القائمة الرئيسية

الصفحات

رواية You are the Safety - أنت الامان الفصل الثاني- فاطمة السيد

  رواية You are the Safety - أنت الامان  البارت الثاني  بقلم فاطمة السيد 



رواية You are the Safety - أنت الامان  الفصل الثاني  

أحمد: انا ياطنط ويا عمى.

روضه : فى ايه يا حبيبى انت كويس ؟

مامتها : خش يا احمد .

أحمد : يا طنط انا كنت قلقان على روضه عشان فونها مقفول ورنيت عليها كتير فقلقت روضه: اسفه والله نمت وفونى فصل فنمت من التعب ومعرفتش اطمن...

أحمد مقاطعا روضه:بعد اذنك يا طنط انتى وعمى عشان الوقت اتأخر .

وليد بباها : اشرب حاجه طيب يا ابنى قبل ما تمشى.

أحمد: مره تانيه يا عمى .. آسف ازعجتكم.

سحر مامتها: شرفتنا يا ابنى ، ده بيتك تيجى فى أى وقت.

روضه : أحمد معلش اسف..

أحمد: بعد اذنكو.

هشام : اهلا ازيك يا ابو حميد انت ماشى ولا ايه !

أحمد : ازيك يا هشام ، اه الوقت اتاخر بقى معلش اجى مره تانيه، هتلاقينى متصل بيك كنت بطمن على اختك بس شكلك مكنتش جمب الفون .

هشام : معلش كنت سايب الفون فى العربيه.

أحمد : حصل خير بعد اذنكو .

سحر : يا بنتى ابقى خلى بالك من تلفونك بعد كده عشان متقلقهوش عليكى .

روضه: حاضر يا ماما .

خشو نامو انتو وانا هصالحه .

سحر : ماشى يا بنتى.

وليد : خليكى هاديه معاه يا بنتى .

هشام : اه عشان لو فشكلنا احنا اللى ناخد الدهب 😂😂

روضه : انت عارف انا مش هرد عليك عشان انت بارد .

*روضه راحت على اوضتها*

روضه قدام المرايه : بصى يا روضه انتى هتفتحى التلفون هتلاقى مسدجات كتيره زى العاده ومكالمات فائته كتير اوى وده مش جديد عشان الزهايمر بتاعك ده فانتى تمالكى أعصابك ومتتخضيش زى كل مره

*روضه فتحت لقت ١٨١ مسدج و١١٥ مكالمه فائته *: يلهوى المره دى اكتر من المره اللى فاتت ليه حق ، بس غريبه دايما بسيب فونى من غير شحن فليه بيقلق كأنها اول مره يلا ده بيتلكك عشان يجلنا البيت اكيد ويشوفنى بيحبنى اكيد بيحبنى مش عشان بيقلق جامد تؤتؤ عشان بيحبنى وبيحب يشوفنى فبيجى البيت واحنا كلنا اتعودنا، هعمل اللى بعمله كل مره واكلم البت منى .

منى : الو .. مش مطمنه يا روضه من مكالمتك.. اتخانقتى مع أحمد عشان فونك مقفول صح ؟!

روضه: بصراحه اه .. قوليلى اعمل ايه ؟

منى: زى كل مره!

روضه : متأكده ؟

منى : عيب عليكى .

*تعريف بعض الأبطال *

منى صاحبه روضه الوحيده خريخه كليه الحقوق وعندها ٢٤ سنه ومحجبه ومتدينه جدا ومن الصحبه الصالحه حرفيا هتتخطب كمان ايام بس صالونات لشاب وسيم ومناسب عنده ٢٦ سنه وخريج كليه طب الاسنان واسمه سليم .

روضه: شكرا ساعدتينى كتير.

منى : حبيبتى عفوا 😂😂

روضه: يا ريتنى ما كلمتك يا شيخه غورى.

منى : حبيتى جتك غوره .

روضه: باى يختى.

منى : باى.

روضه : هو ده الحل بتاع كل مره فعلا اللى هعمله .

*روضه راحت نامت وقالت الصبح تكلم أحمد عشان هو زمانه مجنون ولما يهدى تكلمه *

صحيت روضه قبل معاد شغل أحمد مخصوص وبعتتله مسدجات على الواتساب زى العاده

روضه : صباح الفل يا حبيبى.

*أحمد بيشوف المسدج وبيطنش *

روضه : يا واد يا تقيل .. أحبك وانت بتتقل عليا .

أحمد: دمك مش خفيف فمحاوليش تستخفيه.

روضه: حد يقول لقلبه كده .. انا زعلانه بقى مليش دعوه هه.

أحمد: بت اتظبطى ومتعمليش عبيطه.

روضه:بت ؟وعبيطه كمان؟ لا لا انا زعلانه خالص.

أحمد: طب اتظبطى بدل ما آجى اظبطك

روضه: طب ما تيجى حتى انت واحشنى اوى ابقى جيبلى ورده معاك صالحنى بيها عشان انا زعلانه.

*أحمد شاف ومردش *

روضه: كده قلبك زعلان عشان انت مش بتهتم بيه .. انت مبقتش تحبنى على فكره والاهتمام مش بيطلب يا أحمد .. كنت فكراك بتحبنى بس طلعت بتلعب بيا ..انا زعلانه لا متحاولش تصالحنى .

*أحمد شاف ومردش*

روضه : انا هروح لعبدو اشكتيله منك يا وحش.

*عبد الرحمن ابن خالتها اللى فى الخليج وبيحبها واحمد عارفه وقالها متتكلمتش معاه*

أحمد : نعم يا يختى ؟؟

روضه فى سرها ايوه كده اثبتلى انى فهماك ثم تكتب ..

روضه: عبدو ده يتمنى اكلمه حتى هو. وحشنى اوى هروح بقى ارغى معاه وبعدين نشوف هنتصالح ولا لا .

أحمد: طب ابقى اعمليها يا روضه ودينى لاجى اكسرلك ايدك اللى هتكلمه دى لو عملتيها.

روضه فى سرها يا حمش انت أحبك وانت عنيف كده ثم تكتب..

روضه : أهون عليك 😢 حد يآذى قلبه بايده.

أحمد: كلى بعقلى حلاوه يا بت زى كل مره

روضه: خلاص بقى يا شبح انى آسف قولتلك نسيت اشحن الفون وبعدين انت عارف انى هلف كتير على ما الاقى حاجه محترمه ترضيك.

أحمد:ياسلام يا بت ولقيتى بقى!

روضه فى سرها انا بقول اقوله ان الفستان طويل اه بس بكات و فى فتحه صغيره سيكا ف ضهره بس استحى ثم تكتب ..

روضه: عيب عليك يا قلبى عمرى جبت حاجه ومعجبتش!

أحمد : ثقتك الزياده دى قلقانى ..

روضه: يا روحى متقلقلش .. وانت هتبقى معايا يعنى وسيبك انت من الدريس بحبك ومقدرش على زعلك هجيب باور بانك وهيبقى معايا دايما متزعلش بقى😢.

أحمد:هعديها بمزاجى وانما المره الجايه لو ده واتكرر وربنا هزعلك .

روضه:حاضر يا عيونى، قوم بقى عشان شغلك وانا هروح الشغل انا كمان وهبقى اطمنك اوى ما اوصل باى.

أحمد: ماشى يا قلبى باى.

*بعد عصر نفس اليوم كلمت روضه أحمد وقالتله أن منى محتاجاها وبعد اقناع كتير وافق *

منى: حماتك الله يرحمها كانت بتحبك يا بت، تعالى كلى.

روضه: وانا بحب ابنها .. بالهنا والشفا لسه متغديه.

منى : باين عليكى يختى ربنا يديمكو سوا و ربنا معاك يا احمد على اللى بتشوفه يا رب .

روضه: يا رب يختى وربنا معاك يا اللى فى بالى.

منى: هو هيلاقى زيى فين يا بت .. جبنا سيره القط.

منى :إيه يا سليم .. اه روضه معايا اهى وشويه وهننزل زى ما قولتلك.

روضه: ننزل فين انا مقولتش لاحمد.

منى:ششش .. لا يا حبيبى بكلم روضه هبقى اطمنك بقى باى باى .

روضه: هننزل فين مش قولتيلى عايزانى عشان اظبط معاكى الفستان ليه بقى هننزل ؟

منى : فى حاجات ناقصانى ومحتاجاكى معايا.

روضه: واحمد هيسيبنى اجى معاكى كده بسهوله.

منى: خلاص متقوليش ليه حاجه.

روضه:ولو قفشنا هنهبب ايه .

منى: قوليله اى حجه.

روضه: ده مرايتى يا بنتى لو كدبت على الدنيا كلها مش هعرف اكدب عليه وبعدين انا عمرى ما خبيت عنه حاجه.

منى: تيرا را را ايه يا بت ده مش مصدقاكى.

روضه: لازم تعرفى أن الحب قادر يخليكى واحده تانيه وعلى حسب الحب صح ولا انتى اخطأتى هتكونى انتى بشخصيتك الجديده وانا حب أحمد ليا أصح حاجه فى الدنيا .

منى: لا انا دخت هاتيلى لمون .

روضه:ده انتى عيله رخمه.. احنا هنروح فين وهنرجع امتى وهنشترى اي و...

منى مقاطعه روضه: ايه ماسوره وانفتحت يا ستى هنروح مول .... واخرنا تلت ساعات والمول ده فى ...

روضه :الحق اتصل باحمد واقوله كل ده عشان هيسألنى عليه وقولى روضه قالت .

منى : اتصلى يختى ورينا.

*اتصلت روضه وفعلا احمد سال عن ده كله وضحكت منى عليها وهى بتكلمه أصلها بتبقى واحده تانيه واخيرا وافق *


*بعد ما طلعو من المول*

روضه: انا بقول كل واحده تروح باوبر عشان سكتنا مختلفه .

منى: طيب.. يوم الخطوبه تيجى الفندق من صباحيه ربنا.

روضه: عنيا .


*منى راحت تقابل سليم فى كافيه بعد ما سابت روضه*

سليم: ايه يا حبيبتى اخيرا .

منى: الطريق كان زحمه.

سليم: ما تورينى كده جبتى ايه ؟

منى: مش هقولك هه.

سليم:رخمه .

منى: قدامك بس اربع ايام تقدر تكلمنى فيهم بعد كده مش هتكلمنى.

سليم:اشمعنا ،انتى مهاجره ولا ايه !

منى: لا يا حدق عشان دى العادات ، فال حلو لما منكلمش بعض لحد ما تاخدنى للقاعه.

سليم:وانا هقدر بقى مسمعش صوتك لمده يوم واحد، ده انا اموت فيها.

منى:لا والنبى بلاش الكلام ده عشان بدوخ.

سليم:هكلمك.

منى: مش هرد عليك.

سليم: طب بحبك .

منى:خلصانه هبقى ارد عليك.

سليم: فين بحبك بتاعت ممس.

منى: مفيش ،لما أحسها هقولك .

سليم:ادينى صابر ، زى ماصبرت اربع سنين بحبك على ماعرفت اخطبك 🙄.

منى: اصبر ياخويا.

سليم: مبلاش اخوكى دى، خلينا زى المخطوبين كده.

منى: لما ألبس دبلتك حاضر 😂😂.

سليم: من ناحيه انك هتلبسى فانتى هتلبسى 😂😂

يتبع الفصل  الثالث  اضغط هنا 

reaction:

تعليقات