القائمة الرئيسية

الصفحات

رواية مراهقتي الصغيرة الفصل الرابع بقلم إسراء السيد

 رواية مراهقتي الصغيرة الفصل الرابع بقلم إسراء السيد

رواية مراهقتي الصغيرة الفصل الرابع بقلم إسراء السيد

* رهف قبل ما يحصلها حاجه العربية وقفت بسرعه وهي وقفت من الدرعه ومقدرتش تتحرك وكملت عياطها الي كان في العربيه نزل بسرعه .
- عمر:- انتي كويسه يا آنسه اااا.
* عمر كان هيكمل كلامه لسا بس اكتشف انها البنت الي كانت عنده في العياده والي هو بيفكر فيها علطول .
- عمر:- انتي كويسه ! طب حصلك حاجه ! بتعيطي لي.
* رهف مردتش عليه وجريت تاني لحد ما وصلت للبيت دخلت علطول علي أوضتها وحمدت ربها ان مامتها مش في البيت لانها نزلت من الصبح تشتري شوية حجات..قعدت تعيط كتير وزعلت قوي انها سازجه للدرجه دي وتتصاحب علي واحده زي منار كانت قبل ما تدخل الاعدادي مكانتش تعرف حد ومش مصاحبه حد لانها غير اجتماعيه اتقربت منها وصاحبتها ورهف قالت تخوض التجربه وتصاحب وكانت عاوزة تطلع من القوقعه الي هي فيها دي ..وهي عندها ٨سنين اتحسنت حالتهم اكتر ونقلوا في المنطقه الي هيا عايشه فيها حاليا لما باباها اترقي كانت علطول من البيت للمدرسه ومن المدرسه للبيت بس لما لقت منار بتقرب منها لما بقت في ٢اعدادي فكرتها انها عاوزاها تقرب منها هي بس طلعت غلطانه واكتشفت انها دا كله بتجري وراها عشان تغش منها في الامتحانات لما لتقتها شاطره كدا فضلت تعيط شوية لحد ما تعبت من العياط وحست ان القولون تعبها تاني قامت غسلت وشها واخدت علاجها ونامت .

## فضلت علي الحال دا والزعل الي هي فيه لحد ما خلصت امتحانات وسارة شايفاها وحاسه انها فيها حاجه وكل ما تسألها تقولها ان مفيش حاجه ..لحد ما في يوم بليل رهف تعبت تاني جامد وقعدت تعيط وسارة اخدتها بسرعه علي العيادة بتاعة الدكتور ورهف ما كنتش حاسه بحاجه غير التعب الي هي فيه وماكنتش عارفه مامتها هتاخدها علي فين بالظبط نزلت من التاكسي ومامتها اخدتها وطلعت لفوق تكشف عليها مكانش في حد خالص فسارة راحت ناحية الباب وخبطت .
# عمر كان قاعد في العياده بتاعته بيخلص ورق في المستشفي الي شغال فيها وكان قرب يخلص ويمشي بس استغرب لما لقي الباب بيخبط وفي صوت حد بيعيط بره قام علطول وفتح الباب واستغرب لما لقاها بتعيط ومعاها الست الي كانت معاها المرة الي فاتت .
- سارة :- معلش يا دكتور الوقت متأخر بس رهف تعبانه قووي وبتشتكي ببطنها برضو .
- عمر :طب اتفضلي هاتيها وادخلي .
# سارة دخلت برهف وحطيتها علي السرير واستنت لما عمر جه ومعاه حقنه..وبعد كدا جهز الحقنه.
- عمر :- يلا قومي عشان اديهالك .
* رهف من تعبها مدت ايديها عشان يديها الحقنه .
- عمر:- لا الحقنه عضل واكيد انتي عارفه كدا لما اخدتيها المرة الي فاتت.
# رهف مردتش عليها ومترحكتش وبعد ما كانت سكتت من العياط راحت فاتحه في العياط تاني اكتر .
- عمر :- مش هتوجعك صدقيني يلا بس عشان ترتاحي .
## رهف برضو مردتش وقعدت تعيط من تعبها وانها مش عاوزاه يديها الحقنه ومن كسوفها وكل حاجة ومش راضية تبطل عياط .
- عمر ( في سره) :- استغفر الله العظيم لو عيله في الحضانه مش هتعمل كدا اهدي يا عمر اهدي .
- عمر :- طب لو سمحتي يا مدام امسكيها بس معايا عشان باين عليها مش هتبطل عياط ومش هتتحرك .
- سارة :- بس ااا.
- عمر:- مبسش يلا لو سمحتي .
- سارة :- طب سيبني بس دقيقة معاها وانا ههديها وبعد كدا تبقا اديهالها.
# عمر اتنهد وطلع بره وهيولع منها ومش عاوزها تعيط .

############################## ا 
- سارة :- اي يا رهف انتي صغيرة عشان تعملي كدا من امتا وانتي بتخافي من الحقن .
 - رهف :- لا انا معدش عاوزاها يلا نروح وخلاص.
- سارة :- رهف وبعدين متزعلنيش منك يلا خلي الدكتور يديكي الحقنه ونروح يلا بلاش لعل عيال .
# رهف بصت في الارض وسكتت وسارة ندهت لعمر ودخل لقاها بطلت عياط ووشها احمر من العياط قامت وهو اداها الحقنه وبعدين راح ناحية مكتبه وكتبلها علي علاج تاني .
- عمر:- يلا أوصلكوا في طريقي .
- سارة :- لا متشكرة هنشوف اي تاكسي وخلاص .
- عمر :- لا الوقت متأخر يلا أخدكوا معايا في طريقي .
** عمر صمم وسارة مرضتش تعترض اكتر من كدا ونزلوا معاه بعد ما قفل العيادة ونزل شغل العربيه واخدهم ومشيوا ...وصلوا للشارع وعمر فضل ماشي فيه شويه لحد ما اتكلم .
- عمر :- اي دا احنا طلعنا جيران اهو .
- سارة :- انتا عايش هنا ولا اي.
- عمر :- اه انا في الشارع الي قبلكوا لو تعرفي عمارة عمي فتحي انا قاعد هناك في الدور الخامس.
- سارة :- اه عارفه عمي فتحي راجل طيب وامير ..اتشرفت بيك يا دكتور.
 - عمر :- لا دكتور اي بقا قوليلي عمر بس حضرتك قد والدتي .
- سارة :- ماشي يا عمر تسلم يا حبيبي ..بس هنا عند البوابة دي .
- عمر :- ماشي لو عوزتي اي حاجه مني الكارت بتاعي اهو فيه رقمي لو عزتي اي حاجه اطلبيني علطول .
- سارة :- ماشي متشكره . .
- عمر :- لا العفو علي اي ..والف سلامه علي الانسه رهف.
- سارة :- الله يسلمك .

## سارة اخدت رهف وطلعت علي الشقه ودخلت ونيمتها في سريرها وبعد ما نامت دخلت أوضتها هي كمان .### عمر روح هو كمان وطلع الشقه واول ما دخل تلفونه رن برقم مامته.
- منال:- اي يا عمر مش ناوي تيجي البيت بقا كدا تغيب علينا دا كله .
- عمر :- معلش يا ماما مشغول بالشغل شوية واول ما اعرف اجي هاجي علطول .
- منال:- مشغول عننا يا عمر يعني ولا مريحني في امنيتي ولا قاعد معانا برضو .
- عمر :- تاني يا ماما نفس الكلام .
- منال:- ما انا مش هرتاح غير ما تقعد معانا يا عمر هنا وتحقق الي انا عاوزاه .
- عمر :- وطول ما انتي بتزني عليا كدا مش هاجي البيت يا ماما .
- منال:- بقا كدا يا عمر ماشي .
- عمر :- ماما الله يخليكي انا تعبان وعاوز انام عشان عندي شغل بكره .
- منال :- ماشي يا عمر اهرب مني كل شوية سلام .
############ ا 
* عمر اتأفف ودخل اخد شاور ونام علي السرير ولسا هينام لقا اخته بترن عمر ابتسم وفتح عليها .
- عمر :- ملوك حبيبة قلبي .
- ملك : حبيبة قلبك اي بقا ما انتا ناسيني .
- عمر :- والله ابدا بس مشغول شوية الفترة دي بس انتي عارفه انا بحبك قد اي دا انتي قلبي.
- ملك :- اه اضحك عليا زي كل مرة .
- عمر ضحك:- والله ابدا دا انتي روحي وكل حاجه .
- ملك :- امممم هصدقكك المرادي واكدب نفسي ..هتيجي امتا بقا .
- عمر :- اول ما أفضي نفسي بس ان شاء الله هاجي علطول .
- ملك :- متتأخرش عليا يا عمر عشان وحشتني .
- عمر :- حاضر بإذن الله .
- ملك :- تصبح علي خير بقا .
- عمر : وانتي من اهل الخير .

لمتابعة البارت الخامس اضغط هنا
reaction:

تعليقات