رواية أحفاد الشيخ علي – الفصل الخامس والثلاثون
Part 35
باوعت عليها الممرضين وكلها ملتمه عليها وهيه مغمى عليها ما تعرف بدنيا شكو وامي كاعده يمها تبجي طلع الدكتور ولتمينه عليها واحد من الممرضين كاعد يخيط براسها ويمسح بيه لان مفتوح واني من شفته متت بجي عليها
يامن::الي دعمها وين؟
هاشم ::جابها للمستشفى وسلم نفسه مبين مجان متقصد
يامن ::متقصد وله ما تقصد اله اخليه يتعفن بسجن
هاشم::وليدي لا تتسرع خلي نور تصحه ونفتهم والله كريم
يامن ::تمام ابوي كتله؟
هاشم::اتصلت عليه وكتله كال جاي بأول طياره
كلها ملتمه على نور ننتطر تصحه والممرضين ملتمين عليها هذا الي يفحصها وهذا الي يحرك بيها يريد يعرف شنو وجعها باوعت رجليها كلها جروح وراسها مخيط الخياط صاير من جبتها شويه ليفوك بس قبل ما يتخيط جان هواي دم والاوكسجين على حلكها وفاقده شكلها يقهر وخرو الاوكسجين وره ما ستقرت شويه وره شويه صحت وفتحت عيونها وكلها ملتمه عليها وتبجي وخايفه عليها باوعت عيونها علينه وتفر براسها عيونها تباوع تفتر بالمكان بس متكدر تحجي متكدر تلفض كلمه من الوجع وعرفنه كلنه من نضراتها دور تراث ضلت تباوع علينه وامي جتي يمها تبجي ولازمه ايدها وتحجي وياها تريد بس تسمع صوتها واحنه بعدنه بطوارئ وشويه وفوتو واحد ميت مبين جبير بالعمر ولده كلهم ملتمين عليه ويبجون ويلطمون وصار الصياح ماله والي رفعت راسها شويه ونور وردت فقدت اني من شفت منضرهم شون كلها ملتمه عليه وتبجي متت من القهر واحد من ولده يصيح وبناته يقهرن قهر
_يابهه عليك اللههه كوممم يابهه لا تعوفنههه عليك اللهه كومم كوم افركلك رجليكك كومم اروحلك فدوهه كوم
وكلها تتوسل بيه بس يكوم ويرفع راسه والبجي والطم وشويه واجه علينه الدكتور
_ راح ننقل نور لقسم الجراحه وره ما تصحه فد مره نبده نفحصها
هاشم ::تمام دكتور مشكور
واجو ممرضين ولدنه ساعدوهم ونقلوها لطابق الثالث لقسم الجراحه فتنه للغرفه وجانت عباره عن غرفه كلش جبيره حيل ومقسمه اكو بيها هواي مرضه وكل مريض على جربايه والفاصل بينهم عباره عن برده لونها ازرك فاتح حطوها على جربايتها وكلها ملتمه عليها واحنه دموعنه ما توكف وما نسمع بس صوت رج المستشفى رج وطلع يامن يركض لان عرف منو صاحب هل صوت وطلعت اني اركض وراه وياي علي ونشوف تراث واكف وكدامه واكف يامن وياه ساره وحمزه وسديم وغزل وعمه مروه وعمه جواهر وكلها جايه كلها فاتت تركض على نور بس يامن ما خله تراث يفوت وتراث لازمه ويامن لازم تراث ويريد بس يفوت يباوع من وراه يريد يلمح ضفر الها وماكو
تراث::بس اشوفها اريد اشوف نور
يامن::تراث اطلع بره ماريد اضربك كدام ناس
تراث::عليك الله بس اشوفها بس اشوفها وروح والله
يامن::اطلع بره لكك كتلك تحرم عليكك
تراث::بس اشوفها يامن محروك كلبي عليها عليك الله بس اخذ نضره
يامن::بره تراث برهه
هوه كامش ايده ويباوع وراه يريد بس يشوف اي شي عنها اضفر الها اي شي
تراث::تطلع منا واطلع والله بس اشوفها اذا زينه يامن عليك الله اريد اشوفها عوفني اريدها ولكك اريد اشوفها ولك جاي اموتت
يامن ::تراث كافي عاد كتلك اطلع برهه
اول مره بحياتي اشوف تراث هلكد ضعيف ويتوسل بشخص جان دأمن راسه مرفوع وعمره ما نزل نفسه على أحد او جان عنده نقطه ضعف بس نور صارت هل نقطه
سديم::يامن خطيه عوفه بس يشوفها
باوع على سديم بنضرات كلها عصبيه واردف
يامن:: تحرم عليه يشوفها
تراث::يامنن بس اشوفها ولكك اخذت عافيتي من راحت ولك بس اشوفها عليك الله بس اشوفها ما اسوي شي ولا اتكرب عليها بس اشوفها
عله صوت يامن وكام يصيح عليه ودفره يريد يطلعه وتراث واكف ما يقبل يتحرك
تراث::والله ما اطلع لو اعرف اموت والله ما اطلع
وشافهم ابوي واجه يركض عليهم
هاشم::كافي فضحتونه خليه يفوت يشوفها يامن عوفه كافي
يامن::كلت الكم ما يفوت
باوع عليه ابوي بنضرات كلها عصبيه وجان يوخر يامن وهوه بس انطه مجال تراث طلع يركض عليها ركضنه وراه وشافها شون منتهيه ونايمه اجه يركض عليها ولازم ايدها مجروحه وبيها دم وعيونه نترست دموع وهوه يمسح بيدها ويبجي كام يبجي كلها تباوع عليه ومصدومه يمسح بيدها ويبوس بيها ويبجي
تراث:: يمه جعل بيه ولا بيج يمه كون ميت ولا شايفج هنا ولج كومي حياتي ما تسوه بدونج اسف يبعد روحي اسف يكطعه من كلبي اسف يبعد هلي اسفه يشمعت كلبي ولج كله بسببي ولج كله من وراي والله ما اسامح نفسي ولج اسف ويباوع على شعرها الي كله دم ويبجي ويمسح بيه وايده ثانيه لازمه ايدها وباوع ايد نور شدت على ايد تراث وفتحت عيونها تباوع عليه وهوه عيونه مغوركه دموع وهيه بس تباوع عليه وهوه تقرب منها وباس عيونها ثنينه
نور::تراث
تراث::عيونه وكلبه ولج ها يعزيزه كلبه وررحه لـ تراث
نور::لا تعوفني ايدي توجعني
تراث::ما اعوفج والله ما اعوفج يمج والله يمج ما اروح لو اعرف اموت والله يمج كون أيدي المكسوره ولا ايدج
وهيه تباوع عليه صافنه متكدر تحجي بس عيونها عليه
نور::راسي يوجعني راسي اني وين
تراث::بالمستشفى يبعد اهلي
نور::شجابني هنا؟
تراث::ندعمتي يبعد عمري
بقت ساكته ما حجت شي وبس صافنه صارت ساعه بل 8 بليل ورجعو كلهم بقه بس عراق واني وتراث ويامن وسديم وامي وطلع تراث وعراق يجيبون اكل ونور صاحيه وتباوع للسكف وتون من الوجع تشكي من ايدها حيل واني كاعده احجي وياها لان كطعت كلبنه تكطع وامي ما وكفن دموعها عليها
ايلين::كون بيه يبعد امج كون بيه
نور::يمه ايدي يمه احس جاي اموت
ايلين::اسم الله عليج اموت وراج
وهيه تون وامي تبجي عليها ونص ساعه مدري اكثر اجوي الولد وجايبين وياهم اكل حطو بالكاع وكلنه لتمينه وتراث سوه لفه لنور واخذ كاسه شوربه سفري وكعد يمها على الجربايه كام شويه حطعهن على جربايه وكوم نور كعدها وحط وراها مخدات ثنين وكعد يمها يريد منها تاكل وهيه ما تريد تسد حلكها وصد بجهه
تراث::بس شويه
نور::ماريد نفسي تلعب ماكدر
تراث::بويه بس شويه اكل مماكله شي من صبح
نور::ماريد
تراث::خاشوكه وحده
نور::لا
تراث::بس وحده
نور::لا
تراث::فتحي حلكج
نور::ماريد
تراث::استغفر الله
ايلين ::يمه عوفها عل راحتها عود من جوع تاكل
تراث::تمام
نزل الاكل بالكاع ورفعها شويه وعدل المخاد وساعدها تتعدل وحطت راسها على المخده وردت نامت ايدها مجبسه وراسها مخيط وبعدنه لحد هسه منعرف بعد شبيها اله باجر يبدي الفحص كلنه بالنه يمها ذيج اليله محد عرف ينام وهيه كاعده تون وشويه تهدي وتنام وترد تكعد وما تقبل تاكل وذا اكلت شويه ترد تستفرغه وكلما شوف اكل نفسها تلعب اكثر لذا ما ضغطنه عليها بسالفه الاكل وتراث كاعد يمها يمسح بشعرها ومره يبوس راسها ومره ايدها ويكعد يحجيلها ويغنيلها يريدها تضحك وهيه ساكته وضل كاعد يمها ما فارقها دقيقه كام يامن وامي طلعو بره عمود امي تغسل ويامن يشمر الاكل الي بقه وتراث طلع يشوف دكتور وبقينه بس اني وعراق وشويه باوعت على نور نامت وهوه كاعد بالكاع على جهازه يباوع ويمه بطانيه
حور::طيني خلي اغطيها خطيه نامت
اخذ البطانيه من يمه وكام طانيها واردف
عراق::هاج بويه
حور::شكغاً عمو
باوع عليه وضحك وردف
عراق::دللي بعد عمو عمو اني والله صغير مو مال عمو
باوعت عليه وضحكت وسويت روحي ماعرف اسمه
حور:: هههه شنو اسمك انته
عراق:: اني اسمي عراق
ضحكت وحجيت وردتت اسمه بس بصوت ناصي
عراق:: شكو تحجين بصوت ناصي كولي عراق شو بله خنشوف الدغه الحلوه
هوه يباوع عليه وينتضرني اكول اسمه واني ضحكت واردفت
حور:: عغاق
عراق::اويلي يابهه يروحلج فدوه هوه وعشيرته واهله وأهل وأهله
من سمعت هيج صار وجهي احمر وكمت اضحك ونزلت راسي وهوه ضل يباوع عليه ويضحك
حور::ههههه
عراق::شو كولي اسمي نوب عليج اللهه
حور:: عغاق
عراق::كل عمري ما مقتنع بأسمي بس هسه اسمي بحلكج عسل وعسل
نزلت راسي وكمت اضحك وما اسمع بس نور صيح علينه وبالكوه تحجي
نور::يابه انتو كافي تتغزلون ما تستحون؟ اني بين الحيه والموت وانتو واحد يزحف على ثاني ستحو شويه وحترمو المريض
عراق:: عمي اعصابج هوه منو يزحف بس هيه ما تعرف اسمي وكلته العا شبيج ضلمتينه
حور ::اي والله
نور:: اطلعو بره اريد انام تعبانه متكولون مريض يريد يرتاح
ضحك عراق على حجيها واردف
عراق ::طالع اغسل مشتهيه شي اطلع هسه اجيبلج؟
نور::لا سلامتك بويه
وباوع عليه والابتسامه شاكه حلكه وعيونه يلمعن
عراق:: وانتي حور محتاجه شي لو مشتهيه شي تردين اطلع اجيبلج؟
حور::لا سلامتك ماغيد شي
جر نفس وتنهد وضحك واردف
عراق::اوف
ضحكت اني عليه وهوه رجع ضحك عليه
عراق::يله طالع اني
حور::بسلامه
طلع هوه وشويه ورجع تراث وشاف نور نايمه ومخره الغطه رد غطها لان الجو بارد وباسها من راسها باوعت عليه اني واردفت
حور ::تغاث؟
تراث ::ها
حور ::تحبها؟
تراث:: روحي من دنيا هاي مكدر بدونها وين شايفه واحد يعيش بدون روحه
حور::ياا
تراث::اني مو بس احبها اني اعشقها اتنفسها هيه الاوكسجين الي اتنفسه
عجبني حيل حجيه وبتسمت اله وهوه باس ايدها وضل يباوع عليها
تراث ::اوف لو بيدي اضمها من دنيا وما اخلي احد يأذيها تالي اني اذيتها احس نفسي مرات ما استاهلها بس مستحيل اخليها لغيري جاي اغير من نفسي عمودها عمود اكون شخص الي يستاهلها لان مكدر بدونها ومكدر اشوفها ويه غيري
حور::ماعغف شكلك وشحجي والله
تراث::ما يحتاج تحجين شي بس اني كلبي محروك ونار الي بكلبي مجاي تطفه بكل وجع جاي تتوجعه جاي تاخذ من عافيتي
باوعت عليه ونقهرت على حجيه حسيته صدك يحبها ورايدها لان ماكل زلمه يبجي على بنيه وتراث بجه عليها دمعه الزلمه غاليه حيل وما تنزل بس على الي عزيز على كلبه حيل ونزلت على نور
تراث:: عزيزت كلبي وروحي انتي يا بعد عيون
تراث ولج كون يومي قبل يومج كون ميت
ولا شايفج هنا
هوه يحجي الها وهيه نايمه وبس اني اسمع حجيه
تراث::اعرف بروحي تعبتج هواي وياي والله اعرف اذيتج هواي بس شسوي اني هيج جاي احاول اتغير عمود عيونج الحلوه اعرف والله اعرف تعبتج هواي اوفف اوفف
يتنهد ومبينه الغصه بكلبه جبيره حيل وكامش ايدها ويحجي ويرد يبوسها ويحجي الها ويرد يمسح شعرها ويعتذر منها ويبوس بيها واني كلبي فرفرح عليه متت قهر معد اتحمل وطلعت وعفتهم طلعت بره المستشفى افتر وعيوني غوركن دموع وشفت كرسي وكعدت عليه ابجي ومسح بدموعها وشويه وسمعت صوت خشن
عراق ::شبيج؟
حور::هلا
عراق::كافي بويه عيونج راحن كومي نامي ورتاحي نور هسه صير زينه وما عليها شي
حور::مقوغه عليها
عراق::نور سبعه وقويه تتخطه وهسه شوفين تصير زينه وترجع احسن من قبل
حور ::ان شاء الله
كمت من مكاني وطلعنه ثنينه فوك للغرفه وشفت تراث نايم على جربايه بس كاعد كعود نقهرت عليه وشويه وشوف عراق راح وشويه ورجع وياه بطانيه
عراق::هاج هاي فرشيها ونايم عليها دبري روحج الها صبح دنيا وجيب بطانيات ودوشك
حور::مين جبتها؟
عراق ::شحدتها من مريه من الغرفه الثانيه
حور::ها
عراق ::اي بويه
فرشتها وهوه يباوع عليه وشويه وطلع جكاره من جيبع وحطها بحلكه باوعت عليه وستغربت
حور ::دخن؟
عراق::اشش محد يدري خليها سر بيني وبينج
حور ::تمام
ضحك واني ما حجيت شي تمددت واسمع خطواته صارت بعيده بمعنا طلع من الغرفه وضليت افكر الما غفيت بالكوه لان على البطانيه والكاع جنت ابد ما مرتاحه
يتبع……….
________________§§§_________________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.