Ads by Google X

القائمة الرئيسية

الصفحات

رواية صعيدي خطف قلبي الفصل الثاني عشر بقلم حنين محمد

 محمدرواية صعيدي خطف قلبي الفصل الثاني عشر بقلم حنين محمد

رواية صعيدي خطف قلبي الفصل الثاني عشر بقلم حنين محمد

صعيدي خطف قلبي 

البارت 12 

ميرا جاية بتبص تشوف مين لقت..... مهران...... 

مهران فتح الاسبيكر ولسه ميرا هتقول لمهران : 
انت بتعمل ايه 
مهران حط ايده على بوقها وقالها :أششششش.......

مازن : ازاي خطيبها يعني لا حبيبتي متخطبتش.... 

مهران : لا يا اخويا اتخطبت
 وانا خطيبها
 ولو سمعت حضرتك يا باشا بتكلمها تاني هجيبك مهما كنت فين وأعلمك الأدب...... 

مازن : ميرا جاوبيني يا ميرا......انتي اتخطبتي... لا مستحيل انتي لسه بتحبيني بس زعلانة مني شوية... 
ميرا جاوبيني..... 

ميرا اتوترت وبعدين قالت : 
انا اتخطبت يا مازن.... ايوة..... 

مازن : انتي ازاي تعملي كدة..... ازاي.... انتي ايه...... 
انتي بتاعتي يا ميرا..... بتاعتي انا..... 

مهران بعصبية : لأ لم نفسك كدة..... ولو فكرت تتصل بيها تاني..... او تلمس شعرة واحدة بس منها 
هيبقي اخر يوم في عمرك.... انت فاهم..... 

مهران بعصبية : انتي ايه اللي خلاكي تردي من الأساس...... 

ميرا :انا أساسا مكنتش اعرف ان هو أساسا بس.... 
ثانية.... ثانية..... احم.... هو انت ازاي عرفت بالموضوع ده اساسا...... 

مهران :بوصي يا بت عمي..... انا مكنتش جصدي اتنصت عليكي والله بس سمعت حديتك انتي وعمي بالصدفة بالليل...... 

ميرا بتوتر وحزن في نفس الوقت : 
تمام ماشي شكرا.....وأسفة اني حطيتك في موقف زي ده.... ويعني والله مش ذنبي بس...... 

مهران : انتي مش محتاجة تكملي..... انا معرفش حكايتكم كاملة بس اللي اعرفه.....
ان هو سابك وكدة..... 
ولو حابة تحكيلي ....
ممكن ننسي خلافتنا وخناقتنا دلوقتي ونحطها على جنب وتحكيلي..... 

ميرا بحزن :وحتي لو حكتلك..... مفيش حد هيحس بيا يا مهران...... 

مهران وباين على ملامحه الحزن : 
لا يا بت عمي انا اكتر واحد هيفهمك ويحس بيكي لاني 
مريت باللي انتي مريتي بيه ...... 

ميرا : مش فاهمة يعني انت كمان مريت بنفس التجربة...... 

مهران : ايوة يا ميرا...... 

ميرا في نفسها : يا عم متنطقش اسمي يا ابني حرام عليك.... يخربيت جمال اسمي وانت بتنطقه .....ايه يا ميرا في ايه.....اجمد كدة.... 

وبعدين ردت عليه وقالت : 
طب خلاص تعالي نتمشي وانا هحكيلك وانت تحكيلي يعني لو معندكش مانع...... 

مهران : يلا...... 

ومهران وميرا راحوا مع بعض..... 

مهران : بوصي يا ستي الحكاية بدأت ب******* 

وقص عليها كل الحكاية...... 

ميرا : يااا دي واحدة مادية جدا......
 ايه ده يا ربي في ناس اندال كدة.....
 لا بجد ازاي..... اقولك على حاجة يا برو هي متستاهلكش أساسا.... واحدة زي دي ولا عمرها هتحس ولا هتقدر حد يحبها زيك.....

مهران بابتسامة : شكرا........ما تحكيلي بقي حكايتك..... 

ميرا اتنهدت بحزن وقالت : 

بوص يا سيدي الحكاية هي ********** 

وقصت عليه ما حدث..... 

مهران : ايه ده بجد هو مفكر بنات الناس لعبة ولا ايه..... 
ده انسان متخلف اساسا.... صدقيني مشاعرك دي أغلى منه أساسا...... 

ميرا بابتسامة : شكرا..... مهران ممكن اسألك سؤال؟!!!

مهران : اتفضلي..... 

ميرا : هو انت ليه بتحبها؟!!!

مهران : بحبها!!..... لا بالعكس انا بكرهها بس تعرفي دخولها حياتي كان ليه فائدة..... إنها خلت إرادتي تبقي اقوي اني احقق حلمي..... علشان اثبتلها اني ممكن اني ابقي حاجة...... طب وانتي ؟!!!!

ميرا : وانا ايه ؟!!

مهران : انتي لسه بتحبيه؟!!!...... 

ميرا : لأ لأ زي ما انت قولت كدة انا بكرهه وحاجة كويسة انه دخل حياتي وعلمني درس اني مثقش في قلبي وفي الحب..... وحاجات تانية كمان....... 

مهران : مش علي طول يا ميرا.... بس لازم تتأكدي انك بتدي قلبك للشخص الصح..... 

ميرا : لا يا مهران الحب الحقيقي عمرك ما هتلاقيه عارف انت حب الأرواح قبل الأجساد ان الشخص يحب روحك سواء روحك المرحة.. او الجدية... او العصبية.. قبل شكلك لأن الشكل فاني..... 

مهران : عندك حق يا ميرا......... 

ميرا : مهران.... احم... احم.... هو انا ممكن أسألك سؤال كمان يعني لو مفيهاش رزالة مني ...... 

مهران : لأ فيها...... 

ميرا : طب خلاص..... 

مهران : بهزر أسألي.......

ميرا : هو انت علشان كدة بتعامل البنات بقسوة وبرود شوية..... 

مهران : اه ده سبب من الاسباب بس لو بتتكلمي عليكي انتي بوجه خاص فأنا مش بطيقك ومبحبش اسلوب لبسك الصراحة..... 

ميرا بعصبية : يعني ايه يا استاذ انا طريقتي كدة....
وكمان انت مالك بلبسي ها..... خليك في حالك يا برو....

مهران: لا يا بت عمي اتحدتتي معاي بأسلوب احسن من كدة..... يا اما هوريكي مين مهران بجد...... 

ميرا : ايه يا عم ما كنت بتتكلم عادي...... قلبت صعيدي كدة ليه..... وصح بقي انا عايزة اشوف مين مهران بجد.... 

مهران : انتي ايه ؟!!.... انا مفيش بنت اتجرأت تتكلم معايا كدة....... 

ميرا : انا اتجرأت ووريني هتعمل ايه. ؟!!

مهران : متأكدة.؟!!!!

ميرا : اه يا مهران انت متعرفنيش انا كما قال محمد رمضان (مافيا مافيا مافيا انا مافيا) 

مهران : يالهوي على محمد رمضان اللي لاحس دماغكم ده يعني متأكدة انك مافيا .....

ميرا بغرور مصطنع : yeah يا برو..... 

مهران : طب قربي كدة يا مافيا..... 

ميرا بتوتر : ليه يعني ؟!!!!

مهران : مش عاملة نفسك مافيا... اتوترتي كدة ليه.... قربي مني كدة.......

وبعدين مهران شدها من ايديها لحضنه 

وولع صاروخ من غير ما تشوفه ورماه وراها وهمس في ودنها وقال : 

خلاص خلاص انتي اتوترتي ليه؟!..... ارجعي اهو لو عايزة..... 

ميرا جاية ترجع لورا..............يتبع

حنين محمد عبدالرحيم ( Hanon)

مقولة النهاردة 
(يقول جلال الدين الرومي
"هروبك مما يؤلمك سيؤلمك أكثر ،
لا تهرب ، تألم حتى تشفى .")


reaction:

تعليقات