رواية رحماك الجزء الثاني – الفصل الثالث عشر
أنهي الطبيب كلامه ومعه شقت صرخه طفلهم المكان..
مروان بسعاده..طفلي..
انظري.ديما..حبيبتي..
ديما.. بهلوسه.، ان لم يكن يشبهك لا اريده مروان،عده كما كان.؟
مروان بابتسامه عليها..يامجنونه..ألا يكفي أنه نبت من اوجاعنا..
حمدلله..
اشكرك يالله..
ــــــــــــــــــــــــــــــ
بالاسكندريه…
استني يامجنونه..اتجوزت ايه..وخلفت ايه؟
لا رد..تجري ويجري خلفها..
عيسي..استني ياسادين رايحه فين..المرسم يامجنونه..الافتتاح.
استدارت بغيظ له..
متجيش ورايا ياعيسي..
روح لابنك..
عيسي بغيظ وهو يجذبها لعربيه كارم..
الذي اخذها منه وترك له تيم..
تعالي..
سادين..مش جايه؟
جذبها بحده له..وادخلها عنوه..
بعد نصف ساعه..
بمكانهم القديم..ميناء قديم..
علي رصيف كانو يجلسان عليه..معا..
جلست..صامته..وهو ينظر لها يكتم ضحكاته عليها..
اقترب منها..بهدوء..
هامسا لها..
هو انا قلتلك..ان شكلك حلو اوي بالحجاب ياسادين.؟
نظرت له بحزن..وصمتت..
عيسي بحنان..
يامجنونه..حتي لو اتجوزت..هجيب عيل في شهور عنده ثلاث سنين ازاي؟
بان علي وجهها التفكير..
فقهقه..وهو يضربها علي رأسها..لسه غبيه ياسادين..
جزت علي اسنانها..
وقالت.. عيسي.. اخرص واشرحللي ومتجننيش..
قهقه عليها..
ومد يده.وجذبها له..
يشتاقها..لشجارها وعنادها..وغبائها.. وللهجوتها الاسكندرانيه التي تخفيها تحت تحضرها جبرا..
هنا راحه الدنيا..هنا القديم والجديد..
هنا بذلك الميناء ذكرياتهم..
عشقهم وجنونهم..هنا بلاها..يشتد الحنين..
أفاق علي همسها..
ـ وحشتني ياعيسي..
ـ وحشتني اوي..
عيسي بتنهيده..أخيرا قولتيها..
بقيتي بخيله اوي ياقلب عيسي..
نظر له بعتاب وصمتت..
اقترب وامسك يدها وقبل من بطن يدها وسألها..
ـ واثقه فيا…؟
ومصدقه كلامي..
ابتسمت..ورفعت حاجبها له..بتلك الحركه التي يعشقها منها..
وتبعتها بأحب كلامها لقلبه..لا يخرج الا له ومعه..
شمرت اكمامها ورفعت حاجبها..
ــ والمرسي ابو العباس كنت قطعتك ياعيسي..
اخلص بقي واحكيلي..
انفجر ضاحكا..عليها..
أيوا بقي..هو دا الكلام..
جذب يدها لتسير معه. تعالي يالا..
نفضت يده بحده..
والمصحف ماامشي من هنا الا لما نعرفو ايه الحكايه.؟
عيسي.بقهقه عليها…اموت فيك يااسكندراني ياحمش انت.
متهونش عليا بردو..وهحكيلك..
بس ايه..اكليني بقي..ولا تعالي نروح نأكل عند أمي..
ــــــــــــــــ
القاهره..
دينا…
دينا بهدوء..ايه ياماما.؟
الام بشوق..مفيش اخبار عن اختك ياديما..طمني قلبي يا بنتي..
دينا..والله ياماما..مااعرف عنها حاجه خالص..
اناكمان قلبي مقبوض اوي..
بس اطمني مادام..جوز البغال اللي معينهم عمي دول تحت..
يبقي موصلوش ليها..
متقلقيش..
الام..حاسه انها في ضيقه..حاسه بيها تعبانه..
دينا..متقلقيش ياماما..انتي عارفه ديما ذكيه..وهتعرف تتصرف..
بس انا ياماما..نفسي اسألك سؤال..
الام بهدوء..ايه؟
دينا..انتي منين عرفتي باللي عاوزينه من ديما.. ومنين كمان تعرفي عمي وابنه شغالين في ايه؟
بالله عليكي ياماما جاوبيني..
انا مش مطمنه..
الام في نفسها..اقولك ايه بس يا دينا..
اقولك ايه؟
كان يوم اسود يوم مااتجوزت ابوكي..ياريتني ماشوفته ولا عرفته..
يارب ياديما..ترجعيلي بالسلامه..ياما قولتلك دول عالم ظلمه ملناش دعوه بيهم..بس مبتسمعيش الكلام..
دينا..ماما سرحانه في ايه؟ ردي عليا.
الام..متشغليش بالك انتي يادينا..
دينا بتريث..طيب بس هسالك سؤال ولازم المره دي تردي ارجوكي
الام بحده..قولي وخلصيني..هو انا ناقصه..
دينا..هو صحيح بابا لسه عايش..؟
الام بخوف وصوت مرتفع…..انتي جبتي الكلام ده منين يادينا…انطقي..
دينا بتهكم..سمعتك وانتي بتكلميه..وعماله تتحايلي عليه؟
بقي معقول في اب عاوز يموت بنته..
الام بخوف..اخرسي يادينا اوعي اسمعك بتتكلمي في الموضوع ده تاني..
فاهمه..
دينا..بحده..لييه..ليه عاوزه افهم..قوليلي..ديما تعرف ان بابا لسه عايش..
انتي مش قلتولنا مات..
مات ازاي وليه وفين.؟
وليه لسه عايش..عاوزه اعرف الحقيقه..
الام بحسم..اسكتي يادينا..واختك متعرفش حاجه..
متعرفش..حرام عليكي..اسكتي، كفايه خيبتي في اختك
تركتها ودخلت ووقفت دينا تنظر لها واغلقت هاتفها..
بتحدي..
بعدما ضغطت سر الارسال سريعا..
ـــــــــــــــــــــــ
بالقاهره..
ايه ياوحش..ماتقومي تهزيلنا شويه.؟
ناهد بمياعه..يووه ياراجل انت مبتنهدش..الوقت اتاخر وانا لازم امشي..لاحسن المخفي اطره يرجع..
مرعي بسماجه..ال يعني بياخد باله..
كان خد باله من ست سنين ياوليه..
قومي كدا…بلحمك المرهرط ده..هزيلنا شويه..
بعد ساعه..
(مرعي صديق زوجها..صديقه المقرب..من سنوات وهو علي علاقه بتهاني..زوجته…يعني)
مرعي بسماجه وهو ينفخ سيجارته بوجهها
بقولك ايه ياتهاني..الا مفيش أخبار عن نغم..
ناهد بحده.
وانت بتسأل عن الزفت دي ليه؟
في ايه يا مرعي..انت عينك زاغت علي البت دي ولا ايه..
لا…ياانا ياعنيا..
مرعي بقرف من هييتها..
انا بس بسأل..يعني..
ناهد وهي تخطف السيجاره من يده..
اه بحسب..لا صحصح كدا معايا…
ــــــــــــــــــــــــ
الله..هتسيبوني يابيه..معقول
متسبوني هنا شويه الهي يعمر بيتكو..
دانا حبيت هنا خالص..
الحارس…اه قصدك حبيت البرطعه..
عموما..انت مهمتك هنا خلصت..
الباشا بيسلم عليك وبيقولك..همس بأذنه..
ايه اللي بتقوله ده..استحاله صاحبي ومراتي يعملو كدا..
الحارس..طب ماتروح تشوف ياسبع الليل هتخسر حاجه..
يالا ياخويا طريقك اخضر..
الباشا بيقولك..داين تدان..
ـــــــــــــــــــــ
ايه دا في ايه؟
مين بيخبط علينا..انت مستني حد يامنيل انت..؟
مرعي..لا.
فجاه انفتح الباب عليهم وجحظت عيونهم..
وضربت ناهد علي وجهها..
ياغمي..انت.
حسني بذهول..انا ايه ياف…انا ايه…
انا ايه يابت 🐕..
بقي انا تخونيني انا..ومع مين..معاك انت يامرعي..
جف حلق مرعي وحسني يشير بيده..بالسلاح الابيض..
أنا هخلص عليكي يابنت الكلب زي ماخلتيني خلصت عليها زمان..
ناهد..لا ياحسني دا هو اللي ضحك عليا..وبيهددني..
اه والله ياخويا
مرعي بصدمه..انا ياوليه ياوسخه..
طب ايه رايك بقي انها مقرطساك من ست سنين..
لم يحتمل وجن جنونه..
ومزق جسدهم بالسلاح الابيض الكبير..
يعطيها ضربه ويلتف يعطيه الاخري..
جن جنونه..وعلت ضحكاته كمجنون..
قتلتكو ياولاد الكلب..
خدت طار مراتي وبنتي وابني..
خدت طارك يام نغم..
ومع الصياح والصراخ تجمع الجيران..
وانتهي أمرهم والي الابد..
ــــــــــــــــــــــــــــــــــ
بالمشفي..
بعدما اطمأنو علي ديما ذهب الجميع
وبقي الحبيبان معا..وبحوذتهم طفلهم معافي..
ابتسمت عليهم بحنان ..
ديما التي تهلوس باسم مروان الحامل لطفله منذ خرج للحياه ينظر له بانبهار..
يقبل يده تاره وتاره يقبل يدها الموصوله بالسائل المغذي
يهمس لهم اثناهم بكلمات وكأنها سر حربي..
وخرجت تبحث عنه..
اين ذهب؟
ابتسم بانتصار..والحارس يخبره بان المراد قد تم واخيرا..
دارت بعينها عنه..وجدته واقفا بآخر الطرقه يبتسم لها بابتسامه أذابتها..
الوقت تاخر وفي مزرعه كمزرعه الراوي..لا احد يبتعد عن اسرته..ليلا هكذا لذا لا احد هنا بالطرقه..
اقتربت منه..فجذبها مسرعا للغرفه التي تجاوره..
اغلق الباب عليهم..
واستدار خاطفا اياها بين ذراعيه..
وحشتيني..يانغم حياتي..
هونت عليكي تمشى وتسيبيني..
نغم..بهمس..خوفت اخسرك..واشوفك بتودع الدنيا بسببي..
قلت ابعد وكفايه حسك بالدنيا..
سامحني ياكريم..
كريم بحنان…مسامحك ياقلب كريم..مسامحك..
ـــــــــــــــــــــــــــــــــــ
ايه اللي جابنا هنا يامعتز..
احنا مش هنروح البيت..
معتز بحنان..
لا ياقلب معتز..احنا مسافرين دبي..
أنا رجعت عشانك ياسولاف..
شغلي وحياتي هناك..وكمان ظبطلك كل حاجه خلاص حتي الجامعه..
سولاف بقبضه بقلبها..عملت كل دا امتا؟
معتز بحنان..فاكره لما خدتك وعملنا جواز سفر بعد كتبنا الكتاب..
انا كنت بجهز لكل حاجه هناك..
صمتت وهي تقف بتردد امام صاله الدخول..
فائلا..
بخيرك لاخر مره ياسولاف..
تقبلي تعيشي حياتك الجايه معايا..تقبلي بيا يابنت خالتي..
صمتت..لا تعلم ماذا يحدث ولكن فكره اغترابها اتتها.فجأه..
لما الحزن اذن بالحالتين خالتها وهو سيكونا معها..
انقبض قلبه وهو يراها صامته..
همس سولاف..
ابتسمت بهدوء ومدت يدها ووضعتها بيده..
اقبل يامعتز..
تنهد وقربها لاحضانه..حبيبتي ربنا يقدرني واسعدك..
ابتسمت واراحت راسها علي صدره بحنان..
سولاف بهمس..اومال..فين..خالتي؟
معتز بغضب..بتكلم جوزها..عشان يستقبلها..
سولاف..مالك يامعتز..فيك ايه..انت لسه مش متقبل الراجل دا..
معتز بهدوء..فهو لا يخفي عنها شئ..
المشكله ياسولاف..انه شخص مش مريح..
شخص غريب..مش عارف في ايه؟
انا عمري ماحبيته ولا اتقبلته ابدا..
تعرفي انه متجوز وله بنات هنا في مصر والبنات متعرفش عنه حاجه؟
وكمان مفكرينه ميت..
سولاف بصدمه..ازاي؟ معقول..
معتز بتهكم…اه والله..
وماخفي كان اعظم..
سولاف بخوف..انت عرفت دا كله منين يامعتز..
معتز بغموض..عرفت وخلاص
سولاف..احنا مش هنعيش معاه صح؟
معتز بحنان..طبعا ياقلب معتز متقلقيش..انا ساكن بعيد عنهم من زمان..
انتي عارفه انه كان يعرف ابوكي..
سولاف..بجد؟
معتز..اه معلومه عرفتها برده بالصدفه..
المهم سيبك انتي..
هما العرايس المغصوبين عالجواز بيحلووو كده
سولاف بضحك..مجنون والله..ايوا كدا ارجع للاصل..
مش لايق عليك العقل دا..
معتز..يابت انتي هتلاقي في حلاوتي فين؟
دا انا نص بنات دبي بتجري ورايا..
قهقت عليه..طب والنص التاني..
معتز..بيفكرو..
سولاف..طب انعدل بقي..بدل مانخسر بعض
معتز.الله وانت زعلان ليه ياجميل..
مش انت بايع..
سولاف بضحك..انت اتجننت رسمي..
ـــــــــــــــــــــــــــــ
هنروح فين ياعز.؟
خلينا هنا شويه كمان..
عز بهدوء..اوعدك هنيجي تاني كتير..
انما دلوقت هخدك لمكان حلو..الشركه رفضت الاجازه وخلاص فاضل يومين..
فقولت اقضيهم معاكي لوحدنا..
ڤيرا بتعب..ربنايخليك ليا ياعزوزي..
انا عاوزه انام ياعز..؟
عز بهدوء..طب استني اظبط الطيار الالي واسيب القياده المساعد واوديك للغرفه..
ڤيرا..لا انا عارفه الطريق هروح لوحدي..
بعد نصف ساعه..
مد يده يتحسس وجهها بحنان..
غارقه بنومها..
يقوم رغبته فيها..
يدعو الله الثباب..
فتحت عيونها بنعاس..
وهمست..عزوزي..
عز بابتسامه..قلب عزوزي..
خلع حذاءه ومدد بجانبها..
ارتعش جسدها..وضغطت علي شفتيها بقوه..
تخفي توترها
فقربها لاحضانه محتضنا اياها كطفله صغيره بجسدها الهزيل..
هامسا بحنان..اهدي ياقلب عزوزي..
صوته كسحر..أغمصت عيونها بسلام..وراحت بثبات عميق..هانئه مطمئنه..
ــــــــــــــــــــــــــــــــ
بالمشفي..
المزرعه..
نظرت لما يفعله بغيظ..هو بعالم وردي مع طفله وهي منذ فاقت وهي تتلوي..
اشبعها قبلات..ولكن يعطي طفله اكتر..
جزت علي اسنانها بغيظ وتعب..
صارخه..
اااه..
انتفض من مكانه ووضع طفله بهدوء بفراش مجاور له..
حبيبتي ما بك؟
أنتي بخير ديما..
ديما بغيظ..لا تحدثني مروان..انا اكرهكك.
مروان بصدمه..ماذا حدث ديما؟اجننتي أنتي..
وباستنكار..تكرهيني ديما..حقا..
بكت بتعب وحزن لم تعد تعلم ماذا يحدث لها مؤكد ان هرمونات الحمل مازالت تؤثر بها..
ساعدني لاجلس مروان..لا استطيع..
مروان بحنان..علي الرحب والسعه ياجميله..
بعد قليل..
احسن؟
هزت راسها بعدما اتت نغم وحقنتها بكم هائل من المسكنات..
هزت راسها..نعم..
همست.. مروان
مروان بهدوء وهو يعتدل بجلسته بجانبها جذبها لصدره..
ديما..المح بعينيكي ماذا تريدين قوله..؟
واقسم لكي..سأخبرك كل شئ..
لكن ليس الان..دعيني اشبع منكما يافتاه…
انا هنا ليومان فقط..
يومان.. فقط ديما.
ديما بخوف. مروان خذنا من هنا..
ابتسم وقبل راسها بحنان..سيحدث ديما..
قريبا سيلتم شملنا لا تخافي…
هيا يافتاه لا تبتأسي..
الي الان لم نختر اسما لطفلنا..
ديما..بعيون ناعسه..
أنت هنا مروان..سمه ماشئت
فقط لا تقترب من اسم مروان..
ابتسم عليها وهي تجاهد لفتح عيونا وسألها.
ولما ليس مروان؟
ديما..بكلام يخرج متقطعا..
لا احد يقترب من اسم حبيبي..
وذهبت بثبات عميق..
بهدوء عدلها…ونظر لطفله بفخر..
حبيبي..مرحبا بك..في حياتنا..
تنهد استقام واغلق الباب عليهم وأشار بيده للحراسه عدنان..
واطمان قلبه..
ولاول مره منذ زمن..ينام بأماان..
ـــــــــــــــــــــــــــــــــ
بلندن..
داخل السياره التي ستقله لبيته بلندن..
تنهد وشرد بما حدث..
Flash back..
في ايه يازفت انت جايبني علي ملا وشي من الصعيد لهنا ليه..
محمد بهدوء.ممزوج بحزن مكبوت…اقعد بس يافهد
وانا هحكيلك.
فهد بخوف من منظره..في ايه يامحمد قلقتني..؟
لم يستطع وانفجر باكيا..
بعد ساعه..
انت متاكد من اللي بتقوله دا..؟
قوم معايا…
محمد بقله حيله..هنروح فين يافهد..انا متأكد..
فهد بحده..قولتلك يالا..هنروح نعمل تحاليل تانيه..
لم يستطع ان يصمد امام اصرار فهد وفي داخله تمني لو كانت التحاليل فعلا خاطئه..
بعد ساعات..بشقه فهد..بالقاهرة
تهكم. محمد.وقال..مش قولتلك التحاليل صح..
فهد بحزن..مفيش حاجه مش محلوله..
وكل اللي في دماغك اوهام وبس..
هتزرع كليه عادي جدا….
وترجع احسن من الاول..
محمد..بحزن..أنا خلاص مش عاوز حاجه من الدنيا..
فهد بحزن..بس غيرك عاوزك يامحمد..سولاف
نزلت دموعه..قائله
اهو دا الموضوع اللي جبتك عشانه..
فهد..باستغراب موضوع ايه؟
بهدوءحكي له..
فهد بصدمه..انت اتجننت..انت عاوزها تكرهك وللابد..
وانت فاكر اني هسمحلك تكسر اختي وتهينها بالشكل دا..
محمد بتوسل..ارجوك يافهد..اما تكرهني وتعيش حياتها بدل ماتعيش مع واحد عاجز حتي حقوقها الشرعيه مش هقدر اديهالها
افهمني يافهد..عشان خاطري..انت راجل واكيد فاهم..اني بعمل كدا لمصلحتها..
الفشل الكلوي..سببلي عجز.هو اه مش كلي..بس لو فشلت عمليه الزرع هيبقي للابد…
معتز هيصونها ويحافظ عليها..انت عارف انه بيعشقها..
فهد بجنون..انت مجنون..انت عاوزني اعمل فيكو كدا..
خيرها يااخي..وانا متاكد انها هتختارك انت..
محمد بحده..هتختارني شفقه..رد جميل..مش عاوزه..
انت ليه مش مقدر دا..
المفروض انت بنفسك اللي تقولي ابعد عن اختي..
فهد باستنكار..لانك زي ماسولاف اختي انت اخويا افهم ياغبي..
اقترب منه وضربه علي راسه وجذبه لصدره..
انتو اغلي الغالين يامحمد..
محمد ببكاء..وعشان احنا غالين..وحياه راشد عندك لتسمع كلامي..
أرجوك يافهد..
فهد..بوجع..ياارب..
Back
فهد بهمس حزين..يااارب..برد علي قلبي..
يااارب
ـــــــــــــــــــــــــــــــــــ
بسوهاج..
بتعمل ايه يافهد؟
فهد بهدوء..زي ماانتي شايفه؟
سلمي باستنكار..انت مسافر..؟
رايح فين؟
فهد وهو يحمل حقيبته..شغل ضروري..
اقترب وقبل راسها..بحنان..
ادعيلي..وحقك عليا.
سلمي..بدموع..انت اللي حقك عليا يافهد..انا غلطانه..
فهد بحنان..انا عمري ماازعل منك ياسلمي..انت روحي يابنت عمتي..
خلي بالك من نفسك ومن الولاد..
سلمي بغصه..اقتربت واحاطت عنقه..
هتوحشني اووي..متغبش عليا..
هز راسه بابتسامه.اوعدك يا حبيبتي..
في رعايه الله..
سلمي..
في رعايه الله يا حبيبي..
ــــــــــــــــــــــــــــــ
بعد الغياب..بعد ماصبرنا والشوق لصبرنا داب..
بعد ماعشت عمر في غربه وفراق..بعد ماصار ليلنا نهار
بعد ماسهرنا ويا الليل كتير ماننام..
خدني الحنين..لمكان ما صرنا انا وانت فيه احباب..
دقيت كتير..وقولت هتفتحي ليا الباب..
فضلت ناطر..لحد مازعجت بخبطي الناس..
قالوا روح ياحزين..الجنه من غير ناس تنداس..
ـــــــــــــــــــــــــــــــ
بعتذر عن فصل بكره ..أتمني تقبلووه
الفصل التالي اضغط هنا
يتبع.. (رواية رحماك الجزء الثاني) اضغط على اسم الرواية لتجد الفهرس كاملاً بجميع الفصول.