رواية ارملة رجل حي – الفصل الثالث عشر
يعني اية لقيتي الحفرة ما فيهاش حد
دة اللي قاله طارق ل مراته نحمده اللي كانت قاعده قصاد منه بتحكي له اللي حصل زمان. و نحمده رديت عليه وقالت
دة اللي حصل ووقتها كنت عيلة وخوفت حتي اسال
او ادور عليها واعتبرتها ميته وامي كانت ديما بتقول
ل كريمة يا شمس وما حبتش تعرفها حكاية اختها التؤام اللي ماتت وضحكنا عليها كلنا وقالت امي ليها انها لما كانت بتولدها سقف البيت وقع والشمس ضربت في عينيها.
طارق
وامك ليها خبت عليها ان كان ليها اخت وماتت
نحمده
الناس بتوع زمان كان ليهم دماغهم و ماكنتش امي حب تحكي حكاية شمس ل كريمة لبعدين تموت زيها ويبقي فال شؤم
طارق
اية الدماغ الغريبة دي
نحمده
اهو دة اللي حصل وقتها بقي وانا مع الايام نسيت حكاية شمس دي خالص وما بقتش افتكرها بيني وبين نفسي حتي
طارق
طيب شمس لو لسة عايشة اية اللي فكرها بيكم بعد كل السنين دي وراجعه عايزه منكم اية ولية عايزه تقتلك واية اللي جمعها ببسيوني جوز اختك
نحمده
ما اعرفش يا طارق بس اللي كانت عندي دي اكيد شمس مش كريمة لان كريمة مستحيل تعمل كدة فيا
طارق
دة احنا كدة جوة لعبه كبيرة وياعالم هنخرج منها ازاي
نحمده
انا كل دة مش مهم عندي المهم اختي كريمة اللي انا سلمتها بايدي للحكومة
طارق
ما انتي لو كنتي حكيتي ليا كل دة قبل ما اقول بلغي ما كنش حصل اللي حصل
نحمده
انا غبية وماكنش لازم اعمل كدة لكن لازم نفكر في حل
طارق
اتصلي بقريبكم بتاع النيابة
نحمده
تقصد محمد
طارق
عندكم غيره.
نحمده بصيت له وطلعت الموبيل بتاعها واتصلت بي،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ونروح ل قصر الحج بركات اللي كان قاعد بيتفرج علي الشاشة وقت ما الحكومة جت ووقف الظابط قصاد منه وقال
فين نيرة بركات
بركات
هخليها تنزل لك حالا
وبعد خدامة ليها اوضتها ونزلت نيرة وبصت للظابط والعساكر وقالت
في اية وانتو ازاي دخلتو هنا
بركات وهو ماسك ريموت الشاشة وبيقلب بين القنوات قال
انا اللي بلغت عنك بعد المجزرة اللي انت عملتيها في قصر المريوطية
نيرة ابتسمت وقالت
مجنون وتعملها ومكانك جنب اخوك قريب
الظابط
استاذة نيرة اتفضلي معانا بهدوء
نيرة
انا مش رايحة في حتي ومافيش قضية من الاساس
بركات وهو لسة بيقلب بالريموت قال
مين قال كاميرات القصر مصوراكي وانتي بتقتلي في الامن
نيرة
لو طلعت فيديو واحد انا موجودة في همشي مع الظابط حالا
الظابط
حضرتك هتيجي معايا دلوقتي علشان دة محضر واتفتح ولازم يكمل باستجوابك في القسم
نيرة
راجع القانون يا حضرة الظابط واعرف ان المجانين ما يقدروش يقدمو بلاغات في اصحاب العقل
الظابط
لكن اللي قدم البلاغ فيكي والدك الحج بركات
نيرة
والدي مجنون. مريض بالهلاوس السمعية والبصرية وعندي دليل هقدمة لحضرتك حالا.
هنا بركات ساب الريموت وبص لها وهي داخلة مكتبها في القصر وفضلت عيونه عليها مستني هي بتعمل اية في المكتب وخرجت ومعاها ورقه من مستشفي العباسية واديت الورقة للظابط وبص الظابط في الورقة وبص للحج بركات اللي قال
دي كذابة اوعي تصدقها والورقة دي مزورة انا عاقل و مش بشتكي من اي هلاوس دي بنت حرام عايزا تجنني علشان تورثني بالحياة. انا مش مجنون
هنا الظابط اداها الورقة تاني وقال
بعد اذنك
وخد الكام عسكري اللي كانو مع وخرج من القصر وقفلت نيرة باب القصر وبصت
ل ابوها ومسكت الريموت بمنتهي البرود وجابت قناة روتانا افلام وقالت
هيشتغل هنا فيلم حلو عايزاك تتفرج وتتسلي
وسابته وطلعت اوضتها وهو كان هيتجلط مش مصدق نفسه وانها قدرت تزور ورقة زي دي. ولا هو مجنون فعلا اتغلبط الحج بركات وشك في نفسه ومابقاش عارف هو مجنون فعلا ولا بنته بتلعب بي،،،،،،،،،،،
ونروح للقسم المحجوزة في كريمة وقت ما محمد كان بيحاول يقابلها ولو لخمس دقايق وفعلا قدر ياخد الاذن وكريمة جت من الحجز وبصيت ل محمد مش مصدقه انها شافته بعد كل السنين دي وبحركة لا ارادية اترمت في حضنه وهو لف ايدة حوالين جسمها وبدا يسيب نفسه للاشتياق وكل دة من غير اي كلمة اتقالت بين الاثنين. لكن محمد حكم عقله اكتر من قلبه وخرج من حضنها ومسح دموعها وقال بحب شديد
انا جنبك ومش عايزك تخافي
كريمة بانهيار شديد
انا مرعوبه من كل حاجة انا بتهان تحت في الحجز وبضرب من المساجين اللي معايا نسوان كلها شمال واخر قله ادب وانا ما عملتش حاجة وما قتلتش بسيوني والله العظ،،،،،،،
حط ايدة علي بوقها وقال
عارف مش محتاجة تحلفي ليا
كريمة
لكن انت عرفت اني انا هنا ازاي ومين دلك عليه بعد كل السنين دي
محمد
دي حكاية طويلة ومش وقتها انا معاكي دلوقتي علشان تطمئني وتعرفي اني هخرجك من هنا ولو بكفاله بس في شوية اجراءات لازم تتعمل
في الوقت دة وقف قصاد منهم مفتش المباحث حسني اللي مع ملف قضية مقتل بسيوني وقال
انتي كريمة طه
كريمة ومحمد بصو ناحيته وقالت كريمة
انا يا بية
وهنا بص حسني ل محمد وقال
وانت مين
محمد
انا محمد قريبها من البلد سكرتير وكيل النائب العام
حسني
طيب انا محتاج مدام كريمة لوحدها في مكتبي
محمد
ما ينفعش اكون معاكم
حسني
دة تحقيق رسمي وقانونا ما ينفعش
محمد
ولو بشكل انساني بعيد عن القانون. ولو انا عندي اللي ممكن يفيدك في القبض علي الحج بركات
حسني استغرب وقال
معاك اية
محمد
ادلة كتير موجودة علي موبيلة اصلي قدرت اهكره
حسني
اساليب الهكر ضد القانون لكن وريني اللي عندك وانا هخلي المعلومات دي قانونية،،،،،،
ومن جوة شقة في كمبوند كانت شمس قاعده علي الموبيل بتاعها و بتقلب في وقت ما دخل عليها بسيوني بصيت له وقالت
اية الاخبار
بسيوني
كريمة في القسم بيتحقق معاها ومحمد راح لها
شمس
الواد محمد دة اصيل اوي وبيحب كريمة مش زيك
بسيوني قرب منها وقال
هو في حد يكون مع القمر ويبص لنجمه ملهاش ثمن
ومسك ايدها وباسها لكن شمس قالت
انت يا حبيبي بتحبني علشان انا سحرالك ومشرباك العمل بايدية لكن انت ماعندكش قلب يعرف الحب
بسيوني باس ايدها تاني وقال
لازم اتسحر بعيونك الحلوة يا احلي من الحلاوة
شمس
والله يا بسيوني انت هتوحشني بس اعمل اية لازم جثتك تظهر تاني علشان كريمة يتلف حوالين رقبتها حبل المشنقة ما كنتش عايزا دة يحصل لكن كل اللي خطط لي اتهد
بسيوني اتخض وقال
بعد كل اللي عملته علشانك
شمس قربت من ودانه وقالت
هو انت ما تعرفش اني قليلة الاصل ومتربيه علي ايدين دجاله.
ومسكت سكينه صغيرة كانت قصاد منها وبدات تضربه في رقبته لغاية ما وقع جثة هامدة. ودخلت اوضه وخرجت بشعر كريمة وحطته في ايده، ،،،،،،،
الفصل التالي اضغط هنا
يتبع.. (رواية ارملة رجل حي) اضغط على اسم الرواية لتجد الفهرس كاملاً بجميع الفصول.