رواية أحفاد الشيخ علي – الفصل السادس والثلاثون
________________§§§______________________________________________
قُل لِقلبِك أَنَّني أَحببتُهُ!
فلعلَّ صوتَ الحُبِّ يَبلُغُ مسمعَك
رِفقاً بِحالي إِنَّ قلبي مُوجَعٌ
وشِفاءُهُ في أَن يَراكَ ويَسمعَك
مَهما ابتَعَدتَ عنِ الفُؤادِ فَإِنَّني..
مُستَوطِنٌ رَغمَ المسافةِ أَضلُعَك
إِن كُنتَ قَررتَ الرَّحيلَ تَذَكَّرْ؟
أَنّي تَركتُ الناسَ كَي أَبقى معك.
________________§§§______________________________________________
سمره::
فتنه نركض واني وعمر وعقلي وبالي كله يم نور اني اركض وعمر يركض وراي وما ادري بروحي من الاستعجال كتفي طخ بكتف شخص وكفت وهوه وكف باوعت عليه وضليت مصدومه ما توقعت روحي راح ارجع اشوفه وره كل هل اشهر وبهل مكان وهوه ضل صافن وعيونه عليه وكل ملامحه تغيرت من شافني لملامح الصدمه فتح حلكه حسيته يريد يحجي شي وكبل حجيت اني
سمره:: اسفه خويه بالغلط
احمد::لا عادي مصار شي
وعفته وطلعت اركض وعمر يركض وراي واني كلبي يدك بسرعه صعدنه بالمصعد حتى نصعد لطابق الي نور بيه اني خايفه ورجف وطكطك اصابعي واحس كلبي يرجف ما اشوف بس عمر كمش ايدي وحطها على شفته باسها وخرها واردف
عمر::اعصابج حبيبي خابرت يامن وكال هيه لحد هسه زينه وماكو شي
سمره::تمام
هوه سكت واني سكتت وشويه وكف المصعد وطلعنه نركض الما وصلنه الغرفه الي هيه بيها رحت اركض عليها وشوفها نايمه وتراث كاعد يمها يسولف الها جيت اركض كبل عليها
سمره ::شبيها شون ندعمت وليش محد كال النه اله هسه
يامن::بس اعصابج ما كلنه لان عرسان جدد ونور مو حالتها خطره اعصابج بابا خطيه نايمه لا تكعديها ليل كله ما تنام لصبح من الوجع
سمره::يمه سوده عليه والله متستاهل
ايلين ::الحمد الله على كل حال
سمره::زهراء تدري؟
حور::اي كلت الها كالت العصر اجي
اجه دكتور علينه وتراث رأسن كام من مكانه
_ساعدو المريضه حتى ناخذها نفحصها ونسوي الها سونار وتحاليل واشعه
تراث::تمام دكتور
_ نزلوها على الطابق الأول على قسم الاشعه
تراث ::تمام
طلع الدكتور وتراث يجر حسره بالكوه ومبين عليه شكد مقهور وعرف بيه باجي من عيونه حمر ومبين عليه ما نايم رجع كعد يمها ويباوع عليها
تراث::بكعتج هنا جاي تاخذين نص عمري مني
ايلين::يا يمه اعصابك وكافي ادعي الها ما بيها شي وكلشي يسهل الها كافي تقهر بروحك وتقهر بينه يا يمه
تراث::تمام عمه
اجه يمها ويبوس بيدها ويباوع ويذب حسرات عليها وحاول يكعد بيها شويه شويه الما كعدت اجه يامن يمه وبده يحجي ويه نور
يامن::تكدرين تمشين؟
نور::مكدر
تراث::مو مشكله هسع اني اشيلج
يامن::اكسر اديك والله
وخر تراث ماخذ يامن على كد عقله وسكت اله وخر عنه وراح عراق جاب كرسي متحرك ورجع وشالها يامن وساعده تراث وحطوها بالكرسي
نور::لا تحركه بسرعه اتأذيه والله يوجعني كلشي
يامن::تمام
اخذوها وطلعو بيها يامن وتراث وعمه ايلين وياهم واني وعمر وحور وعراق بقينه بالغرفه كعد عمر على جربايه وبقه يباوع النه
عمر ::شهل مصيبه نزلت علينه اوفف
حور::مسكينه نور والله
سمره:: اللهم لا عتراض على قدرك
كعد عمر وعراق يفتحون مواضيع ويحجون بيها واني بس صافنه كمت من مكاني وعمر باوع عليه
عمر::وين؟
سمره::انزل جوه اشوفهم مكدر اكعد هنا اكثر
عمر::اجي وياج؟
حور ::لا ميحتاح ابقه انته هنا اني انزل وياها
عمر::تمام دير بالج على نفسج
حور ::واني؟
عمر::انتي جبار ما عليج شي
حور::هوه صوجي مو صوجك
ضحك وبقه يباوعلي واني بتسمت اله وحور كمشت ايدي وطلعنه من الغرفه نزلنه جوه
حور ::تعاي نشوفهم بالكت هنا
فتنه لقسم تحليلات باوعت ما موجودين واني كلبي يوجعني باوعت وشفت احمد وهوه يباوعلي اجه بتجاهي واني بطني كامت توجعني وحور تباوع عليه اجه وكف يمنه
احمد ::شونج؟
سمره::الحمد الله بأحسن حال انته شونك وشونها مرتك؟
احمد ::اني ابد مو زين
سمره ::ليش؟
احمد::كلشي من بعـدج مو زين حوبتج دمرتني
نصدمت من حجيه وباوعت عليه
سمره::كتلك الحوبه تبطي وما تخطي
احمد :: دعيتي عليه وربي ستجاب دعائج عزيز كلبي الي هيه امي طلع بيها مرض سرطان
فتحت عيوني من الصدمه وحطيت ايدي على حلكي
سمره::عزاا
احمد :: الي عفتج عمودها لكفت بجهازها تخوني ويه اربع ولد ثنين وياها بالجامعه وثنين على النت وداخله كروبات وتحجي وياهم سوالف وصخه
كل شغله يحجيها اني انصدم بيها اكثر من الي قبلها مبين عليه بهل كم شهر عاش الضيم لان الي يشوفه يكول كباران الف سنه صاير عنده لحيه مخالطها شيب وبنيته صارت ضعيفه وشعره صاير ابيض باوع عليه بحسره ونزل راسه
احمد::محتاجج ردي الي سمره
سمره ::وين جنت من جنت اني محتاجتك؟ وين جنت من شفت الويل والبجي والقهر واليل مكدرت انامه ولك اني جنت انتضر رساله منك انام على صورك ومحادثاتنه واكعد علينه الما تخطيت بالكوه وهسه تريد ارجع الك ورجع ادمر نفسي؟
احمد ::رجعت ودزيتلج رسايل وحضرتيني؟
سمره::اجيت بوقت جانت كل مشاعري نتهت
باوعت عليه بصدمه وهوه عيونه نترست دموع وكام يبجي
احمد::سامحيني والله ما اتحمل بعدج كلشي بده ينكسر من يوم بعتدي روحي بدت تصيح بأسمج وعقلي كل مره يعاتبني ليش خليتها تروح؟ اني اسف ندمان من كل كلبي وتعبت من التفكير بيج والله ضل بالي عليج حتى نوم مكدرت انام كلشي صار ضدي من تركتج ليش ختفيتي ليش عفتيني وحدي؟ ليش حضرتيني من كل حساب ما خليت مكان وما دورت بيه عليج وكل ما الاكي حساب يخصج ادخل الكاج حاضرتني منه كافي رجعي سامحيني اني مو خوش حبيب ادري بس والله بدونج مكدر كلشي بعدج فقد طعمه
ما حجيت شي باوعت على حور وهيه تباوع عليه كلت الحمد الله هيه تدري بسالفه وعمر يدري وما ضامه شي عليه بس كلبي كام يوجعني حسيت نار شتعلت بيه وره هل حجي الي كاله
سمره ::الله يساعدك ويسهلك يارب ويشافي امك ان شاء الله وتتخطه للبنيه الي خانتك بس اني اعتذر منك
رفعت ايدي وبتسمت اله وهوه باوع على الحلقه الي بيدي بصدمه
سمره ::تزوجت من زلمه عوضني ونساني كلشي سويته بيه عانه بسببي وحارب عمودي لانه زلمه وكد حجايته وعدني وعد وفه بيه لانه زلمه مو ذكر وهسه اني مرته وحلاله وهواي سوه شغلات عمودي انته جنت بس حجي بس هوه كله افعال ومستحيل هسه اكسره عمودك لان انته ما تستاهلني ولا تستاهل اضفر مني هوه يستاهل انطيه عمري كله واني مغمضه وما اتندم ابد لان هل مره اني ويه زلمه مو ولد او مراهق ما يفكر بس بنفسه
من سمع هل حجي سكت باوعت على حور بتسامتها شاكه حلكها ضحكت الها وكمشت ايدها وعفته وطلعنه حسيت براحه جبيره وره كل شغله حجيتها اول مره احجي شي واعرف روحي ما راح اتندم لان عمر يستاهل كل شغله حلوه مثل ما خله حياتي حلوه اني مو انسانه قذره او رخيصه حتى اكسره وارجع لاحمد
حور::عفيه عليج والله
سمره::يستاهل
حور::غاح تكولين لعمغ؟
سمره ::اي ان شاء الله اول ما تستقر سالفه نور اكله امشي نرجع هسه رجعو
حور::تمام
رجعنه للغرفه ونشوف عمر وعراق واكفين ويه ناس زلمه جبير بالعمر وياه زلمه مبين بالعشرينات وياهم مره كاعدين يحجون اجينه اني وحور عليهم ومستغربه اريد اعرف منو همه عمر يحجي وياهم وهمه يحجون ويتعذرون وكفت يم عراق وهمست اله
سمره ::منو ذوله
عراق ::ابنهم الي دعم نور
سمره::عززا
_ والله مجان متقصد والله واحنه نعتذر منكم بنيابه اله
عمر ::عتذاركم ما يسوي شي بنتنه هسه بالمستشفى وحالتها حاله من وراه
_وليدي بس خلي يطلع من سجن احنه نتكفل بكل فلوس علاجها
عمر::اذا ما ترجع بنتنه مثل الاول تمشي على رجليها تحلمون ابنكم يطلع من هنا
_ الغلط مو من عنده هيه جتي تركض عليه
عمر::هاي مو حجه حتى يدعمها ابنكم حتى رخصه ما عنده يعني لو هسه نشتكي عليه ينسجن 8 سنوات
المريه شهكت وحطت ايدها على حلكها
_ يمه لا عليك الله لا تشتكون والله حالنه بضيم وجهالي يتامه مالهم احد
عمر ::محد كال الكم تنطون سياره لواحد ما يعرف يسوق بيها
هيه تحجي وهوه يحجي ومبينه المره كويه ومو هينه من حجيها وباوعت وشوف تراث ويامن وايلين ونور وياهم عرفت من شفت تراث اذا دره ذوله اهل الولد راح يتعارك ويسوي سالفه اجه بتجاهنه لان احنه واكفين يم مكان نور الي ترتاح بيه اجه يامن وتراث وساعدوها حتى تنام بفراشها ويامن من شافهم عرف سالفه عاف تراث يم نور واجه يحجي ويه الرجال الجبير وتراث اباوع عليه يساعد بنور ويطيها مي ويغطي بيها وره ما كمل اجه علينه باوع للجماعه وهوه مستغرب
تراث ::منو ذوله؟
باوع الولد عليه واردف
_احنه اهل الولد الي دعم بتكم
تراث::تشاقه مو؟ نوب يحجي بكل صلافههه
هنا تراث حجه هيج اني اريد اكعد الطم جيت على الولد طلع حركته بيه لزمه بوكسيات وكلها لتمت علينهه ويامن لازمه ورجال الجبير لازم الولد ويحجي ويه تراث
_وليدي العصبيه ما جيب نتيجهه خلي نكعد نتفاهم
تراث::ولكك من كل عقلكك اكعد اتفاهمم وياكم؟؟ ولكم شوفو وين وصلتوهااا ولكم حركتوو كلبي كلبي حاركي عليهاااا
لزم يامن تراث وهوه يسب ويفشر ويحجي عليهم وما خله مسبه ولا فشار وفضحنه فضيحه اللهه بالمستشفى وكلها لتمت علينه لا خله ممرض ولا دكتور بالكوه ياله هدو وكدرو يسكتونه ويكعدو عافهم هوه طلع بره وبقه يامن يحجي وياهم
_سويتو الها فحوصات؟
يامن ::سوينه الها اشعه وسونارات وطلع عدها كسرين بأيدها اليسره واحد يم ركبتها كال يلتأم وحده والثاني بكتفها يحتاج عمليه وعدها شخط بالبنكرياس هم تحتاج عمليه كالو اول شي عمله البنكرياس راح نصومها الما تشكي من بطنها ياله يدخلوها عمليات وهاي بس من عده الجروح الي بجسمها ورجلها الي ما ينحجه عنهم
باوعت المره بقهر ليامن واردفت
_اعرف عتذارنه ما يرجع البينه مثل ما جانت واحنه باقين وياكم اي شي تحتاجو احنه يمكم الما تكمل العمليتين واحنه ندفع الها كل الفلوس الي تحتاجهن الما ترجع زينه وتمشي على رجلها
باوع الها يامن وسكت ما حجه شي بس هز راسه بمعنه الموافقه وطلع بره ولحكه عراق وعمر واني وحور بقينه صافنات المره راحت كعدت يم عمه ايلين تحجي وياها
واني كلبي مكسور عليها وره ما سمعت حجي يامن وسوالف عليها شويه وشوف ساره وحمزه جاين وياهم بطانيات وكم مخده ودوشكين شايلهم حمزه وساره شايله بيدها علاليك فاتو سلمو على عمه ايلين ونور وباوعت عليه ساره
ساره::هذا الاكل جبناه الكم وهذني كالي عراق نجيبهم لان ماكو مكان يباتون بيه
سمره::تمام
ساره:: شطلع بيها؟
سمره::كسرين بيدها واحد يلتأم وحده والثاني عمليه وعدها خدش بالبنكرياس هسه مصيميها ميصير تاكل اي شي لان اول ما تكوم بطنها توجعها يدخلوها عمليه
ساره::يمه سوده عليه
عافتني ساره وراحت لنور تباوع عليها وعيونها متروس دموع وكعدت يمها تبجي عليها وعلى حالتها وحمزه يباوع عليهن صد عليه واردف
حمزه ::الولد وين؟
سمره::طلعو وره تراث
حمزه ::شبي
سمره::مادري والله تعارك وره العركه طلع وطلعو وراه
حمزه::تمام
سمره::سجاد وين؟
حمزه::على جيه
سمره ::تمام
ما صار نص ساعه وسجاد اجه وهوه وهمات جايب وياه اكل وفات سلم وطلع يسأل على الولد وحجيتله الي صار وكبل طلع يدور عليهم وشويه واهل الحادث ستاذونو من عدنه وطلعو وكالو راح يرجعون يجون وكلنه الحيره كاتلتنه والقهر بنفس الوقت
ساره::زهراء راح تجي؟
سمره::عساس تجي بس كالت مكدر اليوم لان محد يكدر يجيبني الما الكه احد واجي
ساره::لعد خليها لباجر اني وحمزه نجيبها
سمره::اي ان شاء الله
ساره::ان شاء الله
شويه وبارع نور شويه صحت واني ساره تباوع عليها ونضحك نريد نغير الها جو
ساره::يمهه يمهه كعدت الحلوه
نور::هلا
ساره::يابه الحمد الله على سلامهه
نور::الله يسلمج
باوعت عليها مبين عليها القهر من حالتها ولازم نفسها بالكوه والحسره والغصه كاتلتها وبس جر حسره وتباوع علينه
سمره::راح يصوموج عمود العمليه مال بطنج
نور::شبيها بطني؟
سمره::عندج خدش بالبنكرياس
من سمعت حجي سكتت ما حجت شي بقينه كاعدات يمها نحجي ونسولف والما صارت الساعه 7 واجه عمر وحمزه وستأذنه اني وساره طلعنه كلمن على بيتها
________________
حور::
نور::حور غطيني
حور::تمام
جبت البطانيه وغطيتها وكعدت اني وامي بالكاع فتحنه الاكل وكعدنه ناكل وهيه اباوع عليها نايمه شويه واجه يامن وعراق وتراث
يامن::حطلع للبيت اني اسبح ورتاح وباجر اجي
حور::اخذ وياك تغاث خلي يغتاح
تراث::لا ما ماريد اني باقي هنا ما اطلع وعوف نور
يامن::على راحتك
طلع يامن وتراث رجع كعد يم نور يباوع عليها وامي لمت الاكل وراحت تشمره وتغسل باوعت على تراث مرتجي على الحايط وكاعد كعود ومبين مثل النايم باوعت على عراق وهوه جر حسره وباوعلي اجه يمي كعد
عراق :: لا تخافين كلشي راح يصلح سهله ان شاء الله
حور::ان شاء الله
باوع عليه وبتسم وكعد وما اسمع بس شويه اشوف صافن وبده يقرأء قران اني نصدمت وكف شعر راسي على صوته صوته يجنن حيل حلو وبيه راحه كلش حلو وهوه ديقره ما عبالي حافض قران او عنده هل صوت الحلو
عراق:: ان اصحـــاب الجنــه اليوم في شغل
فاكهـــون هم وازواجـــهم في ضلال علــى الارائـك متكئــون لهم فيها فاكهه ولهم فيها فاكـهــتون ولهم ما يدعـــون ســلام قولا سلام قولاً مــن ربِ الرحيم ومتازو اليوم ايها المجرمون
كمل الايه وسكت واني من بده يقره لحد ما خلص حسيت براحه جبيره اول مره احس بيها صوته يموت يجنن بمعنه الكلمه ما بيه اي غلط
حور::ما شاء الله تباغك الغحمان
ضحك وباوع اليه
حور::اقغه بعد اقغه بعد
ضحكلي وبده يقره ايات نوب وهوه يقره مديت الي فراش وحطيت المخده وتمددت وهوع يقره وشكد ما صوته بيع راحه كبل نمت وما حسيت على نفسي
يتبع………..
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.