رواية القسوة تشع من عيناه – الفصل السابع عشر
بارت 17
وعباس ما خله سبه ما سبها روحه مفرفحه ع صوتهم طلعن النسوان واخوان ليث يجرون بعباس انلفيت بالحجاب التفتت شفته مهاب والرجفه ما فاركت جسمي كومني كعدني بالسياره ورجع الهم اسمع اصواتهم العاليه والزلم تصلي ؏ النبي محمد يفكون بيهم
وكعت مايعه روحي اريد واحد يغسل وجهي حتى مي بالسياره ماكو انكطع نفسي رخيت ضهري ؏ الكشن رافعه راسي اجر الهوى من حلكي
طلعتلي ام رافت ورده بيدها تبجي خايفه صعدت ورده بصفي وراحت ام رافت واجت بيدها بطل مي تغسل وجهي واني اجر النفس جر فقدت وام رافت تضرب ؏ وجهي حيل تريد تصحيني ماكو انتهيت
فكيت عيني ماخذيني لاقرب عياده بيدي كانونه مشكله بمغذي ومهاب كاعد بعيد عني لازم راسه باثنين ادين مدنك راسه بين اصابعه الجگاره
شويه ورفع راسه شافني مفتحه عيني كام ؏ حيله واني كعدت فازه اخلي ايدي كبالي امنعه يضربني
ترف :- والله ماسويت شي والله والله
مهاب :- اششش بابا اش انه يمج ما طكج يشهد الله
كعد بصفي لمني الصدره يبوس براسي واني جلبت بقميصه افز ويا أي طكه اصير بالعياده
مهاب :- لا تخافين انه يمج محد يوصلج ارتاحي بويه
ترف :- اريد ارجع للبيت
مهاب :- هسه بس يخلص المغذي هسه بويه هسه
لحد ان كمل المغذي ورجعنه للبيت فرشلي يم ام رافت ما خلاني اصعد لفوك نمت ؏ دوشك متغطيه بالبطانيه ارجف بردانه
ترف :- طفي السبلت
طفه السبلت وطلع من البيت وام رافت مكابلتني وكاعده ايدها ؏ خدها لحد ان گالت
ام رافت :- شوداج شطلعج
ترف :- مادري مادري جان المفروض ماطلع
ام رافت :- شلون طلعتي بدون علمي شلون تردين تكتليييني تردين تموتيني
ترف :- ما جان لازم اطلع ، ما جان لازم
غمضت عيني ارجف احس بلمساته ؏ جسمي اكره شي اسمه ذكر بهاي الحياة
وماحسيت ؏ نفسي اله مستفرغه ؏ الفراش وام رافت تركضلي غسلت وجهي وشالت الفراش غيرته الي تمددت اون جسمي متكسر ارد اموت !
غفيت وافز ؏ ايد ام رافت ؏ راسي مخليتها تقرا عليه ورده كاعده لازمه ايدي واني اون جسمي نار من الصخونه
لـ9:30 اجه مهاب جايب عشه من برا ماحجه شي ساكت حتى سلام ما سلم راح الغرفته وام رافت كعدتني تسويلي لفات وتوكلني
اكلت شويه وتمددت بطني كطعتني من الوجع كامت ام رافت ؏ حيلها جابتلي تربه وبطل مي جايبته من الزياره كعدت تريد تخلي البطني لزمت الفانيله ما قابله
ام رافت :- لا تستحين اني هم مثل امج
ترف :- لا خاله ماريد اخلي
ام رافت :- لا اني ايدي بيها بركه يلا يمه وخري ايدج
وخرت اديه رفعت فانيلتي فكت عينها شاهكه
– شنو هاي
ترف :- خرمشت روحي من اتوفت امي
ام رافت :- متاكده؟
ترف :- اي
مسحت الطينه ؏ بطني تقرأ عليه بصوت خافت غطت بطني وكامت طلعت وطبكت الباب ورده نامت بحضني بقيت اتكلب شوكت تخلص هاي الروح ..
ربع ساعه ودخلت ام رافت مقهوره تتحسر
ترف :- شكال مهاب
ام رافت :- سوده بوجهي ؏ هاي الروحه
ترف :- شكو حبابه
ام رافت :- بعد ماينطون مره ولا عبيس عقد ولزمها بالعقد
ترف :- ليش ماينطون
ام رافت :- بعد كل هذا وتسألين ليش ماينطون انتِ لو ثوله لو ثوله
ترف :- والله مادري هيج راح يصير والله جان مارحت اتوبه اطلع بعد اتوبه
ام رافت :- هذا عبيس متخبل يحبها البنيه وسمع بعد ماينطون يكلج شايط
انداريت ساكته هسه شصاير بي وشصاير بمهاب شطلعها ياربي شطلعني شبيهن اديه ما دافعن عني وشردت منه جان هسه محد يدري بس اني شبيهن اديه يخونني بكل مره ليش اني هلكد ضعيفه ليش
لمن نام الكل كمت ؏ حيلي صعدت لفوك فتحت الباب بهدوء ودخلت التفتت المهاب نايم بالكاع بلا فانيله رجل ؏ جربايه ورجل بالكاع وبصفه بطلين كحول وهوه فاقد بسابع نومه
اتقربت كعدت بصفه سحبت البطل لازمته باثنين ادين خلي اجرب جربت كلشي بقت ؏ هاي
قربت البطل الحلكي وشربت كم كمعه بالبدايه ماحسيت بشي بعدين شفت الغرفه تفتر بيه لزمت ايد مهاب اكعد بي فتح عينه يباوعلي يهز ايده يهمس ، ها
ترف :- راسي يوجعني
فتحلي حضنه خليت راسي ؏ ايده لمني ؏ صدره يهمس ، صفاء حبيبي
مدري شصارلي فقدت ومن ارجع اصحى الكه روحي فوكاه العب بشواربه وبوس بصدره وهوه يباوع للبطاله
مهاب :- وج ترف شسويتي بيه جم بطل شارب حتى كمت اشوفج گبالي
ومادري شصار بعدها كعدت الصبح كلشي ناسيه راسي مأذيني بشكل مو طبيعي وجسمي متكسر نحلانه اباوع لاديه ما لابسه شي
كعدت ؏ حيلي لازمه الغطه ؏ جسمي احس واحد كاعد يضرب براسي لزمت راسي اباوع المهاب سابح واكف يلبس قميصه والبطاله ماهنه
ترف :- راسي يأذيني مهاب شسويتلي
مهاب :- اني شسويتلج؟
ترف :- اي اجيت يمك ومدري شسويتلي خليتني اشرب بس اكول عيب عليك وع هذني شواربك
مهاب :- من اكول م**** محد يصدكني
اجه عليه يريد يلبسني دفعته البس وحدي كمت للحمام اجه بيده فرجه اسنان جديده يفتح بيها شمرها بيدي اشرلي ؏ معجون الاسنان
مهاب :- غسلي الخياس البحلكج
ترف :- انتَ السبب والله انتَ السبب جبرتني
هز راسه اي بعدم اهميه طلع من الحمام واني كعدت افرج بربع ساعه تلعب نفسي من ريحه حلكي غسلت وطلعت مهاب طالع ومخلي ؏ ميز المرايه علج بالنعناع سحبته اعلج روحي لاعبه
نزلت جوا دخلت للمطبخ لكيت مهاب وحده كاعد يتريك كعدت بصفه اكل ساكته كسر الهدوء وگـال
مهاب :- بستيني
التفتت عليه عاكده حاجبي مستغربه
مهاب :- والحسين بخدي وبرضاتج
ترف :- انتَ جبرتني
مهاب :- لا والعباس بستيني من كيفج وحضنتيني
ترف :- ايع والله مو بوعي
مهاب :- عادي المهم حصلت بوسه
دنكت اكل ساكته اتصل عليه عباس تغيرت ملامحه كانما اتذكر كلشي اخذ تلفونه وطلع من البيت ومرت 3 ايام جانن عباره عن عباس وساره
كاعده العصر ابجي من بطني وام رافت تتصل ؏ مهاب لحد ان اجه اخذني انطوني مثبت حمل ومقويات واني اختنكت من ريحه المستشفى اصيح طلعني
كعدني برا ورجع يجيبلي العلاج من الصيدليه اجه يلبس بنظاره يباوع المره كامت من يمي عينه تتحرك وياها خطوه خطوه ومن باوعلي خزرته ودرت وجهي اهمس ، ايع
مهاب :- يلا كومي بويه حاره
عفته وكمت مشيت كدامه للسياره سمعت صوت ضحگته گال
مهاب :- باع المشيه باع عدلي مشيتج يالنتفه
ترف :- اكل خ**
مهاب :- اااااوي فديته العصبي ممكن الرقم يحلووو
ترف :- هسه انطيك رقم نعالي
مهاب :- اعرفه شكد اريد رقم خطج نتخابر ورا 12 دك سوالف
عفته وصعدت بالسياره وهوه صعد ورثله جگاره يدخن كمت امطك
ترف :- اشتهيت جگاره
مهاب :- علي صوتج بويه جنج وحده خدرانه
ترف :- اشتهيت جگاير
مهاب :- يشهد الله اكوملج اطفي الجگاره ب**** خلي تطلع وحمه جگاره عادي حلوه وشمه ، الجذابه وين اكو وحده حامل تتوحم ؏ جگاره
ترف :- ان شاء الله يطلع بابنك جگاره هلكدها وياها دخان مو وحدها
مهاب :- خلي تجي عسى ما مشوها اعشقها هاي قطعه من ترافة گلبي
سكتت عيني ؏ السيارات الشمس هستوها بدت تسلم ضاربه بالجامه مال السياره صفنت ورحت لعالم ثاني ..
ترف :- بابا بابا عفيه بابا اسمعني
صفاء :- ها باباتي ها ياروحي شتردين اطلبي امري اميراتي بناتي
ترف :- تحبني؟
صفاء :- اموت اموت ؏ اميرتي انتِ بنيتي الجبيره ام بيتي النادره عاشگجن ياروحي
.. شكت حلكي الضحكه واني اباوع عليهم واحد واحد ابوي امي ورده ، وفززني صوت مهاب گـال
مهاب :- اعشك شكارج الينشاف بضوه الشمس
ترف :- اريد ابوي
مهاب :- سكت ثواني وگـال ، باعي راح اخذج المحلات تجنن أي شي تردينه اخذي بس شلون محلات يخبلن كلهن ملابس بنا…
ترف :- اريد ابوووووي
مهاب :- الله خلصج منه ليش تردينه؟
ترف :- يمكن ، يمكن اذا رجع يصير حباب وما ، ما يأذيني ولا يبيعني اريد اجرب حنان الاب اتمنى خلي يرجع شلون عفيه امي خلي ترجع بس انام بحضنها بس انام ليله وحده عفيه حاجيهم خلي يرجعون
مهاب :- اني امج وابوج شتردين كليلي طلبي انطيج عيوني
سكتت ما جاوبته دايره وجهي للجامه طبك يم محل العاب ونزلني دخلنه بقيت واكفه ساكته جان حلمي ادخل هيج محل جنت من الكه بالزبل كارتون العاب وردي اخذه وياي للبيت فرحانه بي
مهاب :- ها بويه ناخذ الورده اختاري هيه اختج وتعرفيها شتحب يلا بويه تحركي باعي تحب هيج العاب
هزيت راسي اي
مهاب :- ناخذ الها من كلشي حتى هذني مال الولد ها
اشترالها لعابات شكد وطلعنه دخلنه محل ملابس واني ابد ما اختار مدري شبيه احس هضيمه اخلي واحد مثله يشتريلي واني قانعه
مهاب :- شبيج بويه ترافه مدي ايدج اخذي اليعجبج او اشريلي عليه
ترف :- يعني اخذ كلشي اريده؟
مهاب :- كلشي حتى اذا تردين المحل اشتري الج
انطلقت اسحب ثوب ثوب بدون ما شوف حتى القياس خليتهن يم المحاسب ومهاب صافن عليه مستغرب قبل لا يدفع خله ابو المحل يطلع من كل ثوب قياسي ويرجع الاخذتهن
اشتراهن ودخلنه محل ثاني اشتره ملابس الورده ودخلنه محل مكياج شكد بيهن ذكريات جانت بنت جيرانه تبوك مالات امها ونكعد نمكيج وتجي امها تسحلها كتل وامي تجلف بوجهي و مايروح مدري شنو من مكياج جانت تشتري
وگف كبال رف الحمر وگـال
مهاب :- يا لون تردي اختاري
سحبت ايده كمت افتح الحمر وحط ؏ ايده حطيت كم لون وگلتله
ترف :- ياهوه احلى
مهاب :- امممم هذا
ترف :- كول والله
مهاب :- والله
ترف :- هذا مو احلى
مهاب :- اي هذا هم يخبل
ترف :- لو شتكول اخذ هذا
مهاب :- اخذي هذا يجنن عليج
ترف :- مادري خاف هذا حلو
مهاب :- اخذي صدك هذا حلو
ترف :- لا هذا غريب محد مخليه منه
لم اقلام الحمر كلهن بيده وراح حطهن ؏ الميز
– هذني كلهن اريدهن
اشترالي وطلعنه رجعنه للبيت جنت طايره بالغراض بس شي بداخلي يمنعني افرح بيهن او ابين فرحتي لاحد
عفت كلشي وركضت الورده اشوفها شجبتلها وهيه تخبلت نست امها وابوها تحير تحضني لو تشوف غراضها فرحتها تسوه الدنيا كلها عندي
كمت سبحت اخلص من ريحة المستشفى طلعت شفت مهاب نايم ؏ جربايه تعبان باوعلي من فوك لجوا مستغرب
دنكت اباوع الملابسي وباوعتله لابسه دشداشه كصيره فوك الركبه بشويه وجواها بجامه عجبتني بارده ولبستها ومن شفتها كصيره هلكد لبست وياها بجامه
مهاب :- بويه دشداشه هاي مو فانيله
عفته ورحت للباب فتحتها مقفوله التفتت
– وين المفتاح
مهاب :- هذا تعاي اخذي
ترف :- انطينيا شمره الي
مهاب :- مالي خلك احرك ايدي
رحت اخذته وهوه بسرعه جرني الحضنه صحت سد حلكي بايده صافن بعيوني ثواني وخر ايده جريت النفس من حلكي مخنوكه تقرب ؏ ركبتي انفاسه نار صعد لاذني وخر شعري من اذني بهدوء انمغصت غمضت عيوني همس
مهاب :- تستحين مني
ساكته دكات گلبي سريعه من همسه وانفاسه الحاره ولمسات ايده ؏ جسمي مد ايده ؏ البجامه ونزعنياها باس اذني
مهاب :- يمي لا تلبسين بجامه بس من تنزلين جوا عادي لبسي احبج وانتي مبهذله
قشعر بدني خانسه جوا وهوه يتقربلي اكثر واكثر
مهاب :- حتى هذا لا تلبسي يمي
اتقرب لاذني يهمس ، خدرتي
خانسه لا حس ولا نفس ومن يخلي عينه بعيني اغمض شويه شويه وصار كانما واحد همجي كلشي ما شايف بطني اتكطعت ضربته حيل اسب واغلط وهوه ولا كانُ كل ما احجي يضربني راشدي اقوه من القبله
لحد ان كام مني لبس ونام بصفي عينه بالسكف عركان التفتلي فزت روحي لمني الحضنه
مهاب :- تحبيني
ترف :- لا
باسني بخدي يهمس
– ميخالف المهم انه احبج ..
الفصل التالي اضغط هنا
يتبع.. (رواية القسوة تشع من عيناه) اضغط على اسم الرواية لتجد الفهرس كاملاً بجميع الفصول.