رواية طفلة الجواد الفصل العاشر 10 – بقلم هنا حسين
طفله الجواد party 10
عدى يومين وجواد ما سابش مهره لحظه كان دايما جنبها
ومهره بدات تتحسن شويه
بالليل جواد كان جايب لها العشا وبيعشيها
جواد: خلص عشان تاخدي العلاج
مهره: كفايه علاج معدتي بتوجعني
جواد: معلشي علي شان تطيبي بسرعه
مهره: طب الحرق هيسب اثر
جواد: حتي لو ساب مش مهم يعن هناخد ايه من رجليكي المقشفه
مهره: جواد بطل كلامك ده انت بتضايقني وانا تعبانه
جواد: قلت كلام حلو بضحك عليكي وكداب
قلت العكس بضايقك عاوزاني اعمل لك ايه
مهره: مش عاوزاك تعمل لي حاجه واصل
سكتت وبعدين اتكلمت
مهره: ايوه صوح هي البنت اللي جات من مصر هتفضل مضيفانا لميته
جواد: وايه مضايقك في دي كمان
مهره: ما اعرفش كيف اهلها مهملينها لحالها في مكان بعيد عنيهم لا وكمان قاعده في بيت في رجاله غريبه
جواد: عادي دي طبيعتهم وبعدين دي بتشتغل ومستقله وشغلها حلو
مهره حسيت بالغيره من كلامه
مهره: ايوه حلو ده حتى عجبه امك وبتقول عليها حلوه
جواد: معاها حق البت كيف القشطه
مهرب بغيره: ايوه كيف القشطه وانا كيف الزفت صوح وبعدين فاضل لي ترم اخلصه واشتغل وابقى احسن منيها
جواد: لما تخلص يحلها الف حلال بعدين ما تقارنيش نفسك بيها انت حاجه وهي حاجه تاني
مهره: ليه ان شاء الله كنت ناقصه ايد ولا رجل بالعكس ده انا احلى منها بمراحل ده كفايه اسمي
جواد: ههه الشكر ليا انا اللي سميتك بعدين الحكايه مش جمال الحكايه عقل انت نقصك عقل هو ده اللي ناقصك
مهره: كفايه هي العقل كله جواد انا تعبانه وعاوزه انام بالله عليك كفايه كلام عن السنيوره ان شاء الله تولع
قرب منها جواد
جواد: طب مافيش حاجه اكده ولا اكده اصلي اتوحشتك قوي قوي
مهره بعدم فهم: حاجه زي ايه ما انا قدامك 24 ساعه لحقت اتوحشك ميته ولا هو كلام وخلاص عشان ما نتكلمش عن السنيوره
اسكتها جواد في لحظه جميله كان مشتاق ليها بعد عنها لقيها فاتحه عينيها بصدمه
جواد: الله يخرب بيت فهمك يا شيخه
مهره بخجل لما فهمت هو عاوز ايه
مهره: اللي بتفكر فيه ما ينفعش ولا انت مش شايف رجلي خلاص ما فيش احساس
جواد بزهق: افصلي افصلي ما تتعبيش من الكلام ما تخافيش مش هجرب لك
انا خلاص خدت اللي عاوزه واداها ضهر ونام
مهره حطت ايدها على شفايفها بابتسامه وهمست من غير ما يسمعها
مهره: واني كمان اتوحشتك قوي بقلم هنا حسين
اذكروا الله
تاني يوم قام جواد لبس هدومه
مهره قامت وبدات تتحرك بسيط
مهره: انت رايح فين
جواد: صباح الخير مش رايح فين بعدين انا رايح الشغل معطله بقى له كتير
مهره: طب اشتغل من اهنه
جواد: ما ينفعش الشغل محتاج اشرافي ولا ما قدراش تستغني
مهره: اكيد لاه خلاص براحتك
جواد: تمام افطري واشربي علاجك لو عزتي حاجه كلميني
وسابها ونزل راح ما كان شغله
كانت ليندا راحت الشغل هي ومازن
خبطت على المكتب وسمح ليها جواد بالدخول
ليندا: فرحت اوي لما عرفت انك موجود هنا
جواد: ما كانش ينفع اتاخر اكتر من اكده
ليندا: الصراحه كنت حابه اطلب منك طلب
جواد: اتفضلي اطلبي اللي عاوزاه
ليندا: عاوزه اتفرج على البلد وتكون انت معايا علشان خلاص اسبوع وهسافر
جواد: حاضر بعد الظهر ان شاء الله هاخدك وافرجك
ليندا: شكرا بجد يا جواد انت احسن حد انا قابلته
اذكروا الله
منه: يعني خفيتي ولا لاه
مهره: يعني شويه مش بقدر احمل على رجلي غير بسيط
منه: ربنا يعفي عنك يا حبيبتي
مهره: عاوزاك تجيلي اصل قاعده لوحدي زي القرد
منه: يا ريت يا اختي لكن خلاص الامتحانات على الابواب وانت عارفه لو سقطت امي هتعلقني علي باب البيت
مهره: يعني هفضل قاعده لحالي لحد ما يرجع جواد
منه: كيفه معاكي
مهره: زين يا اختي
منه: ما فتحش معاكي موضوع الجواز
مهره: لاه ما اتكلمش واصل وانا ما بقتش فاهماه ولا حتى بقيت عارفه بيحبني ولا بيكرهني ولا ايه حكايته
منه: هو من اللي بتعمليه فيه هتفهمي حاجه
مهره: طب اعمل ايه يا زفته قولي لي مره واحده قلت لك حاجه وحلتيها معايا غير دايما واقفه مع جواد
منه: ايوه مش عمدتنا يا اختي لازما نقفوا معاه ونعمله معاه احلى واجب
مهره بمزاح: سلام يا ختي ما تتصليش بيا تاني بقلم هنون
منه: سلامين يا ختي اروح اشوف اللي ورايا
وقفلت معاها
اذكروا الله
خبط الباب
مهره: ادخل
دخلت دينا بصينيه الاكل مما زاد استغراب مهره
مهره باستغراب: دينا اي اللي جابك
دينا: اصل لقيت الخدم مشغولين وما حدش فاكر يطلع لك الغداء قلت اطلعه لك اني
مهره: ما كانش في داعي تتعبي نفسك
دينا: لاه عادي مش مشكله المهم انت زينه
مهره: بقيت كويسه الحمد لله
دينا: طب اسيبك اني اتغدي براحتك ولو عزت حاجه اندهيني
وطلعت وسابتها
مهره: ماشي يا جواد ما صدقت رحت الشغل ونسيتني خالص
بالليل كانت مهره قاعده بضيق
وبص على الفون اللي ما فيش ولا مكالمه من جواد ولا حتى رساله
سندته بغيظ سمعت صوت العربيه عرفت ان هو راحت عشان تشوفه فضلت تمشي بعرج لحد ما وصلت عند الشباك اللي بيبص على الجراج لقيت ليندا بتنزل من العربيه وهو كمان نزل
ليندا بابتسامه: شكرا بجد على اليوم الجميل ده يا جواد
جواد: ولا يهمك يا ستي انت تؤمري
ليندا: مبسوطه اني عرفتك كمان مبسوطه اني جيت الصعيد عشان اتعرفت عليك
جواد بابتسامه: وان شاء الله تكون معرفه الخير
قربت منه ليندا وحضنته
ليندا: thank you بجد
كل ده تحت انظار مهره المصدومه المشعه بالغضب رجليها ما بقتش شايلاها راحت ناحيه السرير قعدت ودموعها نزلت زي الشلال
تفتكروا مهره هتتصرف ازاي
الفصل التالي اضغط هنا
يتبع.. (رواية طفلة الجواد) اضغط على اسم الرواية لتجد الفهرس كاملاً بجميع الفصول.