رواية الموروث نصل حاد – الفصل التاسع والعشرون
♛ 29 ♛
رفعت امي أصبعها تحذره ونقش ركضت
بكل سرعتها نزلت بيدها تلفون خابرت
وارث : ها عيوني .
نقش : اني نقش مو مُـرجانـة
وارث اخوك هنا شهاب اخوك شهاب .
ثواني هوَ ما مستوعب الكلام بعدين صاح
_ وينه هسة ؟
_ بعده برا يتعارك هوَ وامي .
_ مُـرجانـة وينها ؟ لا تخلي يشوفهااا
ولا هيَّ تشوووف هل حيوان انا راجع .
اجت لزمتني من ايدي شهگت وصحت بيها
مُـرجانـة: نقش راح يضرب امي نقش راح يموتهاا
روحي اضربي اطلعي موتي حبابة .
وارث : نقش اسمعيني بس صعديها فوك
واقفلي الباب عليهااااا اسمعي كلامي نقش .
جريت التلفون من ايدها رگعته بالتخم
وعطت بيها وحالات الرعب والهلع بكل
قوتها احتلت اعصابي وجسمي بلش
يتصلب انهااريت من شفت شكله هلكت
وضخم خوفي اكثر بنبرة صوته العالية
شهاب : اريد اعتذررررر منهااا فوووتي صيحيهاا
بسرعة يلة هسة تصيحين عليها تطلع ارريد اشوفهاا
عندي كلام مهم وياهاااا يلة فوووتي لا تخليني
افقد اعصاااابي هووواي تحملت منچ هووواي .
جرت امي الماسحة وبكل حيلها صارت تضرب
بي على راسه على وجهه على جسمه
وهوَ مثل الحايط ثابت حتى ما يدافع على
نفسه ولا عبالك ينضرب ، تكسرت الماسحة
على راسه ولا مهتم ولا تحرك ولا دافع صعقني
وخفت منه اكثر من قبل بگد ما ملامحة تبين
عصبي ، بس هيئته ساكنة مثل الجبل .
دخلت نقش ورجعت بيدها سجين چبير
لفت الشال وطلعت رافعة السجين من شافها
فز ورجع بهت وصاح بصوت اعلى من قبل
_ عبالي مُـرجانـة ، روحي يا بنت صيحيهاااا.
غـاليـة : انطيني هل سجين اموووته والله .
شهاب : راح تخليني استخدم اسلوب مختلف عن هل
اسلوب واطلع شخصية ما اتمنى تشوفوهااا
بس بنتچ تعرررفها وما انصحكم.
غـاليـة : شنوو تريد من البنية عووفهاا دمرتوها .
طلع مثل وصلة صغيرة ورفعها وهو يشرح بحقارة
شهاب : اگدر هسة اخليها على وجهچ
واخلص منج واروح على بنتچ الثانية
هم اخلص عليها ، وبراحتي افووووت على مُـرجانـة
بس انا ردتها بالتفاهم كلمتين واشوفها واروح .
غـاليـة : تشووفهااا شنووو تشوفها
من انعل ابوك لالو اهلك العاريه امشي مناااا ولي .
شهاب : انا وبكامل قواي العقلية اعترف اريد بنتچ .
غـاليـة : مُـرجانـة زوجته الووارث لك وارث اخووك .
_ مووووو اخوووووي وارث مووو اخووووي
هل منبوووذ مو اخووووي افتهموهااااا كافي .
دفعت امي الباب تريد تطبگه بوجهه خايفة
امي حيل خايفة لا يضربها تريد تحچي
وتتعارك بس مرعوبة منه يسويها هل مجرم
ويضربها على بطنها ويموتها هيَّ والطفل
دفع الباب وحط رجله يمنعها ترجع تسد الباب
شهاب : بلشت افقد عقلي وحق الله .
غـاليـة : والله اذا يعرفون بيك وارث ضـلـيل يموتوك .
شهاب : ضميني عدكم ال ضـلـيل وياهم وارث
كلهم يدورون عليَّ اذا اوگع بيدها اصير مرحوم .
نقش : احب ابشرك وارث على وصول
زوجته مُـرجانـة خابرته وبلغته اكوو
زبالة اسمه شهاب بالباب وطلبت
منه يجي يموووتك ، وراح يجي يمووتك .
شهاب : شيخة غـاليـة اصير دخيل عندچ ههههه .
حجاها وابتسم ابتسامة غريبة وصاح
_ اريدها تعرف لو على موتي ما اعوفهاا
لو مو يموتوني بنتچ هناااا بعقلي مو بس
بگلبي عناد بيكم اخذها وراح اخليها
تختارني بيوم وتبيعكم مُـرجانـة استحقاقي .
جرت نقش امي من ايدها الى ان راح واختفى
سدت الباب سحبت الكرسي گعدت امي
وركضت نقش فتحت الصوندة اخذت امي
ماي وغسلت وجهه وهزت راسها تبچي
_ هذا مو بعقله والله هذا مجرررم .
ما تجرأت اطلع بقيت بمكاني اشوفهم من الشباك
دقايق والباب تفلش فتحت نقش الباب شفت
وارث وامه وملِكه تركض وراهم دخلوا كلهم
وارث : وين شهاب .
غـاليـة : راح .
ام وارث : شني يريد هل **** .
غـاليـة : يريد مُـرجانـة .
وارث : ومرجانة وينهااا ؟ طلعت شافها ؟
نقش : لاا ما شافها ولا طلعت خايفة بالبيت .
دخلت ملِكه تركض شافت حالتي
شافتني واگعه بالگاع وارجف احتوتني
بحضنها تمسح على ظهري وتبوس براسي
_ لا تخافين مرجانتي راح حبيبتي .
فزيت من طلع وارث من البيت يخابر بالتلفون
دقايق وصار يصيح ، امه ساعدت امي تفوت
ودخلت على مطبخنا سوت عصير برتقال
واجت بيدها خلت امي تشرب منه ، وگفت
امي على طولها تحوم بالأستقبال وهمست
_ هاجت عليَّ الشقيقة راسي راح ينفجر .
تريد تفتح عيونها ما تگدر ، مر وقت طويل وهيَّ
على نفس حالها وتخجل تغمض عينها وتنام
واطفي الأنارة كلها ، وزادت عدها من صار صياح برا
ضـلـيل : وينهممممم وين بناتي ؟
دفع البوب زحفت وصرت بظهر امي
فات مثل الأعصار يرعد من شفت عصبيته
والله حسيت الگاع تهتز مثل الزلزل تحت رجلي
نفسي ثگل من دخل ونظرته تگول راح يذبحنا
ضـلـيل : غـاليـة شصاااااير هنااااا شهل عروصه .
ام وارث : هلا خوية هلا شيخ .
نزل راسه وانوب رجع ثبت نظراته على امي
وامي هم مدري شبيها مثبته عيونها بعيونه
عبالك خايفة وجانت تنظره يجي يخلصها
ضـلـيل : هلا بيچ خوية ، شصاير هين شهل مصايب .
ام وارث شرحت الصار بالضبط من بداية دخولها
على بيتنا هي والبنات الى ان رجعوا وهوَ وصل
هز راسه ولأن فشل من النسوان عافنا وطلع
طلع قهره وضيم گلبه كلهااا بوارث .
لزمه من قميصة وهوَ يبلغ اشد غضبه
وصاح بي طالع من طوره على اخير
ضـلـيل : انتَ منو سمحلك تجي من الغررربية
على بيتي ؟ منوو سمحلك تفوت ورجلك ادوس
بساطي وبيتي يا **** يا متووحد يا منبوذ .
وارث : عوفك من العصبية ما توكل خبز
وخلينا نحلهاا ، هنا يبقون مو امان يرد عليهم .
ضـلـيل : خاب ساجر لا هوَ بي خير ولا خلفتو
لا ابو ساجررر عرف يربي ساجر ، ولا هوَ عرف
يربي خلفته الصگط .
وارث : اعديها ميخالف مقبولة ، حقك دمك محروگ .
ضـلـيل : اريد اذبحكمممم شنووو دمي محروگ
بالله لو ضاربهن شلوووون هاااا شلوووون
انتِ متراقب شلووون توصل على بيتي
وتعرض اهل بيتي للخطرررر .
وارث : العالم طلعت من بيوتها على صوتك
شني بس انتَ تعرف تصيح ، كافي خلينا نحلها .
ضـلـيل : انا احلهاااا وحدي انتَ شنوووو وتحلها
ويايَّ تحشر نفسك تلزگ بروحك ، امشي مناااا
وروح دور على هذا ال**** تلزمه تموووتووو
حتى نخلص منكم اثنينكم انتَ واخووووك
منين لفيت عليناااااااا عمي فكونا بيكم
شر يتوزع على عالم وما يخلصصصص .
وارث : دروح يلة شوف حرمتك حتى تهدي .
ضـلـيل : شنوووووووو ؟
_ فوت للبيت شوف عايلتك خلصنا مو شهرتنا .
ضـلـيل : انتَ بعدك ما تعرفني ، هاي سالفتكم
تفكرر اعديهاا اذا ما اسحلك انتَ وهذاك ال*** .
وارث : تخزينا البنات منااااا .
ضـلـيل : اسحلكم سحل الزمايل واطلعكم من
حياتنا ، شني ساجر بحياتو مرمر گلبي
وبموتو هد ولدوووو الـ***** علينااااا .
طلعت ام وارث نحچي وياه هوَ نزل راسه
محترمها وسكت عنها وعن وارث طلع الجگارة
من الباكيت شغلها وهي بعدها تفهم بي
بعد ولا نطق بحرف وارث رن تلفونه راح بعيد
جاوب ورجع مستعجل
_ يمه صيحي على بنات حتى نروح .
اجت سلمت على امي لزمت ايدها والبنات منتظرات
ام وارث : خيه بس لا تصير مشكلة بينچ وبين
زلمتچ صاير بارود ما يتفاهم خفت منه وعلي .
ابتسمت امي متأذية واضح الوجع عليها وردت
غـاليـة : ابد لا يظل بالچ عيوني اعرف اتعامل وياه
من يصير عصبي ، سهلة هاي عصبيته اكو اصعب .
ام وارث : الله يساعدچ الزلمة العصبي ما ينراد .
غـاليـة : لا خطية خايف علينا .
بوستها وراحت هيَّ والبنات يريد ضـلـيل يسد
الباب رجعت اخ وارث مبتسمة وهمست
_ بس دقيقة نسيت حاجة .
ضـلـيل : تفضلي البيت بيتچ خوية .
دخلت علينا خايفة اشرت عليَّ فحطانه
_ هذا وارث خايف على مُـرجانـة لا ضـلـيل
يشك عدها تلفون انوب يضربها .
دارت امي عليَّ غضبانة عينها وسعتها وهمست
غـاليـة : ليش مُـرجانـة عدها تلفون ؟؟
بلعت ريگي وطفرت فوك رجلي بعد هاي
حدها من صدمات اليوم لزمني خفقان.
غـاليـة ..
شردت بنتي الفقيرة خطية عبالي فقيرة
وخلتني اني وامه طمنتها ماكو شي وراحت
لزمت راسي احس راح ينفجر ومشيت على
غرفتي اول ما دخلت طفيت كلشي وعصرت
راسي عصر ، گلبي رجف بس سمعته صاح
_ نقششششش وين امچ ؟
ماسمعت ردها يمكن بس اشرت ، دفع الباب ودخل
بركان ويهز الگاع شمر الغترة والعگال بنفس الوقت
وظل يعگط بالمفاتيح شغل الانارة متعمد وتقدم
صار مقابيلي نزني بكتفي وصاح
ضـلـيل: شني اجيتي البغداد تستقبلين الزلم بكيفچ ؟
غمضت من الوجع عقلي يريد يطلع من مكانه
قبغ راسي يريد ينفجر من كثر الوجع بس جاوبته
غـاليـة : خطار وجايين يزورونا اطردهم ؟
ضـلـيل : يوصل امووو وخواتوو ويروح
شعندووو واگف بالبااااب ، لا فوگاهااا
تنطي زقنبوت بگلبو يتزقنب يريد ابن ساجر .
غـاليـة : شعرفك نطيته اكل تحچي بكيفك ؟
ضـلـيل : اه تجذبين ! مو الصينية بعدها ما مغسولة ؟
غـاليـة : هاي نقلنا بيها المواعين من السفرة .
ضـلـيل : بنت ذياب العرررررررررررمة .
غـاليـة : ضـلـيل خطاري هذول وارث
خطيب بنتي عيب عليَّ ما احترمه عيب .
رگع الكنتور فطره انفطر گلبي وياه بعدها
غرفتي جديدة متت بدمي وزاد الوجع
ضـلـيل : عيب تعرفين العيب ؟ يول هذا شهاب
عررف دربكم ما استبعدها يذبحكمممممم .
غـاليـة : وين عايشين ماكو دولة ماكو قـ..
سكتت من وجع راسي ونزلته لزمت عيوني واذني
تون والوجع يزيد عبالك چاكوك ويضرب براسي
قوي اريد اصرخ اريد اهچ ، ومعدتي تگلب
ركضت للحمام ذبيت كل بطني وغسلت
زين ورجعت على غرفة اريد اسد الباب
لمحته طالع بالگراچ يخابر ومعصب
يشمر واسمع بي يتوعد لأولاد ساجر .
خليت راسي على مخدة افكر بكلام وتهديد
شهاب من صوب ، وهاي الفصوعه عدها
تلفون وتحچي وياه وانا اخر من يعلم
، اندفع الباب ورجع ظهر مقابيلي
ضربت على راسي وصرخت
غـاليـة : ضـلـيل راح امووووت الشقيقة مووتتني .
لزمني من ايدي سحبني عليه وعيونه تبث شر
ضـلـيل : من مصايبچ تجي شقيقة وانا يصيبني
مرررض ام المصايب ما اعرف منين ألملم مصايبچ .
انقهرت وحز بخاطري لدرجة ردت ارجع استفرغ
من شفت برودة على حالتي مو مهتم ابد بمرضي
والوجع ، هذا مو نفسه ضـلـيل وكلامه قبل نفذه
لا أبالي بمرضي گالها قبل لو بعد تموتين مقابيلي
ما يعنيني وطبقها بحذافيرها ، بعز الوجع
يصيح ويصرخ رادت عيني تطلع من مكانها والله .
جريت ايدي منه اريد اطلع شدني من ايدي بقسوة
ورجعني شمرني بخفة على چرباية وصاح
_ شهاااب الـ**** شنووو يرريد ؟
غـاليـة : اريد انام .
_ ياااا برودچ .
_ راح امووووت وجعععع بررراسي وجععععع .
جر المخدة وذبني عليها وبالثانية رفعها وضربني
على راسي يسد راسي بيها مثل ما متعودة انام
من تجيني الشقيقة ، وبعده على نفس نبزة الغضب
ضـلـيل : تنامين ساعة واگعدچ تحچين كلشي
وغصب عنچ شحدچ تجذبين لو تتهربين واصله
حدها وياچ بنت ذيااااب احلف الله وصلت وياچ
حدهااا احل مشاكلچ هنااااك لوووو هناااااا ؟
غمضت بعد ما فتحت عيوني خفت اتخربط
من شاف سكوتي طبگ الباب شگد جنت
اتمنى أتصادم انا وشيخ ضـلـيل القديم
لو مهما المصيبة والمشكلة چبيره يحتويني
وحتى لو ارفضه يلمني بحضنه يطمنني .
بعد ما فشلت انام بقيت امشي بالغرفة ماعندي
علاج ولا اگدر اشرب علاج والوجع سچاچين
وتگطع براسي ، اذا اجر الهوا يزيد الوجع
امشي اتحرك كله يزيده گعدت اضرب بروحي
فقدت حتى التفكير مستحيل اگدر افكر بحل
وانا بقمة انهياري ، دخلت نقش مرعوبة
نقش : ها يمه .
غـاليـة : اريد ماي بارد وكمادات اسوي
راسي نقش بعد ما اگدر اتحمل الوجع .
ركضت طلعت ورجعت ابيدها طاسة ومنشفة
صغيرة ، خليت راسي على مده ونقش
بصفي گعدت تسوي كمادات وانا مثل المذبوحة
راحت تبدل الماي من صار حار ، سمعت دندنه
وقبل لا تفوت دخل ضـلـيل وجهه ما يگصه السيف
وحواجبة مطبوگات منفعل نظراته ترعب غصب
ضـلـيل : شطلعت هاي ما صرررتي زينة .
_ راسي ضـلـيل راسي .
_ شلون عافكممم وراح شهاب ؟
_ تعبانة .
حجيتها وثبت نظراتي بنظراته ادور بي امان
اريد نظرة الحنية ترجع بعيونه ، كرهت نفسي
وانا اضعف واتمنى ارجع احس دفء حضنه
بس هل جدار الحاجز طلع اكبر مني ومنه
حسيت وخفت من فكرة خسرته وزاد الضغط على گلبي .
نفر ويمكن يتهرب مني راح بعيد عني يسب
ويطلع عصبيته بالأغراض ، وخلاني اتخبل من صاح
_ نامي من تگعدين نرد للغربية بعد اي گعده
ببغداد ماكووو لا تحلمين تبقين هين لو تموتين
ما تبقين هنااا تردين ويايَّ غصب عنچ تردين .
غـاليـة : على اساس بيتك امان شيخهممم .
ضـلـيل : تردّين اذبحچ؟ لاا تثيرين اعصابي
بنت الحيووووانات تردين يعني تردين
شني مگرن انااا اخلي الزلم تفتر على عرضي
والبيت فاااارغ مابي زلمممممم .
غـاليـة : ما فكرت بيهااا قبل البيت مابي زلم
ليش خليتنا نجي هنا واتعلق بالبيت والحياة هنا ؟
ضـلـيل : اجيتي حتى بنتچ ترررد ، وقبلت لأن البيت
بعيد وماكو گ**** يعرف بي ويجي عليكم
انوب هسة ما ظل سگط ما عرفو وفات على عرضي
هذاك المتوحد عرفو راح يسوي خري مري
وهذاك المسودن اخو مو بعقلو مسوي
جلسة سوالف وياچ ، وذاك هم المتوحد
لازمته ودگ سوالف عرررف تعررفيهم بنت ذيب
فاتحة سوالف ويه الززززلمممم والمگرن هناك
بالغربية شعرررفه بلعبكمممممم ، گاعد يحل
مشاكل ويررد ليورااااا حتى نوووم ما يلحگ ينام .
رگع المرآيا نثرها نثر بيده فاقد السيطرة على نفسه
ضـلـيل : هديتيني هد يول اريدن اموت
من مصايبچ منين اجيتي عليَّ انتِ
ولفيتي عليَّ كسفتي احوووووالي .
داخلي ينزف كل كلمة نطقها سچاچين وتحفر بگلبي
قابلته بكل ثبات بهيئة القوة ، طلع راح ركب سيارته
وراح من البيت كله ويمكن من بغداد ، فاتت نقش
ودموعي نزلت على خدي همست وانا مكسوره منه
_ اريد انام روحي نقش ابقي عند خواتچ
عينچ عليهن بين مايفك راسي .
قبل لا تطلع خليت راسي على مخدة سدت الباب
وطلعت بعز الظلام افتر بالغرفة اروح وارجع
ودموعي تصب ما وگفت وغصه صارت
ببلعومي ذبحتني تراجعت كم خطوة
ليورا من انفك الباب بعد ساعة زمان
ودخل من جديد خفت منه .
نظراته ثگيلة والجفن محمر واعصابه مشدودة بغضب
تقرب بندم ، اكتافه مشدوده حتى ما اگدر اشوفه بوضوح
صار مقابيلي رفع اديناته اثنينهم ضغط على
راسي ويمشي اصابعه على عيوني قرب شفايفه
على راسي خلاهم بدون ما يبوسني همس متحير
_ اخذچ مستشفى ؟
_ لا .
_ عجل نامي مو فرفحتي من الوجع .
_ من وراك .
تنهد بوجع وقهر ، نزل ايده رفع وجهي
شاف عيوني هز راسه بكل هدوء سألني
_ شني براسچ ؟ شني تردين انا حاضر ؟
غـاليـة : لا تخليني اخاف ضـلـيل حتى لا اخليك تخاف
خوفي هذا اضعافه ، انا تعبانه لا تزيد تعبي .
غمض يصبر روحه ورجع يحاول ما ينتر
_ لا تهدديني بنت ذياب .
_ ضـلـيل .
_ شني تردين فهميني .
_ حل هاي المشكلة .
_ حليتها ياهو گال ما حليتها
باقية تفرفحين على شني انعل ابهاتهم .
ارتخت جفوني من رجع أصابيعه بحركة
دائرية يدلك براسي وبكل هدوء كمل كلامه
_ هذا المتوحد واصل للغربية وصلتني اخبارهم
فاضحهم وشاهرهم خلف وربعو ، وشهاب مشردي
من المنبوذ ومتعهدين بعد مايوصل لبغداد .
غـاليـة : واذا طلعوا جذابين ؟
_ تأكدي من نسيبچ انا مو ثقة كلامي .
_ لا حشاك .
_ خليتي بيه حشااااااك .
_ هسة ليش تصيح احسن اموت ؟
_ كفيني شرچ ونامي .
رديت ردود على فراشي افتر منا ومنا الوجع
ينهش بعقلي ، وهوَ قلقني يفتر بالغرفة
وشوية شوية تقدم متردد على سرير اول
ما وصل رن تلفونه غلقه وشمره على ميز
راح ابتعد للباب يريد يطلع ورجع حيران
ذب أغراضه كلها على رف التلفزيون
ومد ايده فك اول ازرار دشداشته واول
ما درت جسمي رافعه ايدي اضغط على
عيوني عطره صار قريب فتحت عيني
على صوته وهوَ قريب من راسي همس
_ تنامين بحضني ؟
ما لحگت ارد قبل لا استوعب نام على جهة الثانية
واقترب مني سحبني بحضنه وبصوت خافت يدردم
_ امري لله اطعم عشرة مساكين .
نومني على صدره رافع جسمه يمسح على
راسي ويدلك براسي ، مد ايده طوق جسمي
اكثر من قبل ورفعني باس راسي ونزل على خدي
ما يبوس بس يشمني بكل لهفة ، غفيت بتعب
غفيت بلا تفكير احس جنت فاقدة شي وهل شي رد
وبين فترة والثانية كل ما افز والسبب جگجگت شواربه
على خدي وشفايفي ، وينزل على رگبتي
بس الوجع ما يخليني اخاف اگعد والوجع يزيد
غفيت تاركه روحي ضايعة بيده .
فزيت بعد وقت عيوني تنفتح على ضوء خفيف
بالغرفة حسيت بجسمي تعبان وغطوة تغطيني
تلمست جسمي وفكيت عيني بخجل ، وسرعان
ما عيوني راحت عليه ، چان يمي قريب نايم بكل
هدوء صدره مكشوف، نفسه منتظم مطمئن
ملامحه مرتاحة ، رفعت جسمي قليل ورجعت
راسي على چرباية أحاول أربط الأحداث
والمصيبة كلشي بدأ يتوضح جسمي
من الخجل صار يرجف رجفه خفيفة وذاك
الإحساس الغريب كافي يشرحلي إنو
اللي صار بينا ما كان حلم كانت لحظة حقيقية .
لبست ملابسي راسي كل وجع مابي شفت
الساعة ب9 الصبح صار هوواي نايمين والبنات
من البارحة ما ادري بيهن ، شوكت اخلص من
الشقيقة والله ذبحتني ، دخلت للحمام مستحيه
سبحت على سريع واول ما كملت لفيت جسمي
بالمنشفه وطلعت للغرفة، ردت ارد واطفر اطلع
من شفته گاعد رافع جسمه مستند على چرباية
مغطي نص جسمه والباقي مكشوف ، شغل
جگارة جر نفس وصاح بصوت
_ تعالي بنت ذياب .
رديت غصب اسوي روحي ما اشوفه جريت
ثوبي حتى افلت بريشاتي جمد دمي بكلامة
_ حضري روحچ انتِ والبنات اليوم نرد للغربية .
هزيت راسي لا ورفعت حاجبي وانا اتقدم
ضـلـيل : هوَ شنو لا ؟
غـاليـة : والله العظيم لا ضـلـيل شبيك .
بعد الجگارة وعيونه لمعت مدري شبيها بلع ريگه وهمس
_ بالله بعد گولي والله العظيم .
_ والله العظيم .
تنهد ساحب نفس طويل ومد ايده اخذ
_ تعالي غـاليـة .
ما ترددت اخلي ايدي بين ايده سحبني
بهدوء وحذر گعدني على طرف الچرباية
طفه الجگارة وبنفس ايده حضن وجهي
_ غـاليـة .
_ حباب لا .
_ اششش اسمعيني .
_ اسمعك .
_ انا روحي بيچ .
مد جسمه طبع بوسة على خدي
غمضت من همس بأذني
_ ردي وياي للغربية خلي ترد روحي .
_ اجيت كم يـ..
_ بس اسمعيني .
_ ضـلـيل اخاف منهم على بناتي .
_ وهنا هم خافي بيت فارغ بس نسوان
شاهين ملتحق ومن يرد كلها مشاكل وانا
الشغل والناس كلها مشاكلها فوك راسي
والله تعبت غـاليـة من فراگچ انتِ والبنات
تعبت اريدكم يمي جدام عيوني .
بعدت نظراتي منه رجع وجهي وكمل يحاول يقنعني
ضـلـيل : لا تنسين انا قوي بيچ وانتِ قوية بيه
وحق الله بنت ذياب وحق الله وغلاتچ تعبان
مهدود حيلي ماعندي قوة اريدكم يمي .
غـاليـة : والله يموتونا .
ضـلـيل : اخذيها مني هل مرة ايدي بيدچ
انتِ ام البيت بنت ذياب الكل بالكل
وشيخهم وياچ بالصح بالغلط وياچ
راسچ خلي دوم مرفوع بيه ، واخذي
قوتچ مني وخليني ارجع اقوه بيچ
هل مرة نرد متفاهمين ما بيناتنا
مشاحنات نحكمهم كلهم واريد سگط يتنفس .
ما اقتنعت ابد ما اقتنعت ولا گدرت اتقبل الفكرة
وحسبت حساب رد فعل مُـرجانـة على كلامة
والقرار الجديد ومن توتري اضطري أسايره
غـاليـة : ما اريد تصير مشكلة بيناتنا
ياريت تتفهم موقفي وتنتظرني كم يوم افكر .
رجع شغل جگارة طال الصمت وكسره بعد فترة
ضـلـيل : اخذي فترة عشر ايام بين ما اكمل
شغلي واصفي المشاكل بالغربية وارد اخذكم .
احتاريت بالرد سكتت وهوَ تفهم ونهض
راح سبح ورد فرش سجادته يصلي
طلعت جهزت الريوك رتبته بالصينية
واجه التلفون بيده يشوف الأخبار
على صوته نزلت ننوس تركض
ذب التلفون على ميز قبل لا يگعد
وراح عليها وگف قريب من الدرج
شمرت روحها شهگت خايفة ضحوا
عليَّ اثنينهم ، حضنته وهو حضنها
يبوس بيدها ويرد يشم براسها وبخدها
گعدها على رجله وگرص خدها
_ سمنانه بنيتي .
ننوس : جنت نايمة .
_ النوم يسمن ؟
_ لا امي توكلني هواي ، وتسويلي كيكات
هذني صغيرونات وتشربني عصير برتقال
گالت حتى اصير وردة حلوة مثل مُـرجانـة الحقيرة .
قلص شفايفة يضحك عليها وخلاها بصف الگيمر
ضـلـيل : اه ليش مُـرجانـة حقيرة ؟
ننوس : مو ضربتني على ايدي البارحة .
_ يا بوية ليش ؟
_ اخذت مالتها الگلادة اريد ألبسها اخذتها
مني وضربتني على ايدي ، بابا اريد مثلها .
باس خدها قوي وگعد يسايرها
_ هسة اجيب لننوس بعد احلى منها .
_ لا اريدها قلب حب مثلها .
_ اليوم لازم توصل لست ننوس گلادة قلب .
_ بيها كتابة .
_ شني هاي النوب ؟
_ مال لوثي بيك .
قوس حاجبة مو فاهمها ، واول ثواني اني هم
ما فهمتها نزلت نقش مبتسمة وهوَ يستفسر منها
ضـلـيل : شبيها مُـرجانـة هيَّ وننوس .
نقش : شبيهم ؟ مُـرجانـة نايمة .
ننوس : شذابة تعرف گلادة لوثي مو ماتقبل تنطيني .
انخطف لون نقش وضحكت ، اجت بصفي تغير
الموضوع صبت چاي لروحها وگعدت ويانا
بس ننوس بعدها ادگ على گلادة ، بس
خلص بدل واخذها وطلع ونقش تغسل
بالمواعين صرت قريب منها وسألتها
_ شوكت جابها هل گلادة وارث ؟
_ يا گلادة ؟
حجتها وبلعت ريگها والماعون وگع من ايدها
بنتي واعرفها خايفة صبرت روحي بس هددتها
غـاليـة : تحچي طبيعي لو اخليچ انتِ واختچ
تنطقن الجوهرة بكل سهولة بكم راشدي ؟
نقش : البارحة بيد ملِكه دزها .
_ وليش بسكوت على خلسه ؟
_ مو كاتب بيها عبارة ويستحي منچ .
رفعت حاجبي وعفتها وصعدت على غرفة
بعدني بنص الدرج وصحت بصوت
_ تعالي نقششش تعالي .
دخلت على غرفة شفت مُـرجانـة
گاعدة وتفرك بيدها من الخوف
وبسرعة طلعت تلفون صغير من تحت
السرير وذبته على صفحة وبخوف تحچي
مُـرجانـة : هذا المبايل بعد ما اريده اسفة ما اعيدها ابداً .
انهضمت وما گدرت اخفي هل قهر صحت بيهن
_ تخاااافين مني ؟
نقش : لا يمه بس ..
_ مقصرة وياچن .
نقش : حشاچ من التقصير .
_ اشش اريد مُـرجانـة اسمع الجواب بصوتها .
مُـرجانـة: بعد ما اعيدها توبة .
غـاليـة : امشي واصيح اعتبرني صديقة
مو ام اني على غلط احاسب حساب صديقة
واخت ، وعلى صح افرح وضحك وياچن
ولو روحي تريدوها فلا اعزها عليچن
ليش تضمن عليّّ وتجذبن عينك عينكككككك .
نزلت نقش راسها ومرجانة اجت حضنتني
_ لا تزعلين الغلط مني اني خفت .
_ ما زعلت بس ما اريدها تتكرر
اذا تكرر هل جذب والضحك على امچن
وتتصرفين انتِ واختچ بكيفكم ما تمشي
عندي حظ حظكم اطيحه والله صيرن ثگيلااات .
غـاليـة : معتبرتكم مو بس بناتي لا صديقات
وخوات عشت عمري اتمنى الخوات والله
روحي شنو روحي بيچن خلني اظل على
هل منهج لأن يا نقش ويا مُـرجانـة اذا
بيوووم اكتشف مجذبات عليه لو تلعبن
لعبات من ورايَّ وانا يا غافله ألچ الله
تشوفن مني اللي ما شفتوا من ذولاك
الحيوانات اصيررر اسوء منهم وروح ابوچن
فهمتي انتِ وياهااا لوووو يحتاج اعيد .
بعد ما شفت سكوتهن طلعت من الغرفة
وصلت للدرج ورجعت ابلغهن صرت
بدوامة بين انطقها وابلغهن وبين اسكت
بس اخاف مُـرجانـة تنصدم بعدين
غـاليـة : ضـلـيل يريد يرجعنا على الغربية .
ضربت مُـرجانـة على صدرها ودموعها صبت
وگفت تريد تجيني رجلها ما شالتها وگع على چرباية
مُـرجانـة : يمووتوني بس اجع هناك يذبحوني
ما اروووح هناك روحوا انتوا انا خلوني هنااا.
رحت عليها حضنتها امسح براسها
لزمت وجهه صرخت بوجهي صدمتني
مُـرجانـة : طلعت للمجهول بسببهم انذليت
وانكسررت عشت بين الغربة خجلانة
صح جنتي تعرفين وين وديتيني وتعرفين
وارث من سنين من عهد حياة ابوية
بس هم انذليت باگني واحد مشوهه وامه
ماتت لأن اني وكلتها اكل وطلعت مريضة
ميصير تاكل عدها سرطان ما اعرف شنو
وطلع هل مشوهه زوج ميمونة عايش
قريب على اراضيهم ومن شافني اريد
اروح عليهم لزمني ، ومن ماتت امه شردت
منه وگال راح ادورچ ومن اشوفچ اموتچ .
لميتها اكثر بحضني ما اگدر اخليها ردت امووت
هي تبچي ودموعي وياها تنزل
مُـرجانـة : ودخلت اراضيهم متت الف موته وانذليت
وارث يكرهني يستنكف يحچي ويايه
وحبسوووني وهددتي تالي رحت على بيتهم
اهله مجرمين مثل اهل ابوووي ماتعرفين
منو بيهم زين ومنو عدو وجهالة سمتهم
هاي ام بيرغ وشردهم واني ملختني ام شهاب
ردت اموت بيدها وشردني هوَ شردني بغرفة
منعزلة عن العالم ردت امووووت من الخووف .
ضربت على وجهه وعلى راسها تصرخ بهستيريا
مُـرجانـة : تعرفين شنو ليل يمر على بنية گاعدة بچول
ماتعرف اصلاً هيَّ وين عايشة ، وخرسة
وهذا وارث مايفهم عليَّ يريد اكتب
واجه هذا المشوهه راد يشوفني متت بيومها
متت ، ومن رجعت يمكم هم تعذبت يمه هم تعذبت
وهسة بيدچ بعد كل هل ضيم تريدين ترجعيني
ما ارجععععع والله اشرد منكم تعودت اشرررد .
حضنت وجهه بست راسها ونزلت بست ايدها
_ ما نروح .
_ راح يجبررررنا ضـلـيل .
_ لا لا ما يجبرنا .
_ يخلي شهاب وارث حجه حتى نروح
وراح ياخذنا ما راح نگدر عليه هذا ما ينجرع .
خفت عليها وگلبي انقبض على حالتها تندمت حچيت
_ ولچ يمه اخذيها مني ما نرررروح .
_ شرررديني منهم شرديني .
گعدت نومتها بحضني تلوب تريد تهچ
مسحت على راسها وبكل بساطة حاولت اتفاهم وياها
_ انتِ مخطوبة واذا الله تمم راح تتزوجين
وارث بس اسمعيني عدل وافهمي زين
انتِ تريدين وارث ؟ مقتنعة بي ؟ تريدي زوجج دوم ؟
ترا هذا عمر مُـرجانـة مو بعدين وصحتي انفرض
عليَّ انجبرت عليه ما احبه ما اريده فكري
بيها كلش زين هاي حياتچ انتِ تقررين
واني وياچ اذا تفكرين وتجيني بكل
صراحة تعتبريني صديقتچ وتگولين
يمه ما اريده لو الدنيا تنگلب ما اسلمچ
بعد لهل شخص وغصب عن الكل اعيش انا وياچن .
بست خدها وابتسمت بس هيَّ تبچي
غـاليـة : واذا تجين تگولين يمه لا اريده
ومتفاهمين وتحسي هو الشخص الصح
تلگيني وياچ واحارب الخاطرچ الكل
واخليچ تروحين عروسة لوارث .
بقت ضايعة تباع بعيوني مسحت دموعها وهمست
_ ها شنو گلتي شنو رأيچ ؟
مُـرجانـة : ما اعرف بعدني افكر ، ونقش هم گالت
قبل نفس كلامچ ونصحتني ما استعجل واجرب
نفسي ، اني من يروح مرات ما اشتاقله
ومن يحچي ويايه احس گلبي يدگ سريع
واحب احچي وياه وافضفض وبس .
غـاليـة : اذا هيچ اخذي وقتچ فكري .
مُـرجانـة : يمه خلي نشرد اني وياچ واخواتي
منهم كلهمم ما نريدهم بحياتنا نعيش بعيد
عنهم لا نشوفهم ولا يشوفونا .
غـاليـة : صعبة مُـرجانـة يمه هاي بيها دمارنا .
مُـرجانـة : مو صعبة انتِ تصعبيهااا ماتريدين
تعوفين هذا الشيطان المكروه الحقير ضـلـيل .
انذهلت وشعر راسي وگف من كلامها وقشعريرة
سرد بكل جسمي من طريقة كلامها واسلوبها
وقلة احترامها ، وزادتها من نهضت مني
ورفعت اصبعها بوجهي تصرخ
مُـرجانـة : لا تگولين صعب نشرد منهم ونعيش
گولي صعب تعوفين هذا وبنته وياچ وابنه
ببطنچ وين تعوفي موووو ما تگدرين .
غـاليـة : اي صحيح وين أولي وانا برگبتي
تلاث بنات وحامل وكلها اشهر وتصير عندي ولادة
شلون اعيشكم منين اصرف عليكم وين اگدر احميكم وحدي ؟
مُـرجانـة : لا تعقديهااااا لا تكبرين المواضيع
شرديني لو نشررررد كلناااا لا نظل يمهممم .
غـاليـة : اسمع اخاف انتِ كم شهر وكشفوا مكانچ
وبطلاع الروح منعتهم يذبحوچ وخليته يوگف
بوجههم ويحميچ ، اذا اسويها يا عقل الجاهل
واطلع واشرد بيكم وفوكاها اخذ بنته الوحيدة
واهذا الطفل منتظرة على نار واحرمه منهم
اقسم بالله وروح ابوي ما يطول يومين
ويگلب علينا المحافظات وحتى لو جوا
الگاع يحفرهااا ويطلعنااااا وما يرحمناااا يا غبية .
رفعت راسها تصرخ وتبچي بكل ما تبقى من حيلها
ما راكب بعقلها كلامي ولا راضية ادخله عقلها
مُـرجانـة : بيعي كل ذهبچ ونأجر بيت بغير منطقة
كون منطقة شعبية هوسة ختى نضيع بين العالم
ونشتغل بالبيت خبزي وبيعي عادي واني ونقش
نساعدچ واطفاله رجعيهم لأبوهم عادي .
رفعت ايدي بلحظة غضب ردت اطير وجهه براشدي
عتيت ايدها بلا عقل وجريتها عليه صرخت بيها
غـاليـة : شوفي لچ مثل ما احبچ انتِ ونقش
ننوس وهذا الطفل هم احبهممم هذولي
قطعة من گلبي مثل ما انتن قطعة من گلبي .
مُـرجانـة: اي لأن تحبي .
نقش : مُـرجانـة كافي تخبلتي ؟
مُـرجانـة : خليهااا تعترررف .
غـاليـة : مررررررررررجانة عزا العزاچ
ولچ ولاااااا نفسسسس شهل صلافة .
مُـرجانـة : اذا ترجعيني على بيتهم ما اظل
عدكم ولا عبالچ ارجع الأراضي الموروثين لا ابد
اشر بعيد عنكم اروح لناس ماتعرفون دربهم بعد .
دخلت ننوس على وجهه ملامح استغراب
من اصواتنا الطالعة ونقش ضربت على خدها
خلتني ارجف ورجلي بعد ما شالتني من گالت
_ بس لا عمو ضـلـيل سمع يا يمه دخيلك ربي .
دخل وعصبيته تنبث من خطواته ينفث غضب
جرتني من ايدي تحولت بزون من صفن عليها
يغلي ونار القهر بعينه وبدون كلام وصل رسالة
بمعنى سمع كل الكلام وصار عنده علم بتفكيرنا .
ملِكه …
الطريق صار طريقين منا صياح وارث والتهديدات
تتراگع ، وميمونة مدري شبيها خبلتني الطريق
كلو جامدة وبين فترة والثانية دموعها تنزل بلا صوت
وام وارث حايرة تهدي بوارث لا يسويله مصيبة وتخسره
وصلنا للبيت اول ما نزلت بالگراج دحگت بيرغ يخابر
هو لمحني تكهرب ودار وجهو مني بزعل .
تجاهلته كالعادة يعرف بنفسه اخر اهتماماتي
وصعدت فوك اخذت حمام وبدلت بعدني انشف
بشعري وسمعت صوت صياح جوا الله يخبلكم
كون على هل مشاكل عايلة لا تگعد ولا تهيد
كون الزمهم كلهم ودگ گتل بخيزرانه اعيد
تربيتهم شني ولكم ما شايفين مشاكل
عفية اصوات معفنه دوم تتصايح
عبالك بس همه عايشين بالدنيا
ويعرفون يصيحون كون ثول حتى ثول .
لفيت الشال ونزلت وصايرين امالخ عتاوي وتترادم
وارث يريد خلف يكتله ، وبيرغ يصيح انا اسجنه
وهمام يدور على سَــهم مختفي هو وجبر ماكو
وحاير بميمونة ، وام وارث صارت هيَّ وام بيرغ
مذابح ام بيرغ تصيح شني يريد يسجن ابني
حتى يلعب بحلال ابو ، وام وارث تصرخ ابنچ
مجرم ورايح على بيت البنية يهدد بيهم
وهاي قافلة على ابنها سوته نبي ما غلطان
شهاب وردة شهاب عسل على گلب امه الخبيثة .
هاي ام بيرغ استاذه نسلمها اوسكار استفزاز
كل دقيقة والثانية تشمر كلمة لوارث تورثه مثل الجگارة
يشيل روحه ويرگعها اخر شي شرد ما تحمل يعرف
بروحو اذا طول بعد يذبحها .
بيرغ بعده بملابسه العسكرية مبين توا
رجع من الواجب ركب سيارتو هو الثاني
وراح يتبع سيارة وارث ، همام من راحوا
طلع من غرفة ميمونة انا اريد اصعد فززني بمكاني
همام : عيني ام برغي ام وارثنا خواتنا الطيبات صوت
ما اريد البنية نامت خلوهااا تناااام كفونا شركم
روحن تعاركن بغير مكان لا تبقن تتراددن على
ثوران اثنين بنص الصالة .
ام بيرغ : يولووووو امك وين ؟
همام : تصلي .
ام بيرغ : ادري شني اذا تعوف السجادة تمووووت
تتغالب هي والأنبياء منتظرة وحي ينزززل عليهاا
من دهر لفاهاااا خليهااا تجي لا اكتلهاااا .
خزرها وقبل لا يطلع صاح بيها
_ بكيفها خليها تصلي ولا تسوي سحورة وتهجم بيوت .
وصل للباب وهي تعد وتصف عليهم كلهم
ما خلت واحد يسلم من لسانها تالي لمت
دشداشتها بالداخليات واجت تركض عليَّ
_ وانتِ بنت الفگور تطلعين وتسافرين
واناااا ما اعرررف اخر من يعلم وين صايرة هاي ؟
ملِكه : شنو مسافرة سياحة للمالديف هي هاي
بغداد شمرت عصا وابنچ الزين الحيد يعرف
وقبل تريدين تذبين بلاچ عليَّ ؟
عرفتها تريد تسوي عركة حتى تضيع مصيبة ابنها
المستهتر شهاب ، خليتها ادردم وتسب وصعدت بغرفتي
مشفت شعري زين وتعطرت وطفرت على چربايتي
تعبانة لفيت راسي وبنفس الدقيقة نمت وريتني
متعاركة وياها ولا هل نومة اللي گلبت حياتي گلب .
بين الوعي والكوابيس المشاهد تتصور حقيقة
صوت المروحة يروح ويجي يبتعد ويرجع
حسيت بروحي تطلع من جسمي بهل لحظة
وگفت على حيلي بس عقلي يعرف هذا كابوس
واحس نايمة بس كلشي يتصور مثل الفلم
مقابيلي وگلبي دگاته تخربطت واحس بجسمي
اشتعل نار ، فزيت على صوت ونين ورايَّ
التفتت الزاوية الغرفة شفت روحي شفت
نفسي گاعدة بالگاع شعري مكفوش وجهي
مشوهه اثار ضرب وحرق وتعذيب ، جسمي
نزلت عيني على جسمي مربوط بحبال
لون احمر مثل الوايرات وشاده على كل جسمي
ومن قوة الشد والضب لون جسمي متحول ازرگ
والكدمات بكل هدب وصوب متوزعه ، احس
تنفسي ضاق من شفتها تلف خصلات من شعري
واگطعو بكل قوتي من الجذر والدم صار يصب
من راسي صرخت اريد يطلع صوتي صرخت .
وبالدم بيدي رفعت اصبعي وصرت اكتب كلمات
مو واضحه كلمات غريبة ورسمات اغرب بعد
فزيت من نومي وگعت بالگاع ازحف اخاف اباع
على نفس الزاوية وارجع اشوفها وصلت للباب
فكيتو ودموعي تصب على وجهي جسمي كلو
يرعش وگفت بصف الباب التفتت ماكو شي
الزاوية فارغة وحتى دم ماكو ، وگفت بوسط
الصالة بطرف عيني دحگت ام بيرغ مرت من
جوا الدرج بس من ركزت ماكو ، مشيت
فحطانه على حمام غسلت وجهي واذب الماي
وافتح عيوني بسرعة اخاف حتى اغمضها .
تجرأت وحظي اخذني وما ادري منين اجتني
هل جرأة اخطي خطواتي ورحت على نفس
مكان الحلم بنفس الزاوية گعدت بالگاع تلمست
نفس المكان اللي كتبت بي بالكابوس رسمت
شكل غريب ناعم شبه ما ينشاف بگد ما صغير
وقريب منو كلمات غريبة ، ركضت اريد اصورهن
نسيت تلفوني كسره بيرغ ، بقيت اتحرمص
انتظر بيرغ يجي لو وارث حتى يصير هل
كتابة واثارها دليل .
رجعت ادورها بصعوبة شفتها ركضت على جرارة
جبت قلم حتى ارسم دائرة على كتابة والرسم
حتى من يجي بيرغ بسرعة يشوفها ، اخذت
القلم وخطيت نص الدائرة وانفتح الباب .
دخل بيرغ ، شمرت القلم وفزيت امشي سريع
واصيح بخوف لزمت ايده سحبتو منها
وانا امشي وهو بمشي ورايه
حاولت بكل ما تبقى من حيلي افهمو
ملِكه : بيرغ نمت تعبانة حلمت بكابوس
حلمت اني هنا گاعدة وجنت عبالك ميتة
جسمي ازرگ وملفوفة بواير احمر وگطعت
من راسي وبالدم مالتي كتبت كلمات مو مفهومة
ومن گعدت اجيت هناا وادحگ بعينك شفت نفس
الكلمات بالحلم هين بيرغ والله نفسهن .
نزل على دائرة تلمس الرسمة والكلمات
وشال القلم بنفس الوقت ظل صافن بي
ربط عقلي فيشه وتراجعت كم خطوة
گعدت بالگاع ايدي على راسي وهوَ وگف
لازم القلم وضاغط عليه بكل قوتو شهگت
بكل حرگة گلب وهزيت راسي من التفت
وفهمته بدون ما يحچي ولو اني بمكانة
يمكن افكر نفس التفكير واكثر بعد
حلم وكلام بدون اثبات ويوم ما لگيت
اثبات شافني گاعدة وارسم حقو يشك حقو .
مسحت دموعي مو راضية تنشف همست
_ ما تصدگني مو ؟ والله انا مو جذابة
وادري راح تفكر سويت هل فلم حتى اخلص
منك موو صح انتَ هسة هذا تفكيرك بيه ؟
نگلبت ملامحة مزعوج وذب روحه على تخم
بقيت جاحظة عيوني منتظره كلامة وتمنيت ما نطق
بيرغ : شگد تلعبين الروح كلچ مشاكل وكآبة
فول يول تزوجت حتى من ارجع من الدوام
اتونس ترگصيلي اضحك اغير جو ما وراچ
غير دگ ولطم ونوح شوكت ما ادحگ بوجهچ يلطم .
فكيت حلگي بصدمة ما داخل عقلي كلامة ابد
لزمت گلبي عصرني مردني مرد كلامة وحركاته
اصعب من الكابوس صار انهضمت عبالك اشتراني
حسيت روحي فد وحدة رخيصة ويحچي وياها انقرفت .
شهگت وغطيت شفايفي نهضت امشي واتعثر
اريد اهج من هل مهجوم قبل لا اعتب الباب
انسحبت من ايدي رجعني ضربتو على صدرو
ودفعتو عني كرهت روحي وكرهته اكثر مو كرهي
طبگ ايدي اثنينهم ورفعني غصب شالني وشمرني
على سرير بقيت ارفس بي صعد فوگاي سيطر
على حركتي من طبگ رجلي بين رجله وايدي رفعها
فوك راسي ونزلها بعدين على بطني عطت بي
_ عوفني بيررررغ لا تقهررررني اكثر كافي
گلبي وجعني والله گلبي وجعني منك قهرتني .
ضماني بأحضانه فجأة وباس راسي بوسة طويلة
فصلها ورفع وجهي صار بين ايده بس دموعي
على خدي ورجع خصلات شعري بكلّ حنية
بيرغ : اقسم بالله انصدمت فكرت مسوية مقلب .
دفعت ايدو من وجهي مسحت دموعي ورديته بشهگه
ملِكه : مقلب ؟
_ اي وغلاتچ وراسچ .
_ بس مو مقلب بيرغ احچي صدك .
_ كابوس .
_ صح كابوس بس رحت على نفس المكان
شفت هذا الرسم وخطيتو بالقلم حتى ما يضيع
ردت اخليك تعرف كلامي صح والله صح .
رفع كل جسمي طبع بوسة مشتاق على شفايفي
وصعد على خدي ورجع باس خدي الثاني
دفعتو عني خفيف ورجعت دموعي تنزل
اشرت بيدي على حايط وهمست بخوف
ملِكه : انتَ صدگتني بيرغ .
بيرغ : صدگت يا بعد ضلوع بيرغ يا بعد تعبه .
حضن راسي صار على صدره شهگت تعبانة
حتى ما گدرت انام من كمية الرعب والخوف
نام بصفي وجرني بحضنه اكثر بعده بملابسة
ملِكه : روح ادحگ بعيونك كلامي صحيح الله يخليك .
بيرغ : ما يحتاج .
_ اريد اهلي اخاف هنا والله وصلني عدهم
انا تعبانة اريد انام الله يخليك اريد اهلي .
هز راسو ما مقتنع بكلامي جاوبني وحضني اكثر
بيرغ : نامي يمي بحضني اريد كابوس يمرچ
امرعدو ، انا يمچ لا تخافين ابد نامي حتى احلها
حل هل ضيم عندي .
ما قاومت ولا اگدر ماعندي بعد طاقة غفيت
على صدره جسمي مثل السعفة من الخوف
ينفض وعرگت مو الخوف والقلق والتفكير دمرت روحي .
بعد فترة من النوم هبطت من صوت التكسير
والصياح جوا مهيب هزني ، دحگت على بيرغ
ماكو بصفي ، ذبيت اللحاف ونزلت رجلي جسمي
ثگيل وراسي اثگل بأضعاف ، جريت شالي مشيت
بس خطواتي بطيئة مدري شبي جسمي متكسرر
خليت ايدي على باب افتح بي ما ينفتح والأصوات
تزيد جوا والتكسير ما ينوصف ومن بين اصواتهم
سمعت صوت بيرغ يتعارك هوَ وامه صايرين نار وبارود .
جريت كرسي جسمي كله خدران من التعب
عظامي تأذيني مدري شبيهن ، انرعصت
من انفتح الباب نرگع بالحايط ودخل بيرغ
اعصابه واصله حدها صعدت ام وارث وراه
من شافتني ابتسمت بحيرة وتقربت عليه
هو يفتر بالغرفة يمسح براسه وينزل على
وجهه مرد ملامحه خربهن خاف بيهن شوفه
جفلت من صرخ صرخة راد يوگف بيها أعضاء جسمي
بيرغ : يمههههه دخيل محمد دخيل الكائنات عوفيني .
ام وارث : شبيك يمه هاي امك شسويت وياها
خابرت اخوها راح يحي ياخذها .
بيرغ : خليها تخابر عشيرتهااا كلها انا اصلاً
خابرت اخوهااااا عندي گعده ويااهم وحق الله
وصلت حدهااااااا مخليتني اغطي بعيوبهاا
هي وابنهاااا وما يغزر يمه ما يغزر بيهاااا
گاعدة تهجم بيتي راحتي الوحيدة بهل دنيا
تريد تهجمهااااااا خبلتني وحق من خلق
السموات خبلتني هي وابنهاااا العااااار .
وگفتو بصعوبة گعد على تخم وهيَّ
قريبة منه گعدت تمسح على ظهره
وهوَ بگد ما عصبي صدره يرتفع
ويهبط بطريقة مرعبة وعيونو عليَّ
نزلت عيني بعدتها ليغاد منو
ام وارث : مو تعرفها تنذل اذا تطلع من بيتك .
بيرغ : غير هيَّ تفكررر تگول مخليني عايشة
معززه مكرمة مخليني بعيونوووو ما مقصر ويايه
محترمني وفارض احترامي خليني اسكت منووو
ولتني ولي هي وابنهااااااا يكفخوون بيه مصايب .
سحب باكيت مال جگاير يريد ياخذ وحده
طلع فارغ گمزت من مكاني من رگع الجداحة
تفلشت وطلعت صوت عالي والبكاكيت مرده مرد
بيرغ : هذا خلف بكيفوو من راسووو راح طلع
هذا الخبل شهاب دافع **** هذا دفع مخابيل
اروح لخلف يگلي امك دفعت نص وانا دفعت نص
وصرنا امالخ انا وارث من مصايبها ومصايب ابنها .
ضرب على رجلو متحلف وكمل بكامل غضبو
بيرغ : اخابر شهاب يضحك ويستهزأ بيه يگلي
وصل خبر وعلى لساني احچي لوارثكم منتظراتو
ايام ظلمة مطينه بطين وجير ، وانا صرت بوسطهم
اكف شر امي لو شر اخووي شهاب لو ادافع
على وارث وهذا وارث شايف نفسوو حتى ما يحترررم
وحق الله الخاطرچ انا زين وياه .
ام وارث : ميخالف يمه اهلك امك واخوتك
تحملهم كبر عقلك خليك اكبر من عقلهم
احتوي امك ، وعينك على اخوتك هونها
على روحك لا يصير بيك شي فدوا لطولك .
بعد كلام طويل مسحت على ظهره ونهضت
اجت يمي گرصت خدي وبنبرة خافته تهمس
_ ولچ يمه عينچ على زلمتچ .
صفنت بيها والله خالة ام وارث بطرانه المفروض
هوَ يدير بالو عليَّ تعبانة منه ومن امه ام السحورة
انوب بعدو بملابس ادري لازگات عليك بدل ملابسك يحظي .
بيرغ : شدردمبن ؟
_ اني .
_ لا امي .
_ عوذه .
_ ملِكههه .
_ هاااااا .
_ صيري خوش حرمة يلة .
_ شلون .
_ جهزي الحمام .
_ هسة ابنيلك واحد وأجهزه .
_ ملِكه .
_ ماتت وخلصت منكم .
_ روحي بدت تطلع ملِكه
راح اگضچ ودگ بالنعال وين ما يوجعچ .
انوب هوَ منا يفور اجه يدچ بالگاع ويمشي سريع
خلاني اسلم على عافية واودعها من الخوف
كمزت انچبحت على وجهي انضربت ولا اهتميت
كملت دربي وطبيت ركض على حمام باع بالله
الواحد شلون يحضره من طرگاعة ولفت الزلم كون .
فات على حمام بي مزاج اسمه صوت عالي صرخ
_ صار ساعة ما مجهزززتو ؟
فتحت الماي لأن بس هو هذا يتجهز والواحد
يفوت ويسبح بي والشامبو والصابون جدامو
بعد شسوي احلب بقر اخلي يسبح بحليب ابن
صلوات سيادة المقدم موو شريف .
وگفت بالباب ما عرفت ابلعها وانطم
صفنت لزمت الكلمة تعاركت وياها
هو يريد يسد الباب عضيت شفتي
ما ردت تطلع صاح بيه بعلو حسو
_ هااااااا شبيچ .
ملِكه : لو الله خالقني صرصرة ولا متزوجتك .
شردت جوا وگف على درج منفعل
بيرغ : لا يا صرصرة يا هامسترررررر يا فارة
يا بربوئه يا ما متربايه يا سويقطه يا ما تستحين .
رفعت ايدي اشمر بيها عود ما اهتم ولا اسمعك
ورحت على مطبخ هو فات للحمام بطني تقرقر
من الجوع بيها عصافير جوعانات، وافتح الثلاجة
شبيچ يا ثلاجة اطلع واگلي بهل كبب والكباب
وسويت طاسة بعرض عقل روغان ترستها
مقبلات باردة بيتنجانية وخليتها بالمجمدة .
بين ما كملت الأكل طلعتها ورتبت الصينية
ودفعت باب غرفة ميمونة الصايمة شفتها
گاعدة عينها على امها تصلي هي تنلام
صلوات ام بيروغه من تگول تتمنى ينزل
عليها وحي ادري شبيچ گطعتي روحچ
ملِكه : ها ميمونة اكتأب گاعدة .
ميمونة : اجت العطلات .
ملِكه : وحق الله انتِ واخوانچ واهلچ عطلات .
تربعت ابتسمت من خلّيت الأكل جرت تلفونها
وهمست وهيَّ تخابر والتلفون يرن
ميمونة : سودة علية همام جوعان بس
شافني تعبانة گال راح انام من اگعد اكل .
رد عليها ومبين فز على مكالمتها
_ ها ميمون ؟
_ همام انزل اريدك .
_ بيچ شي ، احد وياچ .
_ لا بس اريد ناكل اني وياك على واهس .
_ اجيت عيوني .
سمعته يغسل وفات على غرفة دحگ على
امو بعدها تصلي صاح وهوَ بعينو النوم
_ ها يمه يمتى يفطر قومكم .
ام همام : افطر ولك خليني اكمل .
_ يمه خلص العمر وانتِ ما كملتي تعالي اكلي .
_ بس اختم هل جزء من القران الكريم اجي .
_ هو ابوية ينلام من تزوج عليچ يمه
لا تفطرين ويه هل قوم ولا ويه هل صوب .
ام همام : الله يرحمو چان يصوم ويصلي بس كافر .
گعد ويانا لف كباب بالصمون وقدمها لميمونة
همام : هذا ابو رعصه شبي اليوم يرعص .
_ روغان .
_ هههههههه اي .
عضت ميمونة ايدها وعاطت بينا
_ اسكت انتَ ويتها لا يسمعكم يعصركم عصر
ملِكه : شايل الدنيا على راسو هو وبدلتو
يجي براسي الزمها واشمرها بس اخاف
لا مو اخاف بس بعد تعرف دوام وكذا .
هز راسو ولف كبة اثنين بصمونه صغيرة
وشال ربع طاسة المقبلات خلاها واكلهن بلگمة
بلعهن بلع خفت طاگني الجوع من نهد اكل
اهل مُـرجانـة، جريت صمونه خليت بيها اربعة
كباب ، وصمونه ثانية بسكوت خليت بيها كبة
وبقيت اكل بالمقبلات اخاف تخلص حتى من يخلصن
اكل لفاتي وجريت بعد كبه اكل بيها ويه المقبلات .
بس خلص ماعون الكباب جر همام لفاتي
وترسهن مقبلات وطفر بيهن طلع من الغرفة
گمزت اركض وراه وهوَ طلع كاشفني وبيدي
طاسة المقبلات وصلت للگراج صحت بي
_ لفاتي اريدهن .
همام : دبري روحچ هذني لسهم وجبر بالأراضي
خطية كاتلهم الجوع هساع افرحهم بيهن عيني .
بيرغ : انعمت عينك كون .
طفرت من صوتو انوب ورايه اريد اتحرك
لزمني عتني من شالي يقلد صوتي
بيرغ : لفاتي اريدهن ، وهذا الخايس
يركض مثل الزعطوط جيره وخفت للشوارب .
ملِكه : نتمضحك .
بيرغ : هساع اخليچ خوش تتمضحكين ام راس المحفر .
ملِكه : فاعلة خير اعتبرني همام يگول عليك ابو رعصه .
صعد همام السيارة وعض اصبعو صاح
_ وداعتك هي گالت عليك روغان .
ملِكه : اني عبالي نمت شعجب گاعد ؟
عض اصبعو حيل حسيت انگطع ابتسمت من خلص
بيرغ : اليوم لو انا لو انتِ ؟
ملِكه : تريد اجهز اطيب اكل لسيادة المقدم ؟
رفع حاجبة سحلني وفوتني للمطبخ
_ يلة خمس دقايق والميز اريدو مليان ملي .
ملِكه : حتى الطاوة ما تحتمي بخمس دقايق
هل همبله شلك بيها عمي اعصابك اغاتي .
طلع همام السيارة بالشارع ورجع للبيت
وگف بالباب مال مطبخ متخصر بيد
وايده الثانية يفر بيها واني بعدني
بيد روغان رعصه يفر بيه مثل الصرصرة
همام : يگلك درب الكرامة مرممي شعجب ما تمر بي .
بيرغ : اخذك ونمر على درب المگابر ادفنك وامر مناك بي .
_ هاك لايك احسنت النشر انرت .
طفر يركض من راح بيرغ عليه حتى يلزمه
شغلت الطباخ من رجع كتف ايده رافع حاجبة
وصار على جهتي اليمين صافن بوجهي
بيرغ : هسة مـن اخليچ بهل زيت الحار احد يلومني .
ملِكه : سلف كامل يلومك ويحطوگ ويدگوك.
بيرغ : انوب تترادد فوك شينها يول ياهو يلومني
اخلي واحرگووو وياچ وحق الله .
اشرت على شارع ناريه اجاوب دگيتو
نظرة بطرف عيني بدون ما ادير وجهي
ورديت بصوت خشن طلع مني من گد ما عصبت
_ ابوووي عمامي خوالي العالم كلها تلومك .
_ يول مسترجله انتِ ؟ ضابطططط اجرررام متزوج ؟
هزيت ايدي خليت الأكل بالماعون ورديت
_ عجل شلون تريدني اجاوبك ؟
_ احچي بدلععععع غنج لا افر راسچ .
_ عفية عائلة كلها ادور دلع ونسوان مايعه
مايحبون النسوان الخشنة خوات الزلم .
_ خوووات شنوووو ؟
_ الزلم .
ذب روحه على كرسي بصف ميز الطعام گعد
لازم راسه ويفر بي ما عاجبه كلامي مبين بس مشكلته
_ انا جبتها الروحي امده گلبي اغم گلبي .
_ غمه حيل حيل غمه واغم روحي يوم طلعت
ويه اهلي انا هم ما اگعد هساع انجبي واگعدي
بالبيت شعندچ طالعة ويه ابوچ حتى لو امچ
متخربطة اگعدي خلي اختچ الچبيرة العاقلة
الراشدة تطلع والله چان سكتتكم وتخليك
تدفع فلوس لأبوي مال تصليح لأن خطية
هوَ هم سيارتو انضربت ، اجيت انا ونبصت
روحي ورحت وياهم هي هاي تالي الواگة الزايدة .
لزم قميصو يريد يشگو وعيونو
صارت براسو من العصبية
بيرغ : خاب تسكتين لوووو اگوم اكسر المطبخ
على راسچ اركدي انطمي شوية انطمي تريدين
تمووووتيني انتِ تريدين تذبحيني .
ملِكه : لو تلتحق مو أريح ؟
بيرغ : ملِكـــههههههههه .
_ كمل الأكل الف عافية ترليون عافية مقدماً .
رتبت ميز الطعام كلو اكل وطفرت اريد اصعد
صاحتني ام وارث ، رجعت عليها اشرت على مغسلة
_ اروحلچ فدوة يمه هل مغسله صايرة سيان
جلفيها جلفة معدلة يا معدلة واريدها تلمع كون .
_ من عيني هاي قبل هاي اعتبريها تمت .
_فدوا اروحلكم يمه .
رجعت للمطبخ اخذت المنظفات ورديت على
مغسلة صبيت المنظف والملمع وبلشت اجلف
بيها جلف طلعت ضيم گلبي كلو صعدت
على مرايا جلف جلف وما اشوف غير الدم
يخرخر من اصبعي من شفت الدم تذكرت
اتوجع وصحت بصوت متألم، فتحت
الماي اغسل بيدي شفت اصبعي مجلوغ
عضيت شفايفي من نخبط المنظفات بيدي
من عسلتها انخبط ويه الجرح صار يحرگني
فزيت من افتريت فر وايدو على كتفي فرني
يلزم بأصبعي ويصيح انوب
_ اصبعچ يجري دم .
رمشت وهو فحطان خايف ردت اجاوبه
عجل يجري كجب طبعاً دم بس خفت
ملِكه : يأذيني .
نفخ عليه وحضني من خصري شنو الجرح
يدوخ ، لزمت الضحكة غصب عنها وكملت
وياه عجبني أبين شخصيتي الدلوعه
برطمت شفايفي بدلع من گعدني على
كرسي وراح يحوس بالبيت رجع بيدو
العلبة مال اسعافات خلاها على ميز
قدمت اصبعي وثبتت نظراتي بعيونو
_ بيرغ .
_ هسة أعقمه .
_ بسرعة يوجعني .
_ اوف منچ غير تنتبهين .
نزل بالگاع مارفعت ايدي ثنه رجلو
وگعد يعقّم بالجرح ويلف بي وهي
منا ايدي بعدها متجرحه ومتأذيه
من كمل سكنت كل الأصوات من
قرب شفايفو وباس اصبعي
بيرغ : انتبهي مرة ثانية .
ملِكه : شلون يروح الوجع ؟
جر كرسي ثاني صار بسدي
حضن ايدي وباسها خلاها على گلبو
_ بقيها بين ايدي على گلبي .
_ ما اريد عوفني .
_ احچي عدل جسمي نمل من هذا صوتچ .
_ مو متأذية .
_ هـاي خدرانه مو متأذية .
_ يمه اصبعي .
_ دخيلك ربي .
عدل شالي السافل غمضت وفتحت
تحركت عدلت گعدتي هو لزگ بيه
حاضن ايدي حضن من كل گلبه
وهمس : فدوة اروح لعيونچ .
_ عوف ايدي حباب .
_ عدلي حلگچ من تحچين خدر جسمي .
_ هذا اسلوبي .
_ من يمتى؟
گلبت عيوني بنفاذ صبر رجعت تلبستني
شخصيتي بعنوان تربية الشوارع وصرخت بي
_ هسة موووو حرناااااا وياااااكم
صرنا زلم ما قبلتوا ادلع تسيحون وتنوحون
وهم ما تقبلون عمي كون تنقرضون ونفك يبووووو علينا .
حجيتها هوَ طفر عليَّ واني طفرت
منه شبخت الدرج سويته بايتين
وخلصت وصلت غرفتي وگضني الأسد .
فعلت مود الكتم بقيت كاتمة صوتي
الى ان نام طفرت من غرفتنا نزلت جوا
سمعت صوت بالأستقبال قبل لا ادخل
دحگت من بعيد زهرة هي وامها واطفال
وارث وام وارث حاضنة زهرة وهاي البنية
وجهه صاير دم وترجف وتشكي
زهرة : حرت خالة تتصورين حتى مايجي
يشوف اطفاله ولا يسأل عنهم غير كل يومين
مرة والمصرف صار يدزلي بيد سَــهم ومن اراسله
والله لو اشوفچ الرسائل اكتب شكل جوابة نسخ
نفسه بكل مرة ” لا تقصرين على اطفال اصرفي ”
ويدزلي ثاني يوم قلوس انا ما احتاج فلوس
ما مقصر مكفي بس اريد اعرف شبي اتغير 180 درجة ؟
ام وارث : هسة خابرته وبس يجي العب بي لعب
هم ميصير المسؤولية كلها على ظهرچ
حتى اذا يظل هيچ مشغول ارجعچ عندي هنا
انتِ واطفاله نتساعد بيهم كلنا وهم يبقون
تحت عيوني انا دوام اشتاق اشوفهم .
زهرة : اي خالة حبابة هنا اعيش وياكم احسن
وامي اخليها ترجع لبيتها ومنطقتها ليش
متبهذله ويايه خطية .
ام وارث : اي خالة هاي هيَّ امسحي دموعچ
انا خليها عليَّ اقنعه واخلي يرجعچ انتِ والأطفال
بهذا البيت عيوني انتِ .
مُـرجانـة …
بعد مرور شهر…
ابتعاد ضـلـيل بعد اخر موقف ، وقرب علاقتي
بأمي وأخواتي كبرت اكثر وماتت كل الفجوات
ومن بعد اسبوع سمعت من شاهين يحچي هو
واني وارث ورتل من الشيوخ ملتقين بضليل
وراجعين فاتحين موضوع عقد المحكمة
وبنص گعدتهم گلبي اشتغل خفقان من سألها
شاهين : كلفني اجي اسألها اذا تريد وارث
وموافقة ما يوگف بوجه قسمتها ويوافق
يعقدون محكمة لأن هذا خبلنا كل اسبوع
والثاني لا يمل ولا يكن كل ساعة رتل شكل .
غـاليـة : احتاج يومين وارد الخبر
مضبوط اريد اتأكد منها .
شاهين : منتظرين كلنا شيخة هل يومين ضروري
لأن كلها صارت تحچي لو نفصخ عقدهم ونخلص
لو يتممون العقد محكمة ونخلص من لسانات العالم .
ماطول وراح قفلت باب غرفتي مثل كل يوم
وخابرته اول ما جاوبني تحمحمت
_ راح شاهين .
_ اممممم .
_ شبيك حتى سلام ما سلمت .
_ شاطرة .
_ اي بعد متفقين اني وياك انتَ ممنوع
تحچي ويه بنات بس امك وملِكه واختك
وزوجة خالك وخالتك وايليا الباقي ممنوع .
_ وانتِ هم ممنوع .
_ اوكي ابو الإرث .
جر نفس طويل وصاح بصوت عالي
_ يروحلچ فدوووووووا .
_ صدك البارحة جنت بديوان ضـلـيل .
_ اي يگلي شبيك يوم والثاني فايت عليه
ما يعرف بنته مخبلتني بسوالفهاااا راح
اخذهااا واشرد اذا ما ينطيهااا .
ابتسمت بخجل وتمددت اريد افهمه
_ هسة لازم افكر يومين .
_ بشنو تفكرين ؟
_ افكر اوافق عليك لو لا .
_ ههههههههههه عوزهاااا ما توافقين .
_ بعد تظل بيني وبين تفكيري .
طگ الجگارة جر نفس وهمس
_ لا بالله غششيني .
_ لا لازم اسويلك سبرايز .
_ والله خايف من هذا السبرايز مالتچ
انتِ بنت غـاليـة صيت الصدمات سابقكم .
اريد اخير الموضوع فكرت عصرت عقلي سألته
_ اكلك وارث .
_ نبضات گلبه .
_ شنو فلمك المفضل .
_ فرتها .
اندگ الباب طفرت من الچرباية شمرت
التلفون بالمخدة وركضت فتحت الباب
نقش : ولچ امي تريدچ امشي نزلي .
نزلت اركض لگيتها تمسح بالمواعين
بالمصبخ حتى ترجعهن بمكانهن
غـاليـة : سمعتي كلامنا اني وشاهين .
_ لا .
_ صايرة هواي تجذبين .
_ اقصد اي .
هزت راسها ابتسمت وحضنتها
مُـرجانـة : شبيچ دا اعيش اجواء العروس .
ذبت كلشي من ايدها وگعدتني بكل هدوء
غـاليـة : اني شنو ؟
مُـرجانـة: صديقتي وامي وحبيبتي .
غـاليـة : اريد بكامل رضاتچ تجاوبيني
بلا ضغط من اي جهة عليچ وجوابچ
يمشي سيف على كل صار شهر حلگي
وگع بگد ما اقنع بضليل يستقبلهم
ويتفاهم وياه لأن بنظري وارث يستاهلچ
هاي صار 13 مرة يجي يخطبچ بلا ملل
بس رغم هذا القرار عندچ تگولين اريده
اسبوع الجاي العقد يتم قانوناً
تجاوبيني وتگولين لا والله يمه ما يوالمني
كلمتچ سيف وارث ينتهي من حياتچ للأبد .
نقش گرعت راسها صار ايام تعرف الجواب
وگفت على درج تهز ونزلت لزمتني من ايدي
تفر بيه وتهلهل بعلو حسها وتصيح
_ مووافقة عيني يمه بنتچ موافقة .
غـاليـة : اسمعها منها .
مُـرجانـة : يمه شسمه والله استحي .
نقش : احچي ولچ تستحين من ماما .
مُـرجانـة : شسمه هاي اي .
غالية : شنو ؟
مُـرجانـة : اريد هذا الموروث وارث زوجي .
نقش ترگص بيه وامي گعدت عيونها مدمعة
ركضت حضنتها وهي حضنتني
غـاليـة : الله يسعدچ ويعوضچ يمه مُـرجانـة
تعبتي وانتِ بهذا عمرچ كون الله يعوضچ بوارث . .
خدودي تريد اطگ من الخجل ركضت للغرفة
ختلت بيها الثاني يوم امي ردت خبر موافقتي
حتى مكالماته بعد ما رديت عليها التلفون غلقته
يومين والثالث وخابر ضـلـيل على امي يصرخ
_ باجر 8 الصبح تجهزون نفسكم عقد المحكمة يتم
وانا ما قابل ولا راضي وعلى اعصابي راح امشي
وياهم من واخلي يعقد عليها
بس خايهاا براسچ هذا ابو المصايب المتوحد
المنبوذ ما ارتاحله هوَ وهاي سمعتو الطايح حظها .
وظل يغلط ويسب وساعة يصيح الموضوع
ما داخل عقلي وامي تحچي وتقنع الى ان سد
المكالمة امي شكلت وياها الشقيقة شردت نامت .
اخذتني نقش فتحت كنتوري طلعت فستاني
الأبيض وخلته على كنتور وطلعت الحذاء
والاكسسوارات وياه شال وردي وجنطة
صغيرة لون وردي وحذائي كعب اول مرة
البس كعب بحياتي وردي يجنن ياخذ العقل
بقيت صافنه بيهن حتى النوم طار من عيوني
الثاني يوم گعدتني من الـ6 الصبح نقش
فوتتني غصب اسبح ولزمتني مكياج خفيف
وتعطير وترتيبات وامي وياها تگول لها
شنو تخلي وشلون تعدل ، باوعت على نفسي
فرحت وحسيت فراشات اطير حواليه
مُـرجانـة: طالعة حلوة ماما .
غـاليـة : عبرتي مرحلة الحلوة تخبلين ولچ امي .
رن تلفون امي شافت المتصل ضـلـيل جاوبت
_ ها عيوني ؟
_ ربع ساعة ويمكم كملتوااا ؟
_ هلا بيك ، كملنا ، تفوت للبيت ؟
_ شعدنا بالبيت يعقدون محكمة نجيب القاضي .
اول ما وصلنا اجت بيبي بقت بالبيت هي
وشاهين ونقش وننوس بالبيت واني
وامي طلعنا للغربية نعقد هناك
الطريق كله ما رفعت راسي جسمي
سعفة وينفض من الخجل والخوف
وصلنا المحكمة متأخرين شفت من بعيد
اخوان وارث كلهم وشيخ فؤاد وتراث واسمر
منتظرين بالباب مال محكمة ، ومبين فاقدين
الأمل من جيتنا لأن اول ما شافونا كلها فزت
وضربوا على باب السيارة نزل تراث لابس
رسمي اسود بس القميص ابيض من شافه
عمو ضـلـيل رفع ايده يأشر عليه
ضـلـيل : ها شوفي مدلع فاتح الدگم يستعرض
نسخة من ابووووووووو هذاك هم فاتح الدگم
ويمشي يستعرضون بصدورتهمممم اهل الصدوره .
فززني حتى عقلي بعد ما يجمع كلمات من صاح
_ مُـرجانـة .
بلا عقل گرصت امي من ظهرها هيَّ گاعدة
بالصدر حتى تجاوب عني رجع صاح
_ مو احچي وياچ .
غـاليـة : جاوبي يمه .
مُـرجانـة : مو والله اسمع اسفة .
ضـلـيل : عمي كل عقلچ تريدين هذا خلي يولي
ما مرتاحلوو ابد عوفي يولي .
گرصت امي وارث تقدم على سيارتنا هوَ
والشيخ فؤاد وامه وخالته نزلت من السيارة
اضطر ضـلـيل ينزل سلم عليهم وامي نزلت
اني انشليت من نظرات وارث ردت افوت بهدومي
عافهم وارث واجه للباب مالتي يريد يفتحه
حتى انزل ضربه ضـلـيل على ايده وهوَ
فتح الباب وگف بعگاله ولابس البشت صاح
ضـلـيل : انزلي بوية مُـرجانـة .
والتفت على وارث يحچي هو وياه همساوي
ضـلـيل : شايب الشيب تارس راسووو ويراهق .
_ انا شايب ؟
_ عجل شني شايب وتفتر على بنت بگد بناتك .
_ بگد بناتي ؟
_ اي امها اكبر منك بسنتين شايب لو مو شايب .
_ قصدك لازم اخذ واحب وحده بگد امها ؟
_ احترم نفسك ، لا اطمسسس راسك بالطين
والله وعظمته اخلي لساني يسرد مواويل فشار .
_ چا شني والله حرنا وياك .
نزلت اعظامي من الخجل اطگطگ
واتعثر حضنتني امه تبوسني
وخالته وشيخ فواد والولد كلهم يسلمون
علينا ودخل بيرغ قبلنا صاحبة مجهز كل
الأجراءات وارث راح وياه يفترون منا ومناك
دخلونا اني وامي وباقي النسوان على مكتب
صاحبهم ننتظر بقتني ام وارث بحضنها تتغزل
ردت انجلط بگد ما استحيت ، رجعوا شيخ فؤاد
بعد ساعة گال بصوت مسموع
_ نريد كلشي يتم بسرعة دام امها وعمها موجودين
وهم كلهم تعبانين جايين من طريق طويل وراهم
طريق رجعه .
دخل بيرغ وهو وضليل صاحوا
_ يلة بسرررعة كملنا القاضي ينتظر .
بقيت بمكاني بالباب شفت وارث فوك
اول ما استداروا طگيته خزره سريعة
واشرت ينزل ياخذني ، نزل مستعجل
صار قريب مني وهمس قريب من اذني
مستغل الفرصة ضـلـيل هو وامي يحچي
وياهم شيخ فؤاد وامه ، ومن كل خاطرة متحلف گال
وارث : كون الزم ضـلـيل هسة وبعگاله اخنگه
وحگ علي افر عگاله على رگبته واشنقه واخلص .
لزمت جنطتي بيدي حيل مرددتها وهوَ قدم
ايده اشر حتى امشي مشيت مقابيله همس
_ وعلي بيچ طفره اخذچ بس نعقد وافلت .
التفتت ما حچيت رجعتلي حالة الخرسة
اول ما وصلنا الغرفة القاضي دخلنا
بس اني وارث وامي وضليل وشيخ فؤاد
وتراث لأن الشاهد بعقد الشيخ دخلوا
بعد التحقق من الأسماء والموافقة
رفع راسه القاضي وتكلم بكل احترام
_ بسم الله الرحمن الرحيم
الحمد لله الذي شرع الزواج مودةً ورحمة
والصلاة والسلام على سيدنا محمدٍ خير
من سنَّ النكاح وأمر به .
قلب بالأوراق وابتسم وهوَ يكمل كلامه
_ بناءً على رغبة الطرفين، الشاب وارث ساجر
والآنسة مُـرجانـة عابد وبعد توفر الشروط
الشرعية وانتفاء الموانع القانونية
وبموافقة الوليّ، وبحضور الشهود
العدول، أُجري عقد النكاح بينكما
على كتاب الله وسنة نبيّه محمد
صلى الله عليه وسلم، على مهر قدره
( 75 مليون مقدماً )
ومؤجله ( ارض بأسم مُـرجانـة ومبلغ وقدره 100 مليون )
تعجبت على مبالغ وفهمت ضليل هو شارط
هل شروط وارث موافق ومقتنع انزعجت
بس ماعندي وقت ارفض التفت القاضي
بعد هذا الكلام على وارث
_ يا وارث هل قبلت الزواج من مرجانة
على هذا المهر المذكور وبالحضور الشرعي؟
وارث : نعم، قبلت.
ضرب شيخ فؤاد على ظهر وارث فرحان
وعمي ضـلـيل لو بيده يخلي ويذبحه
_ وأنتِ يا مرجانة هل قبلتِ الزواج من
وارث على المهر المذكور وبالرضا التام؟
مرجانة : نعم، قبلت .
هز راسه القاضي مبتسم وختم الكلام بـ
_ بارك الله لكما وبارك عليكما وجمع بينكما
على خير، وجعل بينكما مودةً ورحمة، ورزقكما
الذرية الصالحة والسعادة الدائمة ألف مبروك .
اخذ وارث الأوراق من القاضي واشر حتى اگعد
ايده ترجف بشكل فضيع والعرگ يقطر من راسه
بگد ما فرحان حتى شفايفة ترجف من يباع عليَّ
گعدت لزم بيده القلم يأشر وين اوقع وبصمت
من كملت هوَ وقع ورجع الأوراق ومقابيل
الكُل لزم ايدي حضنها حيل وسحبني
لمني بحضنه قوي وحضن وجهي
فكرت راح يبوس راسي نزل نفسه وباس خدي .
ردت اتخربط بعد ما اگدر افتح عيني اخليها بعيونهم
حضن وجهي حيل ورجع باس راسي وبصوت
مسموع نطق كلماته بكل ثقة
وارث : بنت عابد صارت حرمة ابن ساجر
وابن ساجر فدائي لبنت عابد للموت .
يتبع …
الفصل التالي اضغط هنا
يتبع.. (رواية الموروث نصل حاد) اضغط على اسم الرواية لتجد الفهرس كاملاً بجميع الفصول.