رواية ملاكي الحارس الجزء الثاني 2 الفصل السابع عشر 17 – بقلم نهله جمال

رواية ملاكي الحارس2 part 17

نحن فقط ننتظر العوده إلى الديار ، لنلمس قبور من نحب وننعم بسلام مدينة البندقيه وسحرها

إنتهت جانيت وبيرلا ومارال من تنظيف المنزل بإرهاق ثم دخلت كلآ منهن الى غرفتها بسرعه قبل عودة أزواجهم ، وبينما مارال تجلس لتصفف شعرها وجدت جيمي يدخل الغرفه بإرهاق وضيق ف قالت : مالك يا حبيبي حصل حاجه في الشغل ؟

جيمي وهو يخلع قبعته : قولي محصلش حاجه ! أنا مش مصدق إزاي يهينوا مصمم أزياء عبقري زيي بالطريقه دي !

مارال بتعجب : هانوك إزاي !

جيمي وهو يجلس : واحده جيبالي قماشه حقيره وتقولي فصلها لباسين !

وضعت مارال يدها على فمها وهي تقول : معقول دا ؟

جيمي : تخيلي ؟

مارال: طيب إهدى حبيبي بس

جيمي : مش ههدى ؟ فين هشام بيه صاحب الفكره العبقريه بتاعت نزولنا لمصر !

مارال : راح السوق مع فؤاد يجيبوا حجات للبيت

جيمي : هه طبعآ ماهو فاضي

مارال : وطي صوتك عشان جانيت وبيرلا بيلبسوا

جيمي وهو يفتح ذراعيه : أنا محتاج حضن ! محتاج أشم ريحتك عشان أحس إني لسه في البندقيه فعلآ

إقتربت منه مارال وهي تبتسم ثم ألقت نفسها بين ذراعيه ف احتضنها بقوه قائلآ : كإني كنت مستني الوقت يخلص عشان بس أجيلك وأحس الآحساس دا

* في غرفة جانيت *

كانت تضع المرطب على جسدها قبل أن يدق الباب ف تأففت قائله : بيرلا إفتحي الباب

بيرلااا !!

قامت على مضض وشعرها منسدل على ظهرها ثم فتحت باب الشقه ف وجدت سيده تقف وتحمل رضيعها : لامؤاخذه ياختي جتلك على غفله

جانيت وهي تنظر لها وللطفل الذي انفطر قلبه بكاء : مفيش مشكله اتفضلي ؟

السيده : معلش ياختي انا وشي منك في الأرض

نظرت جانيت في الأض وهي تبحث عن شيء ما ف قالت السيده : مالك ؟

جانيت ببراءه وطبيعيه : بدور على وشك في الأرض

السيده : هيهيي والنبي ضحكتيني ، أنا أصلي رايحه أجيب النفقه بتاعتي ومش عارفه أسيب الواد مع مين ف الله يسترك تخليه معاكي اصل عمال يعيط

جانيت : هاتيه كدا

أعطتها السيده الطفل ف قالت جانيت : فين البيبرونه بتاعته ؟ وحجاته الشخصيه

السيده : انا مغيراله والبيبرونه اهي ، هو انتي مصريه ؟

جانيت : نص نص

السيده : طب ياختي هي مسافة نصف ساعه وهجيلك

أخذت جانيت الطفل وأغلقت الباب بينما خرجت بيرلا وهي تقول : في طفل بيعيط ايه الإزعاج دا

نظرت لجانيت وهي تحمل الطفل ثم قالت : ايه دا !

جانيت : دي جارتنا سابت إبنها معايا عشان تروح مشوار

بيرلا : والولد بيعيط كدا ليه ؟

جانيت : مش عارفه هحطه ناو اشوف ماله

وضعته جانيت على الفراش ثم خلعت ملابسه عنه لتجده يعاني من التهابات ف قالت : الست دي متخلفه دي ملبساه كفوله قماش ! دا لازم بامبرز طبي من الصيدليه ومرهم تسلخات حرام عليها

أخرجت جانيت بعض النقود من حقيبتها ثم جائت لتنزل ف قالت لبيرلا : اغسليه يا بيرلا كويس جدا وحطيله من الزيت بتاع جميله بنتي هتلاقيه في شنطتي هروح بس الصيدليه وهاجي فورآ

بيرلا : اوك متتأخريش

نزلت جانيت ولم تكف عن سماع تلك العاكسات والمضايقات :ولكنها تجاهلتهم جميعآ حتى وصلت إلى الصيدليه وما أن دخلت حتى قالت : من فضلك عايزه بامبرز أنضف نوع مش مهم فلوس كمان محتاجه كريم لإلتهابات الأطفال يكون كويس جدآ ولو في القطن الطبي كمان

الصيدلي بإستظراف : دا لأخوكي مش كدا ،؟ هو انتي من هنا أصل الجمال دا مش بيورد على مصر

نظرت له جانيت بإستحقار قائله : الفلوس اهي عاوزه الحاجه عشان امشي !

الصيدلي : حاضر بالراحه ، الحاجه أهي يا ست

إلتقطت جانيت الحقيبه ثم نظرت له قائله : ياريت تركز في شغلك بعد كدا لان خصوصيات الناس حاجه متخصكش

ثم سارت مبتعده حتى وصلت لمدخل البنايه ف صعدت فورآ

* في حمام الشقه *

كانت بيرلا تحممه بهدوء ولكن الطفل كان يبكي ف ما أن دخلت جانيت حتى قالت : يلا جيبتله الحاجه

بيرلا : الست دي إزاي عامله كدا في ابنها حقيقي طفل مش هيستحمل !

جانيت : هي همها الفلوس اللي هتيجي من طليقها تقريبآ ، نوع مقزز من الستات

* بعد مرور ساعتين *

كان هشان قد عاد وأخذ حمامآ دافئآ وما أن دخل غرفته حتى وجد جانيت تحمل الطفل النائم في سلام وقد هدأ تمامآ ولانت ملامحه

هشام : إنتي ملاك

جانيت : كان بيعيط كتير جدآ مخانش عليا اسيبه كدا أخذ هشام الطفل منها ووضعه على الفراش بينما حمل جانيت ووضعها عليه وهو يقبل عنقها بهدوء أما خصلات شعرها ف يزيحها جانبآ وهي تضحك

تك تك تك

صوت طرق على باب غرفتهم جعل هشام يقول بغضب : نعم !

جيمي : مستنيينكم في الصاله في موضوع مهم هنتكلم فيه

هشام : البني ادم دا مش هيسكت !

جانيت : معلش حبيبي خلينا نشوف عاوز ايه بليز من غير عصبيه

* في الصاله *

تجمعوا ليبدآ جيمي حديثه قائلآ : مش دي فكرتك يا مسيو هشام ، ننزل مصر ؟ وبعدين ! هنعيش هنا بعيد عن بلادنا وأولادنا ؟

أشعل هشام سيجاره ثم قال ببرود : ايه مشكلتك ؟

مارال : هشام من فضلك بلاش تستفزه ، هو حاليآ بيسألك

هشام : لازم نبعد عن عيون كريستوفر شويه ، قريب هنرجع البندقيه بس لازم أكلمكم عن الخطه الأول

فؤاد : خطة ايه ؟

هشام : تدمير المافيا ، ودا مش هيحصل غير لما نكون إحنا المافيا

نظروا جميعهم لبعضهم البعض ، محاولين فهم ما قاله هشام !

.

.