رواية طفلة الجواد الفصل التاسع 9 – بقلم هنا حسين
طفله الجواد party 9 هديه 
لغوالي هنون 
لغوالي هنون جواد كان طالع من الحمام وماسك الفوطه بينشف شعره سمع صراخ مهره نزل يجري بسرعه لقيها واقعه على الارض وماسكه رجليها وعماله تصرخ
مهره بصراخ وعياط: الحقني يا جواد
جواد شالها بسرعه وراح بيها علي المستشفى دخلها الطوارئ
جواد: بسرعه يا دكتور طمني عليها
كان واقف قلقان عليها لحد ماطلع الدكتور
جري عليه جواد
جواد: طمني يا دكتور مهره بخير
الدكتور: ماتقلقش هي كويسه الحمدلله الحرق بسيط هي عاوزه راح لفتره كمان تغير علي رجليها بعد يومين
جواد: يعني مش هيبقا في تاثير عليها هتقدر تمشيالدكتور: في الوقت الحالي لا بس بعدين هتبقي كويسه كمان تقدر تخدها معاك
جواد: شكراً يا دكتور
الدكتور: الف سلامه عليها وسابه ومشي
اذكروا الله
زينب: يابت اتهدي خيلتيني
دينا: انا كيف طوعتك وعملت اكده
زينب: دي قرصت ودن ماتقلقيش هتبقي كيف القرده اني خبراها زين
دينا: انا قلبي واجعني عليها البنيه كانت بتفرفر كيف الفروجه المدبوحه
زينب بضيق: انت اللي قلبك رهيف قولتلك هتبقي زينه قفلي عن الموضوع ده عاوزه تفضحينا
دينا: ماتقلقيش يا مرات عمي كده كده محدش هياخد باله ان الحله عليها زيت
دخل جواد علي مهره لقي رجليها عليها شاش وهي عيونها حمرا من العياط قلبه رق من شوفتها كده قرب عليها وقعد جانبها
جواد: سلامتك يا مهره
مهره بصت الناحيه التانيه وماردتش
جواد: قولت اي اني قبل سابق لما اكلمك تردي عليه
مهره: معوزاش اتحدت وياك واصل
جواد: ليه ان شاء الله كنت عملت ليكي اي
مهره: لا أبداً مش انت اللي قومتني من النوم عشان خاطر المطبخ خلي المطبخ ينفعك يا جواد
جواد: هو انا كنت وقعت عليكي الحله لمي الدور يا مهره وقدر الله وما شاء فعل
مهره: اعمل ايه اني به الكلام ده بعد ما قادراش اقف على رجليه
جواد: هتخفي وهتبقي زينه قومي خلينا نمشوا
حاولت مهره تقوم او تحرك رجليها لكن ما قدرتش قرب عليها جواد عشان يشيلها لكن هي رفضت
مهره: بعيد عني اياك تقرب مني ولا تلمسني
جواد: على اساس هموت عليكي يعني عاوزه تفضلي اكده انت حره
فضلت مهره تحاول لكن بدون جدو
شالها جواد بنفاذ صبر وهي بتحاول تبعده عنها
جواد بعصبيه: قسما بالله لما بطلت حركه لاكون رميكي على الارض
استكنت مهره بين دراعاته ركبها جوه العربيه فضل يبص عليها وهي بصه بعيد لحد ما وصل ليها غرقانه في النوم وباين عليها التعب
شالها وطلع بيها لفوق
نومها على السرير وطلع عليها هدوم نظيفه وقرب منها بحذر وغير لها هدومها وهي ما كانتش حاسه من التعب
قرب منها جواد وباس جبينها
جواد بهمس: حقك على قلبي يا نور عيني
وغطاها كويس ونام جنبها بقلم هنا حسين
اذكروا الله
تاني يوم قام جواد كالعاده لقي مهره لسه نايمه قام من جنبها ونزل لتحت
لقي الجميع جالس على الفطور القي الصباح وفضل واقف ونده علي الخادمه
جواد: جهزي فطور زين لستك مهره
زينب: ليه هي السنيوره ما نازلهاش تفطر ويانا
جواد: ليه ما حدش حس باللي جرى لها نزلت تنظف المطبخ وتكبت عليها حله الشوربه ورجليها اتاذت
هاشم: ميته حوصل يعني محدش حس
جواد: بالليل يا ابوي وما حدش كلفه خاطره ويسال عليها ده صريخها كان مالي السرايا كلها
زينب: يا ولدي كنا نمنا محدش حس
مازن: طب هي عامله ايه دلوقتي
جواد: زينه
مازن: كنت صحيتني كنت رحت وياك
جواد: حصل خير الموضوع عدى
ليندا: يحرام بجد اتضايقت على اللي حصل لها ممكن اطلع اشوفها
جواد: هي نايمه دلوق لما تصحى ابقي اطلعي اطمني عليها
وسابهم وطلع لفوق بقلم هنون
اذكروا الله
مازن بهمس: انت ليكي يد في الموضوع ده
دينا بتوتر: موضوع ايه ده
مازن: موضوع مهره والحادثه اللي حصلت لها
دينا: اديك جولت حادثه منين لي يد فيها
مازن: طيب اني هشوف الموضوع ده اصلك جيتي متاخر الاوضه وسمعت صريخ وانت قلت مش عندنا
دينا بكدب: ما انا فعلا ما كنتش عارفه اكيد يعني مش هوصل للدرجه دي
مازن: يمين بالله يا دينا لو كان لك يد في الموضوع ده لا هيبقى ليا تصرف تاني معاكي
قاطع حديثهم هاشم
هاشم: ابقى روح مع لينده الشغل يا مازن دلوق اخوك مش هينزل من عند مرته هيبقي ليها حكيم
زينب: انا ما اعرفش عامله له العمل فين البنت دي اكيد سحره له
مازن بضحك: ده الحب ياما ما جربتهوش انت ياك
زينب: حبها برص البعيده قال حب قال امال عاوز يتجوز عليها كيف
مازن: انا مش مصدق ان جواد يعملها
ليندا باستفسار: جواد عاوز يتجوز
زينب: ايوه يا بتي ان شاء الله ربنا يكرمه ويعوض عليه
ليندا: بس هو بيحب مراته ده ظاهر
زينب: اديك قلتي الظاهر لكن المخفي الله يعلمه بعدين عاوزين نفرح بولدي وبعيل منيه اصل مهره دي ما هتخلفش تاني
هاشم: كفايه كلام اكده خلونا نفطروا
اذكروا الله
عند مهره كانت لسه نايمه وجواد قاعد جنبها بدأت تصحي عدلت نفسها على السرير لقيته بيبص عليها بإبتسامة
جواد: الف سلامه عليكي يا مهرتي
مهره بضيق: اني مش مهرت حد وتبطل تبحلق فيا وانا نايمه
جواد بضحك: من جمالك يعني امال لو كنتي بشعر اصفر ولا عيون ملونه كنت عملت ايه
مهره عرفت اللي بيرمي عليه
مهره: اه صحيح يعني ما رحتش الشغل مع ام الشعر اصفر وعيون ملونه
جواد: اصل بعيد عنك بنت شكلها يقطع الخميره من البيت عامله حادثه ووقعت في وشي ما فيش غيري يعولها
مهرب بقهر: ما عايزكش تعولني يا جواد عشان انت السبب في اللي انا فيه ده بلاش تعمل نفسك بريء قدامي
جواد: مش انت اللي بتنشفي راسك يا مهره تبقي استحملي واديكي شفتي ما اتحملتيش يوم واحد وبقيتي مكسحه
مهره بغيظ: كساح اما يخبطك يا بعيد
جواد: ماشي يا ستي تشكري انا مش هرد عليكي عشان اللي انت فيه ده
مهره: شكرين افضلك يا عمده اتفضل بقى عاوز اغير
وتبص على نفسها تلقيه مغير ليها
مهره: مين غير لي هدومي
جواد: انت شايفه مين ممكن يعمل اكده غيري
مهره: جواد ما تعملش كده تاني انا اكلت منه الكلام ده زمان لكن دلوقتي لا
جواد بضيق: كلاماي ده بعدين ما قدرتش اسيبك وهدومك متبهدله الحق عليا يلا قومي عشان اوديكي الحمام
مهره: انا اقول لك ايه وانت بتقول لي ايه
جواد: طب يا ستي احكيلك حاجه ممكن تكوني نسياها فاكره زمان لما كنتي في المدرسه وقعت واتفتحت راسك ساعتها خسرت دم كتير فاكره وقتها مين اتبرع لك بدمه
عارفه وقتها لو كانوا طلبو عمري وانت تعيشي ما كنتش تاخرت
مهره: انت بتعايرني بالدم اللي اديته لي بس انا وقتها ماطلبتوش منك كنت خليته ليه كان نفعك دلوقت
جواد بغضب: تصدقي انا غلطان اللي حابب انسيكي وجعك انت تستاهلي اللي جرى لك يا ريت كانت جت في لسانك كان احسن
انا نازل اشتغل في المكتب تحت الفطور هيطلع لك اتسممي وخدي علاجك
وسابها ومشي
الفصل التالي اضغط هنا
يتبع.. (رواية طفلة الجواد) اضغط على اسم الرواية لتجد الفهرس كاملاً بجميع الفصول.