رواية أحببت من لا يرانى الفصل الرابع والعشرون 24 – بقلم سحر السحرتي

 رواية أحببت من لا يرانى الفصل الرابع والعشرون 24 – بقلم سحر السحرتي 

احببت من لا يراني 

حلقة ٢٤

*اتجه ادهم بنظره الى عمه 

:وانت يا عمي ازاي عايزني ارجع لواحده خلعتني وضحكت الناس عليا

:بنتي وغلطت وشرحت لي ظروفها وما ليش غيرها هي اللي كانت معايا في السفر 

*رد ادهم عليه مستغربا من موقفه

:كانت معاك في السفر .. لحقت تنسى سماء ووقفتها جنبك واهتمامها وهي بتدرس في حين ان بنتك كانت موجوده بتزورك ضيفه … وكمان سماء هي اللي قعدت تدور لغايه ما عرفت ان في علاج بره  .. ولو كانت تقدر تسافر معاك ما كانتش اتاخرت 

:خلاص يا ادهم مش عايز اسمع اسمها بعد ما خط-فتك من ايد بنتي وخر-بت بيتها 

:خر-بت بيتها … طب اسمعوا كلكم لان اللي هي-ظلم مراتي مش هسامحه الكل لازم يعرف حقيقه جوازنا وانها ما اختارتش تتجوزني بإرادتها هي كانت مجبره تتجوزني غص-ب عنها 

لمياء :يعني ايه غص-ب عنها ملهاش اب يغص-بها يبقى ازاي ما تحاولش تضحك علينا وتطلعها ضحية

:اخرسي انت السبب

: هو اي حاجه عايز تلزقها فيا وقبل ما تدافع عنها ما تنساش انها كان عينيها منك يعني الجوازه جت على هواها

: لا عمر عينيها ما كانت مني

 :انا متاكده و واثقه من اللي بقوله

: لو كانت عينيها مني ما كانتش سمت ابنها كريم على اسم خطيبها اللي كانت بتحبه وعمرها ما كانت هتتجوز غيره

:اه انت بتوجد لها المبررات طب نسمع قصه الحب اللي توج بالزواج

: من غير تريقة … ما كانتش قصه حب كانت قصه اغت-صاب

 *ص-عق الجميع من كلماته عدا من كان يعرف القصه الحقيقيه ثم اكمل

: ايوه انا اغت-صبت سماء ورفضت اتجوزها كمان 

*وبدا في سرد القصه مرورا بفقدانه السيطره على افعاله ومحاوله سماء اجه-اض نفسها وايضا محاوله انت-حارها 

:وكنت ندل قوي بالرغم من ان عمار متأكد  من اللي حصل  … وطلبت منها تحليل عشان أتأكد من ابوه اللي في بطنها  … وكمان اتجوزتها في السر من غير الناس ما تعرف اني جوزها  . …كان قدامها اختيارات كثير تبلغ عني ورفضت ..  عمار عرض عليها الجواز وبرده رفضت  … و واجهت حملها لوحدها  ….. حتى يوم الولاده ما طلبتش مني مساعده وكانت محضره كل حاجه ومع ذلك كملت دور الن-داله كنت بشوف الولاد في السر ..  لغايه ماما ما اكتشفت اني بدخل عندها وسمعتها كلمتين لو واحده ثانيه كانت قالت لها ده بيدخل لمراته واولاده  …. لكن لا .. اخذت الاولاد من سكات ومشيت وبعدت وبعد ما رجعت كمان فضلت مراتي في السر لغايه لما اعلنت اني جوزها ودول ولادي

*انتهى من حديثه وجد ص-فعة على وجهه من سلطان

: ده انا اللي مربيك تعمل فيها كده 

فوزيه :مش لوحده اللي يستاهل القلم ده بنتك كمان … سماء اتأذت كثير منها واللي ما تعرفوش يوم ما سافرت رميتها في الشارع لكلاب السكك لولا ستر ربنا كانت ضاعت لكنها بنت حلال 

*وبدات في سرد ما حدث مع سماء 

*فقام سلطان بض-رب لمياء مرتين ونادى على سماء فأتت

 :حقك عليا يا بنتي انا ما حافظتش على الامانه اللي سيبهالي امك و امنت شخص غير امين عليك لما سافرت  … وسمعت لكلام بنتي ودموعها لما اتهمتك بخ-طف جوزها 

*كانت دموعها تجري على وجنتيها

: اسفه يا معلم مش قادره اسامح اته-امك ليا حسسني ان يتيمه ما ليش لا اب ولا ام … انا سامحت اولادك لما رموني في الشارع عشانك … و سامحت ادهم لما اعت-دى عليا عشانك برده لاني كنت بحس اني بنتك  …حتى لما اتهمتني اني خط-فت جوز بنتك كان ممكن اسامحك لو كنت وقتها بتعاتبني كأب  …. لكن نبرة صوتك قالت انك زوج ام 

:يا سماء امك لو كانت لسه عايشه كانت هتقول لك سامحيني

: لو كانت عايشه تفتكر كنت مريت بكل ده كانت  خدتني ومشينا بكرامتنا 

:انا هجيب لك حقك من لمياء  .. ومن ولادي ….حتى ادهم لو عايزه حقك منه 

:مش عايزه حاجه من حد انا اكتفيت … لو تخلي ادهم يطلقني اكون شاكره لك بيتهيالي انكم خلصتم عتاب مع بعض … انا هدخل اجيب ولادي و همشي يا ريت الكل ينساني أما عن الولاد في اجازه اخر الاسبوع هيكونوا عندكم اكثر من كده ما حدش يطالبني بشيء لاني اظن عملت اللي عليا وزيادة 

بقلمي سحر السحرتي 

*اسرعت للداخل واسرع ادهم خلفها

 *جلست تبكي فوق السرير فجلس ادهم امامها على ركبتيه وامسك يديها الاثنتين يقبلهم 

:وحشتيني يا سماء ايه ما وحشتكيش 

*لم ترد عليه فبدا في البكاء في صمت 

:هتسيبيني … هتقدري نسيتي وعدك ليا 

:صدقني هي هتقدر تسعدك انا بتنازل عنك عشان تبقى سعيد وانا افك الحبل اللي على رقبتي كل يوم بيخن-قني احساس انك مش بتحبني وقاعد معايا عشان ارتباطك بالاولاد بس صدقني عمري ما هحرمك منهم

 :انت حاسه اني مش بحبك

: انت عمرك ما كنت شايفني يا ادهم …حبيتك سنين في صمت

… حاولت اهرب من حبك بخطوبتي لكريم وظل-مته معايا حبيته اه بس مش نفس درجة حبي لك مش نفس النوع

 :انا عمري ما حسيت بالحب غير معاكي … عمري ما حسيت اني راجل يستاهل يتحب غير باهتمامك بيا …. عمري ما اشتقت ارجع للبيت غير عشان اشوفك و استقبالك ليا و حضنك الدافي حسسني قد ايه كنت حما-ر لما خالفت مشاعري ناحيتك واخترت اكمل مع لمياء 

*نظرت له بحيره من كلامه فاكمل

 :ايوه يا سماء كان في مشاعر ناحيتك وانا قاومتها وكنت بغ-ير عليك كمان

: مشاعر ناحيتي انا امتى 

:من قبل ما تتخطبي واكتب كتابي لما كانت سماح هتتجوز ولما كنت في ثانويه كنت بتلكك عشان اشرح لك 

:ولما ض-ربتني بالقلم كانت المشاعر دي موجوده

 :مش قادر اوصف لك اليوم ده عدي علي ازاي ..  ولو ما كنتش صالحتك كان هيجرى لي حاجه 

:يعني انت مش عايز ترجع لها

 :لو واثق 100% انها اتغيرت و هتسعدني برده مش هرجع لها 

*بدات تبتسم من جمال كلماته فاكمل 

:بقى اسيب القمر اللي حطني تاج على راسه ومالك قلبها كله  …اه-بل عشان اسيب الماسه وامسك شويه تراب

: انا كل ده 

:واكتر انت اللي يعرفك و تدخلي قلبه بتقعدي  و تربعي وما فيش مكان لحد تاني …. انا كنت بحسد كريم على حبه ليك 

:الله يرحمه كان طيب 

:اه بس لو عرفت انه جالك في المنام ثاني هروح اغير اسم الواد 

:هو بطل من اول يوم كتبنا الكتاب لكن لما كنت في الغيبوبه جالي عشان يفوقني لولاه معرفش كنت هفوق امتى

 :انا شاكر له جدا انه رجع لي حبيبتي 

:من قلبك يا ادهم 

*اخذها بداخل حضنه 

:اسمعي كده يا ضاكتوره دقات قلبي بتقول سماء …. سماء …ولا مش بتفهمي غير في دقات قلب البهايم 

:في دقه بتقول لمياء 

: واضح انك ما بتفهميش تعالي بقى اثبت لك عملي

*ارتشف رحيق شفتيها وعبر عن اشتياقه الشديد لها (وهي ما صدقت) تجاوبت معه 

:كويس الاثبات ده ولا ندخل غرفتي اثبت لك بطريقه ثانيه *لكم-ته في كتفه

 :عيب الناس بره مول-عه

 :تيجي نسافر انا وانت والاولاد بعيد عن هنا و ننساهم كلهم خالص لو ده هيريحك

:لا يا ادهم مش عايزه احرم عيالي من دفا العيله اللي اتحرمت منه … بس ليه حاسه  بنظره حزن في عينك و ك-سرة في قلبك

 :ما حدش بيفهمني غيرك 

:مالك يا حبيبي

: لمياء كانت بتخ-وني واحنا مخطوبين 

*قالت بنرفزه 

:وحياه امك انت زعلان عشان كده

*وضع يده فوق فمها وهو يضحك

:فوزيه لو سمعتك هتق-طع لسانك ..  وبعدين انا زعلان من بابا لانه كان عارف وسكت عشان طلع متجوز على امي ولمياء كانت عارفه وساكته عشان هو كمان يسكت شفتي جوزك قرطاس و مخلوع 

:لا يا حبيبي انت احن زوج في الدنيا هي الخسرانة

*وقبلته على خده

: اي بالراحه 

:هو ايه اللي بالراحه

:اصل ده الخد اللي عمي ض-ربني بالقلم عليه

 :هو ض-ربك  

:يعني ما سمعتيش وانت هنا 

:بصراحه سمعت بس كان نفسي اشوف القلمين بتوع لمياء

: سيبك منها تعالي نروح وناخد العيال في حضننا و ننسى كل الناس …. ايه رايك كمان نسافر يومين للبحر في اي مكان

: تعالى نروح المكان اللي اتجمعنا فيه وانا في الجامعه ثاني يوم العيد

 :نعم وحياه امك انت عشان تفتكري ذكريات اول بوسه مع استاذ كريم 

*نظرت له بخجل

:ايه ده انت شفتنا 

:اه وكنت هو-لع فيكم بس حسيت انك زعلتي منه و اخدتي موقف وقعد يصالحك

:خلاص بقى يا دومتي انسى 

:عايزاني انسى ان في حد قبلي باسك وحضنك واكيد طبعا عاش حياته بعد كتب الكتاب 

:يوووه كثير ما تعدش

*نظر لها بنظره ح-ارقه فردت بثقه 

:ما انا هنسى انك كنت متجوز قبلي فوت وانا هفوت

 :ضمها اليه بق-وه

 :اي هتفعصني

 : بتأكد انك في حضني انا كنت هتجنن لما حسيت انك هتضيعي مني واتماسكت عشان الولاد … بس الغيبوبه بتاعتك دي خدمتني قوي

: ازاي يعني خدمتك انت كنت مبسوط اني في غيبوبة

:مش العيال نطقوا وقالوا بابا 

:انت بتغش على فكره 

:طبعا بغش ده انا ما صدقت

: كده يا ادهم

 :تعالي نروح عشان نخطط هنعمل ايه في عيد ميلادهم فاضل اسبوعين يكملوا احلى سنه في حياتي 

:طب والناس اللي بره

:ما حدش له عندنا حاجه

:هتعمل ايه مع والدك 

:هسيبه فوزيه تظبطه وبعدين اكمل انا …. لمي حاجه الاولاد وانا هطلع اقول لهم اننا مروحين وناديلي لما تخلصي 

:حاضر يا حبيبي 

: تفتكري العيال هتفضل نايمه لغايه لما نروح ونكمل باقي كلامنا

: هههههه ما احنا خلصنا كلام

:لا في اثبات عملي اللي كنت عايزه  في غرفتي وانت اتكسفتي

: اطلع نشوف الكلام ده بعدين 

*قبل راسها : حمد لله على السلامه يا قلبي … خلي الباب مفتوح عشان تسمعي وانا بح-رق دم لمياء

بقلمي سحر السحرتي 

*بالفعل خرج واخبرهم بعودته منزله مع سماء واولاده و وجه اخر كلامه الى  لمياء 

:مش عارف اشكرك ازاي يا لمياء بجد انت اللي عملتيه خلى علاقتي بسماء اقوى وعمر ما حد هيفرقنا ابدا

 :هترجع لي يا ادهم وهعرف ازاي ارجعك ليا وانت عارف انها مساله وقت ومش هتنازل عنك ابدأ 

*في تلك اللحظه كانت سماء تمسكها من شعرها وتلف يدها حول رقبتها

:لا بقى لو فكرتي مجرد تفكير انك تقربي من حاجه بتاعتي مش هتلاقي مني غير كل ش-راسه وهديكي دلوقتي عينه صغيره عشان كل ما تنسي ترجعي تفتكري بسرعه

 *قامت بض-ربها بكل ق-وه كانت تخرج كل غض-بها مما فعلته 

:انا بسكت اه … وطيبه اه …لكن هتتمادي فيها و تسوقي مش هتلاقي مني غير كل عن-ف لاني مش بسيب حاجه بتاعتي غير بمزاجي وبعد ما اتأكدت أن ادهم عايزني انا مش انت مش هسيبه و اوعي تقربي من بيتي 

*كانت لمياء تص-رخ وتستنجد بأحد لكن لم يقف اي أحد معها او يحاول ابعاد سماء عنها 

سماح :اض-ربي بالراحه يا سماء احسن عمر يصحى 

ادهم :هاه يا حبيبتي خلصتي الولاد هتصحى كمان شويه ومش هنلحق 

*و غمز لها

فوزيه :مش هتلحق ايه يا ادهم 

:مش هنلحق نروح يلا بقى يا سماء وبعدين يا فوز ركزي مع عاصم مش معايا هو محتاج تركيزك كله دلوقتي 

*تركتها وهي تنفض يدها 

:خلاص يا حبيبي خلصت اهو …. اه يا جماعه متشكره انكم اهتميتوا بالولاد وانا تعبانه اشوف وشكم بخير 

*عاد ادهم وسماء الى بيتهم وعاد كل شيء طبيعي بل اكثر فقد زاد تعبير ادهم عن حبه لها اكثر من قبل

 *قام بتنظيم حفله عيد ميلاد الطفلين وقد اعد مفاجاه لسماء 

*فهي لم تكن حفله عيد ميلاد عاديه وانما ايضا كانت حفله زفاف لهما التي وعدها بها 

*دخلت فتاه شابه غرفه سماء فاستغربت وجودها 

:مين حضرتك 

:انا اللي هعمل لك الميك اب

: انا مش محتاجه انا هعمل حاجه بسيطه دي عيد ميلاد ولادي

: مستر ادهم هو اللي طلب مني و بيقول لك سيبيني انفذ المطلوب و هيبعت الفستان بعد شويه 

:خلاص اتفضلي 

*دخلت سماح وهي تضحك و سعيده 

:سمسمه حبيبتي

: مخبيه ايه انت و اخوكي لاني مش مستريحه

*بمنتهى البراءة 

: انا ابدأ … عرفتي اخر الاخبار 

:قولي اللي عندك

 : لمياء خلاص سافرت ومش راجعه تاني عمي ادلها شويه كلام بعد ما سبتونا … وطبعا هي في شقتهم عمي لا كان بيتكلم معاها ولا بيعبرها فقالت له هسافر قال لها في داه-يه

: لا داه-يه واحده مش كفايه في 60 داه-يه

 :هو انت مش ناويه تتصالحي معاه بقى

: خليها للايام يا سماح امال عمر فين

 :مع المربيه

 :نعم يا اختي هي هتخلي بالها من عيالي ولا من ابنك

: دلوقتي بقى في عيالي وابنك ده انا حتى عمتهم … برده عموما ما تقلقيش ادهم جايب لي مربيه اخويا حبيبي … وانت من اللحظه دي هتبقي مرات اخويا بس 

:وانت عمتو الح-ربايه

: سماء اتغيرتي قوي صحيح اتمسكنتي لغايه لما اتمكنتي

: هههههه وانا اقدر ده انت اختي انا مش اخت ادهم و بجر شكلك بس مش هتفتني وتقولي في ايه

: منين يا فرج هو ادهم هيقول لي حاجه

 :اطلعي من دول

: مستعجله ليه كلها شويه صغيرين وتعرفي

 *بعد دقائق انتهت من وضع الميك اب وخرجت سماح لاحضار الفستان وكان داخل كيس مغلق

:غمضي عينك يا سماء 

:ليه

:ما تسمعي الكلام وانت ساكته انا هلبسك الفستان وبعدها هنادي ادهم و اوعي تفتحي لانه عايز يشوفوا عليك قبلك وقال هيزعل قوي لو فتحتي 

:حاضر اديني غمضت لما اشوف اخرتها معاكي انت و اخوك 

*بالفعل ارتدت الفستان ودخل ادهم

: لا مش ممكن حماتي دي كانت فنانه بجد 

*سماء وهي ما زالت مغمضه العينين 

:حماتك مين يا ادهم هق-تلك المرة دى 

:فتحي وانت تفهمي

:انت لابس بدله ولا كأنك عريس 

*نظرت لنفسها وتعجبت

 :ده فستان الفرح اللي ماما عملته ليا اوعى تقول ان النهارده 

*التفتت لتنظر لنفسها في المرآه فاحتضنها ادهم من الخلف 

:ايوه النهارده فرحنا زي ما وعدتك بس مش كبير مجموعه صغيره الناس اللي بتحبنا

:وعملته النهارده ليه

: عشان يكون اسعد يوم في حياتنا يوم ولاده ولادنا و نعتبره عيد جوازنا عشان لو نسيت هههههه 

*خبطته بخفه في كتفه 

:عايز تعمل اثنين في واحد 

:لا ده انا عامل ثلاثه في واحد احتفال كمان  باول عقد كبير يمسكوا المكتب الهندسي بتاعي

: كمان ما كنت عملته في عيد العمال بالمرة

:تعالي نطلع بقى عشان نحتفل بالاولاد وبعدين يدخلوا يناموا واحنا نكمل حفلتنا 

*خرج ففرح الجميع لهم واقترب سلطان من سماء

:مبروك يا بنتي ولا لسه زعلانه و رافضه وجودي انا همشي لو تحبي

: تمشي ازاي يا بابا ومين هيسلمني لادهم

 :يعني مش زعلانه

: ما فيش بنت تقدر تزعل من ابوها ابدا مهما كان 

:انا عارف اني ظل-متك بس فعلا لمياء لها اسلوب طول عمرها قدرت تخليني اتقلب عليك وانت عملتي معايا اكتر ما هي اللي من صلبي عملته 

:انسى يا حبيبي وتعالى افرح باحفادك

 *زادت دهشة سماء عندما رات والده كريم فاسرعت واحتضنتها

:ازيك يا طنط وحشتيني قوي

 :رغم اني زعلانه منك لانك بطلتي تزوريني بس مسامحاك 

:اسفه يا طنط انت عارفه الاولاد صغيرين وما كنتش بعرف اسيبهم لحد غير اني كنت مكسوفة اقابلك

:وما جبتهمش ليه يشوفوا تيته مش انا زي جدتهم

: طبعا يا طنط 

:انا فرحت قوي لما عرفت انك سميتي كريم وفرحت اكثر لما عرفت ظروف جوازك

: ظروف جوازي مين اللي قال لك

:ادهم جه وحكى لنا على كل حاجه لان لمياء نشرت في المنطقه انك خطفتيه منها وادهم كان كل اللي يهمه ان صورتك تفضل حلوه في عينينا رغم ان ما كانش عندي شك فيك 

*احتضنتها سماء يعني مش زعلانه اني اتجوزت بعد كريم 

:انا قلت لك انك لسه صغيره ولازم تعيشي حياتك والموقف اللي اتعرضتي له كان لازم تتجوزي ومن اللحظه دي تعتبرينا اهلك و تجيبي كريم الصغير و كارما نشوفهم 

:حاضر يا حبيبتي تعالي بقى شوفيهم دلوقتي هتحبيهم قوي 

بقلمي سحر السحرتي 

*مرت الحفله سعيده على الجميع 

*اعتذر عاصم لادهم عما فعله وقبل ادهم اعتذاره 

*بعد الحفل حمل ادهم سماء ودخل بها الغرفة كانت مزينة بالورود والبالونات على شكل قلب 

*انبهرت سماء من جمالها

: ايه ده حلوة قوى يا حبيبي عملتها امتى 

*بعد ما خرجتي عشان نحتفل دخلت منسقة الحفلة عشان توضبها

: كل ده علشاني

: لا علشاني

: بتكلم جد 

: وانا كمان بتكلم جد عملت كده عشان تحبيني أكثر وتسامحيني على اي تقصير أو ظ-لم سببته لك

*اقتربت واحتضنته

: لو على الحب فأنت في قلبي من زمان جدا ولو على المسامحة محدش بيشيل من حبيبه ولو على التقصير فعندك وقت تعوض 

: هههههه بقى كده بدل ما تقولي انت مش مقصر في حاجه 

: بحب ضحكتك قوي 

: محدش بيعرف يطلعها من قلبي غيرك 

: ربنا يديني العمر وتفضل ضحكتك منورة حياتي 

: احنا هنقضيها كلام 

: امال هنعمل ايه 

: ادخلي البسي واتوضي عشان نصلي لازم نعيش يوم الفرح بحزافيره

: بس يا ادهم العيال تصحى 

: امال انا مخلي المربية تبات معاهم ليه…. انسي العيال شويه وتعالي نعيش مع بعض الليلة بكل جمالها

: بجد يا ادهم 

: بجد يا قلب ادهم وسماء ادهم يلا بسرعه 

*ومرت الايام هادئه ممتلئه بالحب إلى أن

$ هل فعلا استسلمت لمياء وتركت ادهم ؟ هل ستمر الايام هادئة ام ستحدث مفاجاه تقلب الموازين ؟

• تابع الفصل التالى ” رواية أحببت من لا يرانى  ” اضغط على اسم الرواية