رواية القسوة تشع من عيناه الفصل السادس 6 – بقلم الكاتبة زهرة

رواية القسوة تشع من عيناه – الفصل السادس

بارت 6

ماكو شويه ونزلت مياسه تبجي عيونها دم ركضت السند تضرب ؏ خدودها خايفه علي وراها نزل مهاب جرني يكومني ومياسه ساكته تباوعلي

 

عتني عت للغرفه قفل الباب واجه عليه ضربني راشدي ودفرني ؏ الكاع

 

مهاب :- تشتكين مني لمياااااسه هااا ترررف

 

ترف :- بعد ماعيدها والقران والله والله

 

شك ملابسي نصين وتقربلي يضرب ويسب ومياسه ؏ صياحي كسرت الباب تتوسل يعوفني ولا كانما ولا ذره خجل عنده

 

مهاب :- حتى مره ثانيه ماتعيديها انتِ مجرد سلعه باعج ابوج اليه وبكيفي شوكت ما يعجبني اضربج واتقربلج انتِ عليج بس تخدمين امي وتلبين طلباتي مفهوووم قسمًا بالله اذا رجعتي اشتكيتي لواحد ع اليصير بيناتنا ما تعتبين اله ؏ نفسج

 

ترف :- والله ميخالف والله فهمت حباب عوفني ابوس اديك والقران ماعيدها

 

مهاب :- هاج بوسي

 

لزمت ايده بستها لعدة مرات اتوسل بي يعوفني باسني بخدي وكام يلبس ملابسه

 

مهاب :- نزلي جوا

 

كمت بسرعه لبست ملابسي فتحت الباب وطلعت دموعي عشره عشره ع خدي لكيت مياسه ؏ درج واكفه عين ورا وعين كدام اول ما شافتني ركضتلي جرتني لحضنها

 

دفعتها ونزلت جوا سند بحضن ام رافت والجهال خانسين بصفها فاكين عينهم عليه وام رافت بس شافتني تفلت عليه تخنزر بيه

 

ام رافت :- كله من وراج راس البله من اجيتي لهسه ما ارتاحيت راح تموتيني ؏ ايدج

 

مياسه :- يمه فدوه كافي مو البيها مكفيها وتجين انتي عليها شتصير هاي البنيه والله حرام عليكم حرام

 

طلعت برا بالحوش خنست بالممر ابجي وامسح بدموعي راسي صار طبل وعيوني ورمن ومحد اجاني للغده واجه ازهر

 

ازهر :- تعاي تغدي

 

ترف :- ماشتهي شي

 

ازهر :- خالو كال اذا ما اجت تتغده هيه تعرف شيصير

 

مسحت دموعي وكمت ويا لكيتهم كلهم كاعدين ياكلون كعدت وازهر كعد ياكل ويباوعلي مبتسم

 

اديه يرجفن وقبل لا ابدي بالاكل حسيت نفسي عطشانه صبيت بالكلاص ومن شلته زلك مني وكع ؏ طاوله وتبده المي واول واحد باوعتله هوَ مهاب

 

مهاب :- جلوك

 

التفتت عليهم الانظار كلها عليه ومياسه كامت جابت وصله تمسح بالمي

 

مياسه :- عادي عادي اكلي ما صار شي

 

دنكت الدمعه بطرف عيني هاي الكعده مو من مقامي ومحد راضي ؏ هاي كعدتي كوه اكل اللكمه وفزيت فاكه عيني من كام مهاب من مكانه اجه عليه ابتعدت ايدي ؏ وجهي

 

ترف :- والقران بالغلط والله مادري بي راح يوكع والله ماعيدها والله

 

سحب كرسي وكعد بصفي وخرت ايدي وصارت عيني ؏ جهال فاكين عينهم عليه اخذت النفس وزفرته مقهوره دنكت اكل ودموعي وحده سبقت الثانيه

 

انسحب من جوا ايدي الماعون التفتت لمهاب دنك ياكل بماعوني ولا كانُ

 

مياسه :- مهاب اصبلك

 

مهاب :- اششش كعدي كعدي

 

مياسه :- كومو يمه اني رايحه مع السلامه واطلع جلبه اذا بعد اجيت لهذا البيت

 

ومهاب فك عينه عليها رفع اصبعه ياشر ؏ مكانها
– اكعددددي اكعدي ترا لساني زفر والاكل كدامي كعدي اكلي وانتي ساكته معليج باليمج

 

واني صافنه بعينه معقوله اكو هيج بشر دنك ياكل ومياسه واكفه ؏ حيلها تباوعلي التفتلي مهاب يهز راسه ها

 

مهاب :- خير مضيعه شي

 

ترف :- صفاء ماسوه هيجي

 

شمر الخاشوكه وصفن بالفراغ دقايق وكام ؏ حيله وطلع سمعت صوت سيارته برا هستوني كمت وجرتني مياسه لحضنها انهرت ابجي بعلو صوتي وجهالها عايفين الاكل وصافنين عليه

 

مياسه :- تعاي ما اكلتي شي حبابه لا تبجين اكلي معليج بي هسه اصبلج غيره والله هذا مخبل لا تضوجين حبابه ليش تبجيني ترفه حبابه لا تبجين

 

ترف :- والله بطني توجعني كوه اكل وهوه يضوج بيه حبابه اريد امي اخذيني الها ماريد ابقى هنا

 

مياسه :- سوده عليه ياروحي والله لو بيدي اخذج وياي ولا اخليج هنا بس شفتي شويه حجيت ويا طلعلي سلاحه يهددني بي والله وسفه هيج اخوتي

 

دفعت ايدها وكمت للغرفه سديت الباب ونمت ابجي دموعي ؏ خدي لفلفت روحي ربع ساعه من التفكير وغفيت ..

 

فزيت ؏ صوت خطوات ؏ درج الساعه ب8 مرتاحه لان نمت انفتح الباب ودخلت مياسه طبكت الباب بهدوء وكعدت بصفي

 

مياسه :- ها ترف رايحه اني تردين شي قبل لا اروح

 

ترف :- لا لا حبابه ابقي يمي حبابه الله يخليج والله يكتلني حبابه ابقي لخاطري

 

مياسه :- والله اجيج والله العظيم ماكدر ابقى باجر دوام عدهم الجهال وابوهم مايعرف بدوني بس والله امر عليج يوميه لا تخافين

 

ترف :- شسوي اذا اجه ضربني والله اخاف

 

مياسه :- لا مايضربج حتى لو راد يتقربلج كليله تعبانه لا تشوفي هيج ترا اخوي حنين والله

 

ترف :- والله مو حنين يخوف والله مايفهمني مايفهمني كل يوم اتوسل بي يعوفني ومايسمعلي

 

اتلفتت حايره بعيونها حجي حجت بخجل مقهوره

 

مياسه :- انطي انتِ يعني لا تعاندي شيريد سوي

 

ترف :- ما ما ما يوجعني

 

مياسه :- هسه اذا اجه اني احاجي بس والله مايضربج بدون سبب صدكيني

 

ترف :- لا ترحين حبابه

 

مياسه :- عذريني

 

طلعت واني كعدت بواجي وراها كانما امي راحت طلعت كعدت ؏ درج فوك اباوع من المحجر الهم ومن دخل مهاب صاحتله كعد يمهن

 

ام رافت تحجي ومياسه تحجي وهوه فاك رجله وكاعد شابك اصابع ايده ويهز تك رجل عينه بالكاع يهز راسه اي يستمع الهن

 

جان الحديث طويل وهوه ولا رد عليهن لحد ان كامت مياسه لفت ايدها ؏ اكتافه باسته مبتسمه مدري شتحجي ويا

 

هزلها راسه اي وكام وكف ؏ حيله يدور ؏ باكيت الجكاير بالجيوب رفع راسه لمح عيوني ورث جگاره مبتسملي

 

مياسه التفتت عليه شافتني ورجعت باوعت لمهاب تهز ايدها لبست واخذت جهالها وطلعت ومهاب طلع وراها يوصلها

 

ام رافت :- ترف

 

نزلت بهدوء هزيتلها راسي ها

 

ام رافت :- سويلنه لگمه نتعشه بيها

 

دخلت اسوي عشه وكل ما اصفن دموعي تنزل لا ارادي شبيه مو كافي هيه الحياه خالصه بطلي بجي

 

ويجاوبني شخص ثاني بداخلي ويكول طبعًا الحياه خالصه بس تخلصيها بالقهر والبجي والوجع هيه هاي حياتج !

 

ام رافت تعشت واني ماشتهي أي شي خاتله بالغرفه لحد ان سمعت صوت ام رافت صاحت

 

ام رافت :- ترررف

 

نزلتلها لكيتها كاعده بالصاله اشرتلي ؏ تلفزيون وكالت
– شغلي وطفي ضوه الصاله

 

رحت شغلته وطفيت الضوه ردت اصعد وحسيت الغرفه تخنكني رجعت كعدت ؏ تخم لميت رجلي الصدري اباوع وياها ؏ تلفزيون بقت ادور بالقنوات لمن طلعلها مسلسلها كعدت تباوع

 

لمن خلص شمرتلي الريموت وكامت لغرفتها كعدت ادور بالقنوات طلعتلي قناه افلام كارتون الابتسامه انرسمت ع وجهي تذكرت ورده بقيت مندمجه اباوع

 

لحد ان سمعت صوت باب المطبخ انفتح التفتت ارجف عيني ؏ الباب دخل للصاله شغل الضوه باوعلي ورجع طفاه راح للحمام الجوا واجه مغسل وجه وشعره منكع فاتح دكم قميصه كلهن اجه عليه يفك بالحزام

 

فتح الحزام وكعد بصفي لزك ايده حاوطت كتفي باسني والتفت يباوع للتلفزيون

 

مهاب :- شنهاي المزعطه

 

سكتت ما جاوبته سحب الريموت من حضني ودار القناه رفعت راسي باوعتله

 

ترف :- رجعه عفيه راح يكمل والله

 

صارت عينه بعيني قوه حضنته الي باسني بكصتي ورجع القناه التفتت اباوع وهوه يباوعلي مبتسم يبعد شعري عن وجهي

 

دنك ؏ ركبتي انفاسه نار مد ايده ؏ رجلي لزمت ايده حيل ابعدها

 

ترف :- عمو

 

مهاب :- ها يابعد عمج

 

ترف :- عوفني يوجعني

 

مهاب :- ماتتحملين بويه

 

سحبني كعدني بحضنه يحرك اديه بهدوء ؏ ضهري عينه بعيني

 

مهاب :- تقارنيني بصفاء

 

ترف :- لا

 

مهاب :- ومنو اليوم كال صفاء ماسوه هيجي ها عليمن يقصد الحجاها

 

دنكت راسي اكسر باصابعي شالني بحضنه واخذني للغرفه صرخت متخبله اتقربلي وصار جسمه ؏ جسمي واني اصرخ متخبله ابجي اضرب بيه

 

عافني ونام ؏ صفحه انفاسه عاليه كام ؏ حيله لبس ملابسه ونام ؏ بطنه اخذ عرض الجربايه كعدت البس ودموعي ؏ خدي ابجي اشهك

 

مهاب :- كااافي بجي

 

امسح بدموعي عيوني ما راضيات يبطلن بجي شهكت بصوت عالي ثواني وگـال

 

مهاب :- عليمن تبجين تردين اكمل؟

 

ترف :- اريد امي

 

بدأ صوت شهكاتي يعلى والغصه توكفلي بلعومي

 

مهاب :- بدلي وانتظريني جوا

 

كمت ركض بملابسي نزلت جوا واكفه باب الشارع منتظرته ؏ نار معقوله راح ياخذني لامي زين شكول لابوي اكيد هسه موجود خاف يكتلني اروح لو ابقى لا لا روحي اتحمل ضيم ابوي ولا ضيم مهاب

 

نزل فتح الباب طلعت ورا صعد بالسياره وانطلقنه البيتنه طبك يم باب بيتنه ودموعي ما وقفت فتحت الباب مفتوح التفتت اله

 

مهاب :- ليش تبجين

 

ترف :- اريد امي

 

مهاب :- هياتنه يمها بطلي بجي

 

مسحت عيوني فتح بطل مي غسل وجهي بيده وشربني من البطل شويه ارتاحيت نزل وفتحلي الباب رحت الباب بيتنه ادك بيها حيل اخاف التفت اله ويغير رأيه

 

ورده :- منو

 

ترف :- اني اني

 

فتحت الباب ورده دخلت وقفلت الباب بدون حتى ماشوفه ولا اعرف يريد يدخل او لا

 

حضنت ورده حيل كسرت ضلوعها
– ابوي هنا

 

ورده :- لا مشتاقتلج حبااابه ابقي اليوم حبابه

 

ركضت لجوا دخلت للغرفه لكيت امي نايمه وبصفها كلينس بالكاع مليان دم وهيه تكح عيونها دم

 

لميتها بحضني وهيه تخبلت ماصدكت اني يمها تشبك وتبوس بيه

 

منى :- ياروحييي ترررفه ياروحي شكد مشتاقتلج سوده بوجه الوكت اخذوج مني

 

ترف :- يمه جابني مهاب ويمكن يخليني يمج

 

منى :- شلونج كليلي انتِ شلونج ليش عفتيني ورحتي هذاك اليوم شلون هيج تسوين بيه كلبت البيت عليج ومالكيتج

 

ترف :- انتِ شلونج

 

منى :- زينه اني زينه بس كليلي وين رحتي هذاك اليوم

 

ترف :- رحت خاف يجي ابوي بس اجيت اطمن عليكم ورحت مالحكت حتى اسلم عليكم

 

منى :- والله فرحانه بشوفتج يخليج تباتين

 

ترف :- مادري ، ابوي وين شعجب

 

منى :- شكلج ييمه ابوج سالفته سالفه واخاف هذا طايحله بمشكله وراح نوكع بيها احنه من حد ما اجيتي هذيج الجيه وابوج لا شافني ولا شفته

 

ترف :- لا تخافين كلشي ماعليه هسه تلكي كبالج

 

منى :- شلونج انتِ يمه شلونها عمتج وياج

 

ترف :- ماحبهم ولا اريدهم والله يوميه مهاب يضربني

 

منى :- يمه هذا المكتوب الج صيري زينه ويا الرجال ولا تعاندي والله اني ما دايمتلج والله ايامي محسوبات والله هناك ارحملج من ضيم ابوج

 

– تاكلين تشربين ام رافت مره زينه اني اعرفها كومي شوفي ثلاجتنه فارغه هاي من رحتي لحد الان وابوج يكلي منين اجيب فلوس الراتب وراح كعدي بيت رجلج واسكتي

 

ترف :- حتى انتِ صرتي مثلهم

 

منى :- لا يمه لا بس غير لمصلحتج

 

صفنت بوجها ثواني ودرت وجهي عنها ودموعي وحده سبقت الثانيه مسحت دموعي وبقيت احجي ويا ورده احلى ربع ساعه بحياتي جانت ويا ورده احسها هستوها مولوده وفرحانه بيها

 

كمت طلعت ملابسي ودخلت للحمام سبحت براحتي لا مهاب يمي ولا اهلي بعاد عني

 

فرحتي ماتنوصف كانما طالعه من سجن هستوني جاي ابدل واندك الباب خفت لا يكون ابوي ورده ركضت للباب شويه واجت

 

ورده :- اجه عمو مهاب

 

لبست وطلعت فتحت الباب شعري ينكط مي ورموشي مبللات جان داير وجه ؏ يمينه بين اصابعه جگاره التفتلي ودفعني لجوا و طبك الباب

 

مهاب :- طبي جوا ****

 

ترف :- حباب لا تاخذني والله بعد وكت والله بس هلكد ابقى يمهم باوع هلكد والله

 

مهاب :- بربوگ سابحه

 

حصرني بين الحايط والباب اصابعه بين شعري يباوع لرموشي عدل حاجبي تقرب عليه وشفايفه احتضنن شفايفي يبوس بيهن بشوغة

 

دفعته حيل التفتت ؏ باب الصاله ورده واكفه فاكه عينها علينه باوع الورده وجرني صعدني بالسياره وقفل البيبان صعد حرك الگير يخزر بيه

 

ترف :- عمو

 

مهاب :- هممم

 

ترف :- انطيني فلوس

 

مهاب :- شتسوين بيهن

 

ترف :- اريد حتى لو بس خمستالاف

 

مهاب :- وشتنطيني

 

ترف :- اي شي تريده والله

 

شمرلي محفظته بحضني فتحتها بيها دسته فلوس طلعتهن بيدي لازمتهن باوعلي ضحك التفت ؏ طريق ورجع باوعلي

 

مهاب :- كلهن؟

 

ترف :- شكد هذني

 

مهاب :- شتسوين بيهن

 

ترف :- عادي انطيهن لامي

 

هز راسه لا ببطئ يهمس ، تؤ تؤ

 

ترف :- حباب حباب والله بس هاي المره والله الخاطر ورده احسبها اختك الصغيره وتنام بلا اكل خطيه صغيرونه

 

مهاب :- نزلي بسرعه وديهن وتعاي اذا تأخرتي ينوخذن

 

نزلت ركض دخلت لجوا شبكت امي وبستها خليت الفلوس جوا مخدتها وهيه لزمت ايدي متخبله

 

منى :- والله ماخذهن

 

ترف :- مو الج الورده الورده

 

ركضت بست ورده وصعدت الهث خله ايده ؏ خدي مبتسملي التفت شغل اغنيه وحرك السياره واني طايره من الفرح ما احس منطيه فلوس لامي حاسه ملكتها كنوز الدنيا كلها

 

مهاب :- شونه صفاء

 

سكتت ما جاوبته على صوت الاغنيه لمن وصلنه نزلنه ركضت للغرفه وهوه بقى يم سيارته نمت ع جربايه وتغطيت كلي بالغطه

 

وراي بشويه دخل نام بصفي بعد الغطه من وجهي غمضت جفن عيني يتحرك اسوي نفسي نايمه باس خدي يهمس

 

مهاب :- شريد تنطيني؟

 

هزيت راسي لا مغمضه عيني حيل ضحك بعلو صوته يلعب بخصلات شعري

 

مهاب :- وتفاقنه

 

ترف :- جذب حتى تنطيني

 

فتحت عيني اباوعله اخاف يضربني صار فوكي يدغدغ بطني ويضحك الضحكتي

 

مهاب :- جذاااب ولك صاير تجذب عليه ابو الجذب طلعت جذاب هااا

 

اضحك من يدغدغ بطني وابعد بيده متخبله ومن لمح ضحكتي خفة حركة ايده وبدت تختفي ابتسامته بالتدريج ..

 

 

الفصل التالي اضغط هنا

يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.