القائمة الرئيسية

الصفحات

رواية You are the Safety - أنت الامان الفصل الثالث - فاطمة السيد

  رواية You are the Safety - أنت الامان  البارت الثالث   بقلم فاطمة السيد 



رواية You are the Safety - أنت الامان  الافصل الثالث 

*اتصلت روضه باحمد كعاداتها لما روحت*
روضه : أيه يا حبيبى عامل ايه ؟
أحمد: كويس طول ما انتى جنبى .
روضه: أحمد انت صوتك ماله فيك ايه؟
أحمد: مفيش حاجه يا حبيبتى انا كويس بس مرهق من الشغل شويه.
روضه: قولتلك يا حبيبى متهرقش نفسك فى الشغل وأعمل شغلك وبس.
أحمد: يا حبيبتى بعمل اللى عليا بس الايام دى شغلى تاعبنى زياده.
روضه : طب روح ريح انت ونام وبكره هبقى اطمن عليك .
أحمد: ماشى يا عيونى.
*جه يوم الخطوبه *
روضه: انا هجهز مع منى يا حبيبى زى ما قولتلك .
أحمد: ماشى يا حبيتى .
راحت روضه الاتوتيل وفضلت مع صاحبتها لحد ما جهزت وهى كمان لبست فستانها
*فستان روضه *
فستان طويل وكات ولكنه لرقبتها ولونه لون السماء الزقاء مثل عيونها وبه فتحه صغيره فى ظهرها ولكن شعرها الطويل اخفاها وجذمتها ذات كعب عالى نفس لون الفستان ..

أحمد : ها يا روضه انا وصلت الفندق انتى اوضه كام!
روضه بتوتر: انا .. انا فى اوضه ٧٦٥ .. ايه هتيجى تاخدنى ولا ايه!
أحمد: اه مالك خايفه ليه !
روضه: انا ؟ لا يا حبيبى مفيش حاجه انا كويسه مستنياك.
منى : شامه ريحه خناقه جايه فى الاساسنير. روضه: انتى عارفه ؟ انا حلال فيا اللى هيعمله أحمد لما يشوفنى..مذكراتى فيها وصيتى واتبرعو بهدومى وميراثى من ابويا للمحتاجين و ...
*صوت باب بيخبط*
روضه: انا لله و انا إليه راجعون .. لا اله إلا الله.
منى: البقاء لله يا حبيبتى
*فتحت الباب*
أحمد بإعجاب : إيه القمر ده.
روضه: بجد !!
أحمد بيتوه ويكأنه مكنش بيكلم روضه: مبروك يا منى طالعه زى القمر ربنا يتتملك على خير .
منى: الله يبارك فيك عقبال ما نفرح بيكو كده.
روضه: إيه رأيك فى الدريس بتاعى !
أحمد: حلو .. بعد اذنك يا منى هننزل احنا القاعه نستناكى.
روضه لمنى: هه يا منى زى ما اتفقنا بقى باى يا احلى عروسه .
أحمد: حلو الدريس ده عليكى.
روضه: بجد يا أحمد يعنى مش مضايق منى عشان كات ولا عشان فتحه الضهر.
أحمد: فتحه ضهر !!!
روضه: دى فتحه صغيره مش باينه اعتبره مقطوع
أحمد :كات وعديتها عشان مغطى رقبتك ورينى ضهرهه يا روضه
روضه: عيب كده علفكره وانك خطيبى مينفعش تقولى كد....
أحمد شد ايدها ولفها وانسحر بجمالها وخفتها وشعرها اللى لمس وشه وكأنه ضربه بالقلم عشان شد ايد صاحبته وسرح أحمد فى عيونها.
روضه : أحمد فى إيه .. سرحت فى ايه ، اوعى تضربنى!
أحمد: اضربك ايه يا عبيطه؟ حد يقدر يمد إيده على القمر ده ..
روضه: اومال رد فعلك ماله كده مخوفنى .
أحمد: عشان القمر قدامى .
وكده كده ضهرك مش هيبان ولا كتفك عشان هتاخدى الجاكت بتاعى تلبسيه.
روضه: اذا كان كده مااش... نعاااام البس جاكت مييين يا عم انت ... اومال جمال الفستان وجمالى يبان ازاى؟
أحمد شدها للحيطه وسند بايده عليها وقال بحده : وانتى عايزه جمالك ده يبان لغيرى ليه!؟ انا بس المفروض اللى اشوف جمالك.
روضه و عيونها مدمعه وهتبدأ تعيط: أحمد فى ناس حوالينا فى الطرقه لو سمحت أبعد انت مقرب منى اوى.
*أحمد باسها من خدها واخدها فى حضنه *
أحمد: انتى قمرى .. قمرى انا وبس .
روضه: ابعد يا احمد .. إوعى أبعد عنى.
*روضه زقت أحمد وجريت على القاعه*
أحمد عرف ان اللى عمله غلط فجرى وراها
*روضه بتعيط فى الحمام وبعد ما هديت ظبطتت مكياجها طلعت عشان الزفه *
أحمد لقاها وعرف انها عيطتت : انا اسف على اللى حصل أوعدك انى عمرى ما هحضنك تانى ولا ازعقلك ولا ابو....
روضه: عدى اليوم يا أحمد .. دى خطوبه اقرب صحباتى ومش عايزه انكد على نفسى.
أحمد: طيب ماشى انا هروح.
روضه: وانا هروح مع نفسى !
أحمد: خلى حد من اللى هيعجب بجمالك يوصلك سلام.
*روضه فرحت صحبتها ورقصت معاها بعد ما أصرت عليها وكانت جمبها معظم الوقت وكانت بتحاول تبتسم وجواها زعلان من اسلوب احمد*
*الدى جى وقف بس المره دى سليم عامل مفاجاه لمنى *
سليم وقف قدام منى وقال: عارف إن ده حصل قبل كده وانتى حكتيلى أن صاحبتك عملت كده لحبيبها وانك كنتى معجبه جدا بالموقف ده .. هى مقالتليش مين وده مش موضوعنا بس انا شفت فى عنيها اد ايه هى نفسها حد يعملها كده ، فانا بقولك قدام الناس دى كلها انى بحبك وبعشقك وده مش من أول ما اتقدمتلك لا ، ده من أول ما شوفتك وأعجبت بيكى وساعتها رفضتي تترتبطى بيا عشان حرام وقولتيلى ابعد عنك عشان مضرش سمعتك وفعلا عملت كده وخفيت حبى لاربع سنين عن العالم كله ودلوقتي بعلنه للدنيا كلها وبقولهم انى بعشقك .
امسكى اعصابك لتانى مفاجأه بقى .. اتفضل يا عم الشيخ .
سليم نزل على ركبته وقال : ممكن تكونى مراتى دلوقتى .. تتجوزينى؟
منى بصت لاهلها وسكتت..
سليم: على فكره كلهم عارفين حتى روضه وكمان كلهم موافقين .. يلا بقى ركبتى وجعتنى.
منى : موافقه .
*كتبو الكتاب وحضنو بعض ومنى اعترفتله بحبها أخيرا *

*أحمد قعد يلف بالعربيه حوالى ساعه ورجع تانى الفرح ساعه مفاجاه سليم لمنى وبعد ما عرف انه عيب يسيبها حتى لو هو متعصب فاستنها فى اخر القاعه وقعد جنب شويه شباب *
شاب ١ : بص يسطا البت اللى لابسه فستان اسود هناك دى ام شعر قصير دى.
شاب٢: يسطا اسود إيه بس خليك انت الصاروخ الازرق اللى بيرقص مع العروسه دى حاجه كده فوق الخيال بس يا خساره فى ايديها دبله ،يا بخت اللى هيتجوزها
بقى فى حد يسيب الصاروخ دى لوحدها كده ده انا لو خطيبها كنت هبقى قرينها .
شاب ١: هههههه عندك حق .
شاب ٢:هههههه طبعا اومال.
*أحمد فقد اعصابه *
أحمد يسكت !؟؟؟
طبعا لا 😂😂😂😂 .
راح ضاربهم هما الاتنين كل واحد بوكسين ولسه هيكمل روضه مسكت ايده لما شافته وهى بترقص جريت عنده بسرعه .
شاب٢ : اضرب يا عم تانى انت خليت المزه تجيلنا لحد عندنا .
أحمد يسكت ؟
طبعا لا 😂😂😂.
راح ضاربه وشتمه وقاله انها خطيبته وكمل ضرب بعد ما نفض ايد روضه وزقها والشابين اعتذرو بعد ما خدو علقه وروضه واقفه مكسوفه ومتعصبه فشاورت لصحبتها انها ماشيه واعتذرت ليها وجريت بره بسرعه .
*قلعت الكعب من رجليها ومسكته وجريت زى الطفله وكأنها سندريلا اللى بتهرب من الامير عشان ميلحقاش *

أحمد حاول يلحقها وجرى وراها وعمال ينادى عليها فتسرع جريها وتبكى بحرقه من شده غضبها روضه كانت سريعه فى جريها بس فى عريبه كانت أسرع منهم وضربت روضه 

يتبع الفصل  الرابع  اضغط هنا 

reaction:

تعليقات