهوه يضحك على ضحكتها وبدات الاغنيه وهمه نفس نضراتهم وضحكتهم وهوه يهمس الها وهيه تهمس اله واني طك فضولي اريد اعرف شيتهامسون بس والله طالعين يجننونن كلش حلوين عيوني نترست دموع من شفتهم وصلت لنص الاغنيهه وهوه حضنها قوي وفرها وهيه تضحك وحاضنته نزلها وضلو واحد كامش الثاني ويفترن بكل القاعه وره شويه واخيرا كملو ركصتهم بس عيوني ما شبعت من شوفتهم طالعين يجنننونن كلش حلوين
___________________
نور::
كمت من مكاني واني راسي يوجعني واحس روحي ضايجه ومخنوكه اريد ارجع للبيت طلعت اريد اروح للحمام وكفت يم ميز وباوعت وشوف تراث كاعد ونضراته عليهه اني من شفته كبل نزلت راسي وطلعت ركض للحمام وكعدت اباوع بالمرايه وطلعت جنطتي اعدل مكياجي واني اديه يرجفن وشويه وشوفه فات عليه وسد الباب وراه واني نصدمت من شفته وحسيت كلبي يدك بسرعه حيل بسرعه وحسيت دموعي يريدن ينزلن تقرب هوه عليه واني رجعت ليوره الما صار ضهري على الحايط وهوه كدامي
تراث:: شدعوه طالعه هلكد حلوه؟
نور::تراث وخر عني لا والله اصيح وفضحك
تراث::عادي صيحي ما يهمني
نور::تراث اريد اطلع
تراث::تعبان اريدج يمي نور
دفعته اريد اطلع وكمشني قوي ورجعني لمكاني
تراث::نور خلي نرجع
نور::تراث ايدك
وثبتني على حايط وحط راسه بشعري هوه اطول مني بهواي نزل وثبت راسه بعشري وبده يشتم شعري واني جمدت ماعرف شسوي كلبي يريده حيل وعقلي يذكرني بالي سواه وكمت ودفعته قوي بالكوه وخر ورفعت اصبعي بوجهج
نور::تراث دير بالك ثم دير بالك سويها نوب
تراث::اريدج اني احبج
نور::واني ماريدك
تراث ::اني تراث والله والله مستعد اخسر كلشي بحياتي ولا اخسر اسم نور
نور::انته خسرتني من صدكت نمارق
ودفعته ورحت اركض للباب وفتحت وطلعت وهوه بقه بالحمام ما طلع واني رجعت لمكاني وايدي وجسمي كلشي بيه يرجف كلشي بيه يصيح بأسمه بس مكدر عقلي يمنعني حيل مكدر شايف من تكون بنص ثنين واحد يكلي اريده وثاني يكلي ماريده اني هسه وكعت هيج بين كلبي وعقلي كملت الخطوبه على خير وطلعنه من القاعه
صعدنه بالسياره وحتى على البنات ما سلمت بقيت حاطه راسي على الجامه وعيوني على الشارع بس صافنه ما شفت شارع من صفنتي والافكار الي جاي تجيني
________________§§§______________________________________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.