رواية أحفاد الشيخ علي – الفصل التاسع والثلاثون
زهراء::”الو؟”
سجاد::”هلا”
زهراء::”منو”
سجاد::”وياج المهندس سجاد حسين علي”
زهراء ::”حياك الله خويه”
سمعته صاح وهوه مبين عليه الصدمه من صوته
سجاد::”خويههههههه؟؟؟”
زهراء ::”اي خويه”
سجاد ::”ولج لا تخبليني يا خويههه اني راح اصير رجلج”
زهراء::”لا بلهه هيه بكيفك؟ ”
سجاد::”اي بكيفي وشغله غصب مو بكيفج فتهمت لو لا ”
زهراء::”يمه يمهه خوفتني كمت ارجف”
سجاد::”لا عمي شخوف منج جنج سعلوه وهاي صلافتج ايمت تبطليها ”
زهراء::”ما ابطلها لو تفطس”
سجاد::” صلفه مو بيدج لا مني ولا من احد تخافين ”
زهراء::”ما اخاف بس من الي خلقني”
سجاد::” شون راح الطها لطه”
زهراء::” يابهه بس صبرلي وين ما اشوفك انوم طابوكه براسك هذا الاعوج”
سجاد ::” ليش ما تنامين بحضني ”
زهراء::”الطابوكه؟ ”
سجاد::”لا انتي”
زهراء::” عززا العزاااك شكد ما تستحي”
وسمع صوته يضحك بصوت عالي واني وجهي صار احمر من الخجل
سجاد::” هسه توافقين واجي اخطب؟ ”
زهراء::” لا ما أوافق”
سجاد::” ليش؟”
زهراء::” اني وياك ما نتوالم ”
سجاد::” ليش؟”
زهراء ::” اني شيعيه وانته سني من الاف المستحيلات اهلي يطوني الك ”
سجاد ::” اني ما عرف شي اسمه من الاف المستحيلات وانتي صيرين مرتي يعني مرتي”
سكتت ماعرف شنو ارد اله او شنو احجي
سجاد ::”زهراء”
زهراء::”ها ”
سجاد::”اني احبج ورايدج بالحلال اتقدم الج؟ ”
زهراء::”ابوي اعرفه ما راح يقبل ”
سجاد::”شني ما يقبل هيه بكيفه؟ ”
زهراء ::”انت سني واني شيعيه فا مستحيل يقبل”
سجاد::”استشيع اصير شيعي واخذج”
من سمعت كال هيج نصدمت وبنفس الوقت اجتني ضحكه مدري ليش وكوه حصرتها
زهراء::”عمامك يتبرون منك ”
سجاد ::”محد يهمني غيرج ”
زهراء::”والله؟ ”
سجاد::”اي والله ”
زهراء::”لا لا مو مال تستشيع شسالفه شبيك”
سجاد::”لعد اتقدم ونشوف ابوج ”
زهراء::”بله ما وافق؟ ”
سجاد::”اني سجاد حسين علي لا تستهينين بيه ما يقبل احوده حود وسبي سبي غصبن عنه يقبل”
زهراء::”يمههه شني هاي عمي ما عرفتك ”
سجاد::”ولحد هسه محد يعرفني اني وقت شقه وضحك بس ومكضي حياتي هيج بس وقت الجد اصير زلمه وعشره ما يلحكوني”
من حجه هيج مادري ليش ومادري شني سالفه بس حسيت الفخر يطلع من خشمي ليش وشنو سبب مادري وبس كضيتها اضحك مادري ليش يمكن من الفرحه وحس كل كلمه يحجها جنها فراشه بطني جاي طير
زهراء ::”اتمنه تطلع صدك كد كلامك وكلمتك ”
سجاد::” الزلمه ما يرجع عن كلمته واني كدها وكدود ومن صيرين مرتي اذكرج بهل شي”
ضحكت اني وهوه اسمع صوت ضحكته
زهراء::”ان شاء الله ”
هوه ضحك ضحكه بصوت عالي واني هم ضحكت واردف
سجاد::”تحبيني وتريديني وتموتين بيههههه”
ويحجي وهوه يضحك واني صرت حمره من الخجل
زهراء::”لا لا لاااا ماحبك شبيككك ”
سجاد::”صحيح ما تحبيني تموتين عليههه ”
وطكها ضحكه عاليه حيل واني متت خجل وكبل وخرت الجهاز من اذني وسديتهه وشمرته على جربايه وكعدت بالكاع وغطيت وجهي من الخجل وصرت حمرهه متت خجل من وره سوالفه كمت من مكاني وخذت جهاز وشفته دازلي رساله على الواتساب كاتب بيها (اني هم اموت عليج وخرب بيج انتِ وعيونج الحلوه) شفت رساله وبطني احسها فراشات بس تفاعلت بيها ما رديت عليه واني احس مشاعري كلها بطني شون مادري
___________________
غزل::
طلعت من الغرفه نزلت جوه للاستقبال شفت حمزه كاعد وياه سجاد واياهم ايسر وايمن يشاقون ويضحكون وكاعد وياهم يامن ضلت واكفه بالباب صافنه وشويه وسمع رنه تلفون باوعت يامن الي يرن تلفونه شفته طلعه جاوب وحطه على اذنه
يامن::الو….. هلا يابهه… لا ما عندي شي… بالبيت اني….. ليش…. هاا…. اي عادي اروح….. ايمت؟…. صار بويه….. كم يوم ابقه….. تمام…. نور شونها….. اول ما تفوت عمليات اتصل عليه ومن تطلع همات….. ان شاء الله…. هلا يابه هلا
كمل وياه حجي وسده وكلها صافنه عليه
ايمن::؛ شكو صاير خوما نور بيها شي؟
يامن::لا كلشي مابيها كم ساعه وتفوت عمليات
سجاد::لعد شيريد منك؟
يامن::يريد اطلع ل****
سجاد ::علش تروح
يامن::شغله هناك ومحتاجي وكال الهم راح ادز ابني جبير مكاني الما ارجع وسلتم كلشي وموافقين
سجاد::يعني هسه انته راح تروح ل****
يامن::اي شسوي لعد
حمزه::هوه كم يوم يرجع ابوك من اربيل وره ما يرجع نور سوي عمليت ايدها هنا وعود انته ارجع ابقه يمها وهوه يروح
يامن::اي اني هم كلت هيج
بقيت صافنه ما فتهمت عليهم شي عفتهم وطلعت للمطبخ شفت عمه مروه كاعده تكطع فواكه من شافتني كبل ضحكت الي ضحكتها الي متروسه حنيه وبحياتي مشايفه انسانه بحنيتها بس ارتاح من اشوفها
مروه::هلا يمه هلا ببنيتي صح نوم الحلوه
ضحكت الها وهيه تضحكلي
غزل::صباح الخير
مروه::صباح النور يمه يمه اصبلج ريوك تتريكين؟
غزل::لا ما مشتهيه شي ابقه للغده
مروه::لعد هاج يمه هاي الفواكه كطعتها الج تعاي كعدي اكليها الما يستوي الغده
اخذتهن منها وكعدت بالكاع اكل وهوه سولفلي وتحجيلي واني احجي الها اول مره احس نفسي مرتاحه واول مره احس انو اكو شخص اكدر احجيله عن يومي وكلشي بدون ما يمل من سوالفي واول مره اعيش بمكان وما احس بخوف اني الي كضيت عمري كله خايفه هسه مرتاحه بقيت اسولف الها وحجيلها عن المدرسه وشويه وفات حمزه وهوه يضحك
حمزه::ها عمي شني هل كعده الحلوه وسوالف وضحك
مروه::يمهه شون ما جيب ساره وتعوفها وحدها
غزل::عبالي جايه وياك من هذا ماكو
حمزه::عفتها بالبيت مقبلت تجي وكلت لام حسن دير بالها عليها وكل شويه تجي شوفها كالت هاهيه وليد
مروه::هاهيه يمه
باوع عليه حمزه واجه كعد يمي
حمزه::اريد احجي وياج بموضوع
غزل::صاير شي؟
حمزه:: امج عرفت مكانها ومكان خوالج
بقيت صافنه عليه وسكتت ما حجيت شي ابد بس حسيت بنغزه بكلبي
حمزه ::باعي غزل فكري بالموضوع والخيار الج تبقين هنا لو ترجعين الها
باوعت على عمه مروه وعيونها نترسن دموع واردفت
مروه::يمه شني تريد ترجعها خليها يمي عتبرتها بنتي جنها سمره سمره راحت بقتلي غزوله تعودت عليها وعلى سوالفها
حمزه::يمه سالفه مو بكيفنه الي تريده غزل والي يريحها سوي
غزل::لا ماريد ارجع لامي اريد ابقه هنا
حمزه::هاهيه لعد عتبريها تم من هسه كل شغله تحتاجيها اني يمج ابوج وخوج الجبير
وباوع على عمه مروه واشر عليها
حمزه::ومن اليوم هاي امج والي تطلبي يصير اي واحد من الولد يضوجج بس طيني اسمه اعلكه بالبنكه
ضحكت اني وسمع صوت ضحكه من يم باب المطبخ باوعت وشوف ايسر واكف بالباب
ايسر ::شني عمي تعلكنه بالبنكه
حمزه ::انته مو بس بالبنكه اعلكك حتى فوك السبلت
هوه ضحكه اله وحمزه ضحك عليه
حمزه::اني هسه طالع عندي شغل والي سويتي هوه صح عفيه عليج
بستمت عليه وهوه بتسملي وكام من مكانه وراح على عمه مروه باسها من راسها وطلع
ايسر::نساوين
باوعت عليه واني مضيكه عيوني
ايسر ::مكانهن المطبخ
غزل ::نساوين مكانهن المطبخ ولا جلب مكانه الشارع
من حجيت هيج هوه سكت وباوعت ايمن مكانه وكع بالكاع من الضحك
ايمن::ما بقت عندك جبههه يمهههه بطني
مروه::استغفر الله ربي
وكضه ايسر جيت عليه يكتل بيه وتمالخو تمالخ ويجي سجاد يركض يجيت فوكاهم هاي عساس يريد يفازعهم وشويه وشوف نمارق اجتي
نمارق::شبيك متمالخين
ومحد رد عليها لان واصله للستار وهيه باوعت عليه
نمارق::حمزه وين
غزل ::توه طلع
ومن سمعت طلع كبل طلعت يمكن راحت دور الها اني كمت من مكاني وعفتهم متمالخين جنهم جهال نوب هذا سجاد شكبره تحسه جاهل نفس عقلهم وطلعت وره نمارق شفتها واكفه هيه حمزه كدام باب الاستقبال
حمزه::نمارق كافي عاد كتلج كافي
نمارق::بس لو اعرف على شنو تحبها اني احله منها واحسن منها بكلشي اريد افهم على شنو تحبها
هوه ضحك وهيه تباوع اله بستغراب ما فاهمه شي
نمارق::ليش تحبها؟
حمزه ::ولج شني تسأليني هيج ليش تحبها ولج اني هايم وعاشكها عايش بهل دنيا على مودها وعمود الي بطنها كل نسوان الدنيا يروحن فدوه بس لضحكتها ولج تسأليني ليش تحبها اني من اول مره شفتها هايم بيها وبضحكتها وخجلها وسالفها ابعد عنها يوم احس جاي اموت وختنك وما احس براحه اله يمها
نمارق نزلت راسها ومبينه ميته قهر متروس كلبها حقد وكراهيه لساره ومبين هل شي
حمزه::باعي نمارق الحب صدفه واني حبيتها ومستحيل يجي يوم افكر بغيرها او اخون ثقتها فا ياريت بعد لا تحجين بهل سالفه ولا جيبين طاريها وخليني زين معاج
هيه سكتت منزله راسها ما حجت شي وهوه مشه وعافها وطلع وهيه بقت واكفه مكانها وشوف دموعها نزلن صراحه نقهرت عليها حيل بس ما بيدي شي اسوي وماعرف ليش الكل يعاملها هيج ومحد يريدها
_________________
نور::
كعدت من نوم واني احس بتعب وبوجع كلش قوي باوعت كاعده ماما ايلين يمي وحور همات
ايلين::ها بنيتي شبعتي نوم؟
نور::اي
حور::شويه وتفوتين عمليات
نور::اي
ما جنت حاسه بشي ابد لا خوف ولا كلشي من الوجع مدا اعرف افكر ابد وشويه ودخلت ممرضه وياها ملابس العمليه اخذتهن منها ماما ايلين وحور طلعت مدري وين ماما ايلين ساعدتني اكعد وشويه اخذت نفس وردت ساعدتني اكوم تا تبدلي ملابسي اني لابسه تراك مال بيت وهيه ساعدتني انزعه لازم انزع كل ملابسي ولبستني مال ملابس العمليات من وره مفتوح ضهره ومشدود مثل اجتي حور وياها تراث وجايبين كرسي متحرك حتى اكعد بيه ساعدني تراث اكعد وماما ايلين غطت ضهري وغطتني بجرجرف حتى ما ابرد ومادري ليش طلعت هيه وحور وبقه تراث شويه واجه وكف كدامي ونزل كعد على ركبه وصار نفس طولي
تراث::انتي خايفه؟
نور::شويه
تراث::ادري بيج قويه وما تخافين من شي
نور::يعني شويهه شويه
ضحك عليه وكمش خدي وكرصه ورد مسحه َاردف
تراث::لا تعوفيني ترى اني عايش بهل دنيا
عمودج
نور::انت عفتني
تراث::غلطه وصارت
نور::ممم
تراث ::اقرالج شعر؟
نور::اي
تراث ::اكو واحد يكول
نور::اي
تراث ::بس اصبر انته عليه صدكني اعوضك
عمر
نور::ترى اعرفه لهل شعر وانته كالبه
تراث::اعرف بروحي كالبه اني كلته هيج اصبري عليه وعوضج عن كلشي صار
نور::معد اثق بكلامك
تراث::ما تثقين بيه؟
نور::قبل جنت هواي اثق بيك بكد سمه والكاع وهسه لا
تراث ::حقج حقج
نور::انت كلشي ما بقيت
تراث::صبري عليه ارجع كلشي ونسيج كلشي صار وعد
عصرني كلبي وحسيت اريد ابجي وعيوني دمعن واردفت
نور::شكد اكرهكك من تخليني ابجي
هوه يباوع عليه ويضحك ورفع ايده ومسح دموعي
تراث::احبج حيل حيل احبج
نور::اني خايفه
تراث ::اني يمج ومستحيل اعوفج لا تخافين
وشويه وفتح الباب ابوي واجه عليه
وليد::يله صار وقت عمليتها واني احس جسمي كله كام يرجف لان اول مره اسوي عمليه كمش تراث الكرسي المتحرك وبده يدفع الما طلعنه من الغرفه تجهنه للمصعد صعدنه وبده يصعد بينه لغرفه العمليات وصلنه ونفتح الباب نزلنه واخذتني الممرضه وهمه بقو واكفين مكانهم واني فتت لغرفه العمليات وبطني كامت توجعني ساعدتني المررضه اكوم من الكرسي وصعد على جربايه مالت العمليات تمددت اني ونجمعو الدكاتره عليه من جهه ابو العمليه ومن جهه ثانيه ابو تخدير وهم اكو هواي ممرضين ابو تخدير شاف ايدي مجبسه فا شكل كانونه بركبتي وره ما شكلها جاب ابره بيها مخدر وضربها بالكانونه وراها كلشي صار اسود ونمت
________________
سديم::
سديم::هسه لازم تروح؟
يامن::اي والله لازم لازم
سديم::يبوهه مو اني اشتاقلك
يامن::اويلي اروح فدوه لليشتاقلي ولج صبري مضل شي بس نور ترجع اسوي العرس ورتاح
سديم::سنين صبرت بقه على هل كم يوم لو سبوع
يامن::اوف اوف شني انتي كيك خوما كيك؟
سديم ::هههه ليش؟
يامن::ولج اشو مجاي اشبع لا منج ولا من شوفتج شني سالفه عمي تعبتت
سديم::غير مسويتلك سحر
يامن ::هوه مبين عليج ام السحوره
سديم::اي كل شهر اجدد بيه
هوه ضحك عليه واني ميته ضحك عليهه واجي عليه بسرعه باسني بوسهه قويههه من خديي واخد نفس قوي يشم بيهه واني معتت
يامن::اوف اوففف خربب بعرضججج على هل جمال ول ريحههه يمههه شعلتي ابوي ابوي
سديم::هههه اني شعليه
يامن::ولج شني شعليج انتي غير مدمرتني لاعبه بيه طوبههه
سديم::من اني وصغيره
يامن::هههه اي والله
سديم:: يامن احبك هواي هواي
يامن::مو بكدي والله مو بكدي
سديم::اني اكثر
يامن::اوف اوفففف تعبت معد اكثر على نفسي وخري عني خلكومم
من حجه هيج واني ميتهه عليه ضحك وهوه صدك كام من مكانهه ورد رجع عليه باسني من خدي وطلع واني اضحك عليه وهوه يتوعدلي
__________________
سمره::
سمره ::هسه عمه ايلين وحور ايمت يجون؟
عمر::الما نور تكمل عمليتها
سمره::يمهه سوده عليه
عمر::دزلي تراث رساله فاتت للعمليات من تطلع يدزلي كتله تا اتصل عليك اشوفها اول ما تطلع كال تمام
سمره::خطيه تراث هسه يموت موت الما تطلع
عمر ::اي والله الله يساعده
سمره::اي والله
عمر::تعاي ابوسج
سمره ::ههه هاي شبيك مو جاي نحجي
عمر::عوفي الحجي خلبوسج
سمره::ماا
عمر ::يابهه بس بوسهه وحده وحده
سمره ::لا عمي لا وخرو خلروح اسوي اكل فاطسه جوع
عمر::يابه بس بوسه واني اكوم اسوي مكانج اكل
سمره::كول والله؟
ما حلف بس ضحكلي
سمره::باع شون جذاب
عمر::والله والله
لعد بوسه وحده واني اكعد اكمل مسلسلي وانته سوي اكل
عمر::شني مسلسل ما عندج قرايه؟
سمره ::ما بيه حيل اقره
عمر::شني ما بيج حيل باعي خلي نوصي اكل ونكمل وتكعدين كدامي تقري والي ما تعرفي اني افهمج
سمره::هاهيه تفقنه
عمر::شنو نوصي اكل؟
طلع الجهاز وكمشه بيده واني كاعده افكر وهوه منتضرني اكول اسم اكله
عمر::هاا وين وصلتي حررتي القدس لو بعدج
سمره ::لا بعد هسه خلي نفكر
عمر::اسفين عمي فكري فكري
سمره::شنو رأيك نوصي مندي؟
عمر::وسط لو عائلي
سمره ::وسط ويه بطل ببسي
عمر::صارر صاررر تأمرين امر
وضحكلي واتصل على المطعم وصهه سد جهاز وباوع عليه
عمر::كومي جيبي ملازمج وكل غراضج وتعاي كعدي هنا درسي
سمره::يبوه مابيه حيل
عمر ::ولجج كومي
سمره::كمنه يمعوده كمنه اعصابك
كمت من مكاني للغرفه جبت ملازم ورجعت كعدت مكاني وهوه تقرب عليه واخذهن مني واشرت اله للشغلات الي ما فاهمتهن وهوه بده يحجيلي ويشرحيلي ويكلي شون احفضهن وشويه وتصل عليه ابو توصيل وكام من مكانه وطلع يستلم الطلب واني كمت ركض للمطبخ جبت صينيه وكلاصات وهوه اجه من شافني ضحك عليه حط المندي بصينيه وطيته الكلاصات واني فتحته وهوه صب الي واله واني اشتم بالريحه واحس فطست جوع
عمر::سوده عليه هاي ميته جوع
سمره::اي والله
وبدينه ناكل واني اضحك عليه وهوه يضحك عليه
_________________
حور::
طولت نور بغرفه العمليات لان صار الها ساعتين ونص وره شويه طلعوها وهيه نايمه على ذني الجربايات المتنقلات وباوعت عليها نايمه منتهيه واكو صونده بخشمها ومبين عليها مبنجه ساعد تراث وعمو وليد والممرضين الما وصلوها للغرفه وشالوها حطوها على جربايه مالت الغرفه وطلعو الجربايه الي جتي بيها باوعت عليها وسمعها تحجي وتتحسب مدري على منو وتراث حاصرته ضحكه واني من شفته شون يضحك عليها متت ضحك وهيه مبنجه متعرف شنو تحجي
نور::اااخخخ حسبي اللههه حسبي الللهههه كتلوني موتونييي يمهههه اخخخخ امي امي ويننن امييي
هيه تكول امي بمعنه تريد ماما ايلين وهيه واكفه يم راسها تمسح عليه وتقره ايات بالكت يخف وجعها شويه وفتحت عيونها وهيه بعدها مبنجه بعده ما فك البنج عنها وباوعت على تراث
نور::منو هذا الحلو
وتراث طكها بضحكه قويههه
نور::اوف نوب ضحكته تخبل بس تعال يمي
واجه عليها وهوه ميت ضحك وكف يمها وكمش ايدها وهيه ممصدكه كامش ايدها كامشه ايده قوي وهوه يضحك عليها
تراث:: يمههه مرتي طلعت خفيفه وتحب الحلوين
نور::شنو اسمك انته
تراث::اسمي تراث
نور::اني احبك هواي احبك
تراث ::ههههه واني اخرب عليججج
حور::هههه عزززاا والله نوغ فضيحه
وكمشتهه تريد نوب تبوس بيههه وهوه عايش الحضهه يبوس بيها وهيه تأشرله على خدها وهوه يتقرب منها ويبوسها وترد تأشرله على خشمها ويبوسها وترد تأشرله على جبتها ويبوسها وترد تأشرله على خدها ثاني ما خلت مكان وهوه يبوس بيها وخربان ضحك عليها
نور::ابوي وينهه اريد ابوي
تراث ::هههه هسه يجي
وشويه حسيتها بدت تفيق من البنج وتراث ميت ضحك على سوالفها وبقه هوه يمها وكامش ايدها ما عافها الما صحت فد مره وشويه اجه عمو وليد جايب وياه عصاير بارده الها والنه لان وره العمليه كالو عادي خليها تاكل طلعت من العمليه وهيه مشكله باربع صوندات وحده بخشمها عمود تستفرغ وثنين بطنها كل وحده من جهه والرابع مالت الادرار من اول ما ندعمت حاطينها الها رفع تراث الجربايه وهيه كامت تستفرغ البنج كله وتراث كاعد يمها نص بصونده ينزل ونص حاط سله مال زباله صغيره كامشها الها وهيه تستفرغ بيها كملت وهوه مسح حلكها وجاب مي وغسل وجها وفتح الها عصر وحط بيه كصبايه وخلاها تشرب حتى ما نفسها تبقه تلعب
نور::اوف هاي شني صونده
تراث ::ما تبقه قبل ما تنامين يجون يشلوها
نور::اي
وضلت تشرب شويه وعافته ورجعت نامت ومبين عليها تعب خطيه الحمد الله خلصت من هواي بقه الها بس عمليه وحده
_________________
غزل ::
سجاد ::يمه اتصل عمي وليد ويكول نور طلعت من العمليات والحمد الله زينه
مروه::يمهه الف الف الحمدلله كلوووششش
ايسر ::الحمد الله
ايمن::اي والله
ايسر::ايمت يرجعون؟
سجاد ::بعد باجر لو الي وراه الما يفحصوها ويستقر وضعها
ايمن::ايمت ما تطلع خلي تطلع المهم هيه زينه وما بيها شي الحمدلله
سجاد ::اي والله واني هم كلت هيج
غزل ::راح ترجع هنا لو لبيت عمو هاشم
سجاد ::لبيت عمو هاشم لان معتقد ترجع هنا الما تتصالح هيه وتراث
غزل::بعدهم مزاعلين
سجاد ::والله مدري علاقتهم مو مفهومه
ايسر ::اتفق
غزل::الله يهديهم
وشويه وطب يامن يركضض وهوه يلهث ومبين عليه جان يركض وطب ركض وكام يصيح
يامن::بسرعهههههه كومووو بسرعهههه
مروه::يمههه صاير على كيفك
يامن::سارررهه ساررره بالمستشفى صااايررر عدهاااا نزيففففف
يتبع………..
👇👇👇👇👇👇👇
الفصل التالي اضغط هنا
يتبع.. (رواية أحفاد الشيخ علي) اضغط على اسم الرواية لتجد الفهرس كاملاً بجميع الفصول.