رواية القسوة تشع من عيناه – الفصل العشرون
بارت 20
صحيت شفت مياسه ومهاب كاعدين يباوعون بالتلفون ويضحكون ومن سمعوني اون رفعو راسهم اثنينهم كام ؏ حيله مهاب اجاني الضحكه شاكه حلكه اول مره اشوف ضحكته بعد موت عباس الله يرحمه حضني يبوس براسي
مهاب :- جبتيلي بنيه ترف ولج تجنن يالله مايخلونها يمي اخذوها الغرفه الخدج صغيرووونه مثلج ناعمه خشمها هلكدوته بكد خشمج الحلوه وشفايفها اخ بويه شفايفها تجنن فديتها هيه وامها
مياسه :- اخذ نفس خويه تتربه بعزكم ان شاء الله الف مبروك
ترف :- وين ورده
مياسه :- يم الجهال بالبيت ويمهم فاطمه لا تخافين عليها
مهاب بردت ملامحه من شاف رد فعلي ومياسه تباوعلي مستغربه درت وجهي ساكته
ورا شويه ودخلت الممرضه خلت الطفله بحضني ناعمه بشكل مو طبيعي بعدها قطعه دم حمره
هاي منو وليش اني ولدتها وليش اني راح اصير امها راح تكبر او تموت زين من تكبر تعيش العشته لو راح تلكه عائله سعيده تحبها وموفره الها كلشي
مياسه :- والله لو امي مامتوفيه جان هلهلت
شلتها من صدري مبعدتها عني
– اخذيها لعبت نفسي
مهاب ضرب كصته بيده وابتعد يستغفر ومياسه بهتت ملامحها اخذتها بسرعه مني خايفه اشمرها
مديت ضهري عيني بالسكف مامهمته
مياسه :- لازم ترضعيها
ترف :- ايععع
مياسه :- يلا يمه يلا حبيبتي خطيه بنيتج هاي هيه شعليها بمشاكلكم انتِ وابوها خطيه باعيها جنها لعابه
ترف :- هوَ مو يحبها خلي يرضعها
مياسه :- يا شلون حجي هذا بالله ، صدك تحجين كعدي يمه كعدي رضيعها بس شويه حرام عليج ترا
ترف :- والله ماريدها وخريها
مهاب :- ترف بويه
ترف :- والله ماااا ما لا تحاجيني لو تموت لو تكتلني ماريدها سمعت لو لاااا
الطفله صرخت تبجي غطيت وجهي وسديت اذني حيل
ترف :- طلعوها انعل عشيرتكم كلها طلعوها ولد النعال والله مو بنتي هاي والله جذابين ما ولدت ماتت ابطني اتجذبون عليه الله ياخذ عمركم
مياسه :- لا اعتقد هاي بعدها فاصله ماصحت من البنج
اخذتها للخدج ومهاب طلع من الغرفه بعدت الغطه عني روحي لاعبه شجاي اعيش وشجاي اشوف وشنو هاي المشاعر الجاي اعيشها يارب اخذ هاي الروح وخلصني من كل هذا العذاب
بعد محد اجه لمن غفيت وفزيت ؏ كابوس مرعب وبعد مانمت نهائيًا لحد ان انفتح الباب ودخل مهاب اتقرب عليه ونام بصفي يحرك ايده ؏ خدي بهدوء
مهاب :- قاهرة تعبانه صحتها
ترف :- يا قاهرة؟
مهاب :- بنتي ، سميتها قاهرة لخاطر عيون عبيس حتى اضل اذكره كل ما اصيح باسمها
ترف :- وليش هذا الاسم يذكرك بي
مهاب :- تذكرين من صاحني ابو قاهر لهسه بالي مستحيل انساه كسر ضهري بروحته
هزيت راسي موافقه بعدم اهميه
مهاب :- قاهرة حيل صغيره عود جبتيها بشهرج بس مادري ليش طلعت هلكدها لازم ترضعيها بويه حتى تكبر وتتحسن صحتها
ترف :- ماريد تلعب نفسي منها اكرها
مهاب :- هوَ انتِ ياهوه تحبي
ترف :- ابوك الك***
مهاب :- ترف لا تخليني ادفرج بطنج اطلع مصارينج
ترف :- ك** خوفتني
مهاب :- اشتاقلي؟
ترف :- اكل *** جاي نتعارك ترا
مهاب :- ههههههه جا لا تفشرين بنص العركه الضغط يوكف
ترف :- شو انتَ ماتعرف تحجي هوَ يوكف لو يصعد
مهاب :- تكدرين تشيلي؟
ترف :- شنوا
مهاب :- جهاز الضغط
ضحكت ودفرته ابطنه بيدي ابتعد يضحك سحب ايدي يبوسها ويعض بيها
مهاب :- صاير يفهم الفهيم
ترف :- جلب انتَ جلب حتى تعض
حضني يبوس براسي طاير من الفرح ببنته كانما انولد من جديد بدون هموم وبدون تعلق باحد ..
كعدت الصبح الشمس بعيني داخله من الشباج خليت ايدي ؏ عيني
ترف :- يالله مهاااب
مهاب :- ها يا بعد حيلي
ترف :- نعسانه ضوه بعيوني
سحب الكرسي وصار كبال الشمس الساطعه عليه سمعت صوت طفل يبجي انفتح الباب ودخلت الممرضه درت وجهي للجهة الثانيه مقهوره
خلت الطفله ؏ صدري وگالت
– رضعيها ماما بنتج جوعانه
ما جاوبتها عافتنه وطلعت اتقرب عليه مهاب يفتح دكم قميصي دفعت ايده حيل
مهاب :- خطيه تريد حليب صغيرونه شوفيها
ترف :- خلي تولي شعدها اجت الضيم الدنيا يمكن بس تكبر تدنه نفسك عليها
مهاب :- ترررررف لا تذكرينيييي بالماضيييي تررررف يشهد الله اطكج اخليج تمشين ؏ الصراط المستقيم
ترف :- اسكتتتت راسيييي راح ينفجر اسكتتت سكتها هاااااي سكتها راح اشمرها والقران
سحبها من حضني حضنها الصدره يسكتها مبتعد عني يمشي ويهز اديه حتى تسكت واني لزمت راسي باثنين ادين ابجي انفتح الباب دخلت مياسه جانت تضحك ومن شافت وضعنه اختفت ضحكتها
ورده اجتني تركض ومياسه تاشرلي براسها شكو
ورده :- ليش تبجين بطنج توجعج؟
ترف :- تعاي طلعيني مياسه اختنكت اريد اموت
مياسه :- خيركم شكو شصاير مهاب احجي
ترف :- طلعيني ابوس ايدج طلعيني اختنكت
مياسه :- ماكدر وين اطلعج يمعوده وعمليتج شصاير حاجيني
راحت يم مهاب حجه وياها بصوت ناصي ورده صافنه عليهم مياسه اخذت قاهرة من حضنه طبطبت ؏ كتفه فرك عيونه مقهور طلع باكيت جگايره وطلع من الغرفه
مياسه كعدت ترضعها ورده راحت يمها تباوع بوجه قاهرة
ورده :- كيوووت صغيرونه
مياسه :- اي حبيبتي حلوه مثلج
ورده :- ترف شفتيها كيووت صغيروووونه
مياسه :- عوفيها ترف تعبانه خطيه
ورده :- شوكت تكبر
مياسه :- لازم تشرب حليب حتى تكبر
ورده :- اوكلها حتى تكبر لو بس حليب
مياسه :- لا يمه تختنك ماتعرف تاكل بس تشرب حليب
ورده :- كيوووت
ربع ساعه ودخل مهاب جايب ريوك اخذ قاهرة وطلع ومياسه اجت توكلني دخل مهاب سوا لفه وكعد ياكل خازرني
مياسه :- ترف لازم تنطيها حليبج ترا يخلوها بالمستشفى مايطلعوها
ترف :- شعليه بيها خلي يخلوها
مهاب :- ترررف لا تخليني اكوم اشك حلكج واخلي بي سبعين نعال
ترف :- لعد اني اخلي بحلكك مليون نعال
مهاب :- جا اني اخلي مليونين نعال تعرفين وين
مياسه :- مو كافي خلصتو نعل العراق
هد اللفه وطلع من الغرفه واني بقيت اكل ما مهتمه
ورده :- مو عيب تغلطين
ترف :- ماغلطت
مياسه :- باعي هاي الطفله شجاي تعلميها استلمي
ورده :- عيب تغلطين عمو صار ابو قاهرة صار رجال جبير مايصير نغلط عليه
مياسه :- ياروحييي ابو قاهرة يمه بعد روحي امي جانت تتمنى تصيحله ابو فلان ياريت هسه موجوده والله محتاجيج ييمه بعدنه ماشبعنه منج
ترف :- حتى اني الله اعلم شجانت امي تتمنى تشوفني من اكبر بس حرمتوها حتى من شوفة عرسي حتى بدله بيضه حالي حال البنات مالبست سحلني من بيت اهلي البيتهم انتو هلكبركم وتكولون محتاجيها وماشبعنه منها جا اني شكول ورده شتكول؟
مياسه :- الله يرحمهم
دنكت ساكته تدري باخوها غلطان بقينه اكثر من 3 اسابيع بالمستشفى وطلعنه للبيت مياسه ويانه بكل وقت ماعافتني وحدي دخلنه للبيت لكيت ام سلام وكرايبه وفاطمه يستقبلونه
حيل فرحو بيها الكل يريد يشوفها راحت باحضانهم كعدتني ام سلام يمها حضنتني وباستني واني ساكته لا ضحكه ولا فرحه صافنه عليهم شلون فرحانين بيها
ام سلام :- الف الحمدلله ؏ سلامتج يمه تتربى بعزكم ان شاء الله تشوفيها عروسه
اكتفيت بابتسامه بقيت شويه يمهم واجه مهاب كومني للغرفه وراح جاب قاهرة وكعد يمي يحرك اصبعه بهدوء ؏ خدها فزت تبجي قربها يمي
مهاب :- حضنيها بويه
شبكت ايدي ساكته صافنه بالفراغ
مهاب :- حبيبي
ترف :- انتَ احضنها
مهاب :- بروح امج اخذيها ترف والله خطيه ترف ماعرفتج هلكد گلبج ميت بنتج هاي منو الها غيرج تردين تعيش العشتيه خطيه عليج الله اخذيها
تنهدت واخذتها بحضني حضنتها اباوع الوجها دقايق وسكتت اباوع ؏ حركات حلكها وعيونها التغمضهن وتفتحهن بهدوء
كمت ؏ حيلي امشي بهدوء مهاب خاف ركض وراي
– وين وين
وكفت گبال المرايه باوعت الشكلي واني شايلتها وگف مهاب وراي ايده حاوطتنه مبتسم بفخر
غمضت عيني هادئه كلشي انعاد بذاكرتي ياربي دخيلك لو تنسيني لو تاخذ روحي شلون راح اعيش ويا وأمن ؏ هاي الطفله وهوه جان يكلي ، احب جسمج الطفولي
دخيلك ربي صبرني يا تاخذ روح هاي الطفله يا تاخذ روحي يا تبعدني عن مهاب دخيلك ربي اسمعني بس مره بس مره وبعد كلشي ما رايده منك ..
الفصل التالي اضغط هنا
يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.