رواية الموروث نصل حاد – الفصل السابع والخمسون
♛ 57 ♛
وارث : يمه انتِ تصبريني لو تحركين بگلبي ؟!!
كمل وطلع برا يدخن جگارة ويخابر عليهم حرك التلفون .
نص ساعة وشيخ ضـلـيل اتصل بي
_ دقايق ونوصل انتَ وينك .
وارث : صار ساعتين اخابر عليك انتَ وينك .
_ وصلنا .
سد الخط والتفتت على امه
_ وصلت مُـرجانـة .
مُـرجانـة ..
صار شهور الشك عايش ويايه واخذ مني طاقتي
وشبابي احس بروحي كبرني وسواس فوك مصايبي
بعد الصار بيه ماجنت اتمنى أتعرض لهيج غدر
ومن شخص حاربت حتى اخذه ، شخص چان اول
حب بحياتي واول انسان شفت نفسي بي .
جسمي نمل اول ما وگفت السيارة وشفته
من بعد هل اشهر ، شگد رفضت شوفته
ولا احس بروحي مستعدة أقابله وگلبي
مقبوض لا يحجي كلمة تقهرني مثل ما
سواها وسبني وراد يموت الطفل ، ماتحركت
ودرت نظراتي على امي انتظرها تجيني
نزل عمي ضـلـيل اثنينهم واحد سلم على ثاني
لابس الزي الخاص بمهنته والتفتت يسلم على
امي واتبع خطواتها من اجت يمي فتحت باب
السيارة لزمت ايدها وهوَ اجه وگف مقابيلي
صحت من الوجع ظهري يريد ينگص وضغطت
على ايد امي قوي ونظراتي على مستشفى
مُـرجانـة: يمه لا تعوفيني خايفة والله .
وارث : لا تخافين وانا يمچ مُـرجانـة .
تقربت ملِكه وامه بوستني تهمس
بصوت ناصي حتى ما يسمع ابنها
محذرها ماتجي عدنا حتى ماتصير مشاكل
بس هي ما تحملت ما تطمئن عليَّ وعلى طفل
ام تراث : شبيچ يمه چا مو قبل اسبوع جنت
يمچ ما بيچ شي ماكو ولادة شلون صارت هسة ؟
مُـرجانـة : بطني تريد اطگ من الوجع .
لزمت ايد ملِكه امشي وياها وهوَ وامي يمشي
مقابيلنا من شافني ما انطيت اهمية لكلامه
وعمي ضـلـيل باقي برا المستشفى ما فات ويانا
واشر بيده من بعيد بمعنى خابريني مشيت
وياهم مرعوبة الرهبة شكبرها بگلبي .
وصلنا للغرفة فتح وارث الباب ومن بعيد صاح
على ممرضة تصيح الدكتورة ، عدل السرير
مريت قريب من عنده اريد اصعد على سرير
ودخلت الممرضه تبلغه
_ الدكتورة اجت هي ودكتورة جنى .
فاتت الدكتورة عمرها ب40 تقريباً وراها جنى
اخت ملِكه اول ما شفتها عرفتها ، دخلوا جهاز
للغرفة والدكتورة اجت يمي تضحك
_ يا مرحبا بمرجانة شلونج ابنج شلونه .
مُـرجانـة : دكتورة الطفل من البارحة ما يتحرك .
_ اوف اوف ، جنى سونار بسرعة .
لهنا الوضع طبيعي ومتجاهله الوضع
الى ان رفع ايده يأشر الها يحاجيها
وارث : يلة جنى استعجلي .
جنى هيچ بدون دكتوره بدون لقب وهي تجاوب
_ وارث خليها تجي على غرفة السونار نسوي وتخطيط .
خليت عيوني بعيون امي ما راضية فوك
الوجع اگعد اركز بهل اثنين واحرك بدمي ليش
هوَ اني شفت الموت بعيوني هسة والوجع
گطعني ، وارث مخبوص طلع وياه الدكتورة
اسمعه يسألها خايف
_ بيها شي مُـرجانـة ؟ عليها خطورة ؟
_ والله ما اعرف خلي نكمل التحاليل والسونار ونقرر .
الجنطة مالتي ومال الطفل امي خلتهن على
كرسي بعيد مديت ايدي والغصه بصوتي طلبت
مُـرجانـة: تلفوني يمه .
جنى : بعدين حبيبتي السونار اهم .
ملِكه بين عيوني واگفه احتراماً لمواقفها ويايه
لطمت حلگي وسكتت ، ورحت على امي اخذت
الجنطة وسحبت التلفون كتبت رسالة لعمي ضـلـيل
_ الله يخليك بدل المستشفى لا تجبرني ابقه وياهم
فوك الوجع گلبي يحترك ما اگدر والله .
اقل الدقيقتين اندك باب الغرفة فتحته ملِكه
شفت عمي ضـلـيل عفتهن ورحت عليه
لزمني من ايدي اخذني ليغاد منهم يحجي
ويايه بصوت ما يسمعه غيرنا
_ شصار ؟
_ ما اريد اشوفه عمو ما اگدر والله انتوا تضغطون
عليَّ ، بس طلعني والله ابيع هذا محبسي واجيب
على حسابي بس اريد اخلص من هاي المستشفى .
التفت على امي وصاح بيها
_ ام فارس الجنط بساعچ خلينا نروح .
ورجع يحاجيني بزعل
_ هاي وحّده وياچ والله محسبتني خليتچ
تجين هنا حتى ما ادفع فلوس ولادة بنيتي .
مسحت دموعي وحتى خجلت افهمه ادري بي
مايقصر بس على يا اساس اخلي هوَ يدفع
اسوي كلشي في سبيل اخلص من القلق النفسي
اللي عشته من اول ما شفته وشفتها ورجعت عشت
نفس عذابي من عرفت بعلاقته بيها ونبراس وشماتتها .
اجت امي ما راضية
غـاليـة : عيب لچ مُـرجانـة الزلمة مخبوص بيچ وخايف
ومتلهف على شوفتچ انتِ وابنه شنو بدر منه وتعرفي
وتروحين هيچ ، انوب اجه يربي ما تنقهرين عليه
شوفي شلون يركض خايف .
مُـرجانـة : چنن اريد اتأكد وتأكدت يمه خلصنا .
وصل عدنا بيده علاگة مليانا علاجات ومغذي وابر
وارث : بيها شي ؟
فلتت ايدي من ايد عمي ومشيت قبلهم اريد اطلع
وخليتهم همَّ يتفاهمون وياه ماعندي قابلية اتناقش
واخذ وانطي وتصير مشكلة ، اسمع عمي ضـلـيل يبلغه
_ مُـرجانـة ماتريد هاي المستشفى .
قبل لا اصير بعيدة حسيت بيده صارت على معصم
ايدي وبكل حذر رجعني يمشي بيه للغرفة سحبت
ايدي بكل هدوء وابتعدت منه كل ما امشي يقترب
ما يشوف احد امه وامي وملِكه واختها خايفين
من رد فعله واني الوجع راح مني من انحشرت
بالحايط وهو صار گدامي ومال راسه برغم
ملامحه العصبيه يحاجيني بصوت خشن
بدون ما يرفع نبرة صوته حتى ما اخاف
وارث : ليش تبدلين المستشفى شصاير ؟
_ ما عجبتني .
_ شنو ما عجبچ بيها حاجيني وابدله الچ .
_ محبيتها .
_ تريدين اغير الغرفة ما عجبتچ ؟
_ قابل راح اعيش بيها .
_ الدكتورة اغيرها اكو دكتورة ثانية هم شاطرة
گولي شنو ما عجبچ واغيره ليش تطلعين ؟
_ الناس بالمستشفى ما عجبوني اختنگت .
ردت ابتعد گطع طريقي رجعت سريع ليوره
وعثرت بالكرسي ردت اوگع ثبتت روحي ورفعت
ايدي رافضه يطخني ما اريد احس بلمساته
وارث : مو احجي وياچ اثبتي بمكان ما اريد
كل شوية ساحبچ اخـاف تتأذين مو زين عليچ
مُـرجانـة حالتچ هاي مو لعبة طلعتچ بيها خطورة .
_ اغير المستشفى ما ارجع للبيت .
_ مرجان ركزي بكلامي هاي المستشفى احسن
الج وللطفل هنا جماعتي الطفل من راح يجي يحتاج
حضانة واهتمام خاص ولان جماعتي وگدام عيني
يظل احسن والله ، لا تفكرين بتهور بس هل مرة .
_ بس هل مرة ! شنوو قصدك ؟!
ام وارث اجت يمي لزمت ايدي واخذتني على سرير
خلت ايدها على صدرها وتمسح على راسي
_ الخاطري اذا عندي خاطر يمچ تبقين .
لزمت بطني والوجع خلاني افرفح وگفت على حيلي
اصرخ وظهري يريد يطگ اجتني امي حضنتها ومن
راح الوجع گعدت تحاجيني همست الها
مُـرجانـة : خلي يغير ام السونار ما عجبتني .
غـاليـة : لا تخربين علاقتچ بملِكه وتكسرين خاطرها
تغاضي على كلشي اليوم امي انتِ نور عيوني
اروحلچ فدوة خلي يمر هل يوم وتولدين بالسلامه
وزلمتچ المسؤول ، اذا نطلع وصار شي بالطفل
هذا شنو يسكته حاجيني يذب كل اللوم بينا .
وگفت وكفتني وياها وهوَ يتابعنا ومتردد يدخل
راح يمشي بطيء قبلي وكل كم خطوة يرد يتلفت
يطمئن عليَّ ويرجع يكمل طريقة گعدت على كرسي
ما اتحمل امشي بعد رجلي توجعني وجسمي
ما اعرف منين الوجع يصد بي بجيت على ايد امي
وهي تصبر بيه وتگلي
_ گولي يا علي يا حاضر الشدات نادي يا علي يمه .
حاولت وصلت الغرفة السونار نمت على سرير
وجنى تفتر جابت سائل وسحبت الغطه غطتني
من شافت وارث تقرب ما ناوي يطلع
جنى : اذا تحب انتظر برا وارث .
وارث : اريد اشوف ابني .
هزت راسها ورفعت ملابسي طلعت بطني
ذبت الجل علبها ومشت السونار واشرت على طفل
جنى : فدوة ما شاء الله هذا الحلو الفصعون
متحمس يريد يجي على دنيا مجهز روحو .
ابتسم وارث واقترب من السرير مالتي
تقابلت نظراتنا تجمعت العبرة بصوته وهوَ يسألني
_ عرفتي جنس الطفل ؟
_ ما اريد .
نظراته حجت رهبة ما يگدر يشرحها
وارث : ليش ؟ ما تريدي بعدچ ؟
سمعت صوت نبض الطفل رفع راسه على شاشة
عيونه مدمعه بفرح ، ابتسمت امي وسألتها
غـاليـة : بشرينا دكتورة ؟
_ وضع الطفل غير جيد ، النبض ضعيف
ضروري ولادة مبكرة تصير اليوم .
وارث : التخطيط ؟
_ سحبت كلشي لا تخاف راح اوصل ملفها للدكتورة .
اخذت الأوراق وطلعت تمشي سريع ، مد ايده يريد
يساعدني خليت ايدي على امي وگفت ساندتني
طلعت انود من الوجع رجعت بالغرفة لگيت جنى
گاعدة هي وملِكه تسولف وياها من شافتنا سكتت .
دخلت الدكتورة طلبت منهم كلهم يطلعون
بقت بس امي يمي فحصتني وكملت الملف
بقت تسأل وتستفسر على خالتي وصاحت
عليهم طبيعي دخلوا ودخلت بنية سوتلي تحاليل
وراحت بسرعة ، تريد تخلي مغدي اي وريد ماكو
الدكتورة : جسمها يرجف من فقر الدم حرامات هيج .
غـاليـة : دكتورة اكل ماكو گاطعته جانت عايشة
على ماي وبالجديد حتى من الماي تلعب روحها .
الدكتورة : اي بس يا ماما اذيتي نفسچ وابنچ .
وارث : هي من زمان ماتحب تاكل قبل الحمل .
عفتهم ودخلت للحمام مخنوگه ذبيت ملابسي
وغسلت وامي فاتت تنشف بيه ما قبلت البس
الداخليات الدكتورة ما تقبل لأن اختنك
احس بالطفل يصعد على گلبي رغم هوَ نازل
لبست شلاحه ربع ردن قصيرة حتى اكدر
اتحرك بالغرفة براحة واولد بلا ما أتضايق
والباب مطبوگ ما ينفتح الكادر كله نسائي
بمجرد ما طلعت شفته گاعد على تخم مقابيلي
مدنگ راسه ويدخن جگارة من شافني طفاها
وثبت نظراته عليَّ ، تغاضيت ورجعت بمكاني
احوم ، اجت الممرضة تريد تركب المغذي مرة ثانية
اخذه من ايدها واجه بلا احم گعد بصفي ولزم
بيدي يحرك بيها ماكو وريد بي خير
مُـرجانـة : ما بيه حيل تعذبوني بالإبره
سوولي عملية أحسن ما اريد طبيعي .
صرخت ردت اجر ايدي من الأبره لزگها وجاوبني
وارث : خلصت خلصت ، لا تفكرين بالعملية خطرة .
مُـرجانـة : وين الدكتورة افهمها مو حمل وجع اني والله .
_ لا تخافين راح اسوي كلشي اكدر عليه حتى
تولدين بالسلامة بس انتِ ساعدينا وبطلي عناد .
اخذت ايدي منه ، رجع سحبها ركب المغذي
واجت الدكتورة اشرفت على باقي وراحت .
ملِكه اجت بصفي من زاد الوجع بيه
بقيت اطلگ الحد ما انبح صوتي اتعب
اهلك هلاك بس يروح الوجع اخلي راسي
على حضنها انام وهيَّ تحير شلون تلزمني
فزيت من الوجع ادگ على راسي اجت امه
تلزمني وهوَ شرد برا
مُـرجانـة : يمه راح اموووت والله راح اموت خلصوني
ما اريد هذا الوجع اريد عملية الله يخليكممم ما اكدر .
اجت الدكتورة شافتني وشافت وضعي تگله
_ طبعاً ما بيها حيل حامل وامها تگول من البارحة
اكل ما مر عليها شلون يصير عدها حيل للطلوگه .
نزلت رجلي اريد اهج من الوجع ، خليت راسي
على ام وارث حضنتني وامي ادلك بظهري
وارث طلع دقايق ورجع بيده علاگه فتحها
على طبلة واشر الـ ملِكه
_ ملِكه انتِ وجنى گومن من التخم .
وگفن غاد منه لزم واجه يمي مد ايده وره
ظهري عبالك انتلت مااا اريددددد يلزمني ما ارررريد
وگفني على رجلي ابتعدت عرفني نفرت منه
اشر على تخم ورفع ايده يقنعني
_ اكلي حتى اخليهم يحولوچ عملية .
مُـرجانـة: جذاب تجذب عليه .
_ اكلي وشوفي .
_ قريت ذاك اليوم ميصير اكل قبل العملية .
جنى : كشفتك .
درت عليها تضحك بوجهي خزرتها ردت اوگع
من الوجع لزمت بيده وبجيت بكل قوتي
مُـرجانـة : صار ساعتين اتعذب كافي وارث تعبت .
وارث : استغفر الله امري لله رايح اوقع على عملية .
غـاليـة : يا عملية غير عدها ولادة شبيك وارث
انتظر حرامات عملية هذا الوجع تشوفه نفسه وراها .
مُـرجانـة : يمه راح اموت والله دا أشم ريحة الموت .
وارث : لا تحجين هيچ يومي قبل يومچ
لا تفاولين على روحچ وتخوفيني .
گعدت على تخم اضرب بروحي من تجيني
كل كم دقيقة روحي تطلع بكل معنى الكلمة
احس بروحي تطلع ، ضربت راسي بالحايط
الحد ما انكسرت القراصة براسي وطاحت
حط ايده وره راسي بقيت اضرب راسي وگفت
بسرعة افتر بكل مكان بالغرفة خلص صبري
وصلت حدها وضع الطفل ووضعي ما يتحملن
تأجيل ولا صحتي تسمح اتحمل وجع زايد
بعد ما شافتني الدكتورة انقهرت
_ حاولت اخليها تولد طبيعي جسمها ما يتحمل
وصحتها ابد مو طبيعية اذا تكمل هذا الجهد مالتها
نخسر الطفل والله يسلمها تضرب بروحها راح اضطر
اخليها تولد قيصرية اسهل تكون ويه حالتها .
صاحت على ممرضات يجهزون الصالة
ذبيت المغذي من ايدي وگفت متأذيه
الدنيا بكبرها تفتر بيه ، نومتني على سديه
غطت كل جسمي الممرضة وامي تلف بشعري تبوس بخدي
غـاليـة : صيري سباعية يمه اقري ايات ، نادي يا علي
فدوة اروحلچ اتحملي والله بس تخلصين وتشوفين
ابنچ تنسين هذا الوجع كله يمه مُـرجانـة .
ما جنت اسمع الها اشوف دموعها بس التعب
تغلب عليه ، ما كمر اشوف احد اريد بس اخلص
بالي ويه الدكتورة الى ان دخلوني للصالة
الرعب تملك كلبي وفاتت بنية تسولف ويايه
تسألني اني زوجة وارث وشوكت تزوجتوا وشلون
تعرفتوا الى ان ضربتني ابرة وخلت شي براسي
ما حسيت بعد بالدنيا بكبرها شنو صار وين ما وين
ما ادري ، بين العملية وأفاقه اسمع صوت وارث
بأذني متمسك بيدي واتحسس شواربه على خدي
ويمكن هذا الصار وهم وجنت فاقدة مو بوعيي .
رجعت اسمع بصوته وأيده الدافيه مثل الحلم
اتخيله جنت بس مصيبتي اللي صارت طلع حقيقي
وارث : مُـرجانـة تحبيني ؟
جنت اشهگ من البچي واجاوبه بقهر وگلبي محروك
_ تخون بيه اذا ما اخونك تحب جنى تف عليك .
حسيت بيده على شفايفي واسمع ضحكته كون
ميته لو أطلگ ليل ونهار ولا اختاريت اتخدر
هسة مصايبي الكواكب المجاوره تعرفها
بكل ثقة تتخدرين ليش ولچ ليشش
جنت اسمع صوتي اصيح بعالي صوتي
_ زير النساء المنبووذ المكروه الجذاب الشايب
هسة اطلگك واتزوج غيرك واحد اكبر مني بسنتين .
وارجع افقد ما اتذكر ولا احس على روحي
ولا اعرف بالوقت شكد مر بس صحيت على صوت امي
غـاليـة : عليچ الله ملِكه لا تخليها تشوف الفديو هذا
غير تلزم روحها وتكتلها ما تقبل على هيج كلام .
فتحت عيوني شفت امي لازمه ايدي وملِكه
سدت الكاميرا مال تلفونها اخذها واگفه على
حايط تباع علينا ، وام وارث گاعدة بصفي
وارث على تخم منزل جسمه وساند
ايده على رجله وراسه نازل ما يباع عليَّ
_ ها مرجانه .
_ عطشانه .
_ حقچ تعطشين على حجي والرزايل والفشار .
رفعت راسي تشربني بالبطل ما گدرت اشرب غير قطره .
صحيت افر براسي من الوجع وجسمي اخاف احركه
بطني مگصصه تگصص ، طلع وارث من الغرفة
بجيت واشرت گوه رفعت ايدي احجي واشهگ
والتخدير براسي وبلعومي يحرگني حرگ
_ راح ياخذ ابني يمههه أريد ابني .
ام وارث : وين ياخذه يمه بالخدج ابنچ
ميصير يطلع منها حبيبتي راح يظل هنا .
لمحت سوارات اربعة بيدي يطلعن صوت
رفعت ايدي اگلب بيها منا ومنا مستغربة
صوتي بي خشونه من الصريخ
مُـرجانـة : هذني شنو بيدي .
ملِكه : هديّة وارث لبسهن الچ من جنتي نايمة .
بقيت اباع عليهن وانام وارجع افتح عيني اباع عليهن .
فات بيده اكل اخذته امه وراحت هي وملِكه
عدلته على طبلة، غمضت عيوني ونمت من
شفتهن گعدن ياكلن ، عطر وارث دخل انفاسي
وحركة قريبة مني صرت حسيت بي گعد وصوت
كاميرا التلفون عادي صار بأذني
غـاليـة : وارث انتَ وملِكه لعبتوا بيها لعب بالتصوير .
وارث : ذكرى أبقيها، ماعندي صورة الها وهي حامل
بس وحده ومن بعيد ماخذها الها من أجّت للدكتورة .
دعيت ينغمي عليَّ وعيوني سديتها قوي بس
افتحها يصير مقابيلي اصبعه صار على حاجبي
رسمه يعدله ويرجع عليه اكثر من مره درت وجهي
على خفيف حتى مايگول تحس عليَّ ومتقبلتني
لا متقبلته ولا اريده ولا اريد لمساته اصلاً
فكيت عيني خزرته وهوَ ما ينطي رد فعل گاعد
وارث : شلون صرتي .
درت وجهي منه بزعل لزم ايـدي جربتها
وارث : تريدين تشوفين الطفل ؟ لو بعدچ ما تريدي .
مُـرجانـة : شنو ما اريده صار يومين اطلگ
بي شفت الموت بين عيوني وتاخذه على حاضر شنو ؟
وارث : مو گالوا رجعتي خرسة ؟
كلهن يضحكن لزمت بطني اتأفف من قربه مني
مُـرجانـة : يمه تعالي اخذيني للحمام .
وگف قبل لا تجي امي رفع السرير وجسمي ارتفع
قرب روحه حاوط ظهري وبيده الثانيه نزل رجلي
بقت تتلولح ما ألوح الأرضية لبسني نعالي
وسحبني خفيف خفيف الحد ما وگفت صرخت
ولزمت بملابسه الدنيا كلها تفتر بيه بقيت اصيح
_ الزمني الزمني راح اوگع اخ بطني الخياط انفتح .
وگف ورايه سند كل حيلي عليه ويحاجيني
وصوته عود شوفيني ترا اني هم زعلان منچ بعدني
وارث : ما توگعين هسة تروح الدوخة .
_ بطني توجعني .
_ هسة تاخذين مسكنات .
اشرت على امي بيدي وبلا ما يشوفني عضيت شفتي
متعصبه اريدها تاخذني منه هو شنوو يلزمني هذا
اجت وملِكه تضحك على ملامحي ، ام وارث تباع على ابنها
وجنى ساكته ماكو على وجهه اي ملامح فرح او حزن .
فوتتني امي للحمام غسلت ولبست دشداشه
ساده لون سمائي صلوخ فوگاها روب سمائي
بي تول ابيض بعد الولاده اشتريته قبل شهر
عدلت امي شعري ورفعته كله فوك وطوگ وشال
لوو ابيض خليته على راسي مفتوح طلعت
لگيت هوسة صايرة بالغرفة بيرغ واگف بيده
باقة ورد لون ابيض كلها جبيرة خلاها بيده
بيرغ : الحمدلله على سلامتچ .
وراح على وارث يطبطب على ظهره
وارث : يتربى بعزك اخووي .
گعدت على فراشي امي ساعدتني وجاوبته
مُـرجانـة : يوم الكم .
فات همام هوَ وامه بيدهم اكل وورد يستحي
ينطيني يدفع بأمه اخذتهن امي منهم
همام : شلونچ خوية الحمدلله على سلامتچ
_ الله يسلمك الحمدلله شكراً .
دخل سَــهم يضحك مو كل گلبه حضن وارث
حيل وارث حضنه ومن كل گلبه يحاجي
سَــهم : محضوظ ابنك انتَ ابو .
وارث : حبيبي .
عافه واجه يمي جر الكرسي وفتح علبه بيها
حلقوم ، وعلاگه ثانية مال بسكت
سَــهم : نحلتنا صارت ام .
وارث : ولك مايصير تاكل ضمهن بعدين .
سَــهم : ولا وحده ؟
_ ولا وحده ممنوع .
سَــهم : شوفي وليدچ مايقبل مسودنا وليدچ .
همام : الجنتل مان مالتها يخاف عليها .
ضمن ام وارث وجهه بفوطتها وخربت ضحك
جنى : وليدها ؟
همام : وارث ابن مُـرجانـة الأول .
سَــهم : حفيد الشيخة غـاليـة .
وارث : انطم انتَ وياه لا اجي اطمكم بطريقتي .
همام : ما يرضى شوفي ما يرضى .
مُـرجانـة : مدري شنو جنت احس عيوني
جانت معميه هسة صحيت .
سَــهم : افاااااا .
وارث خزرني مصدوم من جوابي ولا اهتميت
مُـرجانـة : ماكو شي اسمه جنتل مان
هاي بس بأفلام الكارتون.
عاف الغرفة وطلع شايط مثل ما عشت اشهر
گلبي يفور ويحترگ احسه صار گلبي اسود مفحم
بيرغ طلع وراه وامه بقت گاعدة ما تحجي ابد
امي ما راضيه وملِكه كاتمه صوتها بس سَــهم وهمام
يحششون ويضحكون يلطفون جو بالمكان
همام : مُـرجانـة صايرة زرزور دخيل الله شنو جبتي .
سَــهم : سلبوح .
ام وارث : هوَ قرا بأذنه بعده .
همام : هم فكر بأسم لو بعده ؟
ام وارث : مرة من چان بالجامعة
سألته گال بنفسه يسمي ابنه سجاد
بس اذا تزوجت وحبيتها ، والبنية نسيت
شنو راد يسميها .
راحوا ياكلون اكلوا الأكل كله ، وهمام يستفسر
من جنى على الشغل بالمستشفى وهيَّ تجاوبه
وعينها بالگاع ما رفعتها ابد وترد على گد السؤال
مُـرجانـة : اريد اشوف الطفل ماما .
ملِكه : هسة اصيح وارث ياخذچ .
جنى : لا لا وارث عند الدكتور يريده .
امي باوعت عليها بنظره بحيث خلتها تطلع وخابرت على وارث
_ انتَ وين ؟
جاوبها من فتح الباب وفات
وارث : هنا يمكم بالممر گاعد .
غـاليـة : والدكتور ؟
_ يا دكتور باقي هنا .
ام وارث : مُـرجانـة تريد تشوف الطفل .
دار وجهه ذب گلاص الچاي من ايده واجه يعدل بملابسه
امي ساعدتني انزل سندت روحي عليها وراحت امشي
وياها وهوَ مقابيلي الخدج مسافته قريبة على غرفة
وگفنا مقابيل باب بي جام شفاف
وارث : شوفي منا ميصير تدخلين .
مُـرجانـة : لا اريد اشوف افوت صيحهم .
بقيت اباوعله هوَ يباوعلي ثواني وراح صاح البنية
قبلت ندخل بس من بقيد نوگف ، فتح الباب على خفيف
مشيت بصعوبة وهوَ ايده وره ظهري بسبب الدوخة
ما اتوازن ، صرت بوسط الغرفة ودموعي نزلت
مُـرجانـة : يمه عبالك كتكوت صغيروني .
وارث : هسة يكبر ويحلو مثل امه .
تقدمت كم خطوة وحسيته هواي صار قريب مني
وارث : لازم نختار اسم ؟
مُـرجانـة : اختار .
_ أوس .
انقبض گلبي وعيوني حرگتني احسه ضربني بگلبي
ما بينت ابد وهزيت راسي وافتريت طلعت من الغرفة
لزمت ايد امي وخليت راسي على صدرها امشي
ودموعي تصب على خدي ، رفعت راسي شفت
جنى واگفه هي والدكتورة
الدكتورة : عفية عليچ مشيتي بطلة .
غـاليـة : تگدر تطلع .
_ فد ساعتين واخذوها حبيبتي الحمدلله على سلامتها .
دخلت للغرفة خليت راسي على مخدة وغمضت
اسمعهم يسألون بي شلونه شفته قرا بأذنه هو هم ساكت .
نمت من التعب والدوخة ما ادري شگد صحيت
على صوت عمي ضـلـيل يبوس براسي يضحك
ضـلـيل : الحمدلله على سلامتچ ام سجاد .
بقيت جامدة ما انطي رد فعل ضحك وفتح علبه
بيها محبس لبسني المحبس وگعد بصفي
بس ام وارث موجودة الباقين كلهم ماكو
تراث واگف بالباب يسولف هوَ وامي
تقربت من عمي وهمست
_ اسمه اوس مو سجاد .
_ المدلع توه گال اسمه سجاد ومسويله بيان .
التفتت على وارث خازره وارث هم يرد الخزره
ضـلـيل : المدلع اهل الصدوره ابو منو انتَ؟
وارث : ابو سجاد .
لزمت المحبس افر بي
مُـرجانـة : هوَ گال اسمه اوس .
وارث : من اول ما طلع من صالة العمليات سميته سجاد .
ضـلـيل : هوَ يموت اذا ما يجذب .
جمعت امي الجنط وارث باقي بمكانه
لبسني عمي ضـلـيل عباتي وام وارث
وگفتني لازمتني وعمي راح يشغل السيارة
وگفت قريب من وارث بلا ما اباع عليه سألته
_ وابني ؟
_ راح يظل عندي .
_ مو بكيفك .
_ چا بكيف منو ؟
_ اريد ابني وين عمي ضـلـيل .
غـاليـة : هههه وارث عوفهاا .
ام وارث : ولك الظالم هي بيها حيل .
وگف مقابيلي يعدل بشالي دفعت ايده
وارث : راح يظل بالخدج انا اراقبه هنا يمي .
_ واني شلون اشوفه ؟
_ كل كم يوم اجي اخذچ تشوفي .
_ ميحتاج عمي يجيبني .
_ عشرين يوم ويطلع ان شاء الله .
_ عود دير بالك عليه لا تلتهي بفلان وعلان .
رفع حاجبه وايده بجيوبه يضم بضحكته
_ احاول .
گعدت على كرسي متحرك هو يدفعه وصلني للسيارة
ساعدني اصعد وراح گعد بالصدر بصف عمي
وامه بصفي هي وامه ، ما عبالي يجون ويانا
وصلونا للبيت شاهين منتظرنا بالباب وهمام
هو وسهم لازمين ذبيحة ذبحوها جوه رجلي
دخلت من الباب نقش شمرت عليه جگليت
وشبگتني بكل قوتها فرحانه ، وننوس تاكل
بالجگليت اخذت اربعة وركضت على وارث
تنطي تفتحله وهوَ ياكل من ايدها
وارث : ها ولچ .
خلت راسها على اجتافاته تبتسم
ضـلـيل : انزلي يولو لا اجي املص هل عيون .
وارث : عوفها عوفها .
ام وارث : الظاهر بنيتك الثانية هاي هم تحب المدلعين .
ضـلـيل : الأولى بعد انگرصت من المدلعين ما تريدهم .
وارث غلس ولا عبالك سمع وراح على شاهين
فاتت ام وارث لگيت نقش مجهزه الغرفه جوا
مرتبتها بصف غرفة امي نمت على فراشي
نعسانه بس ذبيت عباتي احجي ويه نقش
ونمت وارث ماخذ امه ورايح ويه همام وسهم .
ميمونة …
منتظره بالگراج التلفون بيدي كتبت
_ بندر تأخرت .
ما شافها طلعت رقية بيدها تفاحة تاكل بيها
_ تعالي اكعدي ويانا جوا ليش واگفه هنا .
_ منتظره بندر يرجع .
انفتح الباب ودخل مستغرب مو وگفتي هنا
ميمونة : الله يساعدك .
اخذت منه علاگه الملابس مالته ومركزه على ابتسامته
_ ويساعدچ بيچ شي ؟
_ گلت استقبلك .
_ بارده عليچ .
_ عادي .
_ تزوجت الخاطر هل لحظة هههههه .
دخلنا جوا راح يغسل حميت اكله وصبيت تمن ومرگة
مال بامية عليها لحم وفوتتها بغرفة العلوية ياكل
ابو گاعد على صفحة بيده كتاب يقرا بي من الصبح
وبيبيته تسبح من خليت الصينية اشرت عليها
العلوية : چا مو حجيت وياج تسويله اكل غير مالتنا .
فات يمسح بيده بالكلينكس ويشوف الصينية
ام زهراء : عنوديه الله يسلمها .
اجه هوَ گعد يباع على ابو
بندر : من طلعت الحد الأن تقرا بي ما خلصته .
_ باقي شوية تاخذه ورايه تقرا بي معلومات ثمينة .
بندر : صدك تحجي .
_ اي والله معلوماته جواهر .
_ ماكو ذهب ؟ بوية انا منشور على مواقع
ما اكمله وين عندي مجال اقرا كتاب .
_ مع الاسف ابني ما يشبهني اطباعي فقط شكلي .
_ من الفقط هذا الكتاب جواهر .
_ طالع تشبه صوب اهل امك .
_ شبيهم اهل امي .
_ والنعم منهم ومن اهلهم وفصلهم الخاطر زوجة ابني .
ملت راسي قريب منه وبيدي خاشوگة التمن مليانه
ميمونة : قصده هوسة ، مشاكل ، خبال ، مشرشبين .
_ هذول اهلچ .
_ اهل امك .
_ اهلچ يا مخبله يا بنت المخابيل قصدچ انا مشرشب .
_ اروح فدوة للمشرشب المخبل مالتي .
رفع نظراته على ابو يقلد طريقة كلامه
بندر : انها تزرع الأبتسامة على ثغري يا أبتاه .
صفن على مواعين اخذ مرگه شوية
وبصوت ما يسمعه غيرنا يوشوشني
_ عااااا لعنة صلوات عليچ كون ولچ البامية
ناس تحبها گوه تاكلها بالسنة مرة مو انا
اريد ارجع اتعود على هذا الخبط تخبطين بيها معدتي .
_ اكل لا تفشلني اكل عيون الشمات علينا .
_ بروح صلوات بعد طبخيلي غير شي وعلي
دخلت مجاعه من تزوجتچ لليوم شمالچ تعذيب هذا .
غمزتله وخليت اللحم على جهته بالماعون وفلسته
بالخاشوگه ، اكل واندمج ويه ابو يسولفون على دوام
وياكل يخليني اني اخلط التمن والمرگه ، اكل قليل
وراح يغزل ، شلت الصينية زهراء واگفه باب المطبخ
اول ما طلع قربت الچاي خليت الصينية وابتسمت بوجهه
بندر : رحمة الله والديچ ما اريد چاي رايح انام .
غسلت المواعين كلها وهي گعدت تشرب بالجاي
حميته من جديد صبيت گلاص لبندر وصعدت
لگيته سابح ومبدل متمدد على الفراش تعبان
خليته على مجر بصف الچرباية وگعدت
_ بندر مُـرجانـة ولدت وارث صار ابو سجاد .
_ جابت چتالت امي .
ضربته على ايده وصحت بي
_ غير يجاوب عدل .
_ يوم النا .
_ اريد شسمه .
_ خابرته وباركتله وخلصت فضت راحت .
_ اروح اريد اروح .
_ تعالي نامي وتغطي زين .
بندر : وارث اليوم راح يوصل على بصرة .
_ ليش ؟
_ تراث مو زين .
_ الله يساعده گلبي ممرود عليهم .
_ شايف التقرير الطبي وكمل التحقيق ويه عمها .
_ عزا وشنو طلع .
_ ما اريد اوجع گلبچ جهزي روحچ من اروح
البيت تراث اخذچ ويايَّ ومناك ارجعي ويه وارث البيت اهلچ .
شرب الچاي بست خده ورحت جهزت روحي وكملت
وهوَ نام ساعتين ، نزلت احجي للعلوية واسمع
بأم زهراء گعده هي وبنتها يحچن يم العلوية
_ ولا تحب گعداتنا ولا تحبنا ملاحظة
اذا ناكل ما تاكل ويانا ، من نلتم العصريه
تختل وحدها فوك بالغرفة ، البوم كملت
شغل وركضت صعدت .
زهراء : ما شفناها غير من راد يجي بندر
شافتنا بالمطبخ وشردت طلعت برا تنتظره
بس رجع اكلت وياه وهم رجعت صعدت
العلوية : بعدين تتعلم علينا بعدها ما اخذت ذبتنا .
ام زهراء : هذني البنات اسأليهن ماتحب
هينوب تگعد وياهن تسولف
عازله روحها عنهن عبالك بيهن مرض اسم الله .
بيچن مرض مال نفاق ماكو هيج قابليه
طلعت رقية شافتني واگفه اسمع بكلامهن
تحمحمت بصوت عالي واني صعدت
طفرت ام زهراء شافتني بقت تبلعم
عبالها راح ابلغ بندر لو يموتن
خلّي يحچن منا لسنه گدام واذا
ما يأثرن عليه ولا بقدر شعرايه
دام اني صح واعرف بنفسي
صح خليهن يحفرن ويزرعن كيد
اهم شي زوجي يحبني الباقي مو مهم .
بقيت بغرفتي رن تلفونه سحبه عرف وارث وصل
راح غسل واجه بدل مستعجل ، لبست عباتي
شال جنطتي ونزل قبلي واني امشي وراه
ورقية راحت للعلوية تركض طلعت العلويه
لازمتها رقية تمشي سريع
العلوية : يا يمه ميمونة هاي عود انا احچي بيچ
واگول عاقله ورزنه مو متهوره ولا تحب المشاكل
عليمن تزعلين خلهن يولن ويحچن ياهو مالتچ
بيهن هنه النسوان يحبن يكركرن .
ذب بندر الجنطة مندهش من كلامها
_ شكو ياهن يولن شصاير ؟ بالله تعالي گدامي
ميمونة حاجيني شبيكم لا تخلونا ثولان .
فات ابو من شاف الجنطة عاط على بندر
سيد مصطفى: چا انتَ مخلي الجنطة ورا الباب
ياهو يتنفس وياكم تطلعون عمي كلشي يصير
مالها داعي الزعل وتطلعون عليمن .
بندر : هذول شبيهم ، اكلتوني اكل عمي
عبالي انا لساني طويل طلعتوا اطول من لساني
تلبگون لبگ اصبررروا خلونااا نفهم .
العلوية : وين رايحين ؟ ماخذها زعلانه .
بندر : ماعندي حرمه تطلع من البيت زعلانة .
سيد مصطفى: يريد يأجر ويطلع هذا .
بندر : اخذها على اهلها تشوفهم .
العلوية : وترد .
_ چا شني تعيش يمهم غير ارجعها .
ضربت العلوية رقية وغمت من بعيد زهراء وامها
العلوية : سوون الهن دگه وضمن راسهن الخايسات .
بندر : ما تحجين ميمونة شصاير .
ميمونة : علمي علمك كلشي مافهمت منهم .
بقيت على نفس قراري ما انطي لمثلهن اهمية
بندر : الله يكمل عقلچن .
سلمت عليهم وعبرت زهراء وامها وطلعت وياه
لگيته يخلي جنطتي بالسيارة صعدنا بالسيارة
بس عبر منطقتهم عاند ويبس راسه
بندر : شصاير وياچ ؟
_ شصاير قابل مصاير شي .
_ تحجين لو افر السيارة وارجع للبيت ؟
_ والله موضوع تافهه ما يسوه .
_ احب المواضيع التافهه احجي بالله .
حجيت مقتطفات وتحفظت على باقي عرفني
وگفت سيارته گدام بيت شيخ فؤاد ونزل عصبي .
من الباب سمعنا صياح ومعارك دگ بندر الباب
اسمر فتح الباب وسحب بندر من ايده
_ تعال بندر هذا تخبل علينا .
لزمني من ايدي فوتني وطبگ الباب اخذتني
ام تراث صايره شگدوتها خطية وجهه اسود من القهر
فتت على صالة لگيت فاطمة فارشين الها فراش ونايمة
عليه ومخلين حوه راسها قرأن ولازمه بيدها صورة ايليا
بالصورة طالعين بحديقة وگاعدة هي وفاطمة ايليا
حاضنه فاطمة ويضحكن وجهه بريء بجيت على
حال فاطمة وموت هل بنية ، گعدت يمها من شافتني
گعدت على حيلها حضنتني تبجي بعلو صوتها
_ موتوا بنتي ما رجعوها موتوها .
دموعي تتسابق على خدي توگع امسح براسها
وهي تشوفني بالصورة وتراث يصيح
تراث : ليش طالع وتقشمرون بيه تگولون ما طالع
تضمهن عليَّ انتَ واهلي اگلكم گلبي نار ولكم نارر
بصدري خلوني اعرف شلون موتوهااا .
وارث : عبالك اذا عرفت ترتاح والله تتسودن .
تراث : شلون بيه ولكم هاي النار بكلبي شلون ابردها .
بندر: ما تبرد بتقرير بي موتتها اذكرها
ثوب الها روح زورها حتى ترتاح .
فؤاد : الفجر رجع من النجف ولكم بوية راح يموت .
الباب مفتوح مال الصالة اخوته كلهم گاعدين
عافهم كلهم وراح على وارث لزم ايده وگعد بصفه
_ احلفك بالخوه ، محلفك بأبنك اريد التقرير
واريد اعرف شلون ماتت انا اريد اتعذب معليكم .
وارث : بوية جيب التقرير .
بين رفض وقبول اخذ تراث الورقة ايده ترجع
عيونه تقطر دموع ما يشوف بيهن اخذها
منه وارث وقراها بصوت واضح ومسموع
وارث : وجود أثر ضربات قوية على منطقة
الرأس مع جرح مفتوح في فروة الرأس
وجود آثار ضرب وكدمات متعددة على الوجه
نتيجة الفحص المخبري أظهرت وجود مادة سامة
في المعدة والدم، ما يؤكد تعرض المجنى عليها للتسمم
لم يثبت من خلال الفحص السريري والشرعي
أي علامات تدل على حصول اعتداء
جنسي ( المجني عليها باكر )
سبب الوفاة المباشر
تسمم دموي مع نزف دماغي ناتج
عن الضربات القوية على الرأس
وجروح في عدة أجزاء في الجسم
زمن الوفاة التقريبي في ساعات الثالثة فجراً .
باكر بس مرة گعدت ويانا اني وملِكه ومن سألناها
على سبب نفورها من تراث وماتريده يتقرب منها
رغم حبها واعجابها بي جاوبتني لأن اني تعرضت
للاغتصاب وسولفت بالتفصيل شلون چان الحقير
زوج خالتها يتحارش بيها وانهارت ما انسى
شلون حضنتها بوقتها وجانت مقهورة تنشغ
وبحرگت گلب تگلي بقت تغار على تراث من اشتغل
ببيت حرمه هي وبنتها والبنية صارت تخابر بتراث
وهي تغلي من الغيرة وعدلت نفسها بيومها وصعدت
بغرفته وضغطت على نفسها وخوفها ومعترفه بحبها
جانت تحجي وتبجي تضرب على صدرها تگلي
احرگ گلبي من ضربني على راسي ولازم ايدها
قوي تگلي رادت اطگ بيده الزم بيده اريده يعوفني
خازرها فاتح عينه بكل قوته مخوفها مخليها تعتذر منه
وباقي يجيب بيها ويوديها يهددها ، تگلي مايروح
من عقلي كلامه من يگلي لا انتِ زعطوطه بعد اذا
ترجعين تعيدين هذا الكلام ادفنچ بيدي ماعدنا
سوالف احبك وحبني وطاردها من الغرفة .
مسحت عيني بقيت اركز بتراث وينچ وتجين تشوفين
حاله عليچ يا ايليا تعالي وشوفي شلون ضعف
وتمرض والكانولا بيده مخليها لا يگدر يقرا ولا يوگف
على حيله اعصابه وصحته خسرها على فراگچ
تراث : مسمميهاااا بوية ما سواها قبل ما خليته
اخذتها منهم راد يسممها قبل وكتلها كسررها
لگيتها جثة واخذتهاا منه ورجعع اخذها سممها .
شيخ فؤاد مخطي وجهه وجسمه يهتز من البجي
وتراث ضرب روحه على راسه حيل وبندر وارث
يلزمون بي حيل وهوو يصيح ويتوسل
تراث : وبالتحقيق شگال عمها الكلب ابن الكلب .
بندر : كافي لك كافي والله گلبك راح يوگف .
تراث : تخافون عليه ولكم لا تخافون انا ظالم
الله عاقبني انطاني ايليا وما قدرتها اخذها مني
لوع گلبي لأن استاهل اقهرني احچي احرگني
موووتني وعلي استاهل انا استاهل وارث
اذيتهااا هوواي اذيتها تعبتهاااا .
بندر عاند وياه ما يحچي وهوَ تعب بگد ما توسل
نام على تخم دايخ ولازم بيد بندر
تراث : منو سممها بروح امك احجي .
بندر : عمها هوَ حرض اخوها هوَ وابنه
وگال لاخوها سممها وخلص منها لا تضربها .
تراث : چا منو ضربها .
_ عمها يگول اخوها طلع صور گاعدة بصف
هذا استغفر الله والله ميصير حرام احجي بيها .
_ لا تسكت عليك علي احچي .
_ هاي الصور المفبركة من نشروها تتذكر بلا ملابس
اخوها مصدگهن كلهن باقي يضرب بيها حتى تعترف .
_ قبل لا يسممها .
_ بالبداية مخليها تاكل الأكل ضاربها حتى تاكل
واكلته هي وتسممت باقية تتوسل بي حتى يعوفها
وتبوس بيدهم حتى يخابروك تگله تراث يعرف هذني
جذب مو حقيقيات ورايده فاطمة بس اخوها
گايل الها اذا تعترفين اخذج مستشفى واگول رادت تنتحر
واخليچ تعيشين واسفرچ ويايه ، وعمها يگول صدگته
ومعترفه الصور حقيقية وباقية تعتذر من اخوها
هوَ فاقد باقي يلزم براسها ويضرب بيها بالحايط
فاقدة بيده وميته هوَ من شافها ماتت مجهز
قبل بيومين اجراءات السفر عايفها ومسافر .
فرفحت روحه وگف على حيله شگ ملابسه
يضرب براسه بالحايط واخوته وارث تخبلوا
يلزمون بي يتوسلون بي گعد بالگاع قريب
من باب الأستقبال راسه ينز دم
تراث : لو صاير زلمة ومحتويهااااااا
لو صاير زلمة وماعفتها تروح وياه
ولكمم انااا موتتهاا اني والله بوية
والله رحت گلت اعتذر منها اگلها اريدچ
لكيتها زرگه ميته مووتوهااا عمها موتها حتى يقهرني .
طبگ اسمر الباب حتى فاطمة ما تشوفه
بقيت اتوسل بفاطمة تهدي وام تراث تبوس براسها
ام تراث : راح يموت تراث فاطمة راح ننفجع
بي فدوة اروحلچ روحي سكتي روحي .
وتراث يدگ على صدره ويصيح
_ ماتت زعلانه منيييييي .
فاطمة : صدك ماتت وراحت زعلانه منه .
ميمونة : ليش .
ام تراث : گعد قبل كم يوم بحضن فاطمة
وگعد يسولف الها من اول ما سافر وياها
يگول اخذتها ما تدري بقت تتلفت خايفة
تسألني وفرحانة من شافت المطار يگلها
تكول الكريم رجعتي وياك وبقت تحجي
مسولف الها شلون جانت خايفة منه
ومن تحجي وياه تسويها بحجه تضحك
تگله أعتبرك أخوي ترا ها لا تتمادى
وباقي يبچي من متذكرها حتى من تضحك
وياه تخاف منه من گايله اله بيك دفعه من الشباك
وعركته وياها من رايدها وهي صايحه بوجهه اكرهك
ودعت عليه بكلمة الله لا يوفقك ، وراجع مسولف الها
على زيارتهم وشلون من طلعت توصف اله المكان
بالتفصيل وشلون دعت تگله احتار شنو اطلب
وگعدتهم وشلون ماخذها يفترون بالسوك يسولف ويبجي .
واسمع بصوته هو برا يصرخ مني الغلط
كلامها صح من گالت اكرهك دخيل الله شگد همجي
وما متربي اي تربية ما عندك لو زلمة ما تمد ايدك
وتضربني بس انت مووظل يصرخ اي انا
مو زلمة اذيتهاااااااا ، ماتت لا اهلها رحموها ولا انااا .
وفاطمة وام تراث يسولفن شلون جانت تنظف
وتطبخ بلا ما تتعاجز نظيفة وصارت اخت الهم
خلصن دموعي على سوالفهن ومواقفهن
وفاطمة تكلي طالبتني فلوس هي تريدني
اخذها للسوك تحب تتسوك وتشتري مكياج
بقيت حاضنتها خفت لا يصير بيها شي
نومتها والصورة بحضنها ، وتراث الولد يمه
ما عافوا ابد ولا دقيقة الى ان نام .
من راد يطلع وارث صاحوني سلمت عليهم
وطلعت حضني وارث وفتح الباب مال سيارته
صعدت وياه وبندر فتح بابي انطاني مصرف
بندر : راح ابات هنا ويه تراث من توصلين خابريني.
_ تمام دير بالك على نفسك .
_ كم يوم تبقين ؟
_ اشوف .
_ يومين واجي .
_ عشر ايام .
_ امشي انزلي .
طبگ وارث الباب ولزمه وگفه بصف بيت تراث
وصعد شغل السيارة وفرها مستعجل
ميمونة : چان بقيت نمت وباجر رجعت للغربية .
وارث : سجاد وحده گلبي عنده خطية .
_ فدوة اروحله حلو ؟
_ صغير كلش بعده ، اذا اغفي وانام گعديني .
_ لا هاي هيه وصلنا بخير وسلامة .
ملِكه …
رجعت من المستشفى راسي عبالك طبل
غسلت اريد انام خابرتني جنى
_ ملِكه دزيلي الفديو اللي صورتي لمرجانة .
_ ليش ؟
_ مو امي تريد تشوفه .
_ يول اخاف عيب خلي اسأل او وارث
اذا قبلت ادزه الچ حتى بعلمها .
ما قبلت وامي اخذت التلفون منها
_ يولو اشوفه واخليها تمسحه .
ملِكه : خوش مو تنسين تمسحي ؟
جنى : انجبي ودزي يلة .
رسلته الها وذبيت التلفون ونمت نومه طويلة
استغليت خفر بيرغ والواجب مالته الثاني يوم
گعدت غسلت البيت كله من فوك ليجوه وسبحت
فرشت سجادتي واخذت قرأني وكملت اريد اكمل
الختمه القران مال ايليا بعد ما كملت مال ابوية
صار دورها سوده عليها كملت جزء وطبگته
نزلت اجهز بالعشه وفات بيرغ ذب المسواك
بالگاع واجه يمي سلم وفتح القبوقه مال جدر
_ مبدعه اليوم ريحة الطبخ برا واصله .
_ نصي صوتك ام وارث بعدها نايمة .
_ طالعة حلوة .
_ لابسه اسود يا حلوة .
_ هم صدك صايرة مو حلوة .
خزرته لخصته بخزره من فوك ليجوه
ملِكه : احترم نفسك .
اخذ كاسه ترس بيها تمن فوگاه مرگ وگعد
على ميز ياكل وينافخ الأكل حار ويجاوبني
_ حرنا وياچ اگول حلوة ما ترضين
مو حلوة هم ما ترضين .
_ مجبوره عليك ما راضيه بيك .
فتح حلگه يضحك بصوت رن بالبيت سديت
حلگه بيدي وعضيته حيل بصف الرتب
_ ولك ام واررث نايمة شنو هل ضحكة .
رفع ايدي ويسبل عيونه يرمش ويقلد
_ واني هم مشتاقتلك بيرغ احبك بيرغ .
وگف يقلدني شلون واگفه واباع عليه وحاضنته
واجه حضني اضرب بي وهوَ يتمايل
بيرغ : ردت اموت بدونك .
ملِكه : اقشمر بيك .
بيرغ : يا تقشمرين بيه عمي ميته عليه موت .
ملِكه : الله يشهد عليه انوم الجدر براسك
اذا ما تصعد هسة تبدل وتخلصني منك .
راح يمشي يصعد على درج ويصيح
_ احبك بيرغ احبك .
وگفتله جوا الدرج اعض بأصبعي
ملِكه : لا يا روغان يا ما تستحي امداني
اني جبتهاا الروحي خررب حظي .
بيرغ : انتَ ما تتعوض .
صعدتله وصلت النص الدرج وخفت اكمل
هذا غدار متعمد يصعدني عنده غايه
ملِكه : اخخخخخ ربي قهررنيييي .
رحت اجهز بالأكل نزلوا سَــهم وهمام جوعانين
جوع بحيث اصب وياخذون من ايدي يعدلون
على سفره فرشوها وام همام اجت گعدت قبلنا
رحت گعدت ام وارث خطية تعبانه
ام وارث : طبختي يمه .
ملِكه : اي هو غده هو عشه اليوم ما طابخين
كلنا خلصناها نوم عبالك احنا عدنا ولاده .
ام وارث : الله يرضى عليچ يمه تعبتي .
_ يا خالة واجبي قابل شسويت .
طلعت جبت الخبز وهي راحت تغسل واجت
ويانا نزل روغانه ايأشر بيده ويضحك
_ گلاص لبن .
خبطت على سريع ورحت اخذتها اشر اجي
يمه خليت اللبن واشرتله بيدي
_ ما اريد ما اريد .
بيرغ : ههههه تعالي يولي .
سَــهم : خربانة بينكم ؟
اشرت بيني وبين بيرغ وگتله
ملِكه : الحب بيناتنا من طرف واحد .
بيرغ : من طرفها .
شرب گلاص اللبن يضحك وگف اجه يمي
ملِكه : من طرفك .
همام : الصراحة من طرفچ .
بيرغ : ها يمه احجي الصدك .
ام همام : رأيي مشابهه لهمام .
بيرغ : وانتِ يمه احجي ضميرچ ؟
ام وارث : اي چا هي ردتلك .
باوعت على سَــهم ضحك
بيرغ : وانتَ ما تحجي .
سَــهم : تريد الصدق هو ياهو سحل روحه
وگتل نفسه ودفع فلوس وصل للموت
ودخل بعرك وصراع وظل يسوي تهديدات
وعود هوَ ما ينجرع وعصابچي حتى يحصلها هي لو أنتَ ؟
بيرغ : هذا مو اخوي .
سَــهم : دروح روح بابا متت ما ظل واحد ما اعرفك
تحبها وتريدها الكتله مالتها طبعت براسك ههههه .
ضحكت على ملامح بيرغ واخذت خبزه اكل
ونفسي مفتوحه على الأكل وغيضه
ملِكه : هسه الواحد يأكل وهو مرتاح وشهد اشاهد من اهله .
ام وارث :شكد ما نريد نجذب بالأخير ما يصح إلا الصحيح .
بيرغ : كاشفين الحقيقة ما ينلعب بيها .
اكلنا وغيرنا الموضوع على وارث ومرجانة ، وبس كملنا
اخذت المواعين اريد اغسلهن ام وارث ما قبلت وحلفت
غسلتهن واني رحت كنست الصالة صار بيها اكل
بس كملت سمعتها تحجي هي وام مُـرجانـة تطمن عليها .
صعدت لگيت بيرغ يخابر بوارث گعدت
قريب منه سحبني وگعدني بصفه فاتح
ايده نومني على حضنه يعدل بشعري
بيرغ : مو تزعلين من كلامي .
_ كلامك يغث .
_ ههههه ما تعلمتي .
_ المشكلة تعودت وما اگدر ابتعد منك بعد .
_ الحب من طرفچ زايد على حبي بلش يطغى .
بقيت على هدوئي مغمضة عيني وحاضنته
بيرغ : شكد فرحت الوارث ، وتمنيت الله يرزقني
منچ طفل بعد هل صبر ، وبنفس الوقت خفت عليچ.
ابتسمت ورفعت راسي قابلت عيونه
ملِكه : وخايفة عليك مُـرجانـة احسن مني خلت
قهرها بروحها تضرب لنفسها اني هناك
الزمك واكتلك والله احط الوجع كله بيك .
رجع راسه فاتح حلگه وعينه بصدمه
ملِكه : هههههه والله صدك احجي يعني انتَ
تخيل اعيش هل وجعي وحدي والمسبب گاعد مرتاح .
بيرغ : اريد ادحگ تمدين ايدچ الزمچ واكسرچ تكسر .
ملِكه : هي تصير لو كاتل لو مكتور حبيبي .
بيرغ : ما اريد بعد گلبي شلت الفكرة من راسي .
_ احسك خفت .
_ عمي انتِ لا مال زواج ولا مال اطفال .
گعدت على حيلي وسحبت ايده خليتها
على بطني والضحكه انرسمت بكل فرح على وجهي
ملِكه : بس بعد ماكو تراجع ميصير .
بيرغ : شنو قصدچ .
_ الهامستر مالتك حامل بهامستر صغير .
جسمه صار يهتز بشكل ملحوظ بحيث
كله يختض وعيونه تجمع الدمع بيهن
بيرغ : هذا الموضوع حساس عندي ملِكه
فدوة لا تمقلبيني بي والله انقهر .
حضنت وجهه بيدي بست خده وهمست
_ والله مو مقلب والله .
نزلت دموعي من نزلت دموعه حضنته وهوَ
يبعدني منه يلزم ببطني ويرجف من البجي
بيرغ : صدك صدك حامل مو جذب يعني اكو طفل .
خليت عيني بعينه افهم بي
ملِكه : من رحت على مستشفى چان عندي شك
اني حامل وخليت جنى تسويلي تحليل وسونار
وبشرتني بهذا الخبر الحلو وما گدرت اضمه عليك .
بيرغ : ابني يعني والله دعيت كل يوم ادعي والله .
_ والله حااامل .
حضني بكل قوته يهمس بأذني
_ بكثر ما تسوين بيه مقالب وانا اسوي
بيچ مقالب بعد ما ينعرف الحقيقة من الجذب ههههه .
واني ما قصرت بي همست بأذنه
_ مقلب ههههههه .
خزرني وبعدني على حضنته
_ مو اگلچ موضوع حساااااس عندي با قنادر يا مقلب .
_ هههههه مو مقلب موو مقلب يااا .
_ هسة غير موتتني مقلب لو مو مقلب .
_ وروح ابوية حامل بيرغ .
حضني بكل قوته وعافني وطلع وهوَ على
درج صاح على ام وارث بعلو حسه
_ يمهههههه .
حچاها وغص بيها تذكر امه والعبرة خنگته
ام وارث : ها عيونها .
_ ملِكه حامل يمه .
حجاها وغطه وجهه يبچي هي افتهمت وصعدت
من گعد گعدت بصفه وحضنته
_ ادري بيك اشتاقيت الها ومهما صار تظل ام
وجنت ادري بيها دوم تگلك اريد اشوف جهالك .
بيرغ : اتمنى ابشرها يمه اتمنى ياريت هي
ويايه هسة اريد افرحها مثل ما فرحت .
رحت عنده لزمت ظهره وگعدت
ملِكه : نروح الها بيوم ونبشرها لا تنقهر حباب .
وگف على حيله ام وارث بوستني تباركلي
وهوَ لمني بيده وگفت وياه ايدي وره ظهره
والثانية على بطنه وهوَ معبر ايده على اكتافي
بيرغ : دومها تخليلي امل اكمل واعيش هل هامستر.
نزلوا همام وسهم يباركون ويضحكون
همام : والحب من طرف واحد .
سَــهم : صرنا احنا عنصر اضافي غير مرغوب بينا .
همام : عمي الزواج يمكن حلو شو المزوجين سعيدين .
سَــهم : نجرب .
همام : خلي يرد الموروث ونگله بالله يزوجنا .
سَــهم : يحطنا ويدگنا هي الدنيا معرسه عليه .
همام : نأجلها كم شهر .
ورجعوا صعدوا وام وارث تضحك وتنزل
رجعنا على غرفة نام على رجلي يبوس بطني
_ هلو بابا هاي اول مرة احجي وياك يگولون
اذا تحجي ويه ابنك يصير يعرفك اريدك تعرفني
وتخليها براسك احبك اموت عليك وعلى امك
انتوا روحي من هاي الدنيا طلعت بيكم عوض
وراح اعوضكم مثل ما تفرحوني ازرع ببكم الفرحة .
ملِكه : ماما ابوك اطيب واحن اب .
نمت بين ايده الثاني يوم لگيته نازل قبلي
غسلت وبدلت ونزلت لگيت وارث راجع
وميمونة هي وسهم وهمام بالمطبخ
يجهزون ريوك رحت حضنتها فد مشتاقة
الها البيت فارغ بدونها احسها روح البيت وطاقته
جنت اتونس وياها بروحتها اكتأبت ، نزل وارث
مبدل مستعجل يريد يطلع وامه تحجي عليه ما راضيه
ما نايم ابد صار كم يوم وهسة يريد يروح للمستشفى
وارث : يمه حياتي كلها مخربطة بقت على نومتي .
جاوبها وطلع مستعجل وراح بسيارته
همام : ميمونة ملِكه حامل تدرين .
ميمونة : صدك .
ملِكه : اي .
ميمونة : اووووي يمههههه فدوة تعالي
ولچ تعالي اروح فدوة الف مبروك ولچ فرحتيني .
_ يوم الج ميمي .
هي خجلت وهمام كشت ملامحه ضحكت .
هي ورجعت تگلب بالأكل وخلته بالگاع
گعدنا على سفرة وهي تحجي على صار بيت
تراث قبل لا يجون وبقت ام وارث تحجي
عن ايليا وشلون اجت وشلون جانوا يعاملوها
وهي شلون عاشت وتصرفت وياهم ، مواقف
تضحكنا ومواقف تقهرنا الى ان كملنا .
طلعوا الولد للأراضي وگعدنا بس ام وارث
وام ميمونة والقهر مبين على ام وارث
ميمونة : شبيج يمه .
ام وارث : وارث يطل هيچ ما مرتاح
وكارهه الأراضي والبيت وحتى المستشفى
اريد اكعد ويه بيرغ بلكي يحلها .
ميمونة : ما حجيتي ويه مُـرجانـة قابل يبقون هيج
الى متى لازم يحلوها ترا طولوها هوواي .
ام وارث : هاي ملِكه شاهده حتى وهي بخدره
والبنج براسه تحجي عليه وتصيح طلگوني ما اريده .
ملِكه : هسة اجيب الها التصوير تشوفه .
رحت اجيب تلفوني واسمع ام وارث تحجي
_ وارث گلبه تجمر من القهر گاعد يمها انغث انغث .
فتحت التلفون ورجعت يمها اباع وياها
اول ما طلعوا الطفل تلهف اله واخذه للخدج
واجه يركض عليها فات جوه بس ما كمل ظل
بمكان الإفاقه ينتظرها الى ان طلعت نزل
يبوس براسه وهي تحجي ما نسمع الكلام
الى ان طلعها وياه ممرضات شالها بحذر بين
ايده ونزلها على سريرها وجنى عدلت فراشها
وامها اجت يمها تحجي وياها ومرجانة
تجر بالكلمة وتبجي
مُـرجانـة : يكرهني يمه مايريدني يريد
يموت ابني عذبوني تعبانه اني يمه تعاليلي .
اجه هوَ مكسور مو بس خاطره گلبه عليها
يعرفها مو بوعيها ابد گعد بصفها يعدل بشعرها
يمسح بوجهه بالكلينكس وهي تبجي وبصعوبة تنطق
_ عذبني ويحب غيري يجذب عليه يمههه .
اخذ ايدها حاضنها وارث وايده على خدها
وارث : ما احب غيرچ هوَ انا وين اشوف غيرچ .
مُـرجانـة : جذاب اكرهك .
وارث : وانا احبچ وبدر الهواشم روحي بيچ .
بقت تناشغ عبالها تحلم لو تتهيل ابد مو صاحيه
مُـرجانـة : خرب ساجر على هيج خلفه خايسة
جاب زير نساء مثله مدلع يغري بالنسوان .
امها تسد بحلگها وارث ما يقبل
ميمونة : عززا اذا تعرف بروحها شنو مخربطة .
ام وارث : امها گالت اذا تدري بروحها شنو
حجت كدام وارث تسوي بروحها شي من الفشله.
كملت شغلت الفديو لزمته من قميصه تعاتبه
مُـرجانـة : هذا المنبوذ اكرهه بعد هسة اطلگه
واروح اكمل دراستي واحب واحد بالجامعة
حلو ويحبني وهذاك خلي حبيبته تفيده .
وارث : وارث ما يعوفچ .
_ خلي يولي اهل الصدوره اخلعه .
بقت تحجي وتسب بي وبأهله كلهم وتصرخ
وتبجي اكرهك تصيح اكرهك وارث نحرگ حرك
لبسها الأسوارات بيدها وباس ايدها وطلع
مختنك من الغرفة كلها ما متحمل ، وظل ياكل
بنفسه جگاره وره جگاره ما يرتاح ابد خايف
تنفذ كلامها وشاك بيها تسويهاا دام عمها وياها .
قبل المغرب اخذنا همام على بيت مُـرجانـة
ميمونة حاولت تحجي وياها تقنعها
البنية دايخه وكله نايمه خلصتها
ام وارث حجت وين امها وزاد خوفها من بلغتها
غـاليـة : والله خجلانه منچ بس لا اني ولا عمها
نگدر نجبرها على شي وهي متخبله بس نذكره
لو بس نلمح يحجون سويه على اقل الخاطر
الطفل تتكهرب وتصيح اموت روحي اذا تجبروني
وتتوسل بعمها يفاتحه بالموضوع حتى يطلگها .
ام وارث : والطفل شلون شنو ذنبه هذا وارث
ما يعوفه وحده ما يخلي يعيش مثل عيشته
يكرر ماضيه ويه ابنه مستحيل ياخذه منها .
غـاليـة : ما تنطي الطفل مُـرجانـة لو على جثتها
ولا ترجعله اني اعرفها بنتي راسها يابس من تقفل .
ام وارث : بس وارث يحبها .
نقش : والله نعرف ونقنع بيها تگول الحب مو كلشي
اكو اهم من كل هذا التفاهم اهم ومعدوم بيناتنا
هوَ ما يناسبني بعد ولا اكدر اتقبل ارجع هذا كلامها .
سلمنا وطلعنا همام منتظرنا وام وارث تاكل
بروحها الطريق كله من وصلنا لگينا وارث
منتظرنا بالباب من نزلنا تقدم من امه
_ ها شفتيها .
ام وارث : نايمة بعدها تعبانة .
_ زينة ؟
_ احسن منك ومن هاي حالتك صاير
تخوف لا نوم ولا اكل ولا شرب .
فات للبيت معبس قفل سيارته مستعجل
وسحب بيده جيس بي اوراق ودخل شمرهن
بغرفة امه وذب اغراضه الباقية مفاتيح وتلفون
وبخطواته متثاقلة توجه للحمام حتى يغسل
ويهدي أعصابي رن تليفونه فجأة رجع اخذه
ورد بصوت بارد مبحوح من التعب لكن
البرود كله تبخر بلحظة من سمع كلام المتصل
وبصوت هز البيت صاح بأسماء اخوانه
_ سهممممممم ..
الفصل التالي اضغط هنا
يتبع.. (رواية الموروث نصل حاد) اضغط على اسم الرواية لتجد الفهرس كاملاً بجميع الفصول.