رواية تراث النهروان – الفصل السادس
بــارون – شكرًا لاهتمامك هُمام .
– تحجي صدك انتَ ؟ بعلي لو ادري هيجي يصير فلا اخليها تنزل من الكوستر .
– حقك ، بس ليش هلكد مهتم ؟
باوعلة هُمام ورث جكارة جديدة ورجع روحة على القنفة
– مو شسمة اني وياها زملاء وهاي .
– بس ابراهيم ومصطفى وعبد الرحمن هم زملائها واقدم منك ليش ما أجو؟
– مو شسمة اني ما اخليهم واني يعني هم عدهم دروس .
– وانتَ هم عندك .
– اي بس شسمة هي زميلتنه وهي ماتستاهل الصار وهم احنه كلنه جنه وياها واختفت هم نتحمل ذنب .
اباوعلة يحجي ويتجنب يباوع بعيون بـــارون انلكط والله
بــارون – لا هُمام لا تحمل نفسك ذنب هذا امر الله ولا اعتراض عليَ
يمكن حتى لو مارايحة هم يصير هيج ونلوم نفسنة ونكول لو رايحة ماصار هيج .
هُمام – الله يرجعها بالسلامة .
كالها وترخص وراح باوعت على بــارون وكمت
– يلة واني هم اروح ، بــارون دير بالك على نفسك واني هم اجيك لا تخاف بس ادعيلها .
– ان شاء الله .
طلعت من يمة ورجعت للبيت ما حجيت شي لماما لا تخاف وماتخليني اروح وياهم بعد
ثاني يوم داومت بروح خاوية كل تفكيري يمها تلكوني الولد
مصطفى – بشري ؟
ابراهيم – عرفتوا شي جديد ؟
غيد – لا بس الي كالوا هي مخطوفة وهاي المعلومة اكيد نعرفها من اول ما نزلوها من السيارة .
عبد الرحمن – ما عرفتوا موقعها شي ؟
– لا .
نسرين – اوي سودة عليّ اكيد هسة هي خايفة وحدها ومحد يمها .
مصطفى – نسرين انتِ هم مادري شبيج البنية مخطوفة شتردين يلعبون وياها دُعبل ؟
عبد الرحمن – شبيك انهديت بيها ؟
اعتذر مصطفى منها وراح
نسرين – عبود شبيك حبيب اكيد اعصابة تلفنه وخايف عليها معذور والله .
ابراهيم – انسوا ، غيد بــارون هم رحتيلة ؟
– اي والله داروحلة وتعبان حيل انوب كوة يمشي على العكازة
خايفة عليّ محد يمة بالبيت ومن يظل وحدة يظل لو يبجي لو يصلي يحتاج احد يمة
لو ماما تقبل جا ظليت بس ما ترضى لان وحدي .
– ليش ما يجيب اطراف ؟
– شنو من اطراف ؟
– مال رجل شبيج هو بس جف رجلة يعني اذا نجيبلة يكدر يمشي بدون عكازة .
صفنت عليهم وهم كلهم بادلوني النظرات
عبد الرحمن – نجيبلة ؟
غيد – بس شلون هو ميقبل احد يعطف عليّ .
– مو بكيفة .
ابراهيم – من نخلص المحاضرات اليوم نجتمع هنا ونروحلة للبيت .
بعدنه نسولف طبك هُمام سيارتة ونزل منها
هُمام – صباح الخير .
– صباح النور .
– شتسوون ؟
عبد الرحمن – نتفق ناخذ بــارون نسويلة اطراف حتى يكدر يمشي .
– خير ان شاء الله خطوة حلوة واني وياكم .
غيد – بس هو ميقبل خاف يزعل علينه عباله نشفق عليّ .
– بس احنة انريد انساعدة ؟
– اعرف مراح يفكر هيج .
– لا تخافين احنه انقنعه .
هزيت راسي واتفرقنه رحنه كلمن للقاعة مالته دخلت وطول المحاضرات اني صافنة افكر بيها
وكلساعة ينهني استاذ وارجع اركز وياهم بس خلصت طلعت اركض من الكلية لكيتهم واكفين يم باب الكلية
غيد – منو ومنو يروح .
مصطفى – اروح .
ابراهيم – اروح .
هٌمام – عبد الرحمن ؟؟
عبد الرحمن – اذا غيد تروح اني ما اروح .
باوعنه مستغربين كلنه عليّ
غيد – شنووو ؟
– السيارة مراح تكفينة وراح نضظر ننحصر هُمام يسوق ومصطفى يمة واحنه نكعد ورا اكيد ما نكدر ننحصر كلنه ورا .
ابتسمت بهدوء والولد ابتسموا ضربة مصطفى على علباتة – طايح الحظ .
غيد – اني اروح وياهم لان بــارون اقرب الي منهم يكدر يتقبل مني .
عبد الرحمن – تمام روحي وياهم وغير يوم انروح بس اني والولد لبيتة نشوفة .
– ماشي .
سلمنة عليّ وطلعنة اخذنة لبيت بــارون
دكينة الباب وانتظرنة يفتحه النة ، ضلينة ندك بيها محد فتحها
باوعنة بخوف واحد على الثاني
هُمام – بــااااارون بـــارون موجوددد ؟؟؟؟؟؟
جرينة نفس من اجانة صوتة
– اجيت .
مصطفى – زربـ*ـي العافية .
فتح النة الباب عيونة حمر وشعرة مهوس مبين جان نايم
سلمنة عليّ وطبينة
كعدنة يمهم وهو يباوع على الولد ويباوع عليّ ويرجع يدنك
ابراهيم – بــارون اجيناك بموضوع وياريت ما تفهمة غلط .
باوع بأستغراب وهز راسة
– خير ان شاء الله ، كول.
هُمام – بــارون انتَ تعرف شمشمون مخطوفة ولازم احد يضل يمشي ويروح ويرد حتى يكدر يدور عليها
وانتَ يومية تروح للمركز وترجع ووو..
بــارون – هُمام انطيني الزبدة بدون لف ودروان .
– راح تروح ويانة نسويلك اطراف ولا تعترض .
– ياااهوو عااتب عليكم ؟؟؟ مااريد من احد اني .
– موو من احددددد احنه انريد انسويلك وناخذهن منك عود لا عبالك
وهٌمام لا تعاند مروتك لخاطر نــهروان علمودك انتَ هم حتى تكدر ادور عليها
ومن تلكاها تركضها وتحضنها وترتاح بــارون لا تعاند بروح الحسين .
سكت بــارون بس احسة انحرج حيل من عدنة كاموا الولد كلهم كعدوا يم رجلية راد يكوهم ما قبلوا
مصطفى – اخوية انتَ على راسي والله بس لخاطر شمشون اسمع من عدنة اقسم بالله ما نسوي هيج عود مكسور خاطرنة لو شي بس علمودك انتَ .
ابراهيم – الشغله هاي امر رب العالمين مابيها احراج ولا خوف ولا خجل
الحمدلله رب العالمين اخذ رجلك وانطاك ابدالها بنية تسوة الدنيا كلها
ما تكدر تسوي هيجي شغله لخاطرها ؟
دنك راسة يمسح دموعة كاموا كلهم حضنوا انقهرت وكمت طلعت بره ما اريدة يتقيد بوجودي
وكفت بالحديقة ابجي وامسح بدموعي واتذكر لمن اطب للبيت وتطلع تتلكاني
– ااخ يا نــهروان شحالج هسة ؟
ضليت ابجي وافرك بمكان كلبي احسة يوجعني وشي نايم على صدري
فتحت تلفوني اتصلت على ماما
– الو ماما .
– ها ماما غيد شبيج ؟ تبجينن !!
– ماما اني بيت بــارون وزملائي يمي بس ارجع احجيلج بس اني طالعه وياهم .
– تمام ماما ديري بالج على نفسج وطمنيني لا تخلين كلبي يمج .
– صار حبيبتي .
سديته من امي مسحت عيوني وضليت واكفة بالحديقة
شوية وسمعت صوتهم يطلعون
طلعوا كلهم عيونهم حمر والقهر مبين على ملامح وجهم
طلعت وياهم صعدنه كلنه بالسيارة
صعد ابراهيم ردت اصعد اني جرني بــارون
– اني اكعد بالنص اكعدي يم الجامة انتِ .
هزيت راسي وخرت صعد هو وصعدت بصفة اني
حرك هٌمام السيارة ونزلنه كدام دكتور اختصاص اقدام وهيجي شغلات
نزلنه كلنه وصلنة للغرفه مالتة طلع هُمام حاجز
من دخلنة سلمنة وهو اخذ بــارون وضل يقيس وماعرف شنو يسوي
اخر شي كال
– تجون باجر ان شاء الله تكون جاهزة .
اتشكرنة منه وطلعنه
رجعنة للبيت كعدوا كلهم بالهول يم بــارون
غيد – بــارون اسويلكم جاي ؟
– سوي سوي .
كمت سويتلهم جاي انطيتهم ورجعت للمطبخ سويتله اكل بسرعة بسرعة وهم يسولفون اصلا ما يدرون بية سويته وحطيته على الطباخ
بس كملت طلعت كعدت يمهم من شافوني كاموا
هٌمام – يلة احنه انروح ان شاء الله باجر بس يخلص الدوام احنه يمك .
– رحمالله والديكم ما قصرتوا .
– اخونه انتَ لا تحجي هيج .
سلموا عليّ وطلعوا ظليت اخر شي وكفت يمة اعدل بحجابي
غيد – بــارون سويتلك اكل على الطباخ اكل لا تظل بدون اكل عفية .
– الله كريم .
باوعتله بأخر نظرة ودعته وطلعت
لكيتهم متانيني برة
مصطفى – يلة اصعدييي .
صعدت وصحت
– شبيكك .
– نمتي .
– ترى هنه دقيقتين .
حرك هُمام السيارة نزلني كبال بيتنة ودعتهم وطبيت لبيتنة
اتلكتني ماما ومريم سألني وكتلهن شسوينة فرحن وكالن احسن شي نسوي
طبعا ماما ومريم لحد هسة ما كتلهم منو الي خطف شمشمون
طبيت لغرفتي ومثل كل ليلة لبست الأزار وظليت اصلي وادعي لـ نــهروان ترجعلنة بخير وسلامة
ثاني يوم كعدت وبدلت وطبكت ملابس من البرد طلعنة اني ومريم وماما
هي راحت للدوام واحنه رحنه للكلية
وصلت للكلية سلمت عليهم وفتنه للقاعة خلص الدوام على اعصابنة
جنه ما نحس بي ابدا لان شمشون ويانة تغير الجو علينة وصوتها مالي الكلية
تنهدت وطلعت تلكوني الولد انتظرة هُمام شوية واجة
رحنه كلنه ويا
اخذنه لبيت بـــارون لكينا مبدل ومنتظرنة نزلت حتى هو يصعد
بس صعد حرك هُمام والبطريق سألهم شكد دفعوا استغربوا ليش سأل بس جابوا
طلع فلوس من جيبة ورجعه الهم خلاهم يدكون ويلطمون
هُمام – بررربك بـــارون شبيك شبيك ؟
ابراهيم – بعلي هسة اشمرة من السيارة اخلي يسوي بيهن الثانية .
بـــارون – شباب رحمالله والديكم وما قصرتوا بس اني عندي ما محتاج
بس ماجنت اريد اسويهن .
مصطفى – عود خليهم يمك من انريد منك انطينة ضمهن يلة لا اسوي بيك مثل ما كال ابراهيم .
غيد – على كيفكم ويا شبيكم اكلتوا وشربتوا .
باوعلي هُمام بالمراية وغمزلي كلبت عيوني باوعلي بـارون وابتسم بتعب
وصلنة لنفس الدكتور ظليت اني بالسيارة وهم نزلوا ويا
كلت خاف يستحي مني
ماكو ساعتين هيج وطلعوا الولد نزلت من السيارة اريد اشوفة
ابتسمت من شفت مصطفى يكمز على العكازات وبــارون يمشي ورا
مسحت دموعي ودرت وجهي صعدت بالسيارة وسديت الباب
سودة عليّ شمشمون مكانج خالي تشوفين بــارونتج شلون يمشي بدون عكازات ومبين مكيف بس فراكج مبين عليّ
صعد بالسيارة باوعتله وابتسمت واني امسح دموعي
– ها بــارون ان شاء الله مرتاح هيج ؟
– الحمدلله احسن .
ابتسمت ودرت وجهي على الجامة حتى مايشوفني
مشت سيارة هُمام هواي
بــارون – وين ماخذنة ؟
هُمام – للأمام الكاظم ، نزور ونصلي وندعي بجاء غريب كربلاء ترجعلنة نــهروان سالمة .
وصلنة الأمام الكاظم نزلنة كلنه من السيارة
بــارون – غيد ؟ تندلين تفوتين وحدج ؟ لو خاف تضيعين ؟
– لا اندل بس انطوني مكان تنتظروني بي .
اشرلي على مكان بنتظروني بي هزيت راسي وافترقنه راحوا بأتجاه تفتيش الرجال واني بجهة ثانية
عبرت التفتيش وانطوني عباية البسها
لبستها ودخلت بس دخلت نزلت دموعي تذكرت اخر مرة اجيت لهنا
جنة اني وياها ومريم ونسرين قبل الأمتحانات زورنة اقلامنة
وكعدنه نضحك وحدة تكول للثانية
نسرين – انتن ضلن ادعن تنجحن واني ادعي نتزوج اني وعبودي .
نــهروان – هههههههههههه احنة نزور اقلام وهاي تزور حلقات عابتلج .
غيد – ان شاء الله كل الـ نطلبة يبشرنة بي موسى ابن جعفر .
– اللهم امين .
مسحت عيوني وزرت وصليت صلاة الزيارة وصلاة الغروب وبس كملت طلعت
اخذت تلفوني من الأمانات واتصلت على بــارون
دلوني هم وين
رحتلهم بعد ما رجعت العباية
غيد – تقبل الله .
– منا ومنكم .
ردنه نطلع كال ابراهيم
– اكعدوا خل نتعشة فد مرة ونرجع رايح اجيبلكم لفات منا واجي .
راح يركض واحنه ندور مكان نكعد بي
بــارون – اخر مرة اجيت بيها لهنا بالعطلة جانت هي وياي وكعدنة هنا .
كالها وأشر على مكان كاعدين بي عائلة
– صح احنة بس ثلاث نفرات بس احس البيت مليان بصوتها بضحكتها بطولها .
سكت مختنك مسح عيونة وكعد بالكاع
كعدنة بصفة صافنين والهوة البارد احسة يتغلغل بداخي
غمضت عيوني واجر نفس
فتحت بسرعة من دك تلفوني ، شفتها ماما نسيت اكللها خرب
كمت من يمهم لا ترزلني ويسمعوني
بــارون – وين غيد ؟
– احاجي ماما .
– لا ترحين بعد .
– تمام .
وكفت قريب عليهم وفتحت خط اجاني صوتها يصيح
– ويننننن انتِ؟؟؟؟ السااااعة بـ٦ ونصص المغررب وانتِ مو هنااا
وحتى ما كلتيليي من طلعتييي غيددد وعلي اذاا ما رجعتيي هسة وين ما جنتي
رجعة للبيتتتت بعدد ماا الج وضلييي بمكاااانج .
غيد – على كيفج ماما على كيفج شنو ترديني اظل هنا اجدي ؟
– وينننن انتِ ؟؟؟؟
– ماما اهدي اني بالأمام الكاظم .
– صخام الصخمنييي شوداااااج ولجججج ؟
– مامااا فدوة اهديي اجيت ويا الولد مو كتلج سووا اطراف لـ بــارون واجينة هنا انزور وندعي لـ نــهروان ومن ارجع اكملج .
– بسيطة ترجعين لو لا ؟ اله اطيح حظج .
شفت مصطفى اجة بأتجاهي بلعت ريكي وكلت بأبتسامة
– تمام ماما يروحي انتِ ميخالف ادعيلج وادعي لشمشمون
الله وياج يروحي الله وياج .
سديتة بسرعة وباوعت على مصطفى
– ها صوفي ؟
– تأخرتي يلة تعاي لا تيهين اجة ابراهيم حتى ناكل ونرجع .
هزيت راسي ومشيت ويا
كعدت يمهم هُمام
– اكلي غيد .
اخذت لفة اكلت شوية منها ما اشتهي ضمينة الباقي وكمنة
رحنه للكراج صعدنة بالسيارة وانطلقنة للبيت وصلنة هُمام كلمن لبيته وراح
طبيت للبيت امشي على كيف بس اكيد ما اخلص
ماما – لوووو بااايتة فدددد مررررة ليش اجيتيي ؟؟
– ماما يعني تحجين صدك ؟ غير اصدقائي عدهم مشكلة ولازم اظل ويااهم شلون اعوفهم بهيجي مصيبة ؟
– مصيبة اذا ما تثبتين بالبيت
تردين تحركين كلبي عليج ؟ غيد اذا صارلج شي والكاظم ما انتظر تطلع دورية اتدور عليج انجلط بمكاني وامووت .
حضنتها وبتسها
– اسم الله عليج يروحي بس ماما والله ماكدر اظل كاعدة وساكتة
دا اروح اساعدهم وتدرين خطية بــارون وحدة بالبيت واذا يظل وحدة ياكلة القهر عليها ويموت ومحد يدري بي
دانروح اني والولد نسولف ويا واسويلة اكل حتى يكدر ينسة شوية .
– ماما ظلتج يمي مايصير كلهم ولد شنو روحتج وياهم ؟
– خلص بعد ما اروح وحدي اخذج وياي .
– استغفر الله ماما ناس غربة مايصير مايصير خالة ولد عم بنية احنة .
– بس هم يحبونة ماما من زمان هم قريبين علينة ومستحيل نعوفهم بأصعب اوقاتهم .
سكتت بس ماراضية
تنهدت وفتت للغرفه لكيت مريم مسدوحة بالهول عبرتها وطبيت للغرفة وسديت الباب وتمددت بفراشي اتدفى
وصفنت
– ياترى هسة شمشمون بردانة ؟ جوعانة ؟ زين من تبجي اكو احد يسكتها لو يعوفها تبجي لحد ما تتعب وتنام مثل من جانت صغيرة .
نــهروان قوية ولسان بس بسبب اهتمام بــارون بيها وخوفة المبالغ بيها
صارت تسوي شغلات حتى كلها تهتم بيها واحنه ندري بيها حتى لو تنجرح جرح صغير
ننخبص عليها حتى تعرف احنة نخاف عليها ونحبها وهي تفرح من نسوي هيج
” شمشون ”
رجعت ليورة على كيفي لا يشوفوني ويا رجعتي انلطمت بشخص
حطيت ايدي على حلكي من شفت بـرهوم
مد راسة من الحايط الجنت اباوع منة خزرني بسرعة وسحبني من ايدي
ردت اصيح حط ايدة على حلكي وسحلني للغرفه
دفعني بيها وقفل الباب
فتحت عيوني وزحفت ليورة
– لـ ليش قفلت البااب .
بـرهوم – عقلججج بيي شي؟؟؟ انتِ صااحية ؟ تردين تمووتين ؟؟
– اريددد اطلععع مناااا .
راد يحجي اندكت الباب جرني كومني بسرعة كعدني على الجرباية وركض فتح الباب
جر نفس من شاف تُـــــراث دخل تُــراث وهمس بعصبية
– صوتك وين واصل ؟
بـرهوم – تريدد تطلع!!
باوعلي وخزرني ، جرني من ايدي بسرعة ونتر
– انتِ تردين تموتين بس متعرفين شلون؟
– اريد اطلع منا .
ضحك بأستهزاء ودفعني
– ههه تطلعين ؟؟ ههههههههههههههههههههههههه تريدد تطلع!!
بلعت ريكي بخوف من شفته يضحك بلعوا صوتة
شال الكرسي الموجود وركعه بالكاع
أشر على نفسة وعلى بـرهوم
– ووولججج زلمم مشوووووربة مااتكدرر تطلع مناا شتحجيننن انتِ ؟؟؟؟؟؟
– انييييي مخطووووفة انتوا بأرداااتكم هناااا .
– ياا أرااادة هاااي ؟ هااا يا أردااية ؟ ولج اخخ .
عض اصبعة حيل وضرب الحايط بوكس
كمت ابلعم من الخوف وارجف وهو يرجف من العصبية
بعدة يريد يصيح وانفتحت الباب
دخل العُثمان باوع عليهم ورفع تك حاجب عدلوا وكفتهم وهو باوعلي
-او شبيج نــهروان ؟
– امشي اطلع من وجهي الله ياخذك .
ضحك بصوت وتقرب عليّ بلعت ريكي ورجعت ليورة
– شبيك شبيكك شكوو .
باوعت عليهم اطلب منهم يساعدوني دار وجهه بـرهوم وتُــراث عيونة صارن دم
دار وجهه ما يباوعلي باوعت على هذا المطي الواكف كدامي
نــهروان – وداعت بــارون لو تقربت مني وروح ابوية اندمك .
– ندمينييي اني اريدج تندميني .
فتحت عيوني وصحت
– باااع الصلاااافة .
ضحك بعلوا صوتة متونس تقرب جرني من ايدي راد يحضني
دفرتة على رجلة وصرخت
– حيوووووااان سااااااقط .
– دثبتيييييي .
ظليت اتماطل ويا وهو شكبرة ولا جن رجال جبير جسمة تكول ملاكم ولابس قاط والله اني العجوز مو هو
من كد ما ظليت اصدة صاح متنرفز
حط ادية اثنينهن على ركبتي وخنكني
شهكت وضليت ادفع بي بس ما يندفع
راحت عيوني عليهم يباوعولي وعيونهم تطلع شرار راد يجي تُـــراث ولزمة بــرهوم وخزرة وهز راسة بـ لا
حسيت خلص راح اموت انتهيت بين ادية بس ماعرف من اجتني هاي القوة
صرخت ودفرتة بين رجلية هدني ورجع ليورة حط ايدة بين رجلية ويصيح بوجع
وكعت بالكاع اشهك وافرك بركبتي واتنفس بسرعة
– الله ياخذك الله ياخذك بغلل بغللل نام فوكااي .
باوعت عليهم يباوعون عليّ ونظراتهم مثل البيها فخر بس سرعان ما تحولت نظرات خوف من كام بأتجاهي
سحلني من شعري
صرخت وجريت روحي من ضربني راجدي وكعني بالكاع ودفرني على بطني حيل
عُثمان – اطلعهااااا من عيووووونج سااقطة .
كمت اجر النفس كوة واشهك لزمة تُــراث وهمس يم اذنة هز راسة وتفل عليّ وطلع
سد بـرهوم الباب ورا واجوي بأتجاهي رادو يكوموني دفعتهم وصرخت
– عووفونييي الله لا يوفقكم ولا يخليكم الله يسوي بيكم الأكثرررر منيي
نااقصين غيررررة نااقصين شرررف كداامكم يضرربني ومحد بيكم يتحرررك الله ينتقم منكم .
بـرهوم – هو احنة شضال بينة وتعدين علينة ؟
تُــراث – دعوفها لا تركعك بدعوة تكلبك صخل .
جرني كومني من ايدي وكعدي على الجرباية مددت على الجرباية
اجر نفس وابجي واشهك
– بـــارون تعال شوف شصار بية بدونك بــارون اخذني منا .
بـرهوم – هسة وكتها تلكينة مصاحب غيرج ونساج .
– اكللل خرااا هذاا عمييي ولو تجيي الف بنية ما ينسااني هذااا ابوووية واخوووية هذاا نظر عيوني .
تُــراث – اويلي من بخت بــارون لو شوية .
– ترحولة سبع فدوواااات .
– انروحله انروحلة خلص ولا يهمج .
سكتت ابجي ودموعي تنزل واشهك ولازمة بطني وهم واكفين فوك راسي
تُــراث – اجيبلج سستر تشوفج ؟
– لا .
تُـــراث – سباعية .
باوعتلي جان يباوعلي بنظرات ماعرفت شنو قصدة بيها
– شنو قصدك ؟
– حركاتج ودفاعدج عن نفسج .
– شنسوي لو الغيرة تنباع جان اشتريتلكم .
ابتسم بأستهزاء ودار وجهة
طلع بـرهوم وهو ضل واكف فوك راسي مد ايدة يمسح على راسي
دفعت ايدة وصحت
– وخررر .
رجع ايدة يمسح بيها على راسي بهدوء شهكت ابجي وباوعتلة
– وخرر .
– شبيج شلالي شكد نفسية .
– نفسية ؟؟؟ ردتتت اموووت ومحد تحررك منكم ؟
– حتى يكتلونه فوكاج عاد واحد يموت مو كلهم .
دفعت ايدة عني وراد يرجعها
دفرته على بطنة صاح وكرص رجلي
– حيوانة .
– وليي عن وجهيييي .
هز راسة وكام راد يطلع برة باوعلي وغمز ودار وجهة وطلع
هزيت ايدي ودرت وجهي عن الباب
رفعت التشيرت من جهة بطني شهكت من شفتها صايرة حمرة من أثر الضربة
– الله لا يوفقك كسر برجلك ان شاء الله .
ضليت لليل نايمة بمكاني وصافنة ساعة ابجي ساعة اصفن
ساعة اضل افكر شلون اشرد بس ادري ما اكدر اشرد منا
باوعت على الساعة بـ٩ بليل
جريت نفس بتعب وضليت صافنة على الباب من حسيت بخيال يفتر يم الباب
وماخاب ظني
انفتحت الباب ودخل نفس السمين الراد يعتدي عليّ شهكت وطفرت بسرعة
بعددني ما استوعبت الصدمة ودخل واحد ورا انكس منه
حطيت ايدي على حلكي وهم قفلوا الباب ودخلوا اثنيهم يتطوطحون!!!
يتبع ..
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.