رواية أحفاد الشيخ علي – الفصل الأول والثلاثون
نجلاء :: مو اكلك دأمن محد عرف يربيك لا ابوك ولا امك الكح
بعدها ما كملت الكلمه وصاح بيها يامن
يامن::نجبي لج الكح… سنين واحنه ساكتين الج شايفه امي تاج راسج وتسواج وتسوه الي خلفج امي ما سوت قذارات مثلج وأهلها غطو عليها امي شريفه بت شريفه والله الي اسمه الله اذا اسمع بيج ماده ايدج على سديم والله اكسرها الج عبالج ما ادري شجنتي سوين بيها ولج اني ساكتلج لان مجنت اكدر اسوي شي وهسه هيه مرتي وبأسمي والي يمد ايده عليها اكسرها مو زلمه الي يخلي مرته تنذل
فتحت نجلاء عيونها بصدمه على حجي يامن وبعدها ما عرفت تنطق حرف واحد
يامن::باعي نجلاء كلها تكول مو زلمه الي يضرب مره وهسه اني اريد اصير مو زلمه والزمج والله اذبحج ودفنج بيدي ومحد يدري عنج وخلي اخوانج يطايرون من مكان لمكان يدرون لجثتج لا عبالج اني اسكت لو اخاف اني ما اخاف بس من الي خلقني
وهيه بقت على سكتتها وصدمتها وجواهر اخذت وضعيه البريئه الي ماكو منها وسوت نفسها قابله بعلاقه يامن وسديم
جواهر::كافي وليدي اروحلك فدوه كافي
يامن::والله ما يعيش الي يمد ايده على مريتي اكسرها واكسر ايد الي خلفه
وهوه ايده بيد سديم شاف كلها سكتت محد حجه اخذ سديم وطلع بره واحنه كلنه واكفين على صدمتنه من الي سواه يامن وعقده على سديم
____________________
سديم::
يامن::ليش ما كتيلي نجلاء تضربج؟
سكتت ما حجيت شي نزل راسي وهوه عيونه عليه ما شالهن
يامن::ليش ما تحجيلي احنه مو متفقين ما نضم شي على بعض ومو انتي وعدتيني؟
سديم::اخاف
يامن :: ليش تخافين واني بضهرج ليش تتأذين ومتحمله كل هذا واني مادري؟؟
سديم::اسفه
يامن:: اني مكدر اسامح نفسي ابد والله انتي جنتي عايشه بجحيهم وهنه يأذنج ومدمراتج واني ما ادري بشي
سديم::انته معليك والله لا تحجي هيج حباب
يامن::ليش ما كتيلي سديم ولج اني تنزل دمعه من عيونج اموت الف موته نوب احد يضربج
سديم::اسفه والله ما جنت اريد اسوي مشاكل
يامن::ولج يا مشاكل لو ادري والله جنت كسرتهن واخذتج منهن من زمان وما خليت احد يأذيج
باوعت عليه وعيوني نترسن دموع وهوه عيونه بعيوني
سديم::مجاي اصدك احنه عقدنه وهسه صرت حلالك
بتسم وحضني حضن قوي اول مره حسيت براحه اول مره حسيت بأمان اول مره ما اشيل هم شي اول مره احس نفسي بيد امنه ومحد يكدر يأذيني او يوصلي اول مره احس الي امل اعيش واحيه حالي حال البنات اول مره احس نفسي فرحانه ودنيا كلها ما توسع فرحتي ما جان حضن عادي هل حضن جانت ستراحه محارب مثل ما يكولوها بعد الحرب الي شفناها وحقد وكره الناس وغيرتهم وهواي ناس جتي تخرب بينه وضلينه سوه وما ننسه امي واختي واهلنه وكلها جانت رافضه بدايتها من امي وبس بقينه ايد بأيد وهسه احنه عقدنه الحضن الي صارلي سنين اتمناه اليوم اخذته واني كلشي بيه مرتاح وخر عني وضحك واردف
يامن::مستحيل بعد احد يكدر يأذيج
سديم::ادري والله ادري
يامن:: احبج سديم حيل احبج اريد ابقه العمر كله بحضنج اريد حتى موتي يصير بحضنج وبين اديج
سديم ::اشش شبيك يامن شهل حجي اروحلك فدوه اني
ضحك وحط ايده وره راسي وجره عليه وباسه وكام هوه واني كمت
يامن::عندي شغل اكمله واجيج واي شي يصير بالبيت تحجيلي ديري بالج من نجلاء
سديم::تمام حبيبي دير بالك على نفسك
يامن::صار بويه
طلع من باب الحوش واني خوفي شون راح اكدر افوت جوه وشريد اكول واحجي لامي فتت جوه واني امشي على كيفي اريد اصل لغرفتي واسدها واكعد بيها الما يجي يامن صعدت درج واني جاي اصعد اسمع صوت نجلاء صيح عليه
نجلاء ::ولج بنت الشوارع وين تردين
باوعت عليها وطلعت اركض وهيه تركض وراي وصلت الباب تا اسده وهيه وكفت وراه اريد اسده ماكدر تدفعه قووي وهيه اقوه مني كمت اصيحح ودفعت الباب قوي وكعت بالكاع وشويه وكلها جتي تركض علينه مروه وجواهر وسمره وساره وغزل وجتي سمره ومروه وجواهر يلزمن بنجلاء حتى ما توصلي واني ميته احس الخنكه كتلتني من وراها تعبت اني حيل تعبت منها والبنات يصيحون عليه يردني اطلع من الغرفه تا يهدنها باوعت عليها وكمت اصيح بعلو صوتي عليها
سديم::تعبت ياااا ربي تعبببت ولججج كافي والله اني بنتج مو ضرتج ولججج كافي
كمت صيح عليها ونجلاء واكفه مصدومه واني ميته من الخنكه والغصه بس كافي تعبت والله تعبت معد بيه حيل اكثر من هيج رحت اركض للجررا مالت المرايه وطلعت منه حبوب وعلاجات هواي كلها بعلاكه وشمرتها على رجلين نجلاء
سديم::ابوس ايدج كافي لخاطر محمد ولج اني نفسيتي مدمره ولج كمت اخذ ادويه اكتئاب ولج نوم مكدر انامه اذا ما اخذ مهدئت ودوه منوم ولج اني صرتتتت مخبللههه مخبلهههه تعرفين شنووو مخبلههه كله من وراججج كافي ولججج كافي
وصيح وحجي عليها وكامت الطم على وجهي وخمش بخدودي وصيح كافييي عليج الله كافي ونجلاء وكافه مكانها لا حس ولا نفس وكلها واكفه مصدومه مني ومن حجي
نجلاء::شنو ذني؟
عافنها البنات وهيه كعدت تفتش بالعلاكه وتباوع عليهن
سديم :: دوه مال كتئاب جنت اراجع دكتور نفسي وكل هذا يطينياه حتى بس اهدئ وكدر انام
فكت حلكها وباوعت عليه بصدمه ما حجت شي وضلت تباوع بلادويه والعلاجات وتكمشهن واحد واحد وهيه مصدومه
نجلاء ::جذابه ما اصدك حجيج
سديم::ما عندي اي سبب يخليني اجذب
ما حجت شي وطلعت من الغرفه وعافتني وكعت بالكاع من تعب والصياح والتخمش وطلعن البنات كلهن وبقت بس سمره وساره كومني من مكاني وجابلتلي غزل كلاص مي وما حجن شي كامت سمره تلم العلاجات ورجعتهن مكانها وساره حاضنتني وتكلي تهون والله تهون واني ابجي
____________________
نور::
ما اصدك انو جواهر سوت كل هذا بقه حجي نجلاء بعقلي مكدر اطلعه من عقلي يعني معقوله هيه سبب كل مشاكل الي صارت وياي اني وطفله ضليت تايهه بأفكاري وشويه وسمعت الباب يندك واردفت
نور::منو؟
فات تراث ومبينه عليه العصبي باوع عليه وعيونه حمر صارت عيوني بعيونه واني اول مره اشوف هل نضرات منه
تراث ::بشنو قصرت وياج تا سوين بيه هيج؟؟
نور::سويت؟
تراث::وسوين نفسج بريئه وما مسويه شي مو؟
نور::اني ما سويت شي تا تحجي هيج
تراث::طيني مبايلج
نور::ليش؟
صاح عليه بعلو صوته وصوته خشن حيل هز كلبي طيته مبايلي وهوه اخذه مني بسرعه
تراث ::الرمز
نور::مواليدي
كتبهن وضلو يفتش وشويه وضحك
تراث::ما توقعت هل شي منج والله
نور::شنو؟
رفع المبايل قوي وهبطه بالكاع صار ثريد اني رجعت ليوره وكلبي نترس خوف اول مره اشوف تراث هيج
تراث::ولج كوليلي بشنو قصرت بس كوليلي
نور::هاي شبيك تراث
تراث ::ولج سويت كلشي حتى تحبيني ولج لو كايلتلي موت هم اموت تكليلي طيب هم اطيب
نور::تراث شبيك
تراث::كله من وره الاهتمام الزايد كلها تكلي هسه تطلع عينها بس ما فاد بيه
كام يفتر بالغرفه واجي عليه يريد يكمشني يضربني بس جان اكو شي مانعه وخر مني واني كمت ابجي وصيح عليه وهوه يفتر بالغرفه مثل الخبل وركض للمرايه وهوه يصيح كافي ورفع ايده وضرب المرايه قوي كسرها تكسر والكزاز تنثر بالغرفه وايده كلها دم واجه عليها يركض وكمشني من حنجي وهوه يباوع عليه ويصيح
تراث::ولجج شون تخونيني ولجج شون تحجين وياه هيجج
نترسن عيوني دموع ونترس كلبي خوف منه اول مره بحياتي اشوف تراث هيج
نور ::تراث ايدك جاي تأذيني
تراث::مو بكد اذيتج الي ولج اني الي طيتج كلبي وخنتيني
حجه هل كلام جنهن رصاصت صارن بكلبي واني دموعي ينزلن وماعرف عن شنو يحجي وباوع على الباب كلها واكفه بالباب اجه عراق يركض على تراث يوخره مني وخر عني تراث ودفع عراق قوي
تراث::دير بالك تتدخل والله ادفنك هنا والله
عراق::شبيك تخبلت؟
تراث::هههه مو اني اختك السا**
اني نصدمت من حجه هيج عليه ودموعي ينزلن وباوع عليه بخوف
عراق::تراث تراك تماديت حيل حيل
طلع المبايل ماله شمره على عراق
تراث::اقره رسايل وعود تعال احجي وياي روح شوف اختك شريفه شتحجي ويه هذا الكواد
من سمعت حجيه كمت من مكاني وباوعت بعيونه وهوه عيونه عليه رفعت ايدي واشرت عليه بصبعي
نور::دير بالك تحجي عني شرفي شي ولك اني اشرف منك دير يالك تراث
تراث::هههه ولج طالعه وملتقيه وياه والله يعلم شسوين وياه واني بالحلال متقبلين ابوسج
نصدمت من حجيه ورفعت ايدي اريد اضرب راشدي وكمشها نزلها وصار يعصرها قوي
تراث::ولج ايدج اكسرها فتهمتي ولج اني بشنو قصرت وياج نور بشنو قصرت ليش سوين بيه هيج؟
هد ايدي واني كعدت بالكاع ابجي وشهك
نور::والله ماعرف عن شنو تحجي تراث شبيك ليش سوي وياي هيج
تراث::ههه تخونيني ومسويه نفسج ممسويه شي ولج انتي حركتي كلبي الي حبج
كمت من مكاني واني ابجي وعيوني متروسه دموع وهوه يباوع عليه بنضرات كلها حقد وكره
رفع ايده يريد يضربني واني نصدمت من شفته يريد يضربني باوعت بعيونه ووهوه نزل ايده
نور::ترفع ايدك عليه؟
تراث:: وكسر راسج الكح**
نصدمت ورجعت ليوره وكلبي متروس خوف منه كعدت بالكاع وليمت رجليه لصدري وكعدت ابجي رفعت راسي وباوعت عليه واردفت
نور::هل نضارت جانت كلها حب وحنيه الي هسه صارت حقد وكراهيه
تراث::انتي بنفسج الي سويتيهن هيج بشنو قصرت وياج تا سوين بيه هيج؟
نور::تراث والله ما سويت شي ولك والله لخليك تتندم على كل كمله كلتها الي
تراث ::من اليوم ماريدج بهل بيت فتهمتي تلمين غراضج وطلعين وين ما تولين ولي وجهج ماريد اشوفه
نصدمت من حجيه باوعت عليه وكلبي نعصر عصر ودموعي امسح بيهن وينزلن اكثر كمت من مكاني وصيحت عليه
نور::تراث طلكني
تراث ::صوتج لا يعله فتهمتي اكسر راسج هذا الواكف
جتي عمه مروه تركض وفاتت للغرفه وشافتنه بهاي الحاله وكامت صيح على تراث وتحجي كمت اني من مكاني وكمت اصيح على تراث
نور::تراث طلكني
سكت ما حجه شي
نور::تراث طلكني
مروه::يمه بس اعصابج يمه خنتافهم والله هيج ما ينحل شي كعدو وتفاهمو
تراث::لا عوفيها هاي راسها واكف محد يكدر يتفاهم وياها تردين طلاك مو؟
نور::يي
تراث:: لمي غراضج وطلعي ورقه طلاكج تصلج
حجه هيج وعافني وطلع واني كعدت بالكاع ابجي والبنات لتمن عليه
سمره::نور مالج دخل بحجيه ابقي هنا نور اني احجي وتفاهم وياه هوه من يعصب ما يعرف شيحجي
ساره ::اي والله اكيد احد معبي راسه
عفتهن هنه يحجن ويتوسلن بيه ابقه طلعت جنطتي نفسها الي جيت بيها لهل بيت وكمت الم بغراضي وساره وسمره يتوسلن بيه وعمه مروه تحجي عليه تا ما اروح
نور::كافي عليجن الله ما شفتن شحجه لاحد يحجي وياي ثانيه وحده ما ابقه بهل بيت
عفتهن ولميت كل غراضي الي احتاجهن وخابرت على علي يجي ياخذني طلبت منهن يطلعن وسمعن كلامي وطلعن من الغرفه واني كعدت اباوع على نفسي وعلى الغرفه وابجي دموعي ما يوكفن شويه وجت سمره
سمره::علي ينتضرج جوه
نور::جيت
سمره::نور لا تروحين
نور ::سمره كافي حباببه
شلت جنطتي وطلعت بره وكلها تتوسل ابقه بس نجلاء ونمارق طلعت من البيت وصعدت بالسياره ونفجرت وكمت ابجي وعلي يحجي وياحاول يفهم شبيه ويريد بس يسكت بيه واني بس ابجي
يتبع…….
________________§§§______________________________________________
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.