ولنا في الخيال حب “تميم ونور” الحكاية السادسة 6 – بقلم ملك ابراهيم
_إنتِ إتجننتي يا ملك! عاوزة تنـ.ـتحري وتمـ.ـوتي زي الناس إللي معندهاش دين ولا تعرف ربنا.
ملك كانت قاعدة جنبها وهي ضامة رجليها بإيديها ودموعها بتنزل في صمت، مش لاقية كلام تقوله لكن ردت عليها وقالتلها:-
_الدِنيا بقت بالنسبالي قد الفجوة إللي في إبرة الخيط، مبقتش قادرة يا نور عدىٰ عليا وقت طويل وأنا ببادر لـ إللي حواليا جه الوقت إللي بقيت أحس فيه، لا أتيقن إن الحياة دي متنفعنيش.
_وربنا هتقوليله إي؟!هتقوليله إي بجد يا ملك اديني جواب أقتنع بيه؟!.
_هيرحمني ويدخلني الجنة علشان عارف وشايف إللي بمُر بيه.
نور مقدرتش تمسِك نفسها، قامت ومسكتها من شعرها وضربـ.ـتها بالقلم وهي بتعلي صوتها وبتقولها:-
_وإنتي فاكرة لما تمـ.ـوتي كافـ.ـرة هيغفرلك، هتدخلي النـ.ـار علشان هي مكانك الوحيد إنتي وكل إللي يفكر فيكِ.
سابت إيديها وهي بتبعدها وبتقولها بصوت أعلىٰ:-
_خلاص إنتي عقلك فوِت يملك.
وفجأة بتلاقي باب الأوضه بيتفتح ووالدها ووالدتها بيدخلوا علىٰ الصوت، وبتتكلم والدتها وبتقول:-
_فيه إيه يا نور! إيه الصوت العالي دا.
_لا عالي ولا واطي بنتك إتجنـ.ـنت خلاص، علشان واحد مش راجل خانها وسابها والناس بيتكلموا عليها دلوقتي بقت عاوزة تنتـ.ـحر وبتقولها بكل بساطة إن ربنا هيغفرلها علشان هي تعبانة، إنتم معرفتوش تربوها.
وفجأة لقت أبوها بيضربها بالقـ.ـلم وهو بيقولها بعصبية:-
_أخرسـ.ـي يا قليلـ.ـة الأدب شكل إنتي إللي إتجننتـ.ـي لما تكلمي أبوكي وأمك بالشكل دا، يا تقعدي جوا البيت دا بإحترام يا تمشي تروحي بيت جوزك.
بصت ليهم والدموع نزلت من عينيها، وأخدت شنطتها وطلعت برا الأوضه والبيت كله وقعدت علىٰ السلم، كانت بتعيط هيَ غلطت في حق أختها بس من زعلها عليها، حطت راسها بين ايديها وهي بين نـ.ـارين تطلع تاني وتعتذر لأهلها ولا تروح لبيتها.
_نور حبيبتي، إيه إللي مقعدك كدة وبتعيطي ليه.
رفعت راسها وهي بتشوفه، حبيب عُمرها وأيامها، قامت على طول وهيَ بتحضنه وبتعيط أكتر وأكتر.
قعد تميم يهدي فيها لحد ما هديت خالص، وبدأ يتكلم معاها ولما بدأت نور تحكي ليه إللي حصل سمعها بإنصات شديد من أول حرف لحد آخر حرف، وأول ما خلصت بدأ يتكلم معاها بهدوء ويقولها:-
_حكيتي ليا من أول حرف لأخر حرف، وسمعتك وجه الوقت أرد عليكِ إنتي غلطانة فعلًا بنفس غلط ملك، لكن غلطتي بحقها جامد ينور، كان لازم تنصحيها أختك دلوقتي جوا صدمة كبيرة وأسلم حل لازم تحتويها مش تكوني ضددها وتعنفيـ.ـها، صح ولا غلط؟!.
_إنتَ صح بس زعلت منها، ومن ضعف إيمانها يا تميم.
_يالا نطلع تصالحيها وتصالحي أهلك يا نور، مهما روحتي ولا جيتي ملكيش غيرهم وهما وأنا عزوتك في الدنيا.
وفعلًا نور سمعت كلامه وطلعت معاه وصالحت أهلها ودخلت لملك، وفعلًا إتراضت وقالت ليها:-
_القلم إللي إديتيه ليا فوقني يا نور، إنتي بالنسبالي أجمل أُخت في الدِنيا كلها.
ونور حضنتها وهي بتقولها بكل حب:-
_إنتي حبيبتي يا عبيطـ.ـة إنتي أغلى من أغلى أي حاجه عندي.
_طب يالا هوديكم مكان كان نفسكم تروحوه قبل كدة.
_فين؟!.
_تعالوا بس.
_____________________
_تلج! الله شوفتي يا ملك كل التلج دا، المكان دا غريب وأول مره أشوفه!.
_المكان دا لما قولتيلي نفسك تروحي مكان فيه تلج لقيته صدفة، وقولت لا لازم نور حبيبة عيوني تكون فيه وتلعب براحتها.
_طب وأنا يا تميم، أنا أخت مراتك يعني تعاملني كويس هه.
_إمشي يا بت من هنا أنا جايبك علشان مراتي بتحبك مش أكتر ولا أقل.
_عاجبك كدة يا نور؟!.
_تصدقي لا، عنده حق إمشي يا بت من هنا وخلي المصور دا يصورنا لوحدنا أنا وتميم.
_طب وأنا يا نور؟!.
_يالا من هنا علىٰ رأي المثل بلا نور بلا خالوا بلا مالوا إبعدي.
وأخدوا أجمل صورة مع بعض للذكرىٰ، وفضلت ملك واقفه لوحدها وهيَ بتبص ليهم وبتقول:-
_يارب تقعي جوا التلج تسيحي معاه يا نور يا بنت أم نور، وإنت يا تميم يا إبن أم تميم تتخبط في صباع رجليك الصغير.
بصت ليها نور بغيظ وطلعت تجري وراها وفضلوا يحدفوا بعض بالتلج ويلعبوا وتميم بيتفرج عليهم وهو مبسوط وبيقول في سره:-
_هفضل مبسوط طول ما شايفك يا نور مبسوطة، وهكون ديمًا سبب الضحكة إللي بتظهر دي، بحبك ينور يا كل ما ليا بالحياة.
•تفتكروا نور كانت غلطانه في تقديم النصيحة لأختها ولالا؟! شاركوني رأيكم!.
الحكاية السابعة اضغط هنا
يتبع.. (ولنا في الخيال حب “تميم ونور”) اضغط على اسم الرواية لتجد الفهرس كاملاً بجميع الفصول.