رواية لسنا ملائكة – الفصل السابع
السابع#أعشقك
السابع
علم أن إبنه قد تم كتب كتابه بالامس بدون حضوره فشعربالم شديد بقلبه فها هو من ابعده يوما عن حياته وفكر أنه سيحتاج اليه يوما ما ولكن نسى أن من يغنى الجميع هو الله وهو من يعوض الناقص
ليزداد ندما عليه
دخلت إليه أمه وجدته يحنى رأسه على مكتبه يشعر بالاختناق من فعلة ابنه
لتسأله بقلق
مالك يا ناظم
ليرفع رأسه وترى الدموع بعينه
لتقول له بقلق انت بتبكى ليه وبتبكى على ايه
ليرد بوجع ببكى على غبائى إلى خلانى أصدق الكذب والخداع وابعد ابنى وحبيبة عمرى عنى ودفعت التمن بكره ابنى
ابنى إلى كتب كتابه بدونى كان جوز خالته هو أبوه إلى راح طلب له عروسته
لتقول بمواساه خادعه بكره يعرف انك بتحبه ويندم على بعده عنك ويعرف أن إلى حصل كان نصيب
ليرد بزعيق ويقول مش عايز اسمع كلمه بكره ولاكلمة نصيب انا عايزه يرجع بأى شكل
ويكمل وهو يبكي انا كان نفسى أبقى معاه وهو رايح يخطب ويوم كتب كتابه كنت أنا اهنيه واحضنه اول واحد بس هو لقى إلى غناه عنى بس انا محتاج له
محتاج أحس أن ليا ظهر أسند عليه
***
جلست ملك تتذكر كيف رمت نفسها أمام سيارته وتقول بتوعد حازم العوادى هتكون ليا بأى شكل ويحق لابوك يموت نفسه علشانك
*
بعد قليل
كانت تجلس برفقة ابنتها ملك وسلوى تحكى لها عن موقف أخيها معها بالأكاديمية لتقول ساره بحزم
اوعي تقول لابوك على معاملته دى مش ناقص من عمايله معاه
لتدخل ابنتها هنادى عليهن وتقول انا ليه حساكم عاملين زى وكر
لترد ملك وتقول باستهزاء تعالى شرفى الوكر وتسألها من كام يوم اختفيتى طول اليوم ومحدش شافك كنت فين لترد بتعلثم كنت روحت أزور واحده زميلتى من أيام الجامعة علشان اتخطبت
لترد ملك بعدم تصديق عقبالك
لترد هنادى وعقبالك أنت كمان بس النوبه دى اختارى صح
لترد ملك بغضب أنت إلى ياريت تختاري صح ومتجريش وراء إلى مش ليكى
لتقول ساره نفسي تقعدوامع بعض ومتتخانقوش ولا ترموا كلام على بعض
لتقف سلوى وتقول انا عندى بكره محاضرة بعد الظهر ولازم أسافر بدري انا هروح أنام تصبحوا على خير
لتقول ساره غورى بس إياك تقولى لابوك على إلى عمله حازم دا معاك
لتنظر إلى بناتها وتقول بأمر ياريت كل واحده فيكم ملهاش دعوه بتانيه
بعد قليل تجمع ناظم وأمه وساره وبنتاها على طاولة العشاء لتنظر له ساره وتقول مبتاكلش ليه الأكل مش عجبك
ليقف ويترك الطعام ويقول لأ نفسى انسدت
لتقول لها نرجس قومى وراء جوزك طيبى خاطره وحسسيه انك بتحبيه زى باقى الستات
لترد ببرود أنا لورحت وراه هيهب فى وشى ومش بعيد يطردنى وبعدين هو فى ايه إلى مضايقة قوى كده
لترد نرجس وتقول حازم
لترد ساره ما انا عارفه وقاله ايه المره دى
لترد نرجس هو مقالش حاجه هو عمل
لترد باستفسار وعمل ايه
لتقول نرجس كتب كتابه
لتنزل الكلمه كالصاعقه على إحداهن
***
دخلت على حسام وجدته يمسك بيده أحد الكتب الدراسيه فهو فى السنه الثالثه لكليه حاسبات ومعلومات
لتقول له مش هتتعشى معايا أنت مش جعان
ليقول بمزاح أن كنت هتعشى انا والقمر لوحدنا هقولك اذا مكنتش جعان فأنا هموت واتعشى انا والقمر لوحدنا
لتقول له بعيد الشر عليك أنا هحضر سندوتشات واجيبها نتعشى ونقعد مع بعض شويه
ليقول لها ليه هما البغلين التانين فين
لتضربه بخفه على رأسه وتقول بتبسم متقولش على اخواتك كده
ليقول لها آمال هما فين صحيح
لترد بحب كارم خرج مع نهى يتعشوا بره ادعى ميتخانقوش علشان فى الفتره الاخيره حاسه انهم مش منسجمين مع بعض
ليقول وحازم فين
لترد بضحك عند أريج فى البيت علشان رفضت تخرج تتعشى معاه علشان ميفرضش سيطرته عليها
ليرد حسام كل دا ومش فارض سيطرته عليها وفى
العشا هيفرض سيطرته
لترد عليه سيبك منهم يعملوا إلى هما عايزينوا أهم حاجه يكونوا سعداء
انا هروح أحضر السندوتشات واجيبها
بعد قليل دخلت بالسندوتشات وقالت له يلا تعالى نتعشى ليجلس معها ويقص عليها بعض أفعال زملائه حتى بعد أن انتهوا من الطعام ليفتح الباب عليهم كل من كارم وحازم معا
ليقول كارم خيانه المزه بتاعتى قاعده مع حمار
لينظر له حسام بغيظ ويقول مين الحمار دا انا إذكى واحد فيكم دا انا مخ اليكترونى
ليرد حازم بتهكم مخ اليكترونى ليه هو انت عندك مخ من الأساس
ليضحكوا جميعا مع بعضهم
ليقول حسام انتم ايه إلى جابكوا بدرى مش كل واحد كان مع خطيبته ايه إلى جابكوا كنتوا سيبتونى مع حبيبتى شويه
لترد الهام باستفسار صحيح ايه إلى جابكوا بدري كده
ليرد كارم بزهق أبدامفيش انا قلت لنهى نأجل الفرح تلات شهور ونتجوز مع حازم واريج قالت لى موافقه وبعد شويه صغيرين قالت لى أنها مرهقة من الشغل وعايزه ترتاح فوصلتها وجيت
لتقول له وهى قالت لك كده وانت مصدقت
ليقول حسام طيب كنتم اتعشيتم الأول وروحتها
مش يمكن بتدلع عليك
ليرد كارم بحزم انا مبحبش الدلع ولاأحب ادادى هى قالت مرهقه يبقى تروح ترتاح
لترد عليه الهام بنصح خف من حدتك معاها فى الكلام ولين شويه
ليقول بحده والله دا طبعى وهى عارفه كده فمش هتغير علشان تحبنى
لترد الهام بسؤال علشان تحبك هى فعلا بتحبك جدا كمان بس انت إلى خايف تقربها من قلبك لتسيبك زى شاهنده وتهجرك بس ظروف شاهنده وشخصيتها غير ظروف وشخصية نهى فوق وخف عليها شويه قبل ما تضيع منك
ليقول لها هحاول
لتقول له انت مش لازم تحاول انت لازم تقتنع أنها الانسانه الوحيدة إلى ملكت قلبك حتى أكتر من شاهنده
ليبتسم لها بحب
لتنظر إلى حازم وتقول وانت كمان ايه إلى جابك بدري
ليقول ولا حاجه هى قالت لى إن عمها قالها انى أخف من الزيارات عندهم علشان كلام الناس ولما قولت لها نخرج قالت لى لأ أنها عندها شغل كتير وعايزه تخلصه ليزفربغضب ويقول من الاخر كده قالت لى أنها عايزه تنام بدري فمشيت
لتقول له وانت كمان مبتفهمش زى إلى قاعد جنبك
ليضحك حسام ويقول والله ياماما عندك حق الاتنين اغبيه واحد مبيتكلمش إلا بحده والتانى بيحب يفرض سيطرته والاتنين التانين هيعلموهم الأدب
لينظرا له بعنف ويقولان انت هتتمسى ولا اشتقت لضرب زمان
ليقول بتوسل مضحك وهو يمسك بيد الهام
الحقينى ياماما دول هيتحولوا وحوش وياكلونى
ليضحك الجميع وتمر السهرة بهم إلى طريق جديد
لتنظر إليهم وتقول لنفسها أن عوض الله أكبر
من أي شىء وان عمرها لم يضيع بل أثمر وازهر أجمل الزهور
************************،************
بعد مرور عده أيام ذهبت للقاء عميل مهم لديهم فى الشركه لينسب اليها التشطيبات النهائيه لأحد الفيلل ويعطيها العنوان ويطلب منها تجهيزها فى اسرع وقت لأن صاحب الفيلا سيعود قريبا من الخارج ويريد العيش بها
لتسأله عن بعض الاقتراحات لديه
ليقول لها خليها على ذوقك انا عايز اشوف ذوقك ومعاك كل الصلاحيات وأى أموال هتطلبيها هتخديها
لتقول له اوكي والمده اد ايه ليقول لها حوالى شهرين ونص لتقول بصدمه فيلا زى دى مش أقل من ست شهور على ماتخلص تشطيباتها
ليقول لها انا قلت لك معاكى كل الصلاحيات تقدرى تشغلى اكتر من مجموعة مع بعض
لتقبل التحدي وتوافق
**
ذهب إلى منزلها ليخبر والدتها عن ذهابها برفقته إلى مرسي مطروح لمده أسبوعين للعمل على إحدى المنتجعات هناك لتوافق وتقول له هى امانتك حافظ عليها مش عايزها ترجع بأى إصابة لافى ايد ولا رجل ليضحك على معنى حديثها
دخلت عليهم لتخبرها أمها بموافقتها على الذهاب برفقته
لتقول بغضب بس انا مش عايز أسافر مرسى مطروح
انا عندى شغل عايزه اخلصه على ميعاده
لتقول لها أمها انت حره معاه دا شغلكم وانتم أدرى بيه وتتركهم وتذهب
لتقول له باستعلام انا مش عارفه بتعمل ليها ايه يخليها توافق على اى حاجه تقولها
ليغمز بعينه ويقول أصلها بتحبنى علشان بحب بنتها إلى بتعارضنى فى اي حاجه
كان يتحدث وهو يقترب منها إلى أن أصبحت المسافه شبه معدومه بينهم لتبتعد عنه وتقول خلاص موافقه وتابع الشغل هنا بالتليفون
ليضحك كثيرا عليها ويقول كنت عارف انك هتوافقى بس لازم تعارضنى الأول
***
ذهبت معه إلى مرسى مطروح
ذالك المكان الذى اعترف لها فيه بحبه لها وهو نفس المكان الذى ابتعد عنها فيه
بعد أن استراحت من الطريق اتصلت عليه لتعرف مكانه
فرد عليها واخبرها انه ينهى بعض الأعمال وسيذهب اليها بعد نصف ساعة
بعد قليل ذهب اليها ليجدها تتذمر وتقول له قلت هكون عندك بعد نص ساعه وفات ساعتين انا عايزه اعرف انت جبتنى معاك هنا ليه طالما ماليش لازمه
ليرد بضحك على تذمرها ويقول مكنتش اعرف ان خلقك ضيق كنت غيرت رأى ومقربتش منك
وبعدين مين إلى قال مالكيش لازمه انا بدفعلك مرتب قصاد شغلك لكن النهاردة أجازه علشان ترتاحى من الطريق وبعدين يلا انا ميت من الجوع وتعبان من السواقه ومرتاحتش من ساعه موصلتك الفندق ونزلت شوفت الموقع وجيتلك على طول
لترد بشفقه عليه يا مسكين يلا
بعد أن تناول الطعام معها ذهب معها إلى البحر يسيران معا وجلس على أحد الصخور لتجلس إلى جواره ليجذبها إليه لتجلس
فى حضنه أخذا يتحدثا عن اشياء كثيره حدثت بحياتهم
تذكرت حين اخبرها انه يحبها اول مره
فقالت له فاكر اول مره قولت لى بحبك كانت هنا وتكمل حديثها وفى نفس المكان قولت لى انك مش هتقدر تكمل الحب ده ولازم ينتهى انا فكرت انك خايف انى أكون بشوف الإنسان إلى معايا بدفتر شيكاته وأنك بمستوى بسيط بس عرفت من نهى انك بتملك نص الشركه ومن زمان فاستغربت انت ليه وقتها قلت الكلام ده
قولى ليه سيبتنى وقتها
ليرد بألم هتصدقينى لو قلت لك كنت خايف عليكى منى
كنت خايف يكون حبى ليكى ضعيف ويضيع ونتعذب احنا الاتنين
لتنظر إلى عينه وتقول ودلوقتى حبك ليا ايه
ليرد بابتسامه وهو ينظر إلى عيناه
حبى ليكى يغرق الكون كله وينجيكى انت
لتنظر له وتقول وانا حبى لك ينجيك معايا
ليقبلها قبله هادئة ولكنها تشعل حبهم وبعد قليل ابتعد عنها وقام بحملها
لتقول له انت بمرح انت بتعمل ايه
ليرد بمرح انت مش قولت لى حبك ليا هينجينى
انا عايز اغرق معاكى علشان ننجي سوا وذهب بها إلى البحر وظل يمرحان فى الماء إلى أن تعبا
ليحملها إلى الفندق وسط تذمرها وخجلها من الناس
ليقول لها بأمر انا مش هنزلك إلى فى الاوضه إلى نزله فيها
ويصل بها إلى الغرفه ويفتحها ويدخل ويضعها على الفراش لكن كلمه واحده منها فكت جميع شفرات قلبه جعلته يسلم لعشقه لها وكانت الكلمه التى تمنى سماعها منهما وهى
اعشقك
الفصل التالي: اضغط هنا
يتبع.. (رواية لسنا ملائكة) اضغط على اسم الرواية لتجد الفهرس كاملاً بجميع الفصول.