رواية ارملة رجل حي – الفصل الرابع عشر
قتلتي لية ما كنش لي لزوم والطب الشرعي لما يكشف عليه هيعرف انه لسة ميت
دة اللي قاله شاب اسود البشرة ل شمس و الشاب دة يبقي ابن الدجاله اللي اتربت عندها شمس واسمه منير وكان يقصد بالكلام دة بسيوني وهنا شمس ضحكت وقالت
مع انك زيي تربيه صدفه الدجاله لكنك ما اتعلمتش منها اي حاجة
ومسكت كوباية لبن و بدات تقراء عليها كلام مش مسموع وبايدها الشمال بدات تغطي جسم بسيوني باللبن و تمسح اللبن علي جسم بسيوني بايدها الشمال وهي لسة بتقول الكلام الغير مسموع. كان منير باصص للي بيحصل وعمال يقول
انتي بتعملي اية
شمس ما ردتيتش عليه لغاية ما خلصت اللي بتعمله وبعدها قالت
اي دكتور هيشرح الجثة دي هيعرف انها ميته من كذا يوم
وهيكتب اللي انا عايزا. اتقتل يطعنات سكين والشعر اللي في ايدة شعر مراته كريمة.
منير
شمس انتي رجعتي تحضري جن سفلي تاني
شمس
المرة دي بس ومش هكررها وعد
منير
فاكره امي ماتت ازاي ولا ناسية
شمس بحدة
قولت هي المرة دي وبس ويلا شيل الجثة دي و ارميها في اي مكان تخلي الحكومة توصل لها بسهوله،،،،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ونروح لمكتب حسني مفتش المباحث اللي كان باصص
ل كريمة وبيقول
يعني انتي كنتي مخطوفة في قصر تبع الحج بركات
كريمة
اة والله العظيم وما خرجتش الا من يوم واحد وقت ما لقيت نحمده جاية لغاية عندي بالحكومة واتقبض عليه
حسني
يعني افتح محضر رسمي تقولي في كدة
محمد
يا باشا افتح وانا بنفسي روحت القصر دة و شوفت اللي حصل في بتوع الامن هناك
حسني بص لهم باصه اخيرة وبعدها مسك موبيله واتصل برئيس المباحث وقام من قصادهم وبدا يتكلم مع في الوقت دة كريمة بصيت
ل محمد وقالت
عايزا اشوف عيالي
محمد
ما حبهمش يشوفوكي هنا باذن الله تخرجي لهم وانت براءة
كريمة
يارب يا محمد
ومسك محمد ايد كريمة وقال
تعرفي انك لسة زي القمر
ولا كان عدي علي اخر مرة شوفتك فيها 20 سنه
كريمة
الله يسامحها امي اللي رضعتك و خليتنا ما ننفعش
ل بعض
محمد
دة كذب ما حصلش
كريمة اتصدمت
يعني اية ما حصلش اومال اللي اتقال زمان دة كان اية انا اتحرمت منك لية لما هو ما حصلش فهمني يا محمد انا، ،،،،،،،
لكنها سكتت لما رجل حسني وقعد قصاد منهم وقال
حصل حاجة هتخلي المحضر يتقفل من قبل ما يتفتح
محمد انتبه اوي وقال
حاجة اية
حسني
بركات كان مقدم بلاغ في اقتحام بنته نيرة لقصر المريوطية وقتل افراد الامن هناك و البلاغ اصبح لاغي بعد ما نيرة قدمت ما يثبت ان بركات مريض نفسي وعنده هلاوس سمعية وبصريه
كريمة
هو ما كنش طبيعي وفضل يقول كلام كتير عن انه ولادي ولاد اخو اسامة ودة مش صح
حسني
في النقطة دي بالذات هو صح و التحريات اثبتت انك عيشتي مع اسامة اربع سنين كاملين خلف منك وقتها تلت اطفال و سرقتي و خديهم وطلعت ل اسامة شهادة وفاة زور علشان تقدري تورثي وكل دة حصل وقت ما كان بركات مسافر برة في رحلة علاج. ولما رجع وعرف ان كل اللي كان حيلة اخوه اتاخد علي ايدك وانه اتجنن بسبب اللي حصل دة فضل يدور عليكي سنين طويلة لغاية ما قدر يوصل لك. لكن لسة تحرياتنا مش قدر توصل للاتفاق اللي كان بينه وبين بسيوني
كريمة
انا عارفة الاتفاق اللي كان بين جوزي وبين بركات لكن انا ما عيشتش مع اسامة اكتر من اسبوع
حسني
مش صح يا مدام كريمة لان عندنا اللي يثبت انك كنتي ارمله رجل حي
كريمة
والله ما كنت انا
حسني
اومال هيكون مين. دة احنا حتي معانا صور ليكي مع في الوقت دة
وفتح حسني ملف تحريات اسامة و طلع صور ل اسامة مع شمس في اماكن كتير كلها كانت موجودة علي الاكونت الخاص باسامة واتصدمت كريمة وما بقتش عارفه تصدق حسني و تكذب عيونها ولا تصدق نفسها
و تكدبهم كلهم لكن شافت التواريخ بتاعت الصور فقالت
يا باشا انا مستعد اثبت لك اني مش انا اللي في الصور دي
حسني
هتعمليها ازاي دي
كريمة
في نفس وقت الصور دي انا كنت في المستشفي العام ما انا اصلا ممرضة وممكن تعرف اني كنت في المستشفي اوقات الصور دي
حسني
عملنا كدة وروحنا سالنا في المستشفي والاوراق الرسمية اثبتت انك كنتي و اخدة اجازة بدون مرتب بتتجدد كل سنه وما كنتيش في المستشفي طوال اربع سنين وقت جوازك من اسامة
كريمة حرفيا كانت هاتجنن وقالت
والله العظيم دة ما حصل انا عمري ما اخد اجازة اكتر من اسبوعين
حسني
ودة يبقي اوقات نصبك علي الزبائين اللي جوزك بسيوني بيجبهم ليكي مش كدة
كريمة
مش هنكر وكنت بعمل كدة غصب عني ما كنتش حابه اني اكون نصابه هقول اية منه لله هو اللي خلاني مجرمه
حسني
الكلام دة مش هيجيب نتيجة صدقيني انت وضعك مش تمام في القضية واصابع الاتهام كلها ضدك
في الوقت دة رن موبيل حسني فرد وقال
الو
سكت شوية وبعدها قال
خد الجثة علي المشرحة حالا وعرف دكتور فاروق ان المرة دي انا عايز تقرير مفصل عن جثة بسيوني في اقرب وقت
اسم بسيوني خليت كريمة ومحمد ينتبهو للكلام اوي وقفل حسني وبص ل كريمة وقال
جثة بسيوني ظهرت من تاني
و ياعالم تقرير الطب الشرعي هيكون في مصلحتك ولا ضدتك ،،،،،،،،،،،
ونروح للمشرحة وجثة بسيوني علي تربيزة التشريح وفاروق لبس الجوانتي بتاعه وراح ناحية الجثة و رفع عنها الملايا اللي كانت متغطية بيها و استعد للتشريح، ،،،،،،،
حسني قاعد في مكتبه وقت ما باب المكتب خبط فقال
ادخل
دخل عسكري مع تقرير الطب الشرعي الخاص بجثة بسيوني وقال العسكري وهو بيحط الملف علي مكتب حسني
التقرير الخاص بجثة بسيوني
فتح حسني الملف باهتمام شديد وبدا يقراء المكتوب في وبرق و معاها هتبقي في احداث تانية ،،،،،،،،،،
الفصل التالي اضغط هنا
يتبع.. (رواية ارملة رجل حي) اضغط على اسم الرواية لتجد الفهرس كاملاً بجميع الفصول.