رواية آثار الحب – الفصل الرابع والعشرون
الفصل ٢٤
السلام عليكم ورحمة الله وبركاته ……
ازيكوا يا جماعه انا كان لازم انزل الفصل ده علشان كل حبايبى وبمناسبة انى نجحت🙊 نبدأ …….
اسر بغيره …. انتى مش حبيبت قلب حد انتى حبيبتى انا انا وبس
دانه وهى تقترب منه وتضم عنقه ….. حبيبى بيغير يا ولاد …
اسر وقد احتضنها أيضا بقوه …. طبعا لازم اغير انتى كل حاجه حلوه فى الدنيا ديه انتى الى حلتيلى حياتى
دانه وقد اغمضت عينيها من فرط هذه المشاعر والكلمات التى يذوب لها الحجر …. فهمهمت وقالت بصوت منخفض ….. وايه كمان
نظر لها على منظرها ذلك…….. دانه
دانه وقد غفت على كتفيه …. ابتسم على منظرها الطفولى ثم حملها ووضعها على الفراش ثم احكم الغطاء عليها ثم جهز حقائب السفر لأنهم سيغادرون فى الصباح ومن ثم ألقى نفسه بجانبه واخذها فى حضنه ثم قبلها وظل يتذكر كل الذى فات بينهم فهذه الصغيره جاءت وغيرت حياته….
فى الصباح استيقظ اسر من نومته نظر للساعه فكانت العاشره صباحا فيجب عليهم السفر الان فظل يطبطب على وجهها بهدوء حتى لاتفزع فى نومتها … دانه … وردتى يالا علشان الطريق طويل
دانه وقد فتحت عين واحده … صباح الخير حبيبى
اسر وقد ابتسم لها بحب …. صباح النور على وردتى الجميله ومن ثم اقترب منها وقبلها قبله خفيفه على شفتاها … ثم اردف .. يالا علشان تلحقى تجهزى
نهضت دانه من نومتها وقبلته على خده بسرعه ثم أسرعت على المرحاض
ابتسم اسر على جنونها الذى يعشقه ثم نهض لكى يتجهز ايضا …
وصل اسر ودانه الى البيت نزلت دانه سريعا من السياره واتجهت إلى باب المنزل فجاء اسر من ورائها وفتح باب المنزل وهو يضحك على جنونها ودخلت ووقف فى بهو المنزل وقالت …. يا قووم
ظل اسر يضحك بقوه على وردته المشاكسه فجاءت والدته عندما رأتهم جرت دانه عليها واحتضنتها بقوه ….. ماما
نادية بحنان اموى …. حبيبتى
دانه بسعاده …. وحشتينى اوى
نادية … وانتى اكتر يا حبيبت قلبى … جاء اسر من ورائها … وانا موحشتكيش يا ست الكل
احتضنته امه ايضا وظلت تقول له بحنان اموى … وحشتينى اوى يا حبيبى
دخلت نور وادم من باب المنزل وعندما رأت صديقتها واخوها …. عااااا
نظرت دانه ورائها….. نوررر
احتضنوا بعضهم بقوه اخويه … حتى جاء ادم من ورائها …كفايه يا بت دندون عايزه ترتاح
وضع اسر يده على كتف ادم …. اسمها دانه يا بأف انت
احتضنه ادم بدوره بقوه … وظل فى هذه السلامات وفى المساء فى غرفة دانه واسر …
دانه …. انا هروح لنور علشان اعرف كل حاجه حصلت فى غيابى
اسر ….. لا خليكى هنا
دانه وهى تحتضن عنقه …. بليز بليز اسر علشان نور وحشتنى اوى
اسر بنفاذ صبر …. ماشى يا دانه روحى بس ساعه وتيجى
دانه بسعاده … حبيبى يا اسوره وقبلته قبله سريعه من وجنته ثم اتجهت إلى الخارج
فى غرفة نور دخلت دانه بطريقه همجيه … احتضنت نور ثانيا وقالت لها … وحشتينى يا نونو
نور بدورها …. وانتى وحشتينى اكتر ..بس قوليلى بقا عملتى ايه انتى واخويا
دانه بخجل … معملناش حاجه …عادى يعنى
نور بنصف عين ….. لا والله عليا انا
دانه بنفاذ صبر…. يوووه يا نور اعترفلى بحبه
وقفت دانه على السرير وقالت بطريقه جنونيه … بجد والله اخويا اعترفلك بحبه
دانه بسعاده …. اه لا وشوفى الكبيره غنالى
نور …. بجد
اومأت دانه بقوه وهى تغمض عينيها … اه
نور بسعاده…. تعرفى ماما قالتلى أن اسر كان بيحب يغنى اوى وبيعزف كمان لكن جدى منعه من الحاجات ديه وفضل يعرفه الرجوله وأنها متنفعش تبقى بالمياصه ديه والكلام ده
حزنت دانه على تربية اسر الخطأ والقاسيه للغايه ثم ارادت ان تغير الموضوع …. المهم ايه اخبارك واخبار العيال قوليلى كل حاجه
سردت لها نور كل شئ معلق بخلود وشهد … فقالت لها دانه وهى تغمز …. وعملتى ايه مع يزيد
نور بتوتر ….. معملتش عادى
دانه ….. لخصى وقولى
نور وهى تتنهد ….. اديته فرصه يا دانه
صقفت دانه بسعاده ….. اهو ده الكلام بقا
نور …. استحاله اشوف الحب ده كله ومتعلقش بيه او مديلوش فرصه
دانه بإبتسامه …. انتى فعلا اخترتى الصح ومش عشان هو اخويا بس بجد قبل ما اتجوز اسر كان وجوده فى حياتى مطمنى كان بيخاف عليا كان احلى اخ فى الدنيا فأكيد هيبقى احلى زوج وحبيب فى الدنيا
ابتسمت نور على هذا الحديث وتأكدت انها سوف تعيش حياه سعيده ومطمئنه معه .
دانه بحماس …. المهم أن خطوبة شهد بعد بكره عايزين نجيب الفساتين
نور …. ماهى جابت الشبكه ومرضتش تجيب الفستان الا لما نكون كلنا مع بعض
دانه …. انا مبسطولها اوى انكوا لقيته نصكم التانى
نور …. وانا مبسوطه جدا أن بدأتى حياتك مع اسر بجد انا كنت متأكده على فكره ان اسر هيحبك
ابتسمت دانه وقالت لها …. بمناسبة بقا اسر انا لازم اروحله علشان هيقتلنى على التأخير ده
غمزت لها نور …. أه ياعم مش قادر يعد من غيرك بقا
اسرعت دانه الى غرفتها اما نور فجلست قليلا على الهاتف ثم إلى النوم .
فى صباح نتمنى أن يكون مشرق للجميع استيقظت خلود على صوت هاتفها ….. الو
ادم وهو يريد مناكشتها…. صباح الخير على الحلوه … حضرتك هتفضلى نايمه ولا ايه
خلود ……. وانت مالك
ادم بحده ….. اتكلمى عدل علشان مجلكيش اوريكى .
خلود …. هاه ابتدينا … بص علشان انا تعبانه ومش قادره انا هروح الجامعه وبعد كده هاجى الشغل
لم يركز ادم فى كل هذا إلا أنها تعبانه فقال بلهفه … طب متجيش الشغل علشان انتى تعبانه
ابتسمت خلود ثم غيرت صوتها للجديه … لا ده هو شوية صداع وهاخد مسكن وهيروح
ادم …. طيب خلى بالك من نفسك وابقى تعالى مع ليليان ونور
خلود … اوك يلا باى
اغلقت خلود الهاتف ووضعت فى محط قلبها وابتسمت على اهتمامه بها وخوفه عليها .
فى الجامعه …
التقوا البنات ببعضهم والان يجلسون مع بعضهم
شهد …. النهارده عايزين بعد الجامعه والشغل نروح نجيب الفساتين بقا
نور …. خلاص ابقى فوتى علينا يا دانه اودام الشركه واحنا ننزلك
شهد …. تمام كده
ذهبوا الفتايات الى الشركه بعد الجامعه فكان محمد واسر واقفين فى هذه الساعه أمام مدخل الشركه فخجلت شهد عندما رأت محمد وظلت تتحدث فى اى شئ حتى تخفى خجلها منه اما ادم فظل يتفحص وجه خلود خوفا عليها …..
دخلوا الفتايات الى الشركه وادم ومحمد يسيرون من خلفهم حتى وصلوا امام المكتب فقالت نور لادم … ادم انا عايزه اطلع من الشغل بدرى شويه علشان هنخرج شويه
ادم وهو ينظر لخلود ….. رايحين فين
ردت نور …. رايحين نجيب الفساتين
فأردف محمد ….شهد عايزك فى حاجه فى المكتب
اومأت شهد برأسه ومشيت ورأه حتى وصلت إلى المكتب ففتحه ودخل إلى المكتب وقال بحده …. وانتى بقا مكنتيش هتقوليلى ولا ايه هتروح من غير اذن
شهد بغضب من حدته لها …. فيه ايه منتا المفروض عارف انى لما دانه تيجى هنروح مع بعض نجيب الفستان
محمد بحده …. وانا بقا كيس جوافه تطلعى من الشغل وتروحى من غير متقوليلى
شهد وهى تحاول تهدئة نفسها…. الموضوع مش مستاهل كل الزعيق ده
محمد …. لا محتاج انتى مراتى ولازم تاخدى رأى فى كل كبيره وصغيره ثم قالت بصوت عالى … انتى فاهمه ولا لا … ثم أكمل حديثه .. ووالله يا شهد إذا جبتى فستان ضيق مش هيحصلك طيب
كل هذا والدموع تجمعت فى عينيها ولم تريد الرد لأنها إذا ردت سوف تنفطر فى العياط وهى لم تود أن تظهر أمامه بهذا الضعف ولكن فات الاوان فقد رأى الدموع فى عينيها ولكنه لم يريد الاعتراف لنفسه بأنه خطأ
فنظرت له نظرة عتاب فطرت قلبه الما عليها. .. وخرجت من المكتب وهى تمسح عينيها بملابسها بقوه حتى لا يظهر عليها البكاء أمام أصدقائها ..
فى الجناح الخاص بدانه واسر … تمسك دانه الهاتف …. الوو حبيبى
اسر بنبره هائمه …. وحشتينى اووى
دانه بإبتسامه ….. وانتا وحشتنى اووى اوى
اسر…. كلها كام ساعه وجايلك يا وردتى
دانه بتوتر ….. اسر انا هنزل النهارده مع اصحابى علشان نجيب الفساتين
اسر بضييق …. وهتروحوا لوحدكم
دانه محاولة إقناعه ….. هاخد السواق معايا وهفوت عليهم
اسر ولم يريد أن يحزنها …. خلاص ماشى بس اياك تتأخرى انتى ونور
دانه بسعاده عارمه …. حاضر هنيجى علطول والله بحبك
ابتسم اسر على طفولتها وقال …. بعشقك
فى المكتب تجلس شهد شارده ايعقل أن يغضب عليها كل مره بهذه الطريقه وهى الذى لم تكن تسمح لأحد مجرد ان يرفع صوته عليها فماذا يحدث لها ماذا يحدث
أنه الحب يا صديقتى :-😘💋💝
نور …. يالا علشان زمان دانه جايه
ليليان ….. يالا
نزلوا الفتايات أمام الشركه كل هذا ومحمد يقف ينظر من زجاج المكتب عليها وهى تسير بجانبهم حزينه للغاية وتحاول رسم الابتسامه على وجهها ….
فضرب يده على المكتب وقال …. غبى غبى
وصلت دانه امام الشركه كانوا الفتايات ينتظرونها ركبوا بدورهم ثم اتجهوا الى وجهتهم
فى محل الفساتين
دانه …. الله ده حلو اوى يا شهد
شهد وهى تنظر الى نفسها فى المرأه وتتخيل نفسها بجانبه .. وتتخيل ايضا معاملته لها وغضبه عليها
ليليان وهى تضع يدها امام وجهها …. هاه شوشو
شهد وقد فاقت على نفسها . .. هاه حلو حلو
نظرت لها دانه نظرات زات معنى فدانه دائما تستشعر كل ما يحدث فى داخل شهد وبالفعل فهمت أن شهد حزينه ولكن وضعت كل هذا جانبا الان …
نور …. خلاص يالا نحاسب
دفعوا البنات حق الفساتين الذى اشتروها ثم قالت دانه ….. تعالو نتعشى بقا فى المطعم ده شكله حلو اوى
دخلوا البنات الى هذا المطعم ثم طلبوا ما يريدونه تناولوا الطعام ثم ذهب كلا من ليليان وخلود ونور إلى المرحاض واستغلت ذلك دانه فهى تريد محادثة شهد
كان شهد تنظر أمامها بشرود فقالت دانه بهدوء … ايه الى حصل بينك وبين محمد
نظرت لها شهد بتوتر ….. مفيش حاجه
دانه وهى تمسك يديها بحنان …. قوليلى فيكى ايه يا شهد انتى اختى وانا متأكدة أن فيكى حاجه افتحى قلبك يا شهد
وكأن شهد كان تنتظر هذا الدعم فسردت عليها كل شئ والدموع تهطل من على وجهها فإبتسمت دانه …. بيغير يا شهد بيغير عليكى لدرجه انتى متتخيلهاش
شهد …. بس مش للدرجه ديه مكنش حصل حاجه لكل ده يعنى
دانه …. بصى الرجاله انواع فى واحد مش بيهمه حاجه وواحد بيغير علشان رجولته بس وفى واحد بيعشق وفى واحد بيبقى العاشق المتملك وده هو محمد بالظبط بيعشقك لدرجة التملك
ابتسمت شهد على هذا الحديث ايحبها لهذه الدرجه والى هذا الحد
قامت شهد من مكانها واحتضنتها بقوه … بجد من غيرك مكنتش عارفه اعمل ايه انتى دايما بتفهمينى فى كل حاجه انتى بجد اكتر من اختى
جاءوا الفتايات من ورائهم فقالت ليليان بمشاكسه …الله على الحنيه والحب يا ولاد
ابتسمت شهد وبدورها جميع الفتايات
فهم الاصدقاء .. الاصدقاء الحقيقيون الذى عند الجلوس معهم تنسى الحزن وتنسى الهم هؤلاء السعاده الذى تصنعها فى حياتك …❤💘
ذهبوا الفتايات كلا منهم إلى منزله ……
دخلت دانه الغرفه بهدوء رأت اسر يجلس على المكتب ينظر فى أوراق ما فتسحبت من ورائها ووقفت خلفه ثم احتضنته من الخلف وقالت له بحب …. وحشتنى
اسر وقد ابتسم على حديثها فاليوم لم يرها الا فى الصباح فقط قام من جلسته ثم احتضنتها بقوه وحملها من على الارض وقال ببحه رجوليه …. وحشتينى اوى
دانه وقد ابتسمت على هذا الحب الذى لم تتصور فى يوم ابدا أن يحدث لها ..
حملها اسر ووضعها على السرير ثم أخذ ينظر لها بخبث وهو يقترب …. فقالت ببحه خاصه بها … اسر
اسر …. هشش
ونزل على شفتيها يقبلها برقه ثم تحولت الرقه الى قوه قوة الحب الذى يحبها به …
😘😘😘😘😘😘😘😘
فى الصباح تستيقظ شهد على صوت هاتفها … الو
محمد …. بصى من البلكونه والبسى طرحه قبل ما تخرجى
اخذت شهد اى طرحه أمامها ثم خرجت إلى البلكونه فرأت محمد ………
عايزه تفاعل
ورأيكم
فى الروايه
بقلمى
/شهد خالد
الفصل التالي: اضغط هنا
يتبع.. (رواية آثار الحب) اضغط على اسم الرواية لتجد الفهرس كاملاً بجميع الفصول.