رواية أحفاد الشيخ علي – الفصل الثامن والثلاثون
________________§§§______________________________________________
بعدني أشتاگلك يا لچمَة سنينِي
أثر جدمك عبر مني محطَات
وأثر صوتك لـ هاي اللحظة يچوينِي .
________________§§§______________________________________________
زهراء ::
مر على دعمه نور شهرين ونص وماكو اي شي لحد هسه ما سوالها اي عمليه ينتضرون بطنها تكوم توجعها حيل حتى تفوت عمليات ومحد عجبه هل وضع لان المسكينه تكضي اليل كله تتلوه وتون من الوجع وما يهدي الوجع للصبح ياله تكدر تنام ومكضيتها عايشه على المغذيات والمسكنات مالت الوجع وهاي من عده جروحها الي بجسمها الي تنزف حيل وكاعدين يضمدون بيهن وهيه كل صرخه الها ترج المستشفى رج من الوجع بس محد بيده حيله الما اليوم سمعت انو ابوها نور على جيه للمستشفى وصلت الطياره مالته فرحت من كل كلبي كلت بكلت يسوي حل لان الهنا محد يكدر يصرف من كيفه وره كم ساعه وصل ابو نور للمستشفى واجه عليها يركض ودموعه بعينه ومن شافها لنور تخبل خبال عليها وعلى الي صاير بيها لان حالتها تعبانه حيل حيل
وليد::ولكم من كل عقلكم صاير بيها هيج ولحد هسه مخليها هنا؟؟
كلها ساكته محد لا رد ولا حجه كلمه وشويه وصد على عمه ايلين
وليد::تحضري من باجر انتي وهشام راح نطلع بيها لاربيل تسوي العمليتين هناك
يامن::المستشفى ما تقبل
وليد::خرا بالمستشفى واني اكعد هنا الما بنتي تموتت؟ اطلعها وعلى مسؤوليتي وعندي معارف بأربيل بأحسن مستشفى احطها الما تتعالج وتطلع بأحسن صحه
تراث ::اني وياك
وليد ::ماريد اشوف احد اني وايلين وهشام لا غير
تراث::مكدر اعوفها رجلي على رجلك وين ما تاخذها امشي وياك
سكت وليد ما حجه شي وحك لحيته وهوه يفكر وباوع على حور
حور::واني هم اغيد اغوح وياكم
عراق::بعد خلي العشيره كامله تروح
وليد::حور وتراث وهشام وايلين بس تحضرو باجر ان شاء الله من الصبح طالعين لاربيل
ايلين::هاهيه لعد
من كمل حجي اجه على نور باسها وكعد يمها يسولف الها ويحجي وياها ومبينه الغصه بلعومه
وليد::كون بأبوج ولا بيج
نور::اسم الله عليك اموت والله اذا اشوفك هيج
وليد::واني ميت من شفتج هنا انتي بنيتي الصغيره مالتي يمه لو صايرلج شي جنتت متت وراج
نور::اسم الله عليك
باسها من راسها وكام وباوع على تراث ويامن
وليد::الي دعمها وين؟
يامن::بالسجن
وليد::فرجو عنه وطلعو وكولو لاهله ماريد شي منكم غير تدفعون فلوس العمليات مالاتها لا غير
تراث::بس
وليد::اشش بدون بس يكفي بنتي تطلع وتمشي على رجليها وصير زينه وراها ما رايد شي من هل دنيا
تراث::تمام عمي
كلها سكتت وما حجو شي وره حجي وليد رجع باس نور من ايدها وطلع حتى يرجع للبيت يتحضر لباجر وكل حجي عمي وليد صحيح وعفيه على الي سواه لان لو عايف نور هنا راح تموت بديهم وهمه ما مسوين شي وره شويه اجن الممرضات حتى يعقمن جروح نور ويغيرن الضماد طلعو الولد كلهم وبقينه اني وحور وعمه ايلين وياهن ساعدنه نور تكوم من مكانها وكفت وستندت على الميز الي بسد الجربايه لان متكدر تبقه واكفه وحدها سدينه البرده الي فاصله بينه وبين الناس الي بالغرفه وبدينه نساعدها تنزع ملابسها وبدن الممرضات يشيلن بالضماد وهيه كامشه اديهن تتوسل بيهن حتى هيه شيله لان ماتت من الوجع لان يشيلنه بسرعه وتتأذه
نور::عليج الله عوفيني عليج الله اني اشيله والله اني اشيله بس عوفيني ولجججج اخخخخ
وجر بيه قوي لان لازك على الحم ومتت من المنضر الي شفته وره ما نزعو الضماد المقعد مالها منزوع الجلد منه شكله مرعب حيل حيل ويخوف ماعرف شون تحملت كل هل وجع وهيه صيحح وكل صرخه الها تهز بالمستشفى وهنه يشيلن بيهن
نور::ولججججح اخخخخخ هدنيييي ولججج عوفيني عليجج اللهه ولجج وخري وخري عنييي اخخخخ يمهههه
وعيونها نترسن دموع وتبجي والممرضات ما يكدر يسون شي شفت الكاع نترست ترس دم لان نزفت هواي من شالو الضماد وهوه الدم ينزل منها بخبال وهيه صيحح وتبجي وجابو مثل المي محطوط بمغذي ورشو على الجرح حتى ينضفو وهيه صيححح والكاع فاضت من الدم دم ثخين حيل دمعها كله بالكاع وهيه تبجي وصيحح وكامشه بيد حور قوي وحور كامشه بيها وتبجي
ايلين::يمه بنتي يمهه بنتي يمهه كملنه ما بقه شي
وهيه صيح الما كملو ومسحو رجليها من الدم وحطو الها عصاره للجروح مالتها وبدو يحطون الضماد ياله رتاحت حسيتها شويه وسكتت وراها ساعدناها تصعد على جربايه وتتمد وشفتها تاخذ نفس وغمضت عيونها والكاع بعدها متروسه بدمها واجن ممرضات وكامن يمسحن بالدم ونضو المكان وراحو باوعت على نور وممت من القهر عليها جذب اذا نكول نحس بوجعها لان محد يحس بالوجع بس صاحبه
__________________
سمره::
عمر ::اتصل عليه تراث كال راح يطلعون بنور على اربيل لان هنا المستشفى معد تفيد ويسوولها العمليات مالاتها باربيل
سمره ::سوده عليه خطيه بس احسن شي يسوهه والله تا تخلص وترتاح تعبت هواي كافي عاد
عمر::اي والله كافي صار الها شهرين ونص راح يصير 3 اشهر وهيه بعدها بنفس الحاله وجاي زيد اكثر واكثر
سمره::اي والله
واني كعدت وعيوني نترست دموع عليها وعمر اجه عليه يمسح بدموعي ويحجي عليه
عمر ::كافي حبيبي صار الي صار والحمد الله باجر ربج يعوضها ان شاء الله عن كل شغله عاشتها مو حلوه هسه كومي صلي وادعي الها لان اكثر شي هيه هسه تحتاجه دعائنه
سمره::ان شاء الله يارب سوي العمليتين وترتاح وتخلص يارب يارب بجاهك يارب
عمر::ان شاء الله يارب اللهه يسمع منجج
تقرب من راسي وباسني منه وبتسمت اله وهوه بتسم الي كام طلع للجامع يصلي واني كمت من مكاني للحمام توضيت ورجعت للغرفه فرشت السجاده ولبست حجاب الصلاه وكعدت صليت وكملت صلاه ورفعت اديه وبديت ادعي
سمره::يارب يارب يارب بجاهك تطلع نور بسلامه من العمليات وصير زينه وتتحسن صحتها يارب يارب محتاجيك واحنه عبادك ضعيفين مالنه غيرك يارب ساعدني يارب رفعت الك اديه لا تردني يارب بجاه اسمائك الحسنه يارب مالنه غيرك لا تعوفه وما احس اله عيوني نترسن دموع وكامن ينزلن مسحت اديه على وجهي وكعدت ابجي
سمره::الحمد الله على كل حال لا اعتراض يا رب
________________
زهراء::
زهراء::دام راح تطلعين باجر لاربيل اني حرجع للبيت واول ما ترجعين كليلي اجي عليج
نور::هاهيه لعد
زهراء::دير بالج على نفسج ولا تخافين انتي قويه وكدها
نور::ان شاء الله
حور::لا تخافين نور ما تخاف من شي هيه عمليه قابل شني
سجاد::اني حطلع للبيت اذا تردين اوصلج بطريقي
زهراء ::تمام
نور::اوفف
زهراء::هاي شبيج بابا راح تخلص سالفه وترتاحين وكلشي يصير تمام وترجع ضحكتج الحلوه وترجع كعدتنه بالمدرسه كلها تنتضرج ترجعين بحيلج وقوتج انتي كدها شفتي اصعب من هاي انتي قويه وكلنه عدنه ثقه بيج
نور::خايفه وتعبانه ماريد اسوي عمليه ولج اني من انجرح اكوم ابجي نوب عمليه اني لا قويه ولا شي اني خايفه حيل خايفه
زهراء::من كل عقلج؟
نور::اي والله
كمت من مكاني وجيت كعدت يمها وكمش ايدها
زهراء::عاجبج هذا وضعج؟
نور::لا
زهراء::لعد نجبي سوين العمليه وما راح تحسين بشي راح يبنجوج وتطلعين من العمليه كأنو كلشي ما صاير تمام؟
نور::تمام
زهراء::عفيه واني وياج راح نبقه على تواصل وتراث وياج ما يعوفج
نور::اي
وكمت من مكاني حضنتها وهمست باذنها
زهراء ::انتي كدها
وخرت من عدها وبتسمت الها وهيه ردتلي الابتسامه وحسيت شويه رتاحيت لان شفتها رتاحت
سجاد::كملتن نطلع؟
زهراء ::يله
حضنت حور وسلمت على عمه ايلين وطلعت ويه سجاد هوه يمشي واني امشي وراه الما طلعنه من المستشفى وصلنه السياره صعدنه وهوه شغل سياره ونطلقنه لبيتي بدايه الطريق سكوت محد حجه لا اني ولا هوه اله وره شويه قاطع السكوت الي بينه
سجاد::شبيج؟
زهراء ::مابيه شي
سجاد::احسج ضايجه مو من عادتج تسكتين
زهراء::لا بس بالي يم نور
سجاد::لا تخافين نور قويه وبس تكمل العمليتين ترجع مثل ما هيه واحسن
زهراء::ان شاء الله
سجاد::زهراء
زهراء::ها
سكت ما حجه شي واني بطني كامت توجعني وهوه اخذ نفس واردف
سجاد::اذا اتقدملج توافقين؟
نصدمت من الي حجاه وفوك وجع بطني كامت توجعني اكثر وسكتت معد اعرف شرد او شحجي جنه الساني نكطع
زهراء::شنو
سجاد::اعرف اعرف نصدمتي وستغربتي وصحيح ما صارلج هواي تعرفيني بس مادري شبيه كلبي اختارج واحس فرحه كلما اشوفج واحاول احجي وتحارش بيج تا بس تتعاركين وياي وكدر احجي وياج
كلبي كام يوجعني واحسه راح ينزع من مكانه من توتر اخذت نفس واردفت
زهراء::ماعرف شنو اكلك والله
سجاد::الحب يجي صدفه وانتي احله
صدفه صارت وياي رايدج صيرين
حلالي
سكتت ما حجيت شي وتوتر اكلني اكل الما وصلنه البيت فتحت الباب تا انزل وسمعت صوته
سجاد::انطيج وقت تفكرين ورديلي خبر واني انتضرج على احر من جمر
زهراء::تمام
نزلت من السياره وهوه بقه واكف الما فتت ياله راح فتت البيت وطلعت ركض لغرفتي ما حجيت ويه احد فتت الغرفه وسديت الباب وكعدت بالكاع والبتسامه شاكه حلكي شك حطيت ايدي على حلكي ونزلتها وكمت من مكاني وباوع على وجهي بالمرايه صاير احمر
زهراء::عززا بعينج زهراء شبيج تخبلتي
وكمت اضحك على روحي بدون سبب
زهراء::صخام ليش ما حجيت وكلت شي بشيه لساني نكطع
وغميت روحي واني واكفه اباوع على المرايه
زهراء:: لازم افكر اول شي بعدين اردله خير لا صيرين خفيفه عيب بابا استحي شويه
__________________
سمره::
باوعت على اديه صاير بيهن شعر شويه ورجليه همات فا طلعت شيره ولبست برموده وبدي نص ردن وكعدت بالكاع اسوي شيره وسديت الباب قفلته حتى اذا اجه عمر ما يفوت كعدت شيرت اديه ثنيهن ما بقه بيهن شعرايه وحده صارن بيض يخلبن ويلمعن لمع صار هواي ما مسويتهن من ليله عرسنه وشويه وندك الباب عرفت بيه عمر كلبي وكف احس اريد اكوم الطم معد اعرف شسوي وين اولي
عمر ::سمره بيج شي ليش قافله الباب
سمره ::ها لا ما بيه شي
عمر::لعد فتحيلي الباب خلشوف
سمره::ششوف
عمر ::شجاي سوين
سمره ::عززا هسه شسوي
عمر::ها تفتحي لو اكسره
سمره::جاي اسوي شيره اكمل وفتحه
عمر::فتحيلي خلي اشوفج
سمره::يبوهه بس اكمل
عمر ::لا الهه هسه
سمره::الطم هسه
عمر::لطمي
كمت من مكاني وفتحت الباب وهوه باوع عليه خرب ضحك
سمره::لا تضحك لا تضحك
عمر::اسف عمي اعتذر
سمره::بقه بس رجليه ما تعرف تصبر
عمر::لا شون اصبر
سمره::تعبت اخذت ستراحه
ضحك عليه وفات كعد بالكاع واني سديت الباب وجيت كعدت يمه
عمر::طيني اني اكمل مكانج
ستغربت منه وباوعت عليه بنضره كلها ستغراب واردفت
سمره::تعرف
عمر::لا اتعلم بيج
اخذت شيره جديد وشمرت الي ستعملتها قبل شويه وطلعتها من جيسها ونطيته اياها وهوه كضبها وكام يمط بيها تا شويه صير لينه
سمره::مبين خبره
عمر ::شعبالج
ضحكت عليه وهوه ضحك ومديت رجلي وهوه تربع وحط رجلي فوك رجليه وحط شيره على رجلي وبده يمطها بكل مكان ويشيلها قوي واني متت من الوجع وهوه يضحك عليه
عمر::ادري متوازيه اني احبج بدون شعر وبشعر
سمره::خاب ما تسكتت متتت وجععع
عمر::كملنه يمعوده كملنهه
سمره::بس على كيفك
عمر::هيه شني على كيفي ما شيل شي هيه غير شعر مالج ناعم بالكوه ينشلع
سمره::قابل هيه بكيفي
ضحكت عليه وهوه ضحكلي واني اسولف اله وهوه يسويلي شيره
عمر::شنو رأيج اول ما صير نور زينه وما يبقه اي مشاكل نسافر لمكان اني وياج نتونس
سمره::اي عفيه ياريت من كثر المشاكل صارت بيه حاله نفسيه
ضحك عليه واردف
عمر:: اموت على النفسيه
سمره::واني اموت عليك
__________________
نور::
باوعت حور ماكو وبس ماما ايلين نايمه واني متمدده على الفراش وكل بالي شون صار وياي هيج شون ما شفته شون ما نتبهت ليش وصلت روحي لهل مواصيل احس بتعت مو طبيعي اريد بس هل فتره تخلص وارتاح شويه وشوف تراث اجه عليه وكعد يمي ما حجيت شي بقيت ساكته وباوع عليه وهوه يباوع عليه واردف
تراث::ياريت اني مكانج
نور::ليش؟
تراث::يجوز جان حن كلبج عليه
وحبيتيني ياريت الوجع بيه واني
الي اكضه اليل اسهر
وتلوه مو عيونج الحلوه
نور ::اسم الله عليك كافي تراث شهل حجي
تراث:: مين جيتي انتي؟
نور::شنو؟
تراث::ما جان عندي نقطه ضعف
مين اجيتي انتي؟
نور::مادري
تراث::اني بدونج مثل طفل
ومضيع امه
سكتت ما حجيت شي وهوه لزم ايدي
تراث::ضعيف اني بدونج حيل
ضعيفبس يمج اقوه اني قوتي
ماخذها منج
سحبت ايدي منه وهوه بتسم الي وكام من مكانه
تراث ::رتاحي هسه باجر عنده مشوار طويل
نور::تمام
طلع من الغرفه واني نضراتي عليه الما طلع ورجعت باوعت للسكف هل شي الوحيد الي اضل اباوعله الما انام بالي يم حور ماكو مادري وينها بقيت صافنه الما نعست ونمت
__________________
حور ::
باوعت وشوف عراق جاي بتجاهي وبيده علاكه سوده وكف يمي وضحك ومد ايده عليه وبيده العلاكه
عراق::هاج
حور::شني بيها؟
عراق::حلويات لتعليلتنه اليوم دام هيه اخر تعليله النه
حور::ها
عراق ::اي اي
ضحكت اله وسويت اله مجال بصفي واجه كعدي يمي فتحت العلاكه وطلعت منها جباسه وببسي وفتحت الجباسه بنص وطيته قوطيه وفتحت قوطيتي
حور::جنت اغيد حجيلك شغله بس نسيت
عراق:: شنو تردين تحجيلي يحجايتي
ضحكت ونزل راسي واني مستحيه منه وماعرف شنو ارد
حور::نسيت
ضحك عليه واردف
عراق::من تذكرين كليلي
حور ::تمام
عراق::شنو تردين صيرين؟
حور::محققه جنائيه ان شاء الله
عراق::يعني انتي ادبي؟
حور::لا علمي اهلي ما قبلو بس يصيغ اغوح من العلمي اغيد اقدم بدون محد يعغف وانته اول شخص هسه عغفت
ضحك عليه وهوه ما شال عيونه عني
عراق::ان شاء الله صيغين الي تغدي
حور::ههه ان شاء الله
عراق::هسهه اسأليني الي يعجبج
حور ::ما بالي شي
عراق::اي شي اي شي
حور::عمغك حبيت؟
عراق::لا قبل ابد ما حبيت بس هسه بالي بنيه
من حجه هيج نعصر كلبي مدري ليش وحسيت غصه بلعومي
حور::منو هل بنيه؟
عراق ::عما قريب تعرفين اريد تنحل سالفه نور وتقدم الها لان حيل عاجبتني
حور::ها
عراق ::اي والله نوب هيه كلش حلوه من اول مره شفتها عجبتني اخذت كلبي ونضري ومجاي تطلع من بالي شحجيلج حور تا احجيلج كلش حلوه اول مره اشوف بنيه بهل جمال
حور ::الله يزيد هل محبه
عراق::امين
حور::باجغ عندي طلعه من صبح حغوح انام لان تعبانه
عراق::هاهيه لعد واخذي باقي الحلويات اتريكي بيهن
حور ::تمام
كمت من مكاني ونفضت نفسي وشلت الحلويات واني احس بوجع بكلبي مدري ليش وحس مختنكه
حور::تصبح على خيغ
عراق ::وانتي الخير كله
بتسمت اله وهوه بتسملي وعفته وطلعت عل الغرفه الي بيها نور واني بالي مشغول بهل سالفه ومنو هل بنيه الي ماخذه عقله هيج وبس احس بقهر مدري ليش اني شعليه شيخصني ليش هيج مقهوره وحس بخنكه مادري
____________________
ساره ::
حمزه::شبيج؟
ساره::مشتهيه بقلاوه
كعد على حيله وهوه يباوع عليه بستغراب واني ابجي
حمزه::هاي ليش تبجين
ساره::اريد بقلاوه
ضحك عليهه وكع من الكاع من ضحك واني ابجي
حمزه ::ههههه يمههه بنيتي جاي تتنسهه
ساره::اريد بقلاوه حمزه
حمزه::ولجج هههه ساعه 2 منو مفتح هسه اكو وحده تتنسه ساعه بل 2 بليل
ساره::احس اريد اموتت حمزه اريد بقلاوه
حمزه::ههه شون ورطه هاي انتي وابنج هسه وين اروح بيكم اشمركم بره
ساره::الي يكول هوه مو ابنك ولكك موتني اني شعليه اريد بقلاوه
حمزه::يلهه عمي امرنهه على الله حطلع افتر شوارع كلها اشوف يا محل حله مفتح اجيبلج منه
ساره::تمام
كام من مكانه وهوه لازم ضحكته وباسني من خدي وراسي واخذ القمصله مالته لان الجو ثلج ولبسها وطلع واني بقيت كاعده انتضره من طلع ياله حسيت بتأنيب الضمير حيل لان خليته يطلع هسه والجو بارد ثلج باوعت على بطني وكمت احجي ويه ابني
ساره::امداني اي والله امداني تف كله من وراك هوه شني اتفل عليك انته شفهمك سوده عليه طلع بهل برد عمود بقلاوه هههه
وكمت اضحك كمت من مكاني على المطبخ غسلت وجهي واني بالي يم حمزه صارت ساعه 2 ونص وهوه ماكو طلعت من المطبخ للاستقبال وشغلت التلفزيون وكعدت اباوع واني بالي يمه شويه وطلعت مبايلي وتصلت عليه
ساره ::الو وينك؟
حمزه::لحد هسه ما لكيت احد مفتح
ساره::ارجع معد اريد
حمزه::لا والله ما ارجع اذا مو بقلاوه وياي انتضري شويه افتر كم محل اذا ما لكيت اتصل على صاحبي عنده محل حله اخليه هسه يفتح وجيبلج
ساره::تمام حبيبي دير بالك على روحك
حمزه::دام انتي روحي شون ما ادير بالي
عليها
ضحكت عليه وسديت الاتصال وشغلت الصوبه من البرد وبقيت صافنه على التلفزيون وباوعت للساعه صارت بل 3 وغفيت بدون ما ادري وره شويه حسيت ايد بارده تمسح على وجهي فتحت عيوني واني اشوف حمزه واكف ويمسح وجهي وضحكه شاكه حلكه من شافني كعدت رفع ايده واردف
حمزه::جبتلج بقلاوه
واني كبل جطيت عليه حضنته حيل وهوه يضحك عليه اخذتها من ايده وفتحتها وبديت اكل مثل الي ما شايفه ابد بحياتها بقلاوه وهوه كاعد يمي ويضحك عليه
حمزه ::الف الف عوافي
_________________
نور::
كعدت الصبح الساعه بل 9 على صوت ماما ايلين وهيه تكعد بيه
ايلين::يله حبيبي كومي تا ابدلج يبنيتي
نور::اي يمه
ساعدتني اكوم من مكان نزلت رجليه وكفت وهيه جايبتلي ملابس وياها ضليت واكفه واني كامشه الميز تا ما اكع لان رجليه يوجعني حيل مكدر اضل واكفه عليهن فتره طويله اذا ما استند على احد وهيه بدت تنزعني ملابسي وتلبسني ملابس جديده كملت وساعدتني وكعدت على جربايه وشويه واجه تراث وياه كرسي متحرك اجه عليه وساعدني اكوم ومشي الما وصلت اله وكعدت بالكرسي
تراث::كملنه كلشي وهسه طالعين لاربيل
ايلين ::هاهيه وليدي
طلع تراث وهوه يدفع الكرسي ويانه ماما ايلين وحور وابوي وعمو هشام ينتضرونه جوه يم السيارات نزلنه بالمصعد المتحرك الما وصلنه لباب المستشفى الجبير وطلعنه منه واني اشعه شمس تضرب بوجهي والجو يجنن بيه نسمات هوه بارده واول مره اطلع وشوف الشمس واشتم الهوه من اول ما دخلت المستشفى صار شهرين ونص وصلنه السياره وكفت تراس الكرسي متحرك وارد يساعدني بس كتله اني اكدر وحدي كمت منه وفتحلي الباب وحاولت اصعد سياره بس متت موت ياله صعدت وصعد هوه ليكدام ويه ابوي هوه الي يسوق وسياره الثانيه بيها عمو هشام وماما ايلين وحور ونطلقنه لاربيل
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.