رواية تراث النهروان – الفصل العاشر
سكتت بس المشكله كلامها صح
لحد هسة ما نعرف شي عن نــهروان وانوب هسة ابراهيم اختفى!!
وخايفين لا هم يطلع مخطوف مثل نــهروان
طلعت من يمها اتصل على الولد ونفس جوابهم
– مالكينا لحد هسة.
ومر اسبوع كامل ابارهيم ما لكينا والشرط ابد ما عاونتنه
واي مركز يبلغون بي جوابهم نفسة
– مانكدر حاليا نسوي تفتيش بسبب مُهمه فترة وننطيكم خبر.
ويخلونه ندك ونلطم
هاي كلها بجفة ومريم النامت بالفراش بجفة
واني خايفة لا امي تلاحظ عليها وكلما تسال اكلها على نــهروان
وهاي تبجي وتدعي ابراهيم يرجع ودخلنه كلنه انذار
والاستاذ سمير
ويانه هم ما عايفنه
بيوم كعدت الصبح بية مابية بدلت ورحت للكلية ومريم نايمة ماراحت
وصلت لهناك وهم لكيتهم ملتمين وياهم كم طالب من غير دفعه
صبحت عليهم وكفت يمهم واجن البنات وكفن يمنه
هُمام – غيد انتِ ونسرين وندى ومريم ابد لا توكفن ويانه بعد تمام؟
ومالجن شغل بينه ولا تسالن ولا تدخلن بشي.
غيد – خير هُمام صاير شي؟
– غيد مانريد ندخلجن انتن هم بالسالفة ضلن بعيدات
تمام؟
– اي.
هزينه روسنه ومشينه من يمهم مبينين خايفين علينه لا نتورط وياهم
طبينه للكلية وضلينه نتصفن ماندري نفكر بيها وبالاسأله
مدري بنــهروان وابراهيم الماتعرف عنهم أي شي
كملت المحاضرة
طلعنه احنه البنات بس ورحنه للكافتريا اخذنه عصاير واكل ورجعنه كعدنه على المسطبات برة
كعدنه ناكل ونسولف وفجأة شفنه الولد يركضون طالعين من الكلية
باوعنه وحده على الثانية عفنه الاكل على المسطبة وركضنه وراهم
صعدوا كلهم ويا هُمام وحرك بسرعة أجرنه تكسي صعدنه اني وندى ونسرين وكلناله يلحك السيارة
من مشى بشارع عرفته هذا الشارع اليودينه على المستشفى
بكت طن هوا كتله
– خوية لمستشفى الـ******.
هز راسة وحرك بسرعة شفناهم نزلوا بسرعة انطيته الكروة ونزلنه نركض وراهم
طبوا كلهم بالممر ويسألون ويصيحون ركضنه وراهم نصيح
غيد – هُمااااام هُمااااام، اوووكف هُماااام.
ماسمعونه أصلاً ركضنه وراهم وكفوا يم غرفه وطبلوها ركض
طبينه وراهم وشهكنه كلنه بصوت من شفنه ابراهيم نايم على السدية
ركضوله الولد يهزون بي ويصيحون
مصطفى – ابراااااهيم ولك ابراااااهيم.
هُمام – ابرااهيم حااجينه رددد علينةة.
يحجون ويهزون بأيدة ويحركون بوجهة وهو فاقد وجاهز الاوكسجين على وجهه وجهة اصفر وشفايفة زرك وعلامات ضرب على وجهة
وكفنه على صفحه صافنات والصدمه على وجهنه واحنه نشوف حالة ابراهيم
طب الدكتور يصيح وطلعنه كلنه من الغرفه
باوعوا علينه الولد وكاموا يصيحون
مصطفى – ليشش اجييتن ليشششش؟؟؟
هُمام – موو كلت لحدد تدخل بعددد ماتخاافن على روحجن انتن؟؟؟؟
غيد – لاا تصيحوون مثل ما انتوا خايفين عليّ احنه هم خاايفااات.
عبد الرحمن – بسس لاا تجن وانتِ ست نسرين ليش اجيتيييي؟؟
صاح بيها وهاي راحت تبجي حضنها عبد الرحمن
وتبخرت كل عصبيته ولا عبالك توة جان يصيح
عبد الرحمن- ليش اجيتي حبيبي اخاف عليج اني.
– واني خفت على زميلي ابراهيم.
– سودة علية.
ضلينه صافنين عليهم
باوع عليهم مصطفى وهز ايدة اجة الدكتور صرت اني كدامه لان واكفه يم الباب
باوع عليّ وصاح
– شلوووون تفوتووون للغرفه هيج؟؟؟؟
بعدني ارد اجاوب وصاروا كدامي مصطفى وهُمام وعبد الرحمن
خزرة هُمام ونتر بي
– صوووووتك.
رجعت ليورة يم البنات وهن مدن روسهن من يم الباب
الدكتور – المرريض تعبان الى درجه مايصير تدخلون عليّ بهاي الطريقة!
مصطفى – شبي؟؟
– مأخوذة منه كلة وقطعه من الكبد!! وبطريقة غير عملية ممكن تتسب بموته!!
شهكنه كلنه بصدمه وهو مشة من يمنه بسرعة
البنات حطن اديهن على حلكهن مصدومات
واني كعدت بالكاع وحطيت ايدي على حلكي وصرت ابجي واسد حلكي بقوة حتى لا يطلع صوتي
– يمةة.
كمت ادك على وجهي واصرخ وابجي
كابلني البنات حضنني واني ابجي واشهك
– ياايمة يااايمة شلوون بية راحوا اخوتي يمة.
كمت ابجي بخوف عليهم اذا صار هيج بأبراهيم وصلولة
اكيد راح يوصلون لـ باقي الولد
كعدوا كدامي كلهم باوعت عليهم وشهكت
هُمام – لا تبجين غيد.
– شلووون ما ابجي شلوون ولك هُمام شوف حالتة وهو زلمة طول بعرض
شكول على نــهروان وهي بين اديهم!!!
من كلت هيج بلع ريكة ودار وجهة
كاموا خابروا اهل ابراهيم واجوا كلهم للمستشفى
اجت امه تصرخ وتلطم
وابو يدك على راسة واخوانه الكبار لازمين ابوهم
كمنه كلنه نبجي على صوت بجي امه
راحوا الولد وكفوا يمهم يوسولفون وياهم وهم كلها خايفين
وكفنه يم امه نواسي بيها وهي تبجي وتصيح
– ابرااهيم يمة يااوليددي ياايمه.
غيد – لا تخافين خالة ان شاء الله يكوم بالسلامة.
ضلت تبجي واحنه نواسي بيها
رفعت راسي على الولد باوعلي هُمام واشر بأيدة تعالي
رحت وكفت يمه
– ها هُمام؟
– هذا بـــارون يريدج.
هزيت راسي واخذت التلفون منه
وكفت على صفحه
– الو ها بــارون؟
فزيت من اجاني صوته يصيح
– وجعة بكلبة وخلص من هل علة تلفووونج وين؟؟ هاااا متحجيننن؟؟؟
بلعت ريكي وهمست
– شبيك بــارون؟
– تلفووووونج وين؟؟؟؟
– بالجنطة.
– شوووفي بسرررعة.
فتحت الجنطه طلعته شفته 11 مكالمة من ماما و23 مكالمة من بــارون
عضيت شفتي بخوف عزة هسة ماما تكلب الدنيا فوك راسي
– احم جان صامت ما شفته.
– المن حضرتج شااايلة تلفووون؟؟
– ما ادري بي والله مشفته التهينه بـ ابراهيم وماشفت التلفون.
– شبي؟
حجيتله مختصر السالفة صاح
– لاااه مايستاهل بيا مستشفى؟
– بالـ******.
– جاي.
سد الخط بسرعة رجعت التلفون لـ هُمام باوعلي ودنك عليّ يهمس
– احس راح تنكتلين اليوم.
– لا تحس تأكد.
ضحك ودار وجهة
وكفت على صفحه دكيت على ماما بسرعة جاوبتني واجاتي صوتها يرعد
لا غلط لا سب لا فشار لو بس اعوفها شوية تكفر بية
– ماما ماما اهدددي شبيج.
– الله يااخذني ويخلصنييييي.
– هاي شبيكم كلها تدعي اليوم شمسوية بيكم اني!
– انجبي بنت الززفرة وين ما جنتي تعوفين كلشي بايدج وتجين لا وعلي هسة احرك روحي.
– يماما شبيج قابل جاي اتونس.
– اسمعييي غيد وروح امي اذا ما رجعتي هسة اكلب الدنيااا على رااسج بنت الخرااا.
عضيت شفتي وهمست
– ماما الله يخليج بس اتطمن على ابارهيم اخلي واحد من الولد يجبيني والله.
– راااح تموووتنييي اكلهاا تعااااي هسة.
– يماما شبيج فددوة اروحلج والله البنات يمي ندى ونسرين.
– راح تخليني اسبهن هسة ماالي شغل بيهن داكلج تعاالي هسة.
– مااما فددوة الله يخليج بس اتطمن عليّ واجيج والله ما اتاخر.
سدت الخط بوجهي بدون ما ترد
هي هاي امي ما تتنازل وتكلي ضلي لا تسكت وتسد الموضوع
رحت رجعت يم البنات دخلن سسترات للغرفه البيها ابراهيم
واخوانه وابو لزموا الباب، وكفنه كلنه قريب الباب من الخوف
التفتت على الباب من دخل بــارون العيون يلمعن والشعر يتطاير
والملابس اللابسهن المخليات لون عيونة يبرزن اكثر
ابتسمت ودرت وجهي
وكف يمهم سلم عليهم كلهم واجة وكف يمي
– دكيتي على امج؟
رفعت عيوني اباوعلة واحس مستحيه من نفسي شلون اباوعلة وافكر تفكير خايس بهيجي وضع
بس شيقنع كلبي
ضل صافن عليّ ينتظر ردي هزيت راسي ودنكت
– اي خابرتلها.
– خوما حجت؟
– لا.
سكت وضل واكف يمنه شوية وطلع الدكتور يصيح
– لا إله إلا الله.
طفرنه كلنه بسرعة وهو يصيح لا إله إلا الله
بس كال هيج امه وكعت بالكاع وابوا كام يدك على راسة ويبجي
واخوانه حضنوا ابوهم يبجون ويصيحون الولد كعدوا بالكاع يبجون ويدكون على روسهم
من الخوف رجعت ليورا لزكت روحي بالحايط ابجي واصرخ بخوف
– لااااااا يمةةةة لااااااا لاااااااا ابرااهيم يمةةة.
حطيت ايدي على حلكي اصرخ وابجي
كعدن البنات بصفي كلهن يبجن كعد بــارون كدامي ويصيح
– اسكتييييي غيدد كاافي راح تتخبلين!!
– ولك مااات ابراااهيم مااااات ياااايمة.
بــارون – غيددد غيددد لاا هيج غيدد.
يريد يلزم ايدي يوكفني واني الطم على رجلية وابجي
انكلبت المستشفى كلها صريخنه وصوت الصياح شعلواته من اهله
هُمام يدك على راسة ويصيح
– اابرااهيم خوووية ولك ابراااهيم خووية.
حضنة مصطفى وعبد الرحمن حضن نسرين الكامت تكمز وتصرخ خايفة من الاصوات والبجي
همس مصطفى يم اذن هُمام كاموا كلهم اجوا بجهتنه
مصطفى – بناات كاافي كاافي.
رجعت راسي على الحايط اشهك واصيح
– يمةة ولج يمةةة.
هُمام – كووومن كوووومن.
بــارون – كاافي غيددد شبيج كوومي نطلع كوومي.
طلعونه كوه كوه وكلنه نبجي حتى الولد يبجون ويمسحون بوجهم
صعدوا كلهم بسيارة هُمام ماضل مكان الي
بــارون – امشي ارجعي وياي امشي.
مشيت ويا جاي بسيارة عالية ماعرفت مال منو
صعدت ويا بيها
حركها واني الطريق كله ابجي واناشغ
– راح ابرااهيم رااح ياايمة شكللها شكول لمريم شكللها يمة.
– كاافي غيد مو هيج موتي روحج.
– ولك بــارون كلبي راح يووكف شكلهاا شكلهااا.
سكت ماجاوبني
ضليت ابجي واشهك وحدي وصلني لبيتنه وكف السيارة ونزل وياي
دك الباب هو واني رفعت الجنطة حاضنتها لصدري ابجي امسح دموعي
انفتح الباب طلعت ماما العصبية على وجهة من شافت حالتي فتحت عيونها بصدمه
شمرت روحي بحضنها اشهك واصيح بعلوا صوتي
– ماامااا.
– ياايمة شبيج ولجج غيدد شبيج ماما؟؟
– ماماا ابرااهيم ماات مااماا.
شهكت وحضنتني اكثر
سلم بــارون وراح بسرعة
طببتني للبيت حاضنتني تهدئ بية واني ازيد ماانقص
– ماما ماات ابرااهيم صديقنه ماات ماما.
حضنتني لصدرها وباستني براسي
– كافي يماما كافي الله يرحمة لاتسوين هيج.
مريم – منوه الله يرحمة؟؟
التفتت عليها بسرعة جانت نظرات الخوف على وجها باوعت بسرعة على ماما الدنكت وكالت بقهر
– ابراهيم زميلكم مات ماما.
عضيت شفتي خايفه من رد فعلها
وما لحكت اخاف فورًا وكعت بالكاع مغمى عليها
” نــهروان ”
شمر كلماته المثل السم عليّ وطلع بسرعة
بس طلع جريت نفس وباوعت على تُــراث الضل صافن على الباب
نــهروان – شنو قصدة هذا؟ شيريد مني؟
– ما اعرف.
كالها بهمس وضل صافن
طلع بسرعة وخلاني وحدي هنا ارعش من الخوف على أي ساعة يطب عليّ هذا العُثمان ويكصكني ويذبني للجلاب
هاي اذا ما شوة جسمي وسوا معلاك
لحظة هو المعلاك مو كبدة مال الطلي؟ هو شنو هذا المعلاك؟ كبدة؟ لاما اعتقد
ضليت كل عقلي افكر بالمعلاك وشنو هذا اصلا
لليل فات تُــراث يدخن وروحة طالعة
نــهروان – اكلك تُــراث المعلاك شنوة هذا؟
باوعلي ورفع تك حاجب
– هاي الخـ*ـوة مال الطلي.
فتحت عيني على وسعها بخجل وهو ولا عبالك دار وجهة يكمل تدخين
نــهروان – والله ماتستحي.
– اكلج اسكتي عني روحي بـ طـ***، صايرة.
– شبيككك شبيكك ليش تفشرررررر.
– وراثة.
– امده هيج وراثة.
– اي والله.
باوعتله بتك عين
– كبر.
– لفج بحضني.
– اوع كبر الك شو متستحي؟
– مو كتلج وراثة.
– وكبر حتى كبر.
درت وجهي منه روحي طالعة وهو ولا همه يدخن ويصفن
اخر شي كام يدك على الميز ويقره
عباس مسويها
كلما احاول ادير وجهي عنه غصباً عليّ الكة روحي اباوعلة واستمع لصوته
اليجيب اكبر تايهة صدك صوته حلو تمنيت اسمعه يقره قصيدة بصوته
بس خاف اكله وهم يفشر فـ سترت على روحي وسكتت
– اكلك .
– كليلي ؟
– هو شيريد مني؟
– يغتصبج.
– يماما.
– اي.
– واني شسووي؟
– كولي ااااه.
فتحت عيني على وسعها وهو يضحك برودة اعصاب
باوعتله وكلت واني اداري دموعي
– وام البنين اكتل روحي قبل لا اوصل لغرفته وشيصير خل يصير عسما افوت للنار ولا اخلي يلمسني لمسة وحدة.
– اي احسن الج اني هم هيجي اكول.
ضليت اباوعلة وهو يباوعلي ويدخن واني احس شفايفي ترجف مثل الطفل من يبرطم
ضليت هيج وهن يرجفن ودموعي مجلبة بعيوني
باوعلي وكام وكف كدامي
مد اصبعه جوة عيني وكعت الدمعه باصبعة
باوعلها وهمس
– ميصير تنزل هاي غالية.
– دنجب.
– ااااه؟
كلتها بحقد ودرت وجهي اصيح
– مااعندك غيررة والله هاي لو وحده من اخواتك تقبلها ها تقبلها؟
– اختي متزوجة .
– اي زين زين لو مرتك؟
– مرتي ماتت.
– زين شسمه بنتك تقبلها على بنتك؟
رفع عيونه خزرني خزره ندمني عشر سنين ليكدرام على كلامي
– حلكج اشكه اذا تعيدنها واسكتي .
– طلعنييي مناااا.
– كتلجج اسكتييييييييي.
كالها وضربني راجدي من قوته حسيت عظم فكي طك
صرخت وحطيت ايدي على خدي بوجع
باوعتله بسرعة لازمة خدي ودموعي تنكط بدون صوت
مسحت دموتي ونزلت روحي جريت الغطة رفعت على راسي
وكمت ابجي جوة الغطة حاولت ما ابجي بصوت عالي
بس مو بيدي من ابجي الشهكات تعلى ويا صوتي وحدهن
جر الغطة من فوك راسي باوعلي وهمس
– اني اسف.
– اكل خراااااا.
– ميخالف بس كومي احاجيج.
– وخر عني.
– احاجيج!
– وخرررررر عنيييييييييي!
باوع بعيوني اخر نظرة وطلع من الغرفه
ضليت حاطة ايدي على خدي وابجي واشهك اني الي محد يتجرا يباوع بعيوني
صرت انضرب واتساوم بجسمي ؟ اني يوكفون كدامي ويحجون بية هيج ؟ وسفة والله
ضليت نايمة بمكاني وصافنه
حسيت روحي احتاج حمام كمت على كيفي فتحت باب الحمام وطبيت
استخدمته ومن طلعت حسيت بأحد يفتح الباب
رجف جسمي بخوف من شفته العُثمان بعدني ما مستوعبة جيته
وفجأه طلع واحد من ورا وشمر زلمة بالكاع شهكت ورجعت ليورا لازم باب الحمام
اريد احجي بس صرخت بعلوا صوتي من شفته ابراهيم!!
ركضت لازم خاصرتي بجهته كعدت كدامه ابجي واصرخ
– ابراااهيم !! ابراهيم شجاابك ابرااهيم .
رفع راسة يباوعلي وعيونه مليانات دموع رفع ايدة حطها على خدي وهمس
– شمشمون ؟
– عيوونهاااا ابراااهيم عيووونهاا .
– شمشمون اجيت اطلعج شمشون اجيت اخذج منهم .
مالحكت احجي دفره واحد من زلم العُثمان على ظهره
صرخت وحطيت ايدي على وجهي وهو صاح بوجع
وجهة كله أثار ضرب وحالته حالة
نـــهروان – لاااااا تضربوا الله يااخذكم .
عُثمان – احب هيجي مشاهد كملوا .
اشرلهم وهم صاروا يدفرون بي على ظهره وعلى بطنه وعلى راسة وهو يصيح بوجع ويرفع راسة يباوعلي
نـــهروان – لاااا الله يخليك لاااا عليك الله لااااا سووي التريده بية لااا تلمسوونه الله يخليكم لاااااا .
احجي وازحف ليم رجلين العُثمان وهو مبتسم ويباوع على ابراهيم
ابراهيم – لااا تتوسلين نــهرووان عوفيهم لاا تتوسلين .
عُثمان – اويلاااه شحب هيجي مشاهد .
نــهروان – كللهم يعوفونه كللهم كللهم حبااب شتريد من عدنه .
دنك عليّ رفعني من شعري صرخت ولزمت ايدة كمت واحس سجاجين بطني من الألم
العُثمان – شريد ؟ الأردة اتونس واني هيجي اتونس شسوي يعني ؟
– انييييييي يمك عوووووووووفة .
– اسكتيييييييي لجججججج .
كالها وشمرني على الباب صرخت وقبل لا اوكع حسيت بأحد يسندني
رفعت راسي وحسيت بالفرج من شفتة تُـــراث
رفع راسة خزر العُثمان ونتر بي
– شبيك شتسوي هنا .
نـــهروان – حبااب كل خل يعووف ابرااااهيم الله يخليك .
باوع بالكاع على ابارهيم اليجر نفس كوة وفتح عينه بصدمة ورجع باوعلي
– هذا منو ؟
العُثمان – واحد حُشري .
– وضح ؟
– جان ينبش ورانه ولكوا الولد وجابوا .
– وليش هيجي حالته انتوا ما تجيبون زلم كبار ؟
– هلمرة عجبني اغير .
باوعت على ابراهيم دفعت تُـــراث وكعدت يمه رفعت راسه حطيته على رجلية
امسح بالدم من وجهه واهمس
– ابراهيم حباب فتح عيونك .
فتح عيونة بوجع باوعلي مبتسم وهمس
– شمشون انتِ زينة ؟
– زينة اني زينة ليشش اجيتت شلون جابوك !
– اجيت ادور عليج كلنه ندور عليج هُمام ومصطفى وعبود وغيد ومريم ونسرين وجواد واستاذ سمير وبـــارون بـــارون ليله ما ينامة من خوفه عليج .
شهكت ابجي بصوت وهو يباوعلي ويجر نفس بتعب
رفعت راسي باوعت عليهم كلهم صافنين علينة
نــهروان – تُــــراث الله يخليك ابراهيم ماعليّ رجعوا لبيته والله مـ..
حط ايدة على حلكي مانعني اكمل كلامي
ابراهيم – اسكتي اسكتي مايهمني اموت اهمشي شفتج كدامي .
– اسكتت ابرااهيم اسكت .
سديت حلكة بأيدي وهو يريد يحجي لا يروح يجفص كدامهم
سحلوا الولد كوموا والعُثمان يأشرلهم بأيدة هم هزو روسهم وطلعوا
صرخت وحطيت ايدي على خاصرتي ومشيت وراهم اصرخ
– لاااااااا وين اخذتوااا لاااااا .
حضني تُـــراث من ظهري وشالني العُثمان طلع وركع الباب ورا
حطني على الجرباية واني اصرخ وارافس برجلية
– لاااااااااا لاااااااا عليك الله كلهم لا يسوولة شيي .
تُـــراث – كااافيي ولج كااافي!
سكتت ابجي واشهك بصووت خايفة على ابراهيم وتُـــراث يدخن ويفتر يم راسي
– راح يكتلونه يماما والله حيكتلونه .
رفع اصبعه بوجهي خازرنه وشراره تطلع من عيونة
– اشش اشش صوتج ما اسمعه اشلع بلعومج واذبة للجلاب اذا سمعت صوت الج .
– ماااا اسكتتتتتتتتت اذاا ما يهدوووون ابراااهيم .
ركض بجهتي حط ايدة على ركبتي خانكني بقوة وعيونه انكلبن حمر ويلمعن يباوع بعيوني ويخزر بية وكاز على سنونه بعصبية
– مااايهدوونه مايهدوونه اليطب لهذا المكان ما يطلع منه اذا مو خسرران !!
شهكت اريد اجر نفس وهو خانكني ويخزر بية رفعت رجلية دفرته بقوة
فز مبتعد بسرعة واني اجر نفس واشهك حطيت ايدي على ركبتي واشهك
باوعلي ورجع ليورة يفرك براسة بقوة دفر الكرسي وطلع من الغرفه بسرعة
خلاني وحدي انازع بهاي الغرفه الي صارت مثل السجن عليّ
كل ليلة تمر عليّ بهاي الغرفه احس السواد يسحبني اله اكثر واكثر
والي رعبني وحطم كل أمالي انُ يجي يوم واطلع من هاي الغرفه
هو منظر ابراهيم بين اديهم اخذه العُثمان يعني من سابع المستحيلات يهدة
بدون ما يسويلية شي ، كلها بكفة والي شفته يسوي بالطفل بكفة
اذا كتل ابراهيم وسوالة هيج يمكن بوقتها اموت ما اتحمل اضل عايشة
لاازم اطلع من هاي الغرفه لازم
واكيد مراح اكدر اطلع وتُــــراث يفتر فوك راسي لازم اخلص من هذا تُـــراث يله اكدر اشرد
كلمره اريد اشرد الكا بوجهي مانعني مستحيل اكدر اشرد وهو يمي
خلص لازم اسوي شي حتى اشرد واروح اخذ ابراهيم ونطلع منا ونروح نبلغ عليهم
ضليت لازمة ركبتي وصافنه افكر شلون اكدر اخلص منه
صفنت بسرعة وتعوذت من فكرتي
– شلون تكتلينه مطية انتِ ؟؟؟ بس مااكو غير حل هذا ميحل عني
وبسببة راح يجبون كل الولد لهنا ويكتولهم واحد واحد .
حسمت الموضوع
خلص اليوم بليل لازم اخلص من تُـــراث حتى اكدر اشرد من هذا المكان واخذ ابراهيم ونطلع
كمت فتحت الكنتور جريت صندوك الي بي العلاج
لكيت شاش وعصارات وبطل مغذي وابر وخيط وشغلات هواي
رفعتهن ادور جواهن لكيت مكص جبير جريته بسرعة ورجعت الغراض
رجعت لمكاني حطيته جوة المخدة وكل عضلة بجسمي ترجف من الخوف
بس هذا الحل الوحيد ما خلولي اي حل حتى اخلص منهم
مددت على الجرباية ارجف وافرك بأيدي
مرت فتره طويلة انفتح الباب دخل تُــــراث يجر نفس بتعب ويفرك بعيونه
والايد الثانية شايل بيها جكارة ، باوعلي وحط ايده على خدة وميل راسة
– شلون صرتي ؟
رفعت عيوني اباوعله واحاول ما ابين اله اني متوتره سكتت ما جاوبته
وكف كدامي رفع وجهي بطرف ايدة وصفن بعيوني
– لا تخافين على ابراهيم زين .
– الله ياخذكم .
– اسكتي اسكتي .
كالها ودفع وجهي بخفت ايدة وطلع وسد الباب ورا
كمت بسرعة هذاا شسوة !!
ليش طلع ليش ، ضليت اباوع على الباب عسى ولعل يرجع يفتح الباب
وما رجع مره ثانية نعست حيل وماكدرت اضل كاعدة
غفيت بتعب واني عيني على الباب
ماحسيت غير على صوت الباب ينركع وهو يمشي ويفرك براسة حيل
غمضت عيوني بسرعة سويت روحي نايمة
حسيت بي قريب عليّ مد ايدة مشاها على شعري وحطها على كصتي
وكلبها يتحسس حرارتي دفع وجهي للجهة الثانية بخفة ايدة وهمس
– هم حلوة وهم لسانها اطول منها .
ضليت مسوية روحي نايمة وهو يفتر بالغرفه
اخر شي صار هدوء فتحت عيوني بسرعة شفته شامر روحة بالكاع نايم بدون لا فراش ولا مخدة ولا اي شي جوا
بلعت ريكي وضليت اباوعله لحد ما حسيته صدك نام
جريت نفس بخوف وكمت على كيفي
جريت المكص من جوة المخدة وكمت امشي على كيفي
تمشيت وصلت يمة
دنكت كدامة اجر نفس بخوف رفعت المكص اريد ادجة فجأة فتح عيونه باوعلي وسرعان ما صارت عيونة على ايدي الشايله بيها المكص
شهكت بصدمه وقبل لا يسوي اي شي ضربته بالمكص بنص بطنه
صاح ولزم ايدي دفعت ايدة بأيدي الثانية جريت المكص طلعته من بطنه
صاح وعيونه بعيوني الصدمه على وجهه تشرح خذلانه مني مامتوقع
اخطي هيجي خطوة ، والصدمه الثانية من رفعت المكص مره ثانية
وضربته دخلن سجاجين اللمكص اثنين بنص بطنه
يتبع…
الفصل التالي اضغط هنا
يتبع.. (رواية تراث النهروان) اضغط على اسم الرواية لتجد الفهرس كاملاً بجميع الفصول.