رواية تراث النهروان – الفصل السابع
” غــيد ”
مريم – خاااب ديلةة كوومي .
– بس شووية مريم روحي واني الحكج .
ماما – غيدد يلة انريد انروح ما اخليج ترحين وحدج ويا اختج كومي .
مريم – غيد خلصينييي .
– ايي ايي .
طفرت بسرعة غسلت وبدلت ولفيت شالي وطلعت وياهن
راحت ماما لشغلها واحنة رحنة للكلية
مريم – ما كلتي بــارون كدر يمشي طبيعي يعني لو هم الة عكازة ؟
صفنت اتذكر من نزل من الدرج شلون يمشي بدون العكازات ابتسمت بهدوء
مريم – الوو الوو ماكتلج اصفنيي .
– اي لان هو بس جف رجلة مو كلها اسم الله فـ بسرعة سواها ويكدر يمشي طبيعي
حتى كام يلبس احذية زوج كامل وهذا الي هو حبة اكثر شي .
– اووي يعني بعرسكم راح يكدر يلبس حذاء ويكشخ .
باوعتلها بصدمة وكرصتها من زندها
– حيوانة انتِ طاحظج .
– ههههههههههه يمة فدوة استحت .
– مريم راح ادفرج انجبي كافي .
تضحك وتميل روحها عليّ دفعتها وفتت للكلية قبلها
لكيتهم الولد والبنات ملتمين ونص كاعدين على المسطبة ونص واكفين يسولفون رحنه اني ومريم يمهم
– صباح الخير .
– صباح النور .
نسرين – شلونج غيد كالوا مريضة .
– الحمدلله حبيبتي احسن ، بس من رحنة للأمام الكاظم بردت الدنيا وتمرضت صرت احسن .
– الحمدلله على سلامتج .
– الله يسلمكم .
مريم – اني اروح بيباي .
مصطفى – روحي هو انتِ شنو شغلج صلاً .
ابتسمت ولوحت بأديها وراحت
ابراهيم – اكو اثنين بالشلة واكعين على وجهم .
باوعنة كلنه واحد على الثاني
عبد الرحمن – هههههههههاااي جني اعرفهم .
نسرين – منو حبيبي كلي ؟
– بعدين تعرفين منو حبيبتي .
اخذ بأيدها وراح باوعنه اني ومصطفى على ابراهيم
غيد – تقصد منو ؟
مصطفى – متحجي ؟
– معروفين يلة بيباي حبيبيني .
كالها وركض ورا عبد الرحمن يصيح
– انتظرررني .
باوعت على مصطفى
– شيقصد هذا ؟
– يمسلت غلسي .
كعدت يمة على المسطبة دخل هُمام يخابر أشرلة مصطفى هز راسة يمعنى شافة
سد التلفون واجانة
– صباح الخير .
– صباح النور .
هُمام – شلون صرتي غيد ؟
– لا احسن زينة .
– بعد لو تطكين راسج بالحايط مانطلعج ويانة .
– هههههههههه اصلا ماما كالتها قبلك .
مصطفى – ليش ناوين تطلعون ؟
– لا بس كلت يعني خاف تصير طلعة .
بعدنه نحجي ودك تلفوني طلعتة جان الضابط استغربت اني انطيته رقمي حتى اي شي يصير يبلغني اني قبل بــارون لان ادري بي متسرع والولد ميدرون بشي
بلعت ريكي وفتحت الخط
– الو ؟
– غيد ؟
– نعم سيدي .
من كلتها باوعولي مصطفى وهُمام بسرعة
الضابط – تكدرون تجون اليوم للمركز ؟
– شوكت ؟
– هسة .
– تمام .
سديته من عنده وكمت اريد اطلع جرني هُمام من ردان الكوت
– وين منو هذا دك عليج ؟
– هُمام لا تسأل بس عوفني اروح .
جريت الكوت منه وطلعت اركض أجرت تكسي ورحت لبيت بـــارون
دكيت الباب بسرعة
غيد – بـــارون بـــاارون .
فتح الباب بسرعة وباوعلي بقلق
– غيد ؟ شكو شبيج صاير شي ؟
– شسمه الضابط اتصل عليّ وكال لازم انروحلهم للمركز .
فتح عيونة على وسعها ورجع طب للبيت
جر الكوت مالته لبسه وقفل الباب مال البيت
طلعنه نركض اثنينة وكف تكسي وصعدنه
نزلنه كبال المركز طبينة نركض وخايفين مانعرف شصاير
تلكانة الضابط هو ويا ضباط هواي واكفين يمة
بــارون – خيرر سيديي شصااير عرفتوا شي ؟؟
الضابط – للأسف الاخبار ابدا مو زينة العرفناها واحتاجينه وجودكم حتى تعرفون كلشي أول بأول .
– سيدي وضح اكثر والله راح اوكع من طولي .
الضابط – لكينة اطفال اثنين وبنية وياهم مأخوذة اعضائهم .
باوعنة بصدمة اني وبــارون واحد على الثاني
بـــارون – وينهمم ؟؟؟؟
– بالمستشفى .
– يا مستشفى ؟
– امشوا ويانة .
طلعنة نركض اني وبـــارون وراهم صعدنة بسيارتهم
وصلنة للمستشفى نزلنة نركض والضباط كدامنه يمشون
الضابط – منا بهاي الغرفة .
فتنه لغرفه طويلة وبيها اكثر من سدية ونايمن بيها جهال
صرنه نتلفت بيها
غيد – وينهااا وينهاااا ؟؟
نتلفت بيها ونصيح أشر الضابط على سدية بالأخير
– هنا .
ركضنة عليها ومدينة روسنة نشوف
جرينه نفس من شفناها جانت بنية صغيرة اصغر من عدنه بس تنطي شبه لـ شمشون بالشعر والعيون
بــارون – لاا مو هااي مو هاااي .
سد ايدة الضابط بعصبية ودار وجهه يجر نفس بنرفزة
الضابط – ماكو غير هذولة الي لكيناهم
جانوا مشمروين على طريق سيطرة بغداد ماعرف شلون ما لاكفتهم الكامرات بس مبينين يندلون كلشي بحيث حتى أثر ما تاركين .
بـــارون – دخيلك ياربي نــهروان بأيد منو واكعة!!
” نـــهروان ”
شهكت وحطيت ايدي على حلكي امنع صوتي يطلع
باوعولي اثنينهم وابتسموا
طفرت وكفت على الجرباية اباوعلهم بخوف وجسمي يرجف
– شـ شكو شكوو .
– ماكو شي بس انريد نلعب وياج قبل لا يلعبون بيج .
كالها واتقدم عليّ شهكت وركضت على الباب اريد افتحه
جرني من شعري وشمرني بالكاع
صرخت بوجع ولزمت ظهري اتكلب بالكاع ولازمة ظهري
شمر روحة فوكاي ويحط راسة بصدري
والثاني كعد يم راسي ويفر براسي يريد يحط راسة بركبتي
– لااااااااااا لاااااااا .
صرخت ودفرتة على بطنة صاح ولزمها والكاعد يم راسي رفعت راسي وضربتة كلة
صاح ولزم خشمة يصيح ويفشر شهكت وزحفت بعيد عنهم ازحف بجهة الباب
وكفت اريد افتح القفل شهكت من حسيت بأحد يلزم رجلي
جرني من رجلي حيل وكعت على راسي وانركع راسي بالكاع بقوة
حسيت عيوني شكلت يمكن انحولت لان عيوني غشون
صرخت ولزمت راسي واحس راسي صار يرتج بقوة من الضربة مالتة
لزمت راسي اتلوة بالكاع واصيح
– يماااماا راااااسي رااااسي .
– ااششششش .
ضربني بجف ايدة على حلكي يريدني اسكت والثاني يحط راسة بركبتي ويبوس بيها
– يماااماا .
كلتها وصرت ارافس بين اديهم واصرخ وهم ما مهتمين يتلمسون بجسمي بطريقة قذرة
كمت اشهك وابجي وادفع بيهم بس ماكدرت الهم
صرخت وصرت ادفر بيهم وهم يلزموني بية
صار يجر بتشيرتي يريد يشكة بس ماكدر لان هاينك وثخين والثاني يجر بنطروني
صرت اصرخ عسى ولعل احد يسمعني ويجيني ، دفرته مرة ثانية على بطنة
جابني براجدي ثاني وصاح
– اسكتييييي .
كالها ورجع شال راسي وضربة بالكاع صرخت بألم وجسمي بهت بين اديهم
طلع السمين من جيبة سجينة وحطها بنص التشيرت وشكه
وحط راسة بصدري وايدة تمشي على جسمي والثاني مد ايدة على سحاب بنطروني يفتح بي..
تعبت وراسي احسة صار بي ارتاجاج غوشن عيوني وتعبت بهت جسمي وحسيت راح يغمى عليّ
تركتهم يستفدرون بجسمي باوعت على الباب وهمست بتعب
– دخيلتك يا علي ابن ابي طالب .
بس كلتها اندفر الباب دفرة قوية ولحكتها دفرة ثانية على اثرها وكع الباب بالكاع
شهكت اجر نفس كاموا هم اثنيهم عني مصدومين يباوعن على
تُــــراث وبــرهوم بخوف وهم عيونهم تطلع شرار وفاتحين عيونهم بكل وسعها
راد يحجي السمين طفر عليّ برهوم وتُــــراث سحل الثاني
وصاروا يضربون بيهم ضرب كل ضربة اكول هسة يموتون
زحفت للجرباية كوة وسحلت روحي سحل جلبت بيها جريت السترة مالتي لبستها ودكمت الدكم وادية ترجف
باوعت على تُـــراث الكام يصيح ويضرب بي ويصيح محروك كلبة
– الله ياااااخذكم كو***** ، ساااقطين اخلصكم على ايدييييييييي ولكم اخلصكممممم .
كالها وطلع سجينة من جيبة
راد يلزمة بـرهوم دفعة حيل ودج السمين بالسجينة ويصيح بحركة كلب ويطلعها ويرجع يدجه كمت اشهك واغطي وجهي بخوف وهو يصيح ويطلعها ويرجع يحطها بجسمة
والدم يتنافر من جسمة جرة بـرهوم وخر وكام على الثاني النايم بالكاع
وهم ضربة بالسجين اجت برجلة وهذاك يصيح بعلوا صوتة
دفعة بـرهوم وصاح
– كاااااافيييييييي .
وكف يرجف بعصبية ويجر نفس باوعلي اجة بأتجاهي يركض جرني من ايدي وطلعني من الغرفه وبـرهوم يمشي ورانة
من أثر الضرب ماكدرت امشي وهو يسحل بية سحل فلتت من ايده وكعت على ركبي
وكف باوعلي كعد كدامي ويباوع بعيوني كزز على سنونة وكال
– كومي اوكفي شلالي .
جريت نفس بتعب وهمست
– والله ماكدر .
كام ودنك عليّ شالني بتك ايد حط راسي على صدرة ورجع شالني بأيدة الثنين
حطيت راسي على صدرة وهمست قبل لا يغمى عليّ
– بــــارون ، اريد بــارون ودوني لـ بــارون .
كلتها وغمضت عيوني واني بين ادية
فترة وفتحت عيوني بتعب حسيت بشي ضاب راسي رفعت ايدي اتلمسة
جان راسي مشدود ، رفعت عيوني اشوف روحي وين
جانت غرفه مثل باقي الغرف الشفتهن
بس هاي بيها كنتور وميز خشب وبيها فراش وهواي شغلات كلهن قديمات
حطيت ايدي على راسي احسة يريد ينفجر التفتت على اثر صوتة وهو يقرة ويدك على الميز
تُــــراث – جـف الـمـاتـن والـتـبـوس جــذاب اليـحـجـهـا راس يـقـلـعـه وراس يـدوس عـبـاس مـسـويـهـا
بـيـدة تـلـوك وتـحـلـى الــرايــة تـسـأل يــاهــو الــدك الـثـايـة
عـبـاس مـسـويـهـا عـبـاس مـسـويـهـا
أمـثـال شـكـد كـــالــوا حــيـرة هــاك وجـيـب وكــلـي شـتـكـســـب ؟
مــا تـنـقـاس بــراعــي الـغـيـرة زود وهــمـة وتـعـجـز تـحـسـب
تـشـهـد اصــاحـبـة وعـدوانــة تـطـن الــتـاريـخ بـعـنـوانـة
والـخـوة بــأسـمــة مـسـمـايــة
عـــبـــاس مـــســويــهــا .
من شافني اباوعله كام وكف جر الكرسي حطه كدامي مد ايدة مسح على راسي
دفعت ايده عني بتعب ابتسم
– لا تسوي هيج مابية حيل اوخرك والله .
وخر ايدة وباوعلي وحضن ايدة لصدرة
– شلونج ؟
صفنت بعيونة وهمست والدموع بعيني
– شلونج ؟ تسأل بنية حالوا يعتدون عليها اثنين ويغتصبوها
تسأل بنية مخطفوفة ومتعرضه للترحش والأعتاء للمرة الثانية
تسأل بنية تحملت ضرب بس في سبيل ماتخلي احد يتقربها
تسـال بنية رادوا ياخذون شرفها
تسأل بنية شافنت اثنين انكتلوا كدام عيونها بأبشع طريقه .
بس كملت كلامي كام طلع برة شوية ورجع شايل صينية بأيدة
تُـــراث – اكعدج لو انتِ تكعدين ؟
رفعت روحي ارتاجيت على الحديده مال الجرباية وارجف من البرد
– بردانة ؟
هزيت راسي بـ اي
– الصوبة مابيها نفط وماعدنه صوبة كهربائية تردين احضنج ؟
فتحت عيوني خزرته وهو يحجي من كل عقلة
نــهروان – انجب .
– ااه .
درت وجهي عنة الحقير فلا يستحي
كام جاب بطانية من كنتور صغير بالغرفه حطها ورا ظهري ولفني بيها
– ها هسة احسن ؟
هزيت راسي بـ اي حط الصينية على الجرباية
– تاكلين لو اوكلج ؟ لا تضوجين احسبج بنيتي الصغيرة واوكلج .
– ماتعرف تسكت انتَ ؟
– الصراحة لا .
جريت الصينية منه وكمت اكل اني رجع كرسية يم الميز ورجع يدك عليَ بطرف اصبعة
تُـــراث – يـشـبـه حــيــدر أســـد مــجـرب
يــشــكـف يــطــبـر يـمــنـه ويــســرة
الـفــرسـان تـدور ظـــهرة يـطـفر يــبـقـة
يــطــيح يــطــبــرة .
عفت الاكل وصفنت على صوته يجبر الواحد يسمعة والقصيدة حلوة بصوته ابتسمت وهمست
– صوتك حلو .
باوعلي وغمز
– اني كلي حلو .
كلبت عيوني ودرت وجهي عنة كملت اكل وشلت الصينية ردت احطها على الميز اخذها مني
– لا لا شلالي ماريدج تعبين .
– احترم نفسك .
كرص خدي حيل وهمس
– محترم نفسي .
بلعت ريكي وخرت عنة بسرعة
رجعت كعدت على الجرباية وحاضنة روحي حيل طلع هو ورد رجع شايل بأيدة علاكة
شمرها على الجرباية وصاح
– بدلي ملابسج .
جريتها فتحت العلاكة بيها ملابس هزيت راسي بـ اي
طلع وسد الباب
ركضت قفلتها من جوة بس ولو هذا مو نفسة الكسر الباب بدفرتين يعني اذا يريد يفوت يمنعه القفل
طلعت جان تراك شتوي ثخين اسود ونيلي لبست البجامة بسرعة وطلعت التشيرت لكيت اثنين
واحد نص اردان لبسته جوا ولبست الثاني فوكا لميت شعري حطيت جوة التراك ولبست الكبوس فوكا احس روحي دفيت
شمرت الملابس ورجعت لبست الكوت فوكاهن ونمت على الجرباية
توني مددت اندك الباب واجاني صوته يصيح
– افتحييييي البااااااب .
طفرت بسرعة فتحتها دفعني ليجوة وخرزني
– اذا قفلتيها ابتلي بعمررررج .
– مـ مو جنت ابدل .
– دوخرري .
دفعني وسد الباب وجر الكرسي كعد عليّ رجعت كعدت على الجرباية افرك بأدية
نــهروان – اكلك .
باوعلي وهز راسة
– كليلي؟
– اريد تربة .
– تربة ؟ شتسوين بيها ؟
– اريد اصلي .
– تصلين ؟؟؟؟؟
باوعلي من فوك لجوة وهز ايدة
خزرته ونترت
– شبيككككك ؟؟؟
– شكلج مال صلاة انتِ .
– لاا شكلك انتَ يصليي ويقره على العبااس عود هو مُتدين ولك هااي صلاتك باب الشارع ما تعبرة .
ضحك وحط ايدة جوة يم حلكة
– اي ؟
– وجعييي .
– تردين تربة ؟
– اي .
– وجعي .
باوعتله وهمست بتعب
– والله اريد تربة عليك الله اريد ادعي عليكم .
– باع الصلافة تريد مني تربة حتى تصلي وتدعي عليّ .
– يله ما ادعي عليك بس عليهم حباب انتَ مو ساعدتني ما ادعي عليك .
– يله ميخالف .
كام دور بالكنتور طلع تربة مدها الي
تُـــراث – باعي شلالي شردين تدعين ادعي بس لا تكولين الله يحرك كلبك بأعز انسان على كلبك .
ابتسمت وهمست
– عندك انسان غالي على كلبك .
– بعيد عني .
– وين ؟
– مو بالمسافات بالأرواح .
نــهروان – حسيت بحركة كلبي مو ؟ أعز اثنين على كلبي هسة محروك كلبهم عليّ ويدعون ارجعلهم وانتَ ماترديني ادعي عليكم ؟
– ادعي بس مو بعزازي .
– الله يحرك كلبك عليهم .
فتح عيونة بسرعة ومد ايدة سد حلكي بسرعة
– نــهروان لاا انتِ هسة كلبج محروك وهاي من الحالات الرب العالمين يستجاب دعائهم المحروك كلبة واليتيم والمظلوم .
نزلت دمعه من عيوني وهمست
– واني كلهم اني يتيمة اني مظلومة اني محروك كلبي .
– شلالي لا .
دفعت ايدة عني وهو حسيته صدك خايف ادعي عليّ
مشيت بأتجاه الحمام توضيت وطلعت وكفت كدامة
– اريد شي اصلي بي .
مشى للكنتور فتحة طلع من عندة عباية مدها استغربت شتسوي هاي عندة
بس ما سألت ، لبستها وجريت البطانية مديتها بالكاع فرشتها وكفت اصلي
ما دعيت عليّ ولا دعيت على احد لان اعرف هاي أرادة رب العالمين
بس دعيت رب العالمين يسترني ويحفظني ومايخلي أي نذل يمد ايدة عليّ
كملت وكمت حطيتهن على الميز
– شكرا .
هز راسة وضل ساكت صافن على الميز ، باوعلي وهمس
– بنتي .
باوعتله بسرعة مستغربة كلمتة بلع ريكة ودنك راسة
– بنتك ؟
– بنتي عند العُثمان .
فتحت عيوني مصدومة وهو جر حسرة وهمس
– اخذها وخلاها يمه حتى نشتغل ويا مجبورين كلنه مجبورين
ماجنه حاسبين حساب عوائلنه غدرنه واخذ من كل واحد فرد من عائلته حتى يأمن على نفسة
امها انجلطت وماتت من عرفت بتها مخطوفه عند تجار أعظاء
وعدتها قبل لا تموت ارجعها لحضنها بس ما وفيت بالوعد هي ماتت وبنتي لسة عندة
دورت دورت وحاولت بس مالكيتها .
بلع ريكة وفرك راسة حيل وهمس بخنكة
– عبالي .. عبالي كتلها بس شوفني صورتها وكل اسبوع يشوفني صورتها ويسمعني صوتها وماكدر اروحلها
ماكدر اكللها بابا اني يمج لا تخافين ارجعج لحضني بابا .
ضليت اباوعلة وهو يحجي وعيونة تلمع
انصدمت من كلامة دنك يفرك براسة وبعيونة كام طلع بره بسرعة وسد الباب ورا
حسيت كلبي انكسر على طريقة كلامة معقولة ؟ شدايصير واني وين ؟؟
وشنو هاي المصيبة الحلت علينة كلنة
مر وقت طويل واني صافنه معقولة قصدة عليها ؟ ميريد ادعي عليّ يقصدها الها ؟
لا لا مستحيل ادعي على طفلة اني الله يرجعها لحضنه سالمة
مرن يومين واني هنا بمكاني مشمروه بس يطب يغني ويحط الأكل ويطلع
وكفت اصلي صلاة المغرب وانفتحت الباب مارفعت عيوني ضليت منزلة راسي بس عرفته هو
كملت صلاتي وكمت توني اريد احجي نزل الصينية وصاح
تُـــراث – طااهر القلبِ نقياً ذااكرُاَ لله
المُصطفى الصديقً صلى عليهِ الله .
استغفرت ودنكت شلت التربة وحطيتها هي والعبا على الميز
نــهروان – شوكت اطلع منا ؟
– بس يجي دورج .
– دوري بشنو ؟
– كلشي بوكته حلو .
كعدت على الجرباية وهو حط الأكل كدامي اخذته منه وكعدت بالكاع اريد اكل
انفتح الباب ودخل بــرهوم ابتسم تُـــراث وركضلة تحاضنوا حيل عبالك صار فترة ما متشاوفين
تُـــراث – الحمدلله على سلامتك .
– الله يسلمك ضلع .
باوعلي ورجع باوع على تُــراث
– شتسوي هاي هنا ؟
– ماكدر اخليها هناك بوحدها .
دنكت راسي عنهم وهم ضلوا يحجون باللهجة الإيرانية ومبين تُــراث عصبي
طلع بـرهوم تلفونة وكال
– حاجي انتَ اني مايسمع مني .
هز راسة ودك بـرهوم وانطة التلفون لـ تُــراث
اخذه وكف بعيد يحجي
تُـــراث – الو ؟ اي نعم ، لاا لاا مو كتلك اصبر والعباس تدمرني اذا تسوي هيج كتلك خليها عليّ ، ادري والله ادري بس اصبرلي بس هاي الفترة اذا مالكيتها ابدوا بخطتكم .
صفن غمض عيونة ورفع ايدة يمسح بيهن صاح بعصبية من كمل الشخص كلامة
– لاااا لتحرررك كلبي لااا تحجي هيججج ، احرركهم احركهم امحيهم كلهم .
بلعت ريكي بخوف من صار عصبي ويصيح ندسة بـرهوم وهمس
– صووتك .
تُــراث – ميخالف ميخالف بس هاي الفترة اذا ماعرفت شي اكلك ، تمام .
سد التلفون وانطا لـ بـرهوم ويباوعلة بتعب حضنة بـرهوم ويمسح على ظهرة
– الله ميحير عبدة .
هز راسة وابتعد عنة طلع بـرهوم وهو طلع جكاير وكام يدخن
شلت الصينية حطيتها على الميز وفتت غسلت ورجعت كعدت
على الجرباية وساكتة كلمة ماحجيت ضل هو يدخن يدخن لحد ما كام طلع برة
صفنت على مكانة الجان كاعد بي احسة مظلوم وكلبة طيب بس هو يريد يطلع روحة كدامي
الشرير الخبيث والمستهتر المايرحم ماعرف شنو يستفاد من يسوي هيج
بس من يصير كدامي يصير حقير ويضل يسوي حركات يستفزني بيها
من يوم الساعدني تُـــراث من هذيج الغرفه ضليت هنا وبعد ما طلعت منها بس هو يفوت يغني يحط الاكل ويطلع ويرجع ياخذها
وعلى طارية طب شايل صينية اكل ويغني
تُـــراث – جريمة جريمة ، احبنك تحب غيري جريمة
عساك بنار كلبي وبجحيمة ، احبنك تحب غيري جريمة
عساك بنار كلبي وبجحيمة ، عفت حبي وشفتلك غير غلان
اذا قصدك تذلني انتَ غلطان .
باوعتله وهو يهز حواجبة ويغني حط الصينية على كدامي
– يله انزلي تعشي .
– ماريد ما اشتهي .
– ليش ماتشتهين ؟
– اليشوفك تنسد شهيتة .
– لا بربج ؟ شو البنات يكللي شوفتك تفتح النفس بس انتِ مدري شبيج وياي
هاي لان زين وياج هيجي تحاجيني ؟ اله اسودنج .
كالها وشال الصينية من كدامي شهكت وطفرت
– يماما .
– وروح الماما اله اسودنج .
– يماما شبيك بطلتتتتت والله اكلل .
– اليوووم اسودنججججج .
كالها وكمز عليّ يخنك بية ويعصر بطني ويقرقر بية صرخت اضحك وابجي مادري شلون رهمتها
– لااا لااا هههههههههههههههههههههههههههه يمااماا بطنييي ولك لااا عوفنيي .
– تاكلين لو لا ؟
– والعبااس اكل عوفنييي يمه بطنيي كافي .
كام من عندي يرفع بشعرة ويجر نفس
– الله لا يوفقج تعبتيني .
– الله لا يوفقك انتَ تعبتني شلون تمد ايدك على بطني متخاف الله مو تصلي متعرف الحرام؟
– لا الله يعرف بالنيات .
– متشوف مطيح حظك .
ركض باتجاهي عصر وجهي حيل ويحجي مكزز
– لا تضلين تجفصين بعلي ابتلي بروحج .
– وخررر شبيك.
– صووتج نصي لا تصيحين .
– اصيحححححح .
ضربني راجدي ودفعني على الجرباية يأشر بأصبعة وييحجي بعصبية
– اتنرفز من الصوت العالي لا تصيحين .
بلعت ريكي وصوتي بعد ما طلع اختنكت بعبرتي ضليت لازمة خدي وساكته
ردته بس يطلع حتى ابجي ضل يفتر كدامي ويروح ويجي
باوعلي وطلع وسد الباب ورا
بس طلع انهديت ابجي واهمس عبالك بــارون كاعد كدامي
– وينك عني ؟ ليش لسة ما لكيتني ؟ ماتدري بية انتَ ؟ ماتحس بية؟ تعبت اني بـــارون محد غيرك يهتم بية محد غيرك يحس بية .
شهكت ابجي بصوت وامسح بدموعي اريد ادعي عليّ بس من اتذكر بنته اسكت خاف الدعوة تصيب بنته
اريد اشرد منهم بس خايفة كلما اشرد تصير مصيبة ضليت كاعدة وادعي اطلع منا
انفتح الباب دخل تُـــراث يدخن ويصيح دفر الكرسي الجان موجود كدامة
باوعلي ودار وجهة على الصينية وكام يصيح
– انتِ ليش ماا تزفنبتييييي ؟؟
بلعت ريكي وهمست
– ما اشتهي .
– لاااا تخلينيييي اكل تبن كوومي تزقنبييي يله ورااج اكلاان خررااا كووومييي .
كمت بخوف جريت الصينية وكعدت اكل كوة وهو يفتر ويدخن ويصيح ويفشر
انوب كام يحجي بلهجة ما عرفتها مدري يفشر عليّ واني ما ادري
بس كملت اكل جرني من ايدي كومني يباوع بوجهي وعيونة تفتر على ملامحي
تُـــراث – شلالي اسمعيني زين الراح يصير غصب عني صدكيني بس مابيدي شي .
– شراح يصير ؟
– الشي الي جابوج علمودة .
يتبع ..
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.