رواية لسنا ملائكة الفصل الثامن 8 – بقلم سعاد محمد سلامة

الثامن

استيقظ ليجدها تنام على صدره ليبتسم وهو  يتذكر ماحدث بينهم بالامس

عندما شعر بارتجافها بين يديه نظر إلى عيناها وجدها تصرخ بامتلاكه لها فتعامل معها على أنها ألماسته الغاليه فامتلكها برفق فهى من طيبت جراح قلبه فلما يظل مريض وامامه دواء قلبه

***

تململت فى الفراش وبحثت عنه بيدها جوارها لم تجده ووجدت زهرتان واحده حمراء والاخري بيضاء

فامسكتهم وهى تستشق رائحتهما بعشق

فنادت باسمه لم يرد فعلمت أنه خرج وتركها نائمة فمدت يدها وأخذت الهاتف من جوارها لتعرف أين هو

بمجرد فتحت الهاتف وجدت رساله منه تقول

صباح الخير عطر قلبى

وجدتك غارقة بالنوم لم أشأ أن اقظك سأنهى أعمالى سريعا وأعود إليك لاتذوق من رحيقك

أنا امرتهم فى الاستقبال يأتوا بكل متعلقاتى من الغرفة الاخري إلى غرفتك

المكان إلى هكون فيه الشبكه فيه ضعيفه

وأخيرا     صباحيه مباركه

ابتسمت كثيرا وشعرت بعشق العالم وجميع العوالم لهذا الرجل

***

دخلت نهى إلى كارم فى مكتبه لاعطائه ميزانية لأحد المشاريع كان قد طلبها منها

فاخذها منها وقال

اقعدى علشان عايز اتناقش معاك فى بعض البنود والشروط واخد رأيك فى المناقصة الجديدة إلى هندخلها

فجلست تتناقش معه وتبدى رأيها إلى أن انتهت المناقشة بينهم بخصوص العمل

فقالت له بارتباك كارم فى موضوع مهم عايزه اكلمك فيه

ليقول لها بابتسام وايه الموضوع المهم إلى مخليكى مرتبكه بالشكل ده

لتقول بارتباك انا ملاحظه انك متغير معايا من يوم محددنا ميعاد فرحنا وتأكدت اكتر لما طلبت نأجله ونجوز مع أريج وحازم

فإن كنت مش حاسس أن مشاعرك اتجاهى مش قويه أننا نبنى بيت سعيد بالحب  فأنا بحلك من الارتباط بيا وصدقنى دا احسن وقت للقرار دا  وهيخف الوجع عن بعدين

لينظر كارم اليها بصدمه ويتعلثم فى الحديث ويقول بغضب لا يعرف سببه

إنت مين إلى وصلك الإحساس ده

لتردبهدوء يخفى الألم التى تشعر به تعاملك معايا هو إلى وصلى الإحساس ده

ليرد بسؤال كل دا علشان قولت لك نأجل الفرح ونعمله مع حازم واريج

لترد سريعا لأ أنا حاسه بكده من قبلها وبحس انك بتبعدنى عن قلبك وأنك عايز تتجوزنى بعقلك بدون ما تحس بأى مشاعر اتجاهى

ليقوم من على مقعده ويتجه اليها ويمسك يدها ويجبرها على الوقوف وينظر إلى الألم الموجود بعينها ليقترب منها ويقبلها بتملك شديد ليتركها بعد وقت وينظر لها يجدها مغمضه العين ويقول أظن دا ياكدلك اذا كنت عايز اتجوزك بعقلى ولا بقلبى ليصمت لثانيه ويقول انا عايز اتجوزك بالاتنين بعقلى وقلبى بس فى ايديك انت تخلى واحد من الاتنين اقوي ويقبلها مره اخري

***

فى المساء

دخل إلى الغرفة وجدها تجلس على الفراش وجدها ترتدى أحد المنامات الناعمه الغير مغريه وبيدها ريموت كنترول تقلب بين قنوات التلفزيون فنظر اليها وابتسم عليها فيبدو أنها غاضبه

ليذهب اليها ويميل عليها يقبل إحدى وجنتاها قائلا

آسف الشغل فى الموقع أخد كل وقتى طول اليوم وانت عارفه أن المكان تحت الإنشاء ومفيش فيه شبكه

لتتحدث بغضب ولما انا ماليش شغل هنا جبتنى معاك هنا ليه

ليقول مين إلى قال إن مالكيش شغل هنا إنت بكره هتنزلى معايا تعاينى  الديكورات فى مجموعة فيلات هنا ويسترد حديثه بمزح انا مش بدفعلك مرتب علشان تتفسحى

لترد بحنق يادى المرتب إلى بتذلنى بيه اومال لو بتدفع بالدولار ولا الإسترليني كنت عملت ايه

ليردبمكر هعمل كده ويميل عليها يقبلها بلهفه وعشق

ليبتعد بعد قليل ويقول لها أنا جعان طول اليوم مكلتش اطلبى لنا عشا على ماخد شاور

خرج بعد قليل

وجد العشاء موضوع على طاولة بالغرفه وهى تتحدث إلى أحد بالهاتف يبدو أنها تتابع معه العمل فجلس على أمام الطاولة ينتظرها حتى تنهى حديثها وتعوداليه

أنهت حديثها بالهاتف واتجهت إليه لتسأله

انت مكلتش ليه

ليرد بحب مستنيكى

لتقول له خلاص انا أهو كل انت مش جعان وطول اليوم مكلتش

لينظر لها بخبث ويقول اه والله جعان جدا

لتفهم معنى حديثه وتقول بلؤم خلاص يا حبيبي كل لغاية متشبع

ليقول بعبث هو فى حد بيشبع من الحب

لتنظر له بخجل وتقول له بأمر كل ياحبيبى وانت ساكت المثل بيقول لا كلام على طعام

لينتهي من الطعام ويحملها وهو يقول خلاص ياعطر قلبى نحلى بقى بالسكر

لتقول له بتحذير خلى بالك كتر السكر بيجيب سكر

ليرد بعشق وانا عايز أبقى مدمن سكر نبات

وبعد عدة أيام قضوها بين العشق والعمل

انتهت رحلة العمل و لم ينتهى العشق وعاد كلا منهم إلى منزله ليشعر بافتقاده للآخر

***

ذهب إلى مكتبه بالشركة لحضور اجتماع مجلس ادارة الشركة لمناقشة كل المشروعات التي تم إنجازها والتى مازالت تحت الإنشاء والمشاريع المستقبليه

بعد انتهاء الاجتماع جلس كل من كارم وحازم معا

ليمزح كارم مع حازم ويقول

اكيد الهوا إلى فى مرسى مطروح فاد صحتك وجدد نشاطك دا أنا قلت مش بعيد تقعد هناك لغاية متسلم المشروع

بس اظاهر أن إلى كان معاك هو إلى تعب من المشروع وعايز راحه

ليضحك على تلميحاته ويقول قصدك مين إلى كان معايا وعايز راحه

ليرد كارم بخبث قصدي طبعا مش المهندسين ولأ العمال انا قصدي بتوع الديكور إلى ماكنش لهم لازمه هناك بس ماكنوش ديكور معاك وكنت مقيم معاهم فى نفس الغرفه أكيد ديكور

ليرد حازم باستفسار وانت عرفت منين انهم لازمه ولا انى كنت معاهم ديكور ومين إلى قالك انى كنت مقيم فى نفس الغرفةمعاهم

ليرد كارم بلؤم عرفت ايه بالظبط

ليقول حازم عرفت داكله منين انت مخلى حد يراقبنى

ليرد كارم بضحك ارقبك ليه هوانت مسجل خطر دا كله بالصدفة

اتصلت عليك تليفونك مردتش اتصلت على الفندق انهم يوصلونى بالغرفه إلى انت نازل فيها قالولي أنك سبتها ونزلت فى غرفة تانيه ولما سألتهم عرفت أنها لاريج فقولت اسيبك تشم هوا نظيف هناك قبل ماترجع لتلوث إلى هنا

ليرد حازم باستعلام والمهندس الكبير إلى هنا عرف بكده

ليرد كارم لأ ياعم أنا احسدك آه إنما افتن عليك لأ

ليقول حازم بضحك ماشى يا عم الحسود وأنت اخبارك مع نهى ايه والحيره إلى انت فيها

ليرد كارم بأمل والله يعنى فيه تقدم شويه ادعى أنها تنتهي على خير

ليدعو له حازم ويقول ربنا يبعد عنك الحيره والتذبذب وتشعر أن نهى هى الحب الحقيقى وأنها مش هتتخلى عنك زى شاهنده زمان لأول خلاف بينكم

***

ذهبت للقاء صاحب الفيلا التى تعمل على تشطيباتها

كان يجلس برفقه عميل لديهم بالشركة  لتتجه إليهم ويعرفهما العميل ويتحجج ببعض الأعمال لديه ويتركهما معا

لتجده رجلا يبدو عليه الثراء  الشديد لكنها لم تشعر باتجاه بألفه وشعرت بنفور من نظارته لها  ولكنها نحت شعورها جانبا وتحدثت معه بعملية عن تخيلاته ونظرته للديكور والأثاث

وقبل أن يرد رن هاتفها فنظرت إليه فعرفت أنه حازم فاستأذنت منه وقامت بالردعليه

وبعد قليل عادت إليه ليسألها

هوانت مخطوبة

لتنظر له بتعجب وتقول بحزم مخطوبة ومكتوب كتابى وفرحى بعد شهرين ونص وياريت نخلينا فى تشطيب الفيلا وعايزه اعرف طلبات حضرتك والسقف المادى المحدد بالنسبه لك

ليرد عليها وهو يبتسم انا عايزه على ذوقك الشخصى تخيلى أنها بيتك وشطبيها وافرشيها على ذوقك إلى انا واثق أنه هيكون رائع

اما السقف المالى مش  محدد على قد ما هتطلبى هتاخدى من دون سؤال

لتقف وتقول اكيه ياافندم

ليقف هو الآخر ويقول أتمنى انك تخلصيها على المده المحددة

لتردعليه بتأكيد أن شاء الله قبل المده ماتخلص هكون مسلماها لحضرتك واستأذن علشان عندي ميعاد مهم

وتتركه وتغادر لكنه يبتسم بلؤم

**

بعد مرور أكثر من شهرين

لم يبقى على الفرح غير أربعة أيام

جلس كارم برفقة نهى التى نجحت كثيرا في استمالة قلبه لها

لتقول له هو حازم ليه أصر يسكن فى شقه لوحده ومرضاس يسكن زينا فى الفيلا مع عمى منير

ليرد عليها ببساطه  حازم عنده مشاكل مع أبوه ومش عايزه يتهم بابا انه السبب فى المشاكل دى

لتقول له بسؤال وايه المشاكل دى

ليرد عليها بعنف مشاكل خاصه بيه لوحده مش من حقك تعرفيها

لتحزن من طريقه تحدثه وتدمع عيناها

ليلوم نفسه على طريقة حديثه ليقول بأسف مش قصدي بس هو مش عايز حد يعرف مشاكله فبالتالي انا مقدرش اقولك على حاجه متخصناش

لتنظر له بعتاب وتقول انا مش عايزه اعرف فضوليه منى أنا كان نفسى تثق فيا وتقولى علشان انت واثق أنى سرك وأى حاجه مابينا هتكون سر  مش علشان إعرف وخلاص

ليرد عليها باعتذار وهويمسك يدها وينظر إلى عيناها       انا آسف وانا لو مش بثق فيك عمرى ما كنت هكمل معاكى بس صدقيني الموضوع دا بالذات حساس بالنسبه لحازم ومبيحبش حد يعرفه

وبعدين ياستى انت عارفه أنى مش بعرف أذوق فى الكلام ونصيبك وقدرك أنك تتحملى طريقتى وتحاولى تغيرها ومن إلى انا شايف انك هتنجحى فإنك تغيرينى

وانا قابله انى اغيرك وهنجح أنشأ الله

***

ذهبت إلى مكتبه تطلب منه الذهاب معها لتسليم الفيلا التى انتهت من تجهيزاتها

ليقول لها بخبث عايزنى اجى معاكى بس على شرط

لتقول له شرط ايه

ليرد بعشق تجى معايا تشوفى الشقه بعد ما أنا خلصتها

لتردعليه لأ اناكنت معاك فيها من يومين واخرتنى وماما كان ناقص عليها تضربنى وقالت لى مباشر كده أنها مش عايزنى اعمل الفرح وأنا حامل

ليردعليهاباستفسار انامش عارف إيه مشكلةحماتى فى الفرح تحضري حامل تحضرى والده حتى ياستى اناقابل

لتقول له بس مامامش هتقبل علشان عمى ممكن يتهما بسوء تربيتى أنا واختى ومتنساش أنه حماهاوممكن يأذيهاحتى لوبالكلام

وتكلم حديثها بس ممكن تعزمنى على العشا بعدها

ليردبزهق ماشى كلها أربع أيام ويكمل حديثه لامك ولاعمك هسمع اسمهم فى كلمه فاهمه لتومىءله برأسها وتقول فاهمه يلابينا

***ذهب برفقتها لتسليم الفيلا ولكنه لم يدخل معها وانتظرها بالخارج

لتجدصاحب الفيلا يجلس ومعه ذالك العميل  لتقول اكيد حضرتك شاهدت الفيلا أتمنى تكون عجبتك

ليرد بمغزى أتمنى تكون عجبتك إنت

لترتبك من حديثه وتتحدث لتنهى الأمر وتقول حضرتك تقدر تبعت الشيك على الشركه

ليرداناهدفع كاش وفورا والمبلغ المطلوب جاهز فى الشنطه اتفضلى

لتاخذها منه وتستأذن ولكن قبل أن تذهب فوجئت به يقول إنت مش هتدعينى على فرحك

لتتوتر وتقول له لأ اكيد حضرتك مدعى

ليقول طب فين الدعوه

لتخرج من شنطتها دعوه وتعطيها له وتغادر

***************************** ******

فى الفرح

كان الفرح جميلا ويملأه المرح والسعادة من الجميع لذالك العرسان ولكن كل شىء

انقلب بمجردان سمع وراى حازم أبغض صوت وشخص يكره

وهو يقول مبروك يا حازم ويمد يده باتجاه أريج ويبارك لها ويقول مبروك يا أريج ويعطى لهاعقد تمليك الفيلا التى شطبتها ويقول هديه جوازك من ابنى لتنصدم وتنظر إلى حازم الذى وقف يقول حضورك مش صدمه ليا لكن انك تحضر بدعوى من أريج هى دى الصدمة إلى متوقعتهاش