رواية ارملة رجل حي – الفصل الثاني عشر
انا شمس اللي هتبقي كريمة مكانك
وضحكت شبيها كريمة دي بخبث شديد ونزلت النقاب ومشيت وكريمة ما كانتش فاهمة اية اللي بيحصل. ووقفت وبصت حوالين منها وهي مرعوبه وهنا العسكري بص لها وقال
وقفتي لية
كريمة
ما شوفتش المنقبة اللي قالت انها شمس وهتكون مكاني
العسكري
هو انت يا مراة ليكي في المخدرات. اترمي اقعدي وبطلي رغي
كريمة
والله العظيم كانت قدام مني حالا ولسة ماشية
العسكري زقها وقال
قولت اقعدي وبطلي رغي
ما كنش في منقبين هنا
قعدت كريمة مغلوبه علي امرها وفضلت تبص ناحية باب القسم اللي شمس خرجت منه. وبعدها بصت للست اللي كانت معاها في نفس الكلبش وقالت
ما شوفتيش اللي كانت بتكلمني
الست بصت لها وقالت
ما شوفتش حد
كريمة اترعبت اكتر وبدات تبص حوالين منها بخوف شديد،،،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
ونروح دلوقتي ل نحمده اللي كانت قاعدة في الصاله وسامعا عياط عيال كريمة بودانها فبصت ل طارق اللي كان قاعد جنب منها وقالت
كله منك انت السبب
طارق
سبب اية يا ولية ما بطلي تخريف
نحمده
انا ما بخرفش مش انت اللي قولتي اعرف من كريمة هي فين واسلمها للبوليس
طارق
يا ولية يا ام مخ طاقق دي واحدة كانت عايزا تقتلك. وانتي مش عايزا تبلغي عنها
نحمده
مش كريمة اللي كانت عايزا تقتلني
طارق
اومال مين دة انا شايفها بعينية هي و بسيوني
نحمده عيطت وقالت
دة اختنا التالته تؤام كريمة. شمس
طارق برق وقال
وانتي كنتي عارفه من الاول ان اللي حاولت تقتلك مش كريمة
نحمده
عارفه لكن ما كنتش عايزا اقول الا لما اتاكد و اتاكد ان اللي كانت هنا شمس مش كريمة
لسة طارق مبرق ومعها نحمده بدات تحكي حكاية عدي عليها سنين
كان عندي 6 سنين وقت ما امي حملت تاني بعد علاج كتير ليها ول ابويا والمرة دي حملت في تؤام. ابويا فضل يدعي ربنا و يترجي ان اللي في بطن امي يطلع ولد ياخد بايده ويساعده. لكن ربنا اراد ان التؤام يكون بنتين زي القمر ما حدش يقدر يفرقهم عن بعض و امي سمتهم كريمة وشمس. وكانت امي فرحانه بيهم لكن ابويا
ما كنش راضي ولا حابب انه يكون عنده تلت بنات. وبسبب دة حصلت بينه وبين امي خناقة كبيرة لما،،،،،،،،
ونرجع بالاحداث لكام سنة وراء لما طه ابوه نحمده وكريمة كان بيزعق لمراته سعدية و بيقول لها
ايوة كفاية واحدة. و هحط التانية قصاد ملجا و بعدها بسنه تحملي تاني و تجيبي الواد فاهمة ولا. لا
سعدية
انت اتجننت يا طه ترمي لحمك قصاد ملجا هي كانت بنت حرام ولا اية
طه
بنت حرام مش بنت حرام دة اخر كلام عندي.
سعدية اللي كانت لسة تعبانه من الولادة قالت بصعوبه
طيب اعملها كدة يا طه وانا ابلغ المركز عنك و افضحك قصاد كل اهل البلد و وريني بقي وقتها هتعيش ازاي يا راجل يا ناقص
طه بعصبية
لمي لسانك يا سعدية انتي دلوقتي مش حمل قلم مني
في وقت الخناقة دي كانت نحمده بتحاول تسكت شمس اللي كانت تعبانه اوي وعماله تعيط وراحت وهي شالية اختها ل ابوها وقالت له
يا با اختي شمس تعبانه اوي وعماله تعيط
طه
وانا مالي انا ان شاء الله تموت
سعدية
يا اخي فال الله ولا فالك انت ازاي قادر تبقي جاحد كدة علي ضناك
وبصت سعدية ل نحمده وقالت
هاتيها يا نحمده وروحي هاتي الدكتوره بتاعت الوحدة بسرعة
نحمده اديت شمس
ل سعدية و خرجت جري من البيت. وجت الدكتورة
و كشفت علي شمس وقالت ل طه
بنتك بتموت اطلع بيها بسرعه علي المستشفي العام
نحمده
انا هاجي معاك يا با
طه
مش عايز حد معايا
سعدية
خدها معاك اهي تشيل عنك شوية لو تعبت،،،،،،
كان الدنيا ليليت وقت ما كان طه شايل شمس و ماشي بيها علي الطريق البطئ قاطعه النفس و نحمده بتعيط و معاهم تصريح دفن اصل شمس ماتت قبل ما يوصل بيها المستشفي وكان طه بمنتهي الجحود فرحان انها ماتت لكن نحمده بتعيط وبص لها طه وقال
ما تبطلي ندب بقي هو انتي لحقتي تحبيها دي بقالها يومين بس معانا
نحمده
ومحبهاش ازاي بس مش اختي
طه
عندك واحدة تانية ونفس الخلقة ابقي حبي فيها براحتك.
و بص للسماء وقال
بقي يعني طالما جائين اتنين ما ينفعش يبقي فيهم واد وبنت. او يكونو الاثنين ولاد ناقص انا بنات وحزن
نحمده
ابا استغفر ربنا امي ديما بتقولي اياك في يوم نعاتب اللي خلقنا هو حر فينا
طه
هتعملي فيها شيخة.
في الوقت دة حس بضربه رجل بنته في بطنه اتصدم وبص للبنت اللي كانت لسة في حاله سكون تام لكنه حس بحركتها تاني. ومع الحركة التانية سمع عياط شمس فرحت نحمده وقالت ببراء الاطفال
ابا اختي لسة عايشة
طه
هي مش كانت ماتت رجعت تاني لية
نحمده
ابا انت مش فرحان
طه
لا مش فرحان
و بدا الشيطان يرسم له خطه الخلاص منها وبدا يحفر في الارض تربه صغيرة علي قد شمس بنت اليومين. فقالت نحمده
ابا انت بتعمل اية
طه
اختك ميته و معانا شهادة من المستشفي تثبت كدة اياك امك تعرف باللي هعمله دلوقتي والا اقسم بالله ادفنك زيها
و كمل حفر و نحمده بتترجي يسيب اختها لكن طه كان عبارة عن شيطان في صورة انسان بلا ضمير او قلب يعرف الرحمة ،،،،،،
ورجعو البيت وسعدية شافتهم من غير شمس صرخت باللي فاضل من صحتها وقالت
فين شمس
طه
شمس ماتت مني ودة تصريح دفن وشهادة وفاتها
ورمي التصريح في وش سعدية و بصت له نحمده وهي بتقول ل نفسها وعماله تعيط
ازاي ابويا بالقسوة دي
سعدية كانت بتعرف تفك الخط يعني بتقراء علي بسيط وقرات المكتوب في شهادة الوفاء وتصريح الدفن وعيطت وقالت
وهي فين شمس دلوقتي
طه
دفنتها هرجع بيها ليه علي هنا
سعدية
دفنتها من غير ما اشوفها
طه بص لكريمة اللي نايمة جنب امها
عدنك نسخة تاني منها ابقي ملي عيونك منها. انا داخل انام
ودخل اوضة وقفل علي نفسه و نحمده واقفة مرعوبه منه ومش قادرة تسامح نفسها وامها بتعيط وبتقول
لله الامر من قبل ومن بعد. مش هتتعز علي اللي خلقها
نحمده استغلت ان امها بتغير ل كريمة خرجت بسرعة من باب البيت وهي بتقول لنفسها
مش هخليها تموت لازم الحق اختي
و جريت ناحية الارض اللي مدفونه فيها شمس. وكانت معلمة الحفره بشجرة كبيرة مكتوب عليها كلام حب. بصيت قصاد الشجرة لقيت الحفرة فاضية و مافيهاش شمس اترعبت وما بقتش مصدقة عيونها، ،،،،،،،،،
الفصل التالي اضغط هنا
يتبع.. (رواية ارملة رجل حي) اضغط على اسم الرواية لتجد الفهرس كاملاً بجميع الفصول.