رواية تراث النهروان – الفصل الخامس والثلاثون
part-35
طلع عزيز يركض ولازم بنطرونه من الدكمه كال
– ماما هاي ما اعرف اسويها.
صاحله بـرهــوم وسواه اله، كام بــرهـوم اخذ السويج وتلفونه وكال
– رايح اشغل السيارة.
طلع كدامنه وعزيز طلع ورا
باوعت على تُـــراث ولزمت وجهه بثنينه اديه ودنكت راسه الي
بسته براسه حيل وشميته، ابتعدت امسح على خده واهمس
– صلي على محمد، وسلم امرك لـ الله واهل البيت
الله يعوضك لا تأذي نفسك، رب العالمين يختبر صبرك بنتك
تحمل وراح تنال تُـــراث لخاطرنه لا تضعف لخاطرنه، راح تشفلك بنتك يم رب العالمين
راح تحجي شلون ضحيت بكلشي في سبيل تحمي الجهال والبنات والضحايا كلهم
راح تحجي شلون رجعوا الجهال كلمن لعائلته بسببك والبنات الي رجعن لاهلهن وارتاحن
وهسه متأكده الكل يدعيلك بس اصبر ورب العالمين راح يعوضك على كلشي سويته ويريح گلبك وبالك.
غمض عيونه وجر حسره وهز راسة بـ اي دنك باس راسي وهمس
– لا تخافين وتقلقين اعرف اتصرف اني.
بــرهـوم – من طـ****.
باوعنه ثنينه عليّ وتُـراث هز ايده
تُـــراث – شبيك انتَ؟
– شنو شبية، هاي تعرف تتصرف ورحت نبشت كبرة لعد لو متعرف شتسوي؟
– ادفنك ورا.
– هي هاي تاليتي موتي تصير على ايدك.
هز ايده وغم تُـــراث وطلع كدامنه
ابتسمت حابسة ضحكتي وهمست
– على كيفك ويا، هواي ضغطنه عليّ هاي الفتره وتعب ويانه.
تنهد وهز راسة
– لو انطي عمري ما اوفي سوايات السواها لو ابن امي ما يسويها وياي.
– الله يطول بعمره ويخلي سند النه من بعد الله واهل البيت.
– ان شاء الله.
طلعنه من البيت هو صعد بالصدر واني وعزيز صاعدين ورا
حرك السيارة بــرهـوم ومشينه، الطريق طويل وخلصانه كلمن باله شي
محد من عدنه حجه كلمة، بس بــرهـوم وعزيز يحجون ويسكتون
لو عزيز كلساع يسأله بابا هذا شنو؟ بابا وين وصلنه؟ بابا هاي السيارة حلوة ووو ماسكت ابد
نص الطريق ودك تلفون بــرهـوم فتح خط وفتح السبيكر وحطه كدامه وصاح
– هلاا زيوودي.
– ابوو عزيزز.
– حبيبيي.
– شلوونك شخبارك؟
– الحمدلله على الله، انتَ شلونك الولد؟
– بخير الحمدلله، شو صوت سيارة وين انتَ طالع؟
– اي والله.
– وتُـراث بالبيت؟
– لا وياي، ليش؟
– طيح الله حظك، ولك اني و رائـد وحمزه وآدم باب بيتكم.
ضحك وصاح
– بالعبااس لو ادري ما طالع، بس ماخذ العائله وتُـراث للنجف.
– هاا خير ان شاء الله، توصلون بالسلامه.
– الله يسلمك، ما نتأخر ان شاء الله، المفتاح الثاني
بالسندانه على الحايط افتحوا الباب وطبوا.
– والنعم، لا والله هاي رايحين لبيت آدم عود من ترجعون نجيكم.
– البيت بيتكم والله افتحوا الباب واكعدوا على مانجي.
زيــد – لا حبيبي شعدنه ناخذ صفنات ويا الحيطان.
– طبك حمس جا براحتكم الله وياكم.
– هههه بعد روحي.
سد الخط وتُـراث ابتسم بتعب
– مشتاقلهم السرسرية.
– ماعافوك ثانية، بس من طلعوك للبيت قللت جياتهم لان كارونا.
هز راسة يتحسر، وصلنه لوادي السلام، دخلنه بالسيارة لجوة كلش
لحد ما وصلنه للفتحه البيها اهلي، نزلنه بــرهـوم
شال عزيز واني وكفت بصف تُـــراث ولزمت ايده اباوع لوجهه بقلق
عصر ايدي حيل وهمس
– قمر بابا.
بلعت ريكي ومشيت ويا وكل جسمي يرجف بخوف واحس روحي محتركه من الخوف عليّ
خاف يسوي شي هنا
وصلنه لقطعتنه، باوع على الگبر مال امي وابوي والتفت عليّ
– وينه؟
بـرهــوم – هذا.
التفتنه ليورا شهكت اجر نفس وحطيت ايدي على حلكي
انقبض گـلبي واني اشوف صورتها محطوطه على الگـبر
صورة الها وهي لابسة بدلة لونها ازرگ بلون عيونها
وضاحكه وحاضنه اديها مثل الي مصفگة وكاعده بالكاع ورافعه راسها تباوع للكامره
روحي فرفحت واحس اختنكت، وكعت على ركبي صاح بـرهــوم
– بـــراااااااء.
نزل عزيز واجه يركض عليّ التفت تُـــراث باوعلي بسرعه بخوف وكال
– شبيهاا.
شهكت بعلوا صوتي ابجي والطم على رجلية من شفت صورتها عبالك رجعتلي الذاكره كلها
بطني ملختني
من الوكع اختض جسمي كله وفوك من القهر حسيت جسمي مات
كابلني تُـــراث يمسح بدموعي ويحجي بسرعه
– هااه شبيج بـرااء خوية بـرائـي شو باوعيلي شبيج هاا.
شهكت ولزمت بطني ابجي، كعد برهوم بصفي يصيح بخوف
– ولج شكو شبيجج براااء شبيج.
غمضت عيوني بوجع ولزمت تشيرت تُـــراث وخيلت راسي عليّ ابجي
– ااااخ يمةةة.
حضني تُـــراث حيل وكام يبجي ويمسح على ظهري
– هاا يبعد عيووني بـراء هاا خوية.
ضليت ابجي بحضنه وهو حاضني ويبجي وياي واسمع شهكاته وينهد حيلي هد
وخر من عندي يمسح عيونه حيل ايده على متوني ودار راسة يباوع صورة قمر
هدني وخله بـرهوم يلزمني وكام هو كعد كدام گـبرها
تُـــراث – ها بابا قمر.
غمضت عيوني ودنكت راسي اسمع صوته وابجي ميته قهر على اخوي
– بنيتي ياروحــي انتِ، ما عفتج اني بابا ماعفتج والله
اخذوج مني غصب وداعت عيونج، اروحلهن فدوة
ماشبعت منج.
حط راسه على گبرها ويمسح بالتراب من گبرها وشهگ يصيح
– سوده بوجه ابوج يابابا، ولج تعوفيني وتنامين هنا؟ تنامين بالمگـبره؟
شهك بصوت وصاح
– ولكم صغيره على الگـبر وعلي صغيره شلون تحملت الترااب.
ضل حاط راسة يبوس بالگـبر ويسولف بصووت ناصي ويشهگ
كومني بـرهــوم يمسح بوجهي واني اباوعله واشهگ
گعدني على صبة واخذ عزيز وراح من يمنه ضليت
كاعده لازمه بطني وابچي، يارب بجاه كلمن عنده جاه
تبرد گلب اخوية وتعوضة وتنسي وتصبرة بصبر العقيلة..
ضل متمدد بصف الگبر وحاطه راسة عليّ ويحرك اصبعه على اسمها
اجه بـرهــوم لازم عزيز وشايل بأيده دبة مال مي
هد عزيز، اجه يركض عليّ حضن رجلي ويهمس
– ماما كافي تبشين والله راح ابشي وياج.
هزيت راسي امسح على شعره
– بعد ما ابجي.
رفعت راسي اباوعلهم، نزل الدبه وگوم تُـــراث جره حضنه حيل يبوس براسة وتُـراث ساكت وعيونه على گبرها
وخر عنه بـرهــوم وفتح دبة المي يغسل بكبرها ويقره آيات
گمت وكفت يم تُـــراث گوة امشي بطني موتتني ألم بس اخاف احجي واخوفهم بالزايد
غسل الگبر وكفنه قرينه الفاتحه وقرينه لـ امي وابوي
ردت امشي ماكدرت بطني اوجعتني حيل لزمت ايد تُـــراث وهمست بألم
– تُـــراث الحگنييي.
التفت عليّ بروح رايحه من شاف حالتي فتح عيونه الصايرات دم من البجي وگال بخوف
– هاا شبيج؟
بـــراء – بطنييي يمةة.
جرني بـرهــوم بسرعه وشالني يمشي بسرعه واني لازمه بطني حيل واصيح بوجع
– اخخ يمةة.
شال تُـــراث عزيز ومشة كدامنه بسرعه فتح بوب السيارة
صعدني بـرهــوم وصعد هو صعد تُـــراث يمي ولزم ايدي ويمسح بوجهي
– اهددي بـــراء اهددي ماكو شي اهددي.
-تُـــراااث بطنيي توجعنيي يمةة.
بـرهــوم – شمرررت روحهاااا شمررر ولاا عباالك حاامل
فررخ دجاااجه بطنهااا فررخ تمشرر بروحهاا تمشررر.
غمضت عيوني وشهكت ابجي، باوعلي تُـــراث والتفت على بـرهــوم خازرة
– انچبب لا تصيح عليهاا.
باوعله تُـــراث بالمراية ورجع باوعلي، حرك السيارة يسوق بسرعه
وصلنه للمستشفى لو روحي طلعت، نزلني تُـــراث ساندني
امشي وياهم وميته من الوجع، لحد ما حسيت روحي بعد ما اكدر امشي
نزلت روحي من اديهم اصرخ، تلفت تُـــراث يشوف العالم كامت تباوع علينه
سد حلكي يهمس
– ولج اسكتي ولج.
دفعه بـرهــوم ودنك عليّ شالني ومشى بية للمستشفى
وتُـراث لازم عزيز ويمشي ورانه، تلكونه السسترات
دلو على قسم الطورائ، اخذوني من عنده بسرعه على السديه
واني احس روحي طلعت من الألم، مشوا بصفي تُـــراث وبرهوم
شهكت اباوعلهم وابجي
– بنتييي يمةةة خااف ماتتت يمةة.
عقد حاجبة تُـــراث وضل واكف بمكانه وبرهوم يمشي ويا السدية
دخلوني لـ غرفه وصارن يفتر السسترات طلعن بـرهــوم بره
دخلت دكتورة تهدي بية وتسأل شكو وشبية واحجلها وابجي
وكفت تفحص بية وتسوي سونار وتفتر عليّ
من كملت كلشي هدئ الألم شوية سكتت وهي وكفت يمي تحجي
واني اباوعلها بخوف خايفه من الي تريد تگول وصدمتني من گالت
– الطفله مُهدده بالأسقاط.
” نـــهروان ”
عقدت حاجبي مستغربة، شعنده جاي علينه هذا.؟
باوعت على بــارون رجع ليورة فاتحله الباب وكال
– تفضل فوت تفضل.
رجعت للغرفه اركض وسيف شال كتبه من الكاع واجه للغرفه حطهن وطلع
حطيت شال على راسي وطلعت مديت راسي من الباب اشوفهم
دخل للبيت كعد على التخم وبـارون كعد كدامه وكال لسيف يجيب مي
رضـا – شكرًا.
باوعله بــارون بنظرات مستغربة
– شعجب جاينه سيدي؟
– اجيتكم بموضوع، الصراحه ردت من زمان اكولة بس ماجان اكوا فرصه.
– ياستار خير ان شاء الله، شنو من موضوع گول؟
– افضل الموضوع يكون كبال نـــهروان.
– نـــهروان؟ ليش شعليها نـــهروان؟
رفع تك حاجب وكال بأبتسامه
– على حسب علمي احنى تعرفنه عن طريقها بختصار هي راس الخيط من هذا كله.
– مافتهمت قصدك؟
– صيحلها وراح تفتهم كلشي.
هز راسة والتفت على سيف
– روح عمو صيح اختك وتعال.
اجه سيف من شافني اباوع من الباب رفع تك حاجب وكال
– عود ما سمعتي، يردوج تعاي.
كرصته من خده مبتسمه
– نزل حاجبك ولك.
ضحك وكال
– يله تعااي.
لبست صايه فوك ملابسي وحطيت الشال على راسي وطلعت ويا
طلعت ويا سيف رفع راسة باوعلي بنظره سريعه من فوك لجوة
وكام وكف
نـــهروان – السلام عليكم.
– وعليكم، اهلاً نـــهروان.
– اهلاً بيك.
كعدت بصف بــارون وهو كعد وباوعلي
– من رخصة بــارون، نـــهروان عندي موضوع ممكن يكون يهمج وممكن لا.
– شنو من موضوع؟ تتوقع اكوا موضوع يهمني عندك؟
ابتسم تك خد وبـارون لزم ايدي بين ايده حس بيه متنرفزه من عنده
رضـا – الموضوع مايخصج بصراحه بس يخص اشخاص تعرفينهم.
– منو؟
كلتها وحسيت عرفت يقصد منو، توترت خاف يذكر الموضوع گدام بــارون
– اعتقد عرفتيهم؟
– لا، ما اعرف اشخاص من جهتك تكدر تختصر الموضوع سيدي؟
– اكيد.
رخه روحه على التخم وكال
– تُـــراث.
رفعت عيوني بسرعه اباوعله وباوعت على بــارون ورجعت باوعتله، عقد حاجبة بــارون وكال
– اعتقد هذا الشخص الي جان من الخاطفين مو؟
– چـؤؤ.
– سيدي خليك واضح ويانه ما افتهمنه اي شي منك؟
رضـا – تُـــراث جان شخص مُتخفي، بختصار عميل سري للدولة
وهو ساعدنه حتى نلزم عصابة العُثمان وبسببة كدرنه نساعد كل الاطفال والبنات طبعًا من ضمنهم بنت اخوك نـــهروان.
طول ماهو يحجي اني صافنه وفاتحه عيوني على وسعها
مصدومه، معقولة!!! تُـــراث طلع مو مثل ما اني مفكره
بس ليش ليش ما گالي! حطيت ايدي على گلبي مختنگه ومصدومه بكلامه ما مصدكه وهو كمل كلامة مترهي
رضـا – بغض النظر عن كلشي صار، بس للأسف بعد كل تضحياته ضحى باغلى شي على گلبة.
بــارون – بس لحظة لحظة سيدي، احنه شعلينه بهذا كله؟
الولد مات والله يرحمه ليش فتحت موضوعه هسه؟
ابتسم وباوعلي وباوع على بــارون
– چـؤؤ، منو كالك مات؟ تُـــراث عايش لحد الآن بس يصارع الموت.
طفرت وكفت بسرعه
– ليشش شبييي!!
كام وكف بــارون بسرعه ولزم ايدي خازرني وكف الضابط رضـا وجتف اديه لصدره
– للأسف، العُثمان طلع من السجن بسبب كم شخص غدار، وخطف بنته الي اسمها قـمر واخذها من بيت خوالها بإيران وتم قتلها على ايده.
شهكت وحطيت ايدي على حلكي مصدومه
– قـمر ماتت؟
هز راسة بـ اي واني كعدت على التخم رجلية ترجف
احس ما اكدر اوكف بعد جسمي ما اسيطر اوكف عليّ بعد
حطيت ايدي على حلكي وبجيت مصدومه ومخنوگه
معقولة الطفلة الي رجعتها لحضن ابوها ماتت؟
بــارون يباوع بيناتنه مافاهم شي بس عيونه ينگطن شرارة من العصبية
لان تأثرت هلگد عليهم، باوعت على الضابط رضـا وگتله
– شصار؟
– تُـــراث كتل العثمان طعنه بالسچين اكثر من50 طعنه وبعدها دخل غيبوبة صارلة تقريبًا اكثر من شهر.
غمضت عيوني روحـي رايحه حطيت ايدي على گـلبي ميته قهر
شصاير بيهم وليش كل هاي الفتره محد گلي
روحي مفرفحه كلما اتذكر شلون حضن قمر من رجعت لحضنه
شلون گـدر يتحمل يشوفها تموت كدامه، مسحت عيوني وهمست
– وصحه؟
– اي صحه، وللأسف اول ما صحه راح لإيران ومطلع جثة العثمان من الگبر مالته ومخلي الكلاب تاكل بالجثة مالته.
بلعت ريكي بخوف وعقدت حاجبي جسمي مكزبر من القلق همست بتعب
نـــهروان – وشصار؟
– اخذوا الشرطه الإيرانيه ذبوا بالحبس هناك وبعدين راحوا مكافحه الإجرام العراقية جابوا واجوا.
تنهدت ضامه وجهي بثنين ادية اجر نفس مخنوگه
بــارون – ممكن اعرف نـــهروان شعليها بهذا كله؟ وليش جاي حتى تگللها كل هذا؟
– صدگني حالي من حالك، بس شخص اسمه آدم هو من اصدقاء تُـــراث القريبين عليّ اجه وصاني اجي ابلغكم اني بنفسي.
– وصلت وصيتك.
هز راسة ومشه بجهة الباب مشه ويا بــارون طلعوا للحديقة
ضميت وجهي بثنين اديه وشهكت ابجي، ما مستوعبه قمر ماتت؟
بس اتخيل شكل تُـــراث والي صار ويا گلبي ينقبض يخوف
كعد بصفي سيف حاضني
– نونه ليش تبجين شعليج بيهم انتِ؟
– شلووون شعلية بيهم سيف، ولك عشت وياهم ايام حلوة
والله اشخاص حبابين وساعدوني ما يستاهلون هيج يصيرر بيهم
وهذا تُـــراث بنته صغيررونه ماشايفها ماشبع منها صغيرة وخطفوها.
مسح عيوني حاضني، رفعت راسي على رگعة باب الهول
رفعت راسي اباوع على بــارون روحه طالعه من العصبية
دفر الطبلة الگـدامه بكل قوته يصيح
– عليمنن تبجيننننن عليمننننن؟؟؟؟؟؟
وكفت كدامه وشهكت اصيح واكرر
– عليهمم عليهمم عليهمم ، بااارون ماا تعررف شعشت انيي انيي يمهمم ماتعرررف ماتعررف
اياام يمهم انيي عشتهاا حسيتت حسيتت بالأماان يمهم ما حسسوني
بيووم اني غريبةةة
داروا بالهم عليّ بسس لان لان لان ساعددته يلگه ينته من عددهم سااعدني ساعدنيي ورجعنيي الكم لوو ماهو انيي هسه هسه بخبرر كااان.
بــارون – غصباااا عليهمم هوو مو يسااعد الدولة غصباا عليّ يسااعدج
طبةة مرررض كلشي يصيرر بي ليش تبجين عليهمم انتِ هااا؟؟ عليمن تبجينن؟؟
عباالج من ساعدج ميت عليج؟ وااجبة هذااا مثلل ما اشتغلل وياهم علمود يساعددهم يطلعج من عدهم ورجليه على راااسة.
مسحت عيوني وشهكت اهز براسي لا واصيح
– لاا بــارون لااا لااا لاا لو صددك واجبه ما ماا جان اخذني لبيت اخته ويخااطر بيهم علوموددي علمودي.
– وشسووويله البسةةة تااج؟؟
شهكت بعلوا صوتي ابجي وصحت
– باارون شبيك تصيح عليّ شبيكك شسويت انييي شبيكك .
– وهذاا السويتييي كداام النعاالل هذااا شنو؟
المن تبجينن كداامه وتسألين عليّ هاا؟
– بجيتت على الطفلةة شبيك طفلةة طفلةة طفلةة صغيرره توهاا تمشي توهاا شبيك.
رفع ايده وصاح بحركة گلب
– انعللل ابوو الطفلةة لاابو حتىى الجاابهاا.
– بــارون شبيككك!!!
– ولجج مو هوو نفسهه الخلااهم يااخذون كليتج؟؟ عليمن تبجييين؟ واذاا ما طلع مجررم كلل هاي الوحشيةة الي بداخله شتردين رب العالمين يكاافأة.؟؟؟
غمضت عيوني، عبالك ذكرني بي شهكت مغطيه وجهي وابجي
– ابجي على قمر والله.
كعدت على التخم حضني سيف حيل وهمس
– عوفي صاير عصبي لا تجاوبين اسكتي.
التفت عليّ وكاله
– كافي عمو شجاكم هسه هو يدري بيكم؟
يدري بيها بجت على بنته؟
عليمن تصيح عليها، غير تبجي على هاي الطفلة الصغيره خطية ماتت.
سكت بــارون راح بجهة المطبخ شرب مي وكف باب الهول
– عودد شوية واشربي علاجج.
كالها وطلع من البيت، مسحت عيوني اشهك وكمت
جرني سيف من ايدي يحجي بقلق
– وين رايحه نونه؟
وخرت ايده مني ومشيت ادور على تلفوني، اخذته وطلعت رقم بــراء، دكيت عليها رن مره مرتين
بالثالثه جاوبت، اجاني صوتها تحجي بتعب
– الو؟
– بــرااء.
كلتها بصوت مخنوگ واضح عليّ باجية
بـــراء – نـهروان؟ داتبچين؟؟ شكوو شبيج صاير وياج شي؟
– بــراء صدگ قـمر ماتت؟؟
سكتت وسمعت حسرتها كالت بتعب
– منين عرفتي؟
– مايهم منينن عرفت، بـــراء بس گليلي صدگ؟؟
– اي، ماتت العُثمان ضربها طلقتين، ماتت گـدام تُـــراث وهو ماتحمل الي صار كدامه وضربته جلطة ودخل غيبوبة وماصارلة كم يوم من صحه منها.
شهكت ابجي وكتلها
– ليش ما كلتيليي بـــراء شلون تجذبون عليّ كلكم محد محدد رضى يكلي اخاابركم تكلولي مساافر!
– شلون نكلج نـهروان ندري بيج ما تتحملين الي صار
وادري ماتكدرين لا تجين ولا تسوين شي راح تضلين تتعذبين بمكانج.
– ومنو كلج اني ما متعذبة؟؟ ماتعرفين شصايرر بية اني وشصاار وياي من شغلات تمنيت لو ضالة بذيج الغرفه ولا طالعه لهنا.
بــراء – بس كليلي شصاير هسه ليش تبجين؟
– شلون ما ابجيي بـراء.!!
يعني شخص حبيتةة وثقت بيي طلع طلع مساعدهم حتى حتى حتى ياخذون كليتيي بـرااء ساعدهم، وبعدين اعررف هو يشغلل ويا الدوولة؟؟؟
ليشش ما حجيتوليي بـــراء جنتت جنتت متخيلتكم شي وطلتعوا شي ثااني
شنو ذنبيي اعيشش كل هذاا بسببة ليشش!
بــراء – تحبين تُـــراث؟
شهكت وحطيت ايدي على حلكي ابجي مسحت دموعي وهمست بخنگه
– اي، احبه والله.
بــراء – يابعد عيوني، لاتبجين يروحي وعلي هو هم يحبج ويتمنى شوفتج اليوم كبل باجر
بس والله الظروف حكمت علينه لو تشوفين حالته هسه
مثل المخبل يفتر بالبيت وعيونه مغورگه روحه رايحه على بنيته.
نـــهروان – انيي شريد منه بــراء، بس ليش جذب عليّ!
والله اني ماقاهرني غير شغلة وحده وميته قهر منها
ليش يجذب عليّ هيج ليش ما كالي وصارحني
والله جان تفهمت
بس صرت مثل الاطرش بالزفه يوميه اعرف سالفة تخصني من شخص
وانصدم، ماتدري بالي بكلبي والله اني هسه احس روحي الموت ارحمليي.
تنهدت وهمست
– اسم الله، لا تخافين نـــهروان ماكو شي والله كلنه وياج
صح صارت كم شغلة بس بالاخير كلنه نعرف الصار كلنه مجبورين نعيشة.
سكتت اشهك مارديت عليها وهي كالت
– تردين تحاجين تُـــراث؟
نشغت امسح عيوني واهز راسي بـ لا
– لاا لاا ماريد احاجي، راح اروح اني.
سديت الخط بسرعه شمرت التلفون وكعدت بالكاع حاضنه رجليّ لصدري
حطيت راسي عليهن اشهك واناشغ، حسيت احد يحضني
رفعت راسي شفته سيف، ضميت روحي بحضنه
حضني حيل ويمسد على شعري
سـيف – عليمن تبجين حبيبتي؟ تحبينه؟ احاجي عمو اني؟
اكله عمو هي تحبه وهو يحبها خليها يتزوجون؟
واكل لامي هم، بس انتِ لا تبجين حبيبتي.
– ماريدد احدد انيي ماريد.
– يله خوش، لعد كافي لا تبجين تعاي انطيج علاجج يله كومي.
كومني من ايدي، مشيت ويا للهول جاب علاكة الدوة
طلعهن وصار يقره المكتوب عليهن حتى يعرف وقت العلاج شوكت
اخذهن وطلع حبايتين من كل شريط ومدهن الي
– هاج.
اخذتهن من عنده وهو ركض جاب مي واجه
اخذتهن وشربت مي وهو مكابلني وكاعد يباوعلي بخوف
– هاا؟
– مابية شي حـبيبي لا تخاف.
هز راسة وضل كاعد بصفي جر ايدي حطها بحضنه ويمسد عليها
جريت حسره ونزلت روحي حطيت راسي على رجله
وهو حط ايده على راسي يلعب بشعري، غمضت عيوني راسي يريد ينفجر من الألم من كد ما بجيت
وعيوني يحركوني، ضليت مغمضه عيوني لان يحركوني
وماحسيت بروحي من غفيت على رجله..
” مــريــم ”
من يوم الي راسلني بي مصطفى بعد ما رديت عليّ ابد
وغيد كلما تريد تحاجي وتنسى وتسد الموضوع
واني
احس كلما اريد ارد عليّ اتذكر ابراهيم من جنت احبه
وكلمره اكول بيني وبين نفسي افتح ويا موضوع؟
لو عيب اسكت؟ احب من بعيد؟ ومات ابراهيم واني ضامه مشاعري
وهسه احس كل مشاعر ماعندي اتجاه والي جان اله
هذا كله مجرد اعجاب لان ابـراهيم جان احلى واحد بالولد
وحباب ويا الكل وكلها تحبه واكثر واحد حنين علينه
جان اكبر واحد بينه يكول
– اعتبركم اخوتي الصغار وعلي شكد احبكم.
وجان يحب نـــهروان حيلل يكول احسها طفلة خاصه
اذا تعورت وبدت تتمجعص علينه ولازم كلنه نعوف البأدينه
ونشوفها حتلوا شخط صغير لازم نهتم بيها كلنه
وابراهيم يضحك يكيف على سوالفها
تنهدت وترحمتله بكلبي
دخلت على الأنستا، مصطفى داز اكثر من 13 رسالة
دخلت عليهن اقراهن مبتسمه اخر رساله دازها قبل نص ساعه كاتب بيها
– راح اجي لبيتكم اليوم.
فتحت عيوني وكتبت بسرعه
– لاا لا تجي.
شافها بسرعه ورد
– طيح الله حظج، شبيح وين اختفيتي مريم بربج.؟
– لعد شسوي شكلك؟
– رددي عليّ كليلي، بكلمه كلمتين بس طمنيني ضلل باليي يمج.
– مابية شي يعني شيصير، بس مجرد التهيت.
– استغفر الله.
كالها واتصل
فتحت خط جاوبته
– ها مصطفى.
– ها روح مصطفى.
– مصطفى، عود صدك تحبني؟
– اي وداعتج احبج.
سكتت ميته خجلل ومغطيه وجهي كوة على روحي احجي بس اريد اتأكد حتى لا اظلم نفسي ولا اظلمه
ضليت ساكته ماعرف ارد بعد وشنو الكلام المُناسب لكلامه
مصطفى – مريم، لا تستحين مني صارلنه 3 سنين سوة
شفتي عليّ شي مو زين؟ شفتيني فد يوم مسوي شي غلط بحقج انتِ
او اي وحده من البنات؟؟
بلعت ريكي وهمست
– لا.
– لعد ليش متردده من ناحيتي؟
– مو بس من ناحيتك مصطفى، اني اي قرار يخص حياتي اتردد بي.
مصطفى – ماكو داعي تترددين بي، فكر على راحتج
واني منتظرج شوكت ما تكليلي اني جاهزه اجيب اهلي واجيج واني الممنون.
ابتسمت وغمضت عيوني، كلامه ريحتي وخله فراشات تطير بكلبي
هزيت راسي عبالك كاعد كدامي وكتله
– تمام.
– راح تفكرين؟
– اي.
ضحك بهدوء وكال
– مو تفكرين بس بسوالفي من جنت ارعن ترى عندي طلعات حلوة تذكريهن.
ابتسمت وكتله
– تمام تمام.
سديت الخط من عنده وحطيته بصفي اضحك على سوالفه
طبت غيد للغرفه شايلة عباية امي وكفت باب الغرفه وصاحت
– مرريم كومي بسرعه ودي مي لماما واني خل اغسل عباتها.
– شنو وين رايحه؟
– خاله واكعه من الدرج ورجلها مكسوره تريد تروحلها كومي بسررعه.
كملت طلعت من الغرفه اخذتلها مي ورحت للهول
شفتها كاعده وتلوب على خالتي خايفه عليها
– ماما ليش خايفه شبيها هي؟
– ولج ماما واكعه سوده عليّ خلصت عمرها تركض ورا لولدهاا
رايحه موديه اكل لابنها فوك ومن نازله واكعه.
– خطية، وشجاهم مكسرين يصخرون بيها صغيرونه هي.
– اندرري، كتلها بيج حيل شغل انتِ ومنا عيالج زوجي ولدج وجيبيلج جنه
تكلي مايقبلون مايردون يتزوجون هسه.
هزيت راسي ضايجه عليها مسحت ماما على ايدي وهمست
– فكري انتِ ماما، ليش ما تقبلين بأبن خالتج.
– ياماما بربج ماريدد والله لا تفتحين هذا الموضوع بعد.
– عليمن ما افتحه عليمن هاا؟
– ماريد اتزوج هنااك ماماا ايعع ماحب اكعد يمهم خالتي على عيني وراسي
بس ولدها وعيالها مكرويهن اييع والله لو اموت ما اتزوج هناك.
سكتت ما لحت وياي، اجت غيد غاسله عباستها ومجففتها
نفضتها وشرتها كدام السبلت، من يبست لبست وطلعت وهي توصي بينه
راحت ماما، سدينه الباب وراها، شمرت روحي على التخم باوعتلي غيد وكالت
– اكلج.
– هاا؟
– اريد اروح لبيت بــارون.
– شكو شعندج؟؟
كعدت عدل وكالت
– ولج صارله كم يوم مادري شبي ضايج، عرفته علمود
سالفة ام هُمام ، بس قبل شوية دكيت عليّ مافتح خط
رجعت دكيت فتح خط وكام يصيح يكلي موو رفضته اوول مررره لا تلحين وسده.
– ياااا، هذاا شجااه؟
– اي والله صااير عصبي نار ماعرف شي وليش هيجي!
مـريـم – دكي على شمشون خاف شو شصاير عدهم
لو خاف مسوية شي وصاير عصبي حتى عليها.
– دكيتت عليها شكد ولا جاوبت.
– شنو السالفة، نروحلهم؟
– مادري ماما ماتقبل نطلع، هسه ادك عليها ونشوف شكو.
– دكي على شمشون اذا ماجاوبت دكي على ماما وكليلها نريد نروحلهم.
هز راسها بـ اي وكام جابت تلفونها دكت على نـــهروان
ماجاوبت رجعت دكت كم مره هم ما جاوبت سدته
ودكت على ماما، مااعترضت وافقت انروح بدلنه
وطلعنه من البيت رايحين لبيت بــارون..
” بـــراء ”
غمضت عيوني ودموعي ينزلن على وجهي بقهر محترك گلبي
شهكت امسح عيوني وهمست
– يعني شنو؟
– لا تخافين حبيبتي الطفلة ماعليها شي لان بشهر السادس
بس لان متحركه من مكانها لازم تديرين بالج على نفسج
وتقلليل حركتج لان ممكن تصير عندج ولاده مبكره
وابد ابد مو زينه وخاصه بهذني الاشهر ممكن تخسرين طفلتج
فـ لازم تضلين مدده ورافعه رجليج وراح اكتبلج علاج وفيتامينات التزمي بيها.
هزيت راسي بـ اي وامسح بدموعي طلعت بره هي
نزلت دشداشتي وعدلت ملابسي، دخلوا تُـــراث وبرهوم
القلق على وجهم، اجه عزيز يركض من بيناتهم وكف بصف السديه
لزم ايدي بـرهــوم وباسها حيل وباوعلي
– الحمدلله على سلامتج ياروحـي.
– الله يسلمك.
جره تُـــراث دفعه عني يباوعله بخزر وكف بصفي ابتسمت بتعب اباوعله
اريده يتطمن مابية شي، دنك باس راسي وباس خدي
– الحمدلله على سلامتج حبيبتي بـرهــوم ولا بيج.
ضحكت بتعب وحطيت ايدي على بطني، ابتسم كوة عليّ
يمسح على راسي و بـرهــوم شال عزيز وقربة عليّ، باس راسي وخر يباوعلي
– الحمدلله على ثلامتج بـلهوم ولا بيج.
ضحك تُـــراث وحط ايده على وجهه و بـرهــوم ضحك ونزله من حضنه
بـرهــوم – طيح الله حظك.
عـزيـز – شبيك بابا غير مثل بابا تولاث؟
تُـــراث – يبعد ابوك، اي عفية حبيبي ماعليك بي.
بـرهـوم – ثلثين الولد على الخال، لعد انتَ غير تعلمه على الاحترام مو تخرب تربيته.
– تربية ومنك مانريد ابن اختي اني اربي.
دنك شال عزيز يبوس بي وعزيز يضحك ما يدري بروحه شجفص
بس من شاف ابو ما قابل عرف روحه غلط
نزل روحه من حضن تُـــراث
وركض على ابو يبوس بي ويكله
– أمم ثووري بابا.
ابتسم بـرهــوم وباسه بخده
التفت تُـــراث عليّ وكال
– لا تخافين بـراء، مابيج شي ان شاء الله، بس تحتاجين راحه مو شوية هواااي
نرجع منا مي ما تكومين تجيبين افتهمتي؟
وعلي اكتل بـرهــوم.
دفره بـرهــوم على رجله من ورا
– وجهه الجلب اني شعلية.
– اسكت انتَ اسكت.
همّ يتعاركون ويسولفون واني بس صافنه عليهم ومبتسمه
من تذكروا اكوا وحده نايمه على السديه يله تذكروا يطلعوني
راح تُـــراث جاب كرسي متحرك، كعدوني بي واخذوني بس للسيارة
علما تُـــراث يصعدني بالسيارة راح بـرهــوم للصيدلية
جاب العلاج واجه، صعدنه وحرك السيارة راجعين للبيت
بـرهــوم يسوق وعزيز صاعد يمه بالصدر واني وتُـراث صاعدين ورا
وصلنه للبيت دنيا الظهر، نزلنه وشالني تُـــراث شيل ودخلني للبيت
يخافون عليّ امشي، واني هم خايفه اتحرك خطوة
طبينه للبيت دخلني كبل للغرفه وحطني على الجرباية
تُـــراث – مناا لهنا تتحركين اكتل بـرهــوم والله.
ابتسمت وهزيت راسي بـ لا
– لا ما اتحرك بعد.
طلع من الغرفه وكال
– اسبح واجيكم.
راح هو للحمام، واجه بـرهــوم ساعدني اغير ملابسي
خلاني انام ورفع رجلية وخلى جواهن مخاد وكعد بصفي ايده على خدي يمسح عليّ
– ماكدر الومج، بس حذرتج هواي كتلج ديري بالج على نفسج.
ضليت ساكت وهو تنهد وكام، طلع العلاج شافة ورجعه كال
– هذي لازم تاخذين الظهر بعد الاكل.
– هسه اكوم اكل واخذهن.
– اكعددي بس اكعدي اني اجيبلج اكل.
ابتسمت وهو طلع من الغرفه يسوي الاكل، التفتت على
صوت دگت تلفوني، استغربت منو يدك هسه؟
جريته من الميز
وابتسمت من شفت اسمها، فتحت خط وانصدمت من حالتها
ما جانت متوقعه راح تعرف لو واحد بالمية انقهرت على حالتها
وحرت بيا طريقة اهديها، سدت الخط وراحت خلتني حايرة
توني اريد ارجع التلفون ودخلوا تُـــراث وبرهوم للغرفه
كعدت عدل بـرهــوم كال
– لا لا ضلي.
جاب طبله حط عليها الاكل ويعدل المخاد وتُـراث كال
– ويامن جنتي تحجين بالتلفون؟
باوعتله وبـرهوم رفع راسة باوعلي بسرعه ورجع باوع على تُـــراث
بـــراء – ويا نـــهروان.
فتح عيونه يباوعلي مد ايده راد ياخذ تلفوني اخذته قبلة ما خليته ياخذه
– لحظة تُـــراث.
– شنوو لحظة براء شبيهاا شعجب داكه عليج وليش جنتي تكليها ليش تبجينن!!
بــرهـوم – لا تنرعص انطي صبرر هسه نفتهم منها.
التفت تُـــراث عليّ وكال
– ايي شبيهاا شلااال ليش تبجييي؟؟
– تُـــراث نـــهروان عرفت كلشي.!
عقد حاجبة ورفع ايده يأشر
– شنو كلشي مثل شنو شعرفت؟
– عرفت كليتها ماخذينها، وعرفت قمر ماتت.
هز راسة ما فاهم وباوع بنظره مامصدك
– شنو عرفت شلون عرفتت؟
– مادري، ماكالت بس الي اعرفه عرفت كلشي ومنهااارة.
حط ايده على وجهه فركه بقوة وهز راسة
– ماردتها تعرف هسه ماردتت.
– مايفيد اول وتالي راح تعرف، تُـــراث لازم تسوي شي
مالها ذنب بكل هذا الي صار لو تسمع بجيها كسرت كلبي والله.
كعد كدامي على الجرباية وبـرهـوم ساكت بس يسوي لفات ويوكلني
وتُـراث ضل مدنك راسة بين رجلية ويفرك براسة بقوة
– ليش ما تروحلها؟ عنوان بيتهم بتلفوني اخذه وروحلها؟ نروحلها كلنه؟
هز راسة بـ لا بسرعه يحجي
تُـــراث – مو جاهز، بـــراء حالتي ماتسمح اروح اشوفها هسه
ولا اكدر اباوع بوجها واحاجيها ماكدر.
– مو هسه.! اخذلك فتره ارتاح بيها وبعدين عود نروح.
هز راسة ساكت وكام طلع من الغرفه، باوعلي
بــرهـوم وجر نفس
– لو ساكته، ليش كتيله؟
– هو اصلا سمعني، بس لازم يتصرف برهوم خطية
البنيه كسرت خاطري والله شنو ذنبها هيج يصير بيها
والله لو سامع صوت بجيها شلون تناشغ وتحجي تگطع الگلب.
هز راسة ضايج
– ادري بيها، كم مره تخابر من جان تُـــراث فاقد
مبينه تريد تحاجي بس ماكدرت اكللها وسكتت وسديت الموضوع خفت عليها.
تنهدت امسح على بطني على كيفي وهو كاعد يوكلني ويشربني عصير
اباوعله مقهوره، سوده عليّ كوة كاعد من النعاس والتعب
متت قهر عليّ شلون كام يغفي ويسوي لفات اليّ
اخذت الصنينه منه حطيتها على الطبلة بصفي
بـــراء – بــرهـوم عليك العباس كوم اسبح ونام شوف شصاير بيك.
باوعلي وفرك عيونه يهز براسة
– لا مانعسان.
-يا مانعسان بــرهـوم ما تشوف عيونك شلون صايرات
بداعت عزيز كوم اسبح وتعال نام اروحلك فدوة.
هز راسي وكام وهو يكول
– خل انطيج علاجج واروح.
ابتسمت وجريت ايده ابوسها وهو جرها مني بسرعه
– برااء شبيج ولج.
– تعبناك، ربي يخليك النه يا احسن زوج وحبيب واخ وصديق وأب، اروحلك فدوة الحنين.
ابتسم ودنك باس راسي حيل وهمس
– وشعندي غيركم اني؟ اهلي انتوا وحك علي.
ابتسمت وهو مسح على خدي وانطاني علاجي
اخذته
واخذ علاگة دوء تُـــراث وراح لغرفته، ابتسمت على حنيته
شلون يفكر بينه كلنه، رجع للغرفه اخذ ملابس وراح للحمام
سبح وبس كمل اجه طفى الضوة ونزلني لحضنه
ضميت روحي بحضنه وغمضت عيوني بتعب وغفينه ثنينه من التعب والنعاس..
” نـــهروان ”
متمدده بالغرفه وايدي جوة خدي، الكتب مطشره كدامي
اباوعلهن وصافنه، ماعندي واهس اقره كلشي ولا بية حيل
انفتح الباب ودخل سيف شايل العلاج بايده
من يوم الصار
لحد هسه اني و بـارون ما نتحاجه ولا هو يحجي وياي
وحتى علاجي يدزه بأيد سيف حتى ما يحاجيني هو
كمت كعدت عدل اخذتهن من عنده وشمرتهن بالكاع
باوعلي سيف بنظره لوم وكال
– هاي ليش شمرتيهن؟
– مااريددددد روح گله ماا اخذ لو حباية وحدددة والله
خلل اموووت واخلصص ماااريدددد.
– نوونه شبيججج!!
– روووح اطلع برره سيففف كلشيي مااريد.
كمت اصيح وادفع بي على كيفي اريد اطلعه من الغرفه
فتحت الباب اريد اطلعه صار كدامي بــارون
باوعتله مستهضمه
وخرت من الباب عفتهم واكفين باب الغرفه ثنينهم
بــارون – شنو معنى تصرفج هذا؟ العلاج شعليه؟ ليش ما تقبلين تاخذينه؟
نـــهروان – بكيفي، اني ماريد اخذه وما اخذه يله
اني اريد امووت مااريددد اخذذذذة ماااااريددد.
كلت اخر كلمه
بصوت مهضوم وبجيت مغطيه وجهي، استغفر بصوت عالي
اجه جرني من اديه يريد يحضني واني ادفع بي وابجي
– وخررر باارون وخررر وخرر وخررر وخررر .
– روان.
– وخررر داكلك عووفني عووفني عووفني.
حضني حيل يبوس براسي واني ابجي واشهك بحضنه ميته قهر واحس روحي الموت ارحملي
اكتشفت شغلات
تعبت نفسيتي وشبعت قهر بيها، واحس اريد ابجي وافرغ القهر البداخلي كله وما ارتاح
ضمني بحضنه حيل يبوس براسي وجر ايدي يبوسها ويحجي
– كافي ياروحـي كافي، اعتذر منج اسف وعيونج ماقصدي ازعلج
وداعت عيونج ماريد ازعلج ولا اريد زعلج عيوني انتِ
بس خايف عليج وداعتج ماريد زعلج ابد ولا اريد اضرج.
– تصيحح عليةة انيي شعليةة تصيح عليةة عليةة.!
– ادري ادري غلطت اني غلطان كافي اسف يروحـي.
كعدني على الجرباية يبوس بايدي وجهي، باوع على سيف واشرله بايده
راح سيف جاب العلاج وانطا اله، فتحه وطلعلي الحب وراح سيف جابلي مي واجه، شربتهن كوة
وضليت اشهك بدون دموع بس شكلت عندي الشهكه
مسح دموعي يبوس براسي ويحجي بقهر
– كافي عيوني لا تبجين.
– قهرتنيي بــارون قهرتنيي قهرتني.
– سوده بوجهي بنيتي.
كعد بصفي حاضني حيل ويبوس بية واني ابجي مسح دموعي ويحجي وياي
– يله كافي حبيبي، كومي وياي شو كومي خل اسويلج اكل من ايدي.
هزيت راسي بـ اي وكمت ويا، كعدني بالهول وهو جاب اكل من المطبخ
كعد يمي يوكل بية لحد ما شبعت واني اكل لكمه منا
ودموعي تنزل منا، مسحت عيوني وهو ضل كاعد يمي
لحد ما دكوا عليّ وكام
– اني طالع للشغل، لا تخلين بالي يمج روان وعلي يوكف كلبي
سوده بوجهي يوم القهرتج عيوني.
ابتسمت امسح دموعي وهزيت راسي
– لا سكتت مابية شي.
– ماتبجين بعد؟
– لا.
ابتسم ودنك باسني بخدي حيل وباس راسي
– اروح فدوة لعيونج ياگلبي، لا تضوجين مني من احاجيج هيج
روان اني ماعندي غيرج انتِ وسيف اخاف عليكم من الهوه اليمر عليكم.
مسحت عيوني مبتسمه وكمت حضنته حيل، فرك ظهري يضحك
– اووف ياروحـي، اكعدي يله طلعي كتبج واقري حتى باجر اخذج للكلية نشوف شوكت يبلش الدوام.
هزيت راسي وهو ابتسم ودنك لبس حذائه وطلع وهو يوصي بينه
جابلي سيف كتبي حطهن كدامي وكعد هو هم يقره
– يله اقري انتِ هنانه واني راح اكعد يمج.
هزيت راسي بـ اي وجريت الكتب اكلب بيهن بدون روح
مالي خلك اقره اي شي ولا افتح كتاب كل تفكيري يم تُـــراث
سمعت الباب اندك راد يكوم سيف كمت اني وكتله
– ضل، هاي يمكن غيد اجت.
هز راسة ساكت، كمت فتحت الباب وطلعت للحديقة
رجع ندك الباب اقوة، لبست نعالي وصحت
– اجيتتت وجععععع.
مشيت بسرعه فتحت الباب واحجي
– شجاج فلشتي الـ..
قطعت كلامي وفتحت عيوني على وسعها واني اباوعله وهمست
– تُـــراث؟؟؟؟
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.