رواية ملاكي الحارس الجزء الثاني 2 الفصل السادس عشر 16 – بقلم نهله جمال

رواية ملاكي الحارس 2 part 16

أصبح العالم قاسي بشكل لا يوصف ، أعتقد أنه قد حان الوقت لإختبيء داخل قلبك

إستيقظت بيرلا على ذلك الصوت ( أي حاجه قديمه غساله قظيمه تلاجه قديمه كتب قديمه للبيااااااااع )

( يا بتاااع الخزييييين يا بصااال حلوه ومسكره يا قووووطه )

أزالت معصم العين من عيناها وهي قلبها يخفق بقوه ثم ضربت فؤاد عدة ضربات على يده حتى يستيقظ

بيرلا : بيبي ، قوم ، فؤااد

قام فؤاد بضيق قائلآ : مالك بتصحيني ليه

بيرلا : انت مش سااامع ! يعني كل الأصوات دي مصحتكش !

فؤاد : طب يا بيرلا أعمل ايه انا حرام نايم

بيرلا : خليك نايم انا جسمي مكسر هقوم أخد شاور

♡ في غرفة هشام ♡

كانت جانيت تقف على النافذه بينما هشام يرتدي ملابسه ، تنظر للشارع والماره بتعجب وهي ترى تلك السيده تقوم بعصر الملابس وإلقاء المياه في الشارع

هشام : في حاجه يا حبيبتي ؟

جانيت وهي تكاد أن تبكي : هشام انا جعانه أوي انا عايزه بان كيك عسل

هشام : حاضر هنزل اجيب فطار اهو

جانيت : خلي بالك من نفسك بليز وخد جيمي معاك

هشام : هاخد غؤاد بقى لإن جيمي فتح محل التصاميم بتاعه تحت البيت

جانيت بسعاده : بجد ! خطوه ممتازه ، جيمي مبيحبش الكسل

هشام : ممم ربنا يوفقه بس ومتحصلش مشاكل

عقدت حاجبيها بإستغراب ثم قالت : مش فاهمه

اقترب منها هشام وقبلها ثم قال : مش لازم يا حبيبي خشي خدي شاور لحد ما اجيب الفطار

جانيت : اوك يا بيبي

وقبل ان يخرج هشام من الغرفه استمعوا ألى صوت بيرلا وهي تصرخ بقوه

خرج هشام ركضآ وهو يمسك بسلاحه متجهآ إلى غرفة بيرلا وما ان دخل هو وجانيت حتى وجدوا بيرلا معلقه على عنق فؤاد وهي تصرخ ومفزوعه

هشام : في اييه ؟

بيرلا : صرصااااار

فؤاد : طب اهدي بس اهدي

جانيت برعب : متضربهوش بليز لا يكون بيطير

وضع هشام السلاح في جانبه ثم قتل الصرصار بخشبه مستنظه على الحائط وقال : هننزل أنا وفؤاد نجيب حجات للبيت اكل ومستلزمات ، جيمي جابلكم منظفات ومبيدات عليكم انتوا يا مدامات يا حلوين تخلوا البيت دا بيلمع ، وروني نظافتكم

جانيت : حاضر يا حبيبي بس هناخد وقت

هشام : خدوا راحتكم لحد ما نرجع

خلعت جانيت رداء النوم وبقيت بالشورت والبلوزه القصيره ف نظر لها هشام قائلآ : انا كدا مش همشي

بيرلا وهي تربط شعرها : لا هتمشو وهتجيبولي قرص الفوار بتاعي عشان معدتي تعبانه ، يلا

فؤاد : قرص الفوار غلط على الحمل ، بس الحركه مفيده للحوامل ف نضفوا كويس

أمسك هشام يد جانيت وقبلها قائلآ : ميهونش عليا الايد الحلوه دي تتعب بس لازم يا حبيبي

جانيت : متقلقش يا روحي

بيرلا بصدمه : الولاااد فين !!!

هشام : الولاد راحوا عند ست أمينه متقلقوش دا ضروري عشان يبقوا في أمان ووقت ما تحبوا تشوفوهم هنوديكم

خرج فؤاد برفقة هشام ف بدأت كلآ من جانيت وبيرلا بالتنظيف حتى استيقظت مارال وانضمت اليهم

♡ في متجر الخياطه الخاص بجيمي ♡

كان يمسك بالمقياس وهو يقف أمام قطعة القماش الغاليه التي احضرها معه من البندقيه حتى دخلت عليه سيده بدينه تربط رأسها بقماشه مهترئه وتمسك بيدها قماشه لن يستخدمها جيمي في مسح زجاج سيارته قائله : سلامو عليكو يخوياا

جيمي : excuse me ?

السيده : دا ايه النصيبه السودا دي ؟ هو انت خواجه

جيمي وهو يزيح المقياس عن عنقه : لا انا مش زفت ، اؤمريني يا هانم

السيده : هيهيهيييي من زمان مسمعتهاش دا حتى المنيل على عينه سيد مقلهاليش يخربيت لسانك بينقط سكر

نظر لها جيمي بغيظ قائلآ : ايه اللي في ايدك دا

السيده : اصل سيد جوزي جاله البواسير من يومين وعمل العمليه وانا عاوزه اجبله هدمه نضيفه يلبسها عشان الجرح ميتلوثش ، خد الحته دي فصلهالي لباسين

نظر جيمي بصدمه للقماشه ووجد السيده تضع يدها في صدرها ف وضع يده على عينه حتى أخرجت خمس جنيهات مهترئه وقالت وهي تقبلهم : ودول من تحت الحساب

جيمي بغضب : انا مش هاخد البتاع اللي طلعتيها من المخبأ بتاعك دي ! ويعني ايه لباسين ؟

السيده : هق مش عارف يعني ايه لباسين ؟ يعني هدوم داخليه يعنيا عشان الراجل عامل البواسير

جيمي : اخرسي ! ايه القرف دا اتفضلي من غير مطرود

السيده : يعنييي اييييه مش هتاخد القماشه ؟

جيمي : انتي عماله تقولي قماشه قماشه هي فين القماشه

السيده : ما هي قدامك اهي

جيمي : دي انا ممسحش بيها جزمتي

السيده : انت عمال تبيع وتشتري في اللي جابوني كدا ليه جتك نيله وانت عامل زي تمثال الخواجه

جيمي : لولا اني مش بمد ايدي على ستات كنت هزقتك ، اخرجي براااا

خرجت السيده ف حاول جيمي التقاط انفاسه ليتمالك أعصابه

♡ في سوق مصر العام ♡

فؤاد : اطيد مش هنشتري خضار من هنا

هشام من خلف نظارته الشمسيه : بناخد فكره بس

فؤاد : بطني وجعاني وفي كائنات سودا لزجه بتلزق في وشي

هشام بهمس : دي حشره طائره اسمها الذباب

فؤاد بصوت مرتفع : اييييه

هشام : ششش دي مش مؤذيه حاول تتجاهلها

اقترب هشام من بائعه ثم قال : بونجور يا مودموزيل ، بكام الطماطم

الفتاه البائعه : يالهوووي انت ازاي كدا

هشام برفعة حاجب : أفندم ؟

الفتاه بصوت عال : بت تعالي الممثلين بتوع فيلم امبارح اللي جه في التلافزيون اهمم

فؤاد : هي مريضه ولا ايه

هشام : هتقولي سعر الطماطم ولا لا ؟

الفتاه : انتوا جايين منين دا عندنا احلى طماطم بالصلاه ع النبي ، يالهوي ع الحلاوه والعيون العسلي والريحه الحلوه اوي دي

جاء رجل يده ملوثه بماء السمك ليضع يده على كتف فؤاد ويقترب منه ليأخذ معه سيلفي

اقترب فؤاد وهمس في أذن هشام : خرجنا من هنا بسرعه !