رواية حلم الصعيد الفصل الثانى 2 – بقلم مليكة محمد
الفصل الثاني
مامت مليكه : خير قولي انتي قراراتك كلها غلط اصلا
مليكه : شكرا مش محتاجه رائيك ثم نظرت لأبيها واكملت حديثها انا قررت اني اروح الصعيد
قالت امها : احترمي نفسك وانتي بتكلميني متنسيش اني امك وبعدين اي قررت دي انا مش موافقه
ابتسمت بسخريه ثم ردت مليكه : مش محتاجه موافقتك اصلا انا قررت طبعا بعد موافقه بابا
نظرت الام الي زوجها بغضب ظااهر : انت ازاى توافق علي حاجه زي دي من غير ما تقولي
رد عليها الاب ببرود : والله دي حياه بنتي وانا مش شايف حاجه غلط هي بتعملها عشان امنعها
ردت الام : اممممممممم طيب وهتقعدي فين انشاء الله
ردت مليكه بعدم اهتمام : في سكن هناك هروح اقعد فيه
نظرت الام إليها بمكر وقالت : لا في ناس قرايبي في الصعيد روحي اقعدي عندهم وانا هيبقي اجيلك اطمن عليكي
نظر إليها ابنها ثم قال : قرايبك مين دا يا ماما انا اول مره اعرف حاجه زي دي
تابع زوجها بسخريه : والله وانا كمان يا بنى
لكن كان يظهر علي مليكه الغضب الشديد فهي تعلم من تريد إرسالها إليه ثم قالت باشمئزاز : شكرا مش هروح عند حد معرفهوووش
نظرت إليها والدتها بتحدي وقالت : لو مرحتيش هناك مش هتروحي اصلا
تعلم مليكه مكر امها وأنها إن لم توافق ستقنع زوجها بعدم ذهابها ثم نفخت وقالت : خلاص موافقه بس متبقيش تيجي كتير عشان انا مش عايزه حد من قرايبي تمام انا بهرب منكو ومش عايزه حاجه تضايقني هناك
ثم توجهت الي غرفتها و دفنت رأسها في وسادتها وصرخت بكل ما اوتيت من قوه لأنها تعلم الي ما تريد امها ولكن لا تستطيع اخبار أحد وهذا ما يخنقها وبشده
ذهب إليها أخاها لانه لا يعلم جزء من سبب كره مليكه الشديد لامهم فهو علم بجزء كبير لكن لا يستطيع أن يبتعد عن أمه لأنها تعامله بحب كبير عكس ما تعامل مليكه ثم دق على الباب ودخل وقال: اي يا كوكي مالك
اعتدلت مليكه وقالت : مش عايزه اقعد عند الناس الغريبه اللي هتوديني عندهم
استغرب محمد مليكه لأنها تحب أقاربها بشده وقال : لي يعني يا مليكه انتي لي بتقولى عليهم ناس غريبه دول قرايب…
قالت مليكه : متقولش قرايبنا هما مش قرايبنا
استغرب محمد بشده وقال : ازاى يعني يا مليكه انتي بتقولى اي
قالت مليكه : مش قرايبناااا دا حد وانت عارفه كويس
قال محمد باندهاش : هو معقوله عايزه توديكي هناك لي
ردت بسخريه : انت مسمعتهاش وهي بتقول هجيلك كتير
رد اخوها : بلاش تروحي يا مليكه هتزعلي نفسك
ردت عليه بكر شديد : لا بقي هروح وهنشوف اي اللي هيحصل
فهم أخاها دماغها وقال: انتي مينفعش تعملي حاجه هناك
قالت هي والمكر باين عليها : خلينا نوقف راسين في الحلال بدل الحرام أو نكسرهم الله اعلم
اندهش أخاها من كلامها وقال : هتعملي اي يا مليكه
قالت : مش هعمل حاجه كل هيبان بس اروح هناك خلاص فاضل يومين
قال : انتي هتروحي كمان يومين انتي بتهزري
قالت : انا جهزت كل حاجه يا دوب بكره نشتري حاجاتي واوضب الشنطه وانام واصحي واروح يلا بقي اطلع بره عايزه انام عشان بكره اليوم طويل
ابتسم اخاها وقالت : تصبحي علي خير يا ختي اما نشوف هتعملي اي
قبل ما تنام اتصلت بصديقتها ساره واول ما ردت قالت : بقولك اي انا هنزل بكره اجيب حاجات عشان هسافر وانتي هتيجي معايا
ردت صديقتها بهدوء فهي عكس مليكه في كل حاجه هاديه جدا وتخشي كلام الناس علي عكس مليكه التي لا تهتم بكلام الناس اهم حاجه أنها تبسط نفسها وقالت: وعليكم السلام
قالت مليكه : معلش نسيت هاا قولي لطنط بقي بصي انتي قوليلها مع مليكه وهي هتوافق علي طول
ابتسمت علي صديقتها وقالت : هتسافري فين اوعي تقولي الصعيد
قالت مليكه : الله عليكي وانتي عارفه صاحبتك كده ماتيجي معايا هنتبسط اوي والله
قال ساره : هقول لماما وأشوف
قالت مليكه : طيب بكره الساعه 2 العصر وعارفه لو اتخارتي هقولك
ردت عليها ساره وقالت : اه انا اللي بتاخر فعلا عموما ماشي يا ستى هقول لماما وتقولك هتوافق بكره ولا لأ
ردت مليكه : اشطا يلا بقي عشان هموت وانام
ردت ساره طيب يا حبيبتي باي
***** في الصعيد *****
عند اسلام ذهب إلي المكان الذي قال له جده عليه وكان يستريح ويفكر بماضيه وقال : لي كده يا سحر دا انا حبيتك وغيرت نفسي عشان لي تعملى كده خليتيني وحش ومش عارف اغير نفسي تاني
دخل عليه ابن عمه وهو يتحدث في الهاتف قائلاً : اتفضل يا جدي اسلام معاك اهه وناول التليفون لابن عمه وتحدث مع جده وقال : معلش يا جدي التلفون خلص شحنه
قال الجد : اعمل حسابك يا اسلام كتب كتابك ودخلتك علي بت عمك نعمه بعد سبوعين
قال اسلام : يعني اي يا جدي الكلام دا انا مجولتش لحد حاچه ولا انتو جررتم وخلاص
قال الجد : ايوه يا ولدى خلاص جررت ولا انت ناوى تكسر كلمتي اياك
قال اسلام وهو في قمه غضبه : لا يا جدي مجدرش خلاص يا جدي اللي تشوفه. وما ان انهي مكالمته اذا بالتليفون يتهشم مليون قطعه
انفزع ابن عمه وقال : في اي يا بن عمي ايه اللي حصل
رد عليه وقال : شايفني عيل صغير بيحددو ميتي هتجوز
قال اسلام محاولا تهدأته : اكيد جدي ميجصدش هو يعني
رد عليه وقال : هو يعني اي ماشي انا هعملهم اللي هما عاوزينه عشان اخلص
جاء اليوم التالي واستيقظت بطلتنا وذهبت سرعان بميعاد لقائها مع صديقتها
اندهشت ساره كثيرا فمليكه لم تتأخر عليها كعادتها وقالت : بسم الله الرحمن الرحيم انتي كويسه يا بنتى اي دا اول مره متلطعينيش في الشارع
ضحكت مليكه وقالت : عشان اليوم دا بالاخص مقدرش اتاخر فيه المهم مامتك قالتلك اي
أرادت ساره مضايقتها وقالت : هقولك اخر اليوم
نظرت إليها مليكه بغضب مزيف وقالت : طب امشي قدامي يا عيله يا بارده
ضحكت ساره علي صديقتها واكمبو مشيهم واشتروا جميع المستلزمات للسفر وفي نهايه اليوم تحدث مليكه مع صديقتها وقالت : ها بقي مامتك وافقت
ردت ساره : ايوه يا ستي وافقت
قفزت مليكه من الفرحه فصديقتها ستكون معها في متعتها وصرخت قائله : بتهزرررررري بجد
ضربت ساره مليكه بخفه وقالت : ششششششششش يخربيتك الناس بتتفرج علينا امشي
ضحكت مليكه وعادوالي منزلهم وعندما عادت قالت والدتها : انا كلمت قرايبي واتفقت معاهم هيخدوكي من اول الصعيد
قالت مليكه : ساره هتيجي معايا علي فكره
ردت الام بلا مبالاه : مش مهم اقعدو انت. الاتنين مع بعض
ذهبت مليكه الي غرفتها وهي تنوي علي الشر الي المكان اللذي ستذهب إليه ووضبت شنطتها وغطت في نوم عميق لأنها واخيرا ستحقق حلمها
ياتري مين الشخص اللي مليكه بتكرهه اوى كده وهو السب في كرهها لامها ؟
ويا تري هتعمل اي في المكان اللي هتروحو ؟
هنزل فصل كمان بس كمان شويه
:`
• تابع الفصل التالى ” رواية حلم الصعيد ” اضغط على اسم الرواية