القائمة الرئيسية

الصفحات

رواية صعيدي خطف قلبي الفصل الحادي عشر بقلم حنين محمد

 رواية صعيدي خطف قلبي الفصل الحادي عشر بقلم حنين محمد

رواية صعيدي خطف قلبي الفصل الحادي عشر بقلم حنين محمد

صعيدي خطف قلبي 

البارت 11

ميرا لسه بتبص وراها لقت والدها حسام (طبعا كلكم توقعتوا مهران 😂)

ميرا : هعيط ليه يا بابي...... انا كويسة اهو الحمد لله.... 

حسام : على حسام برضه يا ميرو.....احنا صحاب صح وانتي عمرك ما خبيتي عني حاجة في حياتك..... 

ميرا اللي هي ما صدقت عيطت وقالت : 
رجع تاني يا بابي وبيقولي ارجعيلي.... 

حسام اخدها في حضنه : 
اهدي بس يا حبيبتي...... ازاي قوليلي..... 

ميرا : بعتلي رسالة.... بيقولي فيها ارجعيلي وحشتيني.... ازاي ممكن انسان يبقي كدة بعد ما يكسر قلبك ويدوس عليه بالشوز ...... 

حسام : خلاص يا بنتي..... اهدي انتي لسه بتحبيه يا ميرا..... قوليلي يا حبيبتي الحقيقة..... 

للكاتبة حنين محمد عبدالرحيم (حنون) 

ميرا بدموع : يا بابا الحكاية مش حكاية حب..... 
انا حقيقي عرفت اني مكنتش بحبه .....
بس الحكاية حكاية اني كل ما بفتكره بفتكر ضعفي وافتكر انا اد ايه كنت غبية.....
 لاني وثقت في الشخص ده وسمحت لنفسي اني اكون لعبة..... 

حسام : اهدي يا روحي..... اهدي........ انتي مكنتيش ضعيفة ولا عمرك كنتي ضعيفة...... سيبك منه خلاص.... 
انا بنتي قوية..... وكان لازم تقابلي شخص زي مازن.... 
علشان تتعلمي وهي الدنيا كدة..... لازم نتعلم دروس.. 
والدروس دي مبتتعلماش بالسهل يا روحي.....
مبتتعلمهاش بالسهل...... 

ميرا : ايوة يا بابي.... خلاص مفيش حاجة..... انا كدة ارتحت...... 

حسام : ايوة كدة هي دي ميرو بنتي القمر العسولة..... 

ميرا بابتسامة: 
ايه يا حسام انت بتعاكسني ولا ايه؟!!!

حسام : 
لو مش هعاكس بنتي القمر دي هعاكس مين يعني.... امك مثلا...... 

ميرا : لا لا انت كدة يا حسام بتخبط في الحلل.... 
والله اروح اقولها وهي هتعملك كفتة...... 

حسام : لأ والنبي يا ميرا لسه عايز اعيش..... 

وبعدين ضحكوا هما الاتنين واخدها 
في حضنه..... 

حسام : ربنا يديم الضحكة على وشك يا روحي انتي......

ميرا : يا حسام طول ما انت معايا خلاص...... 

حسام : ربنا يخليكي ليا يا بنتي وميحرمنيش منك أبدا.... 

ميرا : ويخليك ليا يا حبيبي...... 

حسام : يلا يا روحي نامي يلا...... 

ميرا : يلا تصبح على خير...... 

حسام : وانتي من اهله يا حياتي..... 

وكل واحد راح لاوضته...... 

مين بقي اللي كان واقف وسمع كل الكلام ده يا حلوين... 
بطلنا الحلو مهران..... 

مهران رجع البيت اخد حاجة وهو ماشي سمع صوت جاي من المطبخ لقاها ميرا وبعدين سمع حديثها مع حسام...... 

مهران رجع السكن وقعد.......

مهران : ياااا..... معقول بجد تبقى هي كمان مجروحه كده.....
 يا ربي هو ليه كل اللي بيحب بيتجرح....
 ليه ؟!!
وحط دماغه على المخده و افتكر الحكاية....... 

للكاتبة حنين محمد عبدالرحيم (حنون)
———————————————
Flash back 
مهران : اميره انا بحبك يا اميره بحبك.......

اميرة : انا مش بحبك يا مهران.......

مهران : ما بتحبنيش ازاي؟!!
 طب كل مقابلتنا... وكلامنا .....ورسايلك ...
وكل حاجه كانت بيننا......

اميرة : ايه اللي كان بيننا ولا حاجه...
 انا بعتبرك مجرد صديق .....
مش ذنبي انك فهمتيني غلط......

مهران : نعم .....فهمتك غلط؟!!!

أميرة : اه فهمتيني غلط ....
وكمان صح انا خطوبتى هتبقى الخميس الجاي على احمد الشامي.....

مهران : علشان كده بتسبيني علشان الفلوس...
 سبتيني علشان تتجوزي واحد غني يا اميره....
بس انا حبيتك..... 

اميرة : مهران حبيبي انت فاهم غلط مش كل حاجه في الحياه حب لازم فلوس علشان تعرف تعيش........

مهران : ايوه بس انا قلت لك هنبتدي مع بعض وانا عندي فكره مشروع كبير قوي وان شاء الله هحققها... 

أميرة : هتحققها ايه مثلا هتوصل الجمهوريه مثلا.. احلم على قدك عموما سلام و صح ما تنساش تيجي خطوبتي..... 

مهران : انتي ازاي كدة..... انتي ايه...... 

أميرة : مش انا لوحدي يا حبيبي 
كله كده..... اهم حاجه دلوقتي الفلوس امال بقى
 تقول لي حبه ومشاعر و كلام فارغ ده في الافلام الكلام ده يلا سلام يا مشمهندس مهران...... 

مهران : دي غلطتي .....غلطتي علشان حبيت ايوه.....
غلطتي انا بس هعرفك يا أميرة.... هوصل للي عايزه واعرفك... 

Back.......... 
للكاتبة حنين محمد عبدالرحيم (حنون)
———————————————————

مهران : وصلت اهو اللي عايزه ايوه وصلت ....
ودلوقتي مش بحبك يا أميرة لأ بالعكس بكرهك
و شكرا لانك كنت في حياتي ....لاني لولاكي مكنش هيبقي عندي ارادة اكبر اني اكمل واوصل لهدفي.... 
شكرا لانك سبتيني 

وبعد كدة كمل بصراخ : انتي إنسانة مادية وقذرة.... 
ليه...... كل اللي بيحب كدة يا ربي...... 
حتي ميرا اللي يبان عليها قوية ومرحة هي كمان مجروحة بس انا شاغل نفسي بيها ليه..... 
انا مالي اصلا.....
 
للكاتبة حنين محمد عبدالرحيم (حنون)
-----------------------------------------------------

على الجانب الآخر 

ميرا : بابا عنده حق
 المفروض اكون فرحانة ان مازن كان في حياتي لأنه علمني درس ولازم في الدنيا دي نقابل ناس علشان نتعلم.......
 خلاص يا ميرا انت قررتي قبل كده 
من هنا ورايح شغلك نمبر وان في حياتك.......

وبعدين نامت
 وصحيت الصبح.....
 بأبتسامتها كالعاده اللي بتخطف فيها القلوب
 اخذت شاور و غيرت هدومها 
ونزلت وقعدت وفطرت......

وبعد ما الكلام قام من على الفطار.......

محمود قبل ما يمشي راح عند ميرا...... 

محمود : ميرو عايز اتكلم معاكي شويه........

ميرا : اتفضل يا حوده في ايه؟؟!!

محمود : ميرو هاسالك سؤال واحد بس انتي بتعتبريني اخوكي ولا لا.....؟!

ميرا : ده سؤال يا محمود ما انت عارف اكيد ايه الاجابة...... 
انا مبعتبركش اخويا ولا صديقي ......

محمود : ميرا بطلي هزار بقى........

ميرا : لا بجد بقى انت عارف ان انت اخويا ....بتسال ليه بقي السؤال ده ؟!!!

محمود : طب مادام انا اخوكي مبتحكيش ليه بقي عن اللي مضايقك..... امبارح كان فيكي حاجة..... 
ومتكدبيش يا اما معتش هكلمك واصل.....

ميرا : مكنش فيا حاجة صدقني.... كان مالي يعني... 
ما انا زي الفل اهو...... 

محمود : برضه مصرة تكدبي..... طب ماعتش اتحدت معاكي واصل...... 

ميرا : يا حودة بقي بطل برادة..... طب بوص هقولك.... 
انا امبارح كنت تعبانة جامد..... وحاسة بدوخة ومغص جامد ومكنتش قادرة بس محبتش اقول لحد علشان محدش يقلق على الفاضي..... 

محمود بخوف : طب مجولتيش ليه يا ميرا.... 
طب انتي كويسة ضلوك.... ولا تيجي نروح للدكتور.... 

ميرا : ما تخافش يا حودك انا دلوقتي كويسة مفيش حاجة..... 

محمود : متأكدة... ؟!!

ميرا : ايوة متأكدة.....

محمود : تمام خلاص كدة اطمنت عليكي 
طمنتيني .... هروح انا بقي.... عايزة حاجة..... 

ميرا : سلامتك يا زميلي يلا بالتوفيق.... 

محمود : سلام..... 

محمود خرج 

ميرا : معلش يا محمود اضطريت اكدب عليك.... يا حودة..... 

المهم ميرا حست نفسها زهقانة لبست فستان ولبست عليه جاكيت حينز بكوم ونزلت تتمشي شوية.... 

وهي ماشية موبايلها رن..... 

ميرا : الو 

=الو ....

ميرا : ايوة مين 

= معقولة نسيتي صوتي يا اميرة قلبي..... 

ميرا : اقفل يا مازن ويريت متكلمنيش تاني يا اما هتلاقي رد فعل مش هيعجبك.... 

= ميرا انتي ليه بقي مش مصدقاني يا حبيبتي انا حبيتك بجد يا اميرة قلبي..... حبيتك صدقيني... 

ميرا : بطل كدب بقي ....انت مبتتعبش من التمثيل.... 
ايه يا اخي انت ايه.... 

ولسه هتكمل لقت حد شد الموبايل من ايديها وقال : 

اوعي تتجرأ تتصل على رقم خطيبتي تاني 

يا استاذ.... انت فاهم..... 

ميرا لفت علشان تشوف مين لقت....... يتبع 

.شافت مين بقي وكل الاحداث اللذيذة دي 
هتعرفوها الحلقة الجاية يا حلوين 💛💛

تفاعل بقي وكومنتات كتير 😍

بحبكم في الله 💛💛

#صعيدي خطف جلبي 😂❤

# ايه ده!!!! صعيدي سرق قلبي ❤

#حنين محمد عبدالرحيم ( Hanon

نصيحة النهاردة (منقولة) 

( للكبرياء قانون ...... 
والقانون فوق الجميع
 أهمها مايلي :
           
1-- لا حنين لمن لا يحن ...!!!
2-- من يذهب بإرادة لن يعود ...!!!
3-- قدس نفسك و كن متيما بها ...!!!
4-- الإهمال أولى خطوات الرحيل ...!!!
5-- الإهتمام بمن لا يهتم بك إهانة ...!!!
6-- غياب دائم أفضل من بقاء بلاتقدير ...!!!
7--من يرخصك بالتجاهل أكرمه بالرحيل...!!!
8-- عندما تخدش الكرامة يدفن الحب حيا ...!!!
9-- من يرحل متعمداً ينسى ومن ينساك ينفى ...!!!
10-- البوح بالمشاعر أمر محرم محكوم علية بالمؤبد ...!!!
   
وبعد تطبيق هذا القانون يكسر الداخل فينا ليظل الخارج متوازنا لا يميل ....!!)

لمتابعة البارت الثاني عشر اضغط هنا

reaction:

تعليقات