رواية حلم الصعيد (كاملة جميع الفصول) حصريا عبر كوكب الروايات بقلم مليكة محمد
رواية حلم الصعيد الفصل الاول 1 – بقلم مليكة محمد
*رواية حلم الصعيد🥰💜🧜🏻♀️*
الحلقة 1
الشخصيات
مليكه :هي البنت الكسوله ذو 23من عمرها دايما عندها كل حاجه ضحك وهزار عمرها ما زعلت من حد من اهلها او بمعني متقدرش اصلا تبعد عنهم ولكن عندما تغضب لا احد يستطيع تهدئتها غيره هو نعم انه اخاها الذى يعرف كل شئ عن مليكه
اسلام:هو الشاب القاسي ذو 27عام لايعرف معنى الضحك جادى جدا في عمله الذي تركه له ابيه بعد ما توفي لكن هناك نقطه ضعفه نعم يوجد هي اخته فقط هي من تستطيع التكلم معه براحه هو يكره الظلم والكذب والخيانه ويكره الحب نعم لانه تعرض لشئ في الماضي سنعرفه من خلال القصه وهو حفيد اكبر عائله في الصعيد
رحمه : شقيقه البطل وهي حقا رحمه كما يلقبها اخيها ذو17من عمرها لا تهتم بأى شئ سوي دراستها
محمد :اخو البطله يعشقها حد الجنون هو في 26 من عمره لكن عكس مليكه فهو هادي ولا احد يستطيع تعصيبه سواها هي
ياسمين:انها والده محمد و مليكه في45 من عمرها تحبهم جدا او بمعني اخر لا تحب سوى ابنها فقط حدث شئ في الماضى جعل مليكه تبغض منها
ممدوح: والد مليكه طيب جدا وهو في55من عمره
صفاء : والده اسلام طيبه جدا وتعشق اولادها وتحب الجميع وهي في 48من عمرها
باقي الاشخاص هنتعرف عليهم خلال القصه
الفصل الأول
في بدايه اليوم كانت مليكه نائمه وتحلم بالحلم الذي لا يفارقها ابدا وهي تستمتع به فقد تفاجات بصوت عالي جدا يزعجها بشده وأصبحت ترجها بشده قائله : انتيييي كل دااااا نايمه اصحي ساعديني في الشقه
تأفافت ونهضت ثم قالت مليكه : في اي يا ماما مش معقول كده حد يصحي حد كده وبعدين امبارح قبل ما انام قولتلك خلي محمد يصحيني أو بابا
الام : وانا مصحيكيش لي إن شاء الله يعني وبعدين بقي امتي هنخلص منك انتي خنقتيني
ردت شمس قائله : إن شاء الله قريب همشي مع بابا ومحمد وهسيبك تروحي ل…..
الام : اروح لمين ما تتكلمي بقالي خمس سنين بقولك اي اللي غيرك في اي مفيش وتمشي وتسيبيني كانى عملتلك حاجه
ردت مليكه وهي تمشي من أمامها والدموع في عيونها ولكن زي كل مره امها مش بتاخد بالها :خلاص بقي مش عايزه اتكلم ومش هنفضل كل يوم في خناق علي الصبح كده
مليكه هي فتاه جميله وبسيطة ذات عيون عسليه وشعر بنى في ذهبي طويل يصل إلى أسفل خصرها ومتحجبه وجسمها رشيق
****في الجهه الاخري****
كان يوضح عليه القسوه والغضب ولكن كان يسيطر عليهم من أجلها :كيف يعني ده رفيقتك راح تجعد إهنيه
رحمه : وطي صوتك ياخوي مبدهاش تسمع انا اللي جولتلها انا تجعد معايا عشان نذاكر امنيح وبعدين يعني ما هي بردك بنت عمنا
اسلام : مبتعرفيش تكدبي عليا يا بنت ابوي بس ماشي خليها تجعد وياكي في الاوضه
كانت تستمع الي حديثهم وعلى وجهها ابتسامه خبيثه لأنها لم تأتي للمذاكره كما قالت لرحمه انها نعمة بنت عمهم في نفس سن رحمه ولكن تعشق اسلام وتنتظر الوقت اللي هتصير في مراته (بنت العم اولى من الغريب) عشان كده هي واثقه من أنه هيتجوزها حتي لو هو مش موافق بس ده كان قرار جد كبير البلد عبد الفتاح
رحمه : تعالي يختي اخوي مشي كان لازمته اي كل دا
نعمة : مانتى عارفه اخوكي لو جلتله انى هجعد عشانه ما هيرضاش
رحمه: طب يلا يختي عشان نساعد امي
عند اسلام في الشركة فهم لديهم شركات استراد وتصدير وشركات حديد
كان يجلس مع ابن عمه وصديق عمره مازن الذي يختلف عن اسلام تمام فهو مرح يحب الضحك والهزار يحب ابن عمه اسلام جدا
مازن : بجولك اي يا اسلام ما تيجي نخرج بحالنا كتير جوى مخرجناش وعلي طول في الشغل
اسلام : بجولك اي يا واد انت انا لسه جاي من البيت واختك كانت هناك وخلت رحمه تكلمني عشان تجعد معاها في البيت وجال اي هنزاكر وبعدين احنا لسه جايين الشركه معنخرجش جبل ما نخلص شغلنا كلاته
مازن : ههههههههههههههه ما انت عارف انها بتحبك وانت اللي مصدر لها الوش الخشب علي طول مش ناوى تفتح جلبك لاي حد تاني جفلته من ساعت ما…..
هب اسلام غاضبا : بجولك اي يا مازن حفل علي السيره دى وروح مكتبك
علم مازن أنه كان لايجب أن يفتح هذا الموضوع فهو يعلم مدي حساسيه الموضوع علي صديقه فقال : انا اسف يا اسلام مكنش جصدي
هدأ اسلام قليلا ثم قال : محصلش حاجه يا ولد عمي امشي علي مكتبك يلا خلينا نروح بدري الناهرده
ذهب مازن وترك صديقه في صراع مع نفسه ومع الماضي
عند مليكه فكانت في غرفتها تتخيل انها ذهبت الي الصعيد هي تعلم أنه شئ غريب والبعض يستغربها من هذا الحلم ولكن هي من تريد ذلك وهي في مخيلتها فتح الباب عليها من تشتاق له كثيرا أخيها محمد : الجميل سرحان في اي
نهضت من علي السرير محتضناه وابتعدت عنه وقالت : هيكون في اي يعني ما انت عارف
ضحك محمد ثم أكمل بعد ضحكه : يا بنتى مفيش حد بيحلم بكده ممكن تلاقي حد نفسه يروح باريس لندن تركيا لكن الصعيد دي أول مرة اشوفها
ضحكت معه ثم قالت: بقولك اي انت اكتر حد عارفني ولا هي كلمتك أصل دا مش كلامك
يصلها محمد بارتباك وقال : بصي بصراحه هي كلمتني قبل ما ادخل بس بصي خلاص يا مليكه مش لازم خناقه تاني وبعدين يعني مهما كانت دي امك
نظرت له بحزن وقالت : يا محمد انت عارف اللي انا عارفاه كويس وبعاملها كده لي انت بس مش عارف تتقبل الموضوع وتحس بين زيي عشان انا اللي كنت ببقي معاها في نفس الاوضه لكن انت انا كنت بحكيلك وبعدين انت عارف انها بتحبك اكتر مني ومش بتبقي عايزه تزعلك تخيل مبتبقاش حاسه اني بعيط وهي قاعده قدامي والنبي يا محمد بلاش كلام في الموضوع دا انا اصلا يحاول أنساه ومش عارفة
رد محمد عليها وهو يعلم لماذا اصبحت أخته هكذا فهذه لم تكن هي منذ خمس سنوات كانت تضحك وتحب أسرتها كلها ولم يكن هناك عداوه مع امها ولكن في يوم تغير كل ذلك : بقولك اي يا بت يا فقر انتي انا شامم ريحه محشي وجعان اوي هتيجي تاكليني ولا اروح أسرق من الحلة وابوظلك شكلها وانا عارف انك انتى اللي عملاه
ضحكت علي أخاها الذي لن يتغير ابدا فهو يغير المواضيع حتي لا يراها حزينه وقالت : تعالى تعالى انا كمان كنت جعانه واستنيتك
ثم ذهبا معا وقاما بايقاظ والدهم وتناولو الطعام بحب ولكن ليس للجميع حب فقط لأخيها ووالدها
ثم نظرت لأخيها وتحدث : انا عايزه اقولكو علي حاجه
نظر إليها أخاها بقلق واضح بينما نظر إليها ابوها برضا لانه يعلم تفكير ابنته وغير ذلك لأنها قالت له ما تريد فوافق
أكملت حديثها : انا قررت اني ………….
في الصعيد
كان الجميع علي المائدة في صمت تام حتي تحدث نعمان عم اسلام
قائلاً : أمتي بجى هنفرح ب اسلام ونعمة يا بوي
قال الجد : لما نعمه تخلص علامها الاول وبعدين نبجي نحدد هيتجوزو ميتى
تابعت زوجة نعمان الخبيثه فهي تكره هذه العائله و تحقد عليهم وتزوجت من نعمان فقط من أجل ماله قالت : وليه نستنى يابا الحچ ما تكمل علام وهي في بيتها ومع چوزها وهي البت ليها غير بيت جوزها هو العلام منيه فائده
قال الجد : بجولك اي يا حفيظة بتك ماهياش أجل من حد انا جولت أما تخلص علامها الاول يعني أما تخلص علامها الاول
تابعت حفيظة بكره : اللي تشوفه يا حچ محدش يجدر يكسرلك كلامك
نظر الجد لاسلام الذي لم يأبه بأي من الكلام اللي اتقال كأنه سيكون عرس أحد آخر غيره وقال : بجولك اي يا ولدي انت من بكره هتروح قريه …… تشوف مكان الشركة اللي هتتبني هناك
رد اسلام باحترام : حاضر يا جدي اي أوامر تانيه
رد الجد : متنساش تشوفلك مطرح عشان تجعد فيه هناك الشهر دا
قال اسلام مستغرباً : شهر اي يا چدي دا هو يوم رايح چى علي طول
رد الجد : له يا ولدي انت هتفضل هناك لحد ما يصممه الشركة ولحد ما تيجي جوالب الاسمنت وكده يا ولدي
رد اسلام :ماشي يا چدي هيجي اروح مع مازن نشوف المكان اللي هجعد فيه
اومئ له الجد بالموافقه علي حديثه
انا اول مره اكتب يارب تكون الروايه حلوه والروايه دي من قصه حقيقيه حصلت ياريت تقولولي رائيكم وتشجعوني
وتوقعت اي الاحداث اللي جايه
• تابع الفصل التالى ” رواية حلم الصعيد ” اضغط على اسم الرواية