رواية ارملة رجل حي – الفصل الحادي عشر
بصيت كريمة لجثث عيالها الثلاثة ومع بصتها دي صرخت ومع صراخها فتحت عيونها ولقيت باب الاوضة بيتكسر ودخلت نيرة هنا فهمت كريمة ان اللي شافته دة ما حصلش وانها كانت بتتخيل لان لسة عيالها في طهرها وبصت ناحية نيرة اللي كانت بتقول
انتي بقي الزفته كريمة
كريمة وهي بتترعش من الخوف
انتي مين وعايزا مني اية
نيرة
مش لازم تعرفي انا مين ولو عايزا تعيشي ابعدي عن بركات
كريمة
انا عمري ما كنت عايزا اكون قريبه منه لكن هو اللي خاطفني وجابني هنا انا وعيالي
نيرة
وانا بقي مختومة علي قفايا وهصدق الهرتله دي
كريمة
والله دة اللي حصل
نيرة
طيب خدي عيالك وغوري في اي مكان ما يقدرش يوصلك في لكن لو عرفت انه وصلك هحرمك من عيالك الثلاثة فاهمة.
كريمة
فاهمة بس خليني امشي انا وعيالي والنبي
نيرة رمت في وشها الف جنية وقالت
خلي الفلوس دي معاكي علشان تعرفي تركبي وتغوري من هنا
خدت كريمة الفلوس ماهي فعلا محتاجها وخدت عيالها وخرجت من القصر وهي بتعدي وسط حراس الامن اللي واقعين علي الارض وبدوس هي وعيالها برجليها في الدم ،،،،،،،،،،،
ارملة رجل حي
من تاليفي
محمد منصور
**منص**
وقبل ما نبدأ نوحد الله ونصلي علي خير خلق الله سيدنا محمد.
اللهم صل وسلم علي محمد صلاة تحل بيها العقد وتفك بيها الكرب
كريمة وعيالها ركبو عربية طلعتهم علي الطريق السريع ومن العربية دي لعربية تانية توديها رمسيس. وبمجرد ما ركبت العربية التانية وصل محمد في عربية اوبر وراح ناحية القصر ولقي البوابة مفتوحة وشاف الجثث علي الارض ومافيش اي اثر لاحد موجود في القصر وفعلا القصر كان فاضي لان نيرة مشيت هي واللي فاضل من رجالتها وبدا محمد ينادي باعلي صوته علي كريمة والرد كان السكوت،،،،،،،
بركات رجع القصر بتاعه وهو لسة ما يعرفش اي حاجة عن اللي حصل رغم ان وحيد مدير الامن اتصل بي كتير لكنه كان برة وموبيله في القصر ومسك بركات موبيله وشاف كمية الرنات ورساله صوتيه من وحيد فتح الرساله وسمع طلقات رصاص مع صوت وحيد بيقول
★الحقنا يا حج نيرة هنا ومعاها رجاله وحاولت تدخل القوة ولما منعتها الرجاله بداو يضربو علينا نار و★
لكن خلصت الرسالة اتصل بركات بوحيد لكنه الموبيل كان مقفول دخل علي تطبيق يمكنه من انه يشوف القصر بكاميرات المراقبة ويراجع اللي اتسجل كمان وشاف اللي حصل وشاف كريمة وهي بتهرب بعيالها. ومع مراجعه للفيديوهات دخلت عليه نيرة وهي مبتسمة بصت له وقالت
عرفت باللي انا عملته
بركات رمي الموبيل علي الارض و قام راح ناحيتها وقال وهو متعصب
انتي غبيه و غباءك زاد عن الحد بوظتي كل اللي كنت بخطط له
نيرة بثبات انفعالي رهيب رغم انفعال ابوها
زعلانه اوي اني ضيعت عليك الجوازة
بركات
جوازة اية. اللي كانت في القصر دي هي سبب جنان اخويا اسامة ورميته في المستشفي بعد ما خطفت عياله منه ومليون جنيه وهربت كان لازم تدفع الثمن
نيرة
ما تفوق بقي من الوهم دة عمي اسامة اتجنن بسبب الكمياء والمخدرات اللي كان بياخدها عمال علي بطال مش بسبب مراة سابته انت اللي بدور عند كريمة علي اللي اتحرمت منها. ام شعر اصفر وعيون خضراء بنت بياع العيش. في الموسكي
بركات مسك ذراعتها الاثنين بمنتهي القوة وبص في عيونها اوي وقال
نفس سواد وغباء امك كانت بترضعك الجحود. وعلشان كدة طلعتي نسخة منها لكن اقسم برب الكعبه ل خليكي تدفعي ثمن اللي عملتي دة غالي اوي
نيرة قدرت تفلت من مسكته وقالت
اعلي ما في خيلك اركبه ولو قربت من اليت دي تاني انا هقتلها واقتل عيالها. وهحجر عليك لانك قربت تبقي زي عمي ومحتاج تكون مع في نفس المستشفي
وسابته ومشيت وهو قعد ماكنش قادر يفكر بقي زي المشلول لكنه مسك موبيله واتصل بالبوليس وقال
عايز ابلغ عن بنتي
وسكت شوية وبعدها قال
خديت رجاله وقتلت امن في القصر بتاعي
وسكت شوية وبعدها قال
اسمها نيرة بركات فواز،،،،،،،،،
ومن رمسيس كانت كريمة قاعدة في الميدان علي الرصيف وجنب منها عيالها مش عارفه تروح بيهم فين فقالت لها عفاف
وبعدين هنفضل قاعدين كدة
كريمة
ما اعرفش اروح بيكم فين
حامد
تعالي نرجع بيتنا
صباح
نرجع والست المجنونه اللي معاها مسدس تقتلنا
وبعدها بصيت صباح ل كريمة وقالت
ماما هي لية قالت كدة اية اللي بينك وبينها يخليها تقول كدة
بصت لها كريمة وفضلت ساكتة فقالت عفاف
هتخاف تقول لك لبعدين تصغر في نظرنا اكتر ما هي صغيرة
الكلمة وجعت كريمة اللي بصت ل بنتها عفاف ونزلت دموعها فقالت عفاف
م كفاية عياط بقي مش كل ما اقول الحقيقية تعيطي
كريمة
انا بعيط علشان غلط وما عملتش حساب يوم زي دة بس والله العظيم كل مرة كنت بوافق ابوكم فيها علي اي حاجة غلط كنت بموت بعدها ميت مرة انا ما كنتش عايزا اي حاجة منه غير انه يسبني اربيكم كويس
عفاف
ملهوش لزوم دلوقتي يا كريمة الكلام دة وشوفي هنروح فين ما احنا مش هنفضل واقفين في الشارع كدة
كريمة
كريمة. ما بقاش ينفع تقولي ماما معلش نفوق من اللي احنا في دة وبعدين نتكلم.
وقامت كريمة وقفت فقالت صباح
رايحة فين
كريمة
عند الكشك اللي هناك دة علشان اتصل باختي نحمده تفكر معايا ينفع اروح فين،،،،
راحت كريمة لغاية الكشك ورجعت و قعدت تاني علي الرصيف وقالت صباح
كلمتي خالتي
كريمة
اة كلمتها وهي جاية في السكة
وبعدها ب حوالي ساعة جت نحمده و بصت ل كريمة
و البهدلة اللي هي فيها ولسة هتاخدها في الحضن بعديت عنها نحمده وقالت
انا جاية علشان اخد العيال لكن انتي بعد اللي كنتي عايزا تعملي فيا حد الله بيني وبينك
استغربت كريمة وقالت
نحمده انتي بتقولي اية
نحمده
انا عارفه ان انتي مريضة بالصرع ولما بتجي لك الحاله بتبقي واحدة تانية لكن انا اخاف علي العيال من شرك ومن نفسك علشان كدة اتصلت بيهم
كريمة لسة مصدومة وقالت
بمين يا نحمده
نحمده بصيت وراء كريمة اللي لفة علشان تشوف نحمده بتبص علي اية لقيت تويوتا سقف عالي تبع الحكومة نزل منها اثنين. وكل واحد مسك كريمة من ذراع وصرخت كريمة وهي بتبص لعيالها وبتقول
عايزين مني. انت ما عملتش حاجة
واحد من الاثنين قاله
قتلتي جوزك وتقولي انا عملت اية
بصيت كريمة لنحمدة وهما بيسحبوها ناحية العربية وقالت
نحمده قولهم انا ماعملتش كدة نحمده ما تخلهمش ياخدوني دة انا اختك
ونزلت دموع كريمة علي الارض وولادها عايزين يجروا ناحيتها لكن نحمده منعتهم لانها خايفة عليهم وعفاف بصيت ل امها. وقلبها عيط وكريمة بتصرخ وبتقول
انا ما قتلتش حد. انا برئية والله العظيم ما قتلت حد
واتقفل باب العربيه وكريمة بتبص من ازازها علي عيالها وبتحاول تنزلهم لكنها ما كانتش عارفه و اتحركت العربيه،،،،،،،،،،،
بعدها بكام ساعة ووقت ما كانت كريمة قاعدة في القسم متكلبشة لقيت قصاد منها واحدة منقبه بتبص لها بشماته وبتقول
ما تعرفيش انا فرحانه قد اية يا بنت طه
كريمة بصيت لها وقالت
انتي مين
رفعت النقاب وشافت كريمة واحدة شبها طبق الاصل اتصدمت كريمة و المنقبه دي قالت
انا شمس اللي هتبقي كريمة مكانك
وضحكت بخبث شديد ونزلت النقاب ومشيت وكريمة ما كانتش فاهمة اية اللي بيحصل،،،،،
الفصل التالي اضغط هنا
يتبع.. (رواية ارملة رجل حي) اضغط على اسم الرواية لتجد الفهرس كاملاً بجميع الفصول.