رواية تراث النهروان – الفصل الثامن
غيد – شبيكم ؟؟ شصااير ؟
مصطفى – ماكو شي غيد .
عرفت مايردون يحجولي سكتت وردت امشي وكفني هُمام
– لاا ليش خليها تعاي غيد .
رجعت وكفت يمهم اباوع عليهم ومستغربة
ابراهيم – اجو خطابة على نسرين واهلها يردون يزوجوها وهي ترفض وطلبت منه يتقدم الها حتى يسدون موضوع هذولاك الناس
وهذا مايقبل يخطب اله ترجع نــهروان .
باوعت على عبد الرحمن يجر نفس بعصبية ويصيح
– دنجب يله انجب وما اخطب كتلهاا انييي كتلهاا ارفضي اني ما اخطب اله ترد نــهروان بالله عيب علينه اختنه مخطوفة واحنه نروح نخطب ونحتفل ؟
غيد – عبود .
– ولجج تكليي اروح ويااك والعباس ما اروح اذا مو وياي .
– احاجيك عبود .
باوعلي ورفع أيدة ينتر
– اشش اشش اسكتي اني ونسرين حلينها مالكم دخل .
كالها ودار وجهة وراح
مصطفى – بعلي مو صاحين .
غيد – هُمام .
باوعلي وطلع جكارة ورثها وكعد على المسطبة
– احاجيك ؟
– ها غيد ها .
– شبيك ؟
– غيد .
كالها ودنك يفرك بعيونه وراسه
كعدت بصفة والولد كعدوا كدامة
مصطفى – شبيك هُمام ؟
– مكسور كلبي مصطفى .
ابراهيم – ابو الهمم كول يا الله .
باوعلي وعيونه حمر وهمس
– ماعرفتي شي عنها ؟
هزيت راسي بأي التفتوا كلهم عليّ ماكدرت ما اكللهم
هُمام – عليج الحسين ؟؟ شكو شكلولكم ؟ اني ماكدر اروح حسيت بــارون ماراضي على جياتي .
– مو ماراضي بس لان انتَ اكثر واحد مهتم بيهم .
– عوفج منهم شنو الجديد ؟
بلعت ريكي وتقربت عليهم دنكوا كلهم
غيد – لا تحجون لأحد ترى الموضوع سري تمام ؟
مصطفى – اي اي كوليي .
غــيــد – شسمه .. شمشمون مخطوفة والي خطفتها عصابة تجار اعضاء .
فتحوا عيونهم مصدومين من كلامي وهُمام حسيت عيونه راح يطلعن من الصدمه
– شتحجين انتِ ؟؟؟؟
– والله هذا كلام الضابط وطلب ما نحجي لاحد .
ابارهيم – دخيلك ياعلي لايابوفاضل لاا .
حطوا اديهم على روسهم مصدومين وخايفين
هُمام – سودة عليّ نــهروان ياابوية ياايمه .
كالها وصار يضرب على راسة
لزمه مصطفى ونتر بي وابارهيم يباوع على الطلاب
– خررب بيك لا تتسودن هُمام شبيك .
– ولك مصطفى الله يعلم بحالتها هسة شنو !
– اشش اشش اسكت لا تحجي شي اسكت .
طلع جكايرة وكام يدخن وحدة ورا الثاني عفتهم وفتت للقاعه
امسح بدموعي وينزلن مره ثانية ، دخلت للقاعة كاموا كلهم من شافوني ويسألون
جواد – غيد ؟؟ شكو شبيج ؟
ندى – صااير شي على شمشوون ؟؟؟؟؟
شهكت امسح بدموعي واهز راسي بـ لا
غيث – لعد ؟
– اني اني مختنكه عليهاا اني .
حضنتني نسرين مبرطمه
– عليج الله لا تبجين والله ترجع .
مسحت عيوني وهم ملتمين يم راسي يواسون بيه واعرف كلهم مقهورين عليها
اخذني البنات للحمامات غسلن الي وطلعنه رجعنه للقاعة
لكينه الأستاذ سمير موجود
– ها غيد ؟ خير بوية خوماكو شي ؟
– لا استاذ بس اختنكت شوية .
هز راسة مقهور وأشرلي ارجعي لمكانج
مشيت ولكيت الولد كلمن بمكانه كاعد ويباوعلي ضايجين
كعدت بمكاني
اجر حسرات ومخنوكة خلصت المحاضرات كوة عليّ وكمت اريد اطلع من الكلية اجت مريم تركض وراي وتصيح
مـريم – انتظرررينييي .
وكفتلها وكفت كدامي تعدل شالها
– انتظري لا ترحين .
– شعندج ؟
– شعندي بس اصبري خل يطلعون الولد .
– ياولد ؟؟
– اصبررررري .
ضلت واكفة وتباوع وترجع تنزل راسها رفعت تك حاجب صافنه عليها
توني اريد احاجيها طلع ابراهيم هو ومصطفى وهُمام وعبد الرحمن وياهم
التفتت باوعتلها لكيتها تباوع على ابراهيم ومبتسمه
التفتوا الولد علينة من شافونه اجوا بجهتنه باوع علينة مصطفى ودار عينه على مريم مبتسم
” نـــهـروان ”
ضليت اباوع بعيونة منتظرته يكمل كلامة وايدي على كلبي
– شنو قصدك ؟
بلع ريكة وهمس
– بعدين تعرفين ، امشي وياي هسة .
جرني من ايدي طلعني من الغرفه يسحل بية واني صافنه ماعرف شراح يصير
يمشي واحسة يريد ينفجر من العصبية
وصلنه لممر قبل لا يفوتني بالممر باوعلي واحسة يريد يبجي من القهر
سحبني حضني حيلل ولزم راسي باسة واني بس ساكته وصافنه ما ادري شراح يصير
باوعلي ومد ايدة يرجع شعري ورا اذاني ويهمس
– اني اسف على الراح يصير وياج بس وعيون بنتي مابيدي شي .
قبل لا ارد جر ايدي ومشة واني بس صافنه ماعندي الجرئة انطق شي
طبينه للممر باوعت دكاتره هواي واكفة وسسترات ويم كل دكتور واحد ملثم واكف يمهم وكلمن شايل سلاح شكبرة
بلعت ريكي بخوف وهو يمشي طبيعي ويجر بأيدي
فتح باب الغرفه ودفعني داخلها حيل ردت اوكع لوما جلبت بالسدية
رفعت راسي مصدومة اباوع عليّ بعدني ما مستوعبة الدفعه ودرت عيوني اباوع عليهم
العُثمان وبـرهوم واكفين بالغرفه ويمة بعد اثنين ملثمين واكفين
نــهروان – شتردون مني ؟
العُثمان – شفتوا ؟ كتلكم هواي تسأل تعبتني يله نامي على هاي السدية بدون صوت .
– شتريد تسويلي .
همستها بروح رايحة وخايفة
ابتسم وكف قريب مني لزم ايدي ورفعها لوجهه جريتها منه لزمها اقوة ومردها بثنين ايدة وخزرني
– بدون صوت تنامين على السدية يلة .
– ماريددددددددد .
صرخت وركضت اريد اشرد لزمني تُـــراث باوعتله مصدومه وخايفة
ضربني راجدي حيل ولوة ايدي ورا ظهري
– ماسمعتي شكالج ؟؟ تردين اكطم لساااانج ؟
بقيت اباوعله وفاتحه عيوني بصدمه وهو دنك شالني وحطني على السدية
العُثمان يباوعلة والفرحة على وجهة والفخر راح يطلع من عيونة
تُـــراث – يلههه تعاااالوا .
طبوا الدكاتره والسسترات وياهم كمت اصرخ اريد اكوم وهم يدفعون بية على السدية
نــهروان – شرااح تسوولييي يمااماا .
العُثمان – بسرعة حطولها البنج حتى ما تعبكم .
صرخت وكمت ادفر لزم ايدي تُـــراث وقيدهن وهم لزموا رجلية
باوعت بعيونة اصرخ وابجي من القهر
– ولك عووفني هدنيييييييي .
دنك على وجهي وعيونه تلمع وهمس
تُــــراث – اسكتي شلالي لا تحركين كلبي .
كلها ثواني وحسيت جسمي رخه هدوني ورجعوا ليورة
صرت اباوع بعيونهم وهم كلهم نطراتهم عليّ
رفعت ادية كوة وهمست
– الله يحرك كلبكم مثل تحركون بكلبي .
هاي اخر كلمه اتذكر كلتها قبل لا يغمى عليّ
بعد فترة طويلة احس مرورة بحلكي وخدر بجسمي كله اريد افتح عيوني بس احسهن ثكال
بلعت ريكي وفتحت عيوني على كيف ورجعت غمضتهن ضوة قوي بعيوني
رفعت ايدي حسيت شي نغزني بيها رجعتها موجوعة
فتحت عيوني اباوع بعدني بنفس الغرفه
رجعت غمضت عيوني
مرت فترة ورجعت كعدت فتحت عيوني بعدني مامستوعبة اني وين غمضت عيوني بألم لزمت بطني موتتني من الألم
لزمتها وابجي احس روحي طلعت من الألم
– يماما بطنيييي راح امووت .
انفتحت الباب ودخل تُــــراث ويا بـرهوم باوعتلهم ودرت وجهي دموعي تنزل بألم
تُـــراث – شلال شلون صرتي ؟
باوعتله ورجعت غمضت عيوني اشهك
– شسويتولي بطني توجعني .
راد يحجي بـرهوم لزم ايدة وباوعلي
– ماسوينه شي بس رادوا يتأكدون من شي .
– شنو الشي البطني يتأكدون منة ؟
– ماعرف بس لا تخافين فترة وتصيرين زينة .
– الله ياخذكم .
ضل ساكت ويباوع بعيوني مسحت دموعي ورجعت باوعت عليهم
– الله ياخذكم ويعذبكم الله يسلط عليكم المايرحمكم الله يشوفني بيكم يوم .
ردت اكمل صاح تُــــراث ولزم ايد بـرهوم
– ولك برررهوم كضة كضة .
التفت بـرهوم يباوعلة
– شنوة ؟؟
– دُعاها راح يوصل للباب .
ضحك بـرهوم وهو ابتسم درت وجهي تعبانه وراسي ويوجعني وكوة مفتحة عيوني
نــهروان – شسويتوا بية ؟
تُــراث – يابه شلزكتي كلشي ما سوينالج .
سكتت عنهم بس بطني موتتني لزمتها وبجيت
– والله بطني توجعني .
بلع ريكة تُــراث وتقرب عليّ لزم ايدي دفعتها وخزرته
– لااا تدوسني لاا تدوسني .
– وجع اريد اضربج ابره ماميت عليج .
جر ابره من على الطاولة مسحوبة شال القبق منها وجر ايدي
سحبتها وهمست بوجع
– ماريد عفية اخاف منها .
– أوي فدوة تخاف من الأبـرة .
– اي اي ماريد اخااف .
– لا تخاف ياروحي اروحلج فدوة .
اني مخلية كل تركيزي على الأبره واباوعلها بخوف وهو لازم ايدي يمسح عليها بأصبعه ويحجي
– ماريد لا تضربني .
– لا ما اضربج .
تُـــراث – لج هاي بالكانونه .
– ياكانونه ماريد .
– لا شوفي مو حتى يروح الوجع .
– وجع بكلبك .
– ميخالف .
فتح قبق الكانونه وشد الأبرة بدالة
– راح توجعج شوية عادي مو ؟
– لا .
– خوش طبج مرض .
لزمها وصار يدفع الدوة حيل صرخت ولزمت بطني اوجعتني من صرخت
– لك لااااا شبيككك شبيككك مسوودن انتَ ؟؟؟ ماتحسسس ماتحسسسس ؟؟؟
– مطييي وماا احسس ؟؟ اني شعلية شعندي احس انتِ جاي تنضربين .
– ولك موتتنييي شبيك انجلبتتت .
لزم شفتي مردها بأيدة وخزرني
– بعلي اشلعها .
دفعت ايدة وهمست
– وخررر مابية حيل اصيح بطني توجعني .
باوعلي وجر حسرة
نزل ايدة ورجع يضرب الأبرة ويمسح على ايدي حتى يمشي العلاج
بـرهوم – تُـــراث اني رايح .
– انتظر اجي وياك .
ضل واكف بس كمل نزل ايدي وطلع ورا
ضليت لازمة بطني توجعني ماعرف شبيها وخرت الغطه ورفعت التشيرت
جانت بطني ملفوفة شهكت ورجعت نزلته
– مسويلي عملية ؟ يماما شمسوين بطني .
ضليت حاطة ايدي عليها ودموعي تنزل بوجع ، ضليت ماعرف شكد لحد ما رجعت نمت
ورا فترة كعدت على نغزات بأيدي فتحت عيوني على كيف اباوع اني وين
لكيت روحي بعدني بنفس الغرفه درت عيوني على أيدي لكيت اللبنية نفسها الطبت مرة للغرفه هي وحدة وياها لازمة ايدي وتضربني بيها ابرة
بلعت ريكي وردت اجرها خزرتني ورجعت جرتها تكمل الأبره
انفتحت الباب ودخل تُــراث يقره القصيدة ويهز بركبته خفيف
– جـف الـمـاتـن والـتـبـوس جــذاب الـيـحـجـيـهـا
راس يــقـلـعـه وراس يـدوس عــبـاس مـسـويـهـا
بـيـدة تـلـوك وتـحـلـى الـرايـة تـسـأل يــاهـو الــدك الـثـايـة
عــباس مـسـويــهـا عـبـاس مـسـويـهـا .
باوعتله البنية تضحك كملت الأبرة حطتها على الطاولة وارتاجت
– هاا تُـــراث ؟
– ها بربوـ*ـك ؟
ضحكت ضحكه عالية وغمزلته
– شهل جمال .
تقربت وكفت يمه وتتلمس بي وهو يباوعلها بقرف دفعها عنه ورفع اصبعه يأشر عليها من فوك لجوة
تُـــراث – اكصة وأذبة للجلاب وما احطة بيج .
فتحت عيوني ودرت وجهي بسرعة وهي فتحت عيونها تباوعلة ومن الفشله وجها صار اصفر
– شبيك !
– دمشي لج لا تخليني افشر كوة لازم الساني .
باوعتلي ورجعت باوعتله فتحت الباب وطلعت وركعتها حيل
غمض عيونة متنرفز
– اتنرفز من الصوت عالي .
كالها بينه وبين نفسة ورجع فتح عيونة يسوي روحة طبيعي
وكف يمي يباوعلي
– يلة كومي خلص وقتج .
– وين اولي ؟
– نرجع للغرفه يله .
– شمسويلي ؟ ليش احس بطني مشكوكة ؟
– هي اصلاً مشكوكة يلة كومي .
– شكيتوا بطني ؟
– اي ، وبعد كم يوم يشكوج كلج .
– يماما .
ضحك بصوت ورفع يدة على وجهة
– بعلي حبيتها هاي الـ يماما .
– وين حتاخذني ؟
– نرجع للغرفه ترى شكينه بطنج ما سوينه بيج زهايمر ؟
دنك عليّ حط ايدة ورا ظهري وكعدني صرخت موجوعة ورجعت ظهري على السدية
– ماكدر عفية حموت والله .
– ما تموتين كومي .
رجع كعدني غمضت عيوني وكمت كوة
نزلني من السدية ولزمني
تُــراث – جا شلتج بس بطنج تنعقج وتوجعج .
حط ايدة وحدة على خصري والثانية لزم ايدي بيها
فتح الباب وطلعني من الغرفه
وكف كدامي لزمني من ادية ويمشيني ويغني ويضحك
– تاتي تواتي ، تاتي تواتي
– بحبك اني حيران بليل ابقة سهران
– مل مني حتى الجيران يبجن عليّ جاراتي
– تاتي تواتي تاتي تواتي
– شايف الوردة خطية من تضل بلايا ماي
– هيجي انا بدونك اذبل لو عفتني يا هواي .
عضيت شفتي موجوعة وهو يغني ويمّشي بية والله بي رفسة هسة بس ماكدر اتحرك بطني توجعني
تُــراث – بحضاني يامة شلتك اني بدية كبرتك
عيونك حبيبي وشفتك جانت كبل مالاتي .
– والعبااس اذا ما تسكت هسة اعضك .
– اوووف شرسة .
باوعتله بقهر شمسوية والله دزك عليّ
درت وجهي منه طببني للغرفه وسد الباب كعدني على الجرباية وخلاني انام عليها
تُـــراث – ها ؟ هسة تمام ؟
– دوخر كبر .
– اااه هاي تغلطين ؟
– حركت كلبي .
– هسه اتفل عليّ ويطفي .
– عيعع .
درت وجهي عنه وهو طك اصبع يمي وصاح
– هيوو رايح اجيبلج اكل واجي خوش ؟
هزيت راسي بأي وهو طلع
ضليت صافنه شسوولي بس اريد اعرف ليش شكو بطني ؟
خاف زرعوا بيها شي ؟
معقولة يردون يسووني انتحارية؟
ضليت اصفن وكلساعه يجي بالي شي
– بس هم مو دو١عش لان لحيتهم مو طويلة وما يحجون فصحه
لعد هذولة مو دو١عش وهيجي يسوون كبر لفهم والله ياخذهم .
ضليت صافنه وكلساعة افكر بشي وادعي عليهم
انفتح الباب وطب هم يقره القصيده وشايل صينية بيها لفات
– يـطـبـك كــل اثـنـيـن بـجـفـة كــايـم كــاعـد
حـاضـر غــايــب وحــدة بـجـفـة وهـاي بـجـفـة
بـنـظـره وخــزرة يــهـاب الـنـاظـر .
نــهروان – أمنيتي صارت تفوت بدون ما تقره شي .
ضحك وغمني
– هي هاي اقصه أمنياتج لعد شكد تافه ؟
– مو أني تافهة بس انتَ لحوح .
– ااه عجبتني مال لحوح عيدها .
– لحووح .
– الله اعد .
– انجب .
– الله يطيح حظج .
كعد كدامي وحط الصينية وكف كدامي ودنك عليّ ضربته على صدرة
– شكوووو شكووو ؟؟
– وجعة بحلكج حتى تسكتين ، اريد اكومج تتزقنبين ماتردين ؟
– اني اكوم وخر .
– يله يله واذا ما كمتي اكتلج .
وخرت الغطة وحطيت ايدي سندت روحي وكعدت عدل بس المخدة ماكدرت اعدلها
– يله عدل المخدة .
– مو تكدرين ؟ يله سويها .
باوعتله بزعل ودرت وجهي
– تررى اكدرر اكعد بس مالوح المخدة .
– الوح لو اجي ؟
هزيت ايدي وهو عدل المخدة رجعت ظهري على المخدة وكلت
– نفس تفاهة هُمام .
رفع تك حاجب ورجع ظهرة على الكرسي
– منو هذا هُمام ؟
– زميلي .
– زمالج ؟
– زميلييي .
كلتها وخزرته رفع تك حاجب وكرصني من ايدي
– اطفيهن والله .
– اي اي دوخر يلة .
– ولج احجي عدل لا بعلي اجيبلج راس هذا هُمامج .
– هُماام شعلية ؟؟ شبيك انتَ ؟؟
– اشش اشش اسكتي يله اسكتي .
سكتت اباوعلة صفح مد ايدة دار وجهي عنه ونتر
– بعلي افكسهن .
اكلت اللفة ورجعت الصينية يمه اخذها وجر اللفة الثانية ياكل بيها
كال وهو غاص باللفة
– بالله اسألج سؤال عادي ؟
– شنوة ؟
– يعني تجاوبيني بصراحة ؟؟
– حسب .
– ها غصبًا عليج تجاوبين ؟؟ لا عيب لا تحجين هيج على نفسج بكيفج شتردين تجاوبين جاوبي .
رفعت حواجبي بصدمة شلون يحور كلامي
– ترى ما كلت غصبًا عليّ اجاوب كلت حسبب .
– اعرف غصبّا عليج هسة خليني اسأل .
جريت نفس بقلة صبر دخيلك ربي هذا الدقيقه يمه عبالك عمر بالشماعية
– ايي دسأل يلة فضني .
– اي باعي اكلج هاي عيونج وراثة ؟
– شنوو ؟؟
– لون عيونج ؟ وراثة لو طفرة .
– لا ماما وبابا اثنينهم عيونهم ملونات وطلعنه عليهم اني وسيوفي .
– ااه سيوفي هذا منو ؟
– اخوية الصغير .
كلتها وغطيت وجهي ابجي واشهك وهو ضل فاتح عيونة مصدوم
– لك لك دبااع توج جنتي ساكته هاي منين اجتي الدموع .
مسحت دموعي وباوعت عليّ
– والله هسة تلكاه يبجي عليّ .
– سودة علية .
– اريد اروح احضنة شتاقيتله .
– جعلني سيوفي .
مسحت عيوني ودموعي ترجع تنزل
– هو وبـارون اكثر اثنين عزيزين عليّ تدري والله بس انجرح جرح لو صغيروني بــارون يخبص الدنيا عليّ واني مرات حتلوا العورة صغيرونه اضل ابجي لحد ما هو يسكتني بس حتى اشوفة يحبني وابزعة الح الح بس هو ما يمل يضل يهتم بية .
– اويلي اريد منة .
– ماكو هو بس واحد واخذته اني .
– بختتت .
ضحكت بنص دموعي
– شبيك حطيت عينك عليّ .
ابتسم وباوع بعيوني وعيونه تفتر على ملامح وجهي
سكت من سمع صوت مشي كام بسرعة وشال الصينية
انفتح الباب دخل العُثمان ويا زلم اثنين ملثمين من شاف تُــراث بالغرفه اشرلهم وهم طلعوا
العُثمان – السبع هنا ؟
– اي جبتلها زقنبوت تاكل كامت تلطم اليكول بس هي مسوية عملية .
– لاااه السبع ما اسمحلك تحجي وياها هيج اريدك تلزم اعصابك وياها
ادري بيك ما تتحمل المرة ولسانها بس هاي تختلف هاي تخصني .
– تدلل .
– فدوة يرحولك الواكفين برة .
كالها وطبطب على ظهرة وهو ابتسم ويباوعلة
تقرب العُثمان وكف كدامي درت وجهي على تُـــراث يدير وجهة مايباوع بجهي
باوعت على العُثمان وخزرته ابتسم ومد ايدة لزم وجهي
– شووف شلون حلوة وناعمة تعجبني هيج بنات
صح صلفه ولسانها طويل بس تستاهل .
دفعت ايدة عني وصحت
– وخرر جلببب ابن الجلبب ايدك النكسة لا تطخني بيهااا .
– شفت كتلك لسانها طويل .
لزم شفتي مردها حيل وعصر وجهي بأيدة ويخزر بية
– لسانج حتى لا تخليني اكصة وابلعة الج .
دفعت ايدة عن وجهي ونترت
– والعباس ابو فااضل اذاا ما ندمتك عتبني .
– هههههههههههههههههههههههه شووف تنطي حماس مو مثل البقية بس يبجن ما استمتع وياهن .
– وخرر ايدك لا تدوسنييي ياااجلب يامجلووب حوبتي وحوبت الجهاال وكل بنية صار بيهاا مثلي عساها تطلع بيك وبعافيتك وبأغلى شي عنددددك .
باوعلي تُـــراث بنظرات مثل اليكول ليش حجيتي هيج وكف قريب العُثمان والعُثمان خزرني بسرعة وشال ايدة حطها على بطني وعصرها حيل
روحي شاغت كمت اصرخ وادفع بأيدة وهو فاتح عيونة خازرني ويصيح
– ولج اشلعع كلبجج واحطة بأيدج والله اندمج والله لسااااانج الزززميي .
لزمت ايده ادفعها عن بطني واصرخ وابجي
– بطنيييييي ولك حيووووان وخرررررر الله يااخذك .
– لسااااااااااانج!!!!
كمت ابجي واصرخ وهو يضغط وخازرني وتُـــراث عيونه صارن دم
يريد يلزم العُثمان ويتراجع لحد ما جرة عني خزره العُثمان وهو كال
– لا تغلط هيجي غلط لا تموت خليها علما تصير زينة حتى تاخذ التريدة منها .
باوعلي وطلع يمشي بسرعة وهم طلعوا ورا
ضليت لازمة بطني واشهك وبطني موتتني سد الباب وراهم وركض وكف يمي
رفع التشيرت دفعت ايدة ابجي بصووت
– وخرررر عنييييي وخررررررر .
– بسس اوكفييييي اشووف جرحج .
– ولك وخرر وخرر تعبتني وخرر .
– شلالي بس اصبري اشوف جرحج لا تعاندين .
– الله ينتقم منكم .
كلتها وشهكت ابجي بوجع
وخرت ادية رفع التشيرت بس طلع الجرح شاف الدم طالع من جوة الشاش
ركض للكنتور طلع علبة شفاف جبيرة وبيها شغلات هواي
فتحها وحطها بصفه
مد ايدة على بطني باوعلي وميل راسه
– تحملي بس شوية .
– والله راح اموت .
– اسم الله عليج شلالي .
عضيت التشيرت بقوة من شال الشاش من فوك بطني صرخت موجوعة وابجي بصوت
شمرة بصفه ودنك جر كطن وصار يحطلة الديتول ويرشر شي ابيض عليها
حط الكطن بسرعة فوكاهن وجر الشاش يكص ويحطها فوك بطني ورد جاب باندج ولف على بطني
تُـــراث – خلصت يابطلة خلصت .
رجعت راسي على المخدة وكلت بصوت واني ابجي
– ااااهه بـــارون وينك عني وين عفتنيي .
– خلصنة .
– خلص عمرك .
– اني شعلية ؟
– اسكت اسكت والله مابية حيل ارد عليك عوفني .
سكت ورجع كلشي لمكانه غسل ايدة ورجع كعد على الكرسي يمي
نــهروان – راح تموتوني .
– ما تموتين .
– تعبت .
– تحملي .
جريت نفس والشكهة مجلبة بية
– اسم الله اسم الله .
– انجب .
– صار .
درت وجهي عنة وعيوني صارن يحركني من كد ما امسح بيهن
تًــــراث – شلالي .
– اسكت .
– ااه .
– اسكت لا تحاجيني اروحلك فدوة اسكت عني والله مابية احجي .
– صار صار .
انفتح الباب ودخل بـرهوم باوع علينة مستغرب
– شصاير هنا ؟
تُـــراث – سوالف عُثمان ماتعرفها ؟ كلي شبيك شصاير ؟
– انطاني مهلة اسبوع .
– تشااقة ؟
– وعلي يكول اكو ناس مبلغين عليهم واذا ضلوا ساكتين تنكلب ضدنه .
– لا يالله .
كام بسرعة يفتر بالغرفه وجر نفس بقوة
– شسوي كلي ؟ ماخليت طريقه ما سويتها شسوي كلي ؟
واذا لزموهم اضيع أثرهاا !!
بـرهوم – والله مادري شكلك بس حاول بهذا الأسبوع تلكه حل اني جاي احاول بأدية ورجلية يشهد الله .
– ادري ادري .
بلع ريكة وطلع جكاير يدخن واني صافنه عليهم
ضل بـرهوم يسولف ويا ويهدئ بي وطلع
باوعتله وابتسمت بتشفي
– الله ما يضرب بحجار .
باوعلي ورفع تك حاجب
– لعد اصحاب الفيل بيمن ضربهم بنعال ؟
نــهروان – داس عليك الفيل كون .
– شلون راح اجي ادوس راسج .
– كبر .
– هي بس بهاي فالحه بس لسان خل اجي يمج تصيرين جنج دودة .
– خوش خوش .
درت وجهي عنة وهو ضل يفتر وساعة يخابر ويحجي بغير لهجة
ميزتها هاي أيرانية لان سامعتها من نروح للزيارات ويحجون هناك
بس ماعرف شنو يحجي
بس خلص رجعه بجيبة وباوعلي باوعتله وكلت
– ماكو داعي تحجي بغير لهجة حتى ما افتهم .
– وافتهمتي ؟
– لا !
– وهذا المطلوب .
سكتت عنه وهو طلع بسرعة ضليت اني نايمة بمكاني وافكر بسيف وبـــارون وغيد
وابو الصوف ! وعبودي وهُمام زميلي الجميل ههههههه
ضحكت من تذكرت لقائنه
هسة هم يدورون عليّ ؟ خايفين عليّ ؟ لو كملوا حياتهم عادي ما اهتمولي ؟
بـــارون اخ يا بـــارون ميته على شوفته اشتاقيتله والله لو يشوف حالتي والي أني بي
يكلب الدنيا فوك روسهم
– بـــارون انتَ الي لو انجرح جرح صغير تخبص الدنيا لو تشوف شمسوين بية شيصير بيك .
ضليت ساعة ابجي ساعة اصفن
لحد اليل طب تُــــراث مبين تعابن من وجهة شال علاكة حطها بحضني
– تأخرت عليج هاج اكلي هذني .
اخذتهن من عنده كعد بالكاع هو وحدة رجع راسة الحايط ومغمض عيونة يجر نفس بتعب
فتحت العلاكة طلعت لفه منها كمت اكل واشرب مي جايب بطلين
نــهروان – هو انتَ جايب جايب دجيب ببسي شجاك مليت من المي .
فتح عيونة باوعلي حسيته يكول صدك تحجين ؟
ضحك بتعب ودنك راسة
تُـــراث – بعلي انتِ مو صاحية اكلي واسكتي .
ضليت اكل وخانسة ماطلعت صوت كملت وهو ضل كاعد بمكانة
شوية وكام وكف كدامي
– خل اضوجج شوية .
جريت نفس بتعب
– عوفني بحالي تعبتني .
– من تضوجيني انتِ عادي ؟
– شحجيتتتت شحجيتتتتت ؟؟؟؟
– مو كتلج اتنرفز ؟
– يطبك مررض .
– ااه .
عصر وجهي بأيدة ويضرب على خدي بخفة
– اطيره براجدي هسة .
– ولج يماما .
– يبعد الـ ماما .
– استغفر الله
– بعد وحدة .
– استغفرررر ااالله .
– كثري كثري .
دفعت ايدة عني
– وخر يلة .
– خل نسولف .
– ماريد .
– شبيج كبر .
– كبر لفك .
– الكبر يلفني ويلفج ويلفنه سوة .
– عوع حتى للكبر لاحكني .
– شعندي غيرج احبل اجيب ؟
– الله أكـــــــــبر .
– شفتي ؟ وين تلكين مني .
كمت اصراخ وادفع بي
– ولك روووح روحح خرب ساااعة السووودة بيوم الطلعت بي عبااالي اتونس تالي اكلت خرااا .
باوعلي ورفع تك حاجب
– عبالج من طلعتي جابوبج ؟
حمدي ربج جابوج هيج لو يردون يطبون لنص بيتج يطلعوج كدام اهلج ويجيبوج .
– مو هي هيتة .
– عدهم ؟؟ اي هيتة .
– كرفهم الله .
– أمين .
كام طلع مخده من الكنتور شمرها بالكاع نام على ظهرة وضل يدخن وصافن على السكف
– خير سالمين شتسوي هنا ؟
– يمكن أنام يمكن ما متأكد .
– همزين ما متأكد كوم اطلع برة .
– وين اوليييي ؟؟
– شوفلك مكاان نام بي لا تنام هنا يمي .
– وين اوليي هي غرفه وحمام ؟؟
– مالي دخل اريد انام بالغرفه وحدي!
– واني انام بالحمام ؟
شكد ردت اضم ضحكتي بس ماكدرت ضحكت بصوت وهو ابتسم على ضحكتي
– اروح فدوووة .
راحت ضحكتي بسرعة وخزرته
– انجب .
– ااااه ؟
درت وجهي على الحايط ماباوعتله بعد غمضت عيوني وغفيت بسرعة
ثاني يوم كعدت على طكطكه فزيت بسرعة لكيته كالب وجهة ويخابر ويصيح ويحجي أيراني
مسحت وجهي وكمت على كيفي كوة وصلت للحمام
غسلت وجهي وطلعت
باوعلي ورجع يكمل كلامة رجعت للجرباية تغطيت ومددت عليها
لثاني يوم هو نفس حالته بس يصيح لليل سمعت اصوات يم الباب وصوت صياح
رفعت راسي اباوع على الباب خاف هذا العُثمان يفوت عليّ
بس عرفت هذا تُـــراث من اجاني صوته يغني
بلعت ريكي بخوف من انفتحت الباب رفعت راسي اباوعله
دخل وهو شايل صينية الأكل بأيدة
باوعلي ابتسم وحط الصينية على الطبلة الكدامي وهو يدندن بأغنية مثل كل مرة
باوعتله وهمست بتعب
– مو كافي ؟
باوعلي وعض شفته
– ليش كافي شلالي ؟
بلعت ريكي ودرت وجهي عنه استغفر بصوت عالي ضحك وكعد ركبة ونص كدامي وهمس
– تدرين اني حاليا جاي احصل اجر بسببج!!
باوعتله مستغربه
هز راسة بأي وكام ينفض ملابسة
– على كد ما تستغفرين من وراي راح تطبين للجنه وهيجي اني احصل أجر .
دفرت الطبلة برجلي وصحت
– انتَ شكووول أجرررر انتَ لو بيك خير مو هنا مكانك جان رحت طلعتها منهم و..
ماخلاني اكمل ضربني على حلكي بأيدة صرخت وحطيت ادية على حلكي
عصر وجهي حيل وهمس مكزز على اسنانه بعصبية
– شوفي لج مو تشوفيني اضحك بوجهج تعايريني بعلي جيلة براسج واخلص العالم منج .
– حرام عليك الداتسوي والله .
ابتسم وعافني يمسح على خدي بهدوء ويهمس
– ليش حرام ؟ تره والله متونسين هنا شبيج انتِ نفسية .
– عوفني بحالي تعبتني !
كلتها ودرت وجهي عنه اخفي دمعتي النزلت تكشف عن ضعفي كدامة
ابتسم ومسح وجهي بطرف اصبعه ودنك باس خدي دفعته وصحت
– كااافي يااخي كاااافي موتتني والله موتتني لوو ميته بهذاااك اليوووم ولا مخليتك تسااعدني !
رفع تك حاجب ودفرني برجله
– لا تصيحين تدرين بية اتنرفز .
جريت نفس ودرت وجهي
ضل واكف فوك راسي ويحجي يريدني ارد عليّ حتى يصيح لو يضرب وحتى من سكتت ما خلصت
عصر وجهي حيل وصاح
– ليش ماتردين عليّ ؟
عضيت ايدة حيل وهو ما سحبها مني باوعتله وعفت ايده امسح بحلكي
ضحك بعلوا صوته وكف يباوع على أيدة
– حلوو حلوو حبيت عضتج عضة جلبة خايفة على جراوتها .
خزرته وصحت
– ايي خااااايفة عليك .
رفع تك حاجب ورفع ادية لصدرة
– تخافين عليّ شلالي ؟
تقرب اكثر صرت ادفع بأيدة واصرخ
– كااافي كاافي تعبتنيييي والله تعبتنيييي .
– اتحملي هذا قدرج .
– ولك عووفنيييي الله ياااخذك .
– ماياخذني عايفني على كلبج .
ضليت اضرب بي واتعارك وهو يضحك يحرك بدمي دفعته حيل وهو راح وكف يم الباب ورفع ايدة ياشرلي
– خمسة ايام بس خمسة وراح تطلعين منا بس بخسائر.
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.