رواية أحفاد الشيخ علي – الفصل الرابع والثلاثون
Part 34
اني كمت من الجربايه وهوه اجه على امي وهيه جانت مرتجيه على المخده وتعدلت شويه وهوه اجه تمدد يمها وحضنها وحط راسه بحضنها من شفت هيج متت قهر عليه وامي تمسح براسه
مروه::يا بعد عمري انته فتره وتعدي وترجعون وتتزوجون وتترسون البيت جهال
طلع راسه شويه من حضنها ومبين عليه يريد يبجي بس لازم نفسه
تراث::هيه فتره وهل فتره هدت حيلي وما خلصت
مروه::سوده عليه يبعد روحي انته تخلص تخلص وتهون والله
تراث::يمه تعبان اريدها يمي يمه ما شايفتها شكد حلوه حلوه حلوه كلما اشوفها انسه كل همومي مريحه بشكل مثل صلاه الفجر من صليها تبقه اليوم كله مرتاح واني من اشوفها ابقه اليوم كله مرتاح وهسه هيه من راحت مني صرت مثل تارك الصلاه ما مرتاح ابد
مسحت امي علي راسه وهوه يحجيلها عن نور
تراث::يمه ناعمه ههه لو شوفين من الزم ايدها ايدها شكد ما صغيره وناعمه تختفي يم ايدي ومن احطها بحضني ما تبين ههه مثل طفل من ينحط بحضن امه يمه اني احبها اريدها ما اتخيل عمري بدونها صار شهر وكم سبوع واني تعبان حالي اموت اذا بقيت فتره اكثر بدونها
مروه::اسم الله عليك عمري قبل عمرك
تراث::يمه حلوه حيل حلوه كلشي بيها يجنن اذكر اول مره شفتها بيها من جانت طفله وشلتها بديه ولمس اديها ناعمه صحيح جنت صغير حيل بس ما ناسي واول مره شفتها من كبرت صلافتها ولسانها هههه كلشي بيها يضحكني يمه شايفه من تتمرض صير مثل سكرانه ما تعرف شنو تحجي هيه تحبني وحنينه بس ما تعرف تعبر
مروه::مو اكلك هل بنيه خبلتك ما خلت ذره عقل بيك
تراث::اني قابل اصير خبل على اديها
امي تحجيله وهوه كل سوالفه عنها ما تفارك لسانه ابد عفتهم وهوه بعده بحضنها من يجيب سيرتها ويحجي عنها يرتاح والضحكه ما تفارك وجهه يحجي لامي هواي عنها وهيه من شوفه يضحك ترتاح وتخليه يحجي على راحته طلعت وسديت الباب واني مقهوره عليه بس ما بيدي شي
________________§§§______________________________________________
ساره ::
ساره::هذا حلو؟
حمزه::لا ضيك شني هيه
ساره:: لعد هذا؟
حمزه::حبيبي ليش ما تلبسين عبايه ونقاب مو احسلج
ساره::شني رايحه لفاتحه ونوب نقاب
حمزه ::ههه ماريد احد يشوف هل جمال غيري
ساره::ههه لو حتى شوفوه يعرفون مزوجه ونوب حامل شوف بطني شكبرها
حمزه ::هههه خلبوسهاا
ساره ::هههه
نزل عليها ومسح اديه على بطني وباسها بوسه خفيف وكام يحجي ويه طفل وحس حركه بطني لان يفرك بيها ويحجي
حمزه::ههه يمهه اروح فدوه لابني بقه كم شهر ويشرف الحلو
ساره::هههه ويصير عندي حمزه ثنين مكان الواحد
حمزه::ههه يرحولج فدوه ثنينهم
ساره ::هههه
حمزه::شني مسويتلي سحر هلكد احبج؟
ساره::اي مسويتلك سحر وكل شهر اجدد بيه
حمزه ::ههههه
__________________
سمره::
خلص سبوع وبده تحضرينه للعرس واني جنت طايره والفرحه ما توسعنه والبنات كاضباتني جلف جلف ما خلن شي وما سونه الي رحنه للسوك كلهن وهنه الي ساعدني بالجهاز ورحت للصالون سويت تنضيف كامل لجسمي وكلها طاره فرح بس تراث مختفي ونور ما شفتها ابد
كعدت الضهر الساعه بل 12على صياح امي وساره يكعدن بيه اتحضر حتى اروح للصالون واني نومه بعيني
ساره::ولجج كعدي مو شلعتي كلبي
سمره::عوفيني بس شويه نوب
ساره::ولججح كومي
وتلت البطانيه من عندي وهيه صيح وتحجي واني بسابع نومه الما حسيت شي بارد ينزل عليهه وفزيت من مكاني اصيح
سمره::عزززاااا شنوو هذااا
مروه::تا بعد من نكلج كعدي تكعدين ما بقه وقت
سمره::فتهمت يابهه فتهمت
كمت وهنه طلعن بره بدلت ملابسي وطلعت الهن حتى وجهي ما غسلته وكعدن عراق وصلنه للصالون وام الصالون من شافتني كامت تلطم لان وجهي ما حافته وكامت هيه تحير تحطلي مكياج لو تحفلي كامت تحف واني اصيح احس اريد ابجي وامي وساره وسديم ماتن ضحك عليه كملت حف وبدت تحط مكياج الي وبقيت ثابته ما تحركت ما خلصت مكياج الي وللبنات اله صارت الساعه بل 4 العصر لان وصلنه بل 12 كملت مكياج واني قبل ما نبدي جنت لابسه بدله العرس وحس نفسي تعبانه ونعسانه حيل اريد انام رجعنه للبيت والبيت صاير هوسه فد مره دبكه وركص ومكلوبه الدنيا كلب وهسه حيل كلها لتمت عليه واني احس نفسي اريد اطك اجت زفه واني كلبي احس يريد يطلع من مكانه بس بنفس الوقت فرحانه كلش اجتي امي عليه ودومعها بعيونها
مروه::يمه ديري بالج على روحج هسه صرتي جبيره وراح يصير عليج مسؤليات هواي
من شفتها تبجي رأسن نزلن دموعي ما تحملت وساره تحجي عليه وتمسح بيهن
ساره::ولج راح يخرب مكياجج مو هيج سمره كافي
وجتي عليه امي حضنتني قوي واني حضنتها وبستها من راسها وباستني وساعدني البنات حتى اكدر اطلع وصعدت السياره ونطلقنه بتجاه القاعه واني كلبي مفرفح من الفرحه ومقهوره على امي وصلنه القاعه وعمر جان يمي لازم ايدي ما عافني لحضه لان يعرف بيه متوتره فا مكدر يعوفني ضل وياي وشال الفستان مالي احنه وجاي نفوت لان هواي طويل وصلنه الكوشه وساعدني اكعد وتقرب عليه وهمس بأذني
عمر::اني يمج لا تخافين ما اخليج وحدج والله
كعدت وهوه كعد يمي واني فرحانه حيل حسيت كلشي الي جاي يصير حلم بحلم وجنت مرتاحه حيل لان عمر يمي وبده الديجي يشتغل وكلها وصلت وناس كلها تركص وفرحانه وباوعت علي عمر وهوه يباوعلي ويضحك ونزل راسي خجلانه
عمر ::طالعه تموتين عين البارده عليج ما اصدك كل هل جمال صار الي
سمره::هههه
عمر::انروح فدوه اني وعشيرتي لهل ضحكه
َوجهي صار احمر ونزلت راسي وكمشت فستاني قوي وهوه من شافني هيج عرف بيه خجلت ومات من الضحك عليه
عمر :: مو كتلج اني اعند من ابوج واخذج يعني اخذج وهسه صرتي مرتي وحلالي
كمش ايدي وحطها على شفايفه وباسها بوسه خفيفه
عمر:: انتي شي مقدس بنسبه الي
سمره::ربي لا يحرمني منك
عمر::هههه
___________________
سديم ::
اباوع اريد المح يامن ماكو باوعت وشوف حمزه وساره متعاركين هيه تريد تركص وهوه يجيب بيها يكعدها خايف عليها وهيه تهز وهوه واكف يمها يحجي وياها يريد يكعدها بس هيه عنيده منو يكدرها ضحكت عليهم باوعت شويه وشوف تراث واكف ويه حور وياهم عمر ستغربت من هل شي ورحت عليهم وكفت يم عمر وحور واكفه كدامنه
تراث ::نور خوما بيها شي ليش ما اجت؟
حور::مابيها شي سلامتك
تراث::والله مابيها شي؟
حور ::اي بس هيه ما تكدغ تجي
تراث::ليش؟
حور::هاا
تراث::ليش ما تكدر تجي؟
حور ::شعليك؟
عراق::هههه
تراث::تحجين لو شنو؟
وما اشوف بس زهراء جتي تركض وكفت يم حور
زهراء ::ها عمي شنو صاير عدكم تجمع سري
عراق::ههههه
حور::يسأل على نور
زهراء::شهل عين الصلفه فوك ما طلكتها نوب تسأل عليها ما يحقلك
باوع عليهن تراث ولزم عيونه مسحهن وحك شواربه وباوع عليهن بنضرات تخوف كلها عصبي
تراث::نور ليش ما اجتي؟
زهراء::هاا شني
تراث::احجي كردي اني؟؟
زهراء::خطيبها ما يقبل تجي
اني فكيت حلكي مصدومه وعراق نصدم اكثر مني وتراث عيونه صارن حمر
تراث::شنوووو؟
زهراء:: اي عمي لعد تبقه تبجي عليك ولابسه الاسود نخطبت وخطيبها يموتت كلش حلو
تراث::تشاقين لو تحجين صدك؟؟
زهراء::اعرفك تعرفني اشاقه وياك نوب هوه دكتور شرايح الها مدري شافت منك وحبتك
ضل تراث يفتر مثل الخبل يروح ويرجع وزهراء واكفه هيه وحور تهامسن وهوه فار
تراث::منوو خطبهااا وهاي ايمتتت صارت واني ليشششش ما ادري ؟
زهراء::مثل ما كلتلك خطبها دكتور صاك حلو ومرتب
تراث::يااا ربي يااا ربي استغفر الله
حور تل بزهراء تريد بس تاخذها ويروحن وهيه واكفه واني باوعت اشوف سجاد جاي علينه حسيت اريد الطم لان زهراء وسجاد ما يتوالمن ونوب يتعاركون اكعد الطم كملت السبحه
سجاد ::شني شعدكم مجمعين هنا؟
زهراء:: تجمع مغلق لا تدخل
سجاد::نجبي ما حاجي ويه جهال
زهراء::لكككك منو جهال
عراق ::نور نخطبت
سجاد::شنو اشو محد كالي
زهراء::اي خطبها دكتور فدوه ربه شكد حلو
سجاد ::طاح حضهه وحضج
زهراء::لا والله محد يطح حضه بس انته
سجاد::امشي لج ما احجي ويه جهال
تراث::استغفر الله
عراق ::تمالخو بعد خلونه فرجه لخلق الله
سجاد::نجب
زهراء::يرادلك تربيه من جده وجديد
سجاد ::ههههه منو يربني بس لا انتي
زهراء::لاااا تخليني انزععع اخلاقيييي
سجادد::خرا بخلاقجج
زهراء::لا دعاد وكفت يحجي على اخلاقي
وهاي جتي تركض عليهه وكمشته من شعره وهوه كام يحجي ويصيح عليها واني كمت الطم نفضحنه وعراق ركض عليهم وهوه حور حور لازمه زهراء وعراق يتل بسجاد وتراث يفرك بلحيته ويباوع عليهم وبالكوه ياله هدت زهراء سجاد
سجاد ::ولججج وين الانوثه مستجلبه
زهراء ::خليتها الكك والمثالك
سجاد::ولككك بس هدني
عراق ::دكافي عادددد كافي ولكككمم عرس مووو عركه والله مو عركههه
من صيح عليهم عراق سكتو وكلمن مشه بجهه
واني بقيت مكاني صافنه يمهه حسيت كلها جانت تباوع علينه بس اعتقد لان القاعه جبيره وصوت الديجي عالي محد سمعنه جان نفضحنه وشويه وحس شي جاي يهمس بأذني
يامن::شني اليوم مرتي طالعه كيك
صديت عليه واني البتسامه شكت حلكي
سديم ::هههه وين جنتي
وكبل حضني حضنه قويه واني حضنته
يامن::اسف حبيبي جان عندي شغل تأخرت عليج
سديم::ههه ميخالف حبيبي مصار شي
وكعدنه وحجيتله على عركه سجاد وزهراء وهوه يباوعلي وميت ضحك
سديم::يمهه متت من المستحه من وراهم كلما يشاوفون يتعاركون
يامن::هههه جهال ولو جهال أكبر من عقولهم
سديم::ههه اي والله
___________________
حور::ولج انتي شون تكولين نوغ نخطبت
زهراء::احسن خلي يموت من الغيره
حور::ونوب شون تلين هذا من شعغه
زهراء::احسن تا يتربه قليل ادب
حور ::استغفغ الله
زهراء::اي والله خربو مزاجي
حور::نوب ما لكيتي بس دكتوغ خاطب نوغ؟
زهراء::مو دكاتره كلهم حلوين وذا مو حلوين عدهم فلوس
حور:: ههههه
كمل العرس على خير وره العركه الي صارت والمالخ بين سجاد وزهراء وطلعو العرسان للفندق واحنه كلمن طلع لبيته
_________________
سمره ::
من وصلنه واني احس كلبي راح يطلع من مكانه من الخوف فتنه للغرفه وهوه كال راح اجيب اكل نتعشه راح واني نزعت الفستان وفتت الحمام غسلت وجهي بس التسريحه مكدر افكها بيها هواي ماشات وشويه وسمع الباب يندك عليه
عمر::ها حبيبي؟
حسيت نفسي متوتره وخايفه احس اريد ابجي مدري شبيه وبطني توجعني كمت اخذت نفس واني احس جاي تطلع روحي من توتر
عمر::سمره؟
سمره::ها
عمر::بيج شي؟
سمره::التسريحه مجاي تنفل
عمر::طلعي حبيبي خلشوفها
طلعت من الحمام واني مرتبكه وخايفه وهوه يضحك الي
عمر::تعاي حبيبي كعدي هنا
كعدت على جربايه وهوه كام وطلع ماشه ماشه من شعري الما فلها كلها واني باوع عليه وهوه ينطيني الماشات جاب المشط وشمطه الي وباسني من شعري
عمر::جوعانه؟
سمره::حيل
عمر::هههه تعاي
كعدنه بالكاع وطلع الاكل جايب كباب وياه خبز حار وقواطي ببسي وكام يسويلي لفات وينطيني ومن معاملته الي حسيت براحه جبيره وفرحت حيل كملنه اكل وكعدت على جربايه وهوه اجه يمي بقيت صافنه وهوه باوع عليه واني ارجف وخايفه
عمر::على كيفج ما اسوي شي والله بس اخذي نفس ورتاحي
اجه تمدد وفتحلي البطانيه بمعنه تعاي يمي جيت وتمددت بحضني وهوه غطاني وباسني من خدي
عمر::اعرف بيج تعبتي اليوم هواي رتاحي ولا تفكرين بشي ما يهمني شي ولاحكين على هل شغله المهم انتي ترتاحين
من سعت حجيه بتسمت وصدك رتاحيت واني ما ادري بروحي غفيت من التعب
__________________
نور::
كعدت الساعه 7 الصبح لان عندي دوام كمت على صوت المنبه واني اجر بروحي نزلت غسلت وجهي ورجعت بدلت ونزلت وشفت ماما ايلين مسويه ريوك رحت عليها بستها من راسها وكعدت اتريك
نور::شنو حور ما تروح للمدرسه؟
ايلين ::تروح بس كالت ماريد ريوك كملي ريوك وصعدي لغرفتها اليوم علي وهاشم طلعو من الصبح لل….. وعمر ما موجود فا راح تروحن مشي
نور::سهله ان شاء الله
كملت ريوك. وطلعت على حور شفتها بدلها ومنجضعه بفراشها نايمه من شفتها ضحكت وذكرت ايام قبل الي اتمنه هسه ترجع كعدتها وجريتها جر بالكوه كامت وطلعت للمدرسه بقت هيه وكافه واني افكار براسي وامشي بدون ما اسمع اي صوت عبرت الشارع وما اسمع بس صوت صياح حور وسمع صوت سياره وكلشي صار اسود وراها
يتبع……..
________________§§§______________________________________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.