رواية تراث النهروان – الفصل السادس والثلاثون
part-36
شهكت ولزمت سيف من ايده نزلتها وهمست
– شجابك، شلون اجيت لهنا.
– اجيت احاجيج نـــهروان.
– شضام بعد تُـــراث.
غمض عيونه حيل وهمس
– اووف، ياروح تُـــراث انتِ.
رفعت تك حاجب اباوعلهم هلوو هذولة عابرين مرحله
بلعت ريكي من باوعلي بخزر وباوع على مريم ورفع ايده
– هذذن منو؟
نـــهروان – مايخصك، اطلع منا تُـــراث.
– ما اطلع ولا اتحرك خطوة اذا ما احجيلج كلشي.
شهكت تبجي ورفعت اديها تصيح
– شضاااام بعدد هاااا؟ شضاام عليّ بعد هم اكووا شغلاات
مسويهاا بية وضاامهاا اكووو؟؟؟
بلع ريكه وهز راسة بـ اي وباوع لعيونها عيونه مدمعه وحمر
– وعيونج ماضام شي عليج بس خفت احجيلج
ردت بعدين افهمج واشرحلج كلشي.
– شتفهمنييي شتفهمنييي!
تُـــراث – بس اهدي اني افهمج كلشي والله اجيت اسولفلج واحجيلج كلشي صاار.
– مااريد اسممع مااريد مااريد مااريد مااريد.
باوعت عليها
كامت تحجي بسرعه وتشهك، سيف باوعلها بسرعه
وباوع على تُـــراث وكام يصيح
– ولك عووف اختيييي، امشيي اطلععع برةةة امشيييي.
كام يدفع بـ تُـــراث يريد يطلعه بره، ركضنه اني ومريم
لـ نـــهروان، حضنتها اني اهدي بيها وهي تشهك وتباوعله
وهو واكف بمكانه ميل راسة ويباوعلها والقهر مبين على وجهه
شلون عيونه حمر وحالته حاالة، يجر بي سيف من ايده
يريد يطلعه، وهو نتر ايده من سيف وخزره
– توخر لا الزگك بالكااااع.
غـيـد – سااالميننن؟؟؟
باوعلي بخزرة چـنه مسودن، ودار نظره لـ شمشون
صارت نظرته فجأة كلها حنيه وقهر، هلو هذا رايح بيها واگع
مشة بأتجااها، هديت نـــهروان، وهو لزم اديها وهمس
– بس اريد احجي وياج شلال، بس افهمج كم نقطه واحجيلج بيهن
وشتردن تسوي سوي بعدها والله لو تكولين روح
وماريد اشوف وجهك للموت ما تشوفيني بعد.
رفعت عيونها عليّ بسرعه عيونها حمر والدموع
متعلگه برموشها بلعت ريكها تباوع لعيونه وهزت راسها
ابتسم بتعب وهي باوعت على سيف
– سيف، خطار يمنه.
باوع سيف وينافخ بعصبية طب للبيت يرادم بالبوب
طبينه احنه وهو فات ورانه وهي دخلت ورا
كعد
على القنفه يباوعلها وهي گـعدت كدامه
اجه
سيف جاي مي حطه كدامه بنتر وكاله
– هااك، حتى يصير بيك حيلل تلزكني بالكااع.
ابتسم تك خد واخذ المي منه شربة، راح سيف يركض
للغرفه جاب شال وحطه على راس نـــهروان وهي مثل الي تذكرت
جرته لبسته بسرعه وتُـراث يباوعلها مبتسم
نـــهروان – شتريد تحجي احجي بسرعه .
– وحدنه.
– لااا، كلهم يعرفون ماكو داعي.
– واني ما احجي اذا مو وحدنه.
– تمام لعد ارجع منين ما اجيت.
– لا، راح احجي وحدنه هم.
كالها وحضن اديه لصدرة وهي تباوعله بنظره تعبانه
اشرت لـ مريم وسيف حتى نطب للغرفه كمنه بسرعه
وسيف ميقبل يكوم، بس من حاجيته اجه وياي
طبينه
لغرفتها وسدينه الباب وسيف كالب وجهه ويفتر بالغرفه
غـيـد – سيف شصااير؟؟
” نـــهروان ”
كاعده على القنفة وباوعله واجر نفس بسرعه دكات
كلبي متسارعه واحس جسمي كله يرجف ماكدر احط عيني بعينه
كلما اغمض اتذكر الكدامي تُـــراث نفسة الشخص
الي حبيته واعرفة بشخصية تُـــراث طلع اكثر من شخصية اله
منزله راسي ومغمضة عيوني حيل وايدي ترجف حيل
لزمتها بايدي الثاني اريد اهدئ حركتها، بس دخلوا
رفعت راسي باوعتله وهو كام بسرعه وكعد كدامي
شهكت ارجف والعبره خانگتني ماكدر احجي كلمه
فتحت عيوني اباوعله والدموع متجمعه بعيوني
ماكدر اشوف شي، رفعت ايدي مسحت عيوني وباوعتله
كعد على ركبة كدامي وجر اديه لزمهن سحبتهن منه بسرعه وخزرته
– لاا تلزمنيييي!!
– شلال.
– وخررر عنيي يله احجي وروح لا تلزمنيي!!
رجع مد ايده ولزمهن قوي مثبتهن واني اجر بيهن
سحبهن مني بنتر وصاح
-لاا تنرعصين اثبتييي.!
ضليت خازرته بقوة وهو مجلب باديه حيل
قربهن لوجهه
وباسهن حيل وشمهن
مخلي راسة عليهن ويبوس باديه ، غمضت عيوني وشهكت ابجي
ليش ليش كل هذا الضعف يمك ليش ماكدر امنعك.!
جريتهن منه احجي بخنگ
– هد ايديي.
جر حسره وعاف اديه، رفع ايده يمسح بجبينه ويرفع بشعره
– شلال، اريدچ تسمعيني للنهاية صح مو تبرير للصار
بس اريدج تعرفين كلشي مريتي بي واني مريت بي
هو اجباري.! اني حالي من حالج مجبور كلشي صار جان غصب عني!!
مسحت عيوني اباوعله اريده يكمل كلامه وهو تنهد
وكام يسولف بده من سالفة ابو لحد سالفة قمر
واني صافنه
كل هذا عاشة تُـــراث؟ رفع راسة الي عيونه مليانه دموع وهمس
– بالنهاية اخذتي حقج من عيوني، تتذكرين من دعيتي الله يحرك گـلبي بأعز انسان على گلبي؟
ابشرج احترگ وصار رماد.
فتحت عيوني وشهكت اهز راسي بـ لا بسرعه
– لاا لاا والله والله والله ما دعيت ما اقصد بنتك تُـــراث
لا لا والله والله ما اقصد لا تحجي هيج اني اني اني ما دعيت عليها والله مادعيت عليها مادعيت.
دنك راسة حاط ايده على وجهه ويبجي واني تخبلت
كعدت كدامه اصرخ واهز براسي
– لااااا والله ماادعيتتت والله مادعيتتت تُـــراث بااوعليي والعباااس مادعيتتت.
جريت اديه من وجهه نزلتهن اريده يباوعلي وكمت ابجي بصوت واصرخ
– ولك ولك باوعلي ولك مااا دعيتتت انيي والعبااس مادعيتتت ولك مادعيتت.
نزل ايده من وجهه بسرعه لزمني واني كمت اصرخ واشهك
– اسكتتييي كاافي كاافي ما دعيتيي اسكتيي.
– والله مادعيتتت عليهااا تُـــراث تُـــراث ماادعيتت والله.
– اددرري كااافي اسكتيي.
حضني حيل واني ادفع بي واشهك واهمس
– والله مادعيتت عليهاا شلوون ادعيي عليهاا ما دعيتتت.
ضم راسي لصدره وباسني براسي حيل يهمس
– ادري ادري والله ادري اسف بالغلط كلتها والله.
ضليت اشهك وادفع بي اريد اكوم وهو جرني اله وكال
– تعااي مو دعيتي علي بنتي.
شهكت بصوت ورجعتله ابجي واصيح
– والعبااااس ماا دعيتت مادعيتت مادعيتت.
ضحك بتعب يمسح بوجهي
– ادري ادري اشاقيج.
دفعته من صدره والتفتت باوعتله
– تُـــراث، وداعت ماما ما دعيت عليها.
تنهد وهز راسة
– ادري، والله العظيم ادري بيج بس هذا بعد
رب العالمين
راد ياخذها مني واخذها يعاقبني على كل شغلة سويتها
أذيتج هواي ادري بس مو بيدي والله مجبور.
هزيت راسي بـ اي وكمت، كام وياي وكف كدامي
مد ايده واخذ الشال من الكاع ورجعه على راسي وهمس
– اسف.
رفعت راسي باوعتله وهو عدله ومسح عيوني
– الله ياخذني، دموعج حرگن گـلبي والله شلون بيج.
نزلت ايده من وجهي ورجعت ليورة امسح عيوني واحجي
– بــراء شلونها.
ابتسم وهز راسة
– زينه، تسلم عليج.
– ليش ما اجت وياك؟
عض شفته ورفع ايده يحك براسة
– مو ماتدري بية من اجيت، اخذت عنوانج من تلفونها واجيت.
رفعت حواجبي متفاجأة
– ليش ماتوب انتَ.!
– ليش؟
– شنو ليش شلون تجي وحدك لهنا ومحد يدري بيك؟
-لا بـرهــوم يدري هو باگلي تلفونها.
– طابخيها سوة.
– طبعًا.
عدلت الحجاب على راسي والتفتت على باب الغرفه
شفت الضوة مطفي والباب مفتوح فتحه صغيره
عرفت البنات جانن يباوعن علينه، لان اني چنت اسويها
بلعت ريكي واشرتلهم تعالوا، بس كلتها انفتح الباب بسرعه
وطلعوا يركضون والابتسامه على وجهم بس سيف عاقد حاجبة
باوعلهن تُـــراث وابتسم تك خد وهنه يباوعله مستغربات
نـــهروان – بنات، هذا تُـــراث الشخص الي كتلكم ساعدني واخذني لبيت اخته.
هزن روسهن وغيد كالت بـ ابتسامه
– شحجيت وياها، صارلها ساعه منهاره وتبجي
شگتلها وسكتت؟
ابتسم وباوعلي واني عقجت وجهي
– ما گتلها شي، بس وضحتلها الي صار.
ابتسمت غيد وسيف كال
– يحضن اختي بكل عين صلفة ويريد يلزگ اخوها بالكاع.
ضحكت مريم بسرعه وحطت اديها على حلكها
وهو رفع تك حاجب مبتسم
– هاا وهسه انتَ هيج ضايج مني ولسه تتذكر الموقف؟
– طبعًا شايفتي زعطوط واسكتلك؟
– لا يابة حشاك، تريد تعاقبني؟
– لا، طايحه لعيون روان.
ابتسم ومد ايده كرصه من خده وسيف ساكت كام وكف
وباوعلي وميل راسة قريب عليّ يهمس
– راجعلج.
باوعتله گـلبي يدك سريع وايدي ترجف، هزيت راسي بـ اي مبتسمه
وهو ابتسم وباوع لعيوني ونزلهن لشفايفي ورجع باوع لعيوني
خزرته واشرتله يله روح، هز راسة ومشى بجهة الباب
فتح باب الهول يريد يطلع، غمضت عيوني وكعدت على القنفة
ضحكن البنات وباوعلي، توهن رادن يحجن وسمعنه صوت بالحديقة
فتحت عيوني بخوف من سمعت صوت بــارون
طفرت
بسرعه ركضت للحديقة، فتحت الباب وطلعت والبنات وراي
فتحت عيوني بخوف من شفت تُـــراث واكف وبــارون گدامه يباوعله بأستغراب!!
بلعت ريكي بخوف وتُـراث ابتسم وهو باوعله مستغرب
– منو؟
تُـــراث – اني تُـــراث.
عقد حاجبة بــارون باوعلي وباوعله بسرعه
– نفسك الي ساعدت نـــهروان؟
هز راسة بـ اي مبتسم
عقد حاجبة بــارون بسرعه بعصبية وصاح
– وشجاابك هناا وشلوون تفووت لبيتت ماابي زلمةةة.!!!
سيـف – لعد واني عمو؟
التفت على سيف خازره بسرعه
ابتسم تُـــراث مستهزء وبــارون تخبل خزره بسرعه
ومشة بجهته لزمه من ياخته، صرخت بخوف وركضت
لزمت بــارون اريده يهده وهو خازر تُـــراث بقوة ويصيح
– شكدد تمنيتتت الزمك، صااير زلمةة وتسااعد موو؟
ولك شكلتتت لروحكك من بنيةة امنتتت بيك وثقت بيك
ترووح تشمرهاا بنصهم ياخذون كليتهاااا.!!
غمض عيونه تُـــراث ورفع ايده لزم ادين بــارون ونترهن من عنده
– مثل ما محترمك تحترم لا تخليني اطلع شخصيتي الثانية
محترمك وساكت عنك لخاطرها .
– لا وتهدد؟
كالها وضرب تُـــراث بوكس على وجهه!
صرخت وركضت اريد الزمه وغيد تصيح وتجر بــارون
دفعت تُـــراث على باب الشارع اصرخ وابجي
– روووح ولكك روححح.
وخرني تُـــراث من كدامه يمسح بخشمه الكام ينزف
رجعت ادفع بي وغيد ومريم يجرن بــارون ويصيحن
وهو من بيناتهن رافع ايده ويسب بـ تُـــراث ويصيح
– انعلل ابووك لابوو الجاابك علينهه ولك بنيةةة تأمن بيكك هيج تسوووي بيهاا
ولك تااخذ كليتهااا، الله اكبررر عليكم.
رجعله تُـــراث رفع ايده وضربة على راسة وصاح
– ولك ابن الكلبب انيييي مجبوررر مجبوررر يهددونييي بنتيييي مجبوررر.
حطيت ايدي على حلكي من شفته ضرب بــارون
على راسة و بــارون لزم راسة بألم
التفتت عليّ صرخت وكمت اضرب بي على صدره
– ليششش ضربتهههه ليشششش ولك ليشش تضررربةةة.
لزم ايدي متوجع وصاح
– وخرري صاارله ساعه يكفخخ بييةة.
– وتضربةةةة ولك تضربةةة؟
دفعته حيل لبرة وصحت
– اطلعع يله اطلعع.
– اييي طااالع بس وعلي راجعلكمم.
– دطلع ولك راح ادفرك.
– ارجعلج انتِ اذا ما شگيت حلكج بسيطه.
دفعنه بــارون كلنه يريد يطلعه وصاح
– تشك حلگ منووو ابن الكلببب.
– حلگك وحلگ بنت اخوووك.
– لاا ياساااقط.
جريته حيل وسديت الباب بسرعه وكفت كدامها
نـــهروان – كااافي كااافي بــارون راااح كاافيي.
– وخررررري هيججج.
يجر بية من الباب واني مجلبة بيها واصيح يريد يطلع ورا
من شافنه كلنه نجر بي سكت وطب للبيت بعصبية ويصيح
– شلووووون تطببونه للبيتتتتت.!!!!
طبينه ورا بسرعه واني رفعت اديه اهدي بي واحجي
– والله هو بس حجه ويانه و..
– لااا تخلينييي اكلب البيت على روسكم يااحجيي هذااا
رجاال نعاال غرريب شطببة لللبيتتتتتت!!
– لاا تصيح شبيكك ماا حجةة شيي بس تطمن عليييّ ورااح.
– نعاااليشش هو ويتطمننن وشيريدد منجج؟؟؟؟
– مايريدد شيييي.!
كعد على التخم ويجر نفس بعصبية روحه طالعه
واني اول مره هلكد اخاف من بــارون ولا مره شفته عصبي هيج
ضليت واكفه كدامه والبنات بصفي وكلنه خايفين
رفع راسة باوعلي احسه يريد يحجي هواي شغلات
بس خايف عليّ، اشرلي اكعدي، كعدت كدامه والبنات كعدن بصفي
بــارون – شحجه؟؟ وشراد منج بسرعه احجي وكلشي كلمه لا تضمين روان.!
هزيت راسي وسولفتله الي كاله كله حتى على ابو
وكلشي ما ضميت وهو حط ايده على راسة ودنك
– هذا الرجال دماار دماار ماعرف شلون مأمنه من ناحيته
ولج هذاا مجرررم وحشش كل هذني مسويهن وتوكفين كدامه؟؟
ولج چنتي اذا شخص كتل بزونه كدامج تضلين تتراجفين
هسه واكفتلي كدام شخص يمشي ويكتل بالعالم ويمثل بيهم بكل عين ولا خايفه؟؟؟
بلعت ريكي بخوف من الوصف مالته
هزيت راسي بسرعه وكتله
– ما مثل بيهم هو بس راد يحميني منهم والله هو ساعدني بــارون
ما أذاني اليّ أذاهم وقتلهم لان رادوا يكتولي
بــارون
لوما هو اني من اول يوم مغتصبيني وكاتلينييي.!!
غمض عيونه واني حطيت ايدي على وجهي وشهكت ابجي
– والله مرتين مرين دخلوا عليّ زلم ثنين رادوا يتقربولي
وهو اجاهم وكتلهم وساعدني وحتى العُثمان
الي كلها تتراجف منه هناك
هو يوكف كدامه ويتعارك ويا بس لان محاجيني.
بــارون – وليش ماا طلعجج من البدااية اذا هلكد اله سلطه عليهم.!!!
– بــارون يكتلووون بنته لااان يعرفون دا يساعد بينهه
يكتلوهااا وبس لزمتهم المكافحه واخذتهم وما اخذوا تُـــراث وياا
اخذ بنته مره ثانيةة وقتلهاا كداام عيونه بنته مايتجاوز عمرهاا السنه.!
رفع ايده يفرك براسة حيل ويعصرة ويغمض عيونه
– والله مادري شسوي رااااسي راح ينفجرر رواان.
– بــارون.
كلتها وبجيت بصوت اعله، كام كعد بصفي وجرني لحضنه
– كافي هسه ليش تبجين حااجيتج انيي جبت طااريج.!
نـــهروان – حجيتت عليّ كدامي واني اعرف الي مرر بي
كلشي صاار كدام عيوني بــارون انتَ حكمت عليّ بسبب القتل
بس اني اعرف هو حبااب وحنين والله وحتى يصلي
واخته هم حبابة بس هو كلبة قااسي وعصبي
وهذولة علموا على الكتلل.
هز راسي بـ اي حاضني ويهمس
– كافي اسكتي اهدي.
– ماا اهدئ، تعاركتوا ثنينكم برةة شبيكم والله انقهررت انيي.
– وهسسه انتِ ضااايجة لاا ضرربته؟؟؟
– لاا لان تعاركتواا خايفه عليكم انيي.
– استغفر الله.
وخرت من حضنه باوعتله وامسح بعيوني
– والله هو حباب، اصلا هسه بس تشوفة وتحجي ويا بعد تشوفة حباب.
– ششووف منه ماا تشوفين وجهه چـنه مجررم واملح
صدگ لو گالوا سيماهم في وجوههم من وجهه مبين فاااسد ومجررم.
حطيت ايدي على حلكي مصدومه
– ياا شبيك.
راد يحجي التفتنه ثنينه على غيد من كالت وهي گالبة وجها
– هسهه غيرر يستقرر شااف روحه ابيض وعيونه زرگ
كام يعيبب على الناااس بعيدن شبي الاملحح ما يعجببب؟
اندار عليها بسرعه
– شوو تحجيهاا كدامي ولج؟؟
سكتت بسرعه ودارت نظرها من عنده سكت وباوع على سيف
– علاج نـــهروان جيبة.
هز راسع وكام جابة واجه، اخذه من عنده وانطاني العلاج
كام من يمنه ودخل للغرفته مالته ساكت، باوعت عليهن
كمت للغرفه واشرت لمريم تعاي وياي وسيف ضل كاعد بالهول گـالب وجهه
” بـــراء ”
كاعده على الجرباية واباوع على برهوم بضوجه
وهو
واكف كدامي ومتخوصر عبالك ما مسوي شي
بــرهـوم – هسه شنو؟؟ راحح تضلين ضاايجه؟؟
– لعد بــرهـوم هي هااي سواية؟؟
شلون تخلي يروح وحده تُـــراث عصبي وما يتفاهم
اني ردت بس شوية اصير زينه وهي تنسى وانروحلها
شعندده رااح وحده!
بــرهـوم – ترى التحجين عنه اخوج عود ما تعرفينه؟
ارعن وتكه ماكو گـلب الدنيا على راسي اله يريد تلفونج
واخذه وشاف العنوان وفلتت بعد.
ضليت كاعده على نار منتظرته يجي واعرف شصار وشسوة
وهو تأخر هواي رغم منطقتها قريبة علينه
باوعت على بــرهـوم وكلت بقلق
– خابرة فدوة خاف صار شي يمهم والله خايفه.
– شسالفة شيصير يعني؟ ماتعرفين اخوج انتِ؟
– لان اعرفه خايفه!
بعدنه نحجي وسمعنه باب الهول ينفتح، انسد الباب
وشفته اجه بجهة الغرفه، حطيت ايدي على كلبي وزفرت براحه
دخل للغرفه باوعلنه كالب وجهه وايده على خشمه
– هاا شبيكك؟ تُـــراث شبي خشمك؟؟
نزل ايده من خشمه عاقد حواجبه وكالب وجهه بعصبية
– هذاا هذا الكلب عمهاا ابو عيون الزرگ ضربني على خشمي
خررب اهله مو ايدد كرك ابن الچـلب يعررج ومااگاعدد راااحة.
فتحت عيوني بسرعه على وسعها وبـرهوم تقدم جر ايده من خشمه يشوفه
– شوو، مو هواي شبيك تلطمم.!
– لك بالعظم.
وخر من بــرهـوم وكعد على الجرباية كدامي جريت ايده لزمتها
– شصار ها؟ تعاركوا وياك؟ خوما صار شي؟
– ولج هي سكتت تفهمت السالفة وسكتت وعلي بس عمهاا
شجابه ومنين عرفني ما ادري طب للبيت كبل ضربني على خشمي
يكلي بنية امنت بيك وثقت بيك تاخذ كليتها
ادررري انيي شايف كليه مااخذ كليةة
اشوو حتى من باعوها ربع ما انطووني لوو محصلل منهاا شي عاد خل يحجوون.
دمغه بــرهـوم على راسه من ورا يحجي عليّ ماقابل
– لااتضل تمسلتت هيووو شبيك اجيتت هادود؟؟
بعدين شتريد منه يسويلك يبوسك براسك؟
واحد غيره ويعرف انتَ جنت تشتغل وياهم
يحط طلقة براسك.
رفع راسة يباوع لـ بــرهـوم صفح ضربته على ايده بخفة
– بااوعلي شصاار بعدد يعني شنوو؟ نـــهروان شكالتلك؟
– ماكالت شي بس تفهمت الموضوع.
– وهسه؟
– شنو هسه ماكو بعد هسه.
كام طلع من الغرفه ضاج هز ايده بــرهـوم وكعد بمكانه
– هذاا عمها صدك مخبل اذا قبل ينطيها حيلل بي وعلي ارعن.
– هو هذا تُـــراث، بس خاف عمها يسويها عناد وما يقبل ينطيها؟
هز راسة بمعنى ماعرف
دك تلفونه كام اخذه وفتح خط
– هاا حمزة، ايي بالبيت، هلا بيكم، الله وياك.
التفت عليّ كال
– راح يجون الولد راح اسد الباب وهذا تلفونج يمج اذا ردتي شي دزيلي رساله.
هزيت راسي بـ اي وهو طلع وسد الباب
” بــرهـوم ”
فتحت باب غرفة تُـــراث ودخلت الها، جان كاعد
على الجرباية وحاط راسة بين اديه، مشيتله وحطيت ايدي على ظهره
– شبيك؟
رفع راسة باوعلي وهز راسة بـ مابية شي
– صار شي هناك؟
– بــرهـوم، شلال تعبانه.
– شبيها؟؟
– نفسيتها وجسمها كلشي بيها تعبان لو تشوفها شلون صايره
ضعفانه وجها صاير اصفر تعبانه حيل ما تحملت اشوفها هيج، وفوك هذا كلت شغلة خلتها تنهار اكثر.
– شكلت؟
– كتلها انتِ دعيتي الله يحرك گـلبي بأعز انسان على كلبي.
– خررب روحك.
وكفت افتر بالغرفه وهو فرك راسة قوي وكال
– كامت تبجي وضلت تكرر بالكلمة مثل اول مره
ضل تكرر بيها وتبجي انهارت، بــرهـوم شلال مو نفسها
مو نفسها الاول مره شفتها جانت لساان تغلط وتتعارك
هسه صايرة حساسة تبجي بسرعه وحتى رد ما ترد عليّ
ومن حاجيتها بجت بسرعه توقعت راح تعاركني
وراح تضرب وتغلط وتسب بس كلشي ماسوت.!!
بــرهـوم – تُـــراث العاشته نـــهروان مو قليل ابد!
مرت بتجارب هوااي بالعمارة الله يساعدها احنه زلم ما تحملناها
ومو بس هي البنات الي وياها جانن لحد الآن يتعالجن عد دكاتره نفسيه
اكيد ما تتحمل الي صار وبعدين انتَ حميتها وخليتها تتعلق بيك
وبعد كل هذا تعرف انتَ ساعدهم ياخذون كليتها
ووو وهواي شغلات تُـــراث البنية ما تتحمل.
مدنك راسه ساكت ومقهور عليها، سمعت الباب يندك
طلعت من يمه احجي
– كووم اجوا الولد عليك.
طلعت فتحتلهم الباب، حمزة وزيـد ورائـد وآدم
سلموا وفاتوا للبيت، كعدوا بالهول كلهم وتُـراث
بعده ما طالع من الغرفه
مشيت من يمهم ضربت الباب حيل اصيح
– كوووم يلةة.
– اجيتت روح.
رحت للمطبخ اخذتلهم مي وكعدت، طلع تُـــراث
كاموا كلهم يحضنون بي ويسلمون عليّ
بس آدم ضل كاعد
باوعله تُـــراث وكف كدامه، جره من تشيرته كومه وكاله مبتسم
– اي آدم، كالوا صاير طباب خير .
بلع ريكة آدم والولد ضحكوا من عرفوا السالفة
آدم – شبيك يا خير هذا؟
– لا هيج، بس سمعت بالغلط انتَ رايح للضابط رضا
وكايلة تُـــراث حالته النفسية تعبانه وراح يموت
روح احجي كلشي لـ نـــهروان مو؟
– لا شوف مو هيج السالفة.
– ها لعد شلون بالله؟
– استريح اني افهمك استريح.
– اي استريح ليش لا.
كعد تُـــراث وجر آدم حيل من ياخته كعده بصفه
زيـد – تُـــراث اذا مابيك حيل تكتله اني اكتله الك.
– انتَ بطل لواگه لا اعلسك ويا.
التفت على آدم وآدم يبلعم
– اسولفلك؟
– لعد شريد منك كعدتك بصفي انام وياك غير تسولفلي؟
هز راسة آدم وكال
– شوف تُـــراث، صح هاي خطوة سيئة مني
لان ادخلت
وشبچت ناس بناس، بس انتَ اكثر واحد تدري بية شكد احبك
واعزك حيل من الطفوله واحنه سوة واعرف البكلبك شنو
واعرف اليريده كلبك شنو وبنفس الوقت انتَ ما مستعد
ماكدرت اروح اني لان ما اعرف الي صار بالضبط بالقضية بكد الضابط رضا
طلبت منه هو يحجيلها كلشي علمودك وهو ماقصر.
ضل تُـــراث يباوعله وبنهاية كلامه ضربة بوكس على بطنه وكال
– بعدني ما اقتنعت هذا تمضـ*ـرط من حظرت حنابك.
لزم بطنه آدم بألم وصاح
– خررررب روحك، صاارلي ساعه احجيي واشعرر بلكت تأثر بمشاعرك
هوو انتَ مطيي منيلك مشاااعرر حيوااان.
دفعه تُـــراث وارتاج على القنفة
– طبك مرض صايرلي طباب خير يودي طارش ويخابر
عميل سري انتَ؟ چنك نعال ابو الاصبع.
آدم – بهذا وجهك چنك مطلقة كاتلها ابوها.
ضحكوا الولد كلهم وزيـد يضحك يكله
– احبكم من تتعاركون.
بس كالها ركعه تُـــراث دفره على رجله صاح ولزمها
– اخخخ لك حيواان ليش؟
– مو تحب تتعارك لعد زواج احنه نتعارك وانتَ تضحك علينه.
حـمزة – شقاكم هذا المعفن بطلوا اله تتأذون يله؟
بــرهـوم – حلبة مُصارعه مو بيت.
رائــد – يابة دخلوا الوادم تتونس ارجعوا تعاركوا.
رفعتله تك حاجب
– تُـــراث ما تونس رائـد شوية.
ابتسم تُـــراث بشيطنه يريد يكومله صاح
– لااا لاا اتشاااقة شجااكم صلوا على محمد.
هز راسة تُـــراث ورجع روحه على القنفة
– يله خووش خووش.
زيــد – يابة ماكو جاي كهوه عصير ببسي؟ شو ناشفين بعد گـلبي؟
آدم – اسكت مانريد، هسه يحطلنه سم بيهم ويجيبة.
تُـــراث – افاا عليك احنه معزبين، بــرهـوم اخيك
جيبلهم جاي وحطلهم فوكاه من هذا الجيس البجرارة لونه اسود.
طفروا كلهم بسرعه وفتحوا الباب يصيحون
– ماانريدددد شييي وعلييي.
ضحكنه اني وتُـراث وطلعنه وراهم نريد نصيحهم
كلمن صعد سيارته وشخطها
باوعت على تُـــراث اضحك
– خطية شجاك وياهم بعد ما يشربون يمنه شي.
– على الجايات.
طب للبيت وراح لغرفته كبل، فتحت باب الغرفه
وطبيت يم بــراء، لكيتها نايمة وعزيز نايم بچربايته
تمددت يمها اباوعلها تعبانه من الحمل والمشاكل الصارت
بست راسها وضليت كاعد يم راسها منتظر وقت علاجها..
” غـيـد ”
اذا اكول ما ضايجه من بــارون اني اكبر جذابة
ضايجه
ومقهوره واريد ابجي، اصلا اول مره اشوفة لهل درجه عصبي
بحيث نـــهروان وهي مريضة وحالتها حاله شسوه بيها
ابتسمت من تذكرت تُـــراث، مبين يحبها حيل شلون
يحضن بيها من شافها انهارت بحضنه وخوفه عليها
يجننون سوة ياربي، عرفت ليش نـــهروان لهل درجه
تعبانه، بعد ما سمعنه حديثهم سوة تأثرت كلش
عليها وحتى عليّ، مبين عايش هواي شغلات قوية
لهل سبب بعد كل هذا وبعده متحمل ومقاوم
تنهدت ادعي ربي يبرد كلبهم ثنينهم ويجمعهم
لان ثنينهم
واحد يحب الثاني وثنينهم ما يردون وبنفس الوقت
ثنينهم ضحايا للصار وثنينهم خاسرين شي عزيز عليهم
من تصرفاته عرفت هو هم مجبور على كل الي صار
فزيت من صفنتي من سمعت باب غرفته انفتحت
باوعتله بسرعه طلع بــارون باوعلي نظرات تعبانه
دنك راسي بسرعه اباوع ويا سيف بالبلازمه
اجه
لجهتي وكف يمي، مد ايده لزم ايدي رفعت راسي
باوعتله بسرعه وجريت ايدي منه، غمض عيونه واشر براسة بمعنى تعاي
مارضيت اكوم وغلست، بس هو جر ايدي بسرعه
واخذني لغرفته
دخلني لغرفته، نترت ايدي منه بسرعه
– مو ما اريدد ادخل ليش جبرتنيي؟
– اريد احجي وياج.
– واني ماريد احجي وياك.
درت وجهي اريد اطلع، جرني من ادي اله، انلطمت
بصدره، فتحت عيوني اباوعله وروحي محتركه من الضوجه الاني بيها
جرني عليّ اكثر وحط ايده على وجهي والثانيه لازمني بيها
– ليش ضايجه مني؟
– اعتقد تعرف ليش؟
– لا والله، ليش ضايجه؟ لان تعاركت ويا نـــهروان؟
لو لان دفعتج وانتِ تجرين بية؟
– لا والله؟ وطلعت دافعني بدون ما انتبه؟
زين زين
سبب ثاني قوي للزعلة.
بــارون – غيد بس فهميني ليش ضايجه ومن شنو؟
– باارون ادك عليك وانتَ بالشغل ترد عليّ بنتر تكلي لا مو ما جاوبتج ليش تلحين!!
اني تكلي هيج؟؟؟
بــارون اني تكليي ليش تلحين؟؟؟؟؟؟
عقد حاجبة مستغرب
– اني كتلج؟؟ هاي شوكت؟
– باارون دكيتت عليك الظهرر بسس مره وحده حتى مو هواي
تكلي تلحيننن!
صفن يتذكر وباوعلي كال
– بيش الساعه هاي؟
فتحت تلفوني شوفته الوقت، لطم على كصته وكال
– خااب شمدرينيي انتِ!! هنا ام روان ضلت تدك تدك تدك
واني اشتغل وابو ابوي مسموط بالحر بالاخير
صارت مكالمتج وراها
عبالي هي وعلي، ليش اني شوكت حاجي وياج هيج؟
غـيـد – يعني مو عليّ؟
– لا والعباس مو عليج، لحظة هاج شوفي.
جر تلفونه
فتحه وشوفني المكالمات، كاتب على خالة ازدهار
ام حبيبتي، وراها مكتوب حبيبتي، باوعتله بنظره ضوجه
وهو حضني حيل وباسني بخدي
– تتوقعين بيوم اني ممكن احجي هيج كلام يضوجج؟
لو ممكن اضوج من ملحتج؟ انتِ روحـي غيد
محد يضوج من روحه.
ابتسمت ضامه راسي بصدره وهو رفع وجهي اله
وباس خدي حيل وباس عيوني يهمس
– احبچ غـيد.
غمضت عيوني مبتسمه ومتونسه على كلامه ولمساته
– بــارون.
– ياروح بــارون.
كالها وباس شفتي بوسه هادئه وابتعد
ابتسمت بخجل ضامه راسي بصدره وهو ضحك
ابتعدت فازه بسرعه من سمعت الباب يندك
مـريـم – غيددد مااماا اجت للبيت يلهه.
كالتها وراحت
باوعت على بــارون وكلت مبتسمه
– يله اني اروح.
ابتسم يباوعلي وساكت
فتحت الباب وطلعت تلكتني مريم اشرت يله
عدلت حجابي
وطلعت وياها، باوعتلي وضحكت ابتسمت خجلانه وكرصتها
– ولجج.
– شجنتوا تسوون هاا؟
كالتها وغمزت
غـيـد – ماسوينه شي ولج، بس كتله اني زعلانه منك
لان دكيت عليك وكتلي لا تلحين طلع عباله اني ام نـــهروان.
ضحكت والتفتت ليورة تباوع على بيتهم
– ههههههههه خطية حار بيناتجن انتِ وشمشون.
– يتحملل والله.
كلتها ومشيت كدامها بغرور وهي تضحك
وصلنه للبيت قبل لا تجي ماما، نزعنه الصايات
وكعدنه بالهول
ضلت مريم تسولف وتضحك
– ولج والله يخبلووون سوة خو من شالها؟
اووي فدووة
تمنيت لو مصورتهم.
– حتى بــارون يطيح حظه ماشفتي شلون كالب وجهه.
مـريـم – ولج بس والله حلووو لايگلهاا حيلل شكلهم يجنن سوة.
– اي ملامحه حاده حلوة، ماتشوفين نـــهروان ماحجت
من بــارون لغة العرس من بيت ابو هُمام مو زوج هيّ.
– ضامنه الاثنين.
سمعنه الباب تندك ركضت مريم بسرعه فتحت الباب لـ ماما واجت
تلكيتها بكلاص مي بارد وهي كعدت واخذته مني رفعت عيونه
تباوع على مريم بنظرات غريبة وترجع تباوعلي
غـيـد – ها ماما خير صاير شي؟
– لا سلامتج مو يمج السالفة.
ضحكت وكتلها
– ياا لعد يم منو؟
مـامـا – يم ست الحسن والجمال.
كالتها وباوعت على مريم، باوعت مريم نظرات مستغربة واشرت على نفسها
– اني؟
– ايي انتِ.
– شكو ماما؟
– اكعدي خل اكلج شكو.
كعدنه يم ماما وحده تباوع للثانيه بأستغراب وقلق
ماما مو من عادتها تحاجينه هيج
غـيـد – ها ماما شكو احجي؟
– ماما، هذا مصطفى زميلكم خابرني واني بالعياده
وكال اريد بنتج مريم على سنة الله ورسوله.
فتحت عيوني متفاجأه ومريم انصدمت ابتسمت
وباوعت على ماما
– ايي؟ وشصار ماما؟
– ماصار شي، بس هو كالي اني احبها وهي تحبني
لا توكفين بطريقنه ومدري شحجه بعد وراح
مريم
اني شگايله الكم ها ماما؟ مو كلت اذا بيوم من الأيام
حبيتن شخص بيوم تجن تحجولي؟ مو كلتلچن
اعتبرني صديقه الجن قبل امچن؟
من تحبين شخص ياماما لا عيب ولا حرام بس طريقة الحب
هي الي الي تفرق بين الحب والحرام وانتِ ماسويتي شي عيب لو حرام
ليش تضمين عليّ؟
مـريـم – ماما والله اني ماضميت شي عليج ابد
اني بس ما جنت احس بشي اله
ما احبه حتى اكلج، ما انكر هو اعترفلي اكثر من مره
وحنن گـلبي عليّ بس مو يعني اني احبه واجي اكلج
لان الموضوع مو جدي ابد وغيد تعرف.
– اعرف ماما، يعني هسه الاعرفه من كلامج انتِ ماموافقة وما تردين مصطفى؟
باوعتلي مريم بسرعه واني ابتسمت الها اشجعها
باوعت على ماما وهز راسها
– لا ماما، مصطفى شخص كلش حباب ويحبني وحنين وياي
ماكدر افرط بي موافقة واني صح ما احبه هذاك الحب
بس اعرف بمرور الأيام راح يخليني احبه واثق بي
مثل ما هو يحبني.
ابتسمت ماما الها وهي وجها صار احمر خجلانه
ضحكت وجريتها لحضني ابوس بيها وماما مبتسمه
– يعنيي هسهه رومه راح تتزوج هاا؟
ضحكت مريم تهز راسها
– لااا مو هسه بعدني ما جاهزه.
مـامـا – شو ما جاهزه؟
– بعدنه لعد ثنينه اني وغيد نعوفج؟ عود تتزوج غيد
وراهاا بفتره يله اخطب وبعدين عود افكر اسوي عرس.
ضربتها ماما على رجلها
– مو هي بكيفج تعرسين غصبًا عليج.
– يااا ماماا.
ضحكت ماما تشاقيها وتسولف وياها وضلينه
لليل
على كعدتنه نسولف بمريم ومصطفى..
” نـــهروان ”
كاعده بالغرفه وصافنه افكر بكل الي صار والقهر
والتفكير اخذن ثلثين حيلي، ضليت متمدده مابية حيل
لكلشي مابية حيل، غمضت عيوني وحضنت نفسي حيل
اتذكر حضنته الي لحد هسه عطر بملابسي ضال
جريت تشيرتي وقربته لوجهي وشميته حيل ورجعت نزلته
– هي هاي تاليتج نـــهروان، شلون خليتني احبك
كل هذا الحُب هيج رغم كل الأذية الشفتها منك.
تنهدت ونزلت التشيرت ومبتسمه بتعب
مشتاقتله حيل
تنهدت واحس روحي تعبانه قبل جسمي وماكدر
اتحرك جسمي ذبلان حيل وكوة اكدر امشي
ضليت
متمدده على الجرباية، سمعت تلفوني يدك
كمت
كوة اخذته، شفته رقم غريب يدك استغربت وفتحت خط
وقبل لا يحجي شي عرفته من تنهيدته
– شلال.
بلعت ريكي وباوعت على الباب، غير اذا يطب بــارون
ويشوفني اخابره اله يطيح حظي، فزيت على صوته بسرعه من كال
– تسمعيني؟
– ها، منو انتَ؟
– الگـمر اني.
ابتسمت بتعب وسديت الباب ورجعت كعدت على الجرباية
– ها تُـــراث.
– ها ياروح وعـمر تُـــراث.
– هاي شبيك؟
– وحك علي مشتاقلج شلال ميت ميت عليج.
ابتسمت خجلانه وهمست
– انچـب.
– اويليييي احلى من كلمة احبك.
ضحكت وحطيت ايدي على حلكي اكتم صوتي
وهو كال
– هاي ليش حطيتي ايدج على حلكج؟
– شنو؟
– ليش سكتي؟ ردت اسمع ضحكتج حرام عليج تمنعيني اسمعها.
– اذا بــارون يسمعها يطيح حظج.
– حتى اطيح حظه.
– تُـــرااااث، لاا اله بــارون والله ما احجي وياك وعلي ابدد لا تجيب طارية!
تُـــراث – ينرفزني وين اكوا ولد حلو وعيونك زرگ؟ وين گاعدين؟
– ياا تروح فدوة لعيونه.!
– خاب تحجين صـدك؟
– والله هذا ابوية وامي واخوي وصديقي كلشي بالنسبة الي هو بــارون روحـي من الدنيا هذا
مستحيلل
اتخيل حياة مابيها بــارون مستعده اموت ولا اعيش يوم واحد بدونه.
تُـــراث – هاا، لعد شو يمي چـنتي تخنسين بحضني
ما تكولين ماكدر اعيش بدون بــارون.
فتحت عيوني بسرعه وباوعت على التلفون خازرته
كل عقلي هو يشوفني رجعته على اذني ونترت بهمس
-تُـــراااث والله اغلط عليك خليني هادئه تمام
تررى جنت مجبورة
يعني انتَ الوحيد الي ساعدتني وارتاحيتلك من اخاف وين اروح؟؟
– لحضني.
كالها بهمس وصوت ناصي حيل، بلعت ريكي وسديت الخط بوجهه
ضليت اباوع على الشاشه مبتسمه واحس وجهي
صاير احمر ومجمر من الخجل، بعدني ما مكمله ابتسامتي
رجع دك تلفوني، شلته مبتسمه اكيد رجع اتصل
توني اريد افتح خط، قريت الاسم ” هُـمام ”
سحبت نفس طويل بخنكه، هُمام يا هُمام
شلون
راح اكدر اداوي جرحك الي سببته اني الك
شلون
افهمك واقنعك اني مو الك، شلون افهمك
لا اكدر
اجبر نفسي واوافق عليّ ولا اجبرة يعوفني
بالحالتين
ثنينه الي راح نتأذه هو على فراگي واني على
كسرته.!!
فتحت خط وجاوبته توني ردت احجي اجاني صوته يصيح ويضحك فرحان
– ولج نهرواان امي اليوم تجيكم راح تجي تعتذر منج
والله راح تجيكم وتعتذر من بارون وراح تخطبج
من جديد الي، ههههههه وافقي بسرعه عود مو تشلعين گـلبي.
غمضت عيوني گـلبي محترك من القهر يارب دليني
على الطريق الصح ولا تخليني اظلم احد بيهم
نـــهروان – ها هُمام.
– هههههه راح تصيرين الي نـــهروان.
– بس هُمام..
– اعرف اعرف، لا تخافين امي راح تقنعه مهمها
تكون الام قاسية
بس كدام ابنها تضعف وتتنازل عن هواي قرارات
وحتى علمودج راح اعزل بيت وحدي بس اني وياج بي
تنجنبًا للمشاكل ويا امي.
ضربت رجلي بقهر بالكاع حيل روحي مفرفحه شحجيي اني شحجيي
شلوون اكدر اصبر نفسي كدامه، اختنكت بعبرتي
سديته بوجهه بسرعه وضميت وجهي ابجي
– هُمام ااني مو الك والله موو الك ليش ورطت روحك بيةة
ما استاهلك اني ما اتساهل كل هذا الحُب هُماام.
مسحت عيوني بسرعه من اندك الباب، مشيت فتحتها
امسح بعيوني وانشف بيهن بس اكيد مبين عليّ
باچية، فتحت الباب صار بوجهي بــارون، باوع
باوعلي
مبتسم راد يحجي ركز بعيوني وكال بسرعه
– رواان تبچيننن؟؟؟ شكوو شبيجج منو ويااج؟؟
هزيت راسي بـسرعه احجي
– مابية شي بس بس هيج مقهورة.
جرني من ايدي لصدرة، باس راسي حيل وتنهد
– روان انتِ كـاسـرة ظـهري والله، ماعرف شسويلج
تعبتي هواي وعشتي مواقف صعبه، ياريت اني بدالج
من اشوفج هيج ذبلانه روحـي تطلع وياج والله.
ابتعدت اباوعله واحاول ابتسم
– لا مابية شي بــارون والله، بس التمن عليّ الاحداث كلهن سوة
وتذكرت شغلات هواي صارن وخفت.
– لا تـخافين يـا روحـي اني يمج وتخافين؟
ابتسمت وهزيت راسي بـ لا
حضني من جتفي واخذني للهول، امشي ويا على كيفي
كعد بالهول وكعدني يمه حاضني من چتفي
– نسولف؟
هزيت راسي بـ اي
– تحجيلي شنو المضوجج؟
– راح تتفهمي؟
باوعلي بنظره قهر وضوجه
– لعد شعندي غيرج اني، شوكت فهمتج غلط حتى هسة ما افهمج؟
– ما اقصد هيج بــارون بس الموضوع الراح احجي بي حساس.
هز راسة بـ اي وكال
– احجي اتفهمج ياروحــي.
نـــهروان – بــارون، عمري وحياتي كلها ابد ما حبيت
ابد لا كدامك ولا حتى وراك لا بالشارع ولا بالبيت
ولا حتى بالكلية، طول عمري چنت عايشه لسببين
هو انتَ وسيف بس كلشي چنت اسوي الكم انتوا
لا فد يوم شفت شخص وكلت هذا حلو وهذا
مو حلو
ولا كلت هذا عجبني وهذا لا حتى من اشوف
ثنين
بالكلية وياي مرتبطين اتعجب اكول هاي صدك
واحد يحب الثاني لو همه شايفن الكليات
بس للارتباط؟
باوعتله وتنهدت التفتت عليّ اكمل كلامي وهو يباوعلي ساكت مخليني على راحتي
– ومن انخطفت، تغير كلشي، جان عبالي العمارة
بس بيها اشخاص تشتغل وتفتر والدكاتره هم وياهم
وعبالي راح يضربوني وبعدين ياخذون منك فلوس
ويعوفوني وبس، هذا الي جنت متخيلته بس
الموضوع
اعمق من هـيچ بهوااي كلش هوااي بــارون شفت
اطفال كدامي تنلبس روحهم منهم وشفت العُثمان
يمثل بجثثهم، هنا وكف كلشي بعيوني إيست من الحياة
وإيست اكدر اطلع وارجعلكم من كلشي إيست
كلت خلص
حالي حال هذولة الجهال راح اموت ابشع طريقة
ويمكن حتى ما يخلون شي بجسمي للدفن هيج جنت متوقعه بعد ما عرفت اني وين وعند منو.!!
سكتت اجر نفس وهو جر ايدي يفرك بيها وسيف
واكف كدامنه يباوعلي بقلق بس ساكت ما حجه شي
اخذت نفس ورفعت عيوني لـ بــارون وهمست
– لحد ما اجة تُـــراث.
عقد حاجبة بضوجه وبسرعه عدل ملامح وجهه وهز راسة بمعنى كملي
– جنت اشوفة حاله حالهم واسوئ منهم جنت اشوف
الكل مطاوعه ويفتر بالعماره براحته كرهته حيل
ودعيت عليّ وهواي سويت شغلات، بس هو
جان ياخذهن بضحك
ويفرح حتى من اتعارك ويا واغلط، تُـــراث
بكد
ما هو گـلبة قاسي بكد ما هو حنين ولطيف.
هزيت راسي احجي بسرعه واشرحله، رفعت ايدي اأشرلة
– بــارون انيي كاعده بغرفه وحدي، ودخلوا عليّ
ثنين ززلم ثنين، تدري شصار بية؟ متت بين اديهم ضربوني ضررب وبس رادوا استسلم الهم حتى يسوون
سوايتهم القذررة بس اني ما ما كدرت استستلم حاربتهم بـ وضليت لحد خلصت طاقتي بسبب ضربهم
هنا كلت خلص انتهى كلشي، بس تُـــراث اجه بالوقت المُناسب
بــارون كتلهم ثنينهم بالسجينه طعنهم طعن وبالكـوة صديقه وخره منهن
وطلعني من الغرفه واخذني لغرفه ثانيه وضل محافظ عليّ وما خله اي احد يلمس شعرره مني بوجوده.
بــارون – اهدي احجي على كيفج روان.
بلعت ريكي اجر نفس اهدئ نفسي لان صرت احجي بسرعه بسرعه
جابلي سيف مي شربته وهو رفع شعري ورا اذني
– احجي على كيفج وبهدوء لا تحجين بسرعه اسمعج اني.
هزيت راسي بـ اي واني احس كل جسمي يرجف
واني اتذكر كلشي عشته هناك احس كلشي رجع مر عليّ
مثل الفديوا كلشي صار كدامي ما كدرت انسه منه لو شوية.!
نـــهروان – بس كلشي تغير من اجاني بليل ظلمه
وجنت مرعوبة بيها بــارون كل حيلي يرجف
كال كلمه
لحد هسه تتردد بأذني، طلعني من الغرفه للممر
طويل وكف بنص الممر وكال اني اسف على الراح يصير بيج
بس وداعت بنتي مابيدي شي
كال هيج وبعدين اخذني الهم وبنجوني وصار الي صار
بعدها من شفته ما مأذيني وداير باله عليّ
كدرت انسى خوفي يمه
كدرت احجي ويا طبيعي، وعرفت بنته عند العُثمان، ساعدته يلكاها وهو رجعلي الجميل واخذني يم اخته وداروا بالهم عليّ احسن مداراة.
بــارون – وشرجعج للعماره؟؟
– محد جان بالبيت بس اني واخته همه بالعماره هو ورجل اخته
وطلعت من عدهم لان ابن اخته يبجي جوعان ورحت للمحل
بالرجعه شافوني ورجعوني للغرفه ومنا ضليت بغرفة العُثمان
إيست اكدر اطلع الكم بعد ضليت ايام بدون اكل ومي ويوميه اتشاهد وابجي من اتذكر راح اموت بدون ما اشوفكم
لان شفته رمة على تُـــراث عبالي مات، بس طلع متفق ويا المكافحه
وكدرت ارجع الكم بسبب الخطه مالي سواها
بس خسر بنته، راحت ضحيه بسبب عصابة العُثمان.
رفعت راسي باوعتله وعيوني ملينه دموع، اريد احجي
ومتردده هوااي، مد ايده مسح عيوني وهمس
– كملي ليش سكتي؟
– بــارون، اني متأذية بس على شخص واحد.
– منو هذا؟؟
– هُــمام.
عقد حاجبة مستغرب وكال
– هُـمام؟؟ ليش شعلية هُـمام بالسالفة؟
– بــارون، هُـمام يحبني حيلل حيل يحبني بس بس اني من دخلت للعمارة ولحد الأن ما حسيت
بهيج شعور ابد، بــارون ماعرف شلون احجيلك
وادري صعبه اكول هيج شي بوجهك بس والله العظيم مو بايدي
بــارون اني حبيته لـ تُـــراث حيل حبيته.
باوعلي بنظرة عصبية بسرعه وكام وكف لزم راسة
يعصره حيل ويفتر كدامي بالهول، رجع باوعلي
وكعد كدامي يحجي بنتر
– انتِ تحجين صدك؟؟
– بــارون…
– يااا بــارون رواان شتحجين انتِ ولج؟؟
باوعتله بخوف وهمست
– شحجيت؟
لزم راسة حيل متخبل وكام يصيح ويرجع ينصي صوته
– ولج رواان بعيدًاا عن هو ساعدج وساعد البقية
بس هو يكتلل يكتلل عنده الكتلل شربةة ميي وانتِ لسانج طويل وتجفصين هواي
شنو يضمنلي باجر عكبه ما حاجيتي كلمه وصار عصبي وكتلج هاا؟؟
شحجي وشكووول؟؟ انتظرر شوكت يهدئ واعاتبه؟؟
ولجج ولجج!! روااان مخبلهه انتِ!!!!!
يحجي بسرعه متخبل ويفتر بالبيت ويرجع يريد يصيح
ويباوعلي يسكت ويلزم راسة حيل
– ولجج عنددي استعدااد ازوج لـ هُماام واكعدج وياا امه
ولاا ويا هذاا، رواان شلوون تحجيهاا هيج ولج راااح تخبلينيي!!
شحبيتيي بي رواان شحبتي ولج مجررم هذاا يكتللل يكتلل ما يخااف احدد!!
كمت وكفت كدامه بسرعه وبجيت رفعت ايدي اصيح واشر على بطني
– هنااا هنااا ضربته بالمكص بنص بطنه واخذني
عُثماان لاان اذيته وعذبني بالغرفه وهو اجه طلعنييي
طلعنيي ونسه اني الي ردت اكتللهه بــارون
دجيته
بالمكصص بنصص بطنه وساعدنييي ورجعني يمه وبحماايته
اغلط واسبةة وحتى ردت اكتله وما سواليي شي شلوون يكتلنيي بــارون!!
لزمني من اديه ينكث بية حيل ويصيح
– لااا تتخبلينن رواان تنسينه ولجج تنسينه مخبلةةة انتِ؟؟؟
ولج حتىى وجهه ماابي رحمةة شحبيتيي بيي انتِ!!
هدني ودفر الطبلة حيل وطلع من البيت
باوعت على سيف وشهكت ابجي
– شبيي شبيي صاااير ماا يتحاجه بس يصيح عليّ
قاابلل اني شحبيت ابو طبرر هو تُـــراااث.
كلتها
ومشيت لغرفتي اشهك وامسح بعيوني،طبيت لغرفتي
وركعت باب الغرفه وراي حيل
” بـــراء ”
تحسنت حالتي بهاي الفتره، صرت اتحرك
بس حركتي
خفيف، جبرت نفسي اكوم علمودهم خطية
بـرهــوم
ينظف وتُـراث يطبخ وتُــراث يطبخ الهم بس الاكل
الجاهز يعني الهمبرگر والبيتزا والشغلات الشوي
وبــرهوم يغسل الماعين ويعزل البيت
صايرين نادرين كلش، رحمتهم وكمت اسوي الاكل
اني واعزل البيت من يطلعون لان اذا موجودين
ما يخلوني
وهسه طالعين ثنينهم من البيت، گـمت على كيفي
امشي بحذر لان خايفه على بنتي
رحت للمطبخ لكيت ماعين قليل على السنك غسلتهن
وعزلت المطبخ وامشي بحذر، سويت الهم عشة
عفت الاكل يتهدر ورحت للهول انظفه، اجاني عزيز
شايل تلفوني ويركض وراي
– مااماا افتحيلياا.
اخذت التلفون فتحته وانطيتهيا اخذه وكعد على التخم يباوع بي
كعدت يمه نباوع سوة وهو موكف اصبعه ويكلب بالتلفون
ولا يخلي فديو يكمل يكلبهن بسرعه ويطلع ثاني
يشوف منه شوية ويرجع يديرة
– ماما شوية شوية مو احنه دا نباوع وياك.
ضحك يهزلي راسة وكام هلمره يباوع من يريد
يخلص
يكلب الفديو اهمشي ما يشوف النهاية، سمعت
صوت
الهورن مال سيارة تُـــراث يعني اجوا، انفتح الباب
ودخلوا تُـــراث ورا بـرهــوم، سلموا وكعدوا
بـرهــوم – شو كاعده هنا اليوم؟
– اختنكت من الغرفه والله.
– علمودج اني ياروحـي.
جره تُـــراث من شعره ضايج، صاح بـرهــوم بوجع وضربه راجدي
– ابن القنااادر رااسي يوجعنيي ليش ما تكعدد انتَ!!
– احتررم لعدد شنو ياروحـي وكدامي مو بعينك شواربي؟
– لا بـ****، صااحبهاا اني غير رجلها شو تمضـ*ـرط انتَ؟؟؟
– بكيفي.
بـــراء – هسه توكم طبيتوا من برة تعبانين بيكم حيل تتعاركون؟ اكعدوا واسكتوا شوية.
تُـــراث- شعلية اني؟ رجلج مجلوب.
بـرهــوم – والله ماكو مجلوب غيرك.
– شفتيي يتجااوز عليّ عينك عينك.
– اكبرر منك تنجب وتسكت غصبًا عليك.
– خاااب دنجب هنه اربعة اشهرر قحطط.
بـــراء – ضلوا تعاركوا واني كايمه اشوف الاكل.
عفتهم
وكمت على كيفي اشوف الاكل لسه على النار
هسه التمن يعجن، مشيت بسرعه شفته متهدر طفيته
وطفيت المرگ هم، اجه عزيز يفتر يمي بالمطبخ
– مااماا افتحيلياا مااماا.
– روح ماما هسه اجيك.
دفعته بخفة باتجاه الهول والتفتت ادور على الوگاية
لكيتها على الكاونتر، اخذتها وشلت الجدر اريد
احطه
على الكاونتر حتى اصب الهم، شلتها والتفتت اريد امشي
وعثرت بشي، فتحت عيوني بسرعه واني اشوف عزيز كدامي
من خوفي عليّ رجعت ليورة بسرعه، وصرخت بعلوا صوتي
من وكعت على ظهري وجدر المرگ كله انگلب عليّ…!!
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.