رواية الموروث نصل حاد – الفصل الثامن والعشرون
♛ 28 ♛
نشف ريگي صفنت بيها وميمونة اجت
گعدت يمي تمسح بيدي وتنوح تون
بحرگة وتنود بعيونها ادحگ نفسي
وكأنها تگلي راح تصيرين مثلي
هزيت راسي بـ لااا وصرخت
وايدي على راسي : لااااا لااااا
بيرغ بصف اذنو يصب دم وايدو تنزف
من سمعتها رجعت تفشر وتغلط فار دمي
وبعز كسرتي ركضت اريد املخهاا اموووتها
گطع طريقي وارث ورفع ايدو بوجهي يمنعني
وميمونة لزمت ايدي حيل وضمتني بحضنها
ملِكه : مااااا اريدكم اريد اهلي امي ابووووية
اليووووم ما اظل هين لووو على موووتي .
دفعتها مني وصعدت مثل المخبلة ايدي تنز دم
واسمع وارث يتعارك وياهم بأعلى نبرات صوتو
_ لك شصاااار شبيها البت ؟
بيرغ : ما اعرررف وارث ما ادري شصار
جنت انا وياها نسولف البت عيونها
صارت دم وركضت اخذت هاي الحديدة
بيدها وضربتني وتريد تضرب روحها
اخذتها منها ايدي تملخت وايدها .
ام بيرغ : اريد بعدددد تگول اريدهااا وتخليهااا
على اسمك وما اطلگها هل همجيه الوحشية
والله بعد فلا ا…
قاطع كلامها وارث بصوتو يريد يذبحها
_ انتِ ولااااا نفسسسس اگطعي صوتچ
ما اسمعچ تبيعين چذب هجمتي الدنيا
بطمعچ وهذا تمثيلچ من انعل ***** كافي .
ودار على بيرغ بالكلام وگع عليه صياح
_ لك شفت هاي حالتهاااا اذا اهلها شافوها
ويرفعون بلاااغ شسوووي انااااا موقع وياهم
تعهد بنتهمممم ما تتضرر يااااا حيووووانات .
صرت اسمع خطوات غضب تقترب من الغرفة
بيدي التلفون اريد اخابر على اهلي ، دخل
بيرغ اعصابو انفجرت من شايط گلبو
جر التلفون كسرو صار فتات وجرني من ايدي
بكل حديه وانا حيلي مهدود انتفض وصاح
_ تخبلتي ؟
_ ما اريدك .
_ مو بكيفچ ما تريديني شنووو نلعب احنا ؟
_ اذا تجبرني عليك وتخليني ابات هين اليوم
اذبحك واذبح رووووحي اكرهك ما اريدددكم .
طبگ ايدي اثنينهم سيطر على حركتي
والدم ينقط من اذنه على ملابسي مو مهتم
بيرغ : لا تخافين مني عديتهااا هاي لعبتچ
واختبارچ انتِ حرمتي من حقچ تختـ..
ملِكه : ما اختبرررك جنت اريد اخلص منك
ردت تخوني واخذها حجه حتى لو جذب
بس اريد اخلص منك لعبانه روحي منك
ما اطيق ادحگ بوجهك لو بيديّ اگطعك .
لمعت عيونو وحتى نسى وضاع شلون يرمش
اندفع الباب دخلت امو شفتها شيطانة
وتمشي على گاع وتتقدم جريت ايدي
منو اضرب بروحي رجع لزمني تملكه
غضبو منفعل لأبعد حدودو
بيرغ : اطلعييييييي اطلعي يممممممه اطلعي .
ام بيرغ : يول خلص دمك راح توگععععع .
بيرغ : عساني ميت عساني حتى اخلص
من هل عذاب كووووون الله ياخذ عمري ويخلصني .
وگعت روحي بالگاع بس اريد يفلتني
اريد اجر روحي منو ما طايقتو ردت اذب من راسي
ملِكه : لا تجي يمي لا يطخني لااااااا يطخني
اكررررررررهك ما ارررريدك اكرررررهك .
ام بيرغ : اذا توگعين بيدي اطلع روحچ من حلگچ
هذا حلگچ اللي يطلع منووو هل كلمات السممم
وتحرگين بگلب ابني يا **** يا بنت الفگررررر .
ركضت عليها اريد اشرب من دمها ويبرد گلبي
شالني من خصري دفعني على حايط
ملِكه : شيطاااااااانة الله لا يوفقچ انا
مو بنت فگر يا مجرمة يا سحاااااارة
اااااااام السحوووووورة ام الجن ام الشياطين
الكافرة الحاقدة اذا توگعين بيدي ادوس بمصارينچ .
دخلوا همام وارث يركضون وسهم وام وارث
يدفعون بيها وبيرغ يسد بشفايفي متخبل
فقد جن جنونو من صوتي وغلطاتي على
امو اللي بعيو هي ملاك منزل من السماء .
عضيت اصبعي ودگيت رجلي بالگاع اصرخ
_ عوووفني دمي يغلي منهااااااااا
اريد اعذبهااااا مثل ما عذبتني املخهااا
مثل ما ملخت روحي من وراهاااا الشيطانة .
صاح بيها وارث تطلع بيرغ عاط بي
_ عوووفهاا وارث لا ترفع صوتك على امي .
وارث : انعل ابو امك على هيچ تربية .
ام بيرغ : تسب ابووووي .
وارث : انعل أبو ابوچ هجمتي بيوتنااااا هجم .
خلاني بيرغ فكني وركض على وارث يدافعون
وهمام وسهم يفاككون بيهم وام وارث ادگ بيهم
تضرب بيهم اثنينهم ما تقبل عليهم
بيرغ : تسب بأمي ما تحترررمهااااا تقبل اسب امك .
وارث : امك فد وحده سحارة هذا حالك وحال البنية
من شر اعمالها ، واذا ما توگفهااا عد حدها
اطرررردهااااا من بيتي ما احوي امثالها .
بيرغ : تطرد امي ؟
وارث : اي اطردها باجر عگبة انا متزوج
ما اثق اعيش زوجتي وياهااااا ، خليها
تكف من شري وتررررروح تطلع امك من بيتي .
دفعو بيرغ وارث رجع دفعو ترك قميصو
بيرغ : وانا اطلع وياها .
وارث : الله وياك ومحمد وعلي .
بيرغ : سلمني ورثي .
وارث : بس تطلع وياها يسقط حقك وتحلم
تشوف مني فلس اذا تحب اذكرك كلشي
بأسمي ومن اشوف الوقت مناسب عود اسلمكم .
بيرغ : عجل غصباً عنك امي ما تطلع .
وارث : لا تخليني اكمل عليك مو تنزززف
وساكت منك وحق علي اخليك ترعص هنا .
دفع همام وارث برا وبيرغ يسب ويصيح
وام وارث تسكت بوارث الى ان دخلتو
للغرفة مالتو ، صعدت ميمونة البنية
تمشي منتهية واول ما اجت يمي
ام بيرغ الصلفة بعين گوية دحگت
علينا وبكل حقد ضحكت ونطقت
ام بيرغ : يخاف اخوچ يتزوج وانا موجودة
ههههههه ضحكني كل عقلو اخلي يتمم هل زواج
والله لو اعرف ابيع روحي وادفع كل املاكي وهل
زواج ما ايتم ، اذا ما اخلي مهبول هو وياها
يفترون بالشارع وحافي كل املاك ما عندو .
تسارعت انفاس ميمونة ، والدم صار ترس عينها
تلالي ، ايدها تشنجت وقبضتهم حيل ترعش غضب
توسعت عيونها عبالك تذكرت شي عضت شفتها
السفلية تصبر روحها گعدت رجلها ما تعينها
واول ما التفتت ام بيرغ وقبل لا تعبر الباب
فزت ميمونة من مكانها جرت شالي من الميز
وركضت لفت السال على ام بيرغ وفرتو
على رگبتها وصوت رج البيت وگلوبنا صاحت
_ مووووووتي مووووتي عوفي اخوووواني
عوووفيهمممممم مووووووتي ملعونة شيطانة
موووتي دمرتينا عوفينااااا نعيششششش .
ركضوا بيرغ وهمام عليها يجرون بيها
لا بيهم يضربوها ، ولا يگدرون يضغطون عليها
بالدفع والسحب لا تموت بيدهم لأن البنية منتهية
وهيَّ ماتقبل تعوفها وتضغط اكثر على رگبتها
انهبط وارث من طلع ، وصل عدها وهي منها تصرخ
_ تموووووت اريدهااااا تموووووووووت .
وتصيح بصوت مخيف صوتهاا يدوي دوي مثل الهاون
بقت بس تصرخ بدون كلمات تصيح بعلو حسها
الى ان وگعت ام بيرغ ووعت ميمونة على بيرغ
انهار على امو عافتها وشمرتها بعيد عنها .
حماها وارث من لاحظها بعد ما تگدر تثبت
على رجلها رفع ميمونة شبه ميتة وركض
بيها على غرفة امها وهمام يركض وراهم
ما مهتم بأم بيرغ ، گعدت بالگاع اذب من راسي
سواد وعيوني نطت ، اجت ام وارث تغسل بوجهي
بعد ما شافني سَــهم وصاحها ، وبيرغ گعد
امو على تخم وتقدم عليَّ يشربني ماي
دفعت ايدو وركضت على حمّام والموت يحوم براسي .
اريد اخلص اذا ارجع لبيت اهلي عمامي
ما راح يقبلون انفصل عنه ، وابوية شگد يحبني
بس يخاف من اخوانه ، وامي اذا راح تتعب
واخسرهاا ، وهذا ما راح يعوفهم بحالهم
وراح يرجع يضغط عليهم وارجع انضرب منهم
اريد اخلص تعبت انا مو گد هذا التعب .
دخلت للحمام قفلت الباب وكسرت موس الحلاقة
واخذت الموس مالتو ، وقبل لا اخطي هل خطوة
الباب تفلش وصارت هزة بالحياطين من الدفعة
صار بيرغ جدامي نزل نظراتو على موس
انتفض بجنون ورفع ايدو يصيح
_ لا بداعت ابوچ لا تسوووويها القران
عليچ ملِكه اصحي ولا تسوووويهااا .
صعد وارث يصيح بعالي حسو
_ ولكمممم شلوون بهل مهجووووم
نحير بمنوو هسة احنا كلهااا تخبلت .
من شافني وبيرغ استنجد بي حتى يمنعني
ويأثر عليَّ بكلامو جحظت نظراتو وهمس
_ ذكري الله خوية أنتِ انسانه مؤمنه صايمة
مصلية، واهلچ روحهم بيچ اذا يصير بيچ
شي امچ حرمة چبيرة صاحبة سكر تخسريها
وابوچ من بعدچ انتِ وامچ ما يعيش ، واخواتچ
يضيعن لا تدمر عائلتچ على غلّط منچ فكري .
ملِكه : بيرغ ما اريدو ، خلي يطلگني الله يخليك
جربت كلشي حتى يكرهني وننفصل بلا ما يتأذون
اهلي وهو مو راضي ، انا تعبت اكره هذا البيت
ما اطيقو والله من ادحگ بعيونو حتى ما اگدر
بعد اتنفس الهوا ما يعبر بعد اريد اموت واخلص .
وارث : خوية انتِ واعية وفاهمة ومؤدبة
انا اخوچ انا وياچ شنو تأمرين بي يجرالچ
بس هاي شمريها من ايدچ .
خليتها على ايدي ضغطت على وريد وصحت
ملِكه : احچي وياه هسااااااع خلي يطلگني .
وارث : هذا هسة ينزف ضربتي وايده وايدچ
متأذيات خلينا نعالجكم ونگعد كلنا نتفاهم
ونحل هل مشاكل وانا كافلچ اريد اشوف
قندرة عتيگة يتنفس وياچ حلگه اگطعه
اخيتي انتِ وعلي .
صدت نظراتي على بيرغ عيونو مصبوغه دم
وجسمو صاير احمر ما ادري من العصبية
لو القهر بس عيونو تلمع ، ذب نفس من شمرت
الموس من ايدي وارث سحبو من ايدو وهوَ يگول
وارث : غسلي وجهچ وتعالي اضمد ايدچ .
ضرب وارث على اكتاف بيرغ يفهم بي
وارث : احتويها ، ساعدها ايدها تنزف .
بيرغ : وكلامها ؟
وارث : على عينك وراسك تتحمله وانتَ الممنون
دام ما مجبور وانتَ رايدها برضاتك تتحملها بكل حالاتها .
اول ما رجع نزل ، دخل بيرغ نظراتو ما عرفت
افسرها غير ضياع وزعل ، دفع ايدي غسل ايدو
ورجع سحب ايدي حاول اخذها منو همس
_ بس تجريها تنزف اكثر لا تقاومين كافي .
ملِكه : اكرهك .
بقهر ثبت نظرات العتب بعيوني
وشفايفو لمهم بهضم نظرتو كلها
عتب ، غضب ، ضياع ، اعرفو هوَ
متفق ويايَّ ما يتفشل جدام اهلو
مثل ما يحترمني جدام اهلي
يريدني احترمو جدام اهلو .
جرني من ايدي وطلعني من الحمام
دخلني للغرفة وجر الكلينكس كلو
وصلني للچرباية سحب ايدي جبرني
اگعد ، اخذ كم قطعة يمسح الدم بيها
وكل شوية يذب حسرات وشفتو السفلية
دوم يعض بيها يصبر روحو بگد ما عصبي .
دخل وارث بيدو علبة اسعافات اولية
فتحها وطلع معقم وشاش ولاصق ناعم
اول ما اقترب ينطق بكل احترام طلب
وارث : أعالج ايدها ، قدمي ايدچ خوية .
اعترض كلامو بيرغ واخذهم من ايدو
_ مايحتاج انا اعرف .
وارث : وانتَ ايدك ؟
_ لا تمثل يهمك .
ابتسم وارث ورفع حاجبة بمعنى ” مايهمني ” وطلع .
ضغط بيرغ على اعصابو وعلى نفسو وكتمها
بگلبوو كل المواقف الصارت كتمها ، اخذ ايدي
رش عليها بخاخ لون برتقالي تعقيم ولفها
بكل هدوء يعقم ويلف ، خلص اول وحده وابتعد
شوية شغل جگارة يشرب بيها ويتنفس سريع
خلاها بين شفايو ورجع اخذ ايدي الثانية يعقم
ويلف ، سحبت الجگارة من بين شفايفو وقربتها
من ايدو عيوني صار بعيونو همست
_ اطفيها بيدك ؟
_ وجع جمرتها وحرگتها ماتوصل
لوجع كلامچ قبل شوية وغلات عيونچ .
قربتها اكثر من ايدو ورديت
ملِكه : ونارها ما يوصل لكرهي وحقدي عليك
تعرف شنوو انسانة جبروها عليك ، يعني
لو تموت ما احبك ، تصيبني قشعريرة وغثيان
من ادحگ بعيونك ، من اطخ جسمي اريد
اسلخ جلدي متخيل شگد اكررررهك متخيل ؟
رفع حاجبو مثل المصدوم وفتح عيونو
بنفس الوقت ذب حسرة طويلة كلها قهر
بيرغ : بالعشرة تحبيني ؟
_ رجال مفروض عليَّ ، كل عقلك اخلص عمري وياك .
طبگ حاجبو بغضب ورد بخشونة
بيرغ : مو بكيفچ تبقين غصب عنچ مايهمني رأيچ .
دفعتو ومشيت بعيد عنو وصلت للكنتور ثبتت
بصعوبة ورديت احاول ابين انا مو خايفة وقوية
ملِكه : اريد اعترف حتى لو تذبحني
فلا اخاف منك ابد حتى لو تضربني
تكسرني اعترف اليوم بلكي تحس .
_ ملِكه انطمي الى متى اصبررر انطمي .
ملِكه : لا اعترف جنت احب شخص غيرك
قبل لا تدخل حياتي ولليوم احبو ويحبني .
مال راسو مقلص عيونو والشر ينبث من عيونو
تقرب بخطوات ثگيلة يدگ بالگاع بغضب
بيرغ : لعباتچ هاي مو على بيرغ تعيشين
دور العاشقة المحرومة من حبيبها وانا طرف شر .
ملِكه : وهاي الحقيقة .
بيرغ : انطمي انطمي انطمي ملِكه انطمي .
ضحكت اريد اطلع جرني من ايدي مستعل نار
_ انتِ مخبلة ؟
_ اي تخبلت .
_ حذرتچ من غيرتي لو لا ؟
_ ولا يهمني وراس ابوووي مايهمني كلامك وتحذيرك .
_ اخلي طلقة براسچ انا مخبل .
_ قبل دقايق ردت انتحر اخر همي حياتي .
_ عجل تعالي .
جر ايدي اخذتها منو رجع سحبها بكل انفعال
فاير دمو مثل المخبل يغتر ويطبش جر السلاح
وگفني بطرف بين الحايط والكنتور هاجت اعصابو
بيرغ : جذابة مووووو ؟
_ مو جذابة .
_ ملِكههههه .
_ طلكني .
_ اطگچ بطلقة واطگ روحي وياچ واخلص من ضيمچ .
مسحت دموعي وكلي اغلي بداخلي
ملِكه : طگني والله اني اگلك طگني .
_ صدك تحبين ؟
_ انطيني السلاح انا اطگك بي واموتك .
_ ياهو تحبي ؟ بشنو احسن منو ؟ حارب عليچ مثلي ؟
_ بس سلمني السلاح اموتك بي مثل ما موتتني .
_ ما حارب عليچ مثل ما حاربت انا يااهوو هذااااا ؟
دفعتو من صدرو بصعوبة، تعديت هل انسان
وفكيت الباب طلعت واول ما وصلت للدرج
سمعت صوت طلقة هزت البيت كلو ، ونرج
گلبي مرعوبة وجلي بعد ما اگدر حتى التفت
بگد ما تشنجت صرت معوقة بحركتي ، ركضوا
اخوتو كلهم وارث من شافتي صاح
_ وين اخوووووووي ؟
طلعت ميمونة تجر بروحها جر منهارة صرخت
_ لااااا لاااااا بس لا ذبحتي اخوووي .
هزيت راسي اريد انطق لساني ثگل
عبروني وفاتو الغرفة وسمعت طلقة
ثانية وثالثة ورابعة واصواتهم العالي
تتعالى ضربت ام وارث على خدها
واجت صعدت فاتت وياهم ، استداريت
بصعوبة گعدت بالگاع وصوت التفليش
ما يتسولف ولا يتفسر انهزت حتى الحياطين .
عرض بعيني منظر بيرغ سحب وارث
المسدس من بيرغ ويضم بي بخاصرتو
وارث : شبيك تخبلت .
بيرغ : اريد احچي وياك راح امووووووت .
_ احچي اتنفس راح تروح من ايدك ولك شلعت گلبي .
_ وارث وحدناااا احچي بس وياك .
طلعهم وارث كلهم اجت ام وارث تمشي يمي وسهم
وگفت بصفي مقهور بخفوت طلب
_ انزلي خوية اشربي ماي وجهچ اصفر .
همام : نزلوها بسرعة يمه نزليها بين
ما ادحگ على ميمونة نامت لو لا .
خليت ايدي بيد ام وارث ونزلت ارجف مقهورة
وضايعة حتى ما اعرف شسوي وشلون اخلص منهم
ولا اطيق هل بيت ولا اتقبلو اريد اهلي دمي
وحرگت گلبي هاي كلها على اهلي حرمني منهم
دخلتني ام وارث غرفتها وام بيرغ بالتلفون
تحچي اسمع صوتها يدوي .
گعدت ام وارث على چربايتها وطبطبت
على رجلها ، ما ترددت اخلي راسي
مسحت على راسي تقرا ايات قرأنية
وتلعب بخصلات شعري ، دخلت ميمونة
ساندها همام گعدت بالغرفة وبصعوبة
فهمت ام وارث على كم اية ودعاء تقراهم
عليَّ احس جسمي صار ثلچ الى ان غفيت
نمت تعبانة هلكانه اريد اشرد منهم كلهم .
معرفت شگد مر وقت صحيت بين النايمة والگاعدة
على حضن يلمني بين ايدو ورفعني من الچرباية
ام وارث : خليها نايمة يا يمه شبيك .
بيرغ : لا بغرفتها تنام .
_ ولك مايفوتون الولد كلهم ناموا تعبوا .
_ انا اريدها يمه ، اريدها عندي .
طلعني الغرفة بس وصل للدرج خلّيت راسي
على صدرو ماعندي حيل حتى افتح عيوني
جسمي كلو متشنج ، عطر غرفتي دخل انفاسي
نزلني على فراشي غطاني واستدار على جهة
الثانية مد ايدو جوا راسو وسحبني على صدرو
جر نفس طويل من شعري وتقلصت عضلات جسمو
من التفكير والقلق نمت ونام ساعات طويلة .
جفلت انا وياه نفس الوقت بلا عقل
على اصوات برا طلع بيرغ يركض
النوم بعيونو ، مشيت على اعصابي
اريد اعرف شصاير نزل ونزلت ام وارث صاحت
_ ولك يمه بيرغ هذني نسوان اثنين بالگراج مالتنا .
باوعت عليهن اثنين نسوان كل وحده بطول الحايط
لابسات عبي وكمامات لون اسود وكلشي ما مبين
منهن بس العيون مصبوغات دم صايرات حسيتها لعبة
ملِكه : احچي ما تحچي وياهن .
بيرغ : يولووو انتن منين ؟
طلع وارث من الجهة الثانية عليهن عاط ببهن
_ منين انتن موووو احچي وياچن .
اثنينهن راحن يمشن للباب عاط بيهن وارث
_ تعااااااالن ولچن .
دارت وحده منهن وركضت على بوب وعبايتها
اطير بالهوا وعيونها نطت وتشبخ من تركض سريعة
بيرغ وارث اثنينهن طبگو الباب نفس الوقت وصاحوا
_ خرب هذني ما يخافن ركضن عليناااااااااا .
طلع همام من الغرفة وبيرغ صعد يركض
وگف يمي اول ما شافهن ظل يغطي بوجهه
وبصوت شبه مسموع دندن
_ هههههه سواها خرب اهلك سَــهم وجبر .
ظل ساكت بس انا بعد عرفتهم وكشفتهم
فتح همام الباب فوتهم وهمس
_ وارث بالصالة اركضوا .
سَــهم بيدو حديدة حصروهم بالصالة
وبيرغ عود دور على سلاحو نزل يصيح
_يول وارث وين السلا…
شافن وانكتم ظل على درج وفز من ضرب
سَــهم على تخم حيل عاط بيهن
بيرغ : ها شبلاچن صلوا على محمد اذكروا الله .
وارث : انتن ما تستحن تفوتن على بيت غريب
ياهوووو دخلچن علينااااا منين تعرررفن هاا .
همام : امشي اطلعن برا برابيك .
هو حجه هيچ وجبر متقمص الدور استدار
هو بمكانو على همام ويلطم على راسو حيل
همام : ها بوية ها يلة عمي شبيچن اعصابچ
هدي لا تنجلطين من دهر دهرچ كووون يالفوصة .
وارث : امشن اطلعن برااا بيررررغ خابر ال…
ام وارث : راح اتخربط من الخوف .
ركضت سَــهم على وارث ورجع ابتعد
رفع وارث الطبلة لا بي يضربهن ولا يدفعهن
يحمي روحو بالطبلة ويسأل بيهن شنو يريدن
ساكتات ، صار ينود جـبر براسو والعباية تتهزهز
فتح باب غرفة ام بيرغ عود خاتله من الخوف
فات عليها جانت بنهاية الغرفة بصف البردة
خلاها تطفر الچرباية وتطلع من الصوب الثاني
وبيرغ اخذها وظل جبر بالغرفة بصف الباب
رفع سَــهم ايدو بيها حديدة يريد يضرب
وارث شمر وارث الطبلة على سَــهم بكل حيلو
انچبح بالگاع لازم راسو وكراعينو طلعت من
الدشداشة سود كاتلن الشعر عبالك قرد
وارث : هذول زلمممم ولكممممم .
حجاها وهجم على سَــهم سحل الشال والعباية
من راسو سحل رفع سَــهم ايدو وصاح
_ انتَ مخبل ؟؟؟
سَــهم : كنت معنا في برنامج الصدمة
يمتى تفووووت الأء حسين وتخلصنااااا يماااااااا .
راح بيرغ على جـبر سحل الشال
لزم جـبر الشال يصيح ويرجف
جـبر : كلشي ولا الشرف والستر لا تنزعني .
رفع الولد على ظهرو وراخ يمشي على سَــهم
شمروا عليه وگعهم اثنينهم بالگاع
ام بيرغ : ذبحوهم حتى يتوووبون .
ام وارث : لااا يمه اسم الله يلعبون وياكم .
وارث : صابتني جلطة الله لا يخبلكم اكتلهمممم .
لزموهم بيرغ وارث دگ بالحديدة طلعوهم
رافعين ايدهم ويهرولون بالدشداشات مال
نسوان وما يگدرون يطلعون من الشارع عيب
سَــهم : ملِكه ملابسناااااا ملِكه .
ملِكه : خوفتني ما انطيكم ملابسكم يلة .
عض سَــهم اصبعو وعاط
_ بيرررررغ ملابسي .
بيرغ : فلاااا انطيك ظل مثل النسوان لابس العار .
سَــهم : ملِكه كون تطلگين من برغي بس ملابسي .
ملِكه : خوووش دعوة حلوة .
سَــهم : روحي يا ملِكه كون يتحقق حلمچ .
بيرغ : لااااا تصيح بأسمهاااااا بالشااارع **** .
گعد وارث لازم راسو بالصالة وهمام طلع
بيدو عباياتهم شمرها عليهم وصاح
_ الستر حلو جـبر حبيبي البس العباية
وروح على ابوك خلف يدحگ خلفتوا شلون
ينرفع بيها الراس وينحلف بيها .
سَــهم : روغان اذا ما تنطيني ملابسي
راح اطلع بنص الشارع اصيح ملِكه حرمة
بيرررغ ملِكه حرررمة بيررررغ .
بيرغ : فوت بدل تعال طب للبيت .
همام : يسويك لحم فاطس فوت جانك زلمة .
سَــهم : بعدني شاب مو زلمة .
انفتح باب الاستقبال طلع وارث عليهم
سَــهم : هاي لوووو نحلة همممم تسوي هيچ بيها .
همام : يبيعك ويبيع اهلك على نحلة ابني .
ركضوا برا ووارث من بعيد رفع ايدو
ويأشر بيها يغلط عليهم بدون صوت
رجع فات يدردم ويسب بيهم
وارث : انا مصايبي كافي عليَّ وهذولي فايخين .
بيرغ رجع صعد وهمام راح على ميمونة
بقيت بالمطبخ اسمع وارث هو واخو يحچون
وارث : هل بنية گلبت ايامي لحد ما شيبت راسي
وما خابرت هاي صار تلفونات اثنين عدها
ولا واحد خابرتني منه ورطني گلبي ورطه ما تتسولف .
ام وارث : يمه على مصايبها الصارت وياها
حتى عقل ما ظل براسها تلگيها نست فاهية مُـرجانـة .
وارث : چا هي تنسى وانا اتعذب ؟ جنت شلوني
اشتغل بالأراضي كافي خيري شري لا طالع ولا اطب
راسي بي بس مصايب هل خمسة اخوتي
اجت هي صاروا كلهم بصوب وهيَّ بصوب وحدها .
صعدت فوك اول ما دخلت شفت بيرغ گاعد
اخذت ملابس وطلعت سبحت وعزلت روحي
منهم والتفلون حرمني منه ، التحق يومين والثالث
ومر اسبوع امو راحت على بيت اهلها وهو بالدوام
بقيت انزل قليل على ميمونة ومرات اساعد ام وارث .
وهل ايام خلصها وارث بالأراضي يجي
روحو تلوب على مُـرجانـة وكل شوي
يريد يروح عليها وامو وخالو يمنعون بي
ومن بعد هل ايام اسبوع مر ورجع بيرغ
يركض لابس عسكري وجهو مخطوف لونو
بقيت على درج صعد مستعجل دخل
على وارث بغرفتو وصاح بعلو حسو
_ وارث اهل طه اللي صوبتو على تل
ابن عم تمار العار مشتكين علينا والدورية
توهم خابروني جايين بالطريق .
وارث : متوهم مو تدري حليناها ؟
بيرغ : غدروك يول جذابين اخذوهااااا وغدرونا .
بعدهم بنص خبصتهم وصل اتصال لبيرغ
راح يحوم يخابر بعيد وارث حس صاير شي
تقرب منو مستغرب من الخوف الصار بملامح بيرغ
وارث : شصاير ؟
بيرغ : لاعبين بالأدلة ضد شهاب
وزوروها متعمدين ، ومدخلين **** تعرفه
هذا شگد عنده نفوذ واصل وكلمتو مسموعة
واخذ منهم مبلغ وقدره ******
ومطالبين بتغير الحكم مالته و ..
وارث : ووووو شنوووووو ؟
_ خلف باع ولده ويطالب بشهاب يريد يطلعوا .
_ طلع ؟
مُـرجانـة …
يومين مروا على رجعتي بين أهلي حسبتها معجزة
رجعتي معجزة ، وكسرتي ما خلتني اكمل حياتي
طبيعي ، كل ليلة افز منتهية وامي تهز بيه
وتاخذني بعضنها انتهيت على هل حال انتهيت
كوابيس ، رعب مابعده رعب هدمني واخذ حيلي.
وبليلة من اليالي ماتحملت الكوابيس واصوات
عمامي والضرب والتعذيب والذل تعبن گلبي
فقدت الوعي بين ايد امي وما صحيت ولا اعرف
شصار اسمع امي تصيح بأسم ضليل
وعيت وانا بالمستشفى واجهزة هواي
حواليه صوتها عالي ، فتحت عيوني بصعوبة
شفايفي يابسات شفت امي بصفي ابتسمت
غـاليـة : تسمعيني ؟
هزيت راسي والتعب يحاوطني ، نسيت طعم
الأكل وحتى المي تلمست ايد امي خليتها
تحضني بدون ما انطق بحرف .
دخل ضـلـيل انقبض گلبي ما التفتت حتى
ولا هوَ نطق دخل الدكتور مبتسم براحة
_ الحمدلله على سلامتچ .
غمضت عيوني شاف الفايل والأجهزة وگال
_ الحمدلله ضربات القلب مستقرة بعد العلاج
وحالات الهلع والتوتر خفت ، الأفضل ترجعوها
للبيت حتى تخفّ الأصوات العالية لأن مو بصالحها
تكون بين صوت عالي او مشاجرات احذركم
لازم ومن الضروري تلتزم بوجبات اكل صحية
فقر دمها حاد جداً جداً عدها سوء تغذية
يحتاح مراقبة مستمرة .
ضـلـيل : دكتورة وتكتب فيتامينات تفيدها
علاج فقر دم ، أكلات معينة تفيدها ترجع بصحتها .
_ اي شي اكيد .
طلع هو وضليل امي ساعدتني ارفعت راسي
المخدة مليانة شعري رجفت على منظر وجسمي
كلو مطگع لون ازرگ بقيت بس إعظام .
امي دموعها بطرف عينها مصبرة روحها حتى
ما تبچي وتخوفني ، حضنتني اول ما طلعنا
الباب شفت ضـلـيل بيده عربانه گعدت ما اگدر
اگول لا الدنيا تفتر بيه ورجلي مابيها حيل تشيلني
دفعها الى ان وصلني للسيارة نزل نفسه وشالني
ملت راسي منه وجسمي صار ينفض خوف
ودموعي طاحت ، تنفسي رجع ثگيل مثل
ما صار بليل ، ابتعد شاف حالتي مسح
على راسي ولزم ايدي يمسح عليها
_ لا تخافين مني مُـرجانـة .
_ ا…. اريدها ام.. امي اريدها .
درت على امي من صعدت نومتني على صدرها
وهوَ راح يسوقها اول ما وصلنا نزلتني امي
شفت امها تنتظرنا هي وننوس بالباب
ركضت ننوس على ضـلـيل وجدني حضنتني
باست راسي وايدي وفوتتني على بيت
بس جسد ماعندي روح ولا حياة ولا گدرت
انسى ولا أتناسى ولا اعيش ارجع طبيعي صعب .
نومتني امي على تخم ما صعدتني وغطتني
اجت نقش باست ايدي وماقبل انام بهذا حالي
سندتني واخذتني على حمام خلت كرسي
وسبحتني على مهلها ومن تشوف الأثار
بجسمي تنشف وما تتحمل تبچي وتمسح
بدموعها ، اخذت المنشفة نشفت كل جسمي
ولبستني ورجعت حضنت ايدي بين ايدها گعدتني
على تخم نشفت شعري بالشسوار حتى
مايصير ثگيل وسوته ظفيرة ، عطرتني
وامي فاتت بيدها شيش معلاگ گعدت
يمي انا شفته وبطني بقت تگلب ريحته
ما طقتها بقت تحاول رفضته جابت ماعون
ثاني تمن ومرقة ما طقته ، خليت راسي
بحضن جدتي ايدي ترجف نزلت دموعي
بلا صوت همست بصوت تسمعه
_ شلون انسى وارجع اعيش بلا خوف ؟
وهل سؤال ما لگيت جوابة اعتزلت مريت بقترة اكتأب
قليل احچي وأكلي محسوب، نسيت الدنيا كلها
وبس تمار وجماعته بين عيوني منظرهم بعقلي ذبحني
وبعد اسبوع من رجعتي رد ضـلـيل على غربية
انگطعت اخبارهم لأن حتى شاهين مختفي
وما عرفنا شلون صار بعد ما طگه ابو .
نقش …
نومت مُـرجانـة على رجلي وصعدت فوك
شفت تلفوناتها اثنينهم خلتهم عندي
وحتى الگلادة شگد تعزها خلتها يمي
نزلت گعدت على درج بيني وبين امي
مسافة قليلة ، رن تلفونها باوعت على
اسم وبنطقها خلت گلبي دگاته توصل العقلي
غـاليـة : هذا شاهين .
جاوبت بلعت ويگي استمع همست
_ يا هلا بيك دقيقة اجيت .
سدت الخط وصاحت بيه
_ ركضي فتحي الباب ركضي يگول ادگ بالباب وماكو .
جريت شالي من الباب ومشيت سريع وامي
وكفت تلملم بالمطبخ المواعين بالگاع
من زرف الباب شفته واگف التلفون بيده
ومنتظر بصف السيارة، بس فتحت الباب
تقدم مايعرف اني فتحت من كلامة
شاهين : شني السالفة شيخة فلشت الباب وماكو انتوا .
نقش : ماندري گاعدين بالمطبخ .
عين بعين صرنا انا وياه ، صفن بيه ونظراته تسولف
رفع شعره وهز راسه حتى ما نطق وتقدم للباب
ينزع بالحذاء همست مترددة
نقش : الحمدلله على سلامتك .
شاهين : وسلامتچ .
حجاها ودخل ضايع دخلت وياه من شاف
مُـرجانـة نزل راسه وراح على مطبخ
سلم على امي وجر الكرسي گعد وامي ركضت
صبت ماي شرب وتلفونه رن ظل يحچي
دقايق وامي اجت يمي تريد اطبخ بعد
بس سد المكالمة امي سدت الباب على مُـرجانـة
وكفت مقابيله لزمت ايده المضروبة ملفوفة بعدها
غـاليـة : شلون الطلقة هيچ لاحت ايدك .
شاهين : هو ضربني منا طلعت من الجهة الثانية .
غـاليـة : اتعجب على اب ماينقهر على ابنه .
_ مو ابوي ضربني زوج نبراس ضربني .
صبت استكان چاي اخذه من ايدها يخوط بي
غـاليـة : ما ادري شلون أتشكر منك .
شاهين : عليمن انا فشلان منچ والله
وخجلان من مُـرجانـة خليتهم ياخذوها بس .
طبطبت امي على ايده وجاوبته قبل لا يكمل
غـاليـة : نقش سولفت شلون فديتهن بروحك .
شاهين : هذا واجبي بعد البنات خواتي
بس ابوي واولاد عمومتو اثنين طه واخو وزوج نبراس
ونبراس وخواتها اثنين وكوثر كلهم علينا وانا وحدي .
غـاليـة : انتَ شلون عرفت بيهم وركضت على بنات ؟
شاهين : جنت طالع كوثر گالت ابوك بعده
بالمستشفى رديت وحدي روح يريدك رجعه
انا بنص الطريق خابرت على ابوي ما يجاوبني
رجعت خابرت على ابن عمه وياه گال رجعته
ابوك هوَ وبيبيتك عرفتهم وحق الله هناك
كشفتهم وضربت بعقلي رديت .
فرك وجهه بأنزعاج وكمل بصعوبة
_ خابرت على عمي ضـلـيل تلفونه يدگ بسيارتي
ناسي عندي والثاني ناسي الرقم محذوف
رديت بلا عقل خابرت على تلفونچ ماكو رد
وحق كل حرف بالقران اسوق السيارة مخبل
الشارع صار بعيد منطقتنا دخلت بيها فاقد
صيحت اول ما دخلت للبيت انا فقدت عليهم .
نقش : اول ما سمعوا صوت شاهين
كوثر صاحت بتمار ياخذوها شالوها
ختلوها بغرفة عفاف بس دخل شاهين
للغرفة مُـرجانـة اخذوها بعد .
شاهين : ليش ما صيحتي ؟
نقش : هددونا اول ما دخلت علينا كوثر وبناتها
ردت اصرخ فات تمار بيده السلاح جر
ننوس من ايدنا گال اي حس يطلع منكم
طلقة واموتها مُـرجانـة فقدت نطقها
يمه من الخوف واني اتوسل بي من
اتوسل يخافون صوتي ينسمع
لزمني بالسلاح طه كسر ظهري .
شاهين : ال***** بعده عااااايش اذا ما اموتو بيدي
انا موووو زلمة هووو وابوووووي موتتهم على ايدي .
نقش :عيوني على ننوس اتخيل يضربها تمار طلقة
بقيت الطم بلا صوت ونبراس مو افشر لزمتني
ملختني تملخ تگلي انتِ نسخة امچ
هنا فات شاهين لزم نبراس وضربها بوكس
على خشمها كسر خشمها وكوثر شردت تمار
بس زوجها نبراس من اولاد عمهم رجع
على شاهين ضربة طلقة بيده وشرد
هنا گدرت اصرخ بأسم مُـرجانـة بس بعديش .
غـاليـة : لعد كوثر منو ضربها .
شاهين : انا لزمتها وكتلتها وانعل والدي والديها
وگالت الشيخ ضـلـيل شاهين ضربني .
غـاليـة : وشنو گال ؟
شاهين : جاوبته جذابة هي كتلت روحها وحق الله
كسرت عامودها الفقري گد ما ضربتها
بوكسات هي ونبراس وهاي نبراس
هاي ثاني عملية تسويها لخشمها
بعد ما يتعدل ولا يرجع مثل قبل شوهتها .
غـاليـة : وهسة وينها كوثر .
شاهين : طلعت من المستشفى قبل لا يرد
عمي ضـلـيل منكم خليت مقتدر يروح
على بيته ودلال فوك وفتت عليهن هي
واختها ام سماهر وسماهر بليلة ظلمة
كسرتهن تكسرررررر نعلت والدي والديهمم
وشردت قبل لا يلزموني وانعل شيب
اهلهااا بعد ما اسكت منها الى ان اموتها
وابوية من الزمو اكبر شارب ما يخلصو مني
وهوَ يعرف عرررفني منتظرو يوگع بين ايدي .
غـاليـة : ضـلـيل وين مختفي ؟
شاهين : شد حزامو على صوبين ، قدم اوراق
ابوية واثبت خطفهم للدولة وصدر امر قبض
على ابوي وكل واحد وياه هذولاك لزموهم
بس طه متصوب بالمستشفى، وابوية شارد
وصدر بعد ورقة رسمية تبرأه منهم كلهم
وين ما يتواجدون دمهم ينهدر ، وطلعهم
مو بس همَّ لا عوايلهم وياهم ما بريدهم بعد .
غـاليـة : يستاهلون .
شاهين : بس طه قدم بلاغ هو واهلو ضد وارث
واخوانو يريد يسجنهم محاولة قتل ، وخلف
وفؤاد خابروا على شيخنا ضـلـيل دگ صدرو
الهم هو يتكفل بالموضوع ويسدها .
غـاليـة : شلون يسدها .
شاهين : دز عليهم گال الهم اذا الدعوة على
موروثين تظل اخلي البنية تشيلكم كلكم
بتهمة قتل مو بس خطف ، وتفاوض وياهم
سواها وحده بوحدة وراحوا تنازلوا منهم .
خلص الچاي همست بحيرة
_ اصبلك بعد .
شاهين : لا ، المهم دايخين من شغله
سمعنا خلف عمهم يريد يطلع هذا اخو
وارث شهاب اللي ضرب مُـرجانـة
ومن جهه يدافع على وارث واخوانو
وما ينعرف منو زين ومنو يحفر
اذا صارت مشكلة بفزع خلف عمهم
ومن صوب ثاني يريد يطلع هذا ال**** .
غـاليـة : وضليل شنو رأيي ؟
شاهين : يگول بس يطلع اطگه .
رن تلفونه سد الخط وسأل امي
شاهين : بس عمي شلون قبل يعترف بزواج
مُـرجانـة من وارث ويصدقون عقدهم محكمة ؟
غـاليـة : تمنيت موجود انتَ بذاك اليوم
هل وارث وگفنا على تك رجل والمستشفى ويانا
لا يتفاهم ولا يسمع من احد عصبي نار .
شاهين : جنت عبالي متوحد وفقير طلع ما ينجرع
هزت امي راسها ودگت على رجلها
غـاليـة : صوته هز المستشفى يصيح
شلون تخلي يخطفهاا وين جنت انتَ
نايمممممم ويصررررخ نااايم انتَ
تحلمممم جنت تحلممممم ، والشيوخ
يلزمون بي وهو يعبر بيهم يريد يوصل
الضليل ومنا انتَ تعرف عمك لسانه
محترم يحچي وهذاك تقوم قيامته
مو ما يخلونه الشيوخ يوصل راح
ينادي على امن وجابهم يتهادد
وصوته راح بگد ما عيب وصرخ .
شاهين : واخوانه ؟
غـاليـة : وياه شيگول يصيحون كلامه صح
وهذا اخو لابس عسكري هذا ما ينجرع
ردت الزمه اكتله لو ما ضـلـيل يصيح
اطلعوا بس تصير زينة ناخذها لو تموتون
بعد خيالها ما تلمحون الخيال .
شربت امي ماي وكملت
غـاليـة : واحد عود يدافع ويصيح
من عدنا لزمه هل وارث گطعه تگطع
يگله كلكم مووو خوووش ، وهو
وضليل خزونه ودخلوا شيوخ وعالم
گعدوهم وهذا قافل ياخذ مُـرجانـة
عاد ماعندي حل غير انا افهمه
بس شنو بعديش فوت هذا ابن عادل
وعادي اخذوها سجن ، ويهدد يگله
تفكر تاخذها ارد احرگ بيوتكم .
شاهين : حجيتي وياه ؟ وعمي قبل ؟
غـاليـة : ولا قبل وعلي راد يموتني ، بس
خفت لا صدك يسويها هذا وياهذ بنتي
رحت عنده ضـلـيل تخبل حجيت وياه
واني من خوفي گلت
” معليك بيهم انا اقبل ازوجك بنتي ”
شاهين : اگول ليش عمي ضـلـيل يگول
حجي نسوان مو كلامي هذا .
غـاليـة : شنو قصده ما يزوجها لوارث ؟
_ اعتقد لا .
غـاليـة : ليش ما ينطيها ؟ اني اريد وارث
لمرجانة بنتي اصلاً ماكو زلمة يستاهلها غيره
غير استقتل عليها ووصل روحه واخوانه للموت
الخاطرها ، وگف عشيرتكم وعشيرته تك رجل
فر زلم المستشفى فر والله والدكاترة
كل شوية مخابرر واحذ من جماعته يجي
الى ان حياها ، مُـرجانـة جانت ميته والله
عاشت بمعجزة وهل معجزة بفضل وارث
ويجي يگول لا شنووو هو لاا والله مُـرجانـة الوارث .
نقش : واني اريد زوج اختي وارث
رأيي من رأيچ يمه ، والله خوش نسيب .
نزلت راسي من طگني خزره ونهض
شاهين : الله يستر .
غـاليـة : ها خاف بعدك ناهي عليها ؟
شاهين : ههههههه دخيل محمد وين اكو ناهي
على بت متزوجة غير اريد أسكتهم هل حيوانات
لو نرجع على حقيقية مُـرجانـة اخيتي مثل ننوس .
غـاليـة : ادري بيك والله .
شاهين : هاي امانة كفلني شيخنا اوصلها
يگول هي تعرف وين تخليها .
اخذت امي جنطة صغيرة بيدها فلوس
وهذا وصل للباب يريد يفتحه
غـاليـة : وين رايح .
شاهين : ارجع للغربية .
غـاليـة : ليش بات اليوم هنا وباجر ارجع .
شاهين : لا والله عندي شغل باجر لازم ألتحق .
وصل الباب الشارع امي راحت وراه
غـاليـة : شاهين .
_ هلا .
_ كوثر وين هسة ؟
شاهين : عمي طلگ نبراس من زوجها بعد
ما نزل بيهم هاي الورقة مال براءة منهم
وبس دلال ونبراس وكوثر بالبيت .
_ اخذني وياك .
_ شيخة استري علينا ، هو صح عمي مشتاق
تتعاركين جدامو وتسحليهن ، بس انا اخذ حقهم والله .
_ اذا انتَ ما تاخذني اخلي خالي يوصلني للغربية .
قفل ما قبل ومن شافها هي هم قفلت سألها
_ شنو تسوين غير افتهم .
_ اريد اكتل نبراس اعلمها شلون تمد ايدها
على بناتي اريد اخذ حق بناتي منهن .
شاهين : خليها علينا وحقهن بهل شارب يرررد والله يرد .
عافها وسلم وطلع بدون ما ينتظر ولا يلتفت
رجعت للبيت اول ما دخلت شفت مُـرجانـة ماكو
مشيت سريع وصحت بصوت مسموع
_ يمههههه مُـرجانـة ماكوو .
صعدت اركض فوك لگيتها نايمة بفراشها
وبيدها علبة القلادة ابتسمت ، من دخلت امي
ضمتها خايفة ، بقت امي يمها دقايق
سألتها اذا تحتاج شي طمنتها خليتها
تنزل وبقيت گاعدة بصف مُـرجانـة
حسيت وعرفت تريد تحچي وتخاف مني
نقش : آليوم واخيراً تذكرتي الگلادة .
مُـرجانـة: مو خفت من شفت شاهين تذكرت .
_ الگلادة شعليها ؟
_ من اخاف اتذكر وارث هاي ذكرى من عنده .
مسحت على راسها وبستها بخدها
نقش : تريدين تخابري ؟
مُـرجانـة : تقبلين ؟
_ هههههه تأكدت زواجكم حقيقي طبعاً اقبل .
_ اخابره هسة .
_ بكيفچ .
_ اي حبابة .
رحت على كنتور طلعت التلفون الجديد مو القديم
گعدت متحمسة بس الدوخة ما تخليها حتى
تفرح نزلت جسمها تعبانة ورجعت نامت
طلعت رقمة وشفتها خدودها صاروا طماطة من الخجل
گرصتها من خدها وهمست قبل لا تخابر
نقش : راح اگول لماما نمتي ، ونكمل شغلنا اني وياها
لا طولين بالمكالمة ماشي لا انوب امي تصعد ديري بالچ .
حركت راسها بـ” اي ” متحمسة عفتها
وسمعت صوت رنّ المكالمة وصوته الخشن قبل لا اطلع .
مُـرجانـة ..
رن رن رن وگلبي دگ دگ دگ خفت حسيت
روحي راح اتخربط من سمعت صوته يگول
_ الووو .
رديت وصوتي يرجف هو وجسمي
مُـرجانـة : وارث .
جاوبني بعصبية
وارث : بلااا وارث بلااا نعال حمام وين جنتي ؟
غمضت عيوني وعضيت شفايفي
وارث : احچي وياچ ما تگولين نعال ينتظررررني
گلبه نااااار تلفووونين عندچ بعددد شسووي
اجيب ابو اسياسيل يمكممممم يذكرچ تخابرين .
غمضت عيوني حيل من رجع عاط
_ احچي فحمتي گلبي حاجيني .
مُـرجانـة : خوفتني .
_ مجلوووط انا مجلوط من هل فهاوة
والنسيان انتَ ثلچ واناااا مشتعل نااااار مُـرجانـة .
نزلت دموعي طفيت المكالمة منه غلقتها بوجهه
خابرني ما جاوبت رجع خابر ما رديت دزلي
” جاوبي راح اجي البغداد اذا ما تجاوبيني وعلي ”
بعدت التلفون طلعت المكالمة طگيت صورة
لوجهي هو تعبان بس همزين ابيض
ودموعي من نزلوا صارت عيوني الجفن احمر
دزيتها شافها بنفس الدقيقة واختفى خفت
لا انوب داخ وتخربط وما عنده علاج خابرته
جاوبني صوته مبحوح مدري شبي همست
_ عادي نتصاحب ؟
سمعت طگت الجداحة والباب انفتح همست
_ وارث .
_ نبضات گلبه .
_ زعلان ؟
_ شصاير بيچ مُـرجانـة گلبي والعباس
گلبي هسة ملخني لو ما شايفچ احسن
احس اريد اروح اكتلهم وعلي اشرب من دمهممم .
عدلت گعدتي وشعري احس مكفوش جاوبته
_ صرت مو حلوة ؟
خفت من الجواب بس بقيت انتظر دقيقة ورد
_ مُـرجانـة انتِ احلى بنية شافتها عيني
بس انتِ تعبانة آجي اخذچ ؟
هزيت راسي عبالك يشوفني وهمست
_ لا اريد امي .
_ زين اجي اخذچ للدكتور ؟
_ اخذوني ونمت مستشفى وشربت علاج
بس گال الدكتور لازم اكل اني ما اگدر بلاعيمي
ما تبلع اكل ، وبطني ما تجوع ابد ابد ما تجوع .
وارث : اي اعرف شفت التقرير الطبي مالتچ
صار عندچ سوء تغذية بطنچ ما تتقبل أي اكل .
مُـرجانـة : گلبي يدگ سريع من اسمع كلامك راح اروح .
وارث : لااااا وين بعدني حتى ما مسلم .
_ مو اخاف اتخربط .
حجيتها ولزمت راسي ونزلت على مخدة
وارث : اريد تصيرين زينة حتى نتزوج .
_ على حب ؟
_ انتِ ناصبه عليَّ ؟
_ اتزوج على حب ، ونقش هم تحب تريد
تتزوج على حب واني هم اتزوج على حب .
_ اي واحنا هم على حب .
_ لازم احچي هواي وياك واشوفك هم هواي
حتى تصير بيناتنا علاقة حب وبعدين زواج .
سكت ولا يحچي لدقايق وجر نفس
طويل ورجع ذب نفس اطول وگال
وارث : اني وياچ قصة حبنا غير تختلف احلى
من قصة حب امچ واختچ وكل هل دنيا
مميزة وبدر الهواشم مميزة اول لقاء بيناتنا
جنتي دخيلة عندي وانا جنت مستغرب و..
مُـرجانـة : تذكرت جنت تحبسني بالغرفة
وتقفلها عليَّ مثل المجرمين ، وتذكرت بس
جنت تنطوني اكل مرتين وتطلعون ركض
عبالك بيه مرض موعدي .
وارث : مو جنتي غريبة عليَّ قابل ادگ وياچ حنچ .
مُـرجانـة : جنت متوحد مثل ما يگول عمي ضـلـيل
عبالك بيك توحد ، انوب اني هم صار بيه توحد
فوكاها اخذتوني على بيتكم الچبير واول ما فتت
عبالك اني بگت اطفالك واني جنت احميهم من العركة .
وارث : سدي الموضوع ، اني مني الغلط فتحت الموضوع .
مُـرجانـة : وتذكرت من سجنتني بالغرفة الصغيرة
انوب اجيت حجيت على اخوانك وهددتني تموتنيً
اذا احچي اسرارك ، والله اني لليوم ولا حجيت.
وارث : بعدين حبيتچ ودخلتي گلبي
وعقدنا وتزوجنا واخذوچ مني ومنتظر ارجعچ عندي .
مُـرجانـة : تحبني ؟
وارث : من اشوفچ .
_ اي .
_ أعلمچ شلون احبچ .
_ شلون تعلمني يعني .
_ مشتاقلچ وحگ علي طاگ گلبي عليچ .
سمعت صوت برا طبگت الخط بوجهه
وخليت التلفون تحت المخدة ، وكفت بصعوبة
ورحت على حمام غسلت وجهي وسمعتهم
يشتغلون بعدهم ، رجعت للغرفة اريد أخابره
اخاف يظل باله عندي غفت عيوني غصب عني
ونمت نومة طويلة الثاني يوم گعدت .
اول ما فتحت عيني صار وارث بعقلي وتذكرته
جريت التلفون نقش نايمة بعدها ، شفت
24 مكالمة و99 رسالة بلشت بيها من البداية
عباله تخربطت لو احد داخل وشايف التلفون
كاتب ” مُـرجانـة شبيچ ”
بعد دقيقة كاتب ” بس ريحي گلبي وينچ ”
بعد خمس دقايق كاتب ” بيچ شي اجي لبغداد ؟”
ورسائل كلش هواي وطويلة وبعدني ما خلصت
سمعت صوت الباب الخارجي يندگ فزيت
وگلبي علمني فاتت امي مخروعة وصاحت
_ نقشششش ولچ نقشششش .
نقش : ها يمه .
_ ولچ ام وارث هناااا اگعدي .
_ يا وارث ؟
_ ياااا ولچ وارررث واررررث .
جحظت عيوني اباع عليها بصدمة من شافتني
گاعدة اشرت عليَّ وصاحت على نقش
_ غسلي هل حلوة وبدلي ملابسها
وساعديها تنزل خطية اجت الخاطرها
هل طريق الطويل كله وياها بنات اثنين .
كمزت نقش من مكانها وامي نزلت ضربتني
بخفه على على راسي وغمزت
_ شسويتي ولچ وسحلتي وخليتي
يسحل امه والعائلة وطر طريق الغربية
كله البغداد واجه .
مُـرجانـة : شسويت نمت والله .
لزمتني من ايدي تساعدني اوگف
اول ما وگفت اجتني دوخه سطرتني سطر
رجعت على مخده ونزلت دموعي مقهورة
_ تعبت من راسي وهاي الدوخة نقش
شوكت تروح وارجع اتحرك مليت .
_ حسبي الله عليهممم ترجعين والله
تعالي اوگفي على اقل من مهلچ .
حضنتني وگلبي صار ريرفرف من سمعت
صوت ملِكه اريد اطير وانزل يمهم اشوفها
نقش تغسلني والضحكة ما فارگت وجهي
_ ملِكه موجودة شايفة هاي شكد حبابة وتحميني .
احذتني على غرفة وبعدني اسولف بيها
بدلت دشداشة قصيرة مرتبة على جسمي
صيفية جديدة شفت اكو اثار طالعة استحيت
_ اريد غيرها ، لبسيني شي يغطي جسمي .
طلعت دشداشة ثانية لبستها ورتبت وجهي
عطرتني بكل اهتمام حضنتني ونزلتني
اول ما شافتني ام وارث وكفت على طولها
واجت هي بخطوات سريعة حضنتني لمتني
بين حضنتها تبوس بيه واني حضنتها
شگد اشتاقيت اشوفهاا واحچي وياها
ابتسمت من شميت بيها عطر وارث
وامي گعدة بصف ملِكه اللي صارت تبچي
واجت اخذتني من ام وارث تبوس وتحضن .
صدت عيني على ميمونة رحت عدها وهي وگفت
حضنتها وحضنتني وهمست
_ خفت عليچ هوواي .
ميمونة : گالوا بيوم الخطف حجيتي .
_ هههههه اي من الخوف .
اخذتني ام وارث گعدتني بصفها
ونقش فاتت سلمت عليهم وطلعت
هي وامي للمطبخ ، لزمت ام وارث
وجهي مقهورة وباست راسي
_ سوده بوجهي شصاير بيچ .
ملِكه : هاي عود الطريق كله يعلم بيها .
مُـرجانـة : شبيه مو حلوة .
ملِكه : ولچ الخايسة غير تخبلين غير
هذا البرا سحل العائلة علمووودچ .
ام وارث : چا انا اريد اعاتبها ليش يمه
تنسي وما تخابري تخلي معلعل لا ليلة ليل
ولا نهاره نهار اسألي البنات .
مُـرجانـة : والله مريضة بالقران .
اخذتني بحضنها باست خدي وهمست بأذني
_ هاي من وارث .
_ هوَ زين ؟
_ منتظر ترجعين وتلونين حياته .
_ برا وارث ؟
_ اي برا .
دخلت امي بيدها السفرة وام وارث صاحت
_ يا يمه صدك عود احيت اشوفها والله
ام نقش عيوني قابل اجيت اجربكم .
غـاليـة : اعرف الطريق شگد يجوع الواحد
ويسحن الروح صبيت الأكل قبل الضيافة .
اجت نقش ترتب بالسفرة وامي وياها
وننوس تتگلب بحضن ميمونة وملِكه
وتدلع عليهن ، رفعتها ملِكه ادغدغ بطنها
وهي خربت ضحك خلتنها على رجلها وهمست
ملِكه : كون اول بطن بنية اجيب بنفسي والله .
مُـرجانـة : اوي حامل ؟
ام وارث : اي من الحياطين والعركات .
ملِكه : الفاهية على زواجي الجديد بعد الطلاق الشريف .
كملوا السفره وقبل لا يگعدون امي شالت
صينية وبصوت مليان هدوء گالت
_ عيوني ام وارث تعالي ويايَّ دقيقة .
اخذتها هي والصينة طلعت ام وارث
شوية وگلبي حسيته تخربط من سمعت صوته
صرت اطبش بمكاني اجت ملِكه جرتني
من ايدي فتحت البردة وصاحت
_ هاچ شوفي زلمتچ .
بعفوية همست
_ الله شگد جنتل مان .
ميمونة : ههههههههه تغزلي بأخوية بدون خجل .
نقش : بكيفها زوجها ههههههه .
سكتنا كلنا نستمع للكلام سلمت
امي عليه وبكل ثبات تكلمت واحترام
غـاليـة : شلونك ابو منو ؟
وارث : بخير ، بعدني وارث .
غـاليـة : بعدك ما معترف بالأطفال ؟
بعد عيونه عنها وسكت لثواني وغير الموضوع
وارث : شلونها مُـرجانـة ؟
_ مريضة بعدها .
ذب مفس واستمع لكلامها
_ اعذرني صعب أفوتك والبيت بس نسوان .
_ معذورة ام الغالية .
قدمت الصينية رافعه حاجبها وكملت
غـاليـة : اتفضل ، واعذرنا على تقصير .
هز راسه اخذها منها وابتعد والجو مشحون
خليتهم ياكلون وصعدت فوك ، طلعت التلفون
وهمست بخجل اول ما رد على مكالمتي
_ زعلت ؟
_ ما ازعل من امچ .
_ ليش ؟
_ لأن تحبچ وحقها نخاف على بتها .
_ ترا والله امي مو خبيثة ؟
_ اي مبين مو خبيثة .
_ شلون مبين ؟
_ عدها شفايف متروسة ، مو مال مسمومات .
وسعت عيوني مدهوشة بجرأته وايدي
خليتها على شفايفي انذهلت بعد
مُـرجانـة : شگد عيب عليك .
_ ليش ، شسويت ؟
_ شلون تحچي هيچ على امي ؟
_ ما حچيت بس اني عندي منظور
يگول العمه اذا عدها شفه هاي زينة وياك
واذا ماعدها راح تسود عيشتك وعيشة اهلك .
جر نفس واني بعدني بصدمتي گال
_ ولو هي دگتني بسمار بعد السلام مباشر .
_ صدك جهالك شلونهم ؟
_ زينين .
_ عندك ؟
_ لا عند زهرة بعدهم .
عوجت شفايفي مو راضية ابد الخايسة اكرهه
_ اذا نتزوج .
_ اي .
_ اني اربيهم .
_ هههههههه .
_ شنو ؟
_ مُـرجانـة هوَ انتِ وحدچ تحتاجين اهتمام
ورعاية خاصة يا تربية بعد هاي .
_ عادي اتعلم .
_ تتعلمين بيهم ؟
_ راح اطنگرررر طنگوره من هاي الزينة .
ضحك بصوت عالي كلش عالي احس جسمي
تخربط من الضحكة گعدت بلا وعي عضيت شفتي
_ ضحكتك .
_ فداچ .
_ تسوي خفقان .
_ ههههههههههه .
سألني على بارحة وجاوبته سلمت وسديت
الخط نزلت يمهم ، اخذت ملِكه ايدي گعدتني
بنصفهم بينها وبين ميمونة من ياكلون ويسولفون
يصير عندي واهس اكل وامي كل شوية تشمر قنبلة
ام وارث : والله ريتها تنطيها ترد ويايَّ
بعيني وعلي بعيني اخليها انا وارث .
غـاليـة : ام وارث عيوني انتِ والله هذا حبچ
واحترامچ البنتي على عيني وراسي بس
يا گلبي بنتي لا هنااا گادرين نحميها
واحب اذكرچ عدكم هم صعب تحموها
ترا بنتي رجعت مشرحيها تشرح .
خجلت ام وارث واكتفت تهز راسها وسكتت
وملِكه ونقش صارن يلملمن بالكلام
ويلطفن الجو بعد ما توتر ، وبنص گعدتنا
وكلامنا رن تلفون ميمونة طلعته وهي
مبتسمة على كلام وضحك ملِكه ونقش
اختفت ضحكتها وطبگت حاجبها بأنزعاج
ونطقت بحيرة وهي تفر التلفون وتهمس
_ هاي شسمها ام بيرغ تخابرني .
ملِكه : اوووع شعدها .
ردت واول ما ردت البنية صگت وعيونها فتحتها
بكل فوتها فتحتها عبالك طعنتها بسچين
وبعد كل ثانية تمر البنية ينخطف لونها
ضربت على صدرها مخنوگة مرعوبة
ملِكه : اسم الله شبيچ ميمونة .
ميمونة : مابيه شي بس يلة نروح نرجع .
غـاليـة : لا انتظري بعد وكت ، شنو ما حبيتينا .
ميمونة : لا والله تدخلون الگلب وينشرح بسوالفكم
بس ردت ارجع للبيت امي مريضة .
لمت السفرة نقش وملِكه وياها ويسولفن
متوالمات نفس السان والإهتمامات والعقل
قدت ام الچاي والكعك وضحك وسوالف بيناتنا
وقبل لا يختفي النهار سلموا وراحوا
وما جنت اعرف شنو ينتظرنا وشنو عواقب
هل زيارة ولو اعرف فلا اخليهم يروحون
مستحيل اخلي وارث يروح ويعوفني بوسط دمار .
بعد 52 دقيقة بالضبط بعد روحتهم رجع
الباب يندگ ، جرت امي شالها وقبل لا تطلع همست
_ خطية بس لا البنات نسوا شي من اغراضهم .
رحت على شباك وياريت ما تحركت ولا رحت
ريتني خسرت حركتي قبل لا اخطي واشوفه واسمع
صوته ، حسيت الهوا صار ينسحب من جسمي
ورجلي تنمل وتنشل اول ما امي سألت
_ نعم اتفضل منو حضرتك ؟
رد عليها وعلى ملامحه ابتسامة تحمل نية مبطنة
_ انا شهاب ساجر ال وارث شيخة غـاليـة .
يتبع …
الفصل التالي اضغط هنا
يتبع.. (رواية الموروث نصل حاد) اضغط على اسم الرواية لتجد الفهرس كاملاً بجميع الفصول.