رواية القسوة تشع من عيناه الفصل التاسع عشر 19 – بقلم الكاتبة زهرة

رواية القسوة تشع من عيناه – الفصل التاسع عشر

بارت 19

بعد 3 ايام ع فاتحه خالتي ام رأفت الناس كلها راحت البيت هدوء حتى اخوات مهاب راحن حرفياً البيت احسه صار فلم رعب من كد الهدوء

 

الاضويه كلها مشتغله بس احسه اظلم غرفة ام رأفت مقفوله وتخنك كل ما اخلي عيني ؏ باب غرفتها گلبي ينعصر

 

مع انُ هيه هم جانت تضوجني بس مستحيل انساها ..

 

كاعده بالصاله ورده نايمه بالغرفه البيت مايسوه شي بدون ام رأفت مهاب كاعد ؏ تخم مرخي ضهره ورافع راسه يدخن عينه بالسكف ودموعه تنزل ؏ اذنه

 

تذكرت كل السواه بيه تذكرت موت اهلي والاغتصاب والتعذيب كلشي كلشي اجه على بالي بلحظتها ضحكت وحجبت مستهزئه ..

 

ترف :- خطيه امك ماتت

 

مهاب :- تشمتين؟

 

ترف :- مو بس اني اهلي ماتو حتى انتَ محد بقالك باوع البيت شلون فارغ راحت امك

 

كام ؏ حيله ابتعدت اسوي نفسي ما خايفه اباوع ؏ الكاع بعد اخاف ارفع راسي كعد بصفي وخله راسه ؏ رجلي يسحب ايدي يبوس بيها ويخليهن ؏ عيونه واجات نار

 

مهاب :- امي ماتت ترررف اسف سامحيني والله راح اموت من العذاب ما مرتاح ابوس ايدج كولي سامحتك كتلني التفكير ترف

 

ترف :- ما اسامحك للموت حتى بالاخره من تجي تطلب مني السماح ما اسامحك واخليك تتعذب بنار جهنم عبالك السويته بيه هين ، لا والله عند الله عظيم حتى لو اني سامحتك ربي ما يسامحك

 

مهاب :- هم أذيتج هاي الفتره هم ضربتج ليش ما تسامحيني اعترف السويته اكبر غلط بس جنت مو بوعي ماعندي عقل ، اريدج ترف والله اموت اذا عفتيني

 

ترف :- ههههه والله اعوفك واخليك تتعذب وحدك

 

دفعته عني وكمت ردت اروح للغرفه والتفتت اله

 

ترف :- تذكر شلون ماتو اهلي؟ تذكر من ما واسيتني ولا حضنتني ، اي صح حضنتني بس بشهوه اول يوم الوفاة امي وابوي نمت وياي ولا اهتميت ومن لبست اسود شكيته عليه وشمرت كل ملابسي السود

 

– وهسه جايات اخواتك يكللي لبسي اسود لو تموتون ما البس ، عبالك انسى لا عيني مو ترف التنسى ما انسى الايام السود العشتهن وياك اتذكرهن لقطة لقطة كانما فلم معروض كدامي

 

ساكت ما جاوبني يستمعلي عفته وصعدت للغرفه ورا شويه وانفتح الباب ودخل مهاب اتقرب عليه دفرني ؏ جربايه وتقربلي ولا كانما صارلي ساعه افرفح كمل وابتعد عني يلبس ملابسه

 

مهاب :- يلا **** وامي ميته شصاااار؟

 

سكتت اجر ملابس البسهن راح لكنتوره طلع قميص ابيض ولبسه

 

مهاب :- يلا لبست الوان بعد شتردين شسويت بيج من اهلج ماتو كليلي

 

بقيت ساكته عيني عليه تمدد ؏ جربايه يدخن جگاير وحده ورا الثانيه عفته وطلعت من الغرفه نمت بالصاله مالي خلك حتى اباوع بوجه

 

الايام تمر ومهاب تزيد حالته يقفل الغرفه عليه ويكعد وحده ساعات طويله وحتى اخواته من يجن يطلع من البيت صدفه اشوفه ياكل وجه شاحب لا يجادلني ولا يتقربلي تاركني وحدي شسوي اسوي

 

دنيا الليل واكفه اسوي عشه ومهاب نايم بغرفة امه طلعت صحت ، منو

 

عباس :- انه انه مهاب موجود

 

ترف :- اي هسه اصيحله

 

دخلت وكفت باب الغرفه نايم ؏ جربايتها وحاضن شيلتها يشم بيها
– صاحبك بالباب

 

ما جاوبني عفته ورحت اكمل عشه دقايق وطلع طبك باب المطبخ ؏ الحوش وراح فتح اله الباب دخله للاستقبال اجه اخذ مي وخله قوري الجاي ؏ طباخ

 

استوه وصبيتلهم رحت يم باب الاستقبال وكفت اتصنت الهم

 

عباس :- مهاب اني عبيس الضحيتلها سنين امي تتوسل بيه اتزوج حتى تشوف مرتي وجاهلي قبل لا الله ياخذ امانته اسم الله عليها واني رافض اله هيه وبالاخير تجي ادزلي مقطع هيه وخطيبها تضحك تبوس بي ليش اني شسووويت شمسوي حتى هيج تجازيني

 

– يشهد الله من شفت اخوها هيج لازم البنيه عقل ما بقى براسي شلون تردوني اسكت انه مو زلمه اذا غلست يعني همه قانعين بالسواه ابنهم حتى بعد ماينطوني مره

 

– مهاب يشهد الله اذا صارت صدك وشفت زفتها اكتل روحي يشهد الله هيه تطلع زفتها من بيت اهلها واني يطلع تابوتي من بيت اهلي

 

مهاب :- وحك هوَ الله اذا ما بطلت سوالف المراهقين اني اعرف شلون اخليك تبطلهن انتَ ما ملاحظ كل ما تتقدم الها يصير شي يجوز الله حابك وما رايدها الك

 

عباس :- احبها شيطلعها من گلبي كتلني التفكير بيها بس اتخيل تصير الغيري يشهد الله اموت الف موته

 

مهاب :- عبيس هوَ ماكو حل غير احبك وتحبني لان لا التحبها صارت الك ولا الاحبها قابله تحبني

 

عباس :- قابل ماتحبني بس خلي اصير يمي والله اني اخليها تحبني شويه شويه بس لا تصير الغيري مهاب جاي اموت

 

دكيت الباب طلع مهاب اخذ الصينيه مني بدون ما يباوعلي دخل وطبك الباب

 

عفتهم ودخلت جوا مالي خلك كلشي لاعبه نفسي وحتى اكل ما اكل هواي اسوي اكل لخاطر ورده مو لخاطر مهاب ولا لخاطر الطفل الي بطني

 

الايام تمر واني اصير اسوء ومهاب اسوء مني يوميه مشكله واني اكون سببها مزاجي متغيررر حيل

 

ورده :- ليش تتعاركون مثل امي وابوي يعني كل اليتزوج هيج يتعاركون

 

ترف :- لا بس اني وامج اختيارنه غلط

 

مهاب :- يشهد الله النسوان راس البله

 

ورده :- اي ترف انتِ البديتي يعني انتِ الوكحه مو عمو مهاب

 

مهاب :- يابعد حلكي

 

ترف :- هوَ مو صوجج صوج اليحجي وياج

 

اندك الباب طلع مهاب فتحها شويه ودخلت مياسه كمت طايره من الفرح حضنتها حيل ابوس بيها

 

ترف :- ليش تتاخرين عليه

 

مياسه :- ياروحي عذريني والله العظيم مالحك شلونج شلونه حملج

 

ترف :- زينه انتِ شلونج

 

مياسه :- شلوني بعد ورا امي ماتكليلي شلوني

 

كعدت قدمتلها مي ورحت اريد اسوي جاي كالت

 

مياسه :- لا جاي ولا شي اجيت اخذج للدكتوره اليوم عندج موعد وادري بيج نسيتي انتِ ومهاب

 

ترف :- اتذكر بس مالي خلك

 

مياسه :- هيه بكيفج امشي بدلي خلي احاجي مهاب يوصلنه

 

رحت بدلت ورحنه للدكتوره تالي حولتنه للمستشفى لان وضعي كلش تعبان هستونه دخلنه للمستشفى والاسعاف طبكت ونزلو ولد نايم ؏ سديه محروك حرك حرفيًا طالعه عظام وجه من الحرك

 

مياسه لزمتني تبعدني واني خليت ايدي ؏ حلكي اريد استفرغ والتفت ؏ مهاب يصرخ بعلو صوته ، عبااااااااس

 

يريد يجره من السديه ويتاكد هذا عباس لو لا والولد يجرون بي وهوه عقل ما باقي براسه يصيح باسمه التفتت ع مره ادك وتلطم انتبهت الها ام عباس الشفتها بالعقد واني فاكه عيني عليهم اريد استوعب الجاي يصير

 

ومهاب فاقد يصيح باسمه
– عباااااس كسرتك بنييييه واني هيجي تعوفنييييي جا مو كتلي ماعوفك مو كتلي كبر بصف كبر مو كتلي نموت سوووه عبيسسس ياروح اخيككك شمسوووي بروحك عبيسسس ، لا لا لا عبيس مابي شي والله مابي شي هسه يكعد هسه بس اتشوه مابي شي ادري بي مايموت ويعوفني ادري بي هسه يكعد هسه خاله لا تصيحين ابنج ما مات هسه يكعد خاله يابعد امي خاله لا تبجين بعده ابنج عدل هسه يطلعو هسه

 

لحكه الباب الطوارىء ومياسه لازمتني تماشيني تريد تروح لاخوها وتستحي من الزلم العليه ماكو دقايق وطلعو نايم ؏ سديه مغطين وجه ومياسه غطت عيونها بيدها تهمس ، لا اله الا الله

 

– البقيه بحياتكم

 

ومهاب جر عباس الحضنه والدكاتره يجرون بي مايهده وخر الوصله عن وجها حرفيًا ملامحه ممسوحه باقي بس لحم محروك خله ايده بهدوء ؏ وجه

 

مهاب :- لا لا عبيسسس لا انه اخوك اكعدلي

 

– مو حلوه هاي نومتك وين وديت جمالك عبيس حركت جمالك يابعد اهلي كلهم متت وعفتني ولك عباس عفت اخيك

 

شك قميصه من الطول للطول وصاح بعلو صوته

 

– عباااااااس ليششش عفتني وين الوعد عبيسسسس شكلتلي بفاتحة امي مو كلت للموت نبقى سوه جا وين وعدك ها حبيبي ها ياروحي كسرتك بنيه حركت روحك سمعت اليوم زفتها سويتها صدك ها ياروحي سويتها صدك واليوم يطلع تابوتك ويا زفتها ليش منو يسوه فضلتها عليه ها عبيس مو اني صاحبك شلون تفضل مره عليه

 

باسه والدكاتره يردون ياخذو من حضنه ، حضنه بكل قوته وصاح
– كسرتنيييي عبيسسسس بعد ماشوفك

 

اندفن عباس واندفنت روح مهاب ويا ..

 

مهاب :- اخر مره وصاني عليج وگالي عندك صوري ما فهمته هيج جان قصده مافهمت راح يروح وتبقى بس صوره واثاره وذكرياته جان ماعفته ولا ثانيه جان خليته بروحي

 

ترف :- كلشي راح من بين ايدك شحصلت؟

 

– كل التحبهم ماتو بسببي بس مو اني كتلتهم الله اخذ حقي بدون ما اخذه بيدي شفت نهايتك وين لو ماسويت كل هذا بيه وجبتني يمك غصب جان كل هذا ما صار

 

– جان عبيس اتزوج ساره وعاشو عيشه سعيده وامك ماتوفت جان ما اجت علمودي للمستشفى واندعمت

 

– أذيتني أذيه بس الله وحده اعلم بيها هلكدني صغيره وانتي تضربني وتنام وياي وتخليني اذل روحي الك تخليني اغلط واسب واكفر واشتم وافشر بس اتمنى انسه الصار اتمنى

 

– كل ما اتعاطف وياك ينعرض مشهد كبالي وتلعب نفسي منك واضحك الحزنك اضحك شماته بيك اضحك ؏ حقي الجاي ينوخذ منك بالتدريج اضحك ؏ الجاي تعيشه والتشوفه واكول تستاهل اكثر واكثر

 

مهاب :- لا تعوفيني بس انتِ بقيتيلي ابوس ايدج لا تعوفيني اخاف ابقى وحدي منو يبقى اليه ترف انتحر اموت مثل عبيس والقران اكتل روحي محد بقالي تررررف بس انتِ لا تكسريني

 

– سامحيني أذيني بكد ما أذيتج

 

ترف :- اكرهك

 

عفته وصعدت للغرفه مستحيل انسى مستحيل لو تنطبك السمه ؏ الكاع ما اسامحه ولا انسى الماضي ..

 

بعد مرور شهرين مهاب حيل متأذي اكثر من أذيته ؏ وفاة امه حيل متعلق بعباس ومن عافه اتخبل حتى شغله بطل يروحله طول الوكت يدخن وكاعد وحده بغرفته والشيب بين عليه

 

قرب موعد ولادتي ومياسه جانت طول الوكت يمي ورحنه باليوم المحدد حتى اسوي عمليتي لان مايفيدني الطبيعي ولو العمليه تنجح لو لا

 

طول الوكت ادعي لو اني اموت لو الطفل يموت دخلوني غرفه العمليات وبنجوني بنج عام ..

 

 

الفصل التالي اضغط هنا

يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.