رواية حكاية التلات بنات الفصل الثاني بقلم ملك اسامه
رواية حكاية التلات بنات الفصل الثاني بقلم ملك اسامه
البارت الثاني 🦋💜
حكايه التلات بنات
اللواء:صباح النور يا آدم تعالي أعرفك ملازم أول نورين عبد السلام
آدم بصدمه و هو بيبص علي نورين:أنتي!!
نورين بتبصله ببرود
آدم:سياده اللواء انا أسف بس أنا مش هشتغل معاها
نورين:ليه انشاءالله
آدم:اولآ عشان أنتي بنت و أنا مستحيل اشتغل مع بنت
نورين:و ثانيا!
أدم:لو حصلك حاجه مش هنعرف نتصرف لأنك بنت برضو
نورين:طيب اولآ أنا بنت بس بميت رااجل علي فكره و لو حصلي حاجه أنا هعرف اتصرف وبعدين أنا شغاله في الشرطه و الشرطه مش بتفرق بين بنت و ولد لو موت يبقي موت شهيده
آدم قلبه وجعه لمجرد إنها جابت سيره الموت و قال:لكن أنا مش بشتغل مع بنات
اللواء عشان يقطع الجدال:آدم أنا اللي اخترت نورين و هي هتبقي معاكوا في المهمه دي لأنها دخلت قبل كدا في مهمه كان فيها الناس دي برضو لكن للأسف هربوا
آدم:بس يافندم
اللواء:من غير بس الأوامر تتنفذ
أدم ادي التحيه و خرج متعصب
معتز:شوفت عاملين زي المطلقين ليه!!إحنا نشتغل مع بنت ليه أفهم أنا لييييه؟
محمد:اهدوا يا جماعه اللي حصل حصل وخلاص مش هينفع حاجه تتغير اهي مهمه و هتخلص
آدم كان في عالم تاني كان بيفكر إزاي هيتعامل معاها و ليه قلبه وجعه لما جابت سيره الموت
وائل:آيه يا آدم فينك؟؟
آدم:لا مفيش المهم إحنا مضطرين نتعامل معاها عشان المهمه
أحمد بأستغراب لأن دي مش طريقه آدم:آدم أنت كويس!
آدم:آه بس حسبتها بعقلي بس
قاطع كلامهم خروج اللواء هو و نورين
اللواء:نورين معاكوا من النهارده و ممكن تدخل معاكوا في مهمات تاني
آدم:بعد أذنك يافندم المهمه دي و خلاص
اللواء:أنا اللي اقرر يا آدم
و سابهم و مشي
آدم:اتفضلي يا برنسيسه واضح إنك باليل دكتورة و الصبح ملازم
نورين بصتله ببرود و دخلت المكتب و الكل وراها و هما مستغربين الكلام اللي قاله آدم
………………….
في المكتب
كانوا السته بيشتغلوا و كان مكتب نورين جمب مكتب محمد و كانوا بيتكلموا مع بعض و دا عصب آدم
آدم:محمد تعالي عايزك
محمد:حاضر بعد أذنك يا نور
نورين ابتسمتله و كملت شغلها
………….
محمد:إيه يابني
آدم:محمد إحنا مش جايين نلعب تمام بلاش كلام معاها
محمد:هي مين نورين؟؟؟دي أختي يابني أختي وبعدين أنت مالك اتكلم ولا لا؟؟لتكون وقعت!!
آدم:محمد بطل هبل اللي عندي قولته اختك مش اختك برضو إحنا جايين نشتغل
محمد:حاضر ياخويا حاضر
محمد دخل المكتب و بعد مده دخل وراه آدم و كانت نورين بتتكلم مع معتز
……………….
في بيت التلات بنات
في اوضة البنات
ريماس بصوت واطي:أمك لو عرفت اللي أنتي بتعمليه هتزعلك يا بسمة
بسمة:يا ريماس هو بيحبني و أكيد مش هيكدب عليا متخافيش
ريماس:أنا حذرتك بس لما نورين تيجي من المديرية لينا كلام تاني
بسمة:انشاءالله
ريماس سابت بسمة و طلعت
ريماس و هي بتبوس والدتها:صباح الفل يا ست الكل
ريهام:صباح النور يا قمري بقولك ياحبيبتي أنا مسافره باليل
ريماس:مطروح!
ريهام:آه عمك عايزنا هناك
ريماس:تمام خدي بالك من نفسك
ريهام:متخافيش أبن عمك جاي يأخدني المهم أنتوا خدوا بالكوا من نفسكوا تمام
ريماس:متخافيش يا ست الكل
و بدأوا بعملوا الأكل و بعد مده طلعت بسمة و ساعدتهم
…………………..
باليل كانت نورين مروحه جايه تفتح عربيتها لاقت الكوتش بايظ
نورين و هي بتضرب الكوتش:دا وقتك يعني
آدم من عربيته:محتاجه توصيله؟
نورين:لا شكرآ
آدم:بطلي عناد و أركبي
نورين وهي بتبص علي عربيتها:طيب و عربيتي
آدم:بكرا الصبح هتكون قدام بيتك
بصت بصه اخيره و ركبت مع آدم وصلوا قدام البيت
آدم:سلام
نورين:شكرآ
آدم:ياختي ياختي نورين و شكرآ ميتجمعوش مع بعض خالص
نورين:نينينينينيني
آدم ضحك و مشي و هي طلعت ادت فرضها و أكلت مع عيلتها
……………….
في الأوضة
ريماس بصوت واطي:ها عملتي إيه؟
نورين:معملتش حاجه روحت وبس
ريماس:طيب مش ناويه تقوللها
نورين:مش هينفع يا ريماس أنتي عارفه إنها رافضه إني اشتغل في الشرطه أصلا
ريماس:ماشي ماما مسافرة النهارده
نورين:آه قالتلي
باليل أبن عمهم حسن جه و والدتهم ودعتهم و مشيت معاه
………………………
في منتصف الليل(سوري بتقمص الدور يعني و كدهوو😂)
كانوا التلات بنات نايمين و الباب كان بيخبط جامد لدرجه خوفتهم قاموا التلاته و نورين فتحت الباب و اتفجأت ب
نورين:******
#حكايه التلات بنات
#ملك أسامه💜🦋
لمتابعة البارت الثالث والرابع اضغط هنا