القائمة الرئيسية

الصفحات

رواية مراهقتي الصغيرة الفصل الثالث بقلم إسراء السيد

 رواية مراهقتي الصغيرة الفصل الثالث بقلم إسراء السيد

رواية مراهقتي الصغيرة الفصل الثالث بقلم إسراء السيد

* رهف اول ما شافت ان الدكتور شاب وصغير قامت اتنفضت من علي سرير الكشف ...وعمر اول ما شافها وقف تنح شويه فيها وهي كمان فضلوا يبصوا لبعض شويه لحد ما هو تمالك الموقف وراح ناحيتها عشان يكشف عليها .
- عمر :- لو سمحتي ارجعي مكانك تاني عشان اشوف شغلي .
- رهف :- بس اااااا .
- عمر بجديه :-يلاااا.
* رهف رجعت مكانها تاني وهي هتموت من الكسوف كانت هتطلع بره وتمشي بس قعدت تاني ومقدرتش تتحرك تاني .
- عمر :- فين مكان الوجع بالظبط .
- رهف :- هنا .
-* رهف شاورتله بالظبط وهو قعد يكشف عليها وهي هتموت من الكسوف وعمر متوتر وهو بيكشف عليها بس علي قد ما يقدر متملك من الموقف .
- عمر :- دخلي اهلها يا مني عند المكتب .
* مني طلعت تندهلهم من بره وهو راح عند مكتبه وهي عدلت هدومها وراحت ناحيت المكتب كانت مامتها دخلت هي وخالتها .
- ساميه :- اي يا دكتور طمنا .
- عمر:- القولون تاعبها وهي موتره نفسها علطول هكتبلها علي حقنه وعلاج هتاخد الحقنه دلوقتي والعلاج هتمشي عليه لحد ما تخلصه وتبقي تجيلي تاني ولو تعبت تاني وهي بتاخد العلاج تبقي تيجي برده .
# عمر خلص كلامه وبص لرهف شويه وبعدين بسرعه حرك عنيه من عليها عشان محدش يلاحظ .
- ساميه:- متشكرين يا دكتور ربنا يخليك .
- عمر :- العفو دا شغلي .
## خلصوا ونزلوا تحت عشان يجيبوا العلاج وتاخد الحقنه ..دخلوا صيدليه وجابوا الحاجه وخدت الحقنه وروحوا علي البيت .
* عمر بعد ما هما ما طلعوا قعدوا يفكر مع نفسه كتير وهو كان متوتر كدا :- في اي يا عمر متتعدل ماكنتش بنت عندها ١٦ سنة بس خلاص بس ليه حصلي كدا كنت حاسس اني طاير في السما وانا ببص في عينيها بس هي كانت خايفه كدا لي هما مش عارفين ان الء شغال هنا لسا متخرج ولا اي ..

* قعد يفكر مع نفسه ويفتكر شكلها البريئ وعنيها الي كانت بتلمع وهو بيبصلها كان باين عليها انها مش كبيرة وتقريبا كمان سنها اصغر ما هما مقدرين فضل طول الليل يفكر فيها بشكل غبي ومش قادر يطلعها من دماغه .

## وكان دا نفس حال رهف لما روحت من بعد ما اخدت الحقنه وهي ارتاحت شويه وقعدت تذاكر برضو عشان امتحانها وبعد ما خلصت فضلت تفكر فيه :- انا اي الي خلاني افضل موجوده مش كنت طلعت بسرعه بس كنت هطلع ازاي وهو واقف اي العبط دا... العيب علي خالتو ساميه اكيد كانت تعرف انه صغير كدا بس متكلمتش بس انا عاوزه اروح تاني واشوفه ..اي العبط الي بقوله دا بس يا رهف عيب دا اكيد اكبر منك اكتر بعشر سنين ولا اكتر كمان يا ربي علي دماغي اي الي بفكر فيه دا بس كدا كدا معرفش اذا كنت هتعب تاني ولا لا يوووووه استغفر الله العظيم انا هنام احسن .# فضلت كدا لحد ما نامت وهي بتفكر فيه ومكانش الحال دا عندها بس لانه كان عند عمر برضو .
* تاني يوم راحت الامتحان وامتحنت وخلصت وطلعت من المدرسه وقعدت تتمشا للبيت لحد ما لمحت الدكتور بتاع امبارح كان طالع من سوبر ماركت ورايح ناحية عربيته بصلها هو كمان بس يدوب لمحها قبل ما تختفي بص حواليه تاني وفكر انه اتهيقله لانه كل شوية بيفكر فيها وكمل مشي ناحية عربيته .

**** ********************************** ا
الناحيه التانيه عند رهف ..
اول ما شافته اخدتها جري بسرعه لحد ما اتخفت كانت هتتهبل اي الي جابه في الشارع دا كان الشارع الي قبل شارعها معقول يكوت عايش هنا طلعته من تفكيرها وراحت علطول ناحية بيتها وطلعت بسرعه .
* اول ما دخلت البيت مامتها لقتها بتنهج .
- سارة :- اي رهف يا حبيبتي في حاجه بتجري ولا اي .
- رهف :- لا يا ماما انا عطشانه بس عاوزة اشرب .
- سارة :- طب ادخلي يا حبيبتي ادخلي وانا هجبلك الميه .
* رهف تو هت من الموضوع ومرضتش تقول حاجه لسارة وشربت ودخلت الاوضه تغير هدومها .
- سارة :- يلا يا رهف عشان تاكلي .
- رهف:- لا يا ماما مش عاوزة .
- سارة :- لا يا حبيبتي يلا عشان تاكلي و تاخدي العلاج .
- رهف :- بس يا ماما مش عاوزة انا اكلت سندويشين الصبح .
- سارة :- يا حبيبتي دا كان الصبح يلا يا رهف بقا .
** رهف وافقت بالعافيه وطلعت قعدت معاها عشان تاكل وتاخد العلاج.

## راحت تاني يوم للامتحان وقابلت منار وقعدوا مع بعض لحد ما الامتحان ما بدأ ودخلوا للامتحان وبعد ما خلصوا نزلوا لتحت .
- منار :- رهف استني هاخد حاجه من حنان بس وجايه علطور دقيقه وجايه .
- رهف:- ماشي هستناكي .
* منار راحت ورهف فضلت واقفه مستنياها وقعدت تفكر تقول لمنار علي الي حصل معاها عند عمر ولا لا فضلت شويه كتير واقفه لحد ما زهقت وراحت تشوف منار فين راحت تبص عليها لحد ما ليقتهم واقغين بعيد بيتكلموا راحت ناحيتها ولسا هتتكلم بس سمعتهم بيتكلموا عليها .
- حنان :- انا مش عارفه انتي اي الي ممشيكي معاها .
- منار :- يووه كل شويه هقولك يا ستي بتديني الاجابات في اللجنه اي بقا يلا مصلحه وبعد ما نخلص مع السلامه.
- حنان :- انتي حرة وبعدين ما تعملي زيي وتبرشمي بورقتين .
- منار :- لا يا قطه دي احسن من الورقتين دي معاها كل حاجه.
- حنان:- المهم تخلصي معاها عشان احنا مبقناش بنروح مع بعض .
- منار:- اهو قربنا نخلص.
* منار اتديرت ولسا هتمشي لقت رهف في وشها كانت لسا هتتكلم بس جريت من عندها بسرعه وهي بتعيط جريت وراها بس ملحقتهاش .
* ورهف قعدت تجري وتعيط ومكنتش مصدقه الي هي سمعته قعدت تجري من غير ما تاخد بالها من العربيه الي جاية ناحيتها.

لمتابعة البارت الرابع اضغط هنا
reaction:

تعليقات