القائمة الرئيسية

الصفحات

رواية You are the Safety - أنت الامان الفصل الأول - فاطمة السيد

  رواية You are the Safety - أنت الامان  البارت الأول  بقلم فاطمة السيد 



رواية  أنت الامان  الفصل الأول

تعريف بعض الأبطال*

روضه بنوته جميله غير محجبه عندها٢٤ سنه خريجه كليه تربيه قسم علم النفس وبتشغل فى مركز علاج نفسى ومعالجه الادمان وعايشه مع بباها ومامتها واخوها الكبير هشام و مخطوبه لحب عمرها واسمه أحمد وفرحهم قرب.

***

هشام عنده ٢٥ سنه خريج كليه الهندسه وشاب وسيم أعزب وبيساعد بباه فى إدراه شركه العقارات بتاعته .

***

أحمد شاب وسيم ومهندس مدنى وعنده ٢٥ سنه وبقى صاحب هشام جدا لما روضه عرفتهم ببعض ،هو اتعرف على روضه من خمس سنين بالصدفه وحبو بعض ومخطوبين حاليا .

***

روضه: أحمد ..

أحمد: يا قلب أحمد.

روضه: عايزاك ف حاجه.

أحمد: حاجه إي؟

روضه: هكلمك فون عشان اقولك.

أحمد: اوك .

روضه :الوو يا حياتى.

أحمد: الو يا قلبى ، عايزه تقوليلى ايه؟

روضه:خطوبه منى صحبتى الاسبوع الجاى.

أحمد: طب ألف مبروك.

روضه: الله يبارك فيك، طب إيه ؟

أحمد: إييه .. اعملها ايه يعنى!

روضه:عايزاك تنزل معايا عشان اشترى دريس عشان اروح بيه الخطوبه.

أحمد: تروحى فين ؟مش سامع.

روضه: بقولك عايزاك تنزل معايا اشترى دريس عشان اروح بيه خطوبه منى صحبتى.

أحمد: وانتى مين قال انك هتروحى!

روضه: اكيد هروح دى صاحبه عمرى لازم اكون جنبها في يوم زى ده.

أحمد: يسلام مين قال لازم !

روضه: انا.. وبعدين انا جايه أقولك اهو زى اتعودت.

أحمد:وانا عمرى وافقت فى مره على انك تروحى فرح حد من صحابك ، انا بوافق على أفراح القرايب بس وانتى عارفه ليه ؟

روضه: مش بتوافق بس دى صاحبه عمرى وبعدين أنت عارفاها وعارف أن اهلها ناس محترمه جدا.

أحمد: بس مش عارف اهل خطيبها ولا صحابه.

روضه:يعنى انا اللى اعرفهم !

احمد:مفيش مرواح يا روضه واتمسى وقولى يا مسا.

روضه بعياط: طب...هو .. ااانت عااايزنى أبقى فى .. فى فرحنا ااابقى لوووحدى من غير صحااابى ،اانت عااارف انى وحيده ومعندييش ااخوات بناات مش هلاقى حد منهم فى فرحنا عشان مرحتش ليهم ترضالى ابقى لوحدى

أحمد: بطلى عياط ، وبعدين انا هبقى معاكى وهو ده مش كفايه !

روضه: لييه مش انت وهما؟ .. اقفل لو سمحت مش عايزه اتكلم معاك.

أحمد: طيب ..هتروحى .

روضه بطفوليه: بجد!

أحمد: بس بشرط.

روضه:ايييه .

أحمد: هاجى معاكى ، عشان لو حد بصلك اقسم بالله هعوره .

روضه بترطم : يلهوى ده انا مروحش خالص احسنلى انك تيجى معايا .

أحمد: صوتك مشوش قولتى ايه، و بسرعه عشان ورايا شغل.

روضه:بقولك ماشى، هنزل انا اشترى دريس وباى بقى عشان شغلك.

أحمد: طب خلى بالك على نفسك باى.


*روضه بتكلم نفسها بصوت عالى *:يا حظك المنيل يا روضه .. أحمد هيجى معاكى ينهار مش معدى ، أكيد فى مصايب هتحصل ..

هشام اخوها : فى ايه يا بنتى بتكلمى نفسك ليه؟اتهبلتى بدرى، استنى لما تتجوزى الاول مش تتهبلى فى فتره الخطوبه .

روضه:أحمد هيجننى ، عايز يجى معايا خطوبه منى.

هشام:طب وايه المشكله؟

روضه: انت مش عارف احمد يعنى .. ولا نسيت فرح هيثم ابن خالك!

هشام : يا بت ده اللي هيحافظ عليكى واحمد دماغه صغيره اه وحمش بس قلبه كبير وبيحبك يا قمر انت ، وبعدين مين حضر الفرح يقدر ينسى اللى حصل😂😂😂😂.

Flash back..

*يوم فرح هيثم *

سحر مامتها: هتمشى معانا بالعربيه ولا أحمد هيجى ياخدك.

روضه: أحمد هيجى ، امشو انتو .

سحر: ربنا يستر يا بنتى ، يا رب بقى متقومش خناقه زى كل مره .

روضه: ان شاء الله مفيش خناقه... هيبقى فى خناقات .. باى وادعولى .

*صوت كلاكس عربيه تحت بيت روضه بعد ما اهلها مشيو *

روضه وهى نازله على السلم بتكلم نفسها: انا بقول مروحش الفرح والبس حاجه بدل الدريس ده ونخرج سوا .. لا لا يا بت ده فرح هيثم ابن خالك و ندى صاحبتك عيب.. اى كان اللى هيحصل لازم اروح وبعدين مهما اتخانقنا عمرنا ما هنسيب بعض ولا يهمك يابت روحى .

*روضه وصلت للعربيه*

روضه: أزيك يا حبيب...

أحمد مقاطعا روضه: هكون عامل ايه يا هانم.. مش بتحرمى تلبسى فساتين بكات ولو مروحتيش الفرح دلوقتى!

روضه: يا حياتى بقى عديها والنبى ده فرح ندى صاحبتى وهيثم يعنى مش حد غريب.

أحمد: حسابنا بعد الفرح.

روضه: طب يلا بقى اطلع عشان منتأخرش

أحمد بصلها بعصبيه وسكت وشغل العربيه ومشيو..

أحمد: اتفضلى وصلنا ..

روضه بدلع:مش هتفتحلى باب العربيه يا بيبى

أحمد بعصبيه نزل فتحلها الباب وقفله جامد وراح مشوح بأيده كدهو 😂😂: انا هركن وهاجى وراكى .

روضه بنبره طفوليه: يعنى هتسيب رورو تدخل لوحدها ، افرض حد ضايقها مثلا.

أحمد : طيب.. هركن وهاجى ادخلك.

روضه بلطف: مااشى .. خلى بالك من نفسك يا بيبى .

أحمد بحده: لا.

*احمد راح ركن ورجع*

أحمد: مش يلا !

روضه: يلا يا حياتى .

أحمد: قدامى .

روضه: لا جنبك مليش دعوه هه ، هات إيدك .

*دخلو الفرح *

روضه: انا هروح بقى اسلم على قرايبنا.

أحمد: عشر دقايق وتكونى جنبى.

روضه عملت تحيه العسكريه لاحمد: حاضر يا فندم .

*سلمت على اهلها ورجعت لاحمد عشان يسلمو على العرسان*

روضه بتحضن ندى : الف مبروك يا ندوشه.

ندى: الله يبارك فيكى .. عدو الفرح والنبى بلاش احمد يعملها النهارده .

روضه: انا نفسى والله .. فدانا ألف فرح يا قلبى.

روضه بتسلم على هيثم : الف مبروك يا حبيبى ربنا يتمملكو على خير.

هيثم: الله يبارك فيك...

أحمد مقاطعا هشام وشد أيد روضه وسلم على هيثم: الف مبروك ليك انت و ندى وربنا يتمم بخير.

ندى: الله يبارك نورتنا يا احمد والله.

هيثم بابتسامه ماكره: الله يبارك فيك .

*أحمد وروضه ابتسمو ليهم ورجعو الترابيزه*

روضه: احب اعرفك ان ده ابن خالى يا حبيبى

احمد: عارف طبعا .

روضه: اومال انت عارف ليه شديت ايدى لما كنت بسلم علي..

أحمد مقاطعا روضه: عشان إيدك مينفعش تلمس حد غيرى.

روضه: بس..

أحمد: مفيش بس وعدى اليوم بدل ما تقلب بخناقه زى كل فرح .

روضه: ماشى .. انا هروح مع بنات خالتى بعد اذنك.

أحمد بحده: اتفضلى.

*روضه راحت لبنات خالتها ووقفوا مع العروسه وقعدو يصرو على روضه بس روضه عشان أحمد محذرها وعشان مش بتقتنع بسهوله إلا بعد تلت مرات وافقت *

*أحمد اتعصب وبدل ما يعمل مشكله طلع بره القاعه وروضه لما شافته وقفت رقص و جريت وراه عشان ميزعلش ووقفت جنبه*

روضه: حلو الجو النهارده.. فقلت اطلع اشم شويه هوا .

أحمد بعصبيه: مكفاكيش الهوا اللى شمتيه وانتى بترقصى!

روضه بنبره عِند: لا .. هروح أكمل ..أصل الهوا جوا اجمل.

أحمد راح خابط أيده على الترابزين ففى مسمار عوره بس ده ممنعوش يجرى وراها ولحقها و فى نص الفرح راح ماسك ايدها

روضه: سيب آيدى يا أحمد.. الناس بتبص علينا .

أحمد: أهو الناس متبصش عليكى لوحدك.. يكون فى راجل معاكى يمنع أى نظره مش تمام عنك .

* ملحوظه :الدى جى وقف عشان حسو ان في مشكله *

روضه: أحمد انت مش هتعرف تمنع حد إنه يبصلى عشان مش كل الناس تحت امر سيادتك يا بشمهندش أأ...

*روضه لاحظت الجرح اللى فى إيد أحمد*

روضه بتوتر واضح مسكت إيد أحمد: انت متعور وفى دم كتير .. من ايه ده.. طب اقعد وانا هربطلك الجرح ..

أحمد :نفض إيد روضه وسابها ومشى.

روضه جريت ناحيه الدى جى وخدت الميكرفون وقالت..

روضه: أحمد.. إستنى مش هعرف أجرى عشان الكعب عالى .

*الناس ضحكت *

*أحمد واقف مصدوم من هبل روضه*

روضه: الناس دى كلها فى منهم يعرفنا ويعرف قصه حبنا وفى ميعرفناش.

فانا هشهد الناس دى كلها على حبى ليك .. انا بحبك يا أحمد بس انت عصبى و حمش وبتغير اوفر و بالرغم من ده انا بحبك وهحاول ارضيك ومش هسلم على هيثم تانى

*الناس ضحكت ومنهم أحمد بس كشر تانى بسرعه*

يووه اقصد مش هسلم ولاد تانى و هعمل اللى يرضيك ..وهحاول دايما معصبكش ولا استفزك وهفضل رغم اى حاجه وتحت اى ظروف بحبك فمتزعلش بقى .. بعشقك

فأحمد رجعلها وباس إيدها وراسها و قلع الجاكت بتاعه وحطه على كتفها و قرب الميكروفون وقالها انه بيعشقها .


*فالناس سقفت بقى وكده وحاجه فى منتهى الافلام الهندى*


Back..


روضه:😂😂😂طبعا دى حاجه تتنسى ...عارفه انه بيحبنى بس عصبى اوى يا ابنى وبعدين لو حد بس بص نحيتى بيبقى عايز يضربه وانا بحوشه لايتحبس و اتجوز انا رد سجون .

هشام: 😂😂😂رد سجون خلاص سجنتى الواد.

روضه: بص انا هنزل اشترى فستان وهحاول أتقبل انه هيبقى رد سجون بعد إسبوع

هشام: يلا يا هبله امشى 😂😂

*بعد ما روضه اشترت الدريس وروحت*

روضه :ايه رأيكو بقى فى الدريس ده يجنن صح !

بباها : حلو اوى يا حبيبتى.

مامتها:حلو يا حبيتى عقبال فستان الحنه بتاعتك.

روضه: حبيابى تسلمولى .

ايه يا هشام مقولتليش رأيك ليه ! حلو ؟

هشام: هو حلو اوى بس بنسبه ٩٩ فى الميه أحمد هيفسخ خطوبتكو بعد ما تلبسيه .

روضه:والله انا لفيت لحد ما لقيت ده وكده هيبقى احسن ما اتجوز رد سجون 😂😂.

هشام: طب ماشى يا مرات رد السجون انا خارج مع اصحابى وهرجع متأخر متناميش عشان تفتحيلى .

روضه: حااضر ..عن اذنكو بقى هدخل اغير هدومى .

*روضه غيرت هدومها وافتكرت انها لازم تكلم أحمد عشان تطمنه عليها *

روضه : ينهار طين الفون فاصل .

*حطاته يشحن ونامت من كتر التعب *

*بعد ساعه صحيت على صوت جرس الباب اللى مبطلش رن*

روضه: ايه يا اللى على الباب .. جايه اهو

*فتحت الباب* : لقت أحمد قدامها وعفاريت الدنيا بتتنط قدامه .

مامتها وبباها : مين يا روضه !

  يتبع الفصل الثاني اضغط هنا 

reaction:

تعليقات