رواية حارة كرياكو الفصل الحادي عشر 11 – بقلم نهله جمال

رواية حارة كرياكو part 11

إنقلب السحر على الساحر

جلس كريم برفقة والدته في شقة نورسين مع والدها ووالدتها

قالت والدة نورسين : يابني اللي بتطلبه دا جواز ، يعني محتاج وقت وتعارف و ..

قاطعها كريم : لا هو من ناحية التعارف ف بنتك ماشاء الله انا عرفتها عز المعرفه أما للوقت ف بعد الجواز كله هيبقى كويس

نظر له والد نورسين ب ريبه ثم قال : إشمعنا دلوقتي طلبت تتجوزها برغم انها لسه عامله فضيحه تحت

صمت كريم قليلا ثم قال : دا الحل الوحيد عشان ارد إعتباري

والدة نورسين : وبنتي ذنبها ايه

والدة كريم بإنفعال : ذنبها انها مش متربيه وفضحت ابني

والد نورسين : طب ادونا وقت نفكر

قام كريم وقال بتهديد : دا تكفير ذنب مش طلب .. يعني ياريت نبدأ نجهز كله من دلوقتي

قامت والدة كريم وقالت : حسبنا الله ونعم الوكيل

ثم خرجت برفقة كريم ، جلست والدة نورسين بجانب والدها وقالت : وبعدين هنتصرف ازاي انت عارف بنتك طايشه

تنهد والد نورسين وقال : هي مش فاتحه صدرها للدنيا خليها تستحمل

والدة نورسين : ايوه بس دا جواز

والد نورسين : دا شرط الناس مقدرش ارفض ماليش عين ارفض

والدة نورسين : الله يسامحك يا بنتي ع الهم اللي احنا فيه

* في متجر نورسين *

كانت تجلس وهي تنظف الانتيكات جائها صبي القهوه يقول : أبله نورسين ابوكي عاوزك

تنهدت نورسين وهي تعلم ان والدها يريد ان يحدثها عما حدث

صعدت إلى البنايه بعد أغلقت المتجر ثم دخلت الشقه بمفتاحها

وجدت والدها ووالدتها يجلسون وهم ينظرون لها بغرابه

نورسين : بص يا بابا انا عايزه افهمك حاجه

والد نورسين : انا مش هعاتبك ع اللي عملتيه كفايه اللي هيجرالك ..

نورسين بإستغراب : هيجرى ايه يعني

والدة نورسين بسخريه : ولا حاجه يا عروسه

نورسين : عروسه !

والد نورسين بحزم : اخرسي ! مش عاوز ولا كلمه ! انا اقعد زي التلميذ ويتقالي حسبنا الله ومعرفتش تربي بنتك ، انا بقى موافق ع جوازتك منه

نورسين بخوف : من مين انا مش فاهمه

والدة نورسين : من كريم

نورسين : ايييه !!!

* في منزل همس *

كانت تستمع إلى أصوات عاليه في شقة نورسين ف قالت : لا مش قادره انا هروحلها

قالت والدتها بحزم : قطم رقبتك على صدرك انتي وهي

همس : وانا ذنبي ايه يا ماما؟

والدة همس : على طول تقعدوا مع بعض وتجهزوا مصايب للناس ، تستاهلوا كل اللي يجرالكم

همس : الصوت العالي بيتعب نفسية نورسين وهي ممكن تعتذرله ويروح يصالح خطيبته ونخلص

قامت والدة همس وقالت : فوق انكم بجحين عندكم برود اترزعي هتا مش هتروحي في حته

.

* في منزل كريم *

كان يجلس على فراشه ووالدته تجلس وتقول : البنت دي مش كويسه عشان تتجوزها ! الامور مبتتاخدش كدا

كريم بعنف : اهلها لو موافقوش والله ما هرحمها ..

دخل ايبو الغرفه وهو يقول : سيبينا لوحدنا يا مرات عمي

قامت والدة كريم وقالت : اقعد معاه هديه انا اول مره اشوف ابني متعصب كدا

خرجت واغلقت الباب ف قال ايبو : انت ايه يرضيك يا كريم

كريم بغضب : اتجوزها

ايبو : شايف ان دا الحل؟

كريم : اه

ايبو : وشعائر يا كريم ؟

كريم بألم : اتكسرت بسببها

ايبو : مش بسببها يا كريم شعائر كانت كدا كدا هتتكسر

كريم : ايه يعم اللي بتقوله دا ؟

ايبو : كانت كدا كدا هتتكسر عشان انت عمرك ما حبيتها ..

* في منزل نورسين *

انا مش موافقه ايه الهبل داا هو بمزاجه يحط شرط زفت زي دا

أمسكها والدها من شعرها وهو يقول : انتي عايزه تقللي من كرامته قدام حارة كرياكو كلها ومش عيزاه يطلب طلب زي دا ! دا حقه

نورسين بغضب : سيب شعري يا بابا من فضلك

والد نورسين : مفيش حل غير دا يا تروحي بنفسك تعتذري ! وتخليه يشرط شرط غير دا يا توافقي وانتي ساكته واي حاجه هيقولوها انا موافق عليها

إبتعدت نورسين عن والدها وهي تبكي ثم خرجت من شقتها متجهه الى شقة كريم وطرقت الباب

فتحت والدة كريم وقالت : ليكي عين تيجي لحد هنا ؟

نورسين ببكاء : عاوزه اكلم كريم لو سمحتي

والدة كريم : تكلميه في ايه ؟ انتي البعيده بجحه

جاء ايبو من خلف والدة كريم وقال : خليها تدخله

دخلت نورسين واتجهت الى غرفة كريم فتحتها ثم اغلقت الباب

وقف كريم عندما رأها ثم قال : تؤ ! من اولها بتعيطي ؟ امال اما يتقفل علينا باب شقه هتعملي ايه م اللي هعمله فيكي

نورسين : غير الشرط دا يا كريم احنا مينفعش نتجوز

كريم : ما انتي مشوفتيش الا المحترم ، بس الوش السافل هوريهولك بعد الجواز

نورسين : هتعمل ايه يعني انا مبتهددش

كريم : هو مش قادر احدد هعمل ايه بس هبهرك

.