رواية الموروث نصل حاد – الفصل الرابع عشر
♛ 14 ♛
دعيت اخلص دعيت ربي يخلصني غلطت انا اعترف
بغلطي بس اريد ربي يسامحني ويساعدني ويخلصني
من اثار بندر وغضبه ونمت ضايعة فاقدة نفسي .
صحيت على ذبذبات اصوات غريبة
بين صوته وهوَ يدندن وبين سحب اقسام السلاح
خايـفة ربي خايفة شسوي بروحي تحركت
للباب كعدت بالگاع ماعندي اي قوة وبصعوبة
وبصوت يرجف همست : بندر اسفة .
غطيت عيوني بيدي اناشغ بصوت عالي
جمد الدم بيَّ من دفر باب الغرفة ورجع ابتعد
كورت نفسي رجلي على صدري واغطي بجسمي
غصيت وبقيت اكح بعلو صوتي وابجي
عيوني تذرف دموعها بكل حيلها واختنگ وارجع اكح
تهسترت وهوَ ولا يهم ولا دخل ولا عبالك سجني .
سبيته وسبيت روحي سبيت كل اهله اريد استفزه
ما رد موتني مايرد عصرت عيوني حتى انام
درت وجهي على حايط من البرد يهتز كل جسمي
بدون سابق انذار دخل بخطوتين وصل عندي
اريد ادير وجهي يمنعني جرني من كتفي وگعد
صار ظهري على صدره مد ايده بيها شالي
سد عيوني همست بصعوبة منعني
وحط ايده على شفايفي .
همس بخشونة صوته
_ ميمي .
بلعت ريگي وخليت ايدي على ايده اشيلها من
شفايفي كارهه لمساته تلعب رررروحي من يجبرني
رجف كل جسمي ونزلت دموعي بكلامه
_ هذا اخوچ على خط يريدچ .
حسيت بالتلفون صار على اذني نشغت
من سمعت وارث يصيح ملهوف
_ ميمونة الوو ميمونة .
ميمونة : وارررررث تعال اخذني تعااااااال
مو گلت وصحت وتوسلت بيك اطلعني وتغير مكاني
ردت اسافرررررررررر ما قبلت انتَ ما قبلت .
وارث : ضربچ ؟ شبي صوتچ ؟ ميمونة الووو .
ميمونة : ما اريدوا تعال اخذني مريضة اني مريضة
شببك تعال حباب تعال خايفة والله خايفة .
مد ايده على بطني والثانية فوك صدري
لفهن حيل ومردني ويرجعني حيل على صدره
وارث : بندررررررررر رجعهااا ابن الجلب
اذا ما اخلي بيرغ يمووووتك .
بندر : انجب گ**** جيرة بفرگك وفرگ بيرغ .
وارث : ما ترررريدك انتَ حيووووان تتعاطى
ولك أتعالج ابن الكلب اذا ما اروح على ابووووك
واحجي گلشي اعررررفه حظ حظك اطيحه .
بندر : اختك عياره هسة انا شمسوي مگعدها بحضني .
وارث : لا يا ساقط يا سافل يا منحط يا مريض .
اريد اسأل على امي جر التلفون ورگعه بالحايط
صرخت وخليت ايدي على راسي احتمي منه
جرّ رجلي من السرير وكعدني على طرف
خليت ايدي مقابل وجهي عصر فكي عصر رجفت من صاح
بندر : تريدين تعوفيني لعبانه روحچ مني مو ؟
ميمونة : لاااا .
بندر : بعد ما افيدچ مشوهه مو ميمي .
_ والله لااا بس .
_ بس شنو ها بس شنووووو .
_ ما اريدك .
_ تكرهيني ؟
_ اي .
_ ليش ؟
_ اكرهك .
_ ليش بس گولي ليش ليششششششش .
تلمست الشال ورجفت شفايفي
دگات گلبي ادگ براسي همست خايفة
اريد اشوف بالظلام اخاف اكثر
ما اعرف ملامحة ، ردات فعله شنو بيده على
اقل من يريد يضرب أحمي روحي منه
_ افتح عيوني حباب .
بندر : ينغمي عليچ من جمالي .
سحبته قليل ما مهتمه لكلامه عطت
من وكفني فر ايدي وصار يمشي سريع ضرب
جسمي بالحايط ومسك اديناتي اثنيهم
خلف ظهري الحايط نث تراب
فات بحلگي بقيت اكح واصرخ
من حسيت حرارة براحة ايدي ومن
رفع هل شي الجلد نرفع وياه طلعت
روحي ارفس اصرخ وحاول اتملص منو
دفعني اكثر على حايط رافض يعوف
ايد وحده مـن اديناته صارت على
رگبتي يرجع براسي يريد يطگها
بندر : تأذيتي ؟
فكني وبنفس الدقيقة جر الشال من عيوني
وطلع من الغرفة قفل الباب لزمت ايدي
وسعت عيوني من شفت خاشوگة بالگاع
والجلد بنفس حجمها مشيول كله وتجري دم
من الوجع افتر روحي مفرفحة اروح وارد
اصرررخ فقدت عقلي وجعها بالگلب يحفر
ملخت روحي ورحت على باب اضرب بي واصيح
_ ايدي بندررررررر راح اموووووت ايدددددي
لا تعذبني مووو توسلت بيك لا تعذبني
تعال موتني لاااا تعذبني الله يخليك لا تعذبني .
نزلت بصف الباب اضرب وارجع الزمها اهز بيها
وانفخ عليها من انفخ يخف الوجع منظرها يخووف
والدم ينقط على دشداشتي احس حتى العظم طلع
ويمكن اتخيل عظم بس اكو شي ابيض طالع
خليت راسي على باب وبصوت منهك توسلته
_ بندر انا ميمي يهون عليك تحرگ ميمي ؟
_ چا بندر شلون هان على ميمي وشوهته .
رد بنفس نبرة الضعف اللي سمعها مني
ومن خلف الباب اگدر اسمع صوت حسرته
ميمونة : انا اسفة حباب اعتذر منك
اني غلطانة والله غلطانة لا تلوث روحك بيَّ
ورجعني بندررر تسمعني احچي حباب احچي .
زحفت ونمت على مخده من افترت الدنيا بيَّ
ماتحملت حتى انام فرفحت متألمة ملخت
شعري من الوجع والقراصة انكسرت
وگع على وجهي ابعد بي ويرجع يعميني
فتحت الشباك وعطت بالباقي من حيلي
_ ساعدوووووني يااااا نااااااااس يا عالمممم
خلصوووني وينكممممم هذا راح يموووتني
يمههههههههه تسمعيني يمههههههه خلصيني .
دخل لف شعري بين ايده عت جسمي حيل وگعني
بالگاع على ركبي وهوَ بظهري رجع يلف بعيوني
خلاني اتخبل قبضت اثنين اديناتي اضرب بي
بكل قوتي ، رجعني كعدني مستنده على مخده بالگاع
اتحسست ابساط ممدود شهگت بكل حيلي
اريد اجر النفس بعد ما اگدر ضاقت بصدري
مرد رگبتي بيده واني منا النفس وگف عندي
متخبل صوته ورجفت ايده وحالته مو طبيعية
ميمونة : ايدي تووووجعني گلبي راح يوگف من الوووجع .
بندر : اشششش .
ميمونة : شنووووو اششششش شنووو اشششش .
رفعتها مفرفحه من الوجع مالتها
وسحبتها من ذب ماي ثلچ عليها
رجع اخذها غصب ودخلها بطاسة
يمكن مدري جدر ما اشوف بس احس
كلها ثلج وصارت تلسع جريتها متأذيه وعطت
_ شنووو هذا .
_ خلي ايدچ لا اگطعهاااا خليهاااا .
_ شيل الشال من عيني شنوو هذا يلسع ول يلسع .
شميت ريحة مو طيبة صارت بيدي كشت ملامحي
منزعجه ضربت شفايفي حيل وسألته
_ عزا كحول ؟
_ يخدّر ايدچ .
لميت ايدي على صدري ومن كل حيلي
ابجي وأهز براسي بـ ” لا ”
ما متقبلته ولا متقبلة افعاله
ما اتحمل وجودة اختنگ منه اختنگ
ميمونة : ماي اريد جوعانة عطشانة
واريد اروح للحمام وانام اريد انام .
جرني من اجتافي وكفني وسحبني من ايدي
طلعنا الغرفة وكف رفع الشال من راسي
ظل بيده وماشفت غير ظهره يمشي بطيء
وطلع برا البيت ، خليت ايدي المحرگه على گلبي
وافتريت اكتشف المكان ممر بين الغرفة اللي
بيها انا وبين الغرفة ثانية موجودة بيها
فراش وبطانية رحت عليها مترددة
ميز صاير قريب من الباب عليه بطل كحول
ومعلبات مفتوحة معتبرها اكل
قرفت من الريحة قوية تكفك .
استداريت على باب ثاني شفت
ثلاجة وطباخ صغار وكاونتر بس ملاحق وسنك
فتحت الثلاجة مابيها غير المعلبات اشكال
بس اي خضروات ماكو كله جاهز ، طلعت بيضة
ودورت على طاوة ماكو اخذت جدر صغير
وطگيتها وگعت هي وگشورها لان تك ايد
وايدي وجعها ملخني تملخ ابجي واسوي اكل
صار ايام ما داخل شي بطني ، دورت على صمون
لو خبز ماكو انجبرت اكلها وحدها بدون شي
رحت على حمام ذبيت كل ملابسي وفتحت
الماي بارد ثلج ، بجيت بكل قهر ما تحملت بعد .
طبگت روحي على حايط من ضرب الباب
بندر : افتحي الباب .
_ اسبح شبيك اسبح .
بندر : افتحي لچ افتحي مو احچي وياچ افتحي .
جريت الدشداشة لبستها شلون ما كان
بعدني انزل بيها ودفر الباب صرخت
وغطيت وجهي ولساني ثگل اريد احچي
بعد عبالك نعگد جمدت من حسيت بي قريب .
وكفخني بخار الماي الحار ، فتحت عيني
طالع والباب مخلوع والماي البخار مالته يجنگ
سديته الباب أخاف يرجع ورجعت شمرت ملابسي
سبحت واناشغ وامرد بروحي من وجع ايدي
خلصت بأعجوبة بدلت بتعذيب طلعت
وجهي احتقن احمر واتنفس بصعوبة
سمعت صوته بالغرفة الثانية كاعد على ميز
ركضت على غرفة وطبگت الباب ، نشفت
شعري بالبطانية ولفيت روحي ارجف درت
وجهي على حايط ومن الوجع اغفي
ودموعي تصب على خدي .
بعد ساعتين بين النايمة والگاعدة سمعت
الباب انفتح تسارعت ضربات گلبي
وكورت روحي ضميت رجلي على صدري
من شمر مخده وكعد عليها ، مد ايده تحت خصري
وسحبني صرت بحافة السرير قشعريرة سرت
بكل جسمي من بعد شعري وشواربه لامست رگبتي
غمضت قوي من ضغط على رگبتي بشفته يبوسها .
بندر : اريد أحجي .
ميمونة : بـ بندر بـ بس لا تضربني لا تحرگني .
بندر : ريّحي گلبي وماسوي شي .
رجع راسه برگبتي ورفع راسي يعبر الشال
شد عيوني ويجر بالكلمة ويحچي تأثير الشرب واضح
بندر : ديري عليَّ .
انتظر اقل الدقيقة وماكو رد فعل مني
شالني وفرني بأتجاهه متعصب من عنادي
بندر : لا تخليني اصير عصبي .
كورت روحي اكثر رفع وجهي من فكي
واخذ ايدي جريتها منه رجع اخذها
وبهدوء خلاها على مكان الحروق
طرف ايدي صار على شفته انفاسه حارة
بس لامست إيدي بشرته سمعته شهگ وأهتز ودمعته
نزلت على أصبعي صوته خاضع نطق بقهر
بندر : بس جاوبيني وطفي نار گلبي ليش حرگتيني ؟
عجزت عن الرد دموعي تسولف ضعفي
مسح وجهي ويضغط على شفايفي
حتى ما يسمع شهگاتي يصيح
_ لا تبچين اريد جواب مو تبچين .
مال راسه على ايدي عاجز مسح على شعري وهمس
بندر : 802 ادور على جواب يقنعني
ليش ميمونة ليش شوهتيني ليشششش
سألت اخوانچ كلهمممم كلهممممم يجاوبوني تكرهك
يمتى تكرهيني انتِ يمتى كرهتيني راح تموتيني .
ميمونة : راح تموتني مو ؟
بندر : جاوبي بس خليني انام مرتاح .
كزيت على اسناني من حسيت شي حاد
يضغط على رگبتي عطت ارجع بجسمي منه
جرني اكثر وصاح
_ اذا تبقين ساكته اخلص عليچ واموت الجواب وياچ .
ميمونة : بندررررر لا ما اگدر خايفة اني خايفة .
شمرها صار صدى صوت عالي وهي
تنضرب ورجع سحبني وقرب
شفايفه من أذني وبصوت مخذول نطق
بندر : رابع يوم عرسنا تحرگيني وتشوهيني ليش ؟
يحاول يضبط اعصابه يقدمني قريب منه يضرب
ويلزم روحه من الضرب ويضغط على جسمي
ويضرب جسمي حيل ويرجع يبعد بنفسه ويصيح
بندر : عاشقچ اربع سنين ، تلهفت تصيرين
مرتي ام بيتي اربععععع سنين انتظررررچ ميمونة .
جر نفس وبصوت ركيك خابت كُل احلامه أستكمل كلامه
بندر : سنين ضيعت من عمري متلهف انتظرچ
وانتِ ضيعتي كل عمري وشوهتيني .
مريت بنوبة هلع وبچي من گلبي بچيت مو بس عيني
ميمونة : ماجنت بعقلي والله مو بعقلي .
بندر : مـن رفعتي الطاوة مفرغة اربع أبطاله زيت
حميتي بهاي ايدچ هاي ايدچ وصحتيني
اجيت خايف عليچ خفت يصير بيچ شي
واخسرچ شمرتي الزيت كله بوجهي
متعمدة حتى تخسريني .
طوق رگبتي بيده ورفعني منها ضربني
بالحايط يعصر بيها بقيت اضرب بيده
يبعدني من الحايط ويرجع يضربني بي
ويمرد برگبتي يريد يگطع النفس
فاقد من العصبية يدوي صوته
بندر : ما مقهور من الغدرة متت ألف موووته وانا اتذكر
من اتلوع من الوجع حرگتيني ولچ حرگتيني
ومجهزة عباتچ عفتيني امووووووت وحدي وطلعتي
خليتيني امووووووووت وحدي توسلت
صرررخت حتى على اقل تخابرين احد يساعدني
وبعين وكحه ترجعين تاخذين تلفوني وتطلعين .
انگطع النفس ورگبتي احسها بلشت اطگ
مديت ايدي وشلت الشال من حسيت نهايتي قربت
فتحت عيني على وسعها من صارت عيني بعيونه
صايرة دممم دم بكل ما تعني الكلمة عيونه دامية
رخت ايده وركز بملامحي يريد يدرسها يشوف
ردت فعلي تلهف حتى بعد ما يرمش
ناوي يعرف خفت لو اكدر اتقبل هذا شكله
تحول من عصبي لشخص كل همه
ردت فعلي ، قاومت وثبتت بس خانتني
عيوني وغمضتها حيل وأصرخ حتى يبتعد ويعوفني .
شمرني وطلع يمشي مشيته مو عدله يترنح
قفل الباب حتى ما اطلع وصوت التكسير
يخليني ازيد بالبچي ودوي صوته المهضوم يصيح
_ شوهتني وتلعب روحهااااااا مني شوهتني وما تريدني .
انخض جسمي من رجع وهجم بيده طاوة
متروسة زيت حامي الى درجة يطلع صوت
وحرارتها وريحتها ملت الغرفة ملي
شمرت جسمي من السرير وركضت اريد اشرد
قفل الباب وتقدم صرت بزاوية الغرفة رفعت
ايدي اصرخ بكل حيلي اصرخ نزلت للگاع
مغمضه عيوني منه واغطي بوجهي اخلي بين
رجلي حطها على صفحة وسحب ايدي يضحك
_ خايفة ؟
من بين صرخاتي حاولت انطق
_ اي .
_ تخافين على روحچ ما خفتي عليَّ ؟
_ اسفة بس لا تحرگني .
بندر : خليتيني ارجع البيت السادة وانااااا اكرههممممم
ابوي يوگف ويعايرررني ويسبني ويسب امي
تعرفين اول ما شافني محروگ شنو گال
يگلي شوهتك حاربت عليها عشيرتك وشوهتك
تالي رجعت لعشيرتك مذلول مشوهه مكسور .
سحب ايدي ومرد جسمي بجسمه
حتى ما اتحرك ورفع الزيت درت وجهي منه وصحت
_ لاااااااا عوف ايدي عليك الله القران عليك تعوفني
بندر احلفك بالله لااااا يمااااااااا ولكممم ساعدوني .
بندر : اذا تتحركين يوگع الزيت كله خليني اتحكم
بالكمية لا انعل والدي والديچ لاااا تتحررركين .
ميمونة: انتَ شارب مو بوعيك حباب لااا
بس عوفني گلبي راح يووووگف بندر .
بندر : اشمره على وجهچ ومن تحمّين وجهچ
تحترك ايدچ لو ابلش احرك ايدچ حايررر .
من الخوف والصراخ ضربني دمار براسي
وعيوني صار بيهن ألم احس اذني تصوفر
وهوَ يعصر بجسمي گلبي نمررد مرد
غمضت وراسي مال وگع على صدره
وايدي بعد ما تقاوم وگعت مستسلمة
تشنج جسمه ، نزل الزيت وضرب على خدي
بندر : شبيچ حيوانه .
تضايق من قربي عرفته من بعدني
سندني على حايط يضرب بوجهي
_ تسمعيني احچي وياچ .
يبس حلگي شهگت ودموعي نزلت من شفته
بوضوح گدامي ، سد عيوني بيده رافض اشوفه
طلع ورجع يغسل وجهي بالماي اخذته من ايده
اشرب رجعت اتنفس بس خايفة يرجع يحرگني
بقيت بمكاني مشلوله ما اتحرك ، مدري وين راح
لمحت الزيت زحفت بصعوبة ورفعته اريد اطلع
امشي واتعثر بخطواتي قريبة من الباب صرت
دخل وشافني شكله مخيف فتح عيونه
احلف تذكر الصار وعاد المشهد بالتفصيل بعقله
كز على اسنانه وتقدم بخطوات سريعة
صرخت من لزم ايدي ويفك بيها حتى ياخذ الزيت مني
خفت ياخذه مني ويصبه عليَّ ، وهوَ بعقله متخيل
انا اريد ارجع احركه وما تبتت ونارية على موته .
ملِكه ..
مديت ايدي وملت راسي على ميز الطعام
تمددت اشاهدهم من بعيد كاعد الشيخ
فؤاد وارث مقابيلو وام وارث ، دخل بيرغ
يكف بردن البدلة مالتو يعدلها وكعد وياهم
بعد ما طرد خلف واولادو كلهم ، سمعت رن التلفون
فتح مايك حتى وارث يسمع رد شخص صوتو
خشن يسحبون الكلمة سحب عبالك يجر بيها
شيخ فؤاد : اعتذر على المكالمة شيخ ضليل
بمثل هيچ وقت وبعد الصار بولدكم
ومعذور وياك انا شما تحچي .
ضـلـيل : ردي على أفعال ولد اختك محفوظ
ولدنا ودمهم غالي ، كلامك ما تمثل افعالو
انتَ تصيح يريد يحلها ، هوَ يودي ناس تكتل ولدنا .
شيخ فؤاد : ما يودي ناس هو ونسيبه اجاكم .
ضـلـيل : الله يطيح حظو هو ونسيبوووو
هل **** ابن **** اذا يوگع بيدي ***** امردو
وعزة جلالته امردو .
شيخ فؤاد : ابن ساجر طب اراضيكم
اخذ اخو وما سلم دخيلته .
ضـلـيل : شقصدك فؤاددددددد شقصدك .
شيخ فؤاد : تربات البصرة وارث زلمة حافظ
على بتكم ورد اعتبار اخو وثبت فوتت اراضيكم سهلة
والصعبة تلعبون ويه واحد مثل الموروث .
سد الصوت من ظل يسب مسبات ما سامعتها
بحياتي بحيث كعدت عدل وخليت ايدي على شفايفي
وارث نهض يريد ياخذ التلفون ، وكف الشيخ فؤاد
يمشي بعيد ورافع ايدي يأشر بمعنى يهدي
_ والله حقك وياك انا وكلامك على عيني وراسي
انتَ محروك گلبك وانا ما اريدك تنفعل دام بيني
وبينك تواصل بعيد عن اعمامكم وعمامها
وانتَ متفهم توصلنا الحل اسمع مني تاج راسي
بس اسمع مني ليش تصيح نتفاهم وياك انا
وارث يريد بنت عابد ويعقد عليها بس بشرط .
رجع كعد شيخ فؤاد وارث أشر حتى يفتح الصوت
نفذ وكمل كلامه بس شيخ ضـلـيل يصيح
_ عندو شروط ينشرط علينا المنبوذ .
بيرغ : احترم نفسك لا تگول منبووووذ
هذا الموروث غتره وعگال على راسكم وراس اسيادكم .
حط وارث ايدو على ايد بيرغ يمنعو يكمل
كمل بيرغ كلامو بس بدون ما يسمع الشيخ
_ ستر الكم والنسوانكم يعاااريه .
شيخ فؤاد سمع سد المكالمة بكتم وهجم على بيرغ
_ بووووية لا يسمعك لا عبالك هذا ساكت
ويحچي هذا چبير ال ضـلـيل زوج امها المرجانة
وساكت يريد يحلها عنده أسبابه امهااا مريضة
عليها احترموا روحكم لا تطاولون بالكلام
لا يدوس على البت وعلى امها ويسويكم رماد
وحگ علي هذا مرجف زلام مشوربه هذا ضـلـيل
صدر ديوان راسه مشهود طاخ الغيم بهيبته .
رجع فتح المكالمة وبكُل احترام طلب منو
الشيخ فؤاد : خوية وارث طالب ام مُـرجانـة
تحضر ياخذ منها الموافقة ويتم العقد بحضور مستورتكم .
هدأت الأصوات ، ترقب وانتظار جواب
فرك وارث ايدو وتقدم من خالو متلهف للجواب
بعد فترة زفر أنفاس الغضب ورد عليهم بجوابو
الي وصلهم المرحلة يوسعون عيونهم مصعوقين
واحد يصفن بوجهه الثاني ، عكس الشيخ ضـلـيل مترهي
_ هل يومين اخذ رأي امها شيخة ال ضـلـيل
والرأي رأيها والقرار عدها اذا تكرمت بموافقتها
يوصلك الجواب .
ترخص وسد الخط تركهم واحد يستفسر من الثاني
ام وارث : هي ام ضـلـيل مو عايشة بعدها ؟
فؤاد : اي حسب علمي عايشة .
ام وراث : چا شلون بنت ذياب شيخة ؟
بعدهم يحجون ونزلت مُـرجانـة صوتها مرتعش
اقتربت منهم عينها على وارث
_ سمعت صوت عمي ضـلـيل لو اتخيل ؟
ام وارث : والله وطلعتي بنت شيخة ال ضـلـيل يا بنت .
على ملامحها استغراب بس وكفتها ثابتة
وارث كاعد بس ما رفع عيونو منها
شيخ فؤاد : انا هم ارفع الزحمة وراي طريق
اي شي يصير ويايَّ ابلغك بس انتِ بعد عندك
تاخذ رأي البت وتبلغها .
وصل وارث خالو للسيارة صعد وارث رجع
اسمع بيرغ هو وارث بالكراج يحجون
لازم يجهزون نفسهم وهم يعرفون نقاط ضعفهم
وباشرها وارث من دخل وبدون مراوغة تقرب
من مُـرجانـة يسألها وهيَّ على نفس وكفتها
وبيرغ وراه وام وارث تراقبهم ، بس وارث
من يحچي وياها مبتسم عبالك ما يريدها تخاف ابد
وارث : مُـرجانـة عمچ ضـلـيل شنو اكثر شي يحبه .
مُـرجانـة : من يا ناحية ؟
وارث : من كل النواحي اهله الحياة كلشي .
مُـرجانـة: يحب امي .
ام وارث ضحكت وبيرغ على ملامحه ابتسامة لعوبة
وارث صفن بمرجانة البنية توترت وصارت تخربط
مُـرجانـة: والله ما اجذب هوَ صح عصبي
بس يحب امي ومايقبل احد يأذيها لو مهما صار .
ام وارث : لا تحلفين يمه صادقة والدليل امچ الشيخة .
بيرغ : وضّحت الخطة الجماعة
اهدافهم الرؤوس الچبيرة .
وارث : بيرررررررغ .
بيرغ : والدليل الأم شيخة ال ضـلـيل
والبت راح تاخذ چبير الموروثين حلال زلال .
طلعت ام بيرغ من غرفتها سامعة كل كلامهم
وعود تستحي من شيخ فؤاد ما طالعة
_ عجل انا شنو حجيت من عرفت سالفتها
امها دزتها وهدفهن مبين ملعبات تلعب على
راس الجبير واحتياط خاف ما تحصل الجبير
تعلق بهمام وخلت الوليد يركض وراها وهيَّ بزر زركم .
طلعت من المطبخ جريت مُـرجانـة تبجي ودموعها
توگع عشرة عشرة على خدها وام وارث وبيرغ
لازمين بوارث وهذا فقد ما يتفاهم ولا يسمع
وارث : هذا تفگيرچ الخايس وكلامچ وحق
الحسين اذا ما اندمچ عليه ، ماكو غيرچ
ملعب هنااااا هاي طفلة شعرفهاااا بلعب
وتفكيرچ الحيواني اسمعي لچ هذا الكلام
اذا يسمع بي همام انعل سلفه سلفاكم ولد القنادر .
ام بيرغ : بالله عوفوا شني يضربني
نافش روحو علينا حسرة نتنفس .
وارث : ما ارحمچ وما ارحم بعد شكووو
قندرة ابن قندرة يتنفس نفس وياها
مُـرجانـة قدسية خاصة بوارث .
بيرغ : كافي عمي كافي هدي بس هدي
ومحلوله مصار شي وارث .
وارث : شلوووون ما صار شي شلووون
ما تشوفهااااا بجتهااااا لك نزلت دموووعهااا .
رفع ام وارث ايدها من وراه تأشر اخذ مُـرجانـة
لأن كُل ما يلتفت ويشوفها تبجي يزيد بعصبيتو
ويرجع رجوع يعاركهم ، دخلتها للمطبخ وكفتها
على سنك غسلت وجهه وگعدتها على كرسي
ملِكه : زواج الأگشر گون شبيكم تتلاطمون
من البارحة لليوم ولكم حتى ما نلحگ نتعارك
انا وروغان نتراكض منا ومنا يمتى اجلطه ويجلطني .
مُـرجانـة: سمعتيها شلون تحچي على امي
تگول ملعبات وياخذن الكبار والله امي ماتحب
عمو ضـلـيل والخاطرنا بقت وياهم وتزوجته
من مات ابوية وهاي كلشي ماتعرف اجت
تتهم بينا ملعبات واحنا شبعنا ضيم وتكفخ .
رفعت عيوني وهيَّ تحچي وارث بالباب يستمع
لكلامها وانا ما قاطعتها بقيتها تفضفض تناشغ
وبصعوبة تكمل ولازمه گلبها
مُـرجانـة : شردت حتى ما تتكرر معانات اختي
واتزوج هذا شيخ الأشاجع كُلها تسولف عنه
جبير اصلاً شايب ويتزوج بنات صغار يعذبهم
معروف بخبثه خفت ومجبورة شردت منهم مجبورة
عفت امي واخواتي ، هيَّ حتى ما تعرف بشنو عانيت
واني ادور على أراضيهم حتى ادخلها متت الف موته
وحتى انخطفت و …
غطت وجهه بيدها تنحب وتندب ومن بين شهگاتها تردد
” اريد امي والله اريد امي ”
سحبت ايدها من وجهه وقبل لا احچي هي كملت
_ والقران ارجع يمها اريد امي حتى لو اموت
ارجع لو عسى ما اشوفها بس ثواني ويموتوني
مايهم انا مو گدها واتحمل هل عذاب .
وارث انسحب بدون ما تسمع خطواتو وابتعد مديت
راسي لمحتو دخل على غرفة ام بيرغ وقفل الباب
ركضت ترست گلاص ماي شربتها والبنية فرفحت
العيون حمرة تلمع والخشم مصبوغ احمر وحتى خدها
ملِكه : هو ياهو ويجي يبچي بصير هيچ خلاب بجمالو .
مسحت دموعها من عيونها وابتسمت من ضربت كتفها
ملِكه : اي يولو اضحكي ختولي على فصمه
بنت الفصمه تغار منچ اخذي چبيرهم اخذي
صغيرهم اخذيهم كلهم حتى روغانووو وخلصيني منو
وقهريها موتيها من الگهررر شبيچ يحظي .
مُـرجانـة: لا ما اريدهم ، ميصير تفكر بيه بهل طريقة .
ملِكه : ما تريدهم تريد كبيرهم بنت الشيخة
حتى هيَّ هم تصير شيخة اويلي عليچ .
مُـرجانـة : قصدچ وارث لا ما اريده .
ملِكه : واضح ما تريدين وارث من عيونچ
بس تلمحو تلمض وتضرب دغلات .
مُـرجانـة : اتهامات هل كلام اتهامات .
ملِكه : صيحي چبيرهم يموتني على هل الأتهامات .
مُـرجانـة : بيرغ يموتچ لا تبلين چبيرهم .
انفتح باب الغرفة طلعت ام بيرغ لابسه عباتها وتصيح
_ ما اعيش بعد وياك اهج اخلي اهلي
يبصرون حل تهدد بينا ياهو انتَ وتهدد
بينا وتاخذ حقنا .
عافها وارث وصعد فوك متجاهلها وام وارث
هيَّ تمنع بيها تطلع جرجرتها كعدتها
وهاي بعدها تدعي على وارث وتصيح
_ يريد ياكل حقي وحق ابني ويهدد علمود بزر
والله شنوو تطعنين بشرفها انا يمتى طعنتها بشرفها
يريد يبليني ابن ساجرر يررريد يورطنااااااا .
دخل بيرغ شايط روحو بطرف خشمو ماتحملت
ولا لزمت الدودة وكفت مستنده على كاونتر
وهوَ يترس گلاص الماي يريد يشرب همست
_ اگلك .
_ امممم .
_ عيشتك شنو ينتظرك يمتى اكتشف شنو ينتظرني ؟
خزرني بطرف عيونو ورفع الگلاص يشرب
ملِكه : هسة اريد مجال اجلطك ماكو اهلك
استلمونا اكس مربع .
جرني من ايدي اول ما غدرتني ام دميعة
وطفرت صعدت فوك اظنها ركضت الوروثها
وخلتني اوگع بشر اعمالي وشر الساني الجلب
صرت بالزاوية مد ايده منا ومنا يمنع حركتي
رجعتي جسمي شگد ما اكدر وهوَ يقترب
بيرغ : تريدين تكتشفين اكتشفي منو يمنعچ ؟
ملِكه : هو شنو ؟
بيرغ : الي تنتظري .
ملِكه : لازم تصدمني مثل ما صدمتك البارحة .
بيرغ : اممممم تحب صدمات ، وين تحبين أصدمچ ؟
رفعت ايدي ادفع بي من صدره وتأففت
ملِكه : اف اف بيك ريحة جگاير روح مني بعيد اختناق .
اقترب بالعناد حط راسو برگبتي كزبر جسمي
كلو وزدت بقوتي سحب ايدي لزمها دهر هذا طلع قوي
اجرها منو عود انا قوية ما تنسحب أنيت موجوعة
وهمهمت واحاول اسحب نفسي من بين ايدو
_ اه اه بيرغ توجعت .
خجلت عيوني على باب اخاف احد يدخل
ويدحگ هل منظر المخزي ، طوق خصري حاني
جسمى ونزل راسو لمستوى طولي شفايفو
برگبتي يحركه بين أذني لنهاية عظمة الترقوة
يجر النفس لهثان واصل لأعلى مراحل نشوة الراحة .
غمضت بقوة صك جسمي من مرد خصري
مرر ايدو من اسفل ظهري ويمشي بخط مستقيم
الأعلى رگبتي حسيت بكهرباء ضربت جسمي وعقلي
وصعقني بكلمات مثل التيزاب وگع على گلبي
بيرغ : ايعععع بيچ ريحة عجايز لعبتي روحي .
ينطق بالسم المميت ويبتعد طلع برا المطبخ
وراح على مغاسل يغسل بيدو وجهو بكل حيلو
يترس ايدو صابون ويجلف ، رفع قميص البدلة
يشم بي وبصوت مسموع يتعمد يسمعني
ويصعد على درج ينطق
_ اروح اسبح تقززت من ريحتها صارت بملابسي
اذب البدلة بعد ما اريدها حتى الساعة وين
الحمام اريد اجلف روحي يامن يوصلني بوية زواع .
سمعت بهل ثانية گلبي يتهشم اجزاء
صعبت عليَّ روحي رفعت ملابسي اشم بيهن
ريحتي طيبة دشداشتي بيها ريحة ملابس جديدة
ورشيت عطر حتى من هدني العطور الغالية
امي اشترتو لان عروس ولازم عطري من الزين
خجلت من نفسي خجلت والعبرة صارت ترس صوتي .
نزلت دموعي ودخل همام ساند سَــهم ايدو
ملفوفة ويمشي بيَّ بطيء ندهني
همام : خوية افتحي باب الغرفة حتى انوم سَــهم .
احتاريت وين ادير وجهي منهم امشي ودموعي
تصب وتنقط فكيت الباب تشكرني صعب الرد
عليَّّ حبل ونربط على رگبتي ، صعدت اركض
سمعت صوت الماي يجري جفوني ثگلت
وطيحت كل دموعها كسر گلبي كسر شي بداخلي
ما اعرف اوصفه بس انكسرت صعبة ماتقبلتها منو .
قفلت باب الغرفة وشلت المفاتيح شمرتها مدري وين
طاحت ، كعدت بالگاع انحب شديت على شفايفي
اكمت صوتي ، الغلط مني ملِكه شلون تخلي يقترب
شلوووون يا غبية وعادي بقيتي بين ايدوووو
وهوَ يتلاعب بيچ امداني امدددداني ، الله ياخذني
دفعي يا جلبة دفعي ضربي اشردي منوو
هل حيوان الله لا يوفقك تروحلي فدوة
ريحتي طيبة والله ريحتي طيبة وشنو واذا بيَّ
ريحة عجايز هووو اكو اطيب من ريحتهم الحنينه .
ارتعبت من حاول يفتح الباب مقفول ضرب اكثر
من مرة ما رديت ولا راح ارد لوو يموووت
لو تطلع روحو ما افتح هل مهجوم
ضربة ودفر اخذ الباب دفر ويصيح
_ وينچ الباااااب ما تسمعين اريد ابدل
الووووووو هيوووو طرشة الباب .
حاول وحاول صيح عالج ماكو رد مني
همام : شبلاك يوووولوووو خبصتنا
سَــهم نايم حسك قلل حسك .
بيرغ : ولي من وجهي لا اشمرك من فوك .
همام : بيرغ احترم نفسك لا انعل خيرك .
تجادل هو وياه وقبل لا يتصادمون
فزيت على صوت وارث صاح بيهم
_ ما ننام بهل مهجوم من كون مهجوم على راسكم .
رجع بيرغ يضرب على باب واصريت على موقفي
وارث : خوية ملِكه انتِ هنا ؟
ملِكه : اي .
جاوبتو وحاولت بكل قدرتي مايبين ابجي
بس استحي اتجاهل وارث الوحيد بيهم اصيل .
وارث : فكي الباب يبدل .
ملِكه : شمرت المفتاح ما اندل مكانو
وحتى لو اندلهم ما افتح الباب اليوم .
بيرغ : اكسروا وحق الله .
خليته مثل الكلب يهذري برا
بصعوبة رفعت نفسي على سرير وغفيت
مهضومة بعد ما تعبوا من الكلام
نمت ودموعي على خدي من يوم ما التقيت
بهذا الكلب لهذا يومنا ما نشفت هل دموع
ولا انا ولا عيوني ولا گلبي شفنا راح .
الثاني يوم تمنيت فاقدة الذاكرة
لو الصار ما صار بقت كلماتو
تحفر وتمرد بصدري تقهرني ، اجت مُـرجانـة
تضرب على باب رحت ادور المفاتيح وعلى اخر مكان
اتذكر وگع بي ، مشمور بين الزاوية اخذتو
وفتحته اخذت ملابس حتى ما حجيت وياها
ودخلت سبحت غسلت جسمي وملخت مكان رگبتي
بكثر ما غسلتو طلعت ابدل ومرجانة تسألني على صار .
دخل بيرغ مو شاف مُـرجانـة اخذ كم غرض
وطلع ، جريت جنطة جبيرة من تحت السرير
لميت كل ملابسة وأغراضه وطلعتها بالممر
ملِكه : خلي يعيش بعيد ، ولا يتحجج بالأغراض ويدخل هنا .
مُـرجانـة : اسم الله شصار وياچ ليكون ضربچ .
ملِكه : اكسر ايدو اذا يمدها ويضربني هل قندرة .
استحيت حتى احچي الصار وخليتو بگلبي يذبح
والبنية دايخه ومريضة مبين عليها ماردت ازيدها عليها
نزلنا لا اني ولا هيَّ حابين هل مكان دخلنا للمطبخ
فاتت ام بيرغ همست لمرجانة وهي تسوي بيض
_ ول هاي البارحة مو راحت ، رجعت تركض بلا كرامة .
خلينا ريوك على ميز توني صبيت جاي من القوري
ورجعتو حار يفور ، اخذت الصمون ام بيرغ لمحتها
بصفي ما انطيتها اهتمام هجست بحرارة وصارت
على رجلي تنصب طفرت انشمر الكرسي وعطت
بكل علو حسيت وارفع بالدشداشة وروحي شاغت .
نزلت ملابسي ونيت وصحت متأذية فات
همام اولهم يسألني شبيه ومرجانة تجادل هيَّ
وام بيرغ وعافتنا وركضت صعدت فوك
فات ابنها الحقير الله لا يوفقه انا مفرفحه
وهذا يصيح ويتفحص بيدي ضربتو ودفعتو
ملِكه : انتَ معليك شيل ايدك مني يلة عوفني .
همام : خوية ياهو وياچ شنو يوجعچ .
ملِكه : هاي امو حرگتني بالچاي اه رجلي يمه
الوجع يذبح رجلي ليش تحرگيني ليش ماتخافين الله .
احس الحرارة كرمشت جلدي طلعت من المطبخ
مشيت للحمام اذب ماي بالكي تبرد حرارتها
بعدني بالباب سحبني من ايدي وفوتني للحمام
بيرغ : وين صبت الجاي بالله رفعيها .
ملِكه : انتَ معليك اطلع برا يلة اطلععع لا تدخل بيَّ .
حط ايدو على دشداشتي يريد يرفعها
اريد اصرخ استحي وانا منا انوح من الوجع
وهو يسحب وانا انزل مل وتعب اخذ اثنين اديناتي
رفعهن للحايط وطبگني بالغصب على حايط رفع
الدشداشة خلّاني ارافس دفرتو برجلي بلا احساس
ونزلت دشداشتي رحت ارش عليها ماي وادعي عليهم
طلع مستهم سديت الماي من سمعت صوتو جلجل البيت
بيرغ : على شنوووو ناووووية قويت راسچ انااا يمه
شلووون تحرگيها كل عقلچ منووو سمحلچ على يا اساس
وين عايشين وام زوجهاا تحرگهاااا .
ام بيرغ : ما انفعلت هيچ من ضربتني رحت كفيان
شر تضرب على باب لليوم ما أدبتها اني اخذ
حقي بيدي منها حتى اعلمها ما تطاول على ام زوجها .
طلعت اسب بيها بصوت عالي ماتحملت انطم
نزل وارث ومرجانة وراه نزل راسو وسألني
_ اخذچ للمستشفى .
مُـرجانـة : اي آخذها خطية راح البسها عباية وانزلها .
ساعدتني مُـرجانـة اخذتني منظر الحرك
مدري شلون صار شكلو اجتني مُـرجانـة
تريد تلبسني وبيرغ صوتو يوصل عالي
كلمة افهمها وعشرة لا وهيَّ عينها
صلفة ترادد من حصروها هوَ وارث كعدت
تبجي وتندب بحظها ، دعيت عليهم من كل كلبي
وانفعلت حتى مُـرجانـة طلعتها اريد اظل وحدي
ختلت بالفراش بجيت الحد ما نشفت دموعي
مدري البارحة ابنها واليوم هيَّ والوجع وفراك اهلي
كلهن ملتمات هلكت ودمرت روحي بالنحيب وغفيت .
لاحظت اصوات حركة قريبة مني ، فتحت عيوني
على بطيء شفت هذا الحيوان كعد على سرير
بصفي ورفع دشداشتي جريت روحي شاغت نفسي
كعدت وعطت بي يطلع يعاند مايرد بس يجبرني
سحلني من رجلي رجعني نايمة رفعت روحي
ودفرت ايدو مني ويرد يعاند ياخذ برجلي غصب
ملِكه : بس عوووفني ما اريد منك شي روووح .
طلع السلاح من حزام البنطلون ودفعوا ببطني
_ مدّي رجلچ لا اصلخچ بطلقة انومچ نومة أبدية بيها .
جمدت من اسلاحو غورگت عيوني وتسارعت
دگات گلبي بشكل مخيف استغل هل موقف
وجر رجلي سحب رجلي ورفع الدشداشة
طلع مرهم من العلاگة وصب نصو على مكان
صاير على افخاذ رجلي بالأعلى، رفع ايدو
يمسح العرق صار يصب من وجهو
وبحركات دائرية يوزّع المرهم على كل مكان .
عيني على مسدس بكد ما مرعوبة حتى لساني
بلعتو وجسمي يهتز ، غطيت رجلي ودرت وجهي منو
بيرغ : نروح للمستشفى .
ملِكه : ما اروح وياك هسة وارث ياخذني .
_ ما اقبل تطلعين انتِ وغيري يا انا يا بلاها .
_ بلاها ، وروح يلة انتَ وهذا مسدسك .
نزل ملابسي وتقرب يريد يتلمس شعري
جريت جسمي امنعو غصب طوق وجهي
باثنين اديناتو وبصوت خافت تكلم
_ سبب زواجنا حادث بيني وبين ابوچ
ولاني قللت من احترامو انفعلتي وضربتي وكسرتي
وصحتي انتَ ما متربي انتَ مو زلمة ، وعلى اساس
انتِ احسن مني من اول يوم الچ هنا بنص بيتي
ضربتي امي ، عبالچ من شفت ايد امي زرگه من العض
مالتچ ما انقهرت ؟ لو ما اخوي بعيوني ملِكه
واخاف اضربچ ضربة انهي بيها حياتچ هوَ
كاتب تعهد الخاطري معرض روحو للخطر الخاطري
والخاطر ما تتأذين لا ومحمد لا باب يمنعني
ولا ناس ولا خوف افوت أجرم بحالچ .
ملِكه : امك ما محترمة نفسها ابوية ما أذاك امك
اذتني وضربتني وبليلة عرسي سبتني ورادت تضربني .
بيرغ : اششش هذا مو مبرر ، عدلي روحچ وانزلي
ابوچ وامچ موجودين يريدون يطمئنون عليچ .
_ راح تحچي لأبويه مو ؟
_ لا ، انا زلمة ما اطلع اسرار بيتي .
طلع وعافني غسلت وجهي ودموعي ما وكفت
نزلت احاول ما ابين امشي اعوج ويحسون وينقهرون
اول ما دخلت انقبض گلبي من ملامح ابوية الغاضبة
وامي منزله راسها وام بيرغ رافعة ردنها مطلعه الأثر
وبيرغ منزل راسو يشرب جگارة ، حضنت امي
رحت على ابوية رفع ايدو مايقبل اقترب منو كعدني وهمس
_ راح اسأل وتجاوبيني ؟
_ انتِ متجاوزة على ام زوجج ؟
_ مو ضر ..
_ اشش جاوبي اي لو لا .
_ اي .
_ ضاربتها .
_ مو والله هي .
_ ضاااااربتهااا ؟
_ اي .
_ يلة ام جنى مشينا .
لجمت روحي من نهضت ركض امنعو يروح
وكفت بالباب فرفحت اتوسل بي وهوَ صاح
_ اخاف ما تعرفين بيرغ معترف بغلطتو وتجاوزو
ويايَّ بس انتِ ما اعترفتي وتبررين الغلط .
ملِكه : لالا ما ابرر بعد اني غلطت راح اعتذر .
_ لو مهما سوت هاي بمثابة امچ عيب
خزززي نتجاوز ونضرب مايصير نوصل لهل مواصيل .
احاول وياه قفل اعرفو ابوية كلشي عندو ولا نتجاوز
على اكبر من عدنا ويكره العرك والضرب بكل اشكالو
لو مهما كان السبب ما يقتنع ، صدت عيني على بيرغ
من تقدم حطني وراه واخذ ابوية بلسانو من ردت اعتذر
بيرغ : مايحتاج الصار صار والغلط من الاثنين
ومني بالذات ماراح تتكرر تفضل اكعد نتفاهم .
ابوية عاند يروح نغزت بيرغ من ظهرو وهمست
_ حباب لا تخلي يروح زعلان مني .
_ بربوئه هسة صرت حباب .
طلع ابوية واخذ امي صعدت اريد عيون بعد
ابچي بيها ما متعودة ازعلو مني لو مهما صار
ما يزعل شگالت هاي شنوو حچت خلتو ينفر
مسحت عيوني ونزلت اريد اعتذر ، ولگيت
بيرغ غادي نار يعاتبها طلعت اسرارنا
وصلت يمهم وقررت اعتذر منها
_ انا غلـ ..
بيرغ : اششششش .
حط ايدو سد شفايفي وفرني على درج صاح
_ امشي بدلي امشي بساع .
ماتحركت جرني من ايدي صعدني اخذ عباتي
والشال وطلع المسدس يهدد حتى ما اعاند
من ادحگ السلاح بيده حتى عافيتي تنخرط
نزلنا وامو تسأل بي وين رايح صاح للمستشفى
من صعدني طلع السيارة ومايقبل افك الجامة
وترني بگد ما صاح شالچ شعرچ لمي غطي ايدچ
وكف بصف بمحل حلويات ربع ساعة ورجع بيدو
علب حلويات ودخل منطقة اهلي گلبي صار يرفرف
دمعت عيوني وعفتو ونزلت اول ما وكف بالباب .
ضربت بابهم طلع ابوية شافني عيونو مدمعة
بيرغ شايل العلب واكف ورايَّ صاح
_ تستقبلونا نرجع هاي اول زيارة بعد العرس .
فتح ابوي الباب ويرحب بي بي اني عايفني
ببرغ : ما افوت بيتك اذا ما تصالح المشرشبه .
حضني ابوية انفجرت ابچي بحضنو وهو بعاتبني
ويفهمني سبب زعلتو مني ، طلعت امي أخذت الاغراض
من بيرغ ودخلتنا، رحت اشوف اخواتي بالمطبخ
جنى گرصتني من خصري وغمزت
_ والله وسويتيها يا ملِكه ودخلتي المقدم بيرغ بيت ابونا .
حضنت امي وسولفت كل الصار ويايَّ
شافت الحروق انقهرت بس ما بينت صاير احمر
دم ، عافتني وراحت مدت سفره وصبت اكل
خجلانه هي وابوي حايرين مسوين بس تمن ومرگه
صاحني ابوي وامي نزلت الطرشي وهمست بأحراج
_ اعذرنا يمه على تقصير هذا غدانا و .
بيرغ : ريحة الأكل تردّ الروح قابل اجيت اجربكم
كلكم خير وبركة وأصحاب واجب .
اشر بيدو حتى اروح عندو ، ردت عود اشبع من امي
دفعتني امي من ايدي رحت قريب منو احتار
شلون اكعد من وجع رجلي مال جسمو وهمس
_ بس نطلع نروح للمستشفى اكلي هسة .
ملت جسمي على امي ابوس أكتافها وايدها
بس كملنا بعدنا نلم بالسفره غسل وعاند نروح
سلم وطلع قبلي ودعت اهلي ورحت وراه
مرينا من نفس الشارع الي صارت بي العركة همس
_ تتذكرين هل شارع .
_ اي كتلتك بي ما انسى طول
حياتي احچي حتى الأحفادي بالمستقبل كتلت المقدم بيرغ .
بيرغ : نوصل للبيت لو ما نوصل .
ملِكه : ونوصل شنو تخوفني .
نزلت من نزل يفتح الباب حتى يدخل السيارة
ظل يتلفت منا ومنا وصدمني من يسب لان نزلت
دخلت ركض صعدت ، وانا على درج سمعت صوت
بالحمام ، ما اهتميت وكملت توني دخلت الغرفة
وما احس غير نرفعت ونزلني على سرير يهمس
بيرغ : بالله عيدي من كتلني بربوئه الهامستر .
ملِكه : انا ملختك تملخ سويقط لا عبالك تخوفني .
بيرغ : هاوي العناد انااااا هاووووي هامسترررر .
تجاسر وتشجع يبوس برگبتي تذكرت
كلامو رجعلي نفس الإحساس القرف رفعت
رجلي دفرتو وركضت طلعت من الغرفة .
اركض على درج لمحت قطرات دم بعتبة الحمام
التفتت على بيرغ جحظت عيوني واشرت على دم
وصلت للحمام قطرة دم ما بقت عندي من فتحت
الباب وشفت الدم ترس الحياطين والباب والأرضية
صايرة مجزره انذهلت وركضت اغطي بمرجانة
وبعلو حسي هزيت البيت بكبرو
_ مُـرجانـة ذبحوا مُـرجانـة .
غـاليـة ..
انتظر بصدر الديوان رجعت ضـلـيل بعد ما راح
يشوف شبابهم ، دخل هو بالبداية اشر وصاح
_ امشي جهزي جاي .
غـاليـة : اخذوا اخوهم ؟
_ اي .
_ مي بارد ونازل على كلبي هسة ارتاحيت .
_ وانا ماي يفور على گلبي يالبغدادية يالعرمة .
غـاليـة : ميخالف شيخهم ميخالف انتَ شيخ
تتحمل الماي الحار انا ما استحمل اتعب .
ضليل : تروحين منا قبل لا تفلت اعصابي
ولساني يغرد واذا غرد لساني اغمس راسچ بالطين .
مشيت ورافعه ايدي امشي واجاوب عود اسكت اموت
غـاليـة : بلا تغريدات لا تغمسني بالطين ولا بالحليب
رحت شيخهم رحت اعصابك اووي شبيك .
ضـلـيل : اي بنت الـ**** تمايلي اي هزي شبي النار بگلبي .
عدلت شالي من شفت اخوانه كلهم فاتوا ابتسمت
وعبرتهم دخلوا اولاد عمهم وشيوخهم الكبار
للديوان ، طلعت اكبر قوري جاي جهّزته
وريحة النفط تهفهف بالبيت ادوخ ومنا اني راسي
ما اتحمل ريحة قوية ، گعدت نقش ايدها مجروحة
اخذتها بدون ما تحس ننوس وديتها للحمام
غسلتها وعقمتهن زين وخليتها تجهّز الاستكانات
ولمحت ام ضـلـيل تحوم على ديوان ، درت على ننوس
حضنت رجلي وتبچي عطت بيها ولازمة راسي
_ شبيچ راح اكفخچ .
_ بابا .
_ ماتشوفين زلم بالديوان هسة يروحون وفوتي .
_ لا اروح هسة .
_ يضربچ صاير عصبي اكعدي ، نقش صبي جاي .
رحت ساعدتها راحت بصف باب المطبخ
تضرب اجت ام ضـلـيل الجاي بيدي لزمتها
من شعرها وبكل قوتها سحلتها من راسها وشمرتها
بالمخزن شمرت القوري وعطت بيها واجر بننوس
من بين ايدها وهيَّ تشيل بيها وترگعها تريد
تحرگ كلبي عليها ، سحبتها من ايدها
ونقش جرت ننوس من ايدها مبحلقه عينها
مرعوبة والبنية صارت بنفسجيها ما تتنفس
بس تحرك براسها وتناشغ .
شلتها ورجع وجع الشقيقة كفخ عيني
اغسل بوجهه ننوس واحس الدنيا تفتر بيَّ
غـاليـة : يمه ننوس احچي گلبي جري نفس .
ننوس : بـ بابا بـ بابا .
نقش : محرمة تريدين تعيدين الصار بمرجانة
ترا هاي بنت ضـلـيل موووو بنت عابد
عود من يفوت ويعرف انكري .
ام ضـلـيل : انعل ابوچ لابو ضـلـيل وياچن
عمي ما اريدكم هذا هم بيتي اخذن امچن
الگ**** واطلعن الف زلمة يلفي اشكالچن
مثل ما يذبحون بالزلم الخاطر الخرسة
وما يسلموها هم انتن يذبحون وما يسلمونكم .
بوست ننوس ودرت على نقش عطت بيها
_ اذا اسمع صوتچ يا نقش يا بنت
عابد اجي اخلي دمچ بطولچ صماً بكماً عمياً اريدچ .
اخرست وانا اخذت ننوس صعدتها بدلت
ملابسها شگگتهن وشعرها رتبته والبنية
مخروعة ابد ننوس ابد ما تنضرب بس انا
الوحيدة امد ايدي عليها وضليل حتى يخاف
ينطي رد فعل حتى ما اخذها وسيلة اقهره بيها .
رجعت نامت وحاضنة ايدي ترتعش
وشفايفها لونها بنفسجي وعيونها مصبوغة احمر دم
عفتها ونزلت من نامت ، نقش مكمله صب الجاي
فات علاء اخذه منها ويهز بالصينية ويضحك
_ شسوين اذا وگع عليچ ؟
شاهين : هيَّ ما تسوي شي انا افتعل جريمة بيك .
ضربت نقش على ظهر شاهين وصاحت
_ اخووي الحيد تربات الدواوين يغسلك ويشرك على حبل .
قلص عيونه عليها ودخل عليَّ
_ شيخة تجهزون اكل للزلم لو اجيب من برا .
غـاليـة : فد ساعة وكلشي يكمل عيوني .
_ سالمة عيونچ شيختهم وتاج راسهم .
ام ضـلـيل : خاب اكل خـ*** .
طلعت لحوم على دجاج متبل كلشي مجهز
عدنا لأن نعرف بيت الشيخ ما يفرغ من خطاره
شويت الدجاج ، وشويت لحم وسويت حميسة لحم
وانواع المقليات وبرياني بالصواني صار
فوكاه لحم وخبطت لبن وعصاير ، علاء وشاهين
ياخذون ويرتبون بالسفرة .
خلصوا الجاي جاهز اخذوا ونقش استلمت
المواعين دخلت عفاف شمت البيت نفط
غسلته كله انا نهد حيلي عفتهم بعد وصعدت
بوقت متأخر حسيت على باب انفتح وننوس
ماكو بفراشها رجعت غفيت من الدوخة وجفلت
تذكرت ننوس بيها اثار ضرب ، جريت شالي
وتوجهت على غرفة ام ضـلـيل مبين جانت نايمة
من شافتت ننوس راحت على ابوها كعدت كعود
دخلت جفت مخليها نايمة على ايده ويمسح
على راسها حاضنها حضن على گلبه
ويرجع يرفع بملابسها يشوف الضربات
من شافني غطاها وخزرني ذيچ الخزره .
غـاليـة : اخذها منك .
ضـلـيل : الصبح تحزمتي حزام على بت عابد
هجمتي البيت هجم طشرتي عوايل ، تخربطتي
ونركض للمستشفيات وبنتچ الثانية منا تتصارع
ونمتي وكفختن هل طفلة نومتنها لا اكل لا شرب
وضليل الجلب ابن الجلب يلهط حاير يالدواوين يطمطم
عار ويحمي بنت غـاليـة .
غالية : لا والقران نقش نومتها انا ما ادري .
ضليل : فوكاها كعدت تبجي لزمتنها
موتوها من الكتل شالتها بنت ذياب شمرتها
فوك نومتها حتى ضـلـيل ما يلتهي بهل طفلة
وينشغل على بنتچ الغالية بنت الغالي
وهم نامت لا اكل لا شرب لا اهتمام .
مردت ايدي فشلت وحرت بالجواب وهوَ
يحضن بيها يريد يفوتها بگلبه بگد ما خايف عليها
ضـلـيل : لووووو بناتچ مضرروبات تسكتين ؟
غـاليـة : اني شكو تصيح عليَّ هاي امك .
ضـلـيل : من توصل لبنت ضـلـيل يصيرررر شعليچ
خرب اهلچ لوووو بناتچ مضروبات مو تكفكفين
الردانات وتجولين علينا جولات استعراض هدم
وطحن لا تبقين سب لا ضرب تحتارين شنو تسوووين .
هز راسه يتوعد ومهضوم محتقن وجهه فرد نوب
ضـلـيل : تررريد احمي بناتهاا وهيَّ عايفة
بنتي مكفخه وتسكت من يكفخون بيهااا
حتى تخليهم بعد ياخذوها حايط ناصي بنت
ضـلـيل تنكتل وغالية تختل فوك بالغرفة
وضليل المگرن بالديوان گاعد يحل مشاكل
العالم وبنتووووووو مكفخه للگواو***** .
غـاليـة : ضـلـيل ترا هاي هم بنتي بس الشقيقة
موتتني اذا اسوي مشكلة بعد اموت .
ضـلـيل : واذا اگلچ بنتچ صارت بيد ال ضـلـيل
هم ما بيچ حيل بعد تسوووين مشكلة .
غـاليـة : صدك تحچين لووو تقهررريني
مُـرجانـة وين لا تحرك گلبي ضـلـيل والله
اذا يسوون بيها شي اشرب من دمهمممم والله .
رفع المبايل وشمره عليَّ انضرب بظهري
عطت متأذيه وهوَ يرجف وننوس فزت صاح
_ بس كوووون تنام اريدهاااااا تنام
اليوم اذا ما اخلي الدم للركاب تررررجف على بناتها
يصيرررر بيهااااا حيل ووووهااااي يول
وهل طفلة مووو بنتچ هاي بنتچ من لحمچ ودمچ
بنت ضـلـيل اخرررر همچ غـاليـة اخرررر همچ .
خزرته حتى ما يسمع ما يتفاهم طلعت
من الغرفة دمي فاير منه وام ضـلـيل تباع
غـاليـة : ابقي تصافي انتِ وابنچ كفوني شركم .
بنص الدرج طلع ضـلـيل شايل ننوس ويسأل بيها
_ شنو على بالچ تاكلين .
_ هاي ضربتني بابا حيل
وماما صعدتني نومتني فوك .
اشرت على امه عبرها وطلع لابس بس دشداشة
ويدخل بالمحفظة بجيبه والمفتاح بيده يفر بي .
من طلع السيارة وطلع وياها وكفت بالكراج
انتظرتهم من سمعت رجع دخلت للمطبخ وسديت
الأضواء حتى ما يشوفني ، دخل بيده اكل وننوس
بعدها شايلها على گلبه دخل للديوان
انتظرت دقايق ورحت اشوفهم وانا بعيده
شفت معدل الاكل مقابيها على ديوان وملبسها
عگال مگعدها بحضنه يوكل بيها بيده
ومشكل تلفونه بيده الثانية يوكل بيها ويخليها تباع
افلام كارتون ويشربها بالعصير كلاص مشتري بكدها
وهيَّ تضحك وتتلفت عليه حتى يضحك وياها .
وهوَ يبتسم ويرجع يصفن العصبية تنبث من ملامحه
مبين اعصابه مسلكها تسليك بس شبعت
تربع ونومها على رجله وبعده شايل التلفون
الساعة عبرت ال3 بليل هو مخلص حيله
من الشيوخ والركض على ولدهم ما نايم
جرها فرد جره وقبلها هو كاعد باقي
خلاها تنام بعده يشيل بيها وركضت فوك
دخلها على غرفته نومها وانا قفلت غرفتي
للصبح وعرفت ما يمررها على خير .
بقيت فوك نقش فتحت الباب حتى نسمع
صاح على شاهين طلع ننوس برا وعاط بعلو صوته
_ غـاليـة .
غـاليـة : يبو علينا وعلى خلفونا يبو
امشي روحي جاوبي من الدرج گولي مطمورة
امي راسها مصدع خلي يعوفني بحالي .
نقش : يمه اخاف معليه يروح يفشر .
غـاليـة : شنو تخافين ياكل بشر امشي ولچ .
راحت متردده اباع عليها تدفع بالكلمة حتى ترد
_ عمو ماما نايمة راسها يوجـ ..
كمزت تركض فاتت للغرفة وهو غرد انواع التغريدات
الي ما يلبس عليهن ثوب ، نزلت وجاوبته
غـاليـة : كعدت اعصابك نزلت نشهرنا .
ضـلـيل : كملت الشلة من اجت العرمة
حدري هين بالله حدري .
مشيت قريب منه وارد الجواب
غـاليـة : شتسوي بيَّ قابل اني ضاربتها ؟
ضـلـيل : اريد حل اليوم وصلني لحل
قبل لا اهجم هذا البيت من البارحة لليوم
صبرت روحي تصبيرات ماتخطرررر على بال
اريد حل حتى اذا ما نوصل الحل شاربي ازينووو
اذا ما احرك هل بيت واتركو النار تاكل بي واخذ
هل بنت واطلع اناااا تعبت ومليت اطرد بيكم وتردون .
مقتدر : اذكر الله خوية امك وضربتها شكو بيها
والله بناتي كبار وتضرب بيهن وتعودنا امك عصبية .
رفع اصبعه بوجههم كلهم ويصيح
ضـلـيل : انا هل ننوس تختلف عندي هي هل وحدة
اذا ضربة من الضربات وصار بيها شي انا اعترف
مخبل انا وحق الله طگه ونص الزمكم كلكم اذبحكم .
وتمار من صوب يهدي وامه طلعت ادور على ننوس
وفاتت شايلتها تبوس براسها وتگله
_ يمه وراسك وغلاتك هاي عندي بمعزتك
بس البارحة مقهورة على خواتك راحن مكسورر
خاطرن والبيت فارغ وهاي تبجي مدري شلون ضربتها .
ضـلـيل : وين الحل ؟ اريد حل ؟
غـاليـة : يعني شنو حل شنسوي ؟
ام ضـلـيل : كلامها صح شنسوي بعد .
ضـلـيل : متفقات خوش دام متفقات الله يديمها
امشي بنت ذياب جهزي جنطة ملابس ننوس .
غـاليـة : ما اتفق وياها لو اموت وانا ما سكتت
على ضربها بس ردت انام ومن اكعد اشوف شغلي
وابلغك بالصار ، ميصير تاخذنا بصوتك وتهديدات
وسب من البارحة لليوم اكلتنا وشربتنا مو حالة هاااااي .
فز من مكانه صار گدامي مقتدر لزم ايده
سحبها ودفعه مرد ايدي وصاح
_ صوتچ لا يعلى على صوتي بنت ذياااااب .
غـاليـة : تريد نحترمك وانت ما محترمناااااا .
ضـلـيل : غصباً عليكم تحتررررررموووون
انعل والدي والديكم اذا ما تحترمون نزلي عينچ .
غـاليـة : ما انززززلهاااا والله ما انزززلها شتسوي سوي .
مقتدر : كسري الشررررر غـاليـة .
غـاليـة : ليش شسويت مليت منه من البارحة لليوم
معيشنا على اعصابنا تهديدات وسب وتكسيرر
شكووووو شصااايررر شكوووووو .
ملت جسمي وراسي فريته من رفع ايده
ناوي يضربني ورفعت ايدي احتمي بيها
مقتدر ما راضي وشاهين على صوت فات يمنى
بقيت نظراتي بالگاع تقرب صار بصفي كلش نتر
ضـلـيل : دام كسرتي الشر وعيونچ العرمة نزلتيها
راح أتغافل واعبرررها بمزززززاجي بس اذا ..
يستصغرني يريد يكسر عيني گدامهم
وكلها تباع ومنتظرين خوفتي منه لو على موتي
قبل لا يكمل ابتسمت تك خد ورفعت عيني بعينه
خليتها ورفعت حاجبي وأيدي كتفتها
هو شاف هاي ردت فعلي تخبل رسمي
مقتدر وتمار بوجهه وشاهين صعدني
لسانه ما ينوووصف لسانه ما يسبني
من العيب ما يشخصني بس يجمع ويغلط
غلطات تخلي الواحد يخجل ويريد يطم روحه .
شاهين : الله يهديچ شيخة انا من يمي استفزيتني
هسة انتِ نزلتي عينچ دخليها بين ما يدير منچ .
نقش : لا شنووو تنزل عينها قابل مسويه مكسورة
اصلاً متت من القهر من نزلتها ، لو غلطانة بيها باب وجواب .
شاهين : هي بالدم بعد مايفيد الكلام .
لميت ملابس ننوس وملابسنا بس ما بدلت
اخذت بس مال ننوس توجهت على غرفته
ام ضـلـيل : امشي ولي صعدي لا ينجلط الزلمة
من مصايبچ ومصايب بناتچ ، راح يطفر من ديرتو .
غـاليـة : تسكتين مني لا والقران هسة
صدك تصيرر وياچ مو زينة مليت بعد منچ مليت .
دخلت ننوس كاعدة على ميز وهو يبدل
شلتها نزلتها وبوست خدودها
_ اركضي نقش تريدچ جهزت ملابسچ .
صعدت تركض ، وانا سديت الباب ورجعت
استندت على ميز هو يعدل بالشماغ يلف بي
يسوي روحو ما يشوفني خليت قوتي منا
عصرتها مناك وهمست
_ وين تروحون ؟
_ ن***** الجهنم انتِ مالچ شغل كفيني شرچ .
غـاليـة : هو انا شسويت وهيچ ضايج مني .
ضـلـيل : المصيبة من كل عقلي اريد بعد منها طفل
عمي ما اريد كلش شلتها من راسي بعد
هي ها وحيده وعتيتي بيها گلبي عت ورمتي گلبي .
غـاليـة : عبالك اني ضربتها .
_ انطمي .
رن تلفونه غلقه وشال السترة لبسها
تكتفت اريد احچي فلش باب الكنتور بضربتين وصاح
ضـلـيل : وعزة جلالته يا غـاليـة اذا ما اندمج
على عرامتچ حذرتچ لا تستغلين ضعفي جدام
اهلي وتبقين تقللين مني وانتِ تزيدين
وانا بعد راح ازيد ومثل ما انتِ ما تلتزمين
بكلامچ ويايَّ ما التزم بكلامي وياچ حقي لو مو حقي ؟
غـاليـة : اذا ترتاح من تندمني سويها براحتك .
ضـلـيل : اطلعي برا .
غـاليـة : اخذني وياك .
ضـلـيل : راح اضربچ واذا اضرب وتسوين
روحچ البريئة اگطع العگال على راسچ .
اخذت العطر وتقربت رفعت نفسي
واريد ارش سحبه من ايدي وطگه بالگاع
انضرب نصه برجلي كفخني على راسي
والعطر تناثر بكل مكان غمضت عيني من عاط بوجهي
_ لااااااااااا تستغلين نقطة ضعفي بنت الـ***** .
غـاليـة : غلطت تمام انا غلطت وعليت صوتي
ولأن ادري غلطت بحقك وعليت صوتي على صوتك
واهلك موجودين اجيت اصحح هل غلط .
ضـلـيل : شيفيد بيناتنا تعرفين بالغلط
وجدام العالم تسوين شيخ ال ضـلـيل صغير
بلا احترام ولا حشيمه مع الآسف انا أنذل ليش
اخلي وحده مثلچ تقلل من شأني .
ثبتت بمكاني من راد يطلع اعترضت طريقة
غـاليـة : لا تطلع مقهور مني .
_ روحي من وجهي .
_ اخذني خلي نبتعد عنهم كم يوم .
_ شارد منچ ومنهم راح تقضون عليَّ تعبت .
لزمني من ايدي وشمرني وطلع ، كسرت غرفته كلها
وطلعت طلع بعده بمكانه كاعد ويسمع التكسير
وامه وعفاف بالمطبخ يترقبن منه رد فعل
صعدت من طلع سديت باب غرفتي منهارة منهم .
مردت راسي وافرك برگبتي غفيت تعبانة
بشكل ما ينوصف ونفسيتي بعد ابد ما تتحمل ضغط
اذا احد يهمس هلو ابجي ، ساعة كاملة وانفك
الباب حسيت شخص بصفي فتحت عيني من دخل
اديناته اثنينهم يضغط على فراش وفوتهن تحت ظهري
ورفعني ، نزل راسه برگبتي يبوس بيها بكل
غـاليـة : رجعت .
ضـلـيل : اسكتي شوية لا تحچين .
حضنت رگبته متمسكة بي وزعلانه منه بنفس الوقت
ظل على حركته ما تحرك حسيت عبالك نام لو ما كاعد
غـاليـة : ما بردت ؟
ضـلـيل : انا اسف وابن جلاب وغلطان حقچ عليَّ .
تلمست وجهه وبست خده بهدوء تام
غـاليـة : والله العظيم خايفة عليك من عصبيتك
انتَ ما تشوف نفسك من تصير عصبي .
ضـلـيل : جهزي روحچ نروح منا انا وياچ والبنات .
غـاليـة : والله .
_ اي ومحمد رديت اخذچ انتِ ونقش .
عافني ونزل ورغم رجع بس بعده عصبي
وما يتفاهم وحسرة واحد يتنفس وياه
صياحه يوصل السابع جار ، بدلت انا ونقش
ونزلنا امه شافتنا عبالك وحده مذبوحة صارت
عزيزة راجعه ودلال وعفاف بالمطبخ
هو من نزلنا بلا كلام طلع وانا ونقش وراه نمشي
طلع شاهين من شافنا يمشي يعرج
ضـلـيل : شبلاها رجلك .
شاهين : جنت كاعد تشنجت ، وين رايحين ؟ .
ضـلـيل : شعليك .
شاهين : هيج صارت ؟
ضـلـيل : يومين تلاثة ونرد شعندك .
تقرب منه مدري شنو يحچي كفخه ضـلـيل على راسه
_ الخايس الساقط ابن الجلب غير غـاليـة ويانا .
عافنا شاهين وطلب لازم راسه ويدردم
نقش : ابن تمار لا تخزرني .
ضـلـيل : اعصابچ عمي اعصابچ وخزرچ شني طار نصچ .
نقش : لا شنو يخزرني واسكت .
انوب رجع عليَّ خزرني درت وجهي اذا يشوفني
اضحك يحطني ويفنشني تفنش ، ركبت السيارة
نقش ورانا وننوس بحضنا ما تقبل تبدل مكانها
بعدنا بنص الطريق وشافها تحوس سألها
_ شعندچ بوية ؟
ننوس : اريد اصير مثل نقش .
_ شلون يعني مثلها ؟
ننوس : لا تعصب هبيبي هباب .
_ صارت بيها هبيبي .
ننوس : اصير ننوس عابد .
حطيت ايدي على وجهي ودرت لذاك الصوب
شالها وشمرها على نقش ويصيح بيهااا
ضـلـيل : بنت الـزمايل هو بس انتِ على اسمي
شبي اسمي بي خـ**** ما تحبنه .
ننوس : لا عصب هبيبي .
ضـلـيل : خليني اسوق نامي .
ننوس : نروح نلعب بالألعاب مال عمو المضمد .
ضـلـيل : زرفت راسي بعمها المضمد
راح اطرها من الغربية البغداد حتى ادحگ عمها المضمد .
غـاليـة : رايحين بغداد ؟
ضـلـيل : اي لعمها المضمد عندو مدري
شنو من لعبة يمكن حلويات فريتها الغربية
كلها حتى تشوف مثلها تگلي لا بس عمو المضمد عنده
من يقفلن بنات غـاليـة بعد يقفلن .
رجعت ننوس على رجله تقنع بي
تحبه وماتريد تغير بعد اسم ابوها
وضليل عين على طريق وعين عليها
كل ما يتعب يبوس راسها ، من غفت وكف
السيارة رجعها بصف نقش ورد صعد
كمل الطريق اوا ما دخلنا بغداد اخذ ايدي
بين أيده باسها ومال جسمه همس
_ بغداد حلوة مثلچ .
_ والغربية هيبة مثلك .
تمسك بيدي طول الطريق دخل منطقتنا وتعمد
ما يفوت من بيتنا القديم ، مر على مضمد
ونزل ننوس اريد انزل وياه رفع حاجبة ما يعجبه
وقفل الباب علينا ، طلعت بيدها مغذيات اثنين
وإبر واعواد بلاعيم انتظرتهم يصعدوني وصحت
_ اسم الله بعيد الشر هاي شنو .
ضـلـيل : جابتني من الغربية لبغداد حتى تشتريهن
همزين اخذتهن اذا انجلط منچ ومنهن اكو اسعافات .
فر السيارة على بيت امي ، من دگيت الباب اجه
خليل يركض فتح الباب وبصوت مسموع صاح
_ منو نور بغداد غاليتي .
ضـلـيل : اكل تبن گ**** غاليتي شني .
خليل : هلا شيخ ال ضـلـيل تفضلوا خوية .
ضـلـيل : انا مو اخوك وطگطگ نعالك وتوكل .
خليل يخزر وضليل يريد يبلعه، اجت امي
واني شردت للبيت من دخلت امي وضليل
خليل رايح ، على اعصابه كاعد شرب الجاي
وطلع علبة وخلاها بيد امي
ضـلـيل : هاي هدية والله ماكو شي يعبر
عن شكري وامتناني فضلتي عليَّ .
فتحت امي العلبة طلعت اربع اساور يسموهن ملاوي
كبار وثگال برم وبيهن قفل مثل المفتاح خلتهن
بيدها فرحانة بيهن وتتشكر منه خجلانه صارت طماطه
وكف هم مثلها خجلان ما متعود ويرد يتشكر
منها وهي تتشكر منه صاح بينا نروح وطلع .
رحت وراه اريد اقنعه نبات هنا جاوبني
_ ما احب ابات بملك مو من املاكي اموتن
وبطلي اعناد تعبان وحق الله من الطريق
ظهري واكف اريد انام .
دخلت على بنات امي لزمت بالبنات وتقنعني
_ اخذي وروحي خليهن عندي .
نقش : اي اريد اجلف ببت بيبي وننوس يمي
عوفيها نلعب انا وياها بالحديقة برا .
غـاليـة : يا ما يقبل ، واريد بناتي .
ام غـاليـة : دروحي بالله اصعدي وبلغي
اطلع ما افتهم اذا ما قبل تعلميني بي
وبناتچ عندي شنو تعزيهن عليَّ .
عفتها وطلعت صعدت يشرب بالجگارة
ويلعب بتلفونه مدري شلون حچيتها
غـاليـة : خلي البنات هنا .
ضـلـيل : لا ويانا .
غـاليـة : انتَ وين ماخذنا .
ضـلـيل : بيت .
غـاليـة : بس اني وياك نخلص هل كم يوم .
ابتسم ورفع حاجبه
_ امچ شدعوة هيچ شريفة .
غـاليـة : تذكرني بأمك .
حرك السيارة بعد ما التفت مسافة ساعة
وكف السيارة مقابل بيت 200 متر بناء حديث
دخل السيآرة بالكراج وفتح البيبان نزلت
دخلت جوا المطبخ مؤثث كامل والصالة فارغة
بس اكو غرفة نوم مفروشة ومرتبة رفعت حاجبي
والافكار مو خوش تشطح وتمرح براسي
غـاليـة : بيت منو هذا .
ضـلـيل : بيتي .
تقربت من شيخهم وكملت استجواب
غـاليـة : بيت بعيد عن الغربية مؤثث شنو تسوي بي .
ضـلـيل : اتزوج اجيب نسوان .
غـاليـة : شيخهمممممممممم .
ضـلـيل : ههههههه تغارين ؟
غـاليـة : بيت منو هذا ضـلـيل ؟
سحب العباية والشال ونزع الشماغ
حضني وباس خدي وبهدوء يجاوبني
ضـلـيل : صار كم يوم اشتريته .
غـاليـة : بالعافية ، بس ليش ؟
ضـلـيل : هدية الغالية العالية .
_ ليش ؟
_ اخذي هذا البيت ورجعي بيت امي ذاك .
ابتعدت رافضه كلامه هزيت راسي ب” لا ”
ضـلـيل : ليش لاااااا .
غـاليـة : لا تصيح ضـلـيل لا تصيح ما تخوفني ما اخاف
من تصيح بس اعاند وتصير عصبي وتكسر وانتَ الخسران .
جرني من ايدي ورجع يحاول يبين نفسه هادي
ضـلـيل : ليش ما ترجعين ذاك .
غـاليـة : بالعناد ما ارجع ذاك ، بسبب خطتهم
صارت عندي شقيقة ومرضت ما ارجع يعني ما ارجع .
طلع برا يشرب جگارة ويصيح
_ انتِ ما منچ فايدة راح تبقين تلوعين بگلبي .
غسلت وجهي وفتحت جنطتي تركته يحجي
ودخلت سبحت وجهزت الحمام من طلعت
هو فات سبح وطلع ما ينام رجع برا يكمل
باكيت الجگاير يحرگ بيهن وبروحه
وكفت بالباب وهمست بأسمه استدار
شافني خاف لا اطلع دخل جنت لابسه
فستان ابيض بي وردان ناعمة
غـاليـة : كافي جگاير .
ذب حسرة وگعد يعصر براسه
ومد ايده من شافني بمكاني ما اتحرك
رحت كعدت على رجله يمسح بعيوني ويبوسهن
_ انتِ بس ابقي يمي حتى اصير قوي .
_ وبعدين ؟
_ انا من اصير قوي اقويچ على دنيا كلها .
اخذ شفايفي بين شفايفه يتفنن بيهن ويحضني
بلهفه عيونه ذبلت خدران ، ما حسيت حتى
شلون وصلني وصرت على سرير وانا تحت
تأثير لمساته ما اعرف شصار بيَّ اول مرة اتأثر
وانسى نفسي بين ايد ضـلـيل ، وهو من يشوف
حالتي يتقرب ويفقد أكثر واكثر .
بعد وقت نمنا والثاني يوم صحينا
هو كاعد قبلي وطالع وانا ما حسيت على روحي
كعدت على صوت اذان الظهر سبحت وصليت
جهزت ريوك وضليل بالسيارة مخبوص
يحجي بالتلفون ، من دخل اكل قليل عبالك بلا نفس
گلبي نغزني بحيث رحت عنده سألته شصاير
جاوبني ومن نبرة صوته اعرفه يجذب .
خلص اليوم ورجع ضـلـيل يضحك عادي
واكتشفت جانب مختلف بي غير ضـلـيل
الشيخ المتكبر والعصبي ، بقمة الحب والحنية
يعاملني يومين من أحلى الايام عشتها من بعد ضغط الحياة
وبوقت متأخر كاعدين انا وياه معمر نرگيلة
والفاكهة والكرزات مرتبات سألته
_ سمعت شي على مُـرجانـة .
_ اممممم .
_ والله شنو سمعت .
_ المنبوذ عنده شروط واحد منهن
مايقبل يعقد عليها اذا مو بنت ذياب موجودة .
قبل لا افكر او ارد على كلامه هو نطق
ضـلـيل : المشكلة فلفست هل وارث وطلع
عنده اطفال اثنين غير شرعيين بدون ام
يعني صايرين من غلطة او اكو لغز وراهم .
ضربت صدري من سمعته يكمل
ضـلـيل : واكو ناس تگول وارث موت ام اطفاله
ويتم اولاده ، واكو ناس يگولون مغتصب بنية
وصايرن هل اطفال ومن ولدتهم انتحرت البنية
لان ما قبل بيها تصير حرمته واخذ أطفالها .
غـاليـة : صخام بوجهي اذا صدك هل كلام .
ضاع الكلام وتاهت الاحرف ، الثاني يوم اخذنا
البنات ورجعنا للغربية اول ما وصلنا البيت
اشوف الزلم من بعيد محزمين بأسلحتهم
والشر ينقط من وجوههم نزل ضـلـيل وصاح بيهم
_ شصاير هين يولوووو .
تمار : طاحوا بيدنا يا خوية مُـرجانـة
بالمستشفى ولدنا حاصروهم وحتى وارث الموروث
وياهم اليوم نغسل عارنا ونرجع ورقتنا صافية
اليوم نرد هيبتنا بين الدواوين ونحافظ على ماي وجوهنا .
يتبع ..
الفصل التالي اضغط هنا
يتبع.. (رواية الموروث نصل حاد) اضغط على اسم الرواية لتجد الفهرس كاملاً بجميع الفصول.