رواية تراث النهروان – الفصل التاسع
سيف – مشتاقلها اني خل ترجع والله ما اكللها على تلفون
حتى من رحت ويا امي شفتهم مشترين تلفون كالت اشتريلك واحد جديد كتلها ماريد نــهروان ماتقبل
وما اشتريت والله .
– يايمة يابعد عيوني .
حضنته ابجي ويا وامسح دموعة وهو يبجي مسحت دموعة وبست عيونة
– لا تبجي سيوفي شنو اني ماتعتبرني نـهروان ؟ مو اختك اني ؟
– بس اني اريدها الها .
كالها وشهك بصوت يبجي حضنته لصدري اثنينه نبجي
– لا تبجي يروحي ادعيلها ان شاء الله رب العالمين يسمع منك من كلب صافي وبريئ مثلك .
– دعيت والله كلت ياربي رجع شمشون زينة ومابيها شي
حتى مره كعدت لكيت عمو يبجي من كتله لا تبجي يكلي شلون ما ابجي وعزيزة روحي مادري عنها شي .
شهكت ابجي وامسح بوجهي جريت سجادة وحطيت تربة
– تعاي اكعد هنا وخل ندعي اني وياك .
كعد عليها يمسح دموعة ورفع ادية يشهك ويحجي
– ياربي اني كلشي ما اريد لا تلفون ولا شي ثاني حتى ما اطلع بالقطعه ولا شي
بس خل ترجع نــهروان زينة وما اخليها تضوج مني .
– امين يارب العالمين .
جريته حضنته اسكت بي
انفتح الباب دخل بـــارون باوع علينة بصدمة
– شبيكم ؟ سيوف تبجي ؟؟
باوعلة سيف مسح دموعي وكام كمت ويا راح لـ بــارون
لزمه بــارون من ايدة واخذه
طلع بالهول طلعت وراهم جانوا ماشين محد موجود
بــارون – سيف ليش تبجي ؟
– ما ابجي .
– شفتك تبجي ؟
مسح عيونة سيف بسرعة وكال
– لا مابجيت .
– شيسوي الزلمة؟
– مايبجي ويصير قوي ويضل يدعي حتى رب العالمين يحققله اليريدة .
– وبعد ؟
– هو يسكت البنات من يبجن حتى ياخذن القوة منه ويطمنهن هو يمهن .
طبطب بـــارون على ظهر سيف وباوعلي مسح سيف دموعة واجة حضني
– لا تبجين اني يمج ونــهروان راح ترجعلنه ان شاء الله .
شهكت امسح بدموعي وهو مد ايدة مسح دموعي
– لا تبجين بعد .
– صار .
مسحت دموعي وهو ضل واكف يمي ويمسح بوجهي
ابتسم بــارون بقهر ودار وجهة
سلمت وكمت طلعت من يمهم بسرعة راجعة للبيت امشي وامسح بعيوني
– يايمة ولج وين رحتي نــهروان وشحالج هسة!!
” نــهروان ”
ضليت صافنه شنو يعني خمسة ايام ؟ وشنو الخسائر الراح اطلع بيها ؟
قبل لا يطلع صحت
– شنوو قصدك تُــــــراث ؟
باوعلي وابتسم
– بالله عيدي أسمي ؟
– تُــــراث !! شتقصد ؟؟
– اويلي شو طلع أسمي حلو.
درت وجهي عنة متنرفزة رفعت راسي وصحت
– ياااربي طلعنييي منااااا .
ضحك بصوت وكف كدامي
– شُبيك لُبيك الطلعه بين اديك .
سكت انوب صفن وصاح
– طلعه مال مُسدس ؟؟؟؟؟
ضحكت بصوت وغطيت وجهي ماريدة يشوفني اضحك وهو هم صار يضحك
مسحت وجهي وحسيت دموعي صارت تنزل طلعت شهكة مني
لزم وجهي رفعه بأيدة والضحكة على وجهة من شاف دموعي راحت ضحكته
– ليش تبجين ؟
– تعبت اريد ارجع لـ بــارون وسيف والله مامسوية شي اني .
بلع ريكة ونزل ايدة من وجهي وطلع برة
حطيت ادية على وجهي وضليت ابجي بصوت واشهك ولزمت بطني الأحسها موتتني من الألم
تمنيت بــارون يمي يحضني ويهتم بية وسيف يضحك بية لان يضوج من ابجي يمه
ورا فترة دخل العُثمان ورا تُـــراث بلعت ريكي وسويت روحي ماخايفة وخزرته
ابتسم وتقرب عليّ وكف كدامي
– تدرين المفروض تحمدين ربج الف مرة لان اني واكف يمج .
– وانتَ منو معترف بيك ؟
ابتسم ابتسامة عريضة وتقرب اكثر بلعت ريكي ورجعت روحي عنه
العُثمان – تدرين اني كل مرة اجيب بنات صغار وجهال هاي اول مرة احط براسي بنية .
– وهاي البنية حاطتك برجلها .
– راح تخليني اصير عصبي ومن اصير عصبي ما اتحكم بروحي واسوي شي اخليج تندمين .
سكتت من شفته يتقرب عليّ اكثر درت وجهي عنة بسرعة وهو مد ايدة حطها على ركبتي
– مو ركبة ضيم !
– وخرر ايدك .
كلتها وحسيت جسمي يرجف بخوف لان اني حاليا ماكدر اتحرك احس بالعجز !
ماكدر ادافع عن نفسي اذا راد يسولي شي
باوعت على تُــــراث يدير بوجهة ميحط عينة بعيني
رفعت عيني بعين العُثمان
ابتسم وضل يباوع بعيوني لزم وجهي بثنين ادية ودنك كمت ادفع بي واصرخ بس ماكدرته لان كلما اتحرك بطني توجعني اكثر
لزم وجهي بثنين ادية ودنك عليّ وباسني بشفتي!!
كمت ابجي وادفع بي وهو لازم وجهي ويبوس بشفايفي ويعض بيهن
ادفع بي واصيح بصوت مكتوم وهو ضل يبوس بية ويطلع اصوات تلعب النفس
ماحسيت الة العُثمان انجر عني رفعت راسي بسرعة اجر نفس واشهك
تُـــراث لازمة وعيونة حمر وايدة من كد ما شاد عليها الأوردة مبينه
خزرة العُثمان ودفعه
– شبيك ؟؟؟؟؟
– شبيك انتَ ؟؟ مو كتلك خل تطيب ؟ عمليتها لا تطك وتموت علينة وكلشي ما مستفادين منها !
باوعلي العُثمان وطلع لسانة مشا على شفته بطريقة تلعب النفس
– بس طعمها طيب تدري السبع اول مرة اضوك هيجي شفه ؟ شوكت تطيب واضوك الباقي .
كالها وباوعلي من فوك لجوة حسيت روحي طلعت من القهر
تُـــراث – تأمر مثل ما تريد يلة اطلع بسرعة .
– ههههههههههههه ها شبيك السبع ؟ بس لا عبالك تبدي بيها اول ؟
صح انتَ السبع مالتنه بس اول مرة الي .
– اكيد من بعدك .
ضحك وطلع برة
قفل الباب ورا واجة ركض بأتجاهي صرخت بصوت وكمت الطم على حلكي وابجي واشهك
– وخرررر عنييييييييي لااا امووت روحييييي والله اكتلل روحييييييي وخرررر عنيييييييي .
– كووووووومييييييي وياااااااييييي!!
– ولك عووووووووفنيييييييي .
كمت ادفع بي واصرخ واضرب على حلكي وهو لزم ادية يقيدهن
حط ايدة جوة رجلية وشالني دخلني للحمام واني اصرخ واشهك بصوت
– ولجج يماما الله ياااخذنيييي .
فتح المي وشال صابونه بأيدة وصار يفرك بيها دنك راسي على المغسله ويغسل بشفايفي ويصيح
– ماابيجج شيي ما بيج ما طخج كااافي اسكتي .
كمل وجر منشفة صغيرة معلكه
صار يمسح بوجهي وينشف بي
رجع شالني كعدني على الجرباية ويمسح بوجهي
– كافي اسكتي .
هو يحجي واني الطم على شفتي واشهك
– امدااني الله ياخذني الله ياخذني .
– كااااااااافي اسكتتتتتتتتتتتي!!!
باوعتله وشهكت
– ليش ما ساعدتني ؟
– مو بيدي .
– ليش ما وخرته من عندي ؟
– وعيونج مو بيدي .
رفعت راسي لفوك وجريت حسرة والشهكة تطلع من كلبي
– اريد اموت .
– اسم الله عليج .
– شسويت وهيج يصير بية ؟
– ماسويتي شي .
– لعد ليش يصير بية هيجي ؟
– يريدج ترتاحين بعدين .
سكتت اباوع بعيونة نزل نظره لشفتي بلع ريكة وتفاحة أدم نزلت وصعدت
دار وجهة بسرعة وطلع جكارة ورثها
باوعت اشهك وامسح بدموعي وكوة تطلع الكلمة
جريت ايدة لزمتها بثين ادية واشهك
– ابوس ايدك طلعني منا الله يرجعلك بنتك لحضنك رجعني لحضن اهلي والله ماتحمل بعد
اي شغله ثانية تصير اكتل روحي وخطيتي بركبتكم .
ضل ساكت ويباوعلي بقهر
دفعت ايدة وجريت الغطة صعدته لوجهي اشهك
– الله ياخذكم .
كام طلع برة وخلاني ابجي وحدي واشهك
– بـــارون ليش ما اجيت تطلعني ؟ ليششش ليششش .
كمت اصرخ واناشغ
– والله بعد ما احبك ولا اريدك ليش ماا طلعتني ليش ضاالة لسة هناااا .
ضليت فتره طويلة ابجي واعاتب بــارون وساعه اكول خاف هم صايرله شي وارجع اعاتبه
مرت فترة طويلة على كعدتي فزيت من صفتني من انفتح الباب
دخل تُــــراث جر كرسي وكعد كدامي
– هاي لسة تبجين ؟
– لا .
كلتها ومسحت دموعي الناشفات على وجهي
تُــراث – لا تخافين ماضل شي ونطلع منا .
– احلف ؟؟
– وعيون بنيتي .
– صدك ؟ شلوون ؟
– اي ومال شلون هاي خليها سكته .
ضليت ساكته فتره رجعت باوعتله وهمست
– ليش ما طلعتها منهم من زمان ؟
– ماكدرت ما اعرف مكانها وماكدر اخاطر بيها .
– وهسة ؟
– عرفته .
باوعتله بسرعة
– صدك والله ؟
هز راسة بـ اي مبتسم بهدوء
– شوكت نطلع ؟
– مو هسة لا تضلين تلحين .
– انجب .
– استغفر الله .
– ليش يصيحولك السبع ؟
– كتلت اربع زلم جانوا يخافون منهم .
– ليش محسسني تحجي قصة لطفلة احجي عدل ؟
– كتلت اربع روس مُهمة بالعالم العصابات الي اختصاصهم أعضاء .
– تشاقة !
– لا .
– اي وبعد ؟
– أمنوا بية وكل أسرارهم عندي .
– وبنتك ؟
– هاي كَـ ضمان حتى اضل وياهم وما انسحب .
بلعت ريكي ودرت وجهي بسرعة كلبي يدك سريع
هذا بي شي ؟
طلع جكارة ورثها ومدها الي
باوعتلها بتردد واخذتها من ايدة ، خليتها بشفايفي اريد اسحب نفس منها
جرها من ايدي بسرعة ورجعا بشفته
رفع تلفونه اتصل على احد حجة أيراني بسرعة وسدة
وراها بدقايق انفتح الباب
بـرهوم – هاا ؟
– تعال فوت .
دخل بـرهوم وكف كدامة وكال كلمة أيرانية
نــهروان – عاد احجوا انكليزي حتى افتهم عليكم ؟
بـرهوم – شفت مو كتلك ؟ كتلك نحجي أيراني احسن حتى لا تفتهما عرفتها تعرف انكليزي .
– لعد ١٥ سنة دراسة انكليزي حظ حظي طاح وما تردوني اعرف ؟
ابتسم تُــراث ورجع يحجي ويا أيراني احسهم يتفقون عليّ مدري يفشرون
المشكلة اللهجة تضحك من يحجوها
بس ماضحكتت ماضحكت درت وجهي عنهم وهم يحجون سوة
بـرهوم – هسة تمام ؟
– اي هاهي روح .
– وانتَ مجنص ضال هنا ما تطلع ؟
– اعوف الحلقوم واكابل الثوم ؟
ضحك ودفعة من جتفة
– طيح الله حظك .
طلع بـرهوم يضحك بس من فتح الباب قبل لا يسدة لمحت شي ركض من كدام الباب
ضليت مستغربة شنوه هذا ؟ باوع تُـــراث عليّ شافني صافنة على الباب طك اصبع يم وجهي
– ها وين صفنتي .
– هيج .
تُــراث – خل نبدل الشاش نامي .
كام جاب العلبة واجة نمت عدل شال الشاش القديم وعقمها وحط غيره
نــهروان – شنو هذا الخياط ؟
– بطنج .
– ادري بس ليش خيطوها ؟
– مادري .
سكتت ونزلت التشيرت على بطني من كمل نزلت روحي للدوشك وغفيت وهو ضل كاعد
مرن يومين تُـــراث بس ينطيني الأكل ويطلع بسرعة مايضل بالغرفه
عرفته دايحاول يطلعني منا ثالث يوم اجة بليل هلكان كوة يجر النفس
– شبيك ؟
– ميت تعب ميت .
– اريد اكلك الله يساعدك بس مدا تطلع من حلكي .
– طلعيها من **** .
فتحت عيوني بسرعة وهو صار يضحك بصوت
– شكد مستهتر كبر .
تُــــراث – شسويلج لعد تحجين الواحد كوة .
– لعد تفشر عليّ؟؟ شكد ماتستحي .
– منو كلج اني استحي ؟
– ادري بيك ميحتاج احد يكلي .
– كبر .
– انتِ شلزكتي ؟ كبر ما كبر كاعد على كلبج اني ؟ همزين مو عزرائيل انتِ تكومين تمشين وتموتين بالعالم .
– بس المو زينين .
– اني مو زين ؟؟؟
– نص ونص .
ضحك ورجع دنك راسة جر مخدة من الكنتور طبكها ونام عليها
ضليت صافنه عليّ وهو غفه بسرعه ضليت اباوعلة وهو نايم
ابتسمت بالله هذا نفسه القبل شوية جان يفشر ويصيح ويتعارك ؟
شكلة كلش بريئ وهو نايم ملامحة الحادة وشكلة يجبرك تباوعلة
فزيت من سمعت صوت ضحك الصوت قريب
باوعت على تُـــراث بعده نايم
اخذني الفضول اتجاه الصوت كمت على كيفي لازمة بطني بوجع
وكفت يم الباب فتحته انفتح بسرعة رجعت باوعتله يخشر الله يسلمة
طلعت من الغرفه امشي على كيفي الممر فارغ ويصفر
وبي بس كلوب واحد مضوي بي
وبس صوت الضحك جاي من الغرفه البنهاية الممر
مشيت على كيفي بأتجاه الممر
ولو ادري لا رايحة ولا طالعة من الغرفه بعد الي راح اشوفة
وصلت للغرفه جانت مفتوحه فتحة صغيره
مديت راسي اباوع من الفتحة
فتحت عيوني مصدومة من الي شفته!! حطيت ايدي على حلكي حسيت روحي راح تطلع من كمية البشاعة الشفتها
هذا العُثمان!!
جان واكف وكدامة سدية عليها طفل وهو لازم شفره وشي مثل المكص بس طويل
وحط الشفره على بطنة ويشك بيها بقوة ويضحك
ورجع شال المكص ولزم اصابيعة ويكص بيهن!!!!!
اريد ارجع اريد اتحرك ماكدرت من الخوف ضلت عيوني عليّ واطرافي تخشبت من الخوف
رجع ضحك بقوة ولزم الشفرة ويحطها على رجلة ويفصل الجلد عن اللحم!!
حسيت راح يغمى عليّ من بشاعة المنظر
ماحسيت غير ايد تنحط على حلكي وايد الثانية حاوطتني من خصري
انرفعت بسرعة من الكاع دخلني للغرفه كعدني على الجرباية واني على صفنتي وصدمتي
تُـــراث – شلال ؟ شلال احااجيجج .
رفعت عيوني اباوعلة وعيوني ماسديتهن ولا غمضتهن احس كلشي ينعاد كدامي
نــهروان – شنو هذا المكان !
بلع ريكة وجاب بطل مي مدة يم حلكي
– اشربي وجهج صار اصفر .
– شـ شـ شنو هـ هذا وين اني و يـ وين ؟
– اسكتي كافي واشربي مي راح تمووووتين !!
– كـ كتله كـ كتله شلع اصابيعة و وكتله كتله !! كتل الطفل كتله !
– هو ميت ما كتله .
– كتله .
– هو ميت !!
باوعتله جسمي كلة يرجف همست بخوف
– شلون مات ؟
– ماتحمل العملية ومات .
– عملية شنو !
– اسكتي!
– راح اموت من الخوف اريد بـــارون .
– ماهو يمج .
– اريدة!
كلتها ودموعي تنزل بهدوء خاف احجي بصوت ويسمعني العُثمان
تنهد وكعد بصفي على الجرباية فتح ايدة وهمس
– اعتبريني بـــارون ؟
– حرام!
– بركبتي .
– خايفة .
– أمـــــني بحـــضني .
جرني وحطني على صدرة يمسح على شعري
خنست بحضنة حسيت صدك محتاجه احد يحضني سمعت صوت مشي بالممر
رفعت عيوني فاتتحتهن على وسعهن وهمست بخوف
– اجاني ! اجة اجة راح يكتلني اجة راح يكص اصابيعي اجاني .
سد حلكي بأيدة ويهمس
– اشش اسكتي محد يلمسج والله اكسرها الأيد التنرفع عليج .
ضليت اباوع على الباب وعيوني من كد ما ضليت فاتحتهن صارن يحركني
راح الصوت مال المشي وصار هدوء باوعتله وهمست
– راح مو ؟
– اي راح .
– طلعني منا .
– اطلعج .
– رجعني لـ بــــارون اريد انام بحضنة .
– ارجعج .
ضل حاضني على صدرة واني ارجف من الخوف رفع ايدي باوعلها
– ليش ترجفين ؟؟؟
– خايفة .
– اني يمج لا تخافين محد يتقربلج .
– يكتلني والله .
– اكتله والله .
شدد حضنته عليّ واني نسيت كلشي الي اعرفه ممكن
بـ أي لحظة
يصير بية مثل هذا الطفل ، كمت اغفي بحضنه وكل شوية افز اباوعله واهمس
– راح يجي ؟
– ما يجي نامي شلالي .
– خايفة والعباس خايفة ماكدر انام .
– لا تخافين والعباس لا تخافين ونامي اني يمج فنه اليلمسج .
– أحلف ؟
– وداعتج .
بلعت ريكي وهو كام نيمني على الجرباية وجاب كرسي حطة كدامي وكعد
مديت ايدي جريت ايده حطيت جوة خدي وهمست
– من جنت اخاف بـــارون يحط ايدة جوة خدي حتى انام .
– فداج الأيد وصاحبها نــامي شلالي .
غمضت عيوني ودموعي تنزل بهدوء بدون أي صوت يصدر مني
بس الدموع تنزل حسيت بأيدة تمسح دموعي ضليت مغمضة
لحد ما غفيت واني نايمة على أيدة ، ورا فتره فزيت بسرعة
خايفة وجسمي يرجف صرت اتلفت بالغرفه بخوف جريت نفس
من شفته ، جان نايم وهو كاعد على الكرسي وايدة حاطة على المخدة
كعد بسرعه من شافني مسح وجهة وهمس
– شلون صرتي ؟
– مو زينة ابد مو زينة .
ضل ساكت كام عدل ملابسة جر الكرسي وخرة من يم الجرباية
تُــــراث – رايح اجيبلج شي تاكلينه راح يصير بيج سكر من الخوف .
– تُـــراث .
التفت عليّ وهز راسة بمعنى شنو باوعتله وهمست
– لا تروح .
– اجيبلج شي تاكلينه واجي .
– حباب .
– ما اتأخر والله .
– عليك الله .
– اويلي على الله .
– فدوة لا تروح .
– خرب اطلع كـ*** ، اذا طلعت لعد .
جر الكرسي كعد كدامي وطلع تلفونه حجة ويا بـرهوم وصا يجيب اكل ورجعه لجيبة
– نرجع للفدوة ؟
– شبيك اني خايفة وانتَ ولا هامك ؟ طفل طفل مات شبيك ماتحس ؟
– احس احس بس مابيدي شي .
– بلغ ..
بعدني ما كملت تقرب عليّ وهمس بعصبية
– أشششش لا تحجين شي افتهمتي ؟؟ لا تحجين هيج كلمات هنا افتهمتي ؟ حتى ويا نفسج لا تحجيهن
يسوون بيج الأسوء من هذا الطفل استري على روحج وعلية واسكتي .
سكتت بس من اكول خايفة اعنيها
كوة احجي من الخوف لسة اتذكر شلون لازم المكص ويحط اصبعه ويضغط بكل قوته على المكص
وشلون صوت الأصبع من ينكسر
احس روحي شاغت من تذكرت رفعت ايدي اضرب على راسي اريد انسة
حسيت بي يلزم ايدي وينتر
– شبيج تسودتنيييي ؟؟؟
– اريد انسة اريد انسه تُــ تُـــراث لزم ايدة هيج وكسر اصابعه والله .
كلتها وصارت دموعي تنزل انهاريت صرت ابجي حسيت الصدمة مال البارحة طلعت عليّ هسة
طفر لزم ايدي بقوة واني اشهك بهمس
– ياماما بس كلي شنو هذا المكان وين اني ؟ وهذا منو ؟
– اسكتييي نــهروان شبيج ؟ مطية انتِ كتلج اني يمج لا تخافين
راح تفضحين روحج هيج .
– مو مـ مو خايفة والله .
– عمي ارجعي ام لسان مايلوكلج الخوف .
– ليش محسسني الموضوع طبيعي ؟ كتل كتل هذا كتل
طفل شفته شسوى بي؟؟؟
– ادري .
– وساااااكت ؟؟؟؟؟
– الله يسكتج .
لزمت راسي اجر نفس كوة
– زين بس كلي شنو هذا المكان ؟
– بعدين اكلج بعدين .
– عليك الله ؟
– وداعت الله .
– شنو ؟
– شنو ؟
– وداعت الله ؟
– تخلين واحد عاقل انتِ؟؟؟؟
سكتت وهو كام فتح الباب دخل بـرهوم شايل علاكة انطاها لـ تُـــراث
بـرهوم – شبيك شو كالب وجهك ؟
– صبحت بيهااااا شلون تردين وجهي يصير .
– ايبااه لهل درجة ؟
– وأكــــثررر .
باوعتله صفح وهو اجه بجهتي عصر وجهي
– مو كتلج لا تباوعين هيج اعميهن والله .
دفعت ايدة عن وجهي وبــرهوم يضحك
– مخابيل .
نــهروان – انتَ انجب مخابيل شنو ؟ ضاحكة ويا اني لو متشاقية ويا ترى روحي طالعه
واتمنى اموت ولا أضل ثاانية وحدك هنا ويا هذاااا .
كلتها وأشرت على تُـــراث ورجعت درت وجهي مقهروة
باوعوا عليّ اثنينهم سكت بـرهوم انطاني تُــراث العلاكة
– اكلي يلة .
– ماريد زقنبوت .
– طبج مرض فوك مرض .
شمرها بحضني واخذ بـرهوم وطلع
درت وجهي مخنوكة وحاصرتني البجية بس ماكدر ابجي
خايفة
شلون يعوفني وحدي ويطلع شكد حقير ، جريت اللفة طلعتها
اكل منها ودموعي تنزل صارت خبط لليل رجع تُـــراث
كعد كدامي
يدخن وصافن حسيت باله شي ، من طب ابد ما باوعلي وكانُ
ما موجودة اصلاً، واني هم غسلت ما حجيت شي
انفتح الباب
دخل العُثمان ، بلعت ريكي بسرعة وكمت اجر نفس بخوف واباوع
على ايدة وارجف
باوعلي تُـــراث ومثل الي افتهم كام بسرعة وكف كدامة
تُـــراث – العُثمان هنا .
– هلا بالسبع ، صاير ما تنشاف .
– والله مثل ماتشوف اطلع اكضي شغلك وارجع احرس هاي .
– حلو كلش حلو ، اليوم حضرها .
– أحضرها ؟ ألمن ؟
– الي ؟ حضرها وجيبها لغرفتي بسرعة .
– ليش ؟ بعدها ماطابت ؟
– مايهمني!!
سكت تُـــراث وهز راسة
– تأمر .
– السبع انتَ مايأمر عليك ظالم .
– صدك ظالم .
– هههههههههههههههههههههههه حبيتهااااا حبيتهااااا .
ضل يضحك ويطبطب على ظهر السبع مالته
وكف قريب مني جسمي يرجف بخوف واحس الخوف مبين عليّ
لزم وجهي وكرص خدي واني بس فاتحه عيوني بخوف واباوع بعيونة
الي احسهن خاليات من الرحمة ، عصر خدي حيل ودنك همس
– تحظري اليله اشوفج اسوء ليله تمر عليج بكل حياتج يانــــــــهروان .
يبتع …
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.